<a href="https://kyzylorda-news.kz/">Kyzylorda-news.kz.</a> Ұлы Жеңістің 75 жылдық мерейтойына орай Қызылордадағы Назарбаев Зияткерлік мектебінің оқушылары мен ата-аналары облыстағы ардагерлердің үйіне барып, мерекемен құттықтады.
Бүгінде Қызылорда облысында көзі тірі небәрі 16 Ұлы Отан соғысының ардагерлері қалды. Солардың бірі 96 жастағы Әбдірахман Байтіков. 1942 жылы майданға аттанған ол Курск шайқасында атқыштар дивизиясының құрамында ерліктің нағыз үлгісін көрсетті. Жеңіс батырына Зияткерлік мектептің «Алаш» Шаңырағы сый-құрмет көрсетіп, ақсақалдың ақ батасын алды.
Отты жылдарда Беларусь, Польша, Германия майдандарында болған тағы бір Жеңіс батыры – Бөрібай Құлманұлы биыл ғасырлық тойын атап өтеді. «Сұңқар» шаңырағы өкілдерімен өткен кездесуде Бөрібай ата майдан даласындағы естеліктерін айтып, өзіне көрсетілген құрметі үшін ризашылығын білдірді.
<blockquote>
 «Елімізде тыныштық болсын, халқымыз ауызбіршілікте өмір сүріп, жастарымыз еліміздің атын асқақтата берсін. Арнайы бас соғып жағдайымды сұрап келгендеріне үлкен рақметімді айтамын. Өрендеріміз білімді болып, еліне, жеріне қызмет ететін нағыз маман иелері болып өссін», – дейді ақсақал.
</blockquote>
Мәскеу маңында әуе шабуылына қарсы қорғаныс әскерінің сапында талай жауға соққы беруде жанын аямаған Кәлеп Бектұрғановқа да мектептің шынайы құрметі мен алғысын 12-сынып оқушысы Тамара Розметова жеткізді.
<blockquote>
 «Ер есімі – ел есінде» демекші, ешкім де, ештеңе де ұмытылмайды. Ардагерлердің ерен ерліктері, қажырлы еңбектері мен табандылықтары үшін бас иеміз. Біздің білім алуымызға және болашаққа мақсат құрып, армандардың орындалуына жол ашып, бейбіт күндерді сыйлаған ел ақсақалдарына алғысымды білдіремін, жадымызда мәңгілік сақталады», – деген құттықтауын жеткізді 12-сынып оқушысы Тамара Розметова.
</blockquote>
Осылайша отты жылдардың бел ортасында болып, соғысты басынан өткерген тарихи адамдармен жүздесу бақытына ие болған қызылордалық зияткерлер Жеңіс батырларының есімдері жастардың мәңгілік есінде сақталып, олардың жасаған ерліктері ұрпақтан ұрпаққа жетіп отыратынын көрсетті.
<img src="https://kyzylorda-news.kz/wp-content/uploads/2020/05/whatsapp-image-2020-05-03-at-17.14.09.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-07-at-12.43.32.jpeg" alt="" />
<ul>
<li><img src="https://kyzylorda-news.kz/wp-content/uploads/2020/05/whatsapp-image-2020-05-07-at-13.06.29.jpeg" alt="" /></li>
</ul>
<img src="https://kyzylorda-news.kz/wp-content/uploads/2020/05/whatsapp-image-2020-05-06-at-15.43.42.jpeg" alt="" />

Қызылордалық зияткерлер жеңіс батырларымен жүздесу сәтін ешқашан ұмытпайды (ФОТО)

<a href="https://kyzylorda-news.kz/">Kyzylorda-news.kz.</a> Қызылорда облысының тұрғындары Түркістан облысындағы су тасқынынан зардап шеккендерге көмек жинауды жалғастыруда.
Қызылордалықтар Мақтаарал ауданына тағы 24 тонна гуманитарлық көмек жіберді. Оны жинауға Шиелі, Жаңақорған және Қазалы аудандарының кәсіпкерлері, мешіт жамағаты, жүргізушілер мен бастамашыл халық өкілдері атсалысты.
Бүгін 7 автомашинадан құралған керуен жолға шықты. Аталмыш керуен зардап шеккендерге азық-түлік, киім-кешек, бірінші кезекте қажетті заттар мен жеке гигиена құралдарын жеткізеді.
Сонымен қатар, Шиелі ауданы тұрғындары Мақтаарал халқына 1 млн теңге қаражат жинап берген.
Гуманитарлық көмек көрсету жұмыстары жалғасуда.

Сыр елінен Түркістан облысына тағы 24 тонна гуманитарлық көмек жөнелтілді

<a href="https://kyzylorda-news.kz/">Kyzylorda-news.kz.</a> Ұлы Отан соғысының 75 жылдығын Қызылорда облысында 15 Ұлы Соғысының ардагері қарсы алды.
Облыс көлемінде Ұлы Отан соғысындағы Жеңістің 75 жылдығына орай 4335 Ұлы Отан соғысының ардагерлеріне және оларға теңестірілген азаматтарға біржолғы материалдық көмек көрсетуге облыстық және аудандық бюджеттен барлығы 454,8 млн.теңге бөлінді.
Оның ішінде:
– 16 ҰОС қатысушыларына бюджеттен біржолғы материалдық көмек 1 млн. 111,1 мың теңге төленуде;
– ҰОС жылдарындағы тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен марапатталған 36 адамға 183,3 мың теңгеден төленеді.
– ҰОС жылдарында тылда кемінде 6 ай жұмыс істеген, Ұлы Отан соғысы кезiнде майдандағы армия құрамына кiрген әскери бөлiмдерде, штабтарда, мекемелерде штаттық қызмет атқарған Совет Армиясының, Әскери-Теңiз Флотының, бұрынғы КСР Одағының iшкi iстер және мемлекеттiк қауiпсiздiк әскерлерi мен органдарының ерiктi жалдама құрамаларыннда болған 4234 азаматқа 100,0 мың теңгеден біржолғы әлеуметтік көмек беріледі.
– Қайтыс болған соғыс мүгедектерiнiң және соларға теңестiрiлген мүгедектердiң әйелдерiне (күйеулерiне) 1 адамға 100 мың теңге төленеді. Өңірде олардың жалпы саны– 49.

Қызылорда облысы Ұлы Жеңістің 75 жылдығын жоғары дайындықпен қарсы алды

<a href="https://kyzylorda-news.kz/">Kyzylorda-news.kz.</a> Қызылорда облысы Төтенше жағдайлар департаментінің қызметкерлері 100 жасқа келген соғыс ардагерін құттықтады.
Бүгін Бөрібай ақсақалды қызылордалық төтеншеліктердің атынан департамент бастығының орынбасары, полковник Саид Молдақараев бастаған қызметкерлер құттықтап, ақ батасын алып қайтты.
Жеңіс күні қарсаңында соғыс ардагері Бөрібай Құлманов ақсақал 100 жасқа келіп отыр.
Өзінің еңбек жолын ауылшаруашылығы саласынан бастаған ардагер 1941 жылы Ұлы Отан соғысына аттанып, Германия, Поляк және Белоруссия жерлерін жаудан азат етуге қатысқан.
Ұлы Отан соғысынан кейін де тағы 6 жыл Қытай мен Шығыс Түркістанда құпия миссияны орындаған майдангер еліне оралған соң өзінің еңбек жолын облыстық Ауыл шаруашылығы басқармасында жалғастырады.
Жеңіс күнінде өзіне құрмет көрсеткен департамент қызметкерлеріне ғасыр жасаған майдангер батасын беріп, еңбектеріне жеміс тіледі.
Сондай-ақ, департамент қызметкерлері Ұлы Отан соғысының және Ішкі істер органдарының ардагері Жұма Демеуұлының әйелі Раиса Батырханқызын арнайы құттықтап, сый-сыяпат көрсетті.
<img src="https://kyzylorda-news.kz/wp-content/uploads/2020/05/img_5312-23.jpg" alt="" />
<img src="https://kyzylorda-news.kz/wp-content/uploads/2020/05/fullsizerender-07-05-20-10-20-3.jpg" alt="" />
<img src="https://kyzylorda-news.kz/wp-content/uploads/2020/05/fullsizerender-07-05-20-10-20-7.jpg" alt="" />

Қызылордада төтеншеліктер 100 жастағы майдангерді құттықтады

<a href="https://kyzylorda-news.kz/">Kyzylorda-news.kz.</a> Қызылордада қылмыстық-атқару жүйесінің қызметкерлері Ұлы Отан соғысының ардагерлеріне құрмет көрсетті. Олар отан үшін кеуделерін от пен оққа тосқан майдангерлердің үйлеріне арнайы барып құттықтады.
Қызылорда облыстық ҚАЖ департаментіне қарасты ЗК-169/1 мекемесінің қызметкерлері тыл ардагері Ануза Елекеваны Жеңіс күнімен құттықтап, сый-сыяпаттарын табыстады.
Ануза апай аталған мекеме қызметкерлеріне осы бақытты өміріне тек адал еңбекпен жеткендігін айтып, сұрапыл соғыс жылдарындағы тартқан тауқыметі жайлы толғана сыр шертті.
Соғыс басталғанда не бәрі 17 жаста болған қара қыз тыл еңбегінің ауыр жүгін арқаласа да, ұрпағының бүгінгі бақытты сәті үшін көрген мехнатына еш өкінбейтіндігін айтты.
Сондай-ақ, ЗК-169/5 мекемесінің қызметкерлері Ұлы ОТан соғысының ардагері Әбдірахман Бәйтіков ақсақалдың шаңырағында болып, мерекесімен құттықтады.
Қарт жауынгер 1942 жылы Курск шайқасына қатысып, қан майданның сұмдық көріністеріне куә болады. 1943 жылы қолынан ауыр жараланып, елге оралған.
95 жасқа келген абыз ақсақалдың әсерлі әңгімелерін тыңдап, батасын алған мекеме қызметкерлері ардагерге тек бейбіт күннің куәгері болып жүре беруін тілеп қайтты.
<img src="https://kyzylorda-news.kz/wp-content/uploads/2020/05/whatsapp-image-2020-05-06-at-23.56.31.jpeg" alt="" />

Қызылордада ҚАЖ қызметкерлері ардагерлерге құрмет көрсетті

<a href="https://kyzylorda-news.kz/">Kyzylorda-news.kz.</a> Отан үшін от кешіп, кеудесін оққа тосқан ардагерлерге құрмет көрсету – кейінгі ұрпақ парызы. Теңдессіз ерліктің күшімен өскелең ұрпаққа бейбітшілік әкелген Ұлы Жеңіс күні қарсаңында Қызылорда облысы Полиция департаментінің бастығы, полиция полковнигі Бектөре Сұлтан бастаған қызметкерлер тобы Ұлы Отан соғысының ардагері Махамбет Бержанов ақсақалды Сырдария ауданына барып құттықтады.
Бүгінде Ұлы Отан Соғысының ардагері Махамбет Бержанов Сырдария ауданында тұрады. Соғыс кезінде Забайкал әскери округі 36-шы армиясының 293-ші атқыштар полкінде Чита облысында әскери борышын атқарған.
Ұлы Отан соғысы жылдарында «Жапонияны жеңгені үшін» I дәрежелі орденімен, «Ерен еңбегі үшін», «Кеңес милициясына – 50 жыл» медальдарымен наградталып, «Үздік қызметі үшін» төсбелгісімен марапатталған.
Отставкадағы милиция полковнигі Махамбет Бержанұлы 1925 жылы Жалағаш ауданының Еңбекші ауылында дүниеге келген.
1948 жылы майданнан оралғаннан кейін, осы жылдың маусым айынан бастап, 1953 жылдың наурыз айына дейін Жалағаш және Қармақшы аудандық милиция бөлімдерінде кіші жедел уәкілі қызметін атқарған.
Кейіннен 1954 жылдың маусым айына дейін КСРО ІІМ-нің Алматы қаласындағы мектебінің тыңдаушысы болған. Осы жылдың маусым-тамыз айлары Арал аудандық милиция бөлімінің №585 арнайы комендатурасының коменданты, 1963 жылдың ақпан айына дейін Арал және Жалағаш аудандық милиция бөлімінің аға жедел уәкілі, сонан соң Сырдария аудандық милиция бөлімінің аға жедел уәкілі және Сырдария аудандық милиция бөлімі бастығының орынбасары болып еңбек еткен.
1975 жылдың мамыр айынан бастап, Қармақшы АІІБ-нің бастығы лауазымында болып, 1983 жылдың мамыр айында шекті жасқа толуына байланысты ішкі істер органдарынан құрметті демалысқа шыққан.
Бүгінде өркен жайған алып бәйтеректей үлкен бір әулеттің ақылшы тірегі ардагер Махамбет ақсақал немере-шөберелерінің сүйікті атасына айналған қадірменді қария. 95 жастағы майдангер қазақ елінің болашағына зор сеніммен қарайды.
<blockquote>
 «Ұлы Отан соғысы кезінде майданға аттанған әкелеріміз бен аталарымыздың ерлігі өлшеусіз. Оларға лайықты құрмет көрсету біз үшін парыз. Болашақ ұрпаққа сыйлаған бейбіт заман, ашық аспан, теңдесі жоқ ерліктеріңіз үшін жеке құрам атынан алғысымды білдіре отырып, өмірлік күш-қуаттарыңыз ұзағынан болсын дегім келеді», – деді арнайылап құттықтап келген Бектөре Жеңісбайұлы.
</blockquote>
Айта кетейік, Қызылорда облысының Полиция департаментінде Ұлы Отан соғысының 2 ардагері, оларға теңестірілген 2 ардагер және 11 тыл еңбеккерлері қызмет атқарған.
<img src="https://kyzylorda-news.kz/wp-content/uploads/2020/05/img_1556-scaled.jpg" alt="" />

Қызылордалық полицейлер 95 жастағы майдангерді Сырдария ауданына арнайы барып құттықтады

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласының әкімі Нұрлыбек Нәлібаев Ұлы Отан соғысының ардагері, 96 жастағы Әбдірахман Бәйтіковке Мемлекет басшысы Қасым-Жомарт Тоқаевтың құттықтау хатын тапсырды.
Шаһар басшысы қариямен әңгіме барысында қазіргі таңда еліміздегі жағдайға байланысты Қазақстанымыздың кез келген қиындықты мойымай, жеңіп шығатынын жеткізе отырып, Мемлекет басшысының және облыс әкімінің құттықтауын жеткізіп, арнайы дайындалған мерекелік медальді табыстап, сый-құрмет көрсетті.
Өз кезегінде ардагер замандастарының соғыста жасалған ерліктерін жеткізе отырып, жас ұрпаққа “Тәуелсіздігімізді мәңгіге сақтап, Қазақ елін одан әрі дамыта беріңдер!”, – деп ақ батасын берді.
Майдангер Әбдірахман Бәйтіков мектеп бітірісімен 1942 жылдың тамыз айында әскер қатарына алынды. 18 жасқа толған шағында жас сарбаз елін қорғауға аттанған.
Cарбаз алдымен офицерлер дайындайтын курстан өтеді. 1943 жылы майдан даласына барып, Курск шайқасына қатысқан. 1943 жылы Курск доғасында ауыр жарақат алған.
Елге 1944 жылы 2-топ соғыс мүгедегі болып оралып, колхоз қой фермасында 30 жыл есепші қызметін атқарған. Ардагер ұрыс даласында ерлігімен көзге түсіп, бірнеше орден-медальдармен марапатталған.
Әбдірахман аға жұбайы Кеңескүл екеуі 10 бала тәрбиелеп, оларға жоғарғы білім беріп өсірген. Олардан 31 немере, 38 шөбере сүйіп отырған өнегелі отбасы.
Жалпы биыл Ұлы Жеңістің 75 жылдығына орай қала бойынша ҰОС қатысушылары мен мүгедектерінің, тыл еңбеккерлеріне біржолғы әлеуметтік төлемдер берілді.
Нақты айтар болсақ, қазіргі таңда қалада 8 Ұлы Отан соғысына қатысушылар мен мүгедектері бар, облыстық бюджеттен 500,0 мың теңге, жергілікті бюджеттен 111,0 мың теңге, барлығы 611,0 мың теңгеден төленді және қалалық мәслихаттың шешімімен облыстық бюджеттен 500,0 мың теңгеден бөлініп, барлығы 1 млн 111 мың теңге берілді.
Ұлы Отан соғысы жылдарында тылдағы қажырлы еңбегі мен мінсіз әскери қызметі үшін марапатталған 16 тыл ардагеріне облыстық бюджеттен 100,0 мың теңге, жергілікті бюджеттен 83,3 мың теңге барлығы 183,3 мың теңге төленді.
Тылда алты ай еңбек еткен 1365 ардагерге облыстық бюджеттен 100 мың теңге төленді.
Сонымен қатар төтенше жағдайға байланысты «Біргеміз!» қоғамдық қоры арқылы 8 Ұлы Отан соғысы және 16 тыл ардагерлеріне 50 мың теңгеден біржолғы көмек көрсетілді.
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-23.37.58-1.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-23.37.57.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-23.37.57-1.jpeg" alt="" />

Қала әкімі майдангер Әбдірахман Бәйтіковке сый-құрмет көрсетті (ФОТО)

<a href="https://kyzylorda-news.kz/">Kyzylorda-news.kz.</a> Бүгін облыстық мәслихат хатшысы Қылышбай Бисенов Ұлы Отан соғысының ардагері, 96 жастағы Әбдірахман Әбішев ақсақалдың шаңырағында болып, Мемлекет басшысы Қ.К.Тоқаевтың және облыс әкімі Г.Әбдіқалықованың мерекелік құттықтауын табыстады.
Мерекелік құттықтау кезінде Әбдірахман атаның қалада болмауына байланысты құттықтауды қарияның отбасы мүшелері қабылдады.
Әбдірахман Әбішев 1923 жылғы 1 шілдеде Қызылорда облысы, Қазалы ауданы, Томайкөл ауылында дүниеге келген.
1941 жылы соғысқа аттанып, Москва түбіндегі майданға қатысқан. Соғыстан келгеннен кейін Қазалы ауданының Аққой совхозында бас есепші болып қызмет атқарған.
Совхоздың орталық қоймасын 40 жыл басқарып, зейнетке шыққан.
Майдангер бүгінде 10 ұл-қыз тәрбиелеп, 35 немере, 20 шөбере сүйіп отыр.
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-22.37.18.jpeg" alt="" />

Соғыс ардагері Әбдірахман Әбішевтің отбасына марапат табысталды

<a href="https://kyzylorda-news.kz/">Kyzylorda-news.kz.</a> Жеңіс мерекесі күні облыс әкімі аппаратының басшысы Ерлан Райғаниев Ұлы Отан соғысының ардагері Колесник Любовь Сергеевнаның шаңырағында болып, Президент Қ.К.Тоқаевтың және облыс әкімі Г.Әбдіқалықованың мерекелік құттықтауын табыстады.
Любовь Сергеевна 1925 жылғы 4 тамызда Оңтүстік Қазақстан облысы, Арыс қаласында әскери қызметшілер отбасында дүниеге келген.
ұбайы Николай Севастьянович Колесник те соғыс ардагері.
Жергілікті медициналық техникумда оқып, кәмелет жасқа толысымен 1944 жылы әскер қатарына шақырылған.
Соғыс кезінде Белорусь фронтының дала госпиталінде медбике қызметін атқарып, ержүрек батылдығымен көзге түскен. Соғыс аяқталған соң госпитальда жұмыс жасады.
1945 жылдың қыркүйегінде елге оралып, сол жылы Қызылорда қаласындағы локомотив депо медпунктіне фельдшер болып жұмысқа орналасты. Осы қызметтен зейнетке шыққан.
Любовь Сергеевна 2 ұл, 1 қыз тәрбиелеп өсірді.
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-22.36.51.jpeg" alt="" />
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-22.36.51-1.jpeg" alt="" />

