<a href="https://kyzylorda-news.kz/">Kyzylorda-news.kz.</a> Көктем шығысымен ауданымызда екі айлық санитарлық тазалық жұмыстары басталатыны белгілі. Бұл уақытта тұрғындар айналаны күл-қоқыстан тазартып, тал егу жұмыстарын бастайды.
Көктемгі тазалық жұмыстарына байланысты аудан әкімі Мұрат Ергешбаевтың төрағалығымен мәжіліс өтті. Мәжіліске Әйтеке би кенті мен Қазалы қаласында орналасқан барлық мекеме-кәсіпорындардың басшылары қатысты.
Тазалықтың адам өміріндегі маңыздылығына тоқталған Мұрат Ергешбаев аудан тұрғындары мен мекеме-кәсіпорын ұжымдарын елдік іске белсене араласып, көркейту-көгалдандыру шараларына біркісідей атсалысуға шақырды.
<blockquote>
 «Ауданда 7 наурыз бен 9 мамыр аралығы көктемгі санитарлық тазарту, көркейту және көгалдандырудың екі айлығы болып жарияланды. Осыған орай Әйтеке би кенті мен Қазалы қаласы 4 аймаққа бөлініп, аудан әкімінің орынбасарлары мен аппарат басшысы әр аймаққа жауапты болып бекітілді. Әйтеке би кенті – ауданымыздың айнасы, оның айналасын үнемі таза ұстап отыру – осы отырған баршамызға ортақ іс. Тазалық – әркімнің өз ауласынан, табалдырығынан басталады. Сондықтан әрбір тұрғын өз ауылын таза ұстауға, көркейтуге үлес қосуы керек. Біз көшелерді қанша сәндеп-жөндегенмен, көше бойындағы қоқыстар пен үйлердің қоршауы жөнделіп, сырланбаса мұның бәрі бекер екені белгілі», – деген аудан басшысы барлық мекеме-кәсіпорындар мен кәсіпкерлік нысандардың иелері сенбі күнін күтіп отырмай, тазалық жұмыстарын жүргізулері қажет екенін жеткізді.
</blockquote>
Мұнан соң кент әкімі Қайрақбай Орынбасаров Әйтеке би кентіндегі тазалық жұмыстары бойынша атқарылған және алда жоспарланған жұмыстар жөнінде айтып берді.
Сондай-ақ, кент әкімі аудан тұрғындары мен тазалыққа жауапты топтың мүшелері қоқыс тастаған немесе көшені бүлдіріп жатқан азаматтарды көрсе 8&nbsp;775&nbsp;717 7256 WhatsApp нөміріне суретке түсіріп жіберу қажеттігін айтты. Фотосуретке байланысты кент қызметкерлері тұрғындарға заңдылыққа байланысты айыппұлдар салатын болады.
Басқосуда аудан әкімі аудандық полиция бөлімі, қоғамдық денсаулық сақтау басқармасы, аудандық ішкі саясат бөлімі, Жастар ресурстық орталығы, аудандық кәсіпкерлік, өнеркәсіп және туризм бөлімі, аудандық ветеринариялық станциясы мен кент әкіміне күн тәртібіндегі мәселеге байланысты тиісті жұмыстар атқаруды тапсырды.
<blockquote>
 «Абырой барлығымызға да ортақ. Сондықтан белгіленген аймақтарға ұжым болып ауызбіршілікпен шығып, тазалық жұмыстарын жүргізсек, бұл біздің перзенттік парызымыз. Біз қашанда үлкеніміз қайда жүрсе, сонда бағыт алған ұрпақпыз. Өздеріңіз бас болып, барлық жұмысты бірге істеуге атсалыссаңыздар», – деген Мұрат Нәлхожаұлы мәжілісті қорытындылады.
</blockquote>
<img src="https://kyzylorda-news.kz/wp-content/uploads/2020/03/02-38.jpg" alt="" />

Мұрат Ергешбаев: Тәртіп пен тазалық әркімнің өзінен басталуы тиіс

Оқыған: Фариза ОМАРОВА
Иман деген – алла табарака уа тағаланың шәриксиз, ғайыпсыз бірлігіне, барлығына уа әр түрлі бізге пайғамбарымыз саллалаһу ғалайһи уәссәлләм арқылы жіберген жарлығына, білдіргеніне мойын ұсынып, инанмақ. Енді бұл иман дерлік инануға екі түрлі нәрсе керек. Әуелі – не нәрсеге иман келтірсе, соның хақтығына ақылы бірлән дәлел жүргізерлік болып, ақылы дәлел – испат қыларға жараса, мұны якини иман десе керек. Екіншісі – кітаптан оқу бірлән яки молдалардан есту бірлән иман келтіріп, сол иман келтірген нәрсесіне соншалық берік боларға керек. Біреу өлтіремін деп қорқытса да, мың кісі мың түрлі іс көрсетсе де, соған айнып, көңілі қозғалмастай берік болу керек. Бұл иманды иман таклиди дейміз.
Енді мұндай иман сақтауға қорықпас жүрек, айнымас көңіл, босанбас буын керек екен. Якини иманы бар деуге ғылымы жоқ, таклиди иманы бар деуге беріктігі жоқ, я алдағанға, я азғырғанға, я бір пайдаланғанға қарап, ақты қара деп, я қараны ақ деп, өтірікті шын деп ант ететұғын кісіні не дейміз? Құдай тағала өзі сақтасын. Әрнешік білмек керек, жоғарғы жазылмыш екі түрліден басқа иман жоқ. Иманға қарсы келерлік орында ешбір пенде құдай тағала кеңшілігімен кешеді дағы демесін, оның үшін құдай тағаланың ғафуына яки пайғамбарымыздың шафағатына да сыймайды, мүмкін де емес. «Қылыш үстінде серт жоқ» деген, «құдай тағаланың кешпес күнәсі&nbsp;жоқ» деген жалған мақалды қуат көрген мұндай пенденің жүзі құрысын.
1892

Абай Құнанбайұлының он үшінші қара сөзі (АУДИО)

<a href="https://kyzylorda-news.kz/">Kyzylorda-news.kz</a>. СOVID-19 дүниені дүр сілкіндірді. Әлемді әлекке салған кеселмен күрес барлық шепте жүріп жатыр, деп хабарлайды <a href="https://lenta.inform.kz/kz/kulli-alem-koronaviruspen-kule-zhurip-kurese-bastady_a3625221">ҚазАқпарат</a>.
Әлемнің түкпір-түкпірінен үрейлі статистикалар келіп жатқанымен, кей халық бұл қиындыққа мойымайтынын ерекше жолмен көрсетіп келеді. Мәселен коронавирус қаупі жағынан ең жоғары санатқа енген Италиядан балконда ән шырқаған азаматтардың видеосы тарап кетті.
Сәулеті мен дәулеті жарасқан мемлекеттің азаматтары өз халқын да, әлем елдерін де осылай жігерлендіріп жатқандай. Балконда ән шырқау – Италияда бүгін де флешмобқа айналып, халықтың өзі бастап кеткен акцияға мыңдаған азамат атсалысуда.
Ән демекші италиялықтардай біздің елдің де өнерпаздары да «Коронавирус кет, кет» деп ән шырқап, көптің көңілін көтеріп жүр.
Бір қызығы, осы әнді шырқап бастаған елімізге белгілі әнші Марат Омаровтың бастамасын өзге жұлдыздар да қолдап кетіпті. Қауіпті кесел жайлы көңілді әннің ремиксі де шығып қойған екен.
Әнмен бірге бимен де көптің көңілін аулағандар бар. Естеріңізде болса Қытайдағы қандасымыз – Шыңжаңнан Уханьға көмекке барған тәжірибелі дәрігер-хирург Баһаргүл Толқынқызы коронавирустан емделіп жатқан науқастарға қазақтың «Қара жорға» биін билеп берген еді. Осы мәдени шараны тамашалаған адамдар «Қара жорға» биін тұңғыш көргендерін және ерекше биден үлкен әсер алғандарын айтып, алғыстарын білдірген.
Ал Испания астанасы Мадридте тұрғындар медициналық қызметкерлерге ұзағынан қол шапалақтап, үлкен қолдау білдіріпті. Балкондарынан шығып, «браво» деп айғайлаған халық ақ халатты абзал жандарға алғыстарын осылай білдіріпті.
Коронавирусқа қатысты интернетте әртүрлі мемдер мен әзілдер тарап кеткен. Міне әлем халқы осылайша бұл қиындықты да еңсеріп келеді.

Күллі әлем коронавируспен күле жүріп күресе бастады

<a href="https://kyzylorda-news.kz/">Kyzylorda-news.kz.</a> Қазалыда әлеуметтік «Рахмет» дүкені ашылды. Бұл жобаны Әйтеке би кенті әкімі аппаратының қолдауымен Асылхан Дәрібаев басшылық жасайтын аудандық жастар ресурстық орталығы қолға алып отыр.
Бұл дүкеннің негізгі мақсаты аудандағы мейірімді жандарынан келіп түскен киімдер мен тұрмыстық заттарды тұрмысы төмен отбасыларының балаларына табыстау.
Әлеуметтік дүкеннің ашылу салтанатында аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Совет Бабанаев құттықтау сөз сөйлеп, жастардың жақсы бастамасына оң болсын айтты.
Дүкен Әйтеке би кенті әкімі аппараты ғимаратының екінші қабатында орналасқан. Дүйсенбі мен жұма күндері аралығында сағат 9:00-ден 19:00-ге дейін қызмет көрсетеді. Айта кетейік, бұдан бөлек «Birgemiz»: «Qamqor» жобасы аясында Арықбалық, Құмжиек ауылдық округтерінде тұрмысы төмен отбасыларына арналған әлеуметтік дүкен ашылып, жұмыс жасауда. Халық үшін тиімділігі мол мұндай игілікті жұмыстар алдағы уақытта да басқа да ауылдық округтерде ашылмақ.
<img src="https://kyzylorda-news.kz/wp-content/uploads/2020/03/kazalyda-alewmettik-dwken-ashyldy-1.jpg" alt="" />
<img src="https://kyzylorda-news.kz/wp-content/uploads/2020/03/kazalyda-alewmettik-dwken-ashyldy-2.jpg" alt="" />

Қазалыда әлеуметтік  дүкені ашылды

<a href="https://kyzylorda-news.kz/">Kyzylorda-news.kz.</a>&nbsp;Ел біріншілігінің екінші турында “Қайсар” “Оқжетпеске” қонаққа барды.
Стойчо бапкер бұл ойында құрамға өзгеріс орнатты. Алғашқы турда алаңға шыққан Режиналдоның орнына бірінші минуттан Александр Колевке сенім артты. Жанкүйерлерсіз басталған матчта қонақтар сауатты ойнап, кездесудің 10-минутында есеп ашты.&nbsp;Ілияс Әмірсейтовтың қапталдан асырған добына шабуылшы Элгуджа Лобжанидзе бірінші жетіп, Абжанов қорғаған қақпадан саңылау тапты.
Кездесудің екінші жартысында Карпович құрамдағы бар шабуылшыларын алаңға шығарғанымен қасқырлар қорғаныста сыр бермеді. Осылайша “Қайсар” кезекті жеңісіне жетіп, турнирлік кестеде 3-орынға жайғасты.

«Қайсар» «Оқжетпесті» жеңді

Республикалық Ұлан құрылған күн
1992 жылғы 16 наурызда Президент Нұрсұлтан Назарбаевтың Жарлығымен Алматы облысы Қаскелең ауданының Красный Восток кентінде орналасқан Ішкі әскерлердің шұғыл мақсаттағы жеке бригадасы негізінде Қазақстан Республикасының Республикалық Ұланы құрылды.
Оның міндетіне: мемлекеттік билік және басқармалардың жоғарғы органдарының, Президенттің, Парламент пен Үкімет басшыларының көлік құралдарын ел аумағында және сырт жерлерде күзету; ҚР Мемлекеттік туы мен Мемлекеттік елтаңбасының эталондарын күзету; шетел мемлекеттері басшыларын күтіп алу, шығарып салу кезінде, ҚР мейрамдары мен салтанаттарында жоралғылық рәсімдерді орындау; мемлекеттік және қоғамдық қауіпсіздікке әсер ететін құқық бұзушыларды тоқтату; ҚР аумағында Конституцияға қарсы сипаттағы қарулы және басқа да әрекеттерді тоқтату; ҚР заңдарында көзделген тәртіпте төтенше жағдай режімі кезінде іс-шаралар жүзеге асыру кіреді.
Сонымен қатар гвардия Елбасы және басқа да күзетілетін тұлғалардың қауіпсіздігін қамтамасыз етеді, тізбесін ҚР Президенті бекітетін аса маңызды нысандарды, ғимараттар мен қызметтік үй-жайларды күзетеді.
1932 жылы&nbsp;Б.Майлиннің «Келін мен шешей», К.Қырқымбаевтың «Келіншек» атты комедияларымен Жамбыл аудандық театры өз шымылдығын ашты. Театрдың алғашқы труппасы құрамында С.Атамқұлов, Ж.Абызбаев, С.Абызбаева, Ш.Сәкиев, М.Табанов, т.б. актерлер өнер көрсетті, ал режиссерлік жұмысты Р.Әбдірахманов, Ж.Арғынбаев атқарды. Аудандық театр 1940 жылы облыстық қазақ драма театры болып құрылды. 1945 жылы Абай есімі берілді.
1944 жылы&nbsp;Көкшетау облысы құрылды. Әкімшілік орталығы – Көкшетау қаласы. Оның аумағы сол кезде батыстан шығысқа 600 шақырымға жуық, солтүстіктен оңтүстікке 200 шақырымнан астам жерді алып жатты. Облыс 1997 жылы мамырдың 3-інде Солтүстік Қазақстан облысына қосылуына байланысты таратылды. 1999 жылы оның үш ауданы және Көкшетау қаласы Ақмола облысының құрамына енді.
1944 жылы&nbsp;Талдықорған облысы құрылды. Әкімшілік орталығы – Талдықорған қаласы. Облыс 1997 жылы Алматы облысына қосылуына байланысты таратылды.
1998 жылы&nbsp;Ы.Алтынсарин атындағы Білім проблемалары ғылыми-зерттеу институтының атауы Ы.Алтынсарин атындағы Қазақ білім академиясы болып өзгертілді.

16 наурыз: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 16 наурызға арналған жұлдыз-жорамалы.
Тоқты
Өзіңіздің жұмысыңызға дән риза боласыз. Бүгін жұмыс көп болғанымен демалуға да уақыт табасыз.
Торпақ
Бүгін шығармашылықпен айналысатын жандар үшін сәтті күн болмақ. Шабытыңыз оянып, керемет туынды шығарасыз.
Егіздер
Құжаттарға сақ болғаныңыз жөн. Сонымен қатар таныстық кезінде де, сауда жасау барысында да абай болыңыз.
Шаян
Бүгін әр іс-әрекетіңізге сақ болыңыз. Эмоцияға берілмеңіз. Ашуға булығып, жаныңыздағы адамдардың жанын жаралап алмаңыз.
Арыстан
Күніңіз сәтті өтеді. Барлық жоспарлар уақытында орындалып, ісіңізге алға басады. Сондай-ақ бүгін отбасына да көңіл бөліңіз.
Бикеш
Егер көңіліңізден шықпайтын жағдай орын алса, онда тез арада өзіңізге демалыс жариялаңыз. Көп ойланыңыз.
Таразы
Егер біліміңізді жетілдіремін десеңіз, айыңыз оңыңыздан туады. Бірақ қолдан келмейтін шаруаға араласпағаның жөн.
Сарышаян
Жеке өміріңізде барлығы жақсы болмақ. Өзіңізді керемет күйде сезінесіз. Жүрегіңізді жаулайтын жанды да бүгін кезіктіресіз.
Мерген
Кез келген саладағы маңызды сауалдарға жауап таба аласыз. Бүгін туындаған мәселелердің де тез шешімін табасыз.
Тауешкі
Жұмыста басшылықтың көзіне түсіп, қызметіңіз жоғарылауы мүмкін. Егер жаңа іс бастағыңыз келсе, онда мүмкіндікті жіберіп алмаңыз.
Суқұйғыш
Жаңа жобаларды қолға алмас бұрын көп ойланыңыз. Себебі көп қаржы жоғалту қаупі бар. достарыңыздан көмек сұраңыз.&nbsp;
Балықтар
Қызықты идеяларыңызды ешкімге айтпаңыз. Себебі сіздің ойларыңызды ұрлап, тез арада жүзеге асыратындар табылады.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Ералы Тоғжанов бастаған үкімет делегациясы бүгін Қызылорда облысында болды.
Қазақстан Республикасы Премьер-Министрінің орынбасары Сыр өңіріне сапары барысында облыстағы туберкулезге қарсы диспансерде және жұқпалы аурулар ауруханасында болып, бірқатар кездесулер өткізді.
<blockquote>
 «Біздің елімізде коронавирустың таралуын болдырмау үшін шұғыл шаралар қабылданғанын білесіздер. Өкінішке қарай, Қазақстанда коронавирус қаупі туралы ақпарат расталды. Бүгін біздің алдымызда коронавирустық пневмонияға қарсы тұру маңызды міндеті тұр», – деп атап өтті Ералы Тоғжанов.
</blockquote>
Аурудың алдын алу үшін еліміздің аймақтарында оқшаулануға арналған ауруханалар дайындалған. Бұған дейін хабарланғандай, облыстардағы барлық медициналық мекемелер белсенді жұмыс істеп, шекаралық карантин бекеттері құрылды, медицина қызметкерлері оқытылып, жеке қорғаныс құралдарымен қамтамасыз етілді.
Қызылорда облысында коронавирустық инфекция тіркелмеген. Облыста 100 орындық провизорлық стационар және 400 орындық карантин орталығы қажетті құрал-жабдықтармен, медициналық қорғаныс құралдарымен және дәрі-дәрмектермен жабдықталған. Сонымен қатар ҚР Үкіметі қабылдаған шараларға сәйкес коронавирустық инфекцияның таралуын болдырмау үшін қажетті шаралар қабылдануда.
Қазақстан Республикасы Премьер-Министрінің орынбасары короновирус инфекциясы бар науқастарға медициналық көмек көрсетуге арналған медициналық ұйымдардың дайындығы мен жабдықталу деңгейімен танысу нәтижелері бойынша қажетті дәрі-дәрмектермен және медициналық ұйымдарды қажетті медициналық жабдықтармен, жеке қорғаныс құралдарымен қамтамасыз етудің маңыздылығын атап өтті.
Сондай-ақ инфекциялық ауруханалардың пациенттерді қабылдауға дайындығы мен қажет болған жағдайда қосымша орындарды жедел беру қажеттілігі және эпидемиологиялық жағдайға тұрақты мониторинг жүргізуге ерекше назар аударылды.
Премьер-Министрдің орынбасары Ералы Тоғжановтың Қызылорда облысының әкімі Қуанышбек Ысқақовпен және мұнай-газ секторының өкілдерімен кездесуінде жаңа мұнай кен орындарын игеру, осы салаға жаңа технологияларды енгізу, сондай-ақ мұнай сервисіндегі тарифтерді индекстеу мәселелері ерекше өзекті болды.
Қуанышбек Ысқақовтың айтуынша, Қызылорда облысында орташа жалақы 150 235 теңгені құрайды, бұл ел бойынша орташа деңгейден төмен.
Жалпы, жұмыспен қамтуды қамтамасыз ету мақсатында ағымдағы жылы мемлекеттік бағдарламаларды жүзеге асыру аясында 13 мыңнан астам жаңа жұмыс орындарын құру жоспарлануда.
Сонымен қатар, облыс әкімдігі жұмыс орындарын сақтау туралы 3 мыңға жуық ірі және орта кәсіпорындармен меморандумдарға қол қойған. Облыстың 30 ірі және орта кәсіпорындармен жұмысшылардың бақыланатын ағымына арналған Жол картасына қол қойылды. Аталған карта бойынша кәсіпорындардан жұмысшылардың жұмыстан босатылған кезінде олардың мүдделері кадрлық қажеттілікке сәйкес қолдау табады.
Ералы Тоғжанов өңірлерді дамыту мәселелері ел басшылығының ерекше бақылауында екенін атап өтті.
<blockquote>
 «Облыста дағдарысқа қарсы шараларды жүзеге асыру үшін, әсіресе өндіріс нысандарының тұрақты жұмыс істеуі мен жұмыс орындарын сақтау тұрғысынан кешенді шаралар қабылдау қажет. Өндіріс көлемінің қысқаруына байланысты жұмысшылардың босатылуына жол берілмейді. Бұл күрделі мәселе», – деп атап өтті ҚР Премьер-Министрінің орынбасары.
</blockquote>
Өңірдегі кездесулердің қорытындысы бойынша Қазақстан Республикасы Премьер-Министрінің орынбасары Ералы Тоғжанов Энергетика министрлігіне және облыс әкімдігіне бірқатар проблемалық мәселелерді шешуде мұнай-газ саласының өкілдерімен ынтымақтастықты күшейтуді тапсырды.
Ең алдымен, өндіріс жоспарларын қайта қарау және мұнай бағасының өзгеруіне байланысты дағдарысқа қарсы жол карталарын әзірлеу тапсырылды.
Еңбек міндеттемелерін орындау аясында Ералы Тоғжанов еңбек дауларын болдырмау, жұмыс орындарын сақтау және кәсіпорындардың жұмысшыларына уақтылы жалақы төлеу жөнінде нақты шаралар қабылдауды тапсырды.
Сондай-ақ коронавирустық инфекцияның жергілікті жерлерде енуіне және таралуына жол бермеуге бағытталған шараларды күшейту қажеттілігі айтылды.
Еске салайық, ҚР Президенті Қасым-Жомарт Тоқаевтың тапсырмасымен Премьер-Министрдің басшылығымен елдегі экономикалық жағдайдың дағдарысқа қарсы жоспарын әзірлеу үшін <a href="https://kyzylorda-news.kz/kogam/qasym-zhomart-toqaev-shughyl-aereket-etw-shtabynyng-kengesin-oetkizdi-49448/">жедел әрекет ету штабы құрылды</a>.
Мемлекет басшысы Үкіметке халық алдындағы барлық міндеттемелерді толығымен орындауды, жұмыспен қамтуды және әлеуметтік тұрақтылықты қамтамасыз ету жөніндегі шараларды күшейтуді тапсырды.
Айта кетейік, 13-15 наурызда Қазақстан Республикасы Премьер-Министрінің орынбасары Ералы Тоғжанов бастаған үкімет делегациясы Маңғыстау, Атырау, Ақтөбе, Батыс Қазақстан және Қызылорда секілді Қазақстанның бес облысында болды.

Ералы Тоғжанов бастаған үкімет делегациясы Қызылорда облысында болды

<a href="https://kyzylorda-news.kz/">Kyzylorda-news.kz.</a> Алматыда коронавирус дертіне шалдыққан әйел өзімен байланыста болған адамдар туралы мәлімет беруден бас тартқаны үшін қылмыстық жауапкершілікке тартылды.
<blockquote>
 «Алматы қалалық полиция департаменті коронавирусен ауырғандардың бірі – азаматша Б-ның санитарлық қызмет жұмысына кедергі келтіріп, вирусқа шалдыққаннан кейін өзімен байланыста болған азаматтардың мәліметтерін беруден қасақана бас тартқанын хабарлайды. Әйел ҚР Қылмыстық кодексінің 304-бабында (Санитарлық ережені немесе гигиеналық номативтерді бұзу) көзделген қылмыстың белгілері бойынша қылмыстық жауапкершілікке тартылды», – деп атап өтеді қалалық полиция департаментінен.
</blockquote>
Еске сала кетейік, Мемлекет басшысы Қасым-Жомарт Тоқаев Қазақстан Республикасында 2020 жылғы 16 наурыздағы 08 сағат 00 минут пен 2020 жылғы 15 сәуірдегі 07 сағат 00 минут кезеңінде төтенше жағдай енгізу туралы&nbsp;<a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">Жарлыққа қол қойды.</a>
Жарлыққа сәйкес, медициналық тексеруден және емделуден, карантиндік режимді сақтаудан бас тартатын, эпидемиологиялық жағдайды айқындау үшін маңызы бар деректерді жасыратын адамдарға бақылау, сондай-ақ аталған адамдардың жауапкершілігі күшейтіледі.

Коронавирус жұқтырған алматылық әйел қылмыстық жауапкершілікке тартылды

<a href="https://kyzylorda-news.kz/">Kyzylorda-news.kz.</a> Ертең, яғни, 16 наурыз күні Президент Қасым-Жомарт Тоқаев телевизия арқылы үндеу жасайды, деп хабарлайды Мемлекет басшысының баспасөз хатшысы Берік Уәли&nbsp;<a href="https://www.facebook.com/profile.php?id=100003403233694&__tn__=lC-R&eid=ARB5X-GPbGAI25RMO6tPGbzLak4hPN6DKhP9swpg326QOVLJz83Boruy_6MQ9QSaVX5nto_9MB2QcCVR&hc_ref=ARRdaRyGKHhljHeF5aDn1SjKsLJDpfB14OtgLLk2Nc_b2RoYU_FB34vUhP_ZGQBlQeg&__xts__[0]=68.ARC4G8Wsts9uRXILiW0fEM3QDeWOkofu2z5BJyuc-ilmI981YKEUp9W1z9x1i8oUbSQnOT-SHi_HJ2lK6to_BKp3X4h6sAavM9p5cHwX5agzkpnW-yIJcmTAjvkfw71DFlm9y66IQGWVASwH9CUwh3590AwU56aatu1mWJJDKqFsaFQwrbTK4N8hORcZoreappIKYydNm8QN-fePsOZbsBNNoD8vcQpmPEGsd8MAeZD70RdTPGCeRF23afp6eqCqy2hDGzzXyMQYzzPs38xmiiKO1FTSHDXFxIs-28bk4T0B4xqpOGp5KDZZuh5H2aNmmkxX7AD2cxmrE4t89hzJnYYauA">Facebook</a>-тегі парақшасында.
Еске сала кетейік, Дүниежүзілік денсаулық сақтау ұйымының жаңа COVID-19 коронавирусын пандемия деп жариялауына байланысты Мемлекет басшысы азаматтардың өмірі мен денсаулығын қорғау мақсатында Қазақстан Республикасының барлық аумағында 2020 жылғы наурыздың 16-ы, сағат 08:00-ден 2020 жылғы 15 сәуір күнгі сағат 07:00-ге дейін <a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізді.</a>
Президент төтенше жағдай кезеңінде төтенше жағдай режимін қамтамасыз ететін Мемлекеттік комиссия құрды. Оның құрамына Премьер-Министр, бірқатар жоғары мемлекеттік орган басшылары кірді. Жарлыққа сәйкес, төтенше жағдай кезінде мынандай шаралар мен уақытша шектеулер енгізіледі.
1) қоғамдық тәртіптің сақталуы, аса маңызды мемлекеттік және стратегиялық, ерекше режимдік, режимдік және ерекше қорғалатын объектілердің, сондай-ақ халықтың тыныс-тіршілігін және көлік қызметінің жұмыс істеуін қамтамасыз ететін объектілердің күзетілуі күшейтіледі;
2) ірі сауда нысандарының жұмыс істеуіне шектеу қойылады;
3) сауда ойын-сауық орталықтарының, кинотеатрлардың, театрлардың, көрмелердің және адамдар көп жиналатын басқа да объектілердің қызметін тоқтата тұрады;
4) карантин енгізіледі, санитариялық-эпидемияға қарсы ауқымды іс-шараларды, оның ішінде Қазақстан Республикасы Қорғаныс министрлігінің және ішкі істер органдарының халықтың санитариялық-эпидемиологиялық саламаттылығы саласындағы қызметті жүзеге асыратын құрылымдық бөлімшелерінің қатысуымен жүзеге асырылады;
5) ойын-сауық, спорттық және басқа да бұқаралық іс-шараларды, сондай-ақ отбасылық, салт-дәстүр іс-шараларын өткізуге тыйым салынады;
6) Қазақстан Республикасының және шет мемлекеттердің дипломатиялық қызметінің персоналын, сондай-ақ, Қазақстан Республикасы Сыртқы істер министрлігінің шақыруымен Қазақстан Республикасына келетін халықаралық ұйымдар делегацияларының мүшелерін қоспағанда, Қазақстан Республикасының аумағына көліктің барлық түрлерімен кіруге, сондай-ақ оның аумағынан шығуға шектеулер белгіленеді.

Қасым-Жомарт Тоқаев телевизия арқылы үндеу жасайды

<a href="https://kyzylorda-news.kz/">Kyzylorda-news.kz.</a> ҚР СІМ ресми өкілі Айбек Смадияров ҚР аумағына кіруге шектеу қоюға қатысты түсініктеме берді.
<blockquote>
 «Шектеу – бұл тыйым салу емес. Шет елдерде жүрген біздің отандастарымыз Қазақстанға кіре алады. Бұл шектеулер негізінен шет мемлекеттердің азаматтарына қатысты қолданылады», – деп хабарлайды ҚР Сыртқы істер министрлігінен.
</blockquote>
Айта кетсек бүгін Қазақстан Республикасында&nbsp;<a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізілді.</a>&nbsp;Бұл туралы Жарлыққа ҚР Президенті қол қойды.
Жарлыққа сәйкес ойын-сауық орталықтарының, кинотеатрлар мен театрлардың <a href="https://kyzylorda-news.kz/kogam/elimizdegi-ojyn-sawyq-ortalyqtarynyng-zhumysy-toqtatyldy-49700/">жұмысы&nbsp;тоқтатылып</a>,&nbsp;Қазақстан Республикасына келетін халықаралық ұйымдар делегацияларының мүшелерін қоспағанда ел аумағына көліктің барлық түрлерімен кіруге, сондай-ақ оның аумағынан шығуға&nbsp;<a href="https://kyzylorda-news.kz/kogam/toetenshe-zhaghdaj-qazaqstan-awmaghyna-koelikting-barlyq-tuerin-kirgizwge-tyjym-salyndy-49704/">шектеулер белгіленді.</a>

Төтенше жағдай: Шет елдерде жүрген отандастарымыз Қазақстанға кіре ала ма?

<a href="https://kyzylorda-news.kz/">Kyzylorda-news.kz.</a> Қазақстан Республикасында төтенше жағдайдың жариялануына байланысты азық-түлік дүкендері мен базарлар жұмысын тоқтата ма? Бұл сұраққа Сауда және интеграция министрлігі жауап берді.
<blockquote>
 «Республикада төтенше жағдай жарияланса да, азық-түлік маркеттері мен базарлар жұмысын жалғастыра береді» деп хабарлады министрліктен.
</blockquote>
Айта кетсек бүгін Қазақстан Республикасында&nbsp;<a href="https://kyzylorda-news.kz/kogam/qazaqstan-respwblikasynda-toetenshe-zhaghdaj-engizildi-49698/">төтенше жағдай енгізілді.</a>&nbsp;Бұл туралы Жарлыққа ҚР Президенті қол қойды.

Қазақстан және Қызылорда облысының жаңалықтары