<a href="https://kyzylorda-news.kz/">Kyzylorda-news.kz</a>. Лотерея ойнатам деп, басы дауға алған әнші Ернар Айдар не себепті алданып, ұтыс ойнын ұйымдастырушыларға сеніп қалғаны,&nbsp;ақшаға қызыққаны жайында сұхбат берді, деп хабарлайды&nbsp;<a href="https://stan.kz/anshi-ernar-aydar-330744/">Stan.kz</a>.
Сұхбатта әнші болған жағдайды бастан-аяқ айтып берді, кеткен қаражат халыққа қайтарылуы, жүлде қорлары не үшін ауысқаны жайлы&nbsp;және басқа да сұрақтарға жауап берді.&nbsp;
<blockquote>
 “Бүгін сұхбатқа халыққа шындықты айту&nbsp;үшін: қалай болғанын, қалай алданғанымды айтып беру мақсатымен келдім. Оспанов Азат, Темірбек Ернар ұтыс ойынын ұйымдастырушылар маған нотариалды түрде келісім-шартқа отыратынымызды айтты, бастапқыда бірден келіспедім. Жібі түзу, керемет қазақтың жігіттері, алдайды деп сенбейсің. Алдауына сенім қалдық қой. Ұтыста қайырымдылық та жасаймыз деді, сондай сөздерден кейін қалай сенгенімізді білмей қалдық”, – дейді әнші.
</blockquote>
Әншінің сөзінше, ақпан айында келісілген ұтыс ойыны сәуірде өтуге тиіс болған.
<blockquote>
 “Осы екі жігіт маған ақпан айының басында келді. Негізгі ұсыныс: Мен тек ұтыс ойынының рекламасын жасап беруім керек деді. Алты видео түсіруі қажет болды, олар маған үш видеоның ақшасын бірден салып жіберді. Үш видеоға 3 миллион теңге: әр видеоға бір миллион теңгеден салып жіберді. Келісім-шартқа отырдық, екі жақты қол қойылған және онда егер ұтыс ойыны дұрыс болмай қалған жағдайда сол ұйымдастырушы топ жауап береді деп жазылған, бұл менің ролигімде де айтылды. Ұтыс ойыны&nbsp;әділ өтетініне&nbsp;Темірбек Ернар кепілдік берді. Кейін белгілі болғандай, лицензияны Темірбек Ернар видеода теріс көрсеткен, ал шын мәнінде ондай лицензия берілмейді екен”, – дейді ол.&nbsp;
</blockquote>
Ернар Айдар ұйымдастырушы жаққа сеніп қалғаны сонша, олармен жасасқан келісімшартқа, видеоларында түсірілген көліктерге мүлдем мән бермегенін айтады.
<blockquote>
 “Жігіттерге сеніп қалғаным соншалықты лицензияны ашып, дұрыстап, оқып қарамағанмын. Өзімнің сеніп қалғаныммен қоймай, үйдегі ағамды да сендіріп жібердім. Қазір бәрін қарап отырсам, ұйымдастырылған екен. Ұтыс ойыны 1 сәуірге жоспарланған. Мен оған қатысуым қажет болмады. Екінші видеролик&nbsp;Romance Palace&nbsp;мейрамханасында өтті. Сол кезде жігіттер маған ұтыс осы жерде өтетінін айтты, мен оларға сендім. Осы кезде лицензия туралы сұрадым, жігіттердің бірі оны алып кетуге үйіне кетті, менің ойымда ештеңе жоқ, тіпті лицензияны күмәнданып сұраған жоқпын”, – деп еске алды Ернар Айдар.
</blockquote>
Әнші&nbsp;видео түсірілімдегі көліктердің ауысып кетуі, әр түрлі пәтерлердің фотоларын көрсету оған ешқандай күдік тудырмаған, себебі оны алдап соққан жігіттер оның сеніміне әбден кіріп алғанын айтады.
<blockquote>
 “Гонорарды алдын ала беріп, ақшамен қызықтырып, түпкі мақсаты сендіріп алу болды. 1 сәуір күні болуы керек болған ұтыс ойыны карантиннің салдарынан болмай қалды. Менің атымнан бірнеше ұтыс ойыны парақшалары ашылды: бір бұзылып, бір ашылып жатты. Маған бастапқыда барабан арқылы ойнатамыз деп айтты. Карантин жарияланған соң, онлайн ойнатамыз деп шештік. Көпшілігі онлайн форматқа наразы болғандықтан, маған да, жігіттерге де комментарийлер келе бастады. Жігіттер карантин 15-де ашылады, ұтысты 20 сәуірде ұйымдастырайық, сол кезде мейрамханаға шақырып берейік деді. Ұтысты өздерің ұйымдастырып, барлығы сыйлықтарын алған соң, соңында келіп халыққа екі-үш әнімді айтып кетейін дедім”, – дейді ол.
</blockquote>
Оның сөзінше, аузындағысын&nbsp;беріп қоятын, ондай бір аңқау емес,&nbsp;бірақ ұтыс ойынына келгенде ештеңе мән бермеген.
20 сәуірге ауыстырылған ойын бұл күні де өтпей қалған. Себеп: ұйымдастырушы жақтың техникалық базасы дайын болмауынан.&nbsp;
<blockquote>
 “Олар Құдайдың атымен сөйлеп, ақталды, ойынды 23-не шегеруді сұрады. Бастапқыда көнбедім, неге ұзақ болып кетті деп, біраз сөйлестік, жағдайларын айтып түсіндірді, ақыры үш күннің арасы не деп 23-не өткізетін боп шештік. Сыйлықтардың барлығы дайын екенін айтты. Сол кезде мен түсіндім: мен үндемесем, олар ойынды ойнатпайтын сияқты болды. Ойнатса да, көп адамға белгісіз парақшада ойнатып жіберейін деп жатты. Олардың парақшалары тағы бұзылды. Осы кезде көп адам ойын ойнатылатын парақшаны таппай қалады деп, өзімнің парақшамнан тікелей эфирге шығатын боп шештім.&nbsp;Ойынның әділ өтуін қаладым, сондықтан өзім баратын болып шештім, сыйлықтар жеткізілгенше менде видео жазба болып сақталсын дедім”, – дейді әнші.
</blockquote>
Ернар Айдардың айтуы бойынша, ол ұйымдастыру жақ жалдаған үйге 23 сәуірде барған.
<blockquote>
 “Үй жалдапты, сыйлықтар, автокөлік барлығы орнында болды. Алайда сол автокөліктерідің су жаңа екендігіне назар аудармаппын. Түскі 3-те ұтыс&nbsp;басталды, сонда бір адамның нөмірі табылмай қалды. Сонда сол нөмірді сақтап, жазып қоюды тапсырдым. Содан кейін маған үй мен автокөліктерді өзіме табыстауды ұсынды. Қуаныш сыйлау деген жақсы ғой, бірден қабыл алдым. Сыйлық ұтқан адамдарға хабарласқанымда, оларда ешқандай қуаныш сезімі&nbsp;болған жоқ, мүлдем эмоция болмады. Көлік пен үйді ойнатып жатқанда, ұйымдастырушы жігіттер қашып кеткен. Кенеттен үйге кіріп келген полиция қызметкерлерін көріп бастапқыда бұл пранк екен деп қалдым. Сөйтсем, алынған көліктер жалданған және олардың көлік жргізушілері екінші қабатта бір бөлмеде отыр екен. Полиция келгенде жағдайды түсіндірулерін сұрадым. Не себепті мені тұтқындамақшы екендерін білгім келді. Олар ұтыстың әділ емес, өтірік екенін айтты, карантин режимін бұзғаным үшін ұстап әкетті. Телефон, барлығын тартып алды, ешкімге хабарласа алмадым”, – дейді Ернар Айдар.
</blockquote>
Оның айтуынша, бір түн тергеуде болып, сол күннің ертесінде 28 000 теңге айыппұл төлеп шыққан.
<blockquote>
 “Мені әнші деп басымдық беріп қарған жоқ, менімен бірге ұсталған жігіттермен бір камерада түнедік. Олардан кім екендерін сұрағанда, Ерлан әдейі көмектесуге шақырған, ұтыс жайлы бейхабар болған&nbsp;боп шықты”, – дейді ол.
</blockquote>
Ернар Айдар бітірген мамандығы заңгер болса да, бұл тұрғыда сауаты жоқ екенін айтады.
<blockquote>
 “Қаншама ұтыс ойындары өтіп жатыр, оларды заңды тұрғыда өтіп жатыр деп айта алмаймын. Заңды білмегенімді, солардың албауына, арбауына түсіп, жарнама жасағанымды мойындаймын, кешірім сұраймын сол үшін халықтан. Тергеуде мәселенің ақ-қарасы анықтала жатар. Бірақ заң жағынан сауатсызбын”, – деді әнші.
</blockquote>
Ернар Айдар тыңдаушылары қателігін кешіреді деп сенім артады.&nbsp;
<blockquote>
 “Менің тыңдармандарым, жанкүйерлерім, жалпы қазақ халқы қандай отбасыдан шыққанымды, ата-анамы қалай сыйлайтынымды біледі. Қанша сөздер айтылып жатыр, бірақ ата-анама ауыр тиеді, бәрібір. “Егер солармен бірігіп, ауызжаластырып жүрген болсаң, мен өзім-ақ, сені шауып тастаймын” деді әкем. Біреуге қиянаттық жасасаң, ол кісі аямайды. Ал тыңдармандарым менің кінәсіз екенімді жүрегімен сезіп тұр, мен де оны сезіп тұрмын”, – дейді әнші.
</blockquote>
Ол алты видео үшін төленетін&nbsp;ақшаға&nbsp;қызыққанын жасырмады, одан бөлек, қатты сеніп қалғанын айтып, өкінетінін жеткізді.
<blockquote>
 “Заң жүзінде талап етілсе, ақшаны қайтарып беруге дайынмын. Мұндай қаражаттың ешқандай қажеті жоқ”, – дейді әнші.
</blockquote>
Айтуынша, осы жағдай оған қатты әсер еткен:&nbsp;
<blockquote>
 “Осыны ойласам, өзімді-өзім жек көріп кетем. Енді мұндай лотереяларға халық сенбейтін болады. Осындай нәрселерге халық сенбейтін болады. Менен басқалары сабақ алса екен деймін. Бұл – өтіріктің өтірігі”, – деді әнші.
</blockquote>

&#8220;Әр видеоға 1 миллион теңгеден алдым&#8221;: Ернар Айдар даулы ұтыс туралы бар шындықты айтып берді

<a href="https://kyzylorda-news.kz/">Kyzylorda-news.kz</a>. Қызылорда облысында коронавирустық инфекция жұқтырған тағы 4 науқас тіркелді.
3 мамыр 10:20-дағы&nbsp;мәлімет бойынша қауіпті індетке шалдыққан 4 науқастың барлығы – Қызылорда қаласынан.
Айта кетейік, осымен облыс бойынша коронавирустық инфекция жұқтырған науқастардың жалпы саны 214 адамға жетті.

Қызылорда облысында қауіпті індет жұқтырғандар саны 214 болды

<a href="https://kyzylorda-news.kz/">Kyzylorda-news.kz</a>. Қызылорда облысының Жаңақорған ауданында полицейлер теміржол бойында өзіне қол жұмсамақ болған адамның өмірін сақтап қалды, деп хабарлайды <a href="https://lenta.inform.kz/kz/kyzylordada-policiya-temirzholda-suicid-zhasamak-bolgan-adamdy-kutkardy_a3645388">ҚазАқпарат.</a>
Суицид жасауға әрекеттенген азамат аудан орталығында тұрады. Куәгерлердің айтуынша, оның мұндай қадамға баруына отбасындағы мәселе себепші болған.
<blockquote>
 «Полицейлер жедел әрекет етті. Нәтижесінде азамат өлімнен құтқарылды. Бұл сәтте Жаңақорған аудандық полиция бөлімінің Жергілікті полиция қызметінің инспекторы Мейіржан Жандарбеков, учаскелік полицей Алмас Абдуллаев, учаскелік полиция инспекторының көмекшісі Ержан Айтжановтың белсенді қимыл жасады. Қазіргі таңда оқиғаның мән-жайы анықталуда», – деп мәлім етті Қызылорда облыстық полиция департаментінің баспасөз қызметі.
</blockquote>

Қызылордада полицейлер теміржолда суицид жасамақ болған адамды құтқарып қалды

<a href="https://kyzylorda-news.kz/">Kyzylorda-news.kz</a>. Қазақстандықтар несие тарихын түзете алады. Несиені үш жағдайда “қалпына келтіруге” болады.
<blockquote>
 “2020 жылдың 30 наурызынан бастап қарыз алушылар өздерінің теріс несие тарихын түзетуге мүмкіндік алды. Несиелік бюро “қалпына келтірілген” мәртебесі 90 күннен асатын мерзімі өткен қарызы бар банктік несие немесе микрокредит бере алады. Қаржы нарығын реттеу және дамыту агенттігінің кеңесі осы жылдың 22 наурызында қаулы қабылдады”, – деп жазады Fingramota.kz.
</blockquote>
Несиені келесі жағдайларда қалпына келтіруге болады:
– несие қарызын төлегеннен кейін 12 күнтізбелік айдан кейін;
– егер қарыз алушы қайта құрылымдау немесе қайта қаржыландыру күніндегі қарыздың 50%-дан астамын төлесе және соңғы 12 күнтізбелік ай ішінде қайта құрылымдаудан немесе қайта қаржыландырудан кейін 30 күннен астам мерзімге бұзушылықтарға жол бермесе;
– егер қарыз алушы мерзімі өткен күнтізбелік 90 күннен астам мерзімге мерзімі өткен берешекті өтегеннен кейін 30 күнтізбелік күннен аспайтын мерзім ішінде жыл ішінде бұзушылықтарға жол бермесе.
Осыдан кейін несиелік бюро кредиттік есепте кідіріс күндерінің саны нөлге тең болады.
Кешіктіру несиелік есепте несиені қайта құрылымдау немесе қайта қаржыландыру кезінде ғана көрсетіледі, ал несиені қайта құрылымдау немесе қайта қаржыландыру күнінен кейін туындаған кешіктіру күндерінің саны ғана көрсетіледі.
Бұған дейін де банктен қаншама несиелер рәсімделді.
Азаматтар бертінге дейін несие тарихы дегенге аса бас ауырта қоймады. Несие тарихы деген түсінік біздің қоғамда соңғы он жылда ғана қалыптасты.
2007 жылы басталған қаржылық дағдарыс халықтың әлеуметтік жағдайын тұралатып тастады да, азаматтар алған несиесін қайтара алмады.
Осылайша еліміздің миллиондаған адамының несие тарихы былғанып қалды.
Несие тарихы деген құжатта сіздің тек банктен алған ақшаларыңыз бен оның қайтарымы ғана көрсетілмейді.
Несие тарихында азаматтардың коммуналдық қызмет ақысын, салық, банк несиесін төлеуі сынды барлық қаржылық ақпарат болады.
Қазақстанда әзірге банк тұтынушыларының мәліметтері жалғыз Бірінші несие бюросының базасында сақталған.
Оның атқаратын қызметі – еліміздегі екінші деңгейлі банктеріне тұтынушы туралы жалпы мәлімет беру, яғни, қарапайым тілмен айтқанда, мәселен, сіз туралы сұрау салған Каспий банкіне бюро сіздің былтыр халық банктен алған несиеңізді төлемегеніңіз жөнінде ақпарат береді.
Несие тарихын тексеріңіз
Өзіңіздің ғана емес, басқалардың кінәсінен де сіздің несие тарихыңыз бұрыс болып шығуы мүмкін.
Өткенде бір танысым кеңес сұрап қоңырау шалды. Несие тарихын тексертсе, банктердің біріне 5 млн теңге несие қарыз деген анықтама беріпті.
Анықтай келе, бірінші бетте ол туралы, екінші бетте онымен фамилиялас адамның мәліметтері жазылған екен. Тек ЖБН (ИИН) бөлек. Қате ақпараттық салдарынан несие тарихына өзі алмаған несие туралы жазылыпты.
Қазақстанда несие тарихын үйден шықпай-ақ интернет арқылы білуге болады. Мұның бірнеше тәсілі бар.
Электрондық-сандық қолтаңба (ЭЦҚ) және банктің төлем картасы болса, egov.kz электронды үкімет порталы арқылы несие есебін алуға болады.
Мұны жылына бір рет тегін, сол жылы қайта алсаңыз, әр алған сайын 400 теңге +100 теңге банктік комиссия төлейсіз.
Сондай-ақ&nbsp;www.myth.kz&nbsp;порталы мен Бірінші несие бюросының&nbsp;www.1cb.kz&nbsp;сайтынан да алуға болады.
<a href="https://baq.kz/news/othernews/aza-standy-tar-nesielik-tarikhyn-t-zete-alady/">Baq.kz</a>

«Қара тізім»: Қазақстандықтар жағымсыз несие тарихын түзете алады

Дүниежүзілік баспасөз бостандығы күні.
1991 жылы Намибия Республикасының астанасында қол қойылған, барлық елдің үкіметін баспасөз бостандығы мен оның жариялылығын қамтамасыз етуге шақырған «Виндхук декларациясының» құрметіне орай 1993 жылғы желтоқсанның 21-індегі БҰҰ Бас Ассамблеясының шешімімен атап өтіледі.
1994 жылы&nbsp;Алматыда «Түркі халықтары музыкасының» бірінші халықаралық симпозиумы басталды. 1995 жылы «Батыс Қазақстан – Құмкөл» мұнай құбыры іске қосылды.
1997 жылы&nbsp;Қазақстан Республикасы Президенті Нұрсұлтан Назарбаевтың «Қазақстан Республикасының әкімшілік-аумақтық орналасуын одан әрі жетілдіру шаралары туралы» Жарлығына сәйкес Жезқазған, Көкшетау, Семей облыстары таратылды. Сонымен қатар басқа облыстардың шекарасы өзгертілді. Жезқазған Қарағандыға, Көкшетау Солтүстік Қазақстанға, ал Семей облысы Шығыс Қазақстан облысына қосылды. Ал Алматы облысының құрамына бұдан бұрынырақ таратылған Талдықорған облысы қосылса, Ақмола облысына Торғай облысының Державин, Жақсы, Жаңадала, Есіл аудандарының, сондай-ақ Солтүстік Қазақстан облысының Еңбекшілдер, Зеренді, Щучье аудандары мен Көкшетау қаласының аумағы, Қостанай облысына Торғай облысының Арқалық қаласы және Арқалық, Амантоғай, Амангелді, Жангелдин, Октябрь аудандары қосылды.
2002 жылы&nbsp;Н.Назарбаев пен В.Путин тарихи құжатқа Каспий теңізінің солтүстік бөлігін бөлу бойынша Қазақстан мен Ресей арасындағы Келісім Хаттамасына қол қойды.
&nbsp;2005 жылы&nbsp;Елбасы Нұрсұлтан Назарбаев «Қазақстан Республикасы мемлекеттік қызметшілерінің ар-намыс кодексі туралы» Жарлыққа қол қойды.
2016 жылы&nbsp;Ілияс Есенберлиннің «Көшпенділер» трилогиясының алғашқы екі томы: «Алмас қылыш» және «Жанталас» чех тіліне аударылды. Кітап чехиялықтар арасында қызығушылық тудырды.
1904 жылы&nbsp;американдық өнертапқыш Джордж Паркер қаламсап ойлап тауып, патент алды.

3 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 3 мамырға арналған жұлдыз-жорамалы.
Тоқты
Бүгін сіз ғашық боласыз. Осы сәттен бастап өмірге деген көзқарасыңыз өзгереді. Мақсатыңыз айқындалып, өміріңізді жаңа бағытқа бұрасыз. Ішкі сезіміңізді жасырмаңыз, мұны тағдырдың сыйы деп біліңіз. &nbsp;
Торпақ
Көптеген ұсақ-түйек тірліктер мен бітпей қалған шаруалар бүгін сіздің дұрыс шешім қабылдауыңызға кедергісін келтіреді. Бұл тығырықтан шығуға әріптесіңіз немесе серіктесіңіз көмектеседі. Тек бұл іске досыңызды араластырмаңыз.
Егіздер
Сіз бүгін өзіңізге тапсырылған барлық тапсырмаларды орындап болдыңыз. Енді бүгін ешнарсеге алаңдамастан демалғаныңыз дұрыс. Жақындарыңызбен немесе басшылықпен сөзге келіп қалудан сақтаныңыз. Себебі ұрыс-керістен көп күш жоғалтасыз.
Шаян
Бүгін сіз сәнгерлердің, дизайнерлердің ақыл-кеңестеріне жүгінесіз. Бұл мамандарға сенім артқаныңызбен, емші-балгерге сенбегеніңіз жөн. Себебі халықтық ем-дом өзгелерге жақсы әсер еткенімен, сізге оң нәтиже бермейді.
Арыстан
Үй ішіндегі тірлік ешқашан біткен емес. Бүгінгі күніңіз соларды атқарумен-ақ өтеді. Сонымен қатар жақындарыңызға да сіздің көмегіңіз қажет. Сондықтан мықты болуға тырысыңыз. &nbsp;
Бикеш
Денсаулығыңызға абай болыңыз. Соңғы уақытта бауырыңыз жиі мазалап жүрген сыңайлы. Майлы және тұзды тағамдардан бас тартыңыз. Спортпен шұғылданыңыз. Сонда дене бітіміңіз де, ас қорыту жүйесі де қалыпқа келеді.
Таразы
Бүгін маңызды іскерлік кездесуді ойдағыдай өткізіп, пайдасы зор келісімге қол қоясыз. Материалдық жағдайыңыз жақсы. Дегенмен алдағы күндеріңізді де жоспарлап жүруіңіз керек.
Сарышаян
Материалдық жағдайыңыз жақсарып, жұмысыңыздың да берекесі артады. Баспаналы болуды армандап жүрсеңіз, ол арманыңыздың да орындалуына аз қалды.
Мерген
Сіздің өнертапқыштығыңызға тәнті болатындар көп. Жаңа идеяларыңызды қолдайтындар табылады. Сонымен қатар сіз кез келген мәселенің шешімін таба аласыз.
Тауешкі
Бүгінгі күнді тек өзіңізге арнаңыз. Сүйікті ісіңізбен айналысыңыз. Кішігірім саяхатқа шығуға да болады. Әсіресе теңіз жағасына барып, толқындарды тамашалаңыз. Не болмаса моншаға барып, жағымсыз энергияларды сумен шайыңыз
Суқұйғыш
Сенім артқан кейбір жобаларыңыз оң нәтиже бермеуі мүмкін. Оған бола көңіл-күйіңізді түсірмеңіз. Дегенмен жоба жүзеге аспағандықтан, қолыңызда бар қаражатты үнемдеп жұмсаңыз.
Балықтар
Сізге сырттай ғашық жандардың бар назарын өзіңізге аудара аласыз. Бірақ оларға өз сезімдеріңізді толық жеткізе алмайсыз. Себебі оның алдында сіз өте дәрменсізсіз.

Жұлдыздар не дейді?

<a href="https://kyzylorda-news.kz/">Kyzylorda-news.kz</a>. Қазақстандағы бас санитар дәрігердің өкілеттігі кеңейтіледі. Бұл туралы санитарлық-эпидемиологиялық қызметті жетілдіру және COVID-19-бен күресу шараларын әзірлеу жөніндегі жұмыс тобы отырысында айтылды.
Отырысқа денсаулық сақтау Елжан Біртанов қатысты.
<blockquote>
 “Бас санитар дәрігер қаулы шығарып елдің барша аумағында шектеу шараларын енгізе алатын болады”, – деп хабарлады министрлік.
</blockquote>
Енді бұл үшін нормативтік-құқықтық актіні мемлекеттік тіркеуден өткізу міндетті болмайды.&nbsp;
<blockquote>
 “Қазіргі уақытта бұл қиындық тудырып отыр. Өйткені өзгеріс аптасына бір рет енгізіледі. Ал тіркеу процесі ұзақ уақытты талап етеді”, – деді ведомствода.
</blockquote>
Бас санитар дәрігер мемлекеттік шекара арқылы кіріп-шығуға шектеу енгізу құқығына ие болады.
Сондай-ақ, карантин аймақтарын бекіту, инфекция таралуынан қорғау аймақтарындағы эпидемияға қарсы шараларды толықтай үйлестіре алады.

Елімізде Бас мемлекеттік санитариялық дәрігердің өкілеттігі кеңейтілді

<a href="https://kyzylorda-news.kz/">Kyzylorda-news.kz</a>. Белгілі қазақстандық астролог Ирина Әбдірайымова мамыр айына болжам жасады, деп хабарлайды&nbsp;<a href="https://sputniknews.kz/society/20200501/13856340/Maman-mamyr-bolzham.html">Sputnik Қазақстан</a>.
“Әлемдік жанжалдарға куә боламыз”
Астрологтың айтуынша, мамыр айына Нептун – Венера ғаламшарлары ықпал етеді. Сондықтан бұл кезеңде әлемдік қақтығыстар, дау-жанжалдар жиі орын алуы мүмкін.
<blockquote>
 “Мамыр айында мұнай соғысы тұтануы ғажап емес. Себебі айдың басынан 25 мамырға дейін “қара алтын” бағасы құбылады, ОПЕК+ келісімдері бұзылуы мүмкін. Қауіп-қатер аймағына Ирак пен Иран, Парсы шығанағы елдері кіреді. Нептун шиеленіс, текетіресті білдіретіндіктен, біз осы әлемдік жанжалдарға куә боламыз”, – дейді қазақстандық маман.
</blockquote>
Қоғамдық қозғалыстар мен саяси партиялар көп болғанымен, ауызбіршілік таныта алмайды.
Сонымен қатар, Әбдірайымованың болжамынша, осы айда Дүниежүзілік денсаулық сақтау ұйымының төңірегінде дау шығуы мүмкін.
<blockquote>
 “Ал Венера ел экономикасы, ұлттық ресурс, қаржы институттары мен ауыл шаруашылығына ықпал етеді. Ешкім де инфляциядан қашып құтыла алмайды. Көмекке мұқтаж жандардың қатары артып, әлеуметтік қажеттіліктер өсіп, соның әсерінен митингтер болуы мүмкін. Әлеуметтік әділдікті талап етумен байланысты толқулар орын алуы ғажап емес”, – дейді астролог.
</blockquote>
Бұдан бөлек, маманның айтуынша, қаржы және банк жүйесі проблемаларға тап болады. Кейбір банктер банкротқа ұшырап, енді бірі қайта құрылады.
Ажырасу көбейеді
Әбдірайымова Нептун мен Венера адамның жеке өміріне де тікелей әсер ететінін жеткізді.
<blockquote>
 “Өкінішке қарай, осы айда ажырасу көбейеді. Алаяқтар мен қызқұмар еркектерге алданып қалмаңыздар. Осы кезеңде айтылған сөзге, берген уәдеге сенуге болмайды. Бір сөзбен айтқанда, баянды махаббат, ұзақмерзімді қарым-қатынас үшін қолайсыз кезең”, – деп ескертті маман.
</blockquote>
Астрологтың сөзіне сенсек, мамыр айында, көбіне, ер адамдар махаббат пен құштарлықтан басы айналып, кейін көңілі қалып, опық жеуі мүмкін.
Маман, әсіресе айдың 10 мен 11 күндері туған Балық, Бикеш, Мерген, Егіздерге сақ болуға кеңес берді.
Көктемнің соңғы айында көп адамды жауапсыз махаббат, айырылысу, өкпе-реніш, &nbsp;қаржы қателіктері, алдау-арбау күтіп тұр.
Бірақ, астрологтың болжамынша, 22 мамырдан кейін жеке өмір мен қаржы жағдайында оң өзгеріс байқалады.
Тың бастамалар кезеңі
<blockquote>
 “12 мамырдан бастап айдың соңына дейін Меркурийге, яғни ақылға, логикаға сүйенген абзал. Бұл аралықта адамдар көпшіл, тез тіл табысқыш болады. Ақпаратты жылдам қабылдап, тез сіңіреді. Білім-ғылымға құштарлығымыз оянады. 14 мен 19 мамыр аралығында жаңа идеялар, тың бастамалар бағаланады. Басшылықпен, билік органдарымен келіссөз жүргізуге қолайлы кезең”, – деді Әбдірайымова.
</blockquote>
Ал 22 – 23 мамыр күндері – абырой-беделдің, атақ-дәреженің өсетін уақыты.
Бітпей қалған істі аяқтауға, жаңа ұзақ мерзімді жоба бастауға, жеке өмірді, түсініспеушіліктер мен жанжалды реттеуге таптырмас кезең. &nbsp;
25-26 мамыр аралығында адамдар іштей күші молайғанын, қабылдаған шешімінің дұрыстығын сезеді. Бұл кезеңде кейбірі күтпеген олжаға кенелуі мүмкін.

Қазақстандықтарды мамыр айында не күтіп тұр?

<a href="https://kyzylorda-news.kz/">Kyzylorda-news.kz</a>. Еңбек және халықты әлеуметтік қорғау вице-министрі Нариман Мұқышев 42500 теңгенің түскенін тексеру үшін жаңа қызметтің іске қосылғанын хабарлады.
Нариман Мұқышевтің айтуынша әлеуметтік жәрдемақы тағайындалған соң,&nbsp;шоттарға ақша жіберілгендігін қалай тексеруге болады деген сұрақтар көп.
Нақты ЖСН-і бойынша тексеруді жиі сұрайды екен. Осыған байланысты еңбек министрлігі&nbsp;әрбір адам өзіне ақша жіберілгенін және қайда жібергенін білу үшін, бірқатар интеграция мен техникалық жұмыстарды жүргізгенін хабарлайды.&nbsp;
<blockquote>
 “Енді egov.kz және 42500.enbek.kz-тегі мәртебеде (статуста) ақша жіберілгенін және қандай банкке жіберілгенін көруге болады? Егер өтінім мақұлданса және ақша жіберілсе, мәртебесі 5 қадамды жасыл түспен көрсетеді, ал төменгі жағында 42500 теңге қандай банкке жіберілгені жазылады. Бұл жағдайда, егер картада түсімдер жоқ болса, банкке хабарласуыңызға болады”, – дейді вице-министр.&nbsp;
</blockquote>
Сонымен қатар, өтінім мақұлданған болса, бірақ шот нөмірінде қате болса, мәртебеде 5 қадамды сары түспен көрсететінін мәлімдеді. Ондай жағдайда&nbsp;төменде дұрыс шот нөмірін алу үшін не істеу керек туралы ақпарат жазылатынын айтты.&nbsp;
<blockquote>
 “Мұндай қателіктердің бір бөлігін біз өзіміз анықтаймыз, бірақ бір бөлігін көре алмаймыз және банктер ақшаны қайтарады. Сонда біздің базамыз арқылы немесе СМС арқылы басқа шоттарды іздеуге тура келеді”, – деді ол.
</blockquote>

42500 теңге түскенін қалай тексеруге болады?

<a href="https://kyzylorda-news.kz/">Kyzylorda-news.kz.</a> Қашықтан оқыту жағдайында оқушылар бөлімдік жиынтық бағалау (БЖБ), тоқсандық жиынтық бағалау (ТЖБ) тапсырады. Қызылорда облыстық білім басқармасы оқушылар мен ата-аналар білуі тиіс талаптарды ұсынды.
БЖБ және ТЖБ өтілген оқу сабақтары негізінде әзірленеді. Яғни оқу материалынан тыс сұрақтар болмайды.
Әрбір педагог тапсырманы өзі құрастырып, бағалаудың өлшемшартын өзі әзірлейді.
БЖБ және ТЖБ 1-4 сынып үшін 2 тапсырмадан артық болмауы керек, ал 5-10 сыныптар үшін 5 тапсырмадан артық болмайды.
БЖБ және ТЖБ тапсырмалары оқушыларға электронды ресурстар арқылы жіберіледі 
(эл/почта, электронды күнделік, 
whats app желілері)
БЖБ тапсыруға 20 минут, ТЖБ тапсыруға 40 минут беріледі. Ал, 1-4 сынып оқушыларына уақыт шектеуі жоқ.
Аптасына 2 және одан көп сағатты құрайтын пәндер үшін БЖБ 4-11 мамыр аралығында өтеді.
Аптасына бір сағатты құрайтын пәндер үшін БЖБ 11-15 мамырда өтеді.
1-10 сыныптардағы ТЖБ, 11 сыныптағы бақылау жұмысы 18-22 мамыр кезеңінде өтеді.
Бір күнде оқушылардан 3 жиынтық жұмысы ғана алынады.
Интернетке мүмкіндігі жоқ елді мекендерде тапсырмалар қағаз түрінде санитарлық талаптар сақтала отырып оқушылардың үйлеріне жеткізіледі.
ЕСКЕРУ КЕРЕК: Ата-аналар, оқушылар БЖБ және ТЖБ-ға арналған кестелер әр мектептің фейсбук парақшасына орналасады. Сонымен бірге whats app желісі арқылы әр педагог әр сыныпқа жеке жолдайды.

Қызылорда облысында жиынтық бақылау қалай өтеді?

<a href="https://kyzylorda-news.kz/">Kyzylorda-news.kz</a>. Елді дүрліктірген қаржы пирамидасына қатысты басты күдікті Молдовадан Ақтөбе қаласына экстрадицияланды.
<blockquote>
 “30 сәуірде Қазақстан Ішкі істер министрлігі Молдова Республикасынан Мұрзабековты экстрадициялау жүзеге асырыд, ол 27 ақпанда Қазақстан ІІМ сұрауы бойынша Молдова астанасында ұсталып, Кишинев қаласының тергеу изоляторына қамалды”, – делінген хабарламада.
</blockquote>
Оны Бас прокуратура мен ІІМ-нің көмегімен Қазақстан полициясы&nbsp;елге қайтарды.
Қазір ІІМ сотқа дейінгі тергеуді жүргізуде. Тергеу-жедел тобына барлық ІІМ департаменттерінің қызметкерлері кірді. Өңірлерде алданған салымшылар мен ұрланған қаражатты анықтау мақсатында тиісті жұмыстары жалғасуда. Хабарланғандай, зардап шеккендердің өтініштері әлі де келіп түсіп жатыр.
Қазіргі уақытта ішкі істер органдарына шамамен сегіз мың азамат өтініш білдірген, шығын 10 миллиард теңгеден асып түсті ( шамамен 23,2 миллион доллар).
Қаржы пирамидасының Ақтөбе облысында құрылғанын ескерсек, сондай-ақ,&nbsp;ұйымдастырушылар осы аймақта туғанын&nbsp;есепке алғанда,&nbsp;тергеу әрекеттері Ақтөбеде жүргізіледі.
42 күдікті адам анықталып, оның 19-ы сот санкциясымен қамауға алынып, сегіз адам іздестірілуде.
Тағы бір күдікті А. Ысқақов – қаржы пирамидасының белсенді қатысушыларының бірі, Қырғызстанда&nbsp;жасырынып жүрген. Ол Бішкекте ұсталып,&nbsp;20 сәуірде Отанына экстрадицияланды.
Қылмыстық істерді тергеу барысы ІІМ басшылығының ерекше бақылауында. Қаржы пирамидаларын жасаушылар мен ұйымдастырушыларға алаяқтық үшін 12 жылға дейін бас бостандығынан айырылуы мүмкін.
Естеріңізге сала кетейік, Аслан Мұрзабеков “Гарант 24 Ломбард” ЖШС-нің құрылтайшысы,&nbsp;“ЕSTATE Ломбард” и “Выгодный займ” қылмыстық ұйымдарының жетекшісі екені анықталып отыр.
Ол жанындағы адамдармен&nbsp;бірге ондаған мың қазақстандық зардап шеккен қаржы пирамидаларын құрды деп күдіктелді.

&#8220;Гарант 24 ломбард&#8221; ісі: Басты күдікті Молдовадан Ақтөбеге экстрадицияланды

<a href="https://kyzylorda-news.kz/">Kyzylorda-news.kz.</a> Қызылорда облысы Полиция департаментінің Жергілікті полиция қызметі басқармасы әйелдерді зорлық–зомбылықтан қорғау тобының ұйымдастыруымен 21сәуірден бастап тұрмыстық зорлық-зомбылықтың алдын алуға бағытталған жедел-профилактикалық шараларын жүргізуде.
Іс-шара барысында учаскелік полиция инспекторларымен профилактикалық және тізімдік есепте тұратын 465 тұлға тексеріліп, олармен профилактикалық әңгімесулер жүргізілді.
Сонымен қатар қала орталығындағы Абай даңғылы мен Ғ.Мұратбаев көше бойындағы бірнеше аулалар, Титов қыстағындағы сауда үйлер, Тасбөгет елді мекенінде бірнеше аулалар араланып, сол манда орналасқан дүкендер мен дәріханаларға зорлық-зомблықтың алдын алуға арналған жадынамалар ілініп, профилактикалық шолу жұмыстары жүргізілді.
Бұл бағытта жұмыстар жалғасуда.
<img src="https://kyzylorda-news.kz/wp-content/uploads/2020/05/img-20200502-wa0022.jpg" alt="" />
<img src="https://kyzylorda-news.kz/wp-content/uploads/2020/05/img-20200502-wa0021.jpg" alt="" />
<img src="https://kyzylorda-news.kz/wp-content/uploads/2020/05/img-20200502-wa0024.jpg" alt="" />

Қазақстан және Қызылорда облысының жаңалықтары

“Әр видеоға 1 миллион теңгеден алдым”: Ернар Айдар даулы ұтыс туралы бар шындықты айтып берді

Қызылорда облысында қауіпті індет жұқтырғандар саны 214 болды

Қызылордада полицейлер теміржолда суицид жасамақ болған адамды құтқарып қалды

«Қара тізім»: Қазақстандықтар жағымсыз несие тарихын түзете алады

3 мамыр: Атаулы күндер мен оқиғалар

Жұлдыздар не дейді?

Елімізде Бас мемлекеттік санитариялық дәрігердің өкілеттігі кеңейтілді

Қазақстандықтарды мамыр айында не күтіп тұр?

42500 теңге түскенін қалай тексеруге болады?

Қызылорда облысында жиынтық бақылау қалай өтеді?

“Гарант 24 ломбард” ісі: Басты күдікті Молдовадан Ақтөбеге экстрадицияланды

Қызылордалық полицейлер еріктілермен бірлесіп түсіндірме жұмыстарын жүргізді

Қазақстан және Қызылорда облысының жаңалықтары

&#8220;Әр видеоға 1 миллион теңгеден алдым&#8221;: Ернар Айдар даулы ұтыс туралы бар шындықты айтып берді

Қызылорда облысында қауіпті індет жұқтырғандар саны 214 болды

Қызылордада полицейлер теміржолда суицид жасамақ болған адамды құтқарып қалды

«Қара тізім»: Қазақстандықтар жағымсыз несие тарихын түзете алады

3 мамыр: Атаулы күндер мен оқиғалар

Жұлдыздар не дейді?

Елімізде Бас мемлекеттік санитариялық дәрігердің өкілеттігі кеңейтілді

Қазақстандықтарды мамыр айында не күтіп тұр?

42500 теңге түскенін қалай тексеруге болады?

Қызылорда облысында жиынтық бақылау қалай өтеді?

&#8220;Гарант 24 ломбард&#8221; ісі: Басты күдікті Молдовадан Ақтөбеге экстрадицияланды

Қызылордалық полицейлер еріктілермен бірлесіп түсіндірме жұмыстарын жүргізді

“Әр видеоға 1 миллион теңгеден алдым”: Ернар Айдар даулы ұтыс туралы бар шындықты айтып берді

“Гарант 24 ломбард” ісі: Басты күдікті Молдовадан Ақтөбеге экстрадицияланды