<a href="https://kyzylorda-news.kz/">Kyzylorda-news.kz</a>. Елді дүрліктірген қаржы пирамидасына қатысты басты күдікті Молдовадан Ақтөбе қаласына экстрадицияланды.
<blockquote>
 “30 сәуірде Қазақстан Ішкі істер министрлігі Молдова Республикасынан Мұрзабековты экстрадициялау жүзеге асырыд, ол 27 ақпанда Қазақстан ІІМ сұрауы бойынша Молдова астанасында ұсталып, Кишинев қаласының тергеу изоляторына қамалды”, – делінген хабарламада.
</blockquote>
Оны Бас прокуратура мен ІІМ-нің көмегімен Қазақстан полициясы&nbsp;елге қайтарды.
Қазір ІІМ сотқа дейінгі тергеуді жүргізуде. Тергеу-жедел тобына барлық ІІМ департаменттерінің қызметкерлері кірді. Өңірлерде алданған салымшылар мен ұрланған қаражатты анықтау мақсатында тиісті жұмыстары жалғасуда. Хабарланғандай, зардап шеккендердің өтініштері әлі де келіп түсіп жатыр.
Қазіргі уақытта ішкі істер органдарына шамамен сегіз мың азамат өтініш білдірген, шығын 10 миллиард теңгеден асып түсті ( шамамен 23,2 миллион доллар).
Қаржы пирамидасының Ақтөбе облысында құрылғанын ескерсек, сондай-ақ,&nbsp;ұйымдастырушылар осы аймақта туғанын&nbsp;есепке алғанда,&nbsp;тергеу әрекеттері Ақтөбеде жүргізіледі.
42 күдікті адам анықталып, оның 19-ы сот санкциясымен қамауға алынып, сегіз адам іздестірілуде.
Тағы бір күдікті А. Ысқақов – қаржы пирамидасының белсенді қатысушыларының бірі, Қырғызстанда&nbsp;жасырынып жүрген. Ол Бішкекте ұсталып,&nbsp;20 сәуірде Отанына экстрадицияланды.
Қылмыстық істерді тергеу барысы ІІМ басшылығының ерекше бақылауында. Қаржы пирамидаларын жасаушылар мен ұйымдастырушыларға алаяқтық үшін 12 жылға дейін бас бостандығынан айырылуы мүмкін.
Естеріңізге сала кетейік, Аслан Мұрзабеков “Гарант 24 Ломбард” ЖШС-нің құрылтайшысы,&nbsp;“ЕSTATE Ломбард” и “Выгодный займ” қылмыстық ұйымдарының жетекшісі екені анықталып отыр.
Ол жанындағы адамдармен&nbsp;бірге ондаған мың қазақстандық зардап шеккен қаржы пирамидаларын құрды деп күдіктелді.

&#8220;Гарант 24 ломбард&#8221; ісі: Басты күдікті Молдовадан Ақтөбеге экстрадицияланды

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Жергілікті полиция қызметі басқармасы әйелдерді зорлық–зомбылықтан қорғау тобының ұйымдастыруымен 21сәуірден бастап тұрмыстық зорлық-зомбылықтың алдын алуға бағытталған жедел-профилактикалық шараларын жүргізуде.
Іс-шара барысында учаскелік полиция инспекторларымен профилактикалық және тізімдік есепте тұратын 465 тұлға тексеріліп, олармен профилактикалық әңгімесулер жүргізілді.
Сонымен қатар қала орталығындағы Абай даңғылы мен Ғ.Мұратбаев көше бойындағы бірнеше аулалар, Титов қыстағындағы сауда үйлер, Тасбөгет елді мекенінде бірнеше аулалар араланып, сол манда орналасқан дүкендер мен дәріханаларға зорлық-зомблықтың алдын алуға арналған жадынамалар ілініп, профилактикалық шолу жұмыстары жүргізілді.
Бұл бағытта жұмыстар жалғасуда.
<img src="https://kyzylorda-news.kz/wp-content/uploads/2020/05/img-20200502-wa0022.jpg" alt="" />
<img src="https://kyzylorda-news.kz/wp-content/uploads/2020/05/img-20200502-wa0021.jpg" alt="" />
<img src="https://kyzylorda-news.kz/wp-content/uploads/2020/05/img-20200502-wa0024.jpg" alt="" />

Қызылордалық полицейлер еріктілермен бірлесіп түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a>. «Қорқыт Ата» әуежайынан Нұр-Сұлтан және Алматы қалаларына тұрақты әуе рейстердің орындалу алгоритмі жарияланды.
ҰШЫП КЕТУ
1. Әуе билеттерді онлайн немесе билеттерді сату орындарында сатып алу
2. Ұлттық сараптама орталығында әуе билеті болған жағдайда COVID-19 тестін (ПТР-тестін) тапсыру
<ul>
<li>Қызылорда қаласы, Бектұрғанов көшесі 10 А, тел: 8 (7242) 70 10 63</li>
<li>тест құны – 11 500 теңге</li>
<li>нәтижелердің дайын болуы – 12 сағат</li>
</ul>
Әуе рейстердегі жолаушылар үшін келесі ережелерді сақтау қажет:
<ul>
<li>әуежайға алдын-ала келу (ұшудан 2 сағат бұрын)</li>
<li>COVID-19 (ПТР-тесті) теріс нәтижесі бар анықтаманың болуы</li>
<li>термометрия процедурасынан өту</li>
<li>қол жүгі мен багаждың минималды көлемі</li>
<li>ұшу кезінде жеке қорғаныс құралдарын пайдалану</li>
<li>ұшу кезінде сауалнаманы толтыру</li>
<li>ұшақ салонында қозғалысты шектеу</li>
</ul>
ҰШЫП КЕЛУ
<ol>
<li>Термометрия процедурасынан өту</li>
<li>Багажды алу</li>
<li>Қалалық маршрут автобусымен тасымалдау (ақылы негізде)</li>
</ol>
Ескертпе: Қала қонақтары үшін Қызылорда қаласында 50 орынға дейінгі қонақ үйіне орналасуға мүмкіндік жасалынған.
<img src="https://kyzylorda-news.kz/wp-content/uploads/2020/05/whatsapp-image-2020-05-02-at-14.02.20.jpeg" alt="" />

Қызылордаға ұшып келетін және кететін әуе рейстерінің алгоритмі жарияланды

<a href="https://kyzylorda-news.kz/">Kyzylorda-news.kz.</a> Синоптиктер 2020 жылдың мамыр айына ауа райы болжамын жария етті.
«Қазгидромет» РМК-ның мәліметтеріне сүйенсек мамыр айында Қазақстанның солтүстік жартысында ауа температурасы климаттық норма шамасында, оңтүстік жартысында нормадан 1°С жоғары болады.
Республиканың басым бөлігінде жауын-шашын қалыпты нормада, елдің оңтүстік-батысының жартысында – нормадан аз, еліміздің оңтүстік-шығыс бөлігінің таулы және тау бөктері аймақтарында нормадан көп болады деп болжанып отыр.
Мамыр айының бірінші жартысында Қазақстанның оңтүстік бөлігінде, ал айдың соңына қарай солтүстік бөлігінде үсік жүру тоқтайды. Осы жылдың мамыр айында түнгі уақытта еліміздің солтүстік-шығыс өңірі мен оңтүстік-шығысының таулы аймақтарында және тау бөктерінде ауа температурасы төмендеп, тіпті үсік жүруі мүмкін.
Айдың басында ауа райына Орталық Азия аймағынан келетін жылы ауа массалары ықпал ететін болады. Алайда фронталды бөліктердің өтуіне байланысты республиканың кей жерлерінде найзағай ойнап, өткінші жаңбыр жауып, еліміздің оңтүстік және оңтүстік-шығыс аймағының кей жерлерінде күші 15-25 м/с жылдамдықпен жел соғып, жаңбыр және бұршақ жаууы мүмкін.
ҚР басым бөлігінде ауа температурасы күндіз +18+25°С, солтүстік-батыстың кей жерлерінде +15°С, оңтүстік-батыста және оңтүстікте +25+30°С құрайды.
2020 жылдың 3-5 мамыр аралығында Карск теңізі аймағынан суық антициклонның кіруімен және фронталды бөліктердің өршуімен еліміздің солтүстік-шығысында жаңбар жауып, арты қарға ұласады. Желдің екпіні 15-20 м/с.
Ауа температурасы Қазақстанның солтүстігінде, шығысында және орталығында түнде -3+5°С дейін, күндіз +7+12°С дейін артады; оңтүстік-шығысында түнде +2+10°С дейін, күндіз +15+23°С дейін жылиды.
Еліміздің оңтүстік-батыс жартысында Иран аймағынан жылы ауа массаларының келуімен ауа температурасы +25+33°C дейін жоғарылайды.
Бірінші онкүндіктің екінші жартысында жылу елдің оңтүстік-батыс бөлігінен республиканың қалған аймақтарына ығысып, ел территориясының басым бөлігінде жауын-шашын тоқтайды және температура жоғарылайды.
Сондай-ақ екінші және үшінші онкүндіктерде ауа райы құбылмалы болады: екпінді жел соғып, найзағай ойнап, жаңбыр жауады, бұршақ түсуі мүмкін. Кезекті суық лептің ықпалымен ауа температурасы төмендейді:
– Солтүстік, шығыс және орталық аймақтарында түнде -3+5°C дейін, күндіз +10+15°C дейін;
– ҚР батыс және оңтүстік батыс жартысында түнде +5+13°C дейін, күндіз +13+21°C күтіледі.
Алайда, екінші және үшінші онкүндіктерде жылы күндер көп болады:
– республиканың солтүстік жартысында күндіз ауа +20+28°C дейін;
– оңтүстікте +25+33°C дейін жылиды.
Айта кетейік, мамыр айына арналған консультативтік болжам синоптикалық жағдайдың өзгеруіне сай түзетіліп, онкүндік болжамдармен нақтыланатын болады.

Мамыр айына арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстан Президенті Қасым-Жомарт Тоқаев Сенаттың экс-депутаты және спикері Дариға Назарбаеваға алғыс айтты.
<blockquote>
 «Дариға Назарбаеваға Қазақстан Республикасы Парламенті Сенатының Төрағасы ретінде атқарған белсенді және жемісті жұмысы үшін ризашылығымды білдіремін», – деп жазды Мемлекет басшысы&nbsp;<a href="https://twitter.com/TokayevKZ">Twitter</a>&nbsp;парақшасында.
</blockquote>
Еске сала кетейік, бүгін Мемлекет басшысының жарлығымен Дариға Назарбаеваның Сенат депутаты ретіндегі&nbsp;<a href="https://kyzylorda-news.kz/sayasat/senat-depwtaty-darigha-nazarbaevanyng-oekilettigi-toqtady-59885/">өкілеттігі тоқтаған</a>&nbsp;болатын.

Қасым-Жомарт Тоқаев Дариға Назарбаеваға алғыс айтты

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекциядан жазылған науқастардың саны 127 адамға жетті.
2 мамыр 12:10-дағы&nbsp;мәлімет бойынша Қызылорда облысында тағы 8 науқас қауіпті індеттен жазылып шыққан. Індеттен айыққандардың қатарына соңғы қосылған науқастар – Қызылорда қаласы, Сырдария, Шиелі және Қазалы ауданының тұрғындары.
Осылайша коронавирустық инфекциядан жазылғандар саны өңірде 127 адамға жетіп отыр.
Аталған науқастардан 2 реттен сынама тест алынып, бәрі теріс мәнді нәтиже көрсеткен.
Олар алдағы 14 күнде дәрігерлердің бақылауында болады.

