<a href="https://kyzylorda-news.kz/">Kyzylorda-news.kz</a> ақпараттық агенттігінің 9 маусымға арналған жұлдыз-жорамалы.
Тоқты
Бүгінгі күн қызықты оқиғаларға толы болмақ. Бұл күн күтпеген жерден орын алатын жайттарымен де естен қалатын болады. Егер бірінен соң бірі орын алған жағдайларға алаңдаушылық білдіретін болсаңыз, оқиғалар шиеленісетін болады.
Торпақ
Күніңіз жаман емес. Барлық істі тез аяқтағыңыз келеді. Бірақ барлығы сіз ойлағандай бола бермейді. Жұмысыңызға өзгеріс енгізуді қаласаңыз, өзіңіздің тарапыңыздан ұсыныс жасау қажет екенін ескеріңіз.
Егіздер
Жаңа мүмкіндіктерге жол ашатын сәтті күн. Болашағы зор жобамен айнпалысуға, сол арқылы өзіңізді көрсетуге мүмкіндік туады. Іскерлік кездесулерге барасыз, онда сізге қызықты ұсыныстар түсетін болады. Шешімді асықпай ойланыңыз.
Шаян
Күніңіз қызықты өтеді. Бір істі бастап, оны аяқтамай, келесі іске тез көшіп кетесіз. Көбіне бір істі соңына дейін жеткізе алмайсыз. Егер іскерлік келіссөздер жүргізуді жоспарлаған болсаңыз, оған ден қойып дайындалғаныңыз жөн.
Арыстан
Өз ісіңізге ұқыпты болыңыз. Жұмысыңызды, күніңізді жоспарлап үйреніңіз. Басты мақсатыңызды айқындап, оған жетудің жолын қарастырыңыз. Кез келген іске жауапкершілікпен қарау, қателіктердің алдын алуға көмектеседі.
Бикеш
Қиындықтарды бір демде жеңу оңай емес. Бірақ оған бола салыңызды суға жіберудің қажеті жоқ. Жағымсыз ойлардан арылуға тырысыңыз. Сонда ғана жолыңыз болып, сәттілік серігіңізге айналатын болады.
Таразы
Күніңіз жақсы басталады. Ешқандай жұмысты кейінге қалдырмаңыз. Таңертеңнен жұмысқа білек сыбана кіріссеңіз, түске қарай жұмыстың өнімділігін байқайтын боласыз. Мақсатқа жетудің дұрыс жолын таңдағаныңызды аңғарасыз.
Сарышаян
Кез келген істе жетістікке жету үшін табандылық танытыңыз. Онсыз &nbsp;сіз ешқандай табысқа жете алмайсыз. Бүгін орын алатын жағдайлар еңсеңізді түсіруі мүмкін. Бірақ сіз еш мойымайсыз. Уайымдамаңыз, сізге көмекке келетіндер табылатын болады.
Мерген
Асықпаңыз. Бүгін қателікке бой алдыуыңыз мүмкін. сондықтан әрбір қадамыңызды аңдап басыңыз. Шешім шығармас бұрын мәселенің ақ қарасын анықтап, мол мағлұмат алуға тырысыңыз. Өзіңіз толық сенім арта алатын жанмен ақылдасыңыз.
Тауешкі
Бұл күнге маңызды істер жоспарламағаныңыз дұрыс. Өйткені барлығы сіз ойлағандай болмайды. Бастаған істі соңына дейін жеткізу қиын және көмек қолын созатын жандар да табылмайды. Серіктестермен тіл табысу да қиынға соғады.
Суқұйғыш
Мазасыз, қарбалас күн. Проблемалар мен қиындықтардың бірінен соң біріне тап боласыз. Оларды шешу, қиындықтан жол табу оңайға соқпайды. Жолыңыз болмағанымен өз жоспарларыңыздан бас тартпайсыз. Бұл дұрыс шешім.
Балықтар
Таңертеңнен жағымсыз жайтқа куә боласыз. алайда сіз бұл мәселені тез арада шешіп, күнді жақсы өткізуге тырысасыз. Өзгелердің қолынан келмеген істі жасап, бұрын-соңды қолданылмаған тәжірибені қолданып, жұмыста жетістікке жетесіз.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Қызылорда қаласында дезинфекциялау жұмыстары қайта басталды.
Облыс орталығындағы даңғылдарды, көшелерді, барлық нысандар мен халық көп шоғырланатын аумақтарды дезинфекциялау жұмыстары жүргізілуде.
Ағымдағы жылдың 28 мамырынан бастап Қызылорда гарнизонының 25-ке жуық әскери қызметшілерінің белсенділігі тағы да көрініс таба бастады. Қала әкімдігімен бірлесе атқарылып жатқан жұмыстар өз нәтижелерін беруде. Әскери қызметшілер күннің аптап ыстығында да қауіптің алдын алуда.
Қалада дезинфекциялық жұмыстар әлі де жалғасын табатын болады.
<img src="https://kyzylorda-news.kz/wp-content/uploads/2020/06/dezinfekcija1-1.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija2.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija4-1.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija5-1.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija6.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija7-1.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija9.jpg" alt="" />
<img src="https://kyzylorda-news.kz/wp-content/uploads/2020/06/dezinfekcija10-1.jpg" alt="" />

Қызылорда қаласында дезинфекция жұмыстары қайта басталды (ФОТО)

<a href="https://kyzylorda-news.kz/">Kyzylorda-news.kz.</a> Карантин жағдайында кәсіпкерлерге мемлекет тарапынан қандай көмек көрсетілуде, кәсіп иелеріне жеңілдетілген несие беріле ме? Көп көкейіндегі сауалдарға Қызылорда облысы кәсіпкерлер палатасының Жобаларды сүйемелдеу бөлімінің бастығы Мұрат Балабаев жауап береді.
– Мұрат Сұлтанғазыұлы, кәсіпкерлерге арналған жеңілдетілген несие беру бағдарламасының алғы шарттары қандай?
<blockquote>
 – Төтенше жағдай, одан кейін карантин режимінде мемлекет тарапынан кәсіпкерлікті қолдау бойынша кешенді шаралар қабылдануда. Осы шаралардың аясында шағын және орта кәсіпкерлікке жеңілдетілген несие беру бойынша бағдарлама іске қосылды. Аталмыш бағдарламаға шағын және орта кәсіпкерлік субъектілері, сондай-ақ дара кәсіпкерлер қатыса алады. Бағдарламаның негізгі шарты жылына 8 пайызбен бір жылға несие алуға болады. Оған шектеусіз, кез келген кәсіпкерлік қызметпен айналысатын субъектілер қатыса алады. Салалық шектеу жоқ. Бұл несие айналым қаражатын толықтыруға беріледі. Оның ішінде шикізат, тауарлар мен қызметтерді сатып алуға, келісім шарттар бойынша міндеттемелерін орындауға, ағымдағы шығындарды:салық, жалақы бойынша берешектерді өтеуге жұмсауға болады. Жалпы бұл бағдарламаға республика бойынша 12 екінші деңгейлі банк қатысуда. Оның сегізінің біздің облыста филиалы бар. Олар: «Halyk Bank», «Сбербанк», «АТФБанк», «CenterCredit Банкі», «Forte Bank», «Eurasian Bank», «Jysan Bank» және «ВТБ Банк».
</blockquote>
– Бұл бағдарламаға кімдер қатыса алады?
<blockquote>
 – Бұл бағдарламаға төтенше жағдайды енгізу салдарынан зардап шеккен шағын және орта кәсіпкерлік субъектілері және дара кәсіпкерлер қатыса алады. Қаржылық жағдайының төмендеуінің негізгі критерийі: өткізілген тауарлар мен көрсетілген қызметтердің көлемінің төмендеуі, сатып алушылар тарапынан төлемдердің кешіктірілуі, қызметкерлердің штаттық санының қысқаруы – жеңілдетілген несие алуға себеп болады. Төтенше жағдай енгізілген кезең мен тоқтатылғаннан кейінгі екі ай ішінде жоғарыда аталған критерийлердің бірі орын алса кәсіпкерлер жеңілдетілген несие алуға мүмкіндігі бар. Жалпы қаржылық жағдайдың төмендегенін дәлелдейтін бірнеше құжаттар бар. Соның біреуі болса жеткілікті. Кәсіпкерлік субъектісінің қызметін тоқтату бойынша растайтын құжатқа басқару есептілігі, дебиторлық қарыздар бойынша үзінді,қызметкерлерді жалақысы сақталмайтын демалысқа жіберу туралы өтініштері, сондай-ақ облыстағы бас санитарлық дәрігердің қаулылары да негіз бола алады.
</blockquote>
Кәсіпкерлер аталмыш бағдарлама аясында қанша қаржы ала алады? Арнайы лимит бар ма?
<blockquote>
 Лимит бар. Дара кәсіпкерлерге бекітілген лимит 50 млн.теңге. Заңды тұлғалар 3 млрд.теңгеге дейін несие ала алады. Жалпы банктер тарапынан жеңілдетілген «каникул» кезеңі үш айға дейін берілуде. Сонымен бірге бұл бағдарламада кепіл мүлік талап етіледі. Дегенмен, кепіл мүлік жеткіліксіз болса «Даму» Қоры арқылы несиенің 50 пайызына дейін кепілдендіру тетігі қарастырылған.
</blockquote>
Аталмыш бағдарламаға қатысу үшін кәсіпкерлер қандай құжаттар тапсыру керек?
<blockquote>
 Банктер талап ететін құжаттардың негізгі тізбегі: несие алушының жеке жасын куәландыратын құжат, құрылтай құжаттары, мемлекеттік тіркеу туралы куәлік немесе тіркеу есебіне алғандығын растайтын өзге құжат, қол қоюдың үлгілері және мөр бедерінің үлгісі (мөр болған жағдайда), соңғы есепті жылдың қаржылық есептемесі, салықтар бойынша берешектік болуы немесе болмауы жөнінде растайтын құжат, басқа банктерде несие болуы/болмауы туралы мәліметтер, кепіл мүлкі бойынша құжаттардың топтамасы және қаржылық жағдайының төмендегенін растайтын құжат. Сонымен қатар, банктердің ішкі несие саясатына қатысты өзге де құжат талап етуі мүмкін.
</blockquote>
Сұқбатыңызға рахмет!
<img src="https://kyzylorda-news.kz/wp-content/uploads/2020/06/kasipkerlik1-scaled.jpg" alt="" />

Төтенше жағдай, карантин режимінен зардап шеккен кәсіпкерлерге 8 пайызбен несие беріледі

<a href="https://kyzylorda-news.kz/">Kyzylorda-news.kz.</a> Қармақшы ауданы Қызылтам елді мекенінің тұрғыны көпбалалы отбасыға қармақшылық еріктілер көмек берді.
Ауыл тұрғыны Асқар Әбішовтің үйінің шатырын №79 негізгі мектеп қызметкерлерінен құрылған «Еріктілер тобы» жаңартып берді. Аудан көлемінде мұндай игі істер әлі де жалғасын табатыны сөзсіз. Игі істер жалғасын табары сөзсіз.
<img src="https://kyzylorda-news.kz/wp-content/uploads/2020/06/karmakshy-2.jpg" alt="" />
<img src="https://kyzylorda-news.kz/wp-content/uploads/2020/06/karmakshy1.jpg" alt="" />

Қармақшылық еріктілер көпбалалы отбасыға көмек берді

<a href="https://kyzylorda-news.kz/">Kyzylorda-news.kz.</a> «Қазгидромет» РМК ауа райының қолайсыздығына байланысты үш өңірде ескерту жариялады.
Атап айтқанда, 9 маусым күні Ақмола облысының кей жерлерінде найзағай күтіледі. Солтүстіктен және солтүстік-шығыстан жел соғады, күндіз оның екпіні 15-20 м/с болады.
9 маусымда Қызылорда облысында солтүстіктен, солтүстік-шығыстан соғатын желдің күші 15-20 м/с артады. Шаңды дауыл сақталады.
9 маусымда Түркістан облысының кей жерлерінде найзағай ойнап, шаңды дауыл көтеріледі. Шығыстан жел соғады, кей жерлерде оның күші 15-20 м/с болады.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Бүгін Қазалы ауданының әкімі Мұрат Ергешбаев еліміздің демографиясына ерекше үлес қосып, дүниеге үшем әкелген Ү.Түктібаев ауылының тұрғыны Әйгерім Махамбетжанова мен Қуаныш Алтынбаевты арнайы барып құттықтады.
Аудан басшысы үшемдердің дені сау, ғұмыры ұзақ болсын деген тілегін жеткізіп, сый-сияпаттарды тарту етті.
Мамыр айының басында Әйгерім Махамбетжанова дүниеге Айғаным, Айғант, Асылым атты үшем әкелген болатын. Әйгерім жұбайы Қуанышпен бірге Тоғжан, Ақтілек, Ғани, Әлия және Жайна атты 5 баланы өсіріп отырған бақытты ата-ана. Қуаныштың анасы Кәмпит Алтынбай да өмірге 11 баланы әкелген көпбалалы ана.
Естеріңізге сала кетейік, елімізге «Егіздер ауылы» атымен танымал Ү.Түктібаев ауылында 23 егіз, 2 үшем дүниеге келген.
<img src="https://kyzylorda-news.kz/wp-content/uploads/2020/06/kazaly-2-3.jpg" alt="" />
<img src="https://kyzylorda-news.kz/wp-content/uploads/2020/06/kazaly-3-2.jpg" alt="" />
<img src="https://kyzylorda-news.kz/wp-content/uploads/2020/06/kazaly-4-1.jpg" alt="" />
<img src="https://kyzylorda-news.kz/wp-content/uploads/2020/06/kazaly-5-1.jpg" alt="" />

Қазалы ауданының әкімі үшемнің ата-анасын құттықтады

<a href="https://kyzylorda-news.kz/">Kyzylorda-news.kz.</a> Биыл елімізде оқ-дәрі сақтауға арналған 2 нысанның құрылысы басталады. Бұл туралы ҚР Қорғаныс министрінің орынбасары Бақыт Құрманбаев айтты, деп хабарлайды <a href="https://www.inform.kz/kz/kazakstanda-ok-dari-saktaytyn-2-koyma-salynady_a3659196">ҚазАқпарат.</a>
<blockquote>
 «Биыл Ақтөбе мен Қарағанды облыстарының адам тұрмайтын аудандарында оқ-дәрі сақтауға арналған 2 заманауи нысан құрылысы басталады. Олар барлық қалған сақтау нысандарының жүктемесін барынша азайтуды және елдің азаматтық тұрғындарының қауіпсіздігін барынша сақтауды қамтамасыз етеді», – деді Қорғаныс министрінің орынбасары.
</blockquote>
Оның атап өтуінше, аталған екі нысанға қойылатын негізгі талаптар Қарулы Күштердің нормативтік-құқықтық актілеріне, қауіпсіздік нормаларына негізделген. Сонымен қатар ол нысандардың құрылысына қажетті құжаттарды дайындау жұмыстарының жүргізіліп жатқанын айтты.
<blockquote>
 «Биыл үлгереміз деп үміттенеміз», – деді Бақыт Құрманбаев.
</blockquote>

Қазақстанда оқ-дәрі сақтайтын 2 қойма салынады

<a href="https://kyzylorda-news.kz/">Kyzylorda-news.kz.</a> Қызылорда облысында 2 мың тонналық заманауи жабдықталған көкөніс сақтау қоймасы іске қосылып, қосымша сатып алынған өнімдер осы қоймаға қабылданып,сақталуда. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық ауыл шаруашылығы басқармасы басшысы Сейілбек Нұрымбетов баяндады.
<blockquote>
 «Сауда орындары мен олардың қоймаларында және тұрақтандыру қорында 11 654,0 тонна әлеуметтік маңызы бар өнімдердің қоры сақталып, сатылуда. Оның ішінде, «Байқоңыр» ӘКК» АҚ-ның тұрақтандыру қорында 3 483,3 тонна өнім бар»,-деді сала басшысы.
</blockquote>
Сонымен қатар, облыстар арасында жүк тасушы көліктер бірлігі қатынап, көкөніс және басқа да азық-түлік өнімдері кедергісіз тасымалдануда.
Бұдан бөлек, пияз, қырыққабат, картоп, сәбіз өнімдері отандық тауар өндірушілерден сатып алынуда.
<img src="https://kyzylorda-news.kz/wp-content/uploads/2020/06/brifing1-2.jpg" alt="" />

Қызылорда: Әлеуметтік маңызы бар өнімдердің қоры жеткілікті

<a href="https://kyzylorda-news.kz/">Kyzylorda-news.kz.</a> Жаңа коронавирусты зерттеу инфекциямен күресуге немесе оны таратуға қандай шаралар ықпал ететінін анықтауға мүмкіндік беріп отыр. Ал белгілері жоқ КВИ жұқтырған адамдар қаншалықты қауіпті? Бұл сұраққа мамандар жауап берді, деп хабарлайды <a href="https://kaz.nur.kz/1859351-belgisi-zok-kvi-zktyrgan-adam-kansalykty-kauipti.html?fbclid=IwAR3JVQGnbMgYR_20fP5E9mgh-Jcs82aNsfjrTfceRAfGKe6jlYujmOj2c9o">KAZ.NUR.KZ.</a>
DW журналистері белгілері жоқ пациенттер жайлы түрлі деректер жинады. Эпидемиологтар пікірінше, олар ауруды көп адамға жұқтыруы мүмкін.
Ең қауіптісі, адам өзінің коронавирус жұқтырғанын білмейді. Мамандардың айтуынша, бұл ретте адамдардың иммунды жүйесі маңызды рөл атқарады, ал адамның жасы, жынысы немесе ұлты белгісі жоқ аурудың дамуына әсер етпейді.
Белгілері жоқ пациенттер ешқандай күдіксіз басқаларға дерт жұқтырады. Бір адам тығыз байланыс жасау арқылы бірнеше адамды ауру арбауына түсіруі мүмкін.
Зерттеушілер коронавирус жұқтыруға ең қолайлы орта адамдар көп жиналатын шаралар деп есептейді. Мұндай жағдайлар еуропалық қалаларда, мысалы отбасылық мерекелерде немесе құдайға мінәжат ету шараларында болған.
Жабық орындарда инфекция жұқтыру қаупі көбірек. Адам көп болған сайын КВИ қабылдау деңгейі де артады.
Ғалымдар оның ауа-тамшы жолмен берілетінін, бірақ ауа арқылы вирус әлдеқайда тиімді таралатынын атап өтті. Нашар желдетілетін ғимараттардағы ауада вирус көп қалады. Ал таза ауада жұқтыру мүмкіндігі азаяды.

Белгісі жоқ КВИ жұқтырған адам қаншалықты қауіпті?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының Полиция департаменті Әкімшілік полиция басқармасының бастығы полиция полковнигі Нұрлан Садықов Армения Республикасынан әкелінген автокөліктерді тіркеуге қатысты брифинг өткізді.&nbsp;
<blockquote>
 _«Бірінші – азаматтарымыздың осы жылдың 1 ақпанына дейін Армениядан әкелген автокөліктерін есепке қою. Екінші – тіркеуді осы жылдың 1 маусымынан 1 қыркүйегіне дейінгі кезеңде жүргізу. Үшінші – тіркеуге тек басқару органы сол жаққа орналасқан автокөліктер жатады. Төртінші – тіркеу үшін жасалатын төлемдер. Үкімет үш төлеммен шектелу туралы шешім қабылдады. Бірінші – тіркеу жинағы үшін 695 теңге, екінші – техникалық төл құжат (техпаспорт) бажы үшін – 3 473 теңге, үшінші – мемлекеттік нөмір бажы үшін – 7 778 теңге. Төлемдердің жалпы сомасы – 11 946 теңге», – дейді Нұрлан Садықов. 
 _
</blockquote>
Көлік құралдарын тіркеу үшін жеке басын куәландыратын құжат, Қазақстан Республикасы Салық кодексінің 615 бабына сәйкес, мемлекеттік баждың есептік айлық көрсеткішінің 0,25% (11 946 теңге) мөлшеріндегі мемлекеттік тіркеу жинағы туралы құжат, Армения Республикасының уәкілетті органдарымен берілген көлік құралдарының КҚТК және мемлекеттік тіркеу нөмірлік белгісі (МТНБ), мемлекеттік және орыс тілдерінен басқа тілде жазылған көлік құралдарын тіркеу үшін берілген құжат мемлекеттік және орыс тілдеріне аударылады және міндетті түрде аударымның дұрыстығын растайтын нотариустың немесе осы іске құқылы басқа тұлғаның қолы болуы тиіс. 
Сонымен қатар ерекше белгілеріне «ТСРА» және «Басқа тұлғаға тіркеуге жатпайды» деген жазба енгізіледі. Қазақстан Республикасында берілген көлік құралдарының КҚТК және МТНБ жоғалған жағдайда, жазбаша түрде жоғалу себебі көрсетіледі. МТНБ жоғалтқан кезде қайталама нұсқасы (дубликат) дайындау жолмен беріледі. Бірыңғай ақпараттық жүйесіне өзгерістер енгізілмейді.
Қазақстан Республикасына 2020 жылдың 1 ақпанынан кейін әкелінген жоғарыда аталған көлік құралдары, сондай-ақ Армения Республикасының уәкілетті органдары берген тіркелген құжаттарында иесі ретінде көрсетілмеген тұлғаға тіркелмейді. 
Бүгінгі таңда Қызылорда облысы бойынша Армения Республикасынан әкелінген 30-дан астам автокөлік тіркеуге алынды.
Тіркеу шарттары бойынша қажетті ақпараттарды алу үшін Call-орталығы (8 (72-42) 29-77-44) жұмыс істейді.
<img src="https://kyzylorda-news.kz/wp-content/uploads/2020/06/brifing1.jpg" alt="" />

Қызылордалық полицейлер Армениядан әкелінген автокөліктерді тіркеу тәртібін түсіндірді

<a href="https://kyzylorda-news.kz/">Kyzylorda-news.kz.</a> «Qazsport» телеарнасының директоры қызметіне қызылордалық Нағи Бақытбеков тағайындалды.
«Қазақстан» РТРК» АҚ Басқарма төрайымы Ләззат Танысбай ұжымға жаңа басшыны таныстырып, Нағи Бақытбековтың тағайындалуы арнаның қызметіне жаңа серпін беріп, одан әрі дамуына ықпал ететініне сенім білдірді.
Нағи Бақытбеков бұған дейін «KazFootball» ақпараттық футбол порталының директоры, соңғы 3 жылда Қазақстан футбол федерациясы Маркетинг және PR департаментінің директоры қызметін атқарған.
<img src="https://kyzylorda-news.kz/wp-content/uploads/2020/06/tagajyndaw.jpg" alt="" />

«Qazsport» телеарнасының директоры тағайындалды

<a href="https://kyzylorda-news.kz/">Kyzylorda-news.kz.</a> Қызылорда қаласында 76 жастағы ер адам коронавирус жұқтырған.
<blockquote>
 «Науқасқа шалдыққандар – 1989, 1970, 1983 және 1944 жылы дүниеге келген азаматтар. Олар денсаулық жағдайына байланысты шағымымен өздігінен медициналық көмекке жүгінген. ПТР анализдері алынып, зерттеу қорытындысы науқастардың коронавирус инфекциясын жұқтырғанын көрсетті. Қазіргі таңда пациенттер ауруханаға оқшауландырылып, хаттамаға сәйкес ем қабылдап жатыр. Ауру ошақтарында мамандар індетке қарсы іс-шаралар ұйымдастырып, қарым-қатынаста болғандар анықталуда», – деп мәлім етті Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті.
</blockquote>
<a href="https://kyzylorda-news.kz/densawlyq/covid-19-songghy-taewlikte-4-zhaghdaj-tirkeldi-66042/">Айта кетейік</a>, соңғы тәулікте Қызылорда облысында коронавирус инфекциясы белгісімен 4 адам тіркелді. Вирусты жұқтырудың 1 дерегі Қызылорда қаласында болса, 2-і Арал, 1-і Шиелі ауданында тіркелді.

Қазақстан және Қызылорда облысының жаңалықтары