<a href="https://kyzylorda-news.kz/">Kyzylorda-news.kz.</a> Түркіменстан үкіметі «коронавирус» сөзін қолдануға тыйым салды.
Түркіменстан пандемияға байланысты БАҚ-тағы жаңалықтардың барлығында «коронавирус» сөзін қолдануға шектеу қойды. Сондай-ақ бұл сөз елдің денсаулық сақтау министрлігінің індет жайлы түсіндірме кітапшалардан да толығымен алынып тасталды. Аталмыш кітапшалар ем қабылдау орталықтары мен білім беру мекемелеріне таратылған.&nbsp;
Сонымен қатар мемлекетте көшеде маска тағып, әлемедегі эпидемияның таралуы жайлы әңгіме айтып бара жатқан тұрғындар қамауға алынуы мүмкін көрінеді.

Түркіменстан «коронавирус» сөзін пайдалануға тыйым салды

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы коронавирус ауа арқылы берілмейді деген қорытындыға келді, деп хабарлайды&nbsp;<a href="https://stan.kz/ddy-koronavirus-aue-arkili-berilmeydi-329171/">Stan.kz</a>.
<blockquote>
 «Коронавирус жұқтырған адам жөтелгенде, түшкіргенде немесе сөйлегенде пайда болатын тамшылар арқылы өтеді», – делінген ДДҰ-ның ресми твиттерінде.
</blockquote>
Осылайша, ДДСҰ мәліметі бойынша, вирус ауада өмір сүрмейді. Сондықтан өзіңізді қорғау үшін бір-бірінен бір метр қашықтықты сақтау керек, үнемі беттерді зарарсыздандыру, қолды жуу, көзге, мұрынға және ауызға қол тигізбеу керек.

ДДҰ: Коронавирус ауа арқылы берілмейді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықова қаладағы блок-бекеттің жұмысымен танысты.
Аймақ басшысы «Шиелі-Қызылорда» тас жолына қойылған тосқауыл бекетіне барды. Карантин жағдайында жүргізіліп жатқан жұмыстармен танысты.
Қала әкімі Нұрлыбек Нәлібаев пен облыстық жұмылдыру дайындығы басқармасының басшысы облыс әкіміне қаладағы ахуал туралы есеп берді.
<blockquote>
 «Қазіргі таңда қала бойынша 6 тосқауыл бекеті қойылды. Әр бекетке әскери бөлімнің 14 қызметкері бекітілген. 10 адамдық шатыр тігілген. 1 арнайы техника мен адам тасуға арналған көлік те қарастырылған», – деді басқарма басшысы.
</blockquote>
Бүгінгі таңда тосқауыл бекеттерінің жұмыс істеу тәртібі бекітілген. Облыстық полиция департаменті мен денсаулық сақтау бақармасының мамандары тәулік бойы қызмет атқаруда.
Облыс әкімі Гүлшара Әбдіқалықова карантин талаптарын қатаң сақтауды міндеттеді. Тосқауыл бекеттеріндегі қызметкерлердің ыстық тамақпен қамтамасыз етілуін де басты назарда ұстау қажеттігін тапсырды.
<img src="https://kyzylorda-news.kz/wp-content/uploads/2020/04/gwlshara-kaz-2.jpeg" alt="" />
<img src="https://kyzylorda-news.kz/wp-content/uploads/2020/04/gwlshara-kaz-3.jpeg" alt="" />
<img src="https://kyzylorda-news.kz/wp-content/uploads/2020/04/gwlshara-kaz-4.jpeg" alt="" />

Гүлшара Әбдіқалықова блок-бекеттің жұмысымен танысты

<a href="https://kyzylorda-news.kz/">Kyzylorda-news.kz.</a> Қарағанды облысында коронавирус індетінен 1 адам көз жұмды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Осылайша Қазақстан бойынша үшінші адам коронавирус инфекциясынан қайтыс болды.

Қарағанды облысында коронавирус індетінен 1 адам көз жұмды

<a href="https://kyzylorda-news.kz/">Kyzylorda-news.kz.</a> Елімізде жарияланған төтенше жағдай кезінде Қызылорда облысында оның талаптарын бұзушылар күні бүгінге дейін азаймай отыр. Қарапайым халықты былай қойғанда, мемлекеттік қызметшілер – әкімдердің өзі той тойлап жүр. Бұл туралы Өңірлік коммуникациялар қызметінде өткен брифингте облыс прокурорының бірінші орынбасары Талғат Айтбайұлы мәлімдеді.
<blockquote>
 «Төтенше жағдай күшінде болу кезеңінде спорттық, ойын-сауық және басқа да бұқаралық іс-шаралар, сондай-ақ отбасылық, атаулы іс-шараларды өткізуге тыйым салынған.&nbsp; Соған қарамастан өңірімізде жекелеген азаматтар осы талаптарды ескермей, үйлерінде той-томалақ жасап, кафе, мейрамханалар және т.б. ойын-сауық орындары түнгі 22:00-ден кейін де қызметтерін жалғастыруда. Осы әрекеттері үшін құқық қорғау органдарымен төтенше жағдай жарияланғалы Қазақстан Республикасы Әкімшілік құқық бұзушылық туралы кодексінің 476-бабымен 49 тұлғаға әкімшілік хаттамалар толтырылды. Оның 14-і соттың қаулысымен әкімшілік қамауға алынса, 23-не әкімшілік айыппұл салынды. Қалған 12-і соттың өндірісінде», – деді Талғат Айтбайұлы.
</blockquote>
Оның сөзінше, аталған талапты жеке тұлғалардан бөлек мемлекеттік қызметшілер, оның ішінде, әкімдер де Жарлықтың талаптарын сақтамайтын көрінеді.
Мәселен, Шиелі ауданы, Төңкеріс ауылының әкімі Нұрманова Әлия Тәшкенбайқызы ағымдағы жылдың 28 наурыз күні сол ауылдың Сәтпаев көшесі №6 мекен-жайында орналасқан туысы Есмағамбетов Мұхтар Қамбарұлының үйіне өзі алып келіп, келін түсірген. Бұл ақпарат әлеуметтік желіде жүргізілген мониторинг және Аружан Дүйсебаеваның «Facebook» парақшасында жарияланғна.
<blockquote>
 «Үй иесі Шиелі аудандық сотының 28.03.2020 жылғы қаулысымен 10 тәулікке әкімшілік қамауға алынды.Сол сияқты, Қызылорда қаласындағы «Оригон» кафесінің сағат 22.00-ден кейін жұмыс істегені және онда 20-дан астам келушілердің болғаны анықталып, кафе иесі С.Тянға қатысты әкімшілік хаттама толтырылды. Соттың 25.03.2020 жылғы қаулысымен кафе иесі С.Тян ӘҚБтК-тің 476-бабымен кінәлі деп танылып, оған 20 айлық есептік көрсеткіш мөлшерінде әкімшілік айыппұл салынды», – деді облыс прокурорының&nbsp; бірінші орынбасары.
</blockquote>
Сондай-ақ, 25.03.2020 жылы «Сұлтан» базарының киім-кешек сататын орындары сағат 17.00-ден кейін жұмыс жасағаны және онда 60 астам келушілер мен сатушылар болғаны анықталған. Соттың 26.03.2020 жылғы қаулысымен базар иесі Л.Ризванова төтенше жағдай режимін бұзғаны үшін кінәлі деп танылып, оған 10 айлық есептік көрсеткіш мөлшерінде айыппұл салынды.

Төтенше жағдай кезінде Шиеліде ауыл әкімі той тойлаған

<a href="https://kyzylorda-news.kz/">Kyzylorda-news.kz.</a> Бүгін Парламент Мәжілісінің жалпы отырысында депутат Гүлшара Әбдіқалықованың өкілеттігі мерзімінен бұрын тоқтатылды.
<blockquote>
 «Біздің әріптесіміз Гүлшара Наушақызы осыған дейін үлкен қызмет жолынан өтті. Көптеген лауызымды жұмыстарды абыроймен атқарды. Сондықтан әріптесіміз жаңа қызметте де қасиетті Қызылорда облысының дамуы үшін аянбай еңбек етеді деп сенеміз. Осы жерде ерекше айту керек, егемен еліміз тарихында алғаш рет әйел адам облыс әкімі болып тағайындалды. Бүгін белгілі себептермен Гүлшара Наушақызы жалпы отырысқа қатыса алмады. Оны өздеріңіз түсініп отырған боларсыздар. Қазіргі жағдайда облыс әкімі ретінде жұмысын бастап, өңірдің маңызды мәселелерін шешуге кірісіп кетті. Сондықтан осы өте жауапты жұмысында зор табыстар тілейміз»,- деді Мәжіліс төрағасы Нұрлан Нығматулин.
</blockquote>
Еске сала кетейік, ҚР Президенті Қасым-Жомарт Тоқаевтың Жарлығымен Гүлшара Наушақызы Әбдіқалықова <a href="https://kyzylorda-news.kz/kogam/qyzylorda-oblysynyng-aekimi-taghajyndaldy-52537/">Қызылорда облысының әкімі болып тағайындалды.</a>

Мәжіліс депутаты Гүлшара Әбдіқалықованың өкілеттігі мерзімінен бұрын тоқтатылды

<a href="https://kyzylorda-news.kz/">Kyzylorda-news.kz.</a> Ішкі істер министрі Ерлан Тұрғымбаев емделуден бас тартқаны және байланыста болған адамдарын жасырғаны үшін төрт қазақстандықтың тергеуге алынғанын мәлімдеді, деп хабарлайды <a href="https://kaz.nur.kz/1848222-koronavirus-zktyrgan-trt-kazakstandyk-tergeuge-alyndy.html?utm_source=article-fragment&utm_medium=clipboard">NUR.KZ</a>.
Оның айтуынша, қазір коронавирусқа шалдыққан төрт қазақстандыққа қатысты тергеу шаралары жүргізілуде. Олар емделуден және кіммен байланыс жасағандарын айтудан бас тартқан.
Сонымен қатар, ведомство басшысы Қазақстанда 32 адамның қамауға алынғанын атап өтті. Олардың бір бөлігі ақша беріп, карантинге жабылған Алматы мен Нұр-Сұлтанға кірмек болса, енді бірі адамдарды ақшаға блок-бекеттерден өткізуге тырысқан.

Коронавирус жұқтырған төрт қазақстандық тергеуге алынды

<a href="https://kyzylorda-news.kz/">Kyzylorda-news.kz.</a> Ұлттық қор қаражатын тиімді әрі ұтымды игеру керек. Бұл туралы республикалық телеарналардың эфирінен еліміздегі төтенше жағдайға және мемлекеттің дағдарысқа қарсы іс-шараларына байланысты мәлімдемесінде Президент Қасым-Жомарт Тоқаев айтты.
Мемлекет басшысы бүгінгі мәлімдемесіндегі шаралар пакетін жүзеге асыру үшін Үкімет пен Ұлттық банкке барлық қажетті қаржы көздерін жұмылдыруды тапсырды. Осы орайда Мемлекеттік әлеуметтік сақтандыру мемлекеттік қоры, Ұлттық банктің ресурстары мен тетіктері қамтылмақ.
<blockquote>
 «Тұңғыш Президент-Елбасы құрған Ұлттық қор қаражатын тиімді әрі ұтымды игеру керек. Қаржыны нақты экономикаға жедел және тура жеткізу үшін мемлекеттік даму институттары арқылы тікелей қаржыландыру мүмкіндігін ескеру керек, яғни «Бәйтерек», «Аграрлық несие корпорациясы» және басқалары бар», – деді Мемлекет басшысы.
</blockquote>
Осы орайда Президент аталған тетік басқа да жеңілдіктермен қатар экспортқа бағдарланған қарқынды өсіп келе жатқан орташа компанияларға көмекке бағытталуы қажеттігін жеткізді.
Қасым-Жомарт Тоқаев қаржылық ресурстардың көлемін, дағдарысқа қарсы шаралардың ауқымын ескере отырып, бөлінетін қаржының мақсатты әрі тиімді жұмсалуы айрықша маңызға ие болатынын қадап айтты.
<blockquote>
 «Бұл міндет Есеп комитетіне жүктеледі. Бұл жұмысқа өңірлік ревизиялық комиссияларды, қоғамдық кеңестерді жұмылдыру керек. Сонымен бірге, төтенше жағдайдың ерекше талаптарын ескерген жөн», – деді Мемлекет басшысы.
</blockquote>

Президент Үкімет пен Ұлттық банкке тапсырма жүктеді

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасы Шариғат және пәтуа бөлімі қауіпті жұқпалы аурулардан қайтыс болғандарды жерлеу туралы пәтуа шығарды.
<blockquote>
 «Шариғат бойынша қайтыс болған мұсылманды жуындыру, кебіндеу, оған жаназа намазын оқу және оны жерлеу – парыз кифая. Парыз кифая дегеніміз – кейбір мұсылмандар орындаған жағдайда өзгелерге міндет болмайтын амал» делінген ҚМДБ мәлімдемесінде.
</blockquote>
Қазақстан мұсылмандары діни басқармасының Ғұламалар кеңесі өте қауіпті жұқпалы (туляремия, эбола, коронавирус, оба, т.б.) аурулардан қайтыс болған адамдардың мәйіттерін жуындыруға және жерлеуге қатысты төмендегі шараларды жүзеге асыруды мақұлдайды:
Біріншіден, мәйітті жуындыру. Өте қауіпті жұқпалы дерттен қайтыс болған адамды жуындыру рәсімі арнайы мемлекеттік мекеменің санитариялық-эпидемиологиялық талаптарына сәйкес жүзеге асуы тиіс. Мәйітханада (морг) жуындыру шарасы шариғат талабына қайшы келмесе, мәйітті қайта жуындыру шарт емес. Қайтыс болған ер кісіні ер кісі, әйелді әйел жуындыруы керек.
Екіншіден, мәйітті кебіндеу. Шариғат бойынша мәйіт кебінделуі міндет. Ер кісі үш қабат матамен, ал әйел бес қабат матамен кебінделеді. Алайда жұқпалы дерттен қайтқан кісіні кебіндеу ісінде санитарлық қағидалар сақталуы тиіс. Егер мәйітханада кебінделген мәйіт шариғатқа сай болса, қайта кебіндеу шарт емес. Қайтыс болған ер кісіні ер кісі, әйелді әйел кебіндеуі қажет.
Үшіншіден, жаназа намазын оқу. Қауіпті індетке байланысты жарияланған төтенше жағдайда жаназа намазына марқұмның ең жақын туыстарының қатысуы жеткілікті. Сақтық шаралары үшін адам санын барынша азайту қажет. Қалалық жағдайда індеттің қоғамдық ортаға (мысалы, көпқабатты үй тұрғындарына, көршілеріне, т.б.) таралмауы үшін марқұмды мәйітханадан тікелей зират басына апарып, сол жерде жаназа намазын оқып, жерлеуге шариғатымызда рұқсат етілген. Жаназа рәсімдерін жергілікті имам атқарады. Намаз оқыған кезде санитарлық нормаға сай мәйіт имам мен жамағаттан қашық жерге қойылады.
Төртіншіден, мәйітті жерлеу. Мәйіт зиратқа арнайы көлікпен жеткізілуі тиіс. Мәйітті жерлеу рәсімінде биоқауіпсіздік шаралары қатаң сақталуы тиіс. Сондай-ақ мәйіт қайтыс болған мекенінде жерленуі тиіс. Санитариялық-эпидемиологиялық мекемесінің рұқсатынсыз мәйітті үйіне немесе басқа мекен-жайға (өзге қалаға, туған жеріне) апармаған дұрыс. Мұндағы мақсат – жұқпалы індеттің өзге аймақтарға таралуының алдын алу.
Ескерту: Санитариялық-эпидемиологиялық мекемесі тарапынан мәйітті шариғат жолымен жуындыруға, таяммум алдыруға және кебіндеуге рұқсат берілмесе, мұндай жағдайда шариғаттың зәрулік үкімі негізге алынады. Мәйітханада оралған мата, арнайы үлдір (клёнка) немесе табыт ашылмастан, сол хәлінде жаназа намазы мәйіттен алыс тұрып оқылады.

ҚМДБ қауіпті індеттен көз жұмғандарды жерлеу туралы пәтуа шығарды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус жұқтырудың тағы 6 оқиғасы тіркелді. Бұл туралы өңірлік коммункикациялар қызметінде өткен брифингте облыстық Денсаулық сақтау басқармасының басшысы Жақсылық Абдусаметов мәлімдеді.
<blockquote>
 “Бүгінгі таңда Қызылорда облысында коронавирус инфекциясын жұқтырған науқастар саны 24 адамға жетті. Олардың екеуі – Қармақшы ауданында, екеуі Жаңақорған ауданында, біреуі – Шиелі, ал, алтыншысы – Қызылорда қаласында тіркелді. Қармақшы ауданындағы бір науқас Алматы қаласынан келген. Екінші науқас анықталу үстінде. Жаңақорған ауданындағы екі адам да осы инфекцияны бұрын жұқтырған науқастармен қарым-қатынаста болғандар. Шиелі ауданында да осындай жағдай, яғни, бұрын ауырған науқаспен тығыз байланыста болған. Ал, Қызылорда қаласында анықталған адам облыста ең бірінші анықталған науқаспен қарым-қатынаста, тығыз байланыста болған”, – деді Жақсылық Абдусаметов.
</blockquote>
Басқарма басшысының айтуынша, облысымызда коронавирус инфекциясын жұқтырушылар саны күрт көбейіп отыр. Бүгінгі таңда өңірде осы қауіпті індетті жұқтырғандардың бәрі бұрын науқастармен қарым-қатынаста болған адамдар екендігі анықталып отыр.
<blockquote>
 “Сондықтан, облыс тұрғындары, ең алдымен, сақтық шараларына мән беруі қажет. Жеке бас гигиенасын сақтап, мейлінше қорғану керек”, – деді басқарма басшысы.
</blockquote>

Қызылорда облысында коронавирус оқиғасы Қармақшы және Шиелі аудандарында тіркелді

<a href="https://kyzylorda-news.kz/">Kyzylorda-news.kz.</a>&nbsp;Синоптиктер ауа райына байланысты Қызылорда облысында ескерту жариялады.
«Қазгидромет» РМК баспасөз қызметінің хабарлауынша, 1 сәуірде Қызылорда облысының кей жерлерінде найзағай жарқылдайды. Оңтүстік-батыстан соққан желдің екпіні кей жерлерде 15-20, 23-28 м/с жетеді.
Осы күні Қызылорда қаласында да түнде және таңертең күн күркірейді. Оңтүстік- батыстан соққан желдің күші – 15-20 м/с.

Ауа райы: Қызылорда облысында ескерту жарияланды

Халықаралық құстар күні
Мерекенің шығу тарихы туралы нақты мәліметтер жоқ. Дегенмен, 1906 жылы 1 сәуір күні құстарды қорғау жөніндегі Халықаралық конвенцияға қол қойылғандығы айтылады. Конвенцияның негізгі қағидалары – жұмыртқа салу және жылы жаққа қайту мезгілдерінде құстардың барлық түрін қамқорлыққа алу, жоғалып кету қаупі бар құс түрлерін қорғау, құстарды аулаудың кейбір түрлеріне тыйым салу, құс өсіру және адамдарды табиғатты сақтауға сауаттандыру үшін қорықтар ашу.
Күлкі күні
Күлкі күнін тойлау Францияда бастау алғандығы айтылады. Ежелгі римдіктер «ақымақтар мерекесін» 17 ақпанда атап өткен. Ал Шығыс Үндістанда 31 наурыз күні «қалжыңдау салты» ежелден бар.
Әзіл-қалжыңға бір иығын беріп тұратын қазақта да бұл күнге байланысты әртүрлі қызық әңгімелер бар. Ерте көктемнің ала құйын мінезін қалжыңмен жуып-шайғысы келген халық бұл күні жақындарын «алдауға» барын салады.
1923 жылы&nbsp;«Ерік» деген атаумен қазіргі «Атырау» газетінің алғашқы саны жарық көрді. Алғашында таралымы 500 дана болған. Қазіргі атымен 1990 жылдан бастап шығады.
1943 жылы&nbsp;Алматы қаласында «Орталық Республикалық Мемлекеттік кинофонофотоқұжаттар мұрағаты» өз қызметін бастады.
Ережеге сәйкес, Орталық Республикалық Мемлекеттік кинофотоқұжаттар мұрағаты ғылыми-зерттеу мекемесі болды және ол ҚазКСР ішкі істер халық комиссариатының мұрағаттық бөлімінің құзырында еді. Мұрағат құрамына республика аумағында пайда болған саяси, тарихи, мәдени маңызы бар кинофотоқұжаттар енгізілді.
1993 жылы&nbsp;«Қазақстан Республикасының мемлекеттік наградалары туралы» № 2069-XII Заңымен «Даңқ» ордені бекітілді. Орден тек қана күштік құрылымдар өкілдеріне ғана беріледі.
1995 жылы&nbsp;Қазақстан Республикасы Президентінің Жарлығымен Министрлер кабинеті жанындағы Кеден комитеті құрылды.
1995 жылы&nbsp;Ұлттар жөніндегі мемлекеттік комитет құрылды. Оның қызметіне республикада тіркелген ұлттық мәдени орталықтар, саяси партиялар, қоғамдық қозғалыстармен байланыс орнату кіреді.
2007 жылы&nbsp;ел аумағында Қазақстан Республикасының «Ойын кәсіпкерлігі туралы» заңы күшіне еніп, соған сәйкес бұрын берілген лицензиялардың мерзімі аяқталып, ойын мекемелері енді тек ғана Қапшағай мен Бурабайда ашылатын болды.
2011 жылы&nbsp;ҚР Ұлттық банкі жаңа «Тұңғыш ғарышкер» монетасын айналымға шығарды.
Номиналы 500 теңге мерейтойлық монетаның диаметрі 38 мм, массасы 40 грамм. Монета дөңгелек пішінді, ішкі дискісі күмістен, сыртқы дөңгелектің өзі танталдан жасалған. Тиражы шектеулі – 5 мың дана.

Қазақстан және Қызылорда облысының жаңалықтары