Қызылорда облысында қауіпті індеттен жазылғандар саны 127-ге жетті

<a href="https://kyzylorda-news.kz/">Kyzylorda-news.kz.</a> Мемлекет басшысының Жарлығымен Қазақстан Республикасы Парламенті Сенатының депутаты Дариға Нұрсұлтанқызы Назарбаеваның өкілеттігі тоқтатылды, деп хабарлайды <a href="https://www.akorda.kz/kz/legal_acts/decrees/memleket-basshysynyn-zharlygymen-kazakstan-respublikasy-parlamenti-senatynyn-deputaty-dariga-nursultankyzy-nazarbaevanyn-okilettigi-toktatyl">Ақорда</a>.

Сенат депутаты Дариға Назарбаеваның өкілеттігі тоқтады

<a href="https://kyzylorda-news.kz/">Kyzylorda-news.kz.</a> Біз Асан есімді орта жастан жақындаған жігіт ағасымен кездейсоқ таныстық. Қаланың шет аудандарының бірінен жер алып, үй салуды бастаған досымыздың құрылыс жұмыстарына жалданған екен. Біз де демалыс күндері көмек қолын созуға барып тұратынбыз. Арасында ішімдік ұрттап, «қызу» келеді. Сондай кездердің бірінде бейтаныс жігіт өзінің өмірі туралы күтпеген жерден әңгімелеп берді.
… Кеше «Мынау тұрған зәулім үйде бұрын мен тұрғанмын» деген сөзіме көшеде кетіп бара жатқандар назар аудармады. Мүмкін олар ішінен: «Мына қаңғыбас не деп сандырақтап отыр?» деп те ойлайтын шығар. Бірақ, расымен сол үйде менің бала дауысым шығып, ата-анамның бақытты күндері өткен. Ал, қазір тек оған сырттай сүйсіне қарап, өткен шақтың есесінде кеткен естеліктерді ғана еске аламын.
Балалық кезім біреулер үшін армандайтындай болды. Үш қабатты үй, көлемді аула мен сан жетпес ойыншықтар. Бала кезімде «жоқ» деген сөзді естімей өстім. Әкем кәсіпкер еді. Ал анам жұмыс жасаған жоқ. Себебі, әкемнің тапқан табысы бәріне артығымен жететін.
Кішкентай кезімде көзіме түскен ойыншықтың барлығы менікі болатын. Көрші үйдің балалары таңдана да, таң қала қарайтын. Дегенмен, мен олармен қосылып ойнаған емеспін. Анам: «Өзгерелрмен дос бол. Ойыншықтарыңды бөлісіп ойна» деп үнемі айтып отырса да, олай жасаған емеспін. Өйткені, оларда көп ойыншық болмайтын. Қазір ойлап отырсам, сол кезден-ақ менде өр көкіректік, тәкаппарлық пайда болған екен-ау.
Мектептегі оқушы кезінде де алдыңғы қатарда жүрдім. «Сәнді» деп саналған киімдердің барлығын кидім. Үнемі елден ерекшеленіп жүрдім. Ұялы телефондар енді шыға бастаған уақытта мектепте бірінші болып мен ұстап, сыныптастарыма мақтанушы едім. Өсе келе мектепке әкемнің көлігін айдап келуді әдетке айналдырдым.
Кейіннен түнде көлікпен көше кезіп, таңға дейін ұйқысыз жүретінмін. Сөйтіп жүргенде мектептің артында тығылып темекі шегу басталды. Темекінің қызығын түсінбесек те, үлкендерден үйренгенімізді қайталаған боламыз. Ол біз үшін «жігіттіктің», «өскендіктің» белгісі болып көрінетін.
Жоғары оқу орнына түскенімде сабаққа баруға зауқым болмаса, себепсіз қала беретінмін. Түнде көше кезгендіктен, көбінесе ұйықтап қалатынмын. Сол кездің өзінде әкем маған өз кеңсесіндегі жұмыстарды үйрете бастады. Әрине, мен ештеңе түсінгенім жоқ. Бірақ, «қожайын» болған соң, маған қабағын түйгендерді жұмыстан шығартып жіберуге шебер едім. Ол кездегі ештеңенің байыбына бармайтын менмендігім ешкімнің көз жасы мен өтінішіне қарамайтын.
Әкемнің кеңсесінде маған бір ғана адам жақын болды. Ол – менеджер болып қызмет ететін Ерболат атты жігіт еді. Екеуміз уақыт өте келе жақын дос болдық. Жұмыс уақыты біткен соң қаладағы түнгі клубтарды аралап, ішкен-жегенімізге мәз-мәйрам болып жүреміз.
Сондай күндердің бірінде мен «ақ ұнтақпен» таныстым.
Иә, иә, кәдімгі ақ ұнтақпен. Есірткінің ең алғашқы рет дәмін көргенде өзімді бір шексіз әлемге еніп кеткендей сезіндім. Осылайша, бәрі бір рет көрейінші деген қызығушылықтан басталды.
Арада 2-3 ай өткенде есірткісіз өз күнімді елестете алмайтын күйге жеттім. Уақыт өте келе есірткінің ауыр түрлерін қолданып, қолда бар ақшамды соған ғана жұмсауды шығардым.
Бұл әрекетімді көп жасыра алағаным жоқ. Үйге қонбауды жиілеттім. Екі-үш күндеп, кейін апталап жоғалдым. Әке-шешем шырылдап жүріп, зорға тауып алатын.
Бұл жайлы үйдегілер білгенде, өмірімде олардан ең алғашқы рет қатты ұрыс естідім. Бұған шыдамаған мен қатты ашуланып, үйден кетіп қалдым. Әр пәтерде бас сауғалап жүрген мені уайымдаған әкем карточкама ақша салатын. Ал, мен ол ақшаның барлығын жалма-жан есімді алған есірткіге жаратушы едім…
… Бір күні суық хабар келді. Анам жылап хабарласты. Әкемнен айырылып қалғанын айтып, үйге оралуымды сұрады. Үстіме суық су құйып жібергендей болды. Есеңгіреп қалғаным соншалық, отырған жерімде естен тана жаздадым.
Әбден абдырап қалған мен тамырыма ине салып, өзімнің өзге әлеміме аттандым. Есірткінің күші жойылған кезде, қайтадан келесісін қабылдап, ештеңе ойламай жата бердім. Осындай халде тура бес күн жатып, әкемді ақтық сапарға шығарып салуға да бармадым.
Мендегі ақша бітті. Жалға алған пәтердің де ақшасын төлей алмадым. Жалғыз жұбанышым болған есірткі сатып алуға түк таппадым. Оны қалаған кезде жынданып кете жаздайтын едім…
Амал жоқ, үйге баруға тура келді. Алғашқы күні анаммен ләм-мим деп сөйлескен жоқпыз. Үнсіз қарсы алды. Маған түк тіл қатпады. Үш күн. Бір апта. 10 күнде гейін жақ ашпады. Мен де үнсіз жүрдім.
Үйге келген соң, есімді жия бастадым. Әрине, есірткісіз қиын болды. Бірақ, шыдап бақтым.
Анам әкемнің шаруасын қолына алған екен. Бірақ, арада біраз уақыт өткенде анамның денсаулығы нашарлап, маған бас-көз болуымды тапсырды. Мен жұмысқа келген күннен бастап-ақ сәтсіздікке ұшырай бастадық. Көптеген келіссөздер өз мақсатына жетпеді. Жаңа тауарлар алуға бөлінген қаржыны өзіме алуды әдетке айналдырдым. Көмекшіммен жасырын казиноға барып, құмар ойын ойнауды бастадым. Есірткі әуені қайта басталды. Ұтылыстың соңынан ұтыла бердім.
Осы сәттен бастап біздің отбасы үшін қиын күндер басталды. Баяғы әуеніме қайта басып, әкемнің кәсібін құрдымға кетірдім. Анамның денсаулығы дұрысталмай, аяққа тұра алмады.
Ас-суға ақша таба алмай, қиналуды бастадық. Ал менің ойымда тек әр күнгі «дозаға» ақша табу болды. Амалсыздан өзім есірткіні жеткізуші болып, ақша тауып жүрдім. Яғни, сатып алушыға жеткізумен айналыстым. Ол жерден тапқан бар ақшам өзіме «дәрі» алуға кететін.
Осындай бір күні полицейлердің қолына түстім. 12 жылға сотталып кете бардым. Темір тордың ар жағына кеткен екі жылдан соң, анам өмірден өтті…
Міне, осылайша өзгенің арманына айналған өмірімнің есірткінің арқасында күл-талқаны шықты. Байлықтың бағасын білмей, есті алған есірткінің артынан еріп жүре беріппін. Бостандыққа шыққан соң, өмірге икемделе алмай көп қиналдым. Үйіміз әкемнің кәсібіне алған қарыздары мен салықтарын төлеу үшін сатылып кеткен.
Енді мен үшін бұл өмірдің мәні де қалмаған секілді. Болашағым – бұлыңғыр. Жасым болса, қырыққа жақындап қалды. Әзірге осылай күн көріп жүрмін. Бірақ, бәріне өзім ғана кәнілімін. Бардың бағасын білмедім. О дүниеге барғанда әке мен анам мені қарсы алу үшін алдымнан шықпайды ма деп қорқамын…
P.S: Бұл – есірткі құрбанына айналған бір ғана жанның әңгімесі. Ал, есті алған есірткі қаншама адамның тағдырына балта шауып жатыр десеңізші?!…
Жазып алған
Нұрсұлтан МЫҚТЫБАЙ