Аялы алақаны жаралы жауынгерлерге шипа болған дәрігер алғысқа бөленді

<a href="https://kyzylorda-news.kz/">Kyzylorda-news.kz.</a> Арал ауданының әкімі Мұхтар Оразбаев Сексеуіл кентіндегі Ұлы Отан соғысының ардагері Жанасов Талжан ақсақалдың отбасында болып, Президент Қ.К.Тоқаевтың құттықтауын табыстады.
Сондай-ақ, облыс әкімі Г.Әбдіқалықованың мерекелік құттықтауын оқып берді.
Аудан басшысы сұрапыл соғыстағы майдангердің көрсеткен жаужүрек ерліктеріне бүгінгі ұрпақ бас иетінін айта келе, бізге бейбіт өмір сыйлаған қарт жауынгерге зор денсаулық пен ұзақ ғұмыр тіледі.
Талжан Жанасов 18 жасында Кеңес әскері қатарына шақырылып, Ақмола қаласында бір ай дайындықтан өтіп, майдан шебіне жіберілген.
1942 жылдан бастап 1945 жылдың тамыз айына дейінгі мерзімде алдымен 1-Украина майданында, соңынан 4-Украина майданында жаяу әскер жауынгері болған.
Өз кезегінде Талжан ақсақал мемлекет тарапынан көрсетіліп жатқан құрмет пен қамқорлықтарына ризашылықтарын білдіріп, елдің амандығы мен тыныштығын тілеп, ақ батасын берді.
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-22.34.00.jpeg" alt="" />

Аралдық майдангерді құттықтады

<a href="https://kyzylorda-news.kz/">Kyzylorda-news.kz.</a> Шиелі ауданының әкімі Қамбарбек Мүбараков Ұлы Отан соғысының ардагері, 97 жастағы Сәрсенбек Байжанов қарияның шаңырағында болып, Мемлекет басшысы Қ.К.Тоқаевтың және облыс әкімі Г.Әбдіқалықованың мерекелік құттықтауын табыстады.
Сәрсенбек Байжанов 1923 жылдың 1 мамырында Қызылорда облысы, Шиелі ауданы, Үлгілі елді мекенінде дүниеге келген.
1942-1944 жылдар аралығында Сталинградтың Солтүстік батысындағы «Магеллан» деген жердегі шайқасқа қатысқан.
Соғыстан кейінгі жылдарда Сәрсенбек Байжанов колхозда жұмысшы болды. 1950-1953 жылдар аралығында Түркістан педогогикалық училищесінде оқып, мұғалім мамандығын алып шыққан.
1963-1991 жылдар аралығында № 156 қазақ орта мектебінде 38 жыл мұғалімдік қызмет атқарды.
55 жасында мүгедектігіне байланысты зейнеткерлікке шықты. Бүгінгі күні 11 баладан, 41 немере, 48 шөбере сүйіп отыр.
<blockquote>
 “Аспанымыз әрқашан ашық болсын деп күн сайын тілеп отырамын”, – деді қарт майдангер өзінің риясыз көңілін білдіріп.
</blockquote>
<img src="https://kyzylorda-news.kz/wp-content/uploads/2020/05/whatsapp-image-2020-05-08-at-22.33.38.jpeg" alt="" />

Сәрсенбек Байжанов: &#8220;Аспанымыз әрқашан ашық болсын деп күн сайын тілеп отырамын&#8221;

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Руслан Рүстемов Ұлы Отан соғысы және еңбек ардагері Маханбет Бержановтың отбасында болып, Жеңіс күні мерекесімен құттықтады.
Аудан әкімі майдангерге ҚР Президенті Қ.К. Тоқаев пен облыс әкімі Г.Н.Әбдіқалықованың құттықтау хаттарын табыстап, ерліктің елге мұра, ұрпаққа үлгі екендігін айта келе, Отан үшін от кешіп, бейбіт өмір сыйлаған қарт майдангерлерге алғысын білдірді.
Маханбет Бержанов 1925 жылғы 21 қыркүйекте Қызылорда облысы, Жалағаш ауданы, Еңбек ауылсоветінде дүниеге келген.
1942 жылы «Қызылоктябрь» орта мектебін бітіріп, 1943 жылғы 27 наурызда Қармақшы аудандық әскери комиссарияты арқылы Кеңес армиясының қатарына алынады.
1943 жылдың 25 сәуірінен осы жылдың шілде айына дейін Чита облысының Мациевская станциясындағы 94-атқыштар дивизиясының 9-полкінде қатардағы атқыш болған. 1943 жылдың шілде айынан 1946 жылдың тамыз айына дейін Чита қаласындағы 
1036-атқыштар полкінде телефонист болып қызмет атқарады.
1945 жылдың 9 тамызы мен 2 қыркүйек аралығында Забайкал фронтының 36 армиясының 1036 атқыштар полкінің қатарында автоматшы болып империалистік Жапонияға қарсы соғысқа қатысады.
1947 жылдың мамыр айынан сол жылдың шілде айына дейін 41 пулеметтік – артиллериялық полкінде радиотелеграфист болып сол 79 разъезінде әскери қызмет атқарады. 1948 жылдың ақпанында КСРО Министрлер Кеңесінің 1948 жылғы 13 қаңтардағы қаулысымен әскер қатарынан босанып, елге оралады.
Соғыстан кейінгі жылдары бірнеше ауданда ішкі істер бөлімі аға оперативтік уәкіл болып қызмет атқарды. Отставкадағы милиция полковнигі.
Бүгінгі күні 7 ұл-қыз тәрбиелеп, 25 немере, 16 шөбере сүйіп отыр.

Қазақстан және Қызылорда облысының жаңалықтары

Қызылордалық зияткерлер жеңіс батырларымен жүздесу сәтін ешқашан ұмытпайды (ФОТО)

Сыр елінен Түркістан облысына тағы 24 тонна гуманитарлық көмек жөнелтілді

Қызылорда облысы Ұлы Жеңістің 75 жылдығын жоғары дайындықпен қарсы алды

Қызылордада төтеншеліктер 100 жастағы майдангерді құттықтады

Қызылордада ҚАЖ қызметкерлері ардагерлерге құрмет көрсетті

Қызылордалық полицейлер 95 жастағы майдангерді Сырдария ауданына арнайы барып құттықтады

Қала әкімі майдангер Әбдірахман Бәйтіковке сый-құрмет көрсетті (ФОТО)

Соғыс ардагері Әбдірахман Әбішевтің отбасына марапат табысталды

Аялы алақаны жаралы жауынгерлерге шипа болған дәрігер алғысқа бөленді

Аралдық майдангерді құттықтады

Сәрсенбек Байжанов: “Аспанымыз әрқашан ашық болсын деп күн сайын тілеп отырамын”

Майдангер Маханбет Бержанов мадақталды

Қазақстан және Қызылорда облысының жаңалықтары

Қызылордалық зияткерлер жеңіс батырларымен жүздесу сәтін ешқашан ұмытпайды (ФОТО)

Сыр елінен Түркістан облысына тағы 24 тонна гуманитарлық көмек жөнелтілді

Қызылорда облысы Ұлы Жеңістің 75 жылдығын жоғары дайындықпен қарсы алды

Қызылордада төтеншеліктер 100 жастағы майдангерді құттықтады

Қызылордада ҚАЖ қызметкерлері ардагерлерге құрмет көрсетті

Қызылордалық полицейлер 95 жастағы майдангерді Сырдария ауданына арнайы барып құттықтады

Қала әкімі майдангер Әбдірахман Бәйтіковке сый-құрмет көрсетті (ФОТО)

Соғыс ардагері Әбдірахман Әбішевтің отбасына марапат табысталды

Аялы алақаны жаралы жауынгерлерге шипа болған дәрігер алғысқа бөленді

Аралдық майдангерді құттықтады

Сәрсенбек Байжанов: &#8220;Аспанымыз әрқашан ашық болсын деп күн сайын тілеп отырамын&#8221;

Майдангер Маханбет Бержанов мадақталды

Сәрсенбек Байжанов: “Аспанымыз әрқашан ашық болсын деп күн сайын тілеп отырамын”