<a href="https://kyzylorda-news.kz/">Kyzylorda-news.kz.</a> 1 мамыр – Қазақстан халқының бірлігі күні мерекесі біздің халқымыз үшін ерекше маңызға ие.
Халқымыздың «Бірлік болмай, тірлік болмас» деген сөзінен достық, ынтымақ қастерлеудің үлгісі көрінеді. Осы бір өміршең қағида ұлтына, діни-сенім нанымына қарамастан еліміздің барлық азаматтарының берік ұстанымына айналды.
Елбасының бастамасымен құрылған Қазақстан халқы Ассамблеясының жұмысы өз жемісін беріп жатыр. Бір шаңырақтың астында түрлі этнос өкілдері бір отбасының балаларындай өмір сүріп жатыр.
Қазақ ұлты талай сыннан сүрінбей өтіп, бар қатерге ерекше сабыр танытқан. Бұл біздің жұдырықтай жұмылған бірлігіміздің көрінісі. Әлемді кезген індет өкінішке орай біздің елді де айналып өтпеді.
Ел Президентінің шұғыл шешімінің арқасында елімізде төтенше жағдай жарияланды. Бұл елдің денсаулығы мен қауіпсізігі үшін дер кезінде қабылданған шешім. Бірақ біз бұл сыннан да өтеміз. Бізді алда жарқын күндер күтіп тұр. Тек бір жеңнен қол, бір жағадан бас шығарып ауызбіршілігімізді көрсетуіміз керек.
Қазақстан халқының бірлігі жарасып, Отанымызда әрқашан бейбітшілік пен келісім, достық пен сенім орнасын.
Геннадий ШИПОВСКИХ,
ҚР Парламент Мәжілісінің депутаты

Геннадий Шиповских: Бірлік – барлық бақыттың бастауы

<a href="https://kyzylorda-news.kz/">Kyzylorda-news.kz.</a> Каратэ-додан Қазақстан Республикасының халықаралық дәрежедегі спорт шебері, 3 дүркін әлем, 3 дүркін Азия чемпионы Мөлдір Жаңбырбай 1 мамыр – Қазақстан халқының бірлігі күнімен сырбойылықтарды құттықтады.

Мөлдір Жаңбырбай: Байлық та, бақыт та – бірлікте (видео)

<a href="https://kyzylorda-news.kz/">Kyzylorda-news.kz.</a>&nbsp;Көктем мезгілінің соңғы айында табиғат ана өмірге дем беріп, айнала көгеріп гүлденеді. Бұл мерекені халқымыз табиғи жаңарудың, рухани тазарудың белгісіндей қарсы алатыны анық.
Бірлік бар жерде тірлік бар демекші осы күн – 1 мамыран бастап жыл аяғына дейін бірлікке, мейірбандылыққа бастайтын атаулы әрі маңызды күндер елімізде жалғасын табады.
Бұл күннің тағы бір ерекшелігі – елімізде тұратын барлық этнос өкілдері бір алаңға жиналып, ұлттық тағамдары мен дәстүрлерін насихаттап ортақ қуанышқа кеңеледі.
Дегенмен биылғы жылы, әлемді шарпыған коронавирустан мұндай қызықты шараға тоқтау қоюға мәжбүрміз.
Еліміздің денсаулығына қолдау көрсету – біздің азаматтық парызымыз деп білемін. Биылғы 1 мамыр мерекесін өз шаңырағымызда отбасы мүшелерімізбен атап өтеміз.
Алдыңғы буын аға-апаларымыз кейінгі ұрпаққа еліміздің, ұлтымыздың тарихы жайлы әңгімелер айтып, балаларымыз мереке тақырыбында көрініс қойып өзгелермен бөлісе отырса жақсы іс болады.
Онымен қоса, барлық мұсылмандардың ұлы мерекесі Ораза айт мерекесі басталып кетті. Оразаларыңыз қабыл болсын ұстаған ағайын!
Осындай діни және мемлекеттік қос мерекеде көңіліміз толысып, мына оқшауланған қиын кезеңде ел азаматтарына демеу болады деген сенімдемін.
Ардақты бауырластар!
Осындай атаулы мерекеде баршаңыздың отбасыларыңызға бақ пен береке, шаттық пен думанды көңіл-күй тілеймін. Жырақта жүрген жақындарыңыз болса жақын арада аман есен қауышуыларыңызға жазсын.
Мереке құтты болсын!
Юсуп САИДОВ,
Қызылорда облыстық шешен этномәдени бірлестігі жетекшісінің орынбасары

Юсуп Саидов: Мен үшін жер бертінде қазақтай мейірбан халық жоқ

<a href="https://kyzylorda-news.kz/">Kyzylorda-news.kz.</a>&nbsp;Халқымызда «Ырыс алды – ынтымақ» деген қанатты сөз бар. Бірлігі бекем елдің ынтымағы, халқының достығы пен бауырмалдығы бейбіт күннің, татулықтың темірқазығындай ең басты құндылық саналады.
Біртұтас Қазақстан халқы ҚР Тұңғыш Президенті – Елбасы Нұрсұлтан Әбішұлы Назарбаевтың сарабдал саясатын жүзеге асыруда.
Біз – қазақстандықтар, рухани жаңғыру жолында, жүйелі даму бағытында экономикалық, саяси даму мақсатында аянбай еңбек етуге тиіспіз.
Қазақ елі қазіргі таңда өзіндік бет-бейнесі бар, өзіндік ерекшеліктері мен ұстанымы бар, берекесі мен бірлігі жарасқан табысты мемлекетке айналған.
Біз – бір мақсат, бір мүдде, бір болашақ жолында жұмылған қуатты елміз. Біздің басты байлығымыз – қоғамдық келісім мен саяси тұрақтылық.
Бұл жетістікті бағалау, оны сақтау жолында аянбай еңбек ету – әр отандасымыздың қастерлі міндеті.
Түрі басқа болғанымен, тілегі бір, жүзі басқа болғанымен, жүрегі бір Қазақстан халқы бірлік пен татулықтың арқасында жарқын болашаққа бет алып келеміз.
Бүгінде мәдениеті мен салты сақталған бірлік шаңырағында ұйысқан ұлттық мәдени орталықтар достықтың дәлелі болып отыр.
Бірлік мерекесі күні Сіздерге бақыт, зор денсаулық, еңбектеріңізге табыс тілеймін. Бейбіт өмірдің берекесі, халқымыздың ынтымағы мен бірлігі арта берсін!
Светлана КИМ,
Жалағаш ауданы, Бұқарбай батыр ауылындағы
№33 орта мектептің мұғалімі

Светлана Ким: Қазақ халқы бізге бақытты өмір сыйлады

Құрметті қызылордалықтар!
Баршаңызды бірлік пен татулықтың, ырыс пен ынтымақтың мейрамы – 1 Мамыр – Қазақстан халқының бірлігі мерекесімен шын жүректен құттықтаймын!&nbsp;
Тұңғыш Президентіміз Нұрсұлтан Әбішұлы Назарбаев “Мәңгілік елдің алтын діңгегі – береке мен бірлік!” деп атап көрсеткен еді.
Бұл ретте, Елбасының бастамасымен құрылған Қазақстан халқы Ассамблеясы да ел бірлігінің сақталуына зор үлес қосып келеді.
Бірлік күні – сүйікті Отанымызға деген сүйіспеншілік пен қазақстандық патриотизмнің, ауызбіршіліктің жарқын көрінісі.&nbsp;
Бүгінде басты жетістігіміз этносаралық және конфессияаралық келісім, өзара түсіністік пен сыйластық десек, еліміз әлемге қоғамдық келісімнің ерекше моделін қалыптастырушы мемлекет ретінде танылды.&nbsp;
Әлемде болып жатқан жағдайларға зерделей қарасақ, бейбіт өмір мен тұрақтылықтың, тыныштықтың қадірі арта түсетіні сөзсіз.&nbsp;
Дүниежүзінде орын алған қатерлі пандемия бізді де айналып өтпеді. Дәл осындай күрделі кезеңде халқымыздың ауызбіршілігі мен татулығы ауадай қажет.
Президентіміз Қасым-Жомарт Кемелұлы Тоқаев айтқандай, “Біз – рухы асқақ, бірлігі бекем, еңсесі биік халықпыз. Сондықтан, бұл сынақтан да сүрінбей өтіп, қиындықты бірге еңсереміз” деп атап көрсетті.
Қадірлі жерлестер!
Бірлік пен татулық мерекесі әр отбасына бақ-береке, ырыс-несібе, қуаныш пен шаттық әкелсін!
Еліміз еңселі, Тәуелсіздігіміз тұғырлы, ғұмыры мәңгі болсын!
Сыр елі – талай cында шыңдалды, бұл сынақтан да сүрінбей өтетініне сенімдімін!
Біз Біргеміз!&nbsp;
Қызылорда облысының әкімі
Гүлшара Әбдіқалықова.

Гүлшара Әбдіқалықова қызылордалықтарды 1 мамыр мерекесімен құттықтады

<a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев қазақстандықтарды Қазақстан халқының бірлігі күнімен құттықтады, деп хабарлайды Ақорданың баспасөз қызметі.
Мемлекет басшысы Қасым-Жомарт Тоқаевтың Қазақстан халқының бірлігі күнімен құттықтауы
Құрметті отандастар!
Баршаңызды Қазақстан халқының бірлігі күнімен құттықтаймын!
Бұл мереке қасиетті жерімізді мекендейтін әр адам үшін аса қымбат.
Егемен еліміздегі барлық этникалық топ өкілдері біртұтас Қазақстан халқын құрайды. Біз достық пен ынтымақтың, татулық пен тұрақтылықтың арқасында зор жетістікке жеттік.
Бейбітшілік пен қоғамдық келісім – баға жетпес байлығымыз. Бұл құндылықтар Тұңғыш Президентіміз – Елбасы Н.Ә.Назарбаев негізін қалаған жаңа Қазақстанның стратегиялық бағыт-бағдарының өзегіне айналды.
Біз бір ел, біртұтас халық болып тәуелсіздігімізді нығайттық. Халықаралық қоғамдастықтағы абырой-беделімізді арттырдық.
Биылғы Бірлік күнінің мән-маңызы ерекше. Бүгінде Қазақстан бүкіл әлемге тараған коронавирус пандемиясымен күресуде. Жаһандық экономикалық дағдарыстың салдарын халқымыз да сезініп отыр.
Біздің бірлігіміз бекем, мақсатымыз ортақ, рухымыз асқақ. Соның арқасында кез-келген қиындықты жеңіп, жасампаздық пен өрлеу жолында жаңа белестерді бағындырамыз деп сенемін.
Сіздерге мықты денсаулық, бақ-береке және толайым табыс тілеймін!
Біз біргеміз!

Мемлекет басшысы Қазақстан халқының бірлігі күнімен құттықтады

<a href="https://kyzylorda-news.kz/">Kyzylorda-news.kz.</a> Қазақстан Республикасының Тұңғыш Президенті – Елбасы Нұрсұлтан Назарбаевтың қазақстандықтарды 1 мамыр – Қазақстан халқының бірлігі күнімен құттықтады.
***
Құрметті отандастар!
Баршаңызды Қазақстан халқының бірлігі күнімен шын жүректен құттықтаймын!
Бұл мейрам ұлттық болмысымызды айқындайтын асыл қасиеттеріміз – достықты, сенімді және патриотизмді дәріптейді.
Мен ширек ғасыр бұрын осы мерекені белгілеу туралы шешім қабылдаған едім. Өткен жылдар ішінде біз еліміздің көпұлтты және көпконфессиялы құрылымын стратегиялық артықшылығымызға айналдыра алдық.
Қазақстан береке-бірліктің арқасында түрлі қиындықты еңсеріп, бүкіл әлемнің құрметіне бөленді және мемлекет құру ісінде зор жетістікке жетті.
Бейбітшілік пен қоғамдық келісім әрдайым елдігімізді бекемдейтін қастерлі құндылығымыз болып қала береді.
Біз биыл Қазақстан халқы ассамблеясының 25 жылдығын атап өтеміз. Бұл – барлық этнос өкілдерін мемлекет құрушы ұлттың төңірегіне топтастыратын және тәуелсіздігімізді нығайтуға ықпал ететін бірегей институт.
Халқымыздың ырыс-ынтымағы тарих пен тағдыр сыйы ғана емес, әрқайсымыздың ерен еңбегіміз бен зор жауапкершілігіміздің нәтижесі.
Бірлік күні биыл әдеттен тыс жағдайға тұспа-тұс келіп отыр. Бүкіл әлемді жайлаған індет біздің елімізді де әбігерге салды.
Бұл сынақтан да сүрінбей өтіп, күш-қуатымызды одан әрі арттыра түсеміз деп сенемін. Осы жолда достық, бірлік, келісім және өзара қолдау қағидаттарын берік ұстанғанымыз абзал.
Баршаңызға мықты денсаулық пен бақ-береке, елімізге татулық пен толағай табыс тілеймін!

Елбасы қазақстандықтарды 1 мамыр күнімен құттықтады

<a href="https://kyzylorda-news.kz/">Kyzylorda-news.kz.</a>&nbsp;Бүгін мемлекеттік мереке 1 мамыр – Қазақстан халқының бірлігі күні. Қазақстан Республикасының Тұңғыш Президенті – Елбасы Нұрсұлтан Назарбаевтың Жарлығына сәйкес 1996 жылдан бастап атап өтіледі.
Достық пен өзара түсіністіктің нышанына болған бұл мереке Қазақстан қоғамындағы біріктіруші факторлардың біріне айналды. Қазақстан – мәдениеттерінің, тілдері мен дәстүрлерінің әралуандығы басты байлығына айналған, ал азаматтары жасампаздық пен даму идеясы айналасында біріккен ел. Сол тұрғыдан алғанда 1 Мамыр мейрамы елімізде ұлттар мен ұлыстардың достығы мен татулығының, азаматтық келісімнің, еліміздегі 130-ға тарта халықтардың ауызбірлігінің жарқын көрінісін паш етеді. Қазақстан халқының бірлігі мерекесін жаңа тұрпатта тойлау қажеттігін, оны еліміздің басты мерекесіне айналдыру идеясын Мемлекет басшысы Н. Назарбаев 2011 жылы көтерген болатын.
<blockquote>
 «Көктемгі 1 мамыр мерекесі біздің елдегі этностарды бұрынғыдан да жақындастыра түсуі тиіс. Бұл біздің туған Қазақстанымыздағы негізгі мерекеміз болады. Бірінші мамыр – бірліктің ерекше мерекесі. Сондықтан да, мамырда тұтас ай бойы жақындасудың барлық жаңа жолдарын байқап көру керек. Ал тұрақтылық болмаған жерде даму да болмайтынына қазіргі жер жаһанда орын алып жатқан мысалдар жеткілікті. Сондықтан да, бірлікті ту еткен еліміз Қазақстан халқының бірлігі күнін басты мерекелердің біріне айналдыруды қолдап келеді. Жұмыс істеу қажет. Егер барлық облыстарда тереңінен ойластырса, өте қызықты шаралар жүзеге асатын болады әрі мұның елге пайдасы да зор», – деген еді Елбасы.
</blockquote>
Көптеген ұлттардың ортақ шаңырағына айналған Қазақстан бейбітшілік пен келісім арқылы әлемге үлгілік жолды нұсқап келеді. Әйтсе де, ұлтаралық келісім мен дінаралық татулықтың алтын бесігін тербету аяқ астынан туындаған немесе қазақ даласында өздігінен пайда болған дүние еместігі бесенеден белгілі. Ел иесі, жер иесі саналатын қазақ халқы алмағайып замандарда шартараптан бас сауғалаған, тағдыр тәлкегімен босып келген басқа жұртты бауырына басты. Өзінің тоз-тозы шыққанына қарамастан, басқаның қайғысына да ортақтығын танытты. Кеңестік жүйе қыспағымен қазақ даласын паналаған бөтен жұрт осында мәңгілік тұрақтап қалды. Тәуелсіздік тұсында да қырықжамаудай болған ұлттық құрамдағы осы ерекшелікті негізге алғандар «жаңадан пайда болуы ықтимал үлкен қақтығыстар алаңы» ретінде қазақ даласын меңзеген еді. Алайда, қазақ халқының даналығы, кеңдігі мен сыйластығы этностық тегіне, әлеуметтік, діни және де шығу тегіне қарамай, жаңа мемлекеттің барша азаматының ұйысуына себепші болды.

Бүгін – Қазақстан халқының бірлігі күні

Қазақстан халқының бірлігі күні.
Қазақстан Республикасы Президенті Н.Ә.Назарбаевтың Жарлығына сәйкес 1996 жылдан бастап атап өтіледі. 100-ден астам ұлт өкілдері тұратын Қазақстан үшін бұл мереке дәстүрлі мейрамдардың біріне айналды.
1813 жылы&nbsp;Омбы кадет корпусы құрылды. Онда танымал ғалымдар мен қоғам қайраткерлері білім алған. Олардың қатарында қазақтың ұлы ғалымы, ағартушы, шығыстанушы, тарихшы, этнолог, географ, фольклортанушы Шоқан Уәлиханов, сондай-ақ Сібір мен Орталық Азияны зерттеуші және саяхатшы Н.Потанин бар.
1926 жылы&nbsp;республиканың Халық комиссарлары кеңесінің «Қазақ КСР-індегі бірыңғай еңбек мектептері жарғысы» қабылданып, онда қазақ қыздары мен шығыс ұлттары қыздарының білім алуына ерекше көңіл бөлінді. Қыздар үшін арнайы мектептер Алматы, Шымкент, Түркістан, Орда қалаларында ашылды.
1930 жылы&nbsp;Орта Азия мен Сібір аралығын жалғастырған Түркістан-Сібір теміржолының ашылу салтанаты өтті. Бұл теміржол Семей қаласынан Алматы арқылы Жамбыл облысының Луговой бекетіне дейінгі аралықты жалғады. Ұзындығы 1452 шақырым. Теміржол құрылысы 1927 жылы басталып, 1931 жылы толығымен аяқталған. Құрылыс инженері Мұхамеджан Тынышбаев болды. Ең бірінші болып Э-1441 паровозы құрылыс заттарымен жүріп өтті.
1992 жылы&nbsp;Алматыда Қазақстан Республикасының Президенті Нұрсұлтан Назарбаев және Түркияның Премьер-Министрі Сүлеймен Демирель Бірлескен мазмұндамаға қол қойды. Ал Үкiмет басшылары Өзара жәрдемдесу және инвестицияларды қорғау туралы келiсiмге қол қойды. Екі жақтағы министрліктер мен мекемелердің жетекшілері автомобиль көлiгi, авиация қатынасы, мәдениет, радио және теледидар, кадр даярлау, орташа және шағын кәсiпорындар, банктiк және несие салаларын дамыту туралы, Қазақстанның батыс өңіріндегі мұнайды өңдеудегi түрiк фирмаларының жәрдемдесуi туралы, Ақтөбедегі газ электр станциялары ғимараттары туралы, Маңғыстаудағы мұнай өңдейтiн зауыттың құрылысы және қалпына келтiру жұмыстары туралы, Ақтау портын қалпына келтiру, Каспий теңізі арқылы Қара және Балтық теңіздеріне Қазақстанның жүктерін тасымалдау төңірегіндегі ынтымақтастық туралы келісімдерге және хаттамаларға қол қойылды.
2000 жылы&nbsp;Алматыда Қазақстан халықтары достығының I фестивалі өтті. 2004 жылғы қазанның біріндегі ҚР Статистика агенттігінің мәліметі бойынша: қазақтар – 57,7%, орыстар – 26,8%, украиндар – 3,1%, өзбектер – 2,8%, немістер – 1,5%, татарлар – 1,5%, ұйғырлар – 1,5%, кәрістер – 0,7%, белорустар – 0,6%- ды құраған.

1 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 1 мамырға арналған жұлдыз-жорамалы.
Тоқты 
Бүгінгі күн аздаған сәтсіздікен басталуы мүмкін. Оған алаңдаудың еш қажеті жоқ, бәрі қалыпқа келеді. Дұрыс шешім қабылдай білсеңіз, мәселеңіздің тез шешілуіне әсері бар. Қаржылық жағдайыңызда мәселе туындағанымен, жеке өміріңізде бәрі қалыпты. Романтикалық тосын сыйлар сізді қуантады.
Торпақ 
Айналаңызға бір сәт назар аударсаңыз қызықты да маңызды жағдайлардың барын түсінесіз. Жаңа идея пайда болып, серіктестер табасыз. Сырт көздің сынына ренжімеңіз. Кейінірек олардың да пайдасы барын түсінесіз. Жақсы жаңалықтар күтіп тұр. Ескі таныстарыңызды кездестіріп, оған ерекше қуанасыз.
Егіздер 
Егіздер үшін бүгін қайырлы күн. Ішкі түйсігіңіз қалай әрекет ету керектігін айтады. Оның арқасында сіз күрделі мәселелерді тез шешесіз, қарсыластарыңызды әлдеқайда артта қалдырасыз. Кәсіби біліктілігіңізді арттып, көкжиегіңізді кеңейтуге қолайлы күн. Бұрыннан араласып келе жатқан таныстарыңыз сізге жақсы кеңес береді, оларды тыңдау керек.
Шаян 
Бүгінгі күн соншалықты жаман емес. Бірақ сізге айналаңыздағы адамдардың бәрі қарсы тұрғандай көрінеді. Сіз бүгін көңілді болғанды ұнатасыз. Сондықтан, жұлдыздар сізді қуанта алатын адамдармен бірге уақыт өткізуге кеңес береді.
Арыстан 
Алдыңызға жоғары мақсаттар қоюға қорықпаңыз. Оларға қол жеткізу мүмкіндігіңіз бар. Арыстандар үшін жеке өмірін қолға алуға қолайлы күн. Енді адамдар сіздің ең жақсы қасиеттеріңізге назар аударады, бірақ олар кемшіліктерді байқамайды.
Бикеш 
Бикештерге бүгінгі күн сәтсіздіктерге толы болып көрінеді. Бар жұмысы кері тартып, айналасындағыларға сенімі азайып кетеді. Бірақ күн сіз ойлағандай жаман емес. Сіз оны кейін түсінесіз.
Таразы 
Сізде қызықты идеялар пайда болады. Пікірлеріңіз бен қорытынды ойыңыз көпшілікті таңқалдырады. Бүгін сізге біреу зиян келтіруі немесе жолыңызды жабуы екіталай. Отбасына қатысты жоспарланбаған сапарлар болуы мүмкін. Шағын қаржылық шығындар орын алады, бірақ сіздің бюджетіңіз үшін елеулі қауіп жоқ. Сонымен қатар, жақсы ақша табуға мүмкіндік болады.
Сарышаян 
Сарышаяндар үшін күннің бірінші жартысы келіспеушіліктер мен дауласудан басталады. Жиі қиын жағдайлар туындап, шешімін таба алмайсыз. Алайда, уақыт өте келе, оң әсері арта түседі. Бұрынғы алған тәжірибеңіздің арқасында қиындықты жеңіп шығасыз. Сізге жағымды тосынсыйлар және күтпеген сыйлықтар болуы мүмкін, жақын адамдар сізді қуантуға тырысады.
Мерген 
Мергендер үшін ресми және бейресми кездесуге қолайлы күн. Сапарларды осы күнге жоспарлауға болады. Жоспарланған сапарлар қызықты өтіп, жаңа адамдармен танысуға мүмкіндік береді. Қымбат сыйлықтар алуыңыз мүмкін.
Тауешкі 
Үлкен табысқа жетуге мүмкіндік беретін жақсы күн. Ірі ауқымды жобалар мен күрделі істерді қабылдауға қорықпаңыз. Өзіңіздің тәжірибеңіздің аздығы мен білімсіздігіңіздің кесірінен аздаған проблемаларға кезігуіңіз мүмкін.
Суқұйғыш 
Жұмыс үшін жағымды күн. Сіздің мақсатыңызға жету сіз күткеннен әлдеқайда жеңіл. Күннің басында қиял мен шығармашылықты қажет ететін нәрселерге көңіл аудару ұсынылады – олар сізге өзіңізді жақсы жағынан көрсетуге көмектеседі. Ақшалай қаражаттардың түсуі мүмкін, оның ішінде күтпеген. Кейбір суқұйғыштар жақсы келісімдер жасайды. Күннің екінші жартысы отбасылық мәселелерді шешу үшін қолайлы.
Балық 
Қиын күн. Өз қабілетіңізге сеніңіз. Қарапайым мақсаттарға жету үшін де көп күш жұмсайсыз. Қызықты кездесулер болуы мүмкін. Достарыңыздың кеңесіне құлақ түріп, олардың білімін пайдаланыңыз. Ол сіз үшін пайдалы. Күннің екінші жартысы ескі қателерді түзетуге мүмкіндік береді оны жіберіп алмаңыз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда қаласында 26 сәуірдегі түнгі рейд жүргізген полиция қызметкерлері төтенше жағдай режимін бұзған 5 деструктивті діни ағымдар өкілін ұстаған.
Полиция қызметкерлері түсіндіру жұмыстарын жүргізу барысында жиналғандардың уақыт шектеуіне қарамастан топталып, әртүрлі шаралар өткізуге, қонаққа баруға, Рамазан айында қаланың әр тұсында тұратын жолдастарының үйіне ауыз ашарға баруға әрекеттенгендері анықталды.
Сондай-ақ ауыз ашу рәсімінен кейін аталған азаматтар кездесуді моншаға түсумен жалғастырғаны белгілі болды.
Түсіндіру жұмыстарынан кейін режимді бұзушылар кінәларын толық мойындады. Осыған байланысты тұлғаларға қатысты Қазақстан Республикасының Әкімшілік құқық бұзушылық кодексінің 476-бабының 6-тармағымен хаттама толтырылып, сот шешімімен айыппұл салынды.

Қызылордада төтенше жағдай режимін бұзған «салафиттер» жазаланды

<a href="https://kyzylorda-news.kz/">Kyzylorda-news.kz.</a> Қызылордада «Тұрмыс» жедел профилактикалық іс-шарасының екі күнінде 465 тұлға тексерілді
Жүргізіліп жатқан іс-шара барысында учаскелік полиция инспекторларымен профилактикалық және тізімдік есебінде тұратын 465 тұлға тексерілді. Атап айтқанда, шартты түрде мерзімінен бұрын босаған 90 тұлға, формальді қадағалаудағы 30 , бұрын сотты болған 104 , қорғау нұсқамасы шығарылған 95, мінез-құлқына ерекше талап белгіленген 51, «маскүнем» ауруына шалдыққан 59 тұрғынға, «нашақор» ауруына шалдыққан 15 және 21 қолайсыз отбасы мекен-жайларынан тексеріліп, олармен профилактикалық мәні бар әңгімесулер жүргізілді.
Учаскелік полиция инспекторларымен іс-шара барысында 7 тұлға қорғау нұсқамасы санатымен есепке алынса, 3 тұлғаның мінез-құлқына ерекше талап белгіленді.
<blockquote>
 «Іс-шара жоспарына сәйкес барлығы 18 әкімшілік құқық бұзушылық анықталды. Атап айтқанда, ҚР ӘҚБтК-нің 73-бабымен (отбасы тұрмыстық жағдайда сыйламаушылық әрекеттерін жасағаны үшін) 5 дерегі, 461-бабымен (қорғау нұсқамасын бұзу) 3 дерек анықталып, құқық бұзушылардың барлығы әкімшілік жауапкершілікке тартылды. Сонымен қатар, іс-шара кезінде құқық бұзушылық жасауға бейім 50 азаматпен қылмыстық және әкімшілік жауапкершілік туралы профилактикалық және түсіндірме жұмыстары жүргізілді», – деп хабарлайды Қызылорда облысының Полиция департаментінің баспасөз қызметі.
</blockquote>

Қазақстан және Қызылорда облысының жаңалықтары