«Бәрі бір рет көрейінші деген қызығушылықтан басталды»: есірткі «тұтқынына» айналған қызылордалықтың әңгімесі

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырғандар саны 209-ке жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Соңғы тәулікте жаңадан 5 жағдай анықталды. Оның екеуі – індет жұқтырғандармен байланыста болса, біреуі – Атырау облысынан вахталық әдіспен жұмыс жасап келген азаматтан анықталды. Ал, екеуі – скринингтік тексеру барысында белгілі болды. Қазіргі таңда науқастардың жағдайы бірқалыпты, емдерін хаттамаға сәйкес алуда», – деді Жақсылық Абдусаметов.
</blockquote>
Сондай-ақ, коронавирус инфекциясын жұқтырғандармен байланыста болған– 3069 азамат анықталды. Оның ішінде, 1659-ы жақын қарым-қатынаста, 1410-ы жанама байланыста болған.

COVID-19: Қызылордада соңғы тәулікте 5 дерек тіркелді

<a href="https://kyzylorda-news.kz/">Kyzylorda-news.kz.</a> ҚМДБ төрағасы, Бас мүфти Наурызбай қажы Тағанұлының бастамасымен “Жүрек жылуы” республикалық акциясы аясында ҚМДБ-ның Қызылорда облысы бойынша өкілдігі қасиетті Рамазан айының құрметіне орай “Ауызашар қоржыны” атты қайырымдылық шарасын өткізуді қолға алды.
Рамазан айына қадам басарда қала бойынша 200 отбасыға азық-түлік өнімдері салынған “Рамазан қоржындарын” тарту еткен Сыр имамдары қасиетті айдың екінші жұмасында да 600 отбасыға азық-түлік, 50 отбасыға 432 кг ет үлестіріп, облыс бойынша 650 отбасыны қуанышқа бөледі. Берекелі ай басталғалы аймағымыз бойынша жалпы алғанда 850 отбасыны қамтыған акцияның демеушілері – жергілікті кәсіпкерлер мен сауаптан үміткер ерікті жамағаттар.
Айта кетейік, Бас имам Болатбек Ұласқанұлы Рамазан алдындағы баспасөз мәслихатында төтенше жағдайға байланысты мешіттерде ауызашар берілмейтіндіктен, ауызашар дастарқанына қажетті азық-түлікпен қамтасыз ету мақсатында облыс көлемінде “Ауызашар қоржыны” атты қайырымдылық акциясы өтетінін хабарлаған болатын. Аталмыш акция әлі де жалғасын тауып, бір ай бойы жүзеге асыралатын болады.
<img src="https://kyzylorda-news.kz/wp-content/uploads/2020/05/fb_img_1588362133007.jpg" alt="" />
<img src="https://kyzylorda-news.kz/wp-content/uploads/2020/05/fb_img_1588362125153.jpg" alt="" />

Қызылордада 650 отбасына &#8220;Ауызашар қоржыны&#8221; таратылды

<a href="https://kyzylorda-news.kz/">Kyzylorda-news.kz.</a> 2 мамыр күніне ауа райының күрт құбылуына байланысты Қазақстанның бірнеше облысында ескерту жарияланды, деп хабарлайды «Қазгидромет» РМК.
2 мамырда Түркістан облысының кей жерлерінде күндіз нөсер жаңбыр жауады. Кей жерлерінде найзағай ойнап, дауыл соғады.
Оңтүстік-батыстан солтүстік-батысқа ауысатын желдің күші кей жерлерде 15-20 м/с-ға жетеді. Шымкент қаласында күндіз нөсер жаңбыр жауып, найзағай ойнайды, дауыл тұрады. Жел оңтүстік-батыстан солтүстік-батысқа ауыса соғады, екпіні — 15-20 м/с.
Түркістан қаласында таңертең және күндіз найзағай ойнап, дауыл тұрады деп болжанып отыр. Жел оңтүстік-батыстан солтүстік-батысқа ауысады, найзағай кезінде екпіні 15-20 м/с болады.
Күндіз, 2 мамырда, Солтүстік Қазақстан облысының кей жерлерінде найзағай ойнайды.
Оңтүстік-батыстан жел соғады, күндіз екпіні 15-20 м/с болады. Петропавл қаласында күндіз оңтүстік-батыстан жел соғады, екпіні 15-20 м/с болады.
Таңертең және күндіз Қостанай облысының кей жерлерінде найзағай, тұман күтіледі. Оңтүстік-батыстан жел соғады, күші күндіз кей жерлерінде 15-20 м/с болмақ.
Қостанай қаласында күндіз оңтүстік-батыстан жел соғады, екпіні 15-20 м/с.
Ақмола облысында күндіз кей жерлерде найзағай ойнайды. Оңтүстік-батыстан жел соғады, кей жерлерде күші 15-20 м/с.
Көкшетау қаласында күндіз найзағай ойнауы ықтимал.
Қызылорда облысында күндіз кей жерлерде найзағай күтіледі. Солтүстік-шығыстан, шығыстан жел соғады, күші кей жерлерде 15-20 м/с сақталады. Дауылды ескертудің ықтималдылығы — 85-100 %.

Ауа райы: Қазақстанның бірнеше облысында ескерту жарияланды

1944 жылы&nbsp;2 мамырда ақын, Қазақстан Жазушылар одағының мүшесі Рүстем Жанаев дүниеге келді.
Қызылорда облысында туған. Қазақ педагогикалық институтын бітірген. Еңбек жолын мектепте мұғалім болып бастаған. 1994-2004 жылдары Әйтеке би кентіндегі №8 кәсіптік-техникалық мектептің директоры қызметін атқарған. Қазір аудандық оқушылар үйінің директоры қызметін атқарады. Алғашқы жинағы «Мәуелі махаббат» деген атпен 1974 жылы жарық көрген. Р.Жанаевтің «Бақыт босағасы», «Мезгіл махаббаты», «Бір өзіңе», «Сағынып кеттім мен сені», «Жанайқай» атты жыр жинақтары мен проза кітаптары, «Жанқожа батыр» пьесасы бар.
1997 жылы&nbsp;Қазақстан Республикасы Президенті Н.Назарбаевтың «Көкшетау облысының әкімшілік-аумақтық орналасуындағы өзгертулер туралы» Жарлығына сәйкес, Көкшетау облысының Арықбалық, Уәлиханов, Көкшетау, Ленинград, Рузаев, Чистополь, Чкалов аудандары таратылды.
2006 жылы&nbsp;Мойнақ су электр стансасының құрылысы басталды.
1949 жылы&nbsp;КСРО-дағы алғашқы телерепортаж Мәскеудегі «Динамо» стадионынан жүргізілді.
2012 жылы&nbsp;күмістен жасалған 500 теңгелік номиналмен «Бауырсақ» монетасы айналымға шығарылды. Бұл тиын 925 сынамалы күмістен жасалған. Массасы 31,1 грамм, диаметрі – 38,61 мм, дайындау сапасы – «proоf», таралымы – 4 мың дана.

Қазақстан және Қызылорда облысының жаңалықтары

“Гарант 24 ломбард” ісі: Басты күдікті Молдовадан Ақтөбеге экстрадицияланды

Қызылордалық полицейлер еріктілермен бірлесіп түсіндірме жұмыстарын жүргізді

Қызылордаға ұшып келетін және кететін әуе рейстерінің алгоритмі жарияланды

Мамыр айына арналған ауа райы болжамы

Қасым-Жомарт Тоқаев Дариға Назарбаеваға алғыс айтты

Қызылорда облысында қауіпті індеттен жазылғандар саны 127-ге жетті

Сенат депутаты Дариға Назарбаеваның өкілеттігі тоқтады

«Бәрі бір рет көрейінші деген қызығушылықтан басталды»: есірткі «тұтқынына» айналған қызылордалықтың әңгімесі

COVID-19: Қызылордада соңғы тәулікте 5 дерек тіркелді

Қызылордада 650 отбасына “Ауызашар қоржыны” таратылды

Ауа райы: Қазақстанның бірнеше облысында ескерту жарияланды

2 мамыр: Атаулы күндер мен оқиғалар

Қазақстан және Қызылорда облысының жаңалықтары

&#8220;Гарант 24 ломбард&#8221; ісі: Басты күдікті Молдовадан Ақтөбеге экстрадицияланды

Қызылордалық полицейлер еріктілермен бірлесіп түсіндірме жұмыстарын жүргізді

Қызылордаға ұшып келетін және кететін әуе рейстерінің алгоритмі жарияланды

Мамыр айына арналған ауа райы болжамы

Қасым-Жомарт Тоқаев Дариға Назарбаеваға алғыс айтты

Қызылорда облысында қауіпті індеттен жазылғандар саны 127-ге жетті

Сенат депутаты Дариға Назарбаеваның өкілеттігі тоқтады

«Бәрі бір рет көрейінші деген қызығушылықтан басталды»: есірткі «тұтқынына» айналған қызылордалықтың әңгімесі

COVID-19: Қызылордада соңғы тәулікте 5 дерек тіркелді

Қызылордада 650 отбасына &#8220;Ауызашар қоржыны&#8221; таратылды

Ауа райы: Қазақстанның бірнеше облысында ескерту жарияланды

2 мамыр: Атаулы күндер мен оқиғалар

“Гарант 24 ломбард” ісі: Басты күдікті Молдовадан Ақтөбеге экстрадицияланды

Қызылордада 650 отбасына “Ауызашар қоржыны” таратылды