<a href="https://kyzylorda-news.kz/">Kyzylorda-news.kz.</a>&nbsp;10 сәуірде Қазақстанның Қытайдағы Елшілігінің қолдауымен Шицзячжуан қаласынан (Хэбэй провинциясы) «Джек Ма» және «Alibaba» қорларынан медициналық қорғаныс құралдары Алматы қаласына жеткізілді, деп хабарлайды ҚР СІМ <a href="https://t.me/pressmfakz/5969">баспасөз қызметі</a>.
4,5 тонна гуманитарлық жүктің ішінде 500 мың түрлі медициналық маска, 5 мың қорғаныш костюм, 50 мың медициналық қолғап, сондай-ақ алыстан анықтайтын термометрлер бар.
Сонымен қатар, алдағы күндері аталмыш қорлар Қазақстанға СOVID-19 вирусын анықтайтын экспресс тестілерді және өкпені жасанды желдету аппараттарын жіберуді жоспарлап отыр.

Джек Ма Қазақстанға медициналық қорғаныс құралдарын жолдады

<a href="https://kyzylorda-news.kz/">Kyzylorda-news.kz.</a>&nbsp;Төтенше жағдай режимін қамтамасыз ету жөніндегі мемлекеттік комиссияның отырысында президент Қасым-Жомарт Тоқаев қазақ халқына ризашылығын білдірді.
Сонымен қатар Мемлекет басшысы карантин кезінде ел тұрғындарына қолдау көрсетіп жатқан мəдениет қайраткерлері мен қызметкерлеріне алғыс айтты.
«Осы мүмкіндікті пайдаланып, азаматтарға түсінгендері, шыдамдылық танытып, табанды болғандары үшін ризашылығымды білдіргім келеді. Сонымен қоса Мәдениет қайраткерлеріне жеке рақметімді жолдаймын. Олар сөзбен де, іспен де қазақ халқына көмектесіп жатыр. Бұл ретте «Карантиндегі жұлдыз» жалпыұлттық жобасының барысын ризашылықпен қадағалап отырмын. Бірегей, әрі пайдалы бастама», – деді Мемлекет басшысы.
Еліміздегі әр бір қызметкер ел басына күн туғанда шама-шарқынша зор қолдау білдіруде. Мұндай істен Сыр өңірінің өнерпаздары да қалыс қалған емес.
Аймақтағы әрбір шығармашылық ұжым қызметкерлері онлайн концерт өткізіп, карантинде үйде отырған халықтың көңілін көтеруге септігін тигізіп жатыр.
Сонымен қатар халқымызлың тарихи-мәдени мұрасын онлайн экскурция арқылы рухани кемелденуге шақыруда. Бұл да болса аз уақытқа халқымызға келген сынақты жеңіл өткізіп, қиындыққа мойымауға пайдасын тигізіп жатыр деп ойлаймын.
Бүгінде барша әлем жұртының жалғыз тілеуі де, тілегі де – жаны мен жақынының амандығы. Өкініштісі сол, бұл індет біздің аймақты да айналып өтпеді. Ендігі кезек, арбаны да сындырмай, өгізді де өлтірмей осынау сын сағатынан аман өту.
Осы тұста сабыр мен шыдамдылық, тәртіп пен төзімділік, береке мен бірлік бәрін жеңетінін естен шығармағанымыз абзал. 
Бұған дейінгі тәуелсіз тарихымыздың әр тармағына зер салсақ, ұйымшылдықпен талай белестерді бағындырғанымызға көз жеткізуге болады.
Ал бүгінгі төтенше жағдайда татулық таразысының теңселмеуі ең алдымен халықтың сабырлығы мен төзімділігіне байланысты болмақ. Біз біргеміз!
Үміт МЕДЕУОВА,
Қызылорда облыстық филормонияның әншісі, Қазақстан республикасының мәдениет қайраткері

Үміт Медеуова: Мемлекет басшысының сенімі үлкен қолдау берді

<a href="https://kyzylorda-news.kz/">Kyzylorda-news.kz.</a> Қызылорда облысының Махамбет ауылында орналасқан жылыжай кешенінде қияр өнімін жинау жұмыстары басталды.
Жергілікті жұмысшылар күніне орта есеппен 5-6 тонна өнім жинайды. Болашақта өндіріс көлемін күніне 10, ал жылына 1000 тоннаға дейін ұлғайту жоспарланып отыр.
Жылыжайдың жалпы аумағы 2 гектарды құрайды. Мұнда заманауи жабдықтар қолданылады. Өсіру процесі автоматтандырылған. Кешенде 30-дан аса адам тұрақты жұмыспен қамтылған.
Естеріңізге сала кетейік, “КазАгроМир” ЖШС жылыжай кешені өткен жылдың соңында пайдалануға берілген.
Жоба мемлекеттің қолдауымен жүзеге асырылды.
<img src="https://kyzylorda-news.kz/wp-content/uploads/2020/04/whatsapp-image-2020-04-10-at-22.49.35.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-10-at-22.49.35-1.jpeg" alt="" />

Қызылорда облысындағы жылыжай кешені алғашқы өнімін бере бастады

<a href="https://kyzylorda-news.kz/">Kyzylorda-news.kz.</a> Синоптиктердің болжауы бойынша сәуірдің 11-і күні Қазақстанның басым бөлігіне ауқымды антициклон ықпал етіп, күн ашық болады.
Кәсіпорын таратқан мәліметтерге қарағанда, республиканың оңтүстігі мен оңтүстік-шығысында оңтүстік циклонның ықпалымен жауын жауып, күн күркірейді.
Республиканың кейбір өңірлеріне тұман түседі. Алматы облысының бірқатар өңірінде түнде және таң ата тұман түсіп, күндіз Жалаңашкөл ауданында жел секундына 15-20 метр жылдамдықпен ұйтқиды.
Түркістан, күндіз Қызылорда, Жамбыл облыстарының кей жерлерінде жел 15-20 метр жылдамдықпен ұйтқиды, Жамбыл облысында күн күркірейді.
Қостанай, Қарағанды, түнде және таң ата Солтүстік Қазақстан, Шығыс Қазақстан, Ақмола облыстарының бірқатар аумағында тұман түседі.

Ауа райы: Қызылорда облысында жел жылдамдығы артады

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 116 адамға жетті. Бүгін соңғы тәулікте жаңадан анықталған 12 жағдайдың мән-жайын облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте айтып берді.
<blockquote>
 «Қазіргі таңда Қызылорда облысында коронавирустық инфекцияны жұқтырған 116 жағдай тіркелді. Соңғы тәулікте жаңадан 12 жағдай анықталды. Оның тоғызы – Сырдария, екеуі – Арал, біреуі – Қазалы ауданынан анықталып отыр. Сырдария және Арал аудандарында тіркелген науқастар бұрын анықталған науқастармен қарым-қатынаста болып, карантинге оқшауланған еді. Жаңа ошақ – Қазалы ауданының Майдакөл ауылында тіркеліп отыр. Бұл азамат аталған ауылға Нұр-Сұлтан қаласынан келген. Осы науқастардың барлығы жұқпалы аурулар ауруханасына ауыстырылып, тиісті емдерін қабылдауды бастады», – деді Жақсылық Абдусаметов.
</blockquote>
Оның айтуынша, облысымыздағы жұқпалы аурулар ауруханасында – 116 адам, правизорлық стационарда – 47, карантинде – 458 адам ем қабылдап жатыр. Барлығының жағдайы қанағаттанарлық.
Ал, Covid-19 індетін жұқтырған өңірдегі 116 науқаспен байланыста болғандардың жалпы саны – 1227.&nbsp;Оның ішінде, жақын қарым-қатынаста болғандар саны – 606, потенциалды байланыста болғандар – 621 адамды құрап отыр. Бүгінгі таңда барлығы бақылауға алынып, оқшауланған.
Басқарма басшысы атап өткендей, Қызылорда облысына қауіптілік деңгейі 1 (Б) елдерінен 100 адам келген. Оның бесеуі – стационарда, 95 – үй жағдайындағы карантинде бақылауда.
Брифингте Жақсылық Әбілқасымұлы мәлімдегендей, Сырдария ауданының Амангелді ауылынадағы 9 науқас – алдында анықталған науқаспен қарым-қатынаста болған. Осыған байланысты Амангелді ауылына қатаң карантин жағдайы енгізіліп, ауылдағы тұрғындардың бір-бірімен араласуы шектелген.
<blockquote>
 «Енді осы шектеу мәселелеріне келетін болсақ, қазіргі таңда Шиелі ауданының Қодаманов, Бала би, Сырдария ауданының Амангелді ауылындағы қатаң карантиндік шектеулерді жүзеге асыру барысында әскерилер, полиция қызметкерлері, әкімдік өкілдері, медицина мамандары және медициналық қадағалау қызметкерлері бірлесіп қызмет атқаруда. Әскерилер осы 3 ауылда толық залалсыздандыру жұмыстарын жүргізді. Сонымен қатар, барлық анықталған ошақтар зарарсыздандырылды. Медицина қызметкерлері тұрғындардың жалпы медициналық қажеттіліктерін қамтамасыз етсе, әкімдік өкілдері азық-түлік, дәрі-дәрмек, күнделікті қажетті тұрмыстық заттармен қамтуда. Ал, полиция қызметкерлері жалпы тәртіпті, тұрғындардың шектеу талаптарын қамтамасыз етуді, оның ішінде, жол және жаяу қатынастарды тоқтатуды үйлестіруде», – деді басқарма басшысы.
</blockquote>
Айта кетейік, бүгін Қызылорда облысында коронавирустық инфекцияға шалдыққан науқастардың саны&nbsp;<a href="https://kyzylorda-news.kz/covid-19-news/qyzylorda-oblysynda-indetke-shaldyqqandar-sany-116-boldy-55765/">116 адамға жеткенін</a>&nbsp;хабарлаған болатынбыз.
Оның ішінде, Қызылорда қаласында – 12, Жаңақорған ауданында – 17 жағдай, Қармақшыда – 4, Шиеліде – 55, Сырдарияда – 23, Арал – 4, Қазалы ауданында – 1 жағдай тіркеліп отыр.

COVID-19: Қазалы ауданында анықталған науқас Нұр-Сұлтан қаласынан келген

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 116 адамға жетті, деп хабарлайды&nbsp;<a href="https://www.coronavirus2020.kz/kz/kazakstandagy-koronavirus-boyynsha-11-sauir-10-00-degi-epidemiologiyalyk-zhagday_a3636728">coronavirus2020.kz.</a>
10 сәуір 10:00-дегі&nbsp;мәлімет бойынша елімізде коронавирустық инфекцияны жұқтырған тағы 28 адам тiркелген: Нұр-Сұлтан қаласынды – 1 адам, Алматы қаласынды – 5 адам, Атырау облысында – 11 адам, Қызылорда облысында – 11 адам.
<blockquote>
 “Осы сағатта Нұр-Сұлтан қаласы бойынша 229 адам, Алматы қаласында – 128 адам, Қарағанды облысында – 61 адам, Ақмола облысында – 61 адам, Атырау облысында – 59 адам, Жамбыл облысында – 46 адам, Шымкент қаласында – 31 адам, Шығыс Қазақстан облысында – 6 адам, Алматы облысында – 10 адам, Ақтөбе облысында – 11 адам, Солтүстік Қазақстан облысында – 25 адам, Павлодар облысында – 4 адам, Маңғыстау облысында – 9 адам, Қызылорда облысында – 116 адам, Батыс Қазақстан облысында – 6 адам, Түркістан облысында – 35 адам, Қостанай облысында – 3 адам, жалпы 840 науқас тіркелді”, – делінген аталған ақпаратта.
</blockquote>

Қызылорда облысында індетке шалдыққандар саны 116 болды

1867 жылы&nbsp;Верный бекінісіне қала мәртебесі беріліп, Түркістан генерал-губернаторлығының құрамындағы Жетісу облысының әкімшілік орталығы болды.
1937 жылы&nbsp;Балқаш қаласының негізі қаланды. Қарағанды облысындағы қала мыс балқыту зауытының құрылысына байланысты салынды.
2002 жылы&nbsp;Қызылорда аграрлық-техникалық колледжіне қоғам қайраткері Исатай Әбдікәрімовтің есімі берілді.
2002 жылы&nbsp;Облыстық дарынды балаларға арналған спорттық мектеп-интернатқа белгілі қазақ батыры Жалаңтөс Баһадүр Сейітқұлұлының есімі берілді.
2002 жылы&nbsp;Қызылорда музыкалық колледжіне күй өнерінің көрнекті өкілі Қазанғап Тілепбергенұлының есімі берілді.
2006 жылы&nbsp;Елбасы Нұрсұлтан Назарбаев «Электр энергетикасы туралы» Қазақстан Республикасының Заңына өзгерістер мен толықтырулар енгізу туралы» Заңға қол қойды. Заң электроэнергетика саласындағы концессиялық қарым-қатынастарды дамытуға бағытталған. Заңның мәтіні баспасөзде жарияланады.

11 сәуір: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 11 сәуірге арналған жұлдыз-жорамалы.
Тоқты
Кез келген тапсырманы орындап, күніңіз жемісті өтеді. Жұмысқа белсене кірісуден еш қорықпаңыз. Сонымен қатар өз ойыңызды ашық айтудан еш қысылмаңыз. Достармен әңгімелесу жаныңызды жадырата түседі.
Торпақ
Бұл күн жақсылықпен басталады. Жаңа жобалармен жұмыс істеуді бастасаңыз болады. Олар сіз үшін табысты болмақ. Бірақ бұрын бастаған ісіңізді соңына дейін жеткізуді ойлаңыз.
Егіздер
Қиындыққа тап болған жандарға көмектесуге әзірсіз. Тіпті қайырымдылық шараларында ұйымдастыруға атсалысасыз. Өзгелердің мәселесін ойлағанда өз басыңыздағы мәселенің түкке тұрғысыз екенін байқайсыз.
Шаян
Қарбалас күн. Өзгелердің өміріне араласуға тура келеді. Себебі қиындыққа тап болған жандарға сіз ғана көмек көрсете аласыз. Сонымен қатар бүгін жаңа жоба бойынша жұмыс жасайсыз.
Арыстан
Бойыңызда күш-қуатыңыз көп. Сондықтан жолыңызда кездескен кез келген кедергіні жоя аласыз. Алыс жол сапарға шығар болсаңыз жолыңыз болады. Бірақ айналаңыздағылармен тіл табысу қиындық туғызады.
Бикеш
Кез келген мәселені шешуге болатын күн. Сондай-ақ өз-өзіңізге туындатып алған мәселелерді де біржақты етесіз. Өз мүмкіндігіңізді аса бағаламаңыз. Көп істі тындыра аласыз, бірақ барлығын емес.
Таразы
Көп мәселелер туындайды. Бірақ олардың барлығы тез шешімін табады. Тек дұрыс бағыт таба білген жөн. Сонымен қатар бүгін сізді романтикалық таныстық күтіп тұр.
Сарышаян
Бүгін көңіл-күйіңіз жоқ. Үнемі сізден көмек сұрап жүретін, тек сізді кеңесіңізге құлақ түретін достарыңыз сіздің бұл түріңізді көріп, олардың да мазасы болмайды. Бірақ олар бұл жолы сізге көмектесуге тырысады.
Мерген
Бүгін сіздің өміріңізде өзгерістер орын алады. Өмірде алға қойған мақсаттарыңызға жете аласыз. Жасаған барлық іс-әрекеттеріңіз абыройыңызды арттырып, достығыңыз нығайып және іскерлік байланыстарыңыз күшейеді.
Тауешкі
Туған-туыспен жақын болуға тырысыңыз. Олармен кез келген мәселе турасында сөйлесуге болады. Сіздің арқаңызда бір-бірімен ұрыс-керісте жүрген жандар татуласуы мүмкін. Түстен кейін сізді тосын сый күтіп тұр.
Суқұйғыш
Жұмысыңызға алға басады. Бүгін қаражатқа байланысты мәселеде оң шешім шығара аласыз. Көп табыс табу үшін қандай істі қолға алу қажет екенін де білесіз. Ішкі түйсігіңіз қайсы ұсынысты қабыл алу қажет екенін айтады.
Балықтар
Жаныңыздағыларға көп талап қоймаңыз. Біреудің осал тұсын айтып, кикілжің тудырудың қажеті жоқ. Қарбалас сәттерде әзілқойлығыңыз көмектеседі. Отбасыңыздағы адамдар сіздің көмегіңізге зәру.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қазақстанда арнаулы әскери жиын қатысушыларына әскери шен беріледі. Бұл туралы ҚР Қарулы Күштері Бас штабы басшысының орынбасары Серік Боранбаев айтып берді.
<blockquote>
 «Кезекті әскери шен беріледі. Бірақ, оның жиыннан өту қорытындысы бойынша берілетінін ескерген жөн. Оны тиісті қолбасшылық белгілейді және солардың өтінішімен жергілікті әскери басқару органдары шешім қабылдайды», – деп түсіндірді Серік Боранбаев Орталық коммуникациялар қызметінде өткен брифингте.
</blockquote>
Айта кетейік, осы уақытқа дейін <a href="https://kyzylorda-news.kz/kogam/prezident-zharlyghy-qyzylorda-oblysynda-arnawly-aeskeri-zhiyn-boelimshesi-quryldy-55597/">Қызылорда облысында арнаулы әскери жиын бөлімшесі құрылғанын</a> хабарлаған болатынбыз.

Президент жарлығы: Арнаулы жиын қатысушыларына әскери шен беріле ме?

<a href="https://kyzylorda-news.kz/">Kyzylorda-news.kz.</a> Соңғы уақытта бүкіл әлемде және біздің де елімізде таралып жатқан короновирус індеті барлық жұмыс салаларына кері әсерін тигізуде.&nbsp; Оның ішінде қан донорларының азаюы байқалуда.
Осы ретте қызылордалық құтқарушылар қан тапсыру жұмысына да өз үлестерін қосты. Іс-шара барысын&nbsp;&nbsp; санитарлық–эпидемиологиялық нормаларға сай, дезинфекциялық құралдарды пайдалана отырып «Облыстық қан орталығының» мамандары&nbsp;&nbsp; жүзеге асырды.
«Бір тамшы қаным – жанға араша» акциясы аясында Қызылорда облысы Төтенше жағдайлар департаменті және осы департаменттің «Өрт сөндіру және авариялық-құтқару жұмыстары», «Апаттар медицинасы орталығы» Қызылорда филиалының ұжымының қызметкерлері қан тапсырды.
Қан тапсыру шарасына барлығы 50-ден аса құтқарушылар қатысты.
<img src="https://kyzylorda-news.kz/wp-content/uploads/2020/04/kyzylordalyk-kwtkarwshylar-kan-tapsyrdy-kaz-2-scaled.jpg" alt="" />
<img src="https://kyzylorda-news.kz/wp-content/uploads/2020/04/kyzylordalyk-kwtkarwshylar-kan-tapsyrdy-kaz-3.jpg" alt="" />

Қызылордалық құтқарушылар қан тапсырды (ФОТО)

<a href="https://kyzylorda-news.kz/">Kyzylorda-news.kz.</a> Қазақстанның Тауарлар мен көрсетілетін қызметтердің сапасы мен қауіпсіздігін бақылау комитеті төрағасының орынбасары Жандарбек Бекшин бүгін жұмыс сапармен Сыр еліне келді.
Облыстағы эпидемиолог мамандармен, «Ұлттық сараптама орталығы» облыстық филиалының басшылығымен кездесіп, аймақтағы ахуалмен танысты.&nbsp; Коронавирус инфекциясы бойынша эпидемиологиялық жағдайды, атқарылып жатқан жұмыс барысын бақылады.
Нәтижесінде жағдайдың күрделенгенін назарға алуды тапсырып, атқарылып жатқан жұмыстарды одан әрі&nbsp; күшейту қажеттігін атап өтті.
Сонымен қатар Нұр-Сұлтан, Алматы қалаларының осы бағытта жүзеге асырып жатқан тәжірибесін ортаға салды.
<img src="https://kyzylorda-news.kz/wp-content/uploads/2020/04/bekshin-kaz-2.jpeg" alt="" />

Жандарбек Бекшин Қызылорда облысына келді

<a href="https://kyzylorda-news.kz/">Kyzylorda-news.kz.</a> Бөлмедегі кондиционерлерді пайдалану қауіпті болуы мүмкін, өйткені бұл эпидемия кезінде жұқтыру қаупін арттырады. Бұл туралы Ресей денсаулық сақтау министрлігінің коронавирустың алдын-алу және емдеу бойынша ұсыныстарының бесінші нұсқасында айтылған, деп хабарлайды&nbsp;<a href="https://stan.kz/koronavirus-pandemiyasi-kezinde-kondicionerler-kauipti-329699/">Stan.kz</a>.
Ведомство бұл құрылғыларды вирустың таралу қаупі жоғары жерлерде қолдануды болдырмау керек деп санайды.
<blockquote>
 «Олар табиғи желденуі бар инфекциялық аэрозольдің жоғары концентрациясын сақтауға көмектеседі»,&nbsp;– делінген құжатта.
</blockquote>
Мәтінде ауа тазартқыш-рециркуляторлардың әр түрлі түрлері, соның ішінде ультракүлгін бактерицидтік сәулелену технологиясы бар (UVBI) өнімділіктің төмен болуына байланысты ауа арқылы тарайтын инфекциялардың таралуына қарсы тұрудың тиімсіз екендігі айтылған.
Министрлік қуатты механикалық желдетуге немесе тұрақты желдетуге артықшылық беруді ұсынды.

Қазақстан және Қызылорда облысының жаңалықтары