<a href="https://kyzylorda-news.kz/">Kyzylorda-news.kz.</a> ҚМДБ төрағасы, Бас мүфти Наурызбай қажы Тағанұлының бастамасымен “Жүрек жылуы” республикалық акциясы аясында ҚМДБ-ның Қызылорда облысы бойынша өкілдігі қасиетті Рамазан айының құрметіне орай “Ауызашар қоржыны” атты қайырымдылық шарасын өткізуді қолға алды.
Рамазан айына қадам басарда қала бойынша 200 отбасыға азық-түлік өнімдері салынған “Рамазан қоржындарын” тарту еткен Сыр имамдары қасиетті айдың екінші жұмасында да 600 отбасыға азық-түлік, 50 отбасыға 432 кг ет үлестіріп, облыс бойынша 650 отбасыны қуанышқа бөледі. Берекелі ай басталғалы аймағымыз бойынша жалпы алғанда 850 отбасыны қамтыған акцияның демеушілері – жергілікті кәсіпкерлер мен сауаптан үміткер ерікті жамағаттар.
Айта кетейік, Бас имам Болатбек Ұласқанұлы Рамазан алдындағы баспасөз мәслихатында төтенше жағдайға байланысты мешіттерде ауызашар берілмейтіндіктен, ауызашар дастарқанына қажетті азық-түлікпен қамтасыз ету мақсатында облыс көлемінде “Ауызашар қоржыны” атты қайырымдылық акциясы өтетінін хабарлаған болатын. Аталмыш акция әлі де жалғасын тауып, бір ай бойы жүзеге асыралатын болады.
<img src="https://kyzylorda-news.kz/wp-content/uploads/2020/05/fb_img_1588362133007.jpg" alt="" />
<img src="https://kyzylorda-news.kz/wp-content/uploads/2020/05/fb_img_1588362125153.jpg" alt="" />

Қызылордада 650 отбасына &#8220;Ауызашар қоржыны&#8221; таратылды

<a href="https://kyzylorda-news.kz/">Kyzylorda-news.kz.</a> 2 мамыр күніне ауа райының күрт құбылуына байланысты Қазақстанның бірнеше облысында ескерту жарияланды, деп хабарлайды «Қазгидромет» РМК.
2 мамырда Түркістан облысының кей жерлерінде күндіз нөсер жаңбыр жауады. Кей жерлерінде найзағай ойнап, дауыл соғады.
Оңтүстік-батыстан солтүстік-батысқа ауысатын желдің күші кей жерлерде 15-20 м/с-ға жетеді. Шымкент қаласында күндіз нөсер жаңбыр жауып, найзағай ойнайды, дауыл тұрады. Жел оңтүстік-батыстан солтүстік-батысқа ауыса соғады, екпіні — 15-20 м/с.
Түркістан қаласында таңертең және күндіз найзағай ойнап, дауыл тұрады деп болжанып отыр. Жел оңтүстік-батыстан солтүстік-батысқа ауысады, найзағай кезінде екпіні 15-20 м/с болады.
Күндіз, 2 мамырда, Солтүстік Қазақстан облысының кей жерлерінде найзағай ойнайды.
Оңтүстік-батыстан жел соғады, күндіз екпіні 15-20 м/с болады. Петропавл қаласында күндіз оңтүстік-батыстан жел соғады, екпіні 15-20 м/с болады.
Таңертең және күндіз Қостанай облысының кей жерлерінде найзағай, тұман күтіледі. Оңтүстік-батыстан жел соғады, күші күндіз кей жерлерінде 15-20 м/с болмақ.
Қостанай қаласында күндіз оңтүстік-батыстан жел соғады, екпіні 15-20 м/с.
Ақмола облысында күндіз кей жерлерде найзағай ойнайды. Оңтүстік-батыстан жел соғады, кей жерлерде күші 15-20 м/с.
Көкшетау қаласында күндіз найзағай ойнауы ықтимал.
Қызылорда облысында күндіз кей жерлерде найзағай күтіледі. Солтүстік-шығыстан, шығыстан жел соғады, күші кей жерлерде 15-20 м/с сақталады. Дауылды ескертудің ықтималдылығы — 85-100 %.

Ауа райы: Қазақстанның бірнеше облысында ескерту жарияланды

1944 жылы&nbsp;2 мамырда ақын, Қазақстан Жазушылар одағының мүшесі Рүстем Жанаев дүниеге келді.
Қызылорда облысында туған. Қазақ педагогикалық институтын бітірген. Еңбек жолын мектепте мұғалім болып бастаған. 1994-2004 жылдары Әйтеке би кентіндегі №8 кәсіптік-техникалық мектептің директоры қызметін атқарған. Қазір аудандық оқушылар үйінің директоры қызметін атқарады. Алғашқы жинағы «Мәуелі махаббат» деген атпен 1974 жылы жарық көрген. Р.Жанаевтің «Бақыт босағасы», «Мезгіл махаббаты», «Бір өзіңе», «Сағынып кеттім мен сені», «Жанайқай» атты жыр жинақтары мен проза кітаптары, «Жанқожа батыр» пьесасы бар.
1997 жылы&nbsp;Қазақстан Республикасы Президенті Н.Назарбаевтың «Көкшетау облысының әкімшілік-аумақтық орналасуындағы өзгертулер туралы» Жарлығына сәйкес, Көкшетау облысының Арықбалық, Уәлиханов, Көкшетау, Ленинград, Рузаев, Чистополь, Чкалов аудандары таратылды.
2006 жылы&nbsp;Мойнақ су электр стансасының құрылысы басталды.
1949 жылы&nbsp;КСРО-дағы алғашқы телерепортаж Мәскеудегі «Динамо» стадионынан жүргізілді.
2012 жылы&nbsp;күмістен жасалған 500 теңгелік номиналмен «Бауырсақ» монетасы айналымға шығарылды. Бұл тиын 925 сынамалы күмістен жасалған. Массасы 31,1 грамм, диаметрі – 38,61 мм, дайындау сапасы – «proоf», таралымы – 4 мың дана.

2 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 2 мамырға арналған жұлдыз-жорамалы.
Тоқты
Кішігірім демалыс сізге оң әсер етеді. Соңғы кездері көп ауыртпалықтар мойныңызға артылды, енді кішкене тынығу керек. Бүгін сүйікті ісіңізбен айналысып, өмірден ләззат алыңыз.
Торпақ
Бүгін өз қалауыңызға қол жеткізуге болады. Күш-жігеріңіз жеткілікті, сондықтан алға қойған мақсатыңызға қарай жүре беріңіз. Кез келген тапсырманы орындайтын қауқарыңыз бар.
Егіздер
Бұл күн махаббат пен сезімдерге толы болмақ. Қандай тақырыпқа және кіммен әңгімелессеңіз де одан жағымды әсер аласыз. Бүгін өзіңізді әлемдегі ең бақытты адам ретінде сезінесіз. Айналаңызға құрметке лайық жандарды жинаңыз.
Шаян
Бүгінгі күн сіз үшін жанға жайлы болмақ. Таңертеңнен кешке дейін күнді жайбарақат өткізесіз. Көп армандарыңыздың бірі орындалады. СПА орталыққа немесе табиғат аясына барудың жоспарлаңыз.
Арыстан
Сіз романтиканы ұнатасыз, бұл қасиетіңіз бүгін көрініс табады. Сүйіктіңізге тосынсый жасаңыз. Оған көптен бері қалап жүрген затын әперіңіз немесе романтикалық кешкі асқа шақырыңыз.
Бикеш
Бүгін сабырлы болып, барлық нәрседен үйлесімділік табасыз. Сондықтан көңіл-күйіңіз де көтеріңкі болады. Жақындарыңызға, сүйіктілеріңізге сезімдеріңізді білдіріп, ықыласыңызға бөлеңіз.
Таразы
Бүгінгі күнді рухани дамуға арнаңыз. Жаныңыз шым-шытырық оқиғаларға толы болсын десеңіз, өзіңізді шектемеңіз. Өзіңізді танып білу үшін таптырмайтын күн. Тіпті бойыңыздағы жаңа қабілеттеріңізді ашуыңыз мүмкін.
Сарышаян
Бүгін өте белсенді боласыз. Бар күшіңізді сарп етпеу үшін күннің екінші жартысында ынтаңызды біраз басқан абзал. Біраз тынығып, жаңа жобаға кірісуге болады.
Мерген
Сүйіктіңізге қамқорлығыңыз бен сүйіспеншілігіңіз қажет. Жан дүниеңіз алуан түрлі сезімдерге толы. Жаман сезімдерді ауыздықтап, жақсы нәрсені ойлауға тырысыңыз. Қарым-қатынасыңызды нығайтуға бар күшіңізді салыңыз.
Тауешкі
Бүгінгі күнді жақындарыңыз бен сүйіктіңізге арнаңыз. Олардың сіз үшін қаншалықты маңызды екенін көрсетіп, оларға қамқор болыңыз. Егер біреуді ренжіткен болсаңыз, кешірім сұраңыз. Сізді міндетті түрде кешіреді.
Суқұйғыш
Адамдармен қарым-қатынас жасап, идеяларыңызбен бөлісу үшін сәтті күн. Өзіңіз үшін маңызды нәрселерді айтуға қорықпаңыз. Ұсынған жаңа жобаларыңыз басшылық пен әріптестеріңіздің көңілінен шығады. Олар бастамаңызды міндетті түрде қолдайды.
Балықтар
Бүгін адамдарға ерекше мейірімді боласыз, сондықтан оларға қуана көмектесесіз. Сүйіктіңізбен романтикалық кеш ұйымдастырып немесе табиғат аясына шығу үшін қолайлы күн. Бүгін өмірдің қаншалықты керемет екенін түсінесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Облыс әкімі Гүлшара Әбдіқалықова қаладағы бірқатар нысандарды аралады.
Алдымен өңір басшысы «Сыр-ана» монументі аумағын қайта жаңғырту және абаттандыру жұмыстарымен танысты. Бұл жұмыстарды «Техоснастка Ремсервис» ЖШС мекемесі жүргізуде. Алдағы жоспар бойынша екі спорттық ойын алаңы салынып, көгалдандыру жұмыстары жүргізілетін болады.
Мұнан кейін облыс әкімі Г.Әбдіқалықова Рәміздер алаңы мен Тұңғыш Президент саябағының арасындағы Демалыс және денсаулық паркі құрылысының жұмыстарын көрді. Демалыс паркінің құрылысын «Бақ-Береке2030» ЖШС өткен жылы қыркүйек айында бастаған. Жоспар бойынша 10,4 мың м2 көгалдандыру, спорттық ойын алаңдары, түнгі жарықтандыру мен аяқ су каналы, саябақты қоршау жұмыстары жүргізілмек.
Жолаушылар тасымалының сапасы және қоғамдық көліктердің бүгінгі жағдайымен танысу мақсатында облыс әкімі «Қызылорда автобус паркіне» барды. Облыс орталығындағы тасымалдау сапасын жақсарту және қоғамдық көліктердің жұмысын жүйелі басқару мақсатында 2013 жылы «Қызылорда автобус паркі» ЖШС құрылған.
Бүгінге дейін автобус паркі 122 жаңа автобустармен толықты. Оның ішінде 112 үлкен автобус қала ішіндегі 6 әлеуметтік маңызы бар бағытта сыйымдылығы аз қоғамдық көліктерді ауыстыруға мүмкіндік берді. Бұдан өзге 26 бағыт бойынша 514 жеке тасымалдаушылармен келісім негізінде қызмет көрсетіледі.
Ағымдағы жылы Теміржол паркі мен Тағзым алаңына да қайта жаңғырту жұмыстары жүргізіледі. Осы нысандармен бірге өңір басшысы Нұрсұлтан Назарбаев даңғылы мен 3000 демалушыларды бір мерзімде қабылдауға мүмкіндігі бар Орталық қалалық мәдениет және демалыс паркін абаттандыру жұмыстарының барысын көрді.
Облыс орталығын абаттандыру жұмыстары аясында 2020 жылы 2,5 шақырым аумақты көгалдандыру жоспарлануда.
<blockquote>
 “Саябақтарды қайта жаңарту және абаттандыру жұмыстары сапалы әрі уақтылы жүргізілуі тиіс. Әсіресе, қалалық мәдениет және демалыс саябағы қызметінің маңыздылығын атап өткім келеді. Карантин аяқталысымен бұл демалыс орны жұмысын бастайды. Сондықтан, бірінші кезекте балалардың қауіпсіздігін ескеру қажет”, – деді облыс әкімі Г. Әбдіқалықова.
</blockquote>
<img src="https://kyzylorda-news.kz/wp-content/uploads/2020/05/internet_20200501_164948_6-scaled.jpeg" alt="" />
<img src="https://kyzylorda-news.kz/wp-content/uploads/2020/05/internet_20200501_164948_7-scaled.jpeg" alt="" />
<img src="https://kyzylorda-news.kz/wp-content/uploads/2020/05/internet_20200501_164948_5-scaled.jpeg" alt="" />
<img src="https://kyzylorda-news.kz/wp-content/uploads/2020/05/internet_20200501_164948_4-scaled.jpeg" alt="" />
<img src="https://kyzylorda-news.kz/wp-content/uploads/2020/05/internet_20200501_164948_3-scaled.jpeg" alt="" />
<img src="https://kyzylorda-news.kz/wp-content/uploads/2020/05/fb_img_1588329688459.jpg" alt="" />

Өңір басшысы облыс орталығындағы саябақтарды абаттандыру жұмыстарын сапалы жүргізуді тапсырды

<a href="https://kyzylorda-news.kz/">Kyzylorda-news.kz.</a> 1 мамыр – Қазақстан халқының бірлігі мерекесіне орай облыстық Қазақстан халқы ассамблеясының белсенді мүшелері қаладағы 5 өткізу блок-бекеттерінде әскери және медицина қызметкерлерін мерекемен құттықтады.
Облыстық ассамблея мүшелері, өзбек этномәдени бірлестігінің төрағасы Кахар Дадашев басқарған белсенділері қаладағы 5 өткізу блок- бекеттеріндегі әскери және медицина қызметкерлеріне, барлығы 150 адамға өзбек халқының ұлттық тағамдарын ұсынды. 
Биыл Қазақстан халқының бірлігі мерекесі төтенше жағдай кезеңінде аталып өтілуде.
Соған байланысты мерекелік шаралар әлеуметтік желілер мен блог-платформалардың мүмкіндіктерін пайдалана отырып, онлайн режимінде ұйымдастырылуда.
<img src="https://kyzylorda-news.kz/wp-content/uploads/2020/05/internet_20200501_161553_6.jpeg" alt="" />
<img src="https://kyzylorda-news.kz/wp-content/uploads/2020/05/internet_20200501_161553_4.jpeg" alt="" />
<img src="https://kyzylorda-news.kz/wp-content/uploads/2020/05/internet_20200501_161553_1.jpeg" alt="" />

Қызылорда облыстық ҚХА мүшелері блок-бекеттегі қызметкерлерді мерекемен құттықтады (ФОТО)

<a href="https://kyzylorda-news.kz/">Kyzylorda-news.kz.</a> Қытай медицина ғылымдары академиясы патегондер биологиясы институтының ғалымдары коронавирустың көзі жойылмайтынын, ол маусымдық тұмау секілді жыл сайын пайда болатынын мәлімдеді,&nbsp; деп хабарлайды&nbsp;<a href="https://nypost.com/2020/04/28/coronavirus-likely-to-return-seasonally-chinese-scientists-predict/">New York Post</a>.
Ғалымдардың зерттеуінше, COVID-19 оның туысы, 17 жыл бұрынғы SARS секілді түбегейлі жоғалып кетпейді. SARS жұқтырғандар ауруды ауыр өткізген екен. Оның белгілері де айқын болған. Карантин режимі енгізілгеннен кейін оның тарауы бәсеңдеген.&nbsp;
Алайда COVID-19 көп жағдайда еш белгісіз өтеді және вирус та білдіртпей тарайды. Сондықтан коронавирустың тарауын толығымен тоқтату мүмкін емес. Қытайдың өзінде күн сайын еш белгісі байқалмаған ондаған науқас анықталатын көрінеді.
<blockquote>
 «Бәлкім бұл адамзатпен ұзақ уақыт бірге өмір сүретін, маусымдық ауруға айналатын эпидемия секілді қалады», – дейді қытайлық ғалым Цзинь Ци.
</blockquote>
Айта кетейік, дүние жүзі бойынша коронавирус инфекциясын жұқтырғандардың саны 3,2 миллионнан асты. 1 миллионнан аса адам жазылып шықты. Коронавирус 228 223 адамның өмірін қиды.

Ғалымдар: Коронавирус маусымдық ауруға айналады

<a href="https://kyzylorda-news.kz/">Kyzylorda-news.kz.</a> «Tolles Diktat-2020» бүкілресейлік ашық акция-байқаудың қорытындысы бойынша Қызылордадағы Назарбаев Зияткерлік мектебінің оқушылары 22 жүлделі орындарды иемденіп, неміс тілін білу деңгейлерін дәлелдеді.
11-сыныптың оқушысы Жұлдызай Берміштай білім сайысында неміс тілін В1 деңгейде меңгергендер категориясында бақ сынасты. Нәтижесінде ұсынылған диктантты өте жақсы жазып шығып, жеңімпаз атанды.
«Неміс тілін екі жылдан бері үйренудемін. Бүгінде осы тілде әңгіме құрып, қысқа мәтіндерді оқу және белгілі тақырып төңірегінде өз пікірімді білдіре аламын. Тіл білу болашақта үлкен мүмкіндіктерге жол ашады», – дейді Жұлдызай.
«Tolles Diktat» – неміс тілін насихаттау және осы тілде сауатты жазу мәдениетін дамыту мақсатында неміс халқының қоғамдық ұйымдары бастамасымен жыл сайын өткізілетін үлкен жоба. Биыл байқауға 22 мемлекеттен 67 000 қатысушы тіркеліп, онлайн түрде диктант жазды.
<blockquote>
 «Жұлдызаймен бірге 7-11-сыныптардан тағы 40-қа жуық оқушы мектеп намысын қорғады. Нәтижесінде сайыста 6 жас зияткер 3-орынды, 11 қатысушы 2-орынды иеленсе, 5 бала байқаудың жеңімпазы атанды», – дейді неміс тілі пәнінің мұғалімі Анар Піржанова.
</blockquote>
Айта кету керек, 2018 жылдан бастап Назарбаев Зияткерлік мектебінде неміс тілінен арнайы элективті курстар ашылып, Германия елінде білім алуға қажетті тілдік дағдыларды арттыру бағытында жұмыс жасайды.
Сондай-ақ, жыл сайын Гёте институты өткізетін «Неміс тілі сахнада» атты фестивалінде қызылордалық зияткерлер үздік тілдік дағдыларын көрсетіп, Лауреат атанып келеді.
<img src="https://kyzylorda-news.kz/wp-content/uploads/2020/04/whatsapp-image-2020-04-27-at-16.46.14-1.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-29-at-18.11.42.jpeg" alt="" />
<img src="https://kyzylorda-news.kz/wp-content/uploads/2020/04/whatsapp-image-2020-04-30-at-11.24.34-1-1.jpeg" alt="" />

Қызылордалық оқушылар неміс тілінен бүкілресейлік байқаудың жеңімпазы атанды (ФОТО)

<a href="https://kyzylorda-news.kz/">Kyzylorda-news.kz</a>. Қызылорда облысындағы үкіметтік емес ұйымдар туралы ақпараттық бюллетень жарық көрмек.
2020 жылдың шілде айында «Қызылорда облысының Азаматтық Альянсы» Қауымдастығы олыстағы үкіметтік емес ұйымдар қызметі туралы ақпараттық бюллетеньді шығаруды жоспарлауда.
<blockquote>
 “Біз өңірдегі үкіметтік емес ұйымдардың қызметі дүйім қауымның назарында болуын қалаймыз. Сондықтан 2019 жылдың шілдесі мен 2020 жылдың шілдесі аралығында ҮЕҰ жүзеге асырып жатқан жобалар мен бағдарламалар туралы ақпараттарды бізбен бөлісyiн cұраймыз”, – дейді қауымдастық мүшелері.
</blockquote>
Аталған басылым ҮЕҰ қызметі үшін пайдаға асатын бағалы ақпарат көздері мен құралдарды қамтиды.
Ақпараттар 2020 жылдың 10-шы шілдесінен бастап қабылданады.
Ұсынылатын ақпараттар бойынша:
1. Ұйым және оның нәтижелі жүзеге асырған жобалары туралы қысқаша ақпарат , «Storytelling» форматында (Табыс тарихы).
2. Шрифт Times New Roman, 14 кегль, бірлік интервал. Ақпараттың көлемі 1 беттен&nbsp; артық емес.
2. Суреттердің саны 3-ден артық емес, JPG форматында.
Ақпаратты madi800@mail.ru электронды поштасына жолдауды сұраймыз.
Барлық сұрақтар бойынша келесі телефонға хабарласыңыздар: 
8 776 898 6666 Инабат Карифуллаева 
8 702 224 25 55 Эрик Тенизбаев.

Қызылордада ҮЕҰ туралы ақпараттық бюллетень жарық көрмек

<a href="https://kyzylorda-news.kz/">Kyzylorda-news.kz.</a> Сталиндік режимнің кезінде көптеген халықтарға «саяси сенімсіздік» көрсетіліп, әртүрлі жасанды айыптармен жаппай қуғын-сүргінге ұшыратып, атамекендерінен күштеп жер аударылды.
Қарапайым халық тағдыр тауқыметіне көніп, шет аймақтарға күштеп көшірілді. Осындай тағдыр теперішіне ұшыраған көптеген халықтардың тағдыры Арал өңірімен де байланыс­ты. Осы кезге дейін «Қызыл империяның» кәріне ұшырап жер аударылғандардың КарЛАГ, СтепЛАГ, АЛЖИР сияқты лагерьлерге тоғытылып келгені жайлы ғана білетін болсақ, қолымыздағы жаңа деректер ондай лагерьлердің Арал ауданы көлемінде де болғанын айғақтайды. Мысалы, БКП(б) Қазақ өлкелік комитетінің 18 ақпан 1930 жылғы жиналыс хаттамасында ОГПУ басшысы Валленбергке екі апта уақыт ішінде 2000 бай-құлақты Арал теңізінің жағалауларына қоныс аударту және олардың орналасу маршрутын дайындау жөнінде тапсырма берілген. Осы тапсырмаға сәйкес ақпан айында Арал қаласында 9000 адамға 45 барак үй, Көкаралда 10000 адамға 50 барак дайындап, балалар мен қарттарды орналастыру көзделген. Тапсырманың қауырт болғандығы соншалық, Көкаралдағы босқындар үшін тұрғындардан 300 киіз үй жалданып алынған. Бұл қоныстар Орталық саяси басқарма шешімімен Арал ауданының аумағында, әсіресе темір жолдан қашық, көбінесе теңіз жағалауындағы елді мекендерде орын теуіп, әскери комендатуралардың бақылауында катаң режим жағдайында ұсталатын болған.
Осындай шараларға сәйкес 1930 жылғы 30 наурыздағы берілген ақпарда Арал ауданына келген күштеп көшірілгендер саны 7535 адам деп көрсетілген. Оның ер адамдары – 1998, әйелдер – 2029, 16 жасқа дейінгі балалар саны – 3108. Санитар­лық дәрігер Самойловтың жазбаларында Арал концлагерінің 30 барағында 6340 адам­ның нарларда орналасқаны, тұр­мыс жағдай­ла­рының мәз емес екендігі көр­сетілген.
Күштеп көшірілгендер легі 1932 жы­лы тағы да толыға түскен. Ақтөбе облыс­тық ОГПУ бөлімінің 1932 жылғы 8 қара­шасындағы №2148/2 арнайы мәліметінде (АОММ қ-136,т-6, іс-158, п-3; спец.сводка) Арал ауданына күштеп арнайы көшірілгендердің жай-күйі жөнінде құпия мәліметтер берілген.
Арал ауданының 19-комендатурасын­да 1932 жылдың 25 қазанындағы беріл­ген мәлімет бойынша 4294 адам, оның ішінде 1368 ер адам, 1324 әйелдер және 1602 балалардың арнайы күштеп кө­ші­ріл­гендер тізіміне енгендігі жайлы көрсетілген. Олардың 11 пункт бойынша ау­данның Арал қаласы, Бөген, Қара­терең, Ұзынқайыр, Көкарал, Ауан, Құ­лан­ды, Возрождение, Ұялы сияқты елді мекендерінде орналастырыл­ғаны, соның ішін­де саны жағынан Аралда 1227 адам, Возрождениеде 888 адам, Құландыда 612 адам, Көк­аралда 611 адам басқа жерлерден көбі­рек орналастырылған.
Алайда, архив материалдарынан бұл жылдарда Арал өңіріне күш­теп көшірілгендердің тұрмыстық жағдай­ла­рының на­шарлығы, олардың Кеңес өкіметіне қар­сы наразылық пиғылда болғандығы жай­лы мағлұматтардың мол екендігіне көз жеткіземіз. Олардың тұрғын жайлар­мен қамтамасыз етілгені жайлы да көр­сетілген, дегенмен, Ұялыда оларды орналастыратын пәтерлердің жетпей отыр­ғаны, кейбір елді мекендерде бір пә­тер­ге 11 адамнан тұратын 3 отбасының орна­лас­қаны, ал кейбір жерлерде үй жетіс­пе­гендіктен брезент шатырларда тұ­рып жатқандығы көрсетілген, тіпті жөн­деу жүргізілмеген ескі үйлерде де тұра­ты­ны атап өтіледі.
Орналастырылғандарды азық-түлікпен қамтамасыз етуде де кемшіліктер орын алған, мысалы, Құланды елді мекенінде ұн орнына шикісөк (пшено) берілген. Күнде­лікті азық-түлік паегі азайтылған мөл­шерде беріліп келген. Мысалы, бір балық­шыға 1000 грамм орнына 800 грамм, жұ­мыс­шыға 800 грамм орнына 500-600 грамм ғана беріліп отырған.
Құланды елді мекенінде олардың қыр­құлақ (цинга) ауруымен ауыра бастағаны көрсетілген. Кейбір жерлерде күріш, макарон, май сияқты азық-түлік түрлері бар бола тұра, өз мақсатына жұмсалмай отырғаны, яғни тиісті адамдарға берілмей отырған фактілері де мәлім етілген.
Күштеп көшірілгендер негізінен теңіз жағалауындағы елді мекендерде балық аулау кәсіпшіліктеріне жұмысқа тартылған, бірақ олардың еңбекақыларының мардым­сыз екендігі көрсетілген. Мысалы, балық­шы айына 70-80 сомның көлемінде еңбек етсе де, оларға тек 32 сом көлемінде ғана еңбекақы төлеп отырған, бұл олардың көп балалы отбасыларын асырауына жет­кі­ліксіз болған. Кей жерлерде ақшалай төлем орнына азық-түлікпен есептесетін болған. Бұл жағдайлар олардың тарапынан наразылықтар тууына себепші болды.
Күштеп көшірілгендер арасында Кеңес өкіметіне қарсы айтылған ой-пікірлердің бар екені, кейбіреулердің «Кеңес өкіметі кешікпей құлайды» деген сыбыстар таратып, қарсы үгіт жүргізетіні анықталған. (АОММ қ-136, т 66,іс-158, п-5(спец.сводка). 
Ал, депортацияға ұшырап, бұрын Қи­ыр Шығысты мекендеген корей ұлты­ның өкілдері 1936-1937 жылдары Сыр өңі­ріне, соның ішінде Аралға да қоныстан­ды­рыл­ған. 
Арал өңіріне күштеп көшіріліп келген қоныстанушылардың (спец. переселен­цы) есебінен аудандағы халық саны да ай­тар­лықтай көбейген. Статистикалық мәліметтерге қарағанда, 1932 жылы Арал ауда­нында 55335 халық тұрған болса, оның 11954-і, яғни 21 пайызы әртүрлі ұлт өкілдері болған.
Болатбек ҚУАТОВ,
«Қызылорда облысының мемлекеттік архиві» КММ-нің
Арал аудандық филиалының басшысы

Теңіз төскейіне тағдыр айдап келгендер

<a href="https://kyzylorda-news.kz/">Kyzylorda-news.kz.</a> Құрметті ағайын, сіздерді 1 мамыр – Қазақстан халқының бірлігі күні мерекесімен шын жүректен құттықтаймын.
1 мамыр – бүгінгі таңда бейбіт өмір мен ынтымақты тұрмыс кешіп отырған ел тұрғындарының асыға күтетін мейрамы. Еліміздің басты қорғаушысы, күші саналатын қоғамдық келісім мен этносаралық үйлесімді сақтау қазақ елінің алдында тұрған басты міндет.
Біз құшағы кең, қонақжай Арал халқымен бірге еліміздің даму жолында еңбек етіп, берекелі тұрмыс кешіп келіміз. Бейбітшілік пен татулықтың арқасында бізді болашақта бұдан да жарқын, баянды күндер күтіп тұр.
Біздің бір шаңырақтың астындағы ынтымағымызға әлем сүйсінеді.
Сіздерді мерекемен құттықтай отырып, баршаңызға зор денсаулық тілеймін. Бір шаңырақтың астындағы халқымыздың достығымен өзара түсіністігі одан әрі жалғасып, еліміздегі ұлтаралық татулық жалғаса берсін.
Виктор ЧУМАШ,
Молдаван ұлтының өкілі,
Арал қаласының тұрғыны

Виктор Чумаш: Бір шаңырақтың астындағы ынтымағымызға әлем сүйсінеді

<a href="https://kyzylorda-news.kz/">Kyzylorda-news.kz.</a> 1 мамыр – Қазақстан халқының бірлігі күні мерекесі біздің халқымыз үшін ерекше маңызға ие.
Халқымыздың «Бірлік болмай, тірлік болмас» деген сөзінен достық, ынтымақ қастерлеудің үлгісі көрінеді. Осы бір өміршең қағида ұлтына, діни-сенім нанымына қарамастан еліміздің барлық азаматтарының берік ұстанымына айналды.
Елбасының бастамасымен құрылған Қазақстан халқы Ассамблеясының жұмысы өз жемісін беріп жатыр. Бір шаңырақтың астында түрлі этнос өкілдері бір отбасының балаларындай өмір сүріп жатыр.
Қазақ ұлты талай сыннан сүрінбей өтіп, бар қатерге ерекше сабыр танытқан. Бұл біздің жұдырықтай жұмылған бірлігіміздің көрінісі. Әлемді кезген індет өкінішке орай біздің елді де айналып өтпеді.
Ел Президентінің шұғыл шешімінің арқасында елімізде төтенше жағдай жарияланды. Бұл елдің денсаулығы мен қауіпсізігі үшін дер кезінде қабылданған шешім. Бірақ біз бұл сыннан да өтеміз. Бізді алда жарқын күндер күтіп тұр. Тек бір жеңнен қол, бір жағадан бас шығарып ауызбіршілігімізді көрсетуіміз керек.
Қазақстан халқының бірлігі жарасып, Отанымызда әрқашан бейбітшілік пен келісім, достық пен сенім орнасын.
Геннадий ШИПОВСКИХ,
ҚР Парламент Мәжілісінің депутаты

Қазақстан және Қызылорда облысының жаңалықтары

Қызылордада 650 отбасына “Ауызашар қоржыны” таратылды

Ауа райы: Қазақстанның бірнеше облысында ескерту жарияланды

2 мамыр: Атаулы күндер мен оқиғалар

Жұлдыздар не дейді?

Өңір басшысы облыс орталығындағы саябақтарды абаттандыру жұмыстарын сапалы жүргізуді тапсырды

Қызылорда облыстық ҚХА мүшелері блок-бекеттегі қызметкерлерді мерекемен құттықтады (ФОТО)

Ғалымдар: Коронавирус маусымдық ауруға айналады

Қызылордалық оқушылар неміс тілінен бүкілресейлік байқаудың жеңімпазы атанды (ФОТО)

Қызылордада ҮЕҰ туралы ақпараттық бюллетень жарық көрмек

Теңіз төскейіне тағдыр айдап келгендер

Виктор Чумаш: Бір шаңырақтың астындағы ынтымағымызға әлем сүйсінеді

Геннадий Шиповских: Бірлік – барлық бақыттың бастауы

Қазақстан және Қызылорда облысының жаңалықтары

Қызылордада 650 отбасына &#8220;Ауызашар қоржыны&#8221; таратылды

Ауа райы: Қазақстанның бірнеше облысында ескерту жарияланды

2 мамыр: Атаулы күндер мен оқиғалар

Жұлдыздар не дейді?

Өңір басшысы облыс орталығындағы саябақтарды абаттандыру жұмыстарын сапалы жүргізуді тапсырды

Қызылорда облыстық ҚХА мүшелері блок-бекеттегі қызметкерлерді мерекемен құттықтады (ФОТО)

Ғалымдар: Коронавирус маусымдық ауруға айналады

Қызылордалық оқушылар неміс тілінен бүкілресейлік байқаудың жеңімпазы атанды (ФОТО)

Қызылордада ҮЕҰ туралы ақпараттық бюллетень жарық көрмек

Теңіз төскейіне тағдыр айдап келгендер

Виктор Чумаш: Бір шаңырақтың астындағы ынтымағымызға әлем сүйсінеді

Геннадий Шиповских: Бірлік – барлық бақыттың бастауы

Қызылордада 650 отбасына “Ауызашар қоржыны” таратылды