<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова «Байқоңыр» Әлеуметтік кәсіпкерлік корпорациясы» Акционерлік Қоғамының Басқарма төрағасы Темірхан Кенжебаевты зейнетке шығарып салды.
Өңір басшысы Темірхан Бердәліұлына атқарған қызметі үшін алғыс айтып, «Байқоңыр» Әлеуметтік кәