<a href="https://kyzylorda-news.kz/">Kyzylorda-news.kz.</a> Ұзақ жасаудың сыры есіл еңбек пен уайымсыз ой және жайлы өмірде деп түсінетін 106 жастағы Тәжігүл Еңсепова әжеміз бүгінде ауданға қарасты Аралқұм ауылында тұрады.
Төреғұл атамыздың тіккен шаңырағын шайқалтпай, өмірге әкелген 9 баланы аяқтандырған алтын құрсақты анамыз өнегелі әулеттің отын маздатқан шамшырағы, ауыл-аймақ үшін кеудесі қазынаға толы естелік хат іспетті.
Әжейден тараған ұрпақ бүгінде бір қауым елге айналып отыр. Яғни, қазіргі таңда 9 баладан 37&nbsp;немере, 70 шөбере және Айдар есімді бір шөпшегі бар. Тәжігүл әжей тылда тер төккен, одан кейін де Райым колхозында зейнет жасына жеткенше балық шаруашылығы саласында ұзақ жылдар табанды еңбек етті.
Бір әулеттің ғана емес, тұтас ауылдың анасы атанған Тәжігүл әже бүгінде теңіз төскейіндегі ең жасы үлкен адамның бірі саналады. Өзінің осынау ғибратқа толы ғұмырының жүз төртінші көктемін қарсы алып отырған әжеміз әлі тың.

106 жастағы ғибратты ғұмыр иесі – Тәжігүл Еңсепова

<a href="https://kyzylorda-news.kz/">Kyzylorda-news.kz.</a> Әлемнің дамыған елдерінде мерзімі өтуге шақ қалған азық-түлікті қайырымдылық қорлардың қажеттіліктеріне беруге міндеттейтін арнайы заңдар қабылданған. Кейбір елдерде супермаркеттерде арнайы бұрышта тегін алуға болатын азық-түліктер қойылады. Бұл – бір жағы мұқтаж азаматтарға көмек болса, екінші жағы – азық-түліктік қалдықтарды азайтудың тәсілі. Қазақстанда бұл мәселе қалай шешіледі? Отандық ірі супермаркеттер желісі мерзімі өтуге аз қалған өнімдерді тегін тарата ма?
“Ramstore” ЖШС-нің Корпоративті байланыстар мен оқыту бойынша директоры&nbsp;Жаңыл Мурзалиеваның айтуынша, мерзімі өткен немесе өтуге шамалы қалған азық-түлік қайырымдылыққа жіберілмейді.
<blockquote>
 “Мұндай тауарларды жою компанияның ішкі тәртібі, регламентіне сай жүзеге асырылады. Мұнымен қоса біздің компанияда әлеуметтік ұжымдық жауапкершілік шеңберінде екінші жыл зейнеткерлер мен студенттерді қолдау бағдарламасы жұмыс істейді. Оған сай жеке куәлігі мен зейнеткерлік немесе студенттік куәлігінінің көшірмесін ұсынған азаматтарға “Рамстор Бонус – Әлеуметтік/Зейнеткер (студент)” деген чек бойынша біздің супермаркеттер желісінде 3%-дық жеңілдік&nbsp;картасы табысталады.Сатып алынған тауарлардың құны айына 30 000 теңгеден аспауы тиіс. Бұл қазіргі уақытта Алматы мен Нұр-Сұлтанның мыңдаған зейнеткері мен студенттері пайдаланатын біздің тарапымыздан қомақты көмек”, – дейді еліміздегі ірі супермаркеттер желісінің өкілі.
</blockquote>
Magnum супермаркеттер желісінің PR-менеджері Дмитрий Шишкин мерзімі өткен өнімдер санитарлық нормалар мен талаптарға сай жойылуы тиіс, оларды тіпті тастай салуға болмайтынын айтады.&nbsp;
<blockquote>
 “Біз тауарды қамтамасыз ететін компаниямен мерзімі өтіп кеткен тауарды қайтару және оны утилизациялау туралы келісімшартқа отырамыз. Мұнымен бизнес сияқты айналысатын арнайы компаниялар бар. Олар санитарлық нормаларға сай мерзімі өткен азық-түлікті көміп немесе өртейді. Өзіміз өндіретін кулинария, аспаздық өнімдерге келгендей утилизациямен айналысатын компаниялармен тікелей келісімшартқа отырамыз”, – дейді супермаркеттің өкілі.
</blockquote>
Шишкин мырзаның айтуынша, жалпы мерзімі өткелі тұрған азық-түлік супермаркеттер желісінде көп болмайды. Себебі кез-келген сауда-саттықпен айналысатын ұйым нақты мерзімде өндіре алатын тауар көлеміне тапсырыс беруге тырысады.&nbsp;
<blockquote>
 “Бізде Еуроодақпен салыстырғанда, “мүмкіндігінше қолданылуы тиіс” және “міндетті түрде қолданылуы тиіс” деген&nbsp;мерізімінің екі түрі көрсетілмейді. Тек қолданылуы тиіс мерзім белгіленеді, одан кейін тауар жойылуы тиіс”, – деп түсіндірді Дмитрий Шишкин.
</blockquote>
Қайырымдылыққа қатысты,&nbsp;PR-менеджер Magnum тұрақты түрде Балалар үйін, Ардагерлер ұйымын, аз қамтылған отбасыларды компания есебінен азық-түлікпен қамтамасыз ететінін тілге тиек етті.
<blockquote>
 “Magnum гипермаркеттер желісінде жағдайы төмен азаматтарға сатып алушылар жинай алатын өнімдер (ұзақ сақталатын) үшін арнайы жәшіктер орнатылған. Бұл “Тепло” жобасы шеңберінде жүзеге асырылады”, – дейді супермаркет өкілі.
</blockquote>
Аталған сауалмен&nbsp;<a href="https://stan.kz/merzimi-otip-ketken-tauarlar-kazakstandik-supermarkette-327980/">Stan.kz</a>&nbsp;“Skif сауда trade” компаниясына хабарласқан еді, бірақ аталған желіден еш жауап келмеді.&nbsp;
Айта кетсек, елімізде мерзімі өткен азық-түліктерді жоюды Қоғамдық саулықты қорғау мекемелері қадағалайды.

Қазақстандық супермаркеттер мерзімі өтуге аз қалған өнімдерді тегін тарата ма?

<a href="https://kyzylorda-news.kz/">Kyzylorda-news.kz.</a> Латыннегізді қазақ тілі әліпбиі әлі де талқылануда. Өткен айда республикалық ашық талқылау отырысы өтіп, әліпбидің 3 нұсқасы ұсынылған болатын. Осы талқылаудың қорытындысы бойынша Ұлттық комиссия жанындағы жұмыс тобының ғалымдары мен мамандар тарапынан умлаутты нұсқа қолдау тауып, кейбір таңбаларға қатысты ұсыныстар айтылды.
Облыс әкімдігінде ұсыныстарды талқылау үшін республикалық ашық талқылау отырысының екінші кезеңі өтті. Шараға жоғары және арнаулы орта оқу орындарының филолог ғалымдары мен оқытушылары, мектеп мұғалімдері қатысты. Жиында облыстық тілдерді оқыту орталығының директоры Нұрсәуле Мусаева талқылау жұмыстары барлық өңірде өткізілетінін жеткізді.
Орфографиялық, Әдістемелік, Терминологиялық және ІТ сүйемелдеу жұмыс тобының бірлескен отырысында мақұлданған әліпбиде 31 әріп бар. Оның төртеуі умлаут, бревис, макрон, седиль диакритикалық таңбасы арқылы берілген. Сондай-ақ, жаңа нұсқада кирил әліпбиінде бар ц, ч сынды әріптер жоқ.
Талқылау барысында тіл мамандары жаңа нұсқада келіспейтін тұстарын ашық айтып, ұсыныстарын да білдірді.
<blockquote>
 «Біз қай тілдің әліпбиін жасап жатырмыз деген мәселенің басы ашылуы керек. Егер қазақ тілінің әліпбиі болса, онда ешкімге жалтақтамай, тек қазақ тілі дыбыстарын белгілейтін әліпби жасауымыз керек. Әлемдік тәжірибеге қарасақ, бір тілден екінші тілге сөз ауысқанымен, дыбыс ауыспайтынын көреміз. Бір тіл екінші тілдің сөзін өз дыбысымен жазады», – деді Қорқыт ата атындағы ҚМУ-дың қауымдастырылған профессоры Аман Абасилов.
</blockquote>

Қызылордада әліпбидің жаңа нұсқасы талқыланды

<a href="https://kyzylorda-news.kz/">Kyzylorda-news.kz.</a> Еліміздегі «Тальго» зауытында Қазақстан үшін испан технологиясымен шығарылған соңғы 62 вагон құрастырылып жатыр. Одан кейін Қазақстан «Тальго» зауытынан экономикалық себептерге байланысты алыс-берісті тоқтатады. Бұл туралы Нұр-Сұлтандағы баспасөз мәслихатында «Қазақстан темір жолы» ҰК» АҚ басқарма төрағасы Сауат Мыңбаев айтты, деп хабарлайды <a href="https://kaz.zakon.kz/5010485-sonsha-ma-ta-an-talgo-vagondaryna-ne.html">zakon.kz</a>.
Ол бұл вагондардың бас тартуға бірнеше фактор себеп болғанын айтты. Атап айтқанда, жолаушы отыратын орын аз (8-ден 20-орынға дейін), сондықтан жаппай жолаушылар тасымалын қамтамасыз ете алмайды, бағасы да удай, оның күтіміне де көп ақша кетеді.
Айта кету керек, бүгінгі таңда Қазақстанда 15 бағыт бойынша 570 «Тальго» вагондары жүйткіп жүр. Тальго компаниясы техникалық жағынан жылдың соңына дейін қызмет көрсетеді.
Сауат Мыңбаевтың айтуынша, «Патентос Тальго» компаниясымен барлық құқықтық мәселелер Еуропададағы келісімшартқа қатысы бар Deutsche Bahn өкілдерінің белсенді қатысуымен сәтті шешілген.
<blockquote>
 «Бүгінгі таңда бізде 570 Тальго вагондары бар. Олар,әрине қолданыста болады. Одан бөлек жергілікті қызмет көрсету құрамы да ұлғайтылды. Мен сервис бойынша келісімшарт бағасын арзандата алғанымызды айтып отырмын. Осылайша, ҚТЖ өзіне тиімді жағдайлар жасай алды», – деген ол, тек 2019 жылы мұндай пайда 309 миллион теңгені құрағанын айтты.
</blockquote>
2021-2022 жылдардан бастап, ҚТЖ қазіргі заманғы техникалық шешімдер мен тұтынушылық сипаттамаларға сәйкес Нұр Сұлтан қаласындағы жылжымалы вагондар өндірісі мен жаңалауды ұйымдастыруды жоспарлап отыр. Жалпы алғанда, KTЖ паркінде 2240 вагон бар. Қазақстандағы пойыз вагондарын 10 жыл ішінде жаңартылады деп уәде берілді.

Келесі жылдан бастап елімізде «Тальго» пойыздары жүрмейді

<a href="https://kyzylorda-news.kz/">Kyzylorda-news.kz.</a> Ғалымдар коронавирусқа шалдықпайтын адамдардың категориясын анықтады, деп хабарлайды&nbsp;<a href="https://stan.kz/koronaviruska-en-az-shaldigatin-adamdar-kimder-327987/">Stan.kz</a>.&nbsp;
Зерттеушілердің мәліметіне сәйкес, кәмелетке толмаған балалар індетті жұқтырғандарыдың тек 2%-ын құрайды екен.&nbsp;
Мамандар 70 мыңға жуық адамдарды бақылауға алыпты. Тәжірибе нәтижесінде COVID-19 коронавирусы жасөспірімдер мен балаларға сирек жұғатыны анықталыпты. Олар ауруға шалдыққандардың ең төменгі пайызын құрайтын көрінеді.&nbsp;
Сарапшылардың ақпаратына сәйкес, жұқпалы инфекция әсіресе қарт адамдар үшін өте қауіпті. Себебі бұл жастағы адамдардың иммундық жүйесі әлсіз екен.&nbsp;
Ресейлік маман Павел Волчков көп жағдайда балалардың аурға шалдықпауы ата-аналардың арқасы дейді. Себебі балалары үшін уайымдаған олар ұл-қыздарының гигиеналық тазалықты сақтап, медициналық мака киіп жүруін жіті қадағалайды. Ал ересектер болса көбіне өздерінің салғырттығы үшін коронавирусқа тап болып жатады.

Коронавирусқа ең аз шалдығатын адамдар кімдер?

<a href="https://kyzylorda-news.kz/">Kyzylorda-news.kz.</a> Қыз-келіншектердің кейбір қылықтары ер азамат атаулыны шошытады. Бірнеше кітаптың авторы, танысуға арналған мобильді қосымшаны ойлап шығарған Саманта Дэниэлс еркектер үйленгісі келмейтін әйелдердің 10 типін атап көрсеткен.&nbsp;Сонымен ол қандай әйелдер?
1. Педагог әйел. Ер азаматқа ақыл айтып, үйретуге әуес әйелдер алғашқыда қамқоршы болып көрінуі мүмкін. Бірақ ер азаматтар мұндай «дәрістен» жылдам жалығады.
2. Сезіммен ойнайтын әйел. Ер азаматтар сезіммен ойнайтын әйелдердің қылығын көтере бермейді.
3. Ер азаматты өзгертуге тырысатын әйел. Ер адамдар өздерін бар болмысымен қабылдағысы келмейтін әйелдерге үйленуге құлықсыз. Мұндай әдет жиі жанжал шығаруға әкеліп соғады.
4. Қызғаншақ және сенбейтін әйел. Әйел адам себепсіз қызғана берсе және еріне сенбейтін болса қарым-қатынас соңы ушығып кетеді. Сол себепті де ер азаматтар мұндай әйелдермен өмірін байланыстырғысы келмейді.
5. Өзін толықтай ер адамға арнайтын әйел. Ер азаматтар қамқорлықты, мейірімді қалағанымен, өз-өзін ұмытып кеткен әйелдерді қаламайды. Олар әйелдердің өзіндік қызығушылығы болғанын жеке тұлғасы қалыптасқанын қалайды.
6. Әкесімен байланысы жоқ әйелдер. Мұндай қыз-келіншектер әдетте өздерінен көп жас үлкен ер азаматтарға тұрмысқа шығады. Олар әкесінен ала алмаған мейірімді ерінен алғысы келеді. Уақыт өте келе жолдасы оған жар емес, әке есебінде болып қалады.
7. Барлығын анасымен ақылдасатын әйел. Ерлер отбасында болған жағдайдың барлығын анасымен талқылайтын әйелдерді ұнатпайды. Енесінің өз отбасының шаруасына араласқанын ешбір еркек жақтырмайды.
8. Өсекші әйел. Ерлер үнемі өзгелерді сөз етіп, сыртынан өсек-аяң айтып отыратын қыз-келіншектерді жар етуге құлықсыз.
9. Ер азаматын өзге ерлермен салыстыратын әйел. Ерлер өздерін біреумен салыстырғанда ешқашан көтермейді.
10. Үнемі арықтау үшін диета ұстайтын әйел.&nbsp;Ерлер үнемі дәмді тамақ жегенді, және тойып тамақтанғанды қалайды. Ал дастархан басында отырып алып, диета ұстайтынын айтып отыратын қыз-келіншектер оларға мүлде ұнамайды.
<a href="http://mazhab.kz/kk/maqalalar/otbasy/erkekter-myna-10-turli-aielderge-uilengisi-kelmeidi-eken-4341/">Mazhab.kz</a>

Еркектер мына 10 түрлі әйелдерге үйленгісі келмейді

<a href="https://kyzylorda-news.kz/">Kyzylorda-news.kz.</a> Әне-міне дегенше, көктемнің алғашқы аптасы өтіп, нәзік жандардың мерекесі де келіп жетті. Жер-жаһанды жылуға бөлейтін бұл шақта әйел затының да ерекше әсерде болатыны белгілі. Бұл күні әр әйел өзінің нәзік болмыс иесі екенін сезініп, қуанышқа бөленеді. Ал қалған уақытта, қай заманда болмасын ерлермен бірге иық тіресе ел үшін, отбасы қамы үшін қызмет етіп келеді. Міне, «Әйел бір қолмен бесік тербетсе, бір қолымен әлемді тербетеді» деген осыдан қалса керек.
Бүгінде Сыр өңірінде аймақтың дамуына сүбелі үлес қосып, сол мезетте отбасына да мейірім шуағын төгіп жүрген қыз-келіншектер жетерлік. Мереке қарсаңында&nbsp;<a href="https://kyzylorda-news.kz/">Kyzylorda-news.kz</a>&nbsp;ақпарат агенттігінің тілшілері Қызылорда облысындағы түрлі салада қызмет етіп жүрген нәзік жандар арасында сауалнама жүргізген болатын.
1.&nbsp;«Әйел бақыты» дегенді қалай түсінесіз?
2.&nbsp;Сіздің осы саланы таңдауыңызға не себеп болды? Қызмет ете жүріп, қандай мәселенің шешілуіне ықпал еттіңіз?
3. Өміріңізде алған естен кетпейтін сыйлығыңыз?
<img src="https://kyzylorda-news.kz/wp-content/uploads/2020/03/zhwmasheva.jpg" alt="" />
Қызылорда облыстық ана мен бала орталығының бас дәрігері Гүлнар Жұмашева:
1. Сүйікті жар, ана, отбасының ұйытқысы болу – нағыз әйел бақыты. Әйелдің бақыты көп нәрсемен өлшенбейді. Біздердің бақытты болуымызға көп күш жұмсаудың қажеті жоқ. Балаларыміз аман болып, отбасымыздың берекесі артып отырса, міне бақыт осыдан бастау алады. Сүйікті бола отырып, сүйкімділігімізді арттырып, жан-жағымызға мейірімімізді таратсақ, әлем де бізбен бірге бақытты болады.
2. Дәрігер болуды 4 сыныптан бастап армандадым. Бар жан-тәніммен осы салада жұмыс істеуді қаладым. Бәлкім мен өзімнің қолымнан келетініне сенген болармын. Алғашқыда Актобе қаласындағы балалар ауруханасында тазалықшы болып жұмыс істедім. Онан кейін ауылда жұмыс істеп, кейін институтқа түстім. Өзім қалаған мамандық бойынша білім алып, қазіргі таңда абыройлы қызмет атқарып келемін. Бүгінде осы салада жүргеніме 32 жыл болыпты.
Жұмыс жасай отырып Қызылорда қалалық перзентхана ғимаратының күрделі жөндеу жұмыстарына атсалысып, ана мен бала орталығында түрлі қазіргі заман талабына сай аппараттармен жабдықталуына, сондай-ақ аймақта күрделі оталардың жасалуына ықпал еттім. Сонымен қатар ана мен бала өлімінің азаюына жұмыс жасалды. Бұл тек менің ғана емес ұжымның да абыройлы қызметі деп білемін.
3. Естен кетпес сыйлық дегенде, ең алдымен еске түсетін қызықты оқиға ойыма оралады. Бірде ауданнан облыс орталығына бір үлкен әже келінін ертіп келді. Немеремнің кіндік шешесі бол деп маған ұсыныс жасады. Мен үлкеннің ұсынысын қабыл алып, әйелді босандырып, жас ананы шығарып салдық. Күндердің күнінде мен кіндігін кескен бала ержетіп, маған арнайы келіп, өлең оқып, гүл шоқтарын ұсынды. Бұл бір естен кетпейтін сый, әрі қызықты оқиға болды. Бұл менің еңбегімнің бағаланғаны деп білемін.
<img src="https://kyzylorda-news.kz/wp-content/uploads/2020/03/shongalova.jpg" alt="" />
Қызылорда облыстық спорт басқармасының баспасөз хатшысы Лаура Шоңғалова:
1. «Әйел бақыты» деген ұғымды əркім əрқалай түсінеді. Кейбіреулер үшін бұл отбасы болса, ал екінші біреулер үшін бұл карьера. Менің ойымша, əйел бақыты әйелдерге сүйікті, табысты, қалаған, әдемі, сөзбен айтқанда бақытты сезінуге мүмкіндік беретін іс-əрекеттер. Мысалы, махаббат пен үйлесімділікте өмір сүру, ішкі жанның тыныштығы, басқаларға қуаныш сыйлау, өз идеяңды жүзеге асыру, барыңды бағалау, барға қанағат ету, тағы сол сияқты.
Әйел бақыты жолындағы тағы бір қадам – ішкі және сыртқы жан дүниесінің бір-біріне үйлесімде болуы. Əйел сол кезде бақытты сезіне алады. Əрине, оның ішкі əлемі сұлу болса, сыртқы əлеміне шуағын шашып, мейірімін бере алады. Əйел бақытты болса, барша әлем бақытты.
Өмірде кез-келген адам қиындықтарға кезігеді, бірақ олар сізге кедергі болмауы керек. Мақсатыңа жету үшін өзіңдегі күшті табу керек, сол кезде сіз бақытты әйел болудың жолын түсінесіз. Ақын Мұқағали Мақатаев өлең жолдарында «Әйел деген әдемі ғой, әдемі, Әдемілік бізге көптік етпейді…», дегендей, əрбір əйел адам əдемі, бақытты болуға лайықты!
2. Қызылорда облысының дене шынықтыру жəне спорт басқармасында баспасөз-хатшысы қызметін атқарамын деген ой болмады. Бірақ, өкінбеймін.
Осы қызметте жүріп, алғашқы рет жарыстарға барғанда қызыға бастадым. Яғни, сен өзің ұйымдастырушысың, өзің ақпараттандырасың, басшылықпен жұмыс жасай аласың. Жарыстар кезіндегі атмосфера, спортшылардың барын салып, жеңіске деген ынтасы, жігері жанкүйерлердің қолдауы, барлығы маған қатты əсер етті. Содан кейін Сыр спортшыларының жетістері жайында спорт тақырыбын жазамын деп шештім, осы сала туралы жақсы пікір қалыптасты. Қазіргі таңда мен үшін керемет мектеп болды десем артық айтқандық емес.
Спорт маған көп нəрсені үйретті, шыңдады, саралады, тəжірибе жинадым. Əрине, баспасөз-хатшысы қызметінде жүріп, өзімнің жұмысыма байланысты көптеген мəселелердің шешілуіне ықпал еттім.
3. Кез-келген адам өз жақынын қуанту үшін сыйлық сыйлайды. Әсіресе туған күн, əртүрлі мерекелер кезіндегі сыйлық адамның естен кетпейтін естелігіндей болып қалады. Бірақ мен үшін өмірде естен кетпейтін сыйлық – ол анамның қуанышы, отбасымның амандығы, елімнің тыныштығы.
Сауалнама жүргізген Динара МАХАНОВА

Қай салада еңбек етсе де – олар ару ардақты

<a href="https://kyzylorda-news.kz/">Kyzylorda-news.kz.</a> Белгілі қазақстандық профессор Рахман Алшанов планетамыздағы тіршіліктің бастауы Тұран даласында болған деп көпшілікке мәлімдеді, деп хабарлайды&nbsp;<a href="https://24.kz/ru/news/obrazovanie-i-nauka/item/378231-kazakhstanskij-uchjonyj-sdelal-sensatsionnoe-zayavlenie">“Хабар 24”</a>&nbsp;телеарнасы.&nbsp;
Ғалым журналистерге қазақстандық зерттеушілер елден&nbsp;төрт үлкен кратердің іздерін Ақтөбе қаласының жанында, Балқаш көлі мен Арал теңізінің жанында орналасқан жерде тапқанын айтты.
Алшановтың айтуынша, бұл кратерлер планетамыздың бетіне алғашқы метеориттер құлаған жерлер екен.
Сонымен қатар профессор Зороастр пайғамбарының қасиетті кітабы&nbsp;“Авестаны”&nbsp;жан-жақты зерттеудің нәтижесінде&nbsp;Тұран даласында өмірдің пайда болуы туралы қорытынды жасауға түрткі болғанын айтады.
Рахман Алшанұлы Авеста ежелгі зороастрлықтардың наным-сенімдеріндегі&nbsp;діни мәтін ғана емес екенін айтады. Кітап сонымен бірге белгілі бір хронологиямен енгізілген толыққанды ғылыми трактат болып табылады.
Заратуштра мәтіндерінен алынған мәліметтерге сүйене отырып, Рахман Алшанов өзінің “Жиырма мыңжылдықтың құпиясы: ізденістер мен ашылулар”&nbsp;атты ғылыми еңбегін жазды. Жұмыс екі тілде – қазақ және орыс тілдерінде жарық көреді.
Сонымен қатар, экономика ғылымдарының докторы Зороастрдың еңбегінде 4,5-6 мың жыл бұрын ежелгі Тұран жерінде болған көптеген тарихи оқиғаларды суреттейтінін атап өтті. “Авестаның”&nbsp;авторы Арал теңізінің жағасында туып, Тұранның солтүстік жерлерінде өмір сүрген, дейді профессор.

Белгілі ғалым: &#8220;Авестаның&#8221; авторы Арал теңізінің жағасында туған

<a href="https://kyzylorda-news.kz/">Kyzylorda-news.kz.</a> Елімізде мектепте оқу кезінде смартфондарды, планшеттерді пайдалануға тыйым салу енгізілуі мүмкін. Бұл жайында ҚР Премьер-Министрі Асқар Маминнің Сенат депутатының сауалына берген жауабында айтылған, деп хабарлайды <a href="https://lenta.inform.kz/kz/okushylardyn-mektepte-smartfon-paydalanuyna-tyyym-salynbak_a3622199">ҚазАқпарат</a>.
<blockquote>
 «Білім беру ұйымдарында түрлі гаджеттерді (смартфондарды, планшеттерді және т.б.) пайдалануға тыйым салуды енгізу мүмкіндігі туралы мәселені пысықтау бүгінгі күні осындай шараларды іске асыру үшін құқықтық жағдайлар іс жүзінде бар екенін (8 өңірде кәдімгі кнопкалы телефондар пайдаланылады) көрсетті. Сонымен қатар, білім беру саласындағы қолданыстағы заңнама бойынша білім алушылар мен олардың ата-аналарының смартфондарды пайдалануына тыйым салуды жалпы білім беретін мектептерде оқу орнының ішкі тәртібін реттейтін нормативтік құқықтық актілер, білім беру ұйымының ішкі тәртіп ережелері және білім беру қызметін көрсету шарттары аясында реттеу жоспарлануда», – деп атап өтеді Асқар Мамин.
</blockquote>
Айта кетейік, Мәжіліс депутаттары Үкімет басшысының атына жолдаған сауалдарында ұлттық ақпараттық кеңістіктің үйлесімді дамуын қамтамасыз ету және ақпараттық ортада балалардың құқықтарын қорғау жөніндегі шаралар кешенін іске асыру жөнінде мәселе көтерген болатын.

Оқушылардың мектепте смартфон пайдалануына тыйым салынады

Қызылорда: «Қамқорлықта» қилы-қилы тағдыр бар

<a href="https://kyzylorda-news.kz/">Kyzylorda-news.kz.</a> Шұғылалы көктемнің алғашқы мерекесі 8 наурыз – Халықаралық әйелдер күні. Бұл – барлық көркемдіктің иесі әйел-аналардың жарқын мерекесі. Қазіргі таңда әйелдер қауымы тек отбасының ұйытқысы, шаңырағының тыныштығын сақтаған жан ғана емес, сонымен қатар қоғамның барлық саласында ер азаматтармен қатар еңбек етіп жүрген қоғамның үлкен қозғаушы күші. Яғни, нәзік жандар мемлекеттік қызметте, бизнесте, денсаулық сақтау мен білім беру жүйесінде, әскери, құқық қорғау саласында да жемісті еңбек етіп жүр.
Бүгінде Сыр өңірінде аймақтың дамуына сүбелі үлес қосып, сол мезетте отбасына да мейірім шуағын төгіп жүрген қыз-келіншектер жетерлік. Мереке қарсаңында <a href="https://kyzylorda-news.kz/">Kyzylorda-news.kz</a> ақпарат агенттігінің тілшілері Қызылорда облысындағы түрлі салада қызмет етіп жүрген нәзік жандар арасында сауалнама жүргізген болатын.
1.&nbsp;«Әйел бақыты» дегенді қалай түсінесіз?
2.&nbsp;Сіздің осы саланы таңдауыңызға не себеп болды? Қызмет ете жүріп, қандай мәселенің шешілуіне ықпал еттіңіз?
3. Өміріңізде алған естен кетпейтін сыйлығыңыз?
<img src="https://kyzylorda-news.kz/wp-content/uploads/2020/03/mira-abwova.jpg" alt="" />
Қызылорда облысының мәдениет, архивтер және құжаттама басқармасының басшысы Мира Абуова:
1. Әйел адамның бақыты – отбасы. Әйел заты балалары мен жақындарының ортасында өзін жан-жақты сүйеуі бар мықты сезініп, олардың күлкісімен шабыттанып, олар тамақтанса өзі тойып жүретін жан. Сондықтан да, әрбір әйелдің бақыты еселене түссін деп тілеймін.
2. Мәдениет саласы қызығы мен қиындығы қатар жүретін, адамзат баласының сыртқы болмысымен қатар оның түйсігі мен санасын тәрбиелейтін сала. Өнер деген құдіретті күш иелерімен, тылсым мен тағылымға толы тарихты зерттеп, оқып, танытып жүрген тынбас еңбекқор қауыммен бірге жұмыс істеу – мен үшін үлкен мәртебе.
Өңіріміздің мәдениеті мен өнерінің жоғарғы деңгейге көтеріліп, жаңашылдықтар енгізіліп және халықтың мәдени-рухани демалуына көп жағдай жасалғандығы туралы өнер сүйер қауымнан оң пікірлер мен алғыстар алып жүрміз. Осының өзі облыс басшылығының, менің және сала мамандары мен өнер иелерінің облысымыздың мәдениет, өнер және архив саласының дамуына қосқан үлесі деп білемін.
3. Мен үшін ең қымбат, ең ыстық, есімнен кетпейтін сыйлық – үлкен немеремнің 5 жасында 8 наурыз мерекесіне арнап өз қолымен жасап берген құттықтау ашық хаты мен «Әже, мен Сізді жақсы көремін» деген сөзі.
<img src="https://kyzylorda-news.kz/wp-content/uploads/2020/03/kwlan-kalymbetova.jpg" alt="" />
Қазақстанның еңбек сіңірген әртісі, Қызылорда облыстық филармониясының әншісі Күлән Қалымбетова:
1. Әйел бақыты ұғымын әркім шама-шарқынша шамалайды. Мен үшін отбасымның амандығынан асқан бақыт жоқ. Денсаулығым жақсы болса, елге қызмет етіп, абыройлы өмір сүрсем мен үшін бақыт сол.&nbsp;
2. Бала күнімнен арманым да мақсатым да өнер болды. Роза Бағланова, Бибігүл Төлегеноваларды тыңдап өстім. Солар секілді өнердің биік белесіне шықсам деп армандадым. Мамандық таңдарда да өнер саласын таңдап, оқуға түстім. Облыстық филармонияның шақыртуымен&nbsp; осында жұмыс істеп жатқан жайым бар. Енді бұл салада жүріп айтарлықтай мәселенің шешілуіне ықпалым болды дей алмаймын. Дегенмен Асқар Тоқмағамбетов атындағы мәдениет үйін облыстық филармониядан алып қойған жылдары билік басындағы азаматтардың алдына бірнеше рет бардым. «Жалғыздың үні, жаяудың шаңы шықпас» деп бір өзімнің қолымнан не келеді? Ол мәселе түбегейлі шешілген жоқ.
3. Шымкент қаласында 1992 жылы тұңғыш рет Шәмші Қалдаяқов атындағы үлкен конкурс өтті. Сол байқауға қатысып, лауреат атандым. Одан кейін 1998 жылы Елбасының қолынан Қазақстанның еңбек сіңірген әртісі атағын алдым. Өмірімдегі естен кетпейтін алғашқы сыйым осы.
<img src="https://kyzylorda-news.kz/wp-content/uploads/2020/03/asem-mahanova.jpg" alt="" />
Жас кәсіпкер, «Қабілет» оқу-орталығының жетекшісі Әсем Маханова:
1. Әйел бақыты дегеніміз – ол ата-анаңның амандығы, балаларыңның шат күлкісі, жарыңның сүйіспеншілікпен қолдауы. Әйел бақыты – қосағыңмен қоса ағарып, ана деген аяулы сезімді өне бойыңнан сезіну. Заман ағымымен өзіңді жеке тұлға ретінде қалыптастыра отырып, сүйікті ісіңмен шұғылдану.
2. Менің мамандығым экономист, ол салада біраз жыл еңбек еткенмін. Қазіргі таңда жеке кәсіпкер ретінде оқушыларымыздың білімі мен біліктілігін арттыру мақсатында оқу орталығымыз жұмыс істеп жатыр.&nbsp; «Білім – өмір шырағы» деген керемет мәтел бар, баланың болашағы жарқын болуы үшін біліміне назар аудару ата-анасының міндеті. Сондықтан мен бұл саланы балаларым үшін таңдадым. Ата -аналар жұмыстан шаршап келгенде, баласымен үй тапсырмасын орындаудың орнына, бос уақытын көңілді демалыспен өткізсін деген мақсатта «Қабілет» оқу орталығы өз жұмысын атқаруда.&nbsp; Балалардың қабілетін арттыру арқылы көптеген жетістіктерге қол жеткізіп, халықтың алғысына бөленіп жүрміз. Әрбір алғыс пен жақсы пікірлер мені жігерлендіріп, орталығымызды дамытуға үлкен септігін тигізеді.
3. Сыйлық ол – ілтипат. Бір адамның екінші адамға деген шынайы ықылас көпірі. Сыйлық алу əркімнің-ақ ұнататын ісі. Өйткені сыйлық алғанда, адамның жаны жадырап, көңілі көтеріліп, іштей бір марқайып қалады. Шын жүректен берілген әрбір сыйлық мен үшін өте маңызды.
Бұған дейін, мерекеге орай ұйымдастырылған <a href="https://kyzylorda-news.kz/kogam/zhany-naezik-bolghanymen-engbegi-erlermen-teng-48241/">сауалнаманың</a> алғашқы легін оқырман назарына ұсынған болатынбыз.
Жалғасы бар…
Сауалнама жүргізген Фариза ОМАРОВА

Қызметте – табанды, отбасында – аяулы жандар

<a href="https://kyzylorda-news.kz/">Kyzylorda-news.kz.</a> Тәртіп сақшылары арасында ер азаматтарға тән қызметті абыроймен алып жүрген нәзік жандар баршылық. Олар ерлермен қатар елдің тыныштығын күзетіп жүр. Солардың бірі – аудандық полиция бөлімінің жергілікті полиция қызметі бөлімшесінің кәмелетке толмағандар істері жөніндегі учаскелік полиция инспекторы Ұлбосын Ахметова.
Ұлбосын полиция қызметкері болуды өзі таңдаған. Оқу орнын бітірген соң осы салаға қызметке келген. Биылғы жылдың ақпан айына дейін кәмелетке толмағандар істері жөніндегі аға инспектор қызметін атқарған Ұлбосын Жақсылыққызын өз ісінің шебері деуге болады. Сонау 2005 жылдан бері осы салада жүрген полицей қыз еңбек өтілінде көптеген қиындық пен сынақтан өткен.&nbsp;
<blockquote>
 «Алғашқы кездері бұл қызметке үйрену оңай болмады. Бізде белгілі бір жұмыс уақыты біткенше ғана жұмыста болу деген жоқ. Түнде де жастарды бақылап, көшедегі тәртіпті күзетіп рейдтерге шығып тұрамыз. Арасында түн ортасында да шақыртулар болып жатады. Осындай жағдайлар, қызметім мені қаттылыққа, ер мінезді болуға тәрбиеледі. Форма кигеннен кейін халықтың қорғаны болуға, мықты сақшы болуға бейімделдім. Осы салаға келгеніме 15 жылдай уақыт болыпты. Осы уақыт ішінде көптеген тәжірибеден өттім. Әйел заты болсам да, ең басты мақсатым – қоғамдық тәртіпті күзету, азаматтардың құқықтарын қорғау деп ойлаймын. Сондықтан да, ерлермен қатар қиындық болса да төзуге тырысамыз. Өйткені, бұл менің қызметім. Өз жұмысымды жауапкершілікпен, адалдықпен атқаруға тиіспін», – дейді Ұлбосын Ахметова.&nbsp;&nbsp;
</blockquote>
Уақыт өткен сайын тәртіп сақшысы мамандығын жетік меңгерген қыз-келіншектердің қатары артуда. Қоғам тыныштығын күзету, оны асқан жауапкершілікпен атқару оңай емес екендігі бәрімізге белгілі. Бұл сала ішкі істер органы болғасын ерлер немесе әйелдер деп бөлінбейді. Ереже, тәртіп бәріне бірдей. Ұлбосын да ерлермен тең дәрежеде қызмет атқарып, өмірлік тәжірибесінде талай жетістіктерге де жетіп үлгерген. Жұмысына деген адалдығы, халыққа қалтқысыз қызметі еленіп, бірнеше мәрте марапат төрінен де көрініп жүр. Отбасында екі ұл, бір қыз тәрбиелеп отырған аяулы ана.

Қазақстан және Қызылорда облысының жаңалықтары

106 жастағы ғибратты ғұмыр иесі – Тәжігүл Еңсепова

Қазақстандық супермаркеттер мерзімі өтуге аз қалған өнімдерді тегін тарата ма?

Қызылордада әліпбидің жаңа нұсқасы талқыланды

Келесі жылдан бастап елімізде «Тальго» пойыздары жүрмейді

Коронавирусқа ең аз шалдығатын адамдар кімдер?

Еркектер мына 10 түрлі әйелдерге үйленгісі келмейді

Қай салада еңбек етсе де – олар ару ардақты

Белгілі ғалым: “Авестаның” авторы Арал теңізінің жағасында туған

Оқушылардың мектепте смартфон пайдалануына тыйым салынады

Қызылорда: «Қамқорлықта» қилы-қилы тағдыр бар

Қызметте – табанды, отбасында – аяулы жандар

Антына адал полицей қыз

Қазақстан және Қызылорда облысының жаңалықтары

106 жастағы ғибратты ғұмыр иесі – Тәжігүл Еңсепова

Қазақстандық супермаркеттер мерзімі өтуге аз қалған өнімдерді тегін тарата ма?

Қызылордада әліпбидің жаңа нұсқасы талқыланды

Келесі жылдан бастап елімізде «Тальго» пойыздары жүрмейді

Коронавирусқа ең аз шалдығатын адамдар кімдер?

Еркектер мына 10 түрлі әйелдерге үйленгісі келмейді

Қай салада еңбек етсе де – олар ару ардақты

Белгілі ғалым: &#8220;Авестаның&#8221; авторы Арал теңізінің жағасында туған

Оқушылардың мектепте смартфон пайдалануына тыйым салынады

Қызылорда: «Қамқорлықта» қилы-қилы тағдыр бар

Қызметте – табанды, отбасында – аяулы жандар

Антына адал полицей қыз

Белгілі ғалым: “Авестаның” авторы Арал теңізінің жағасында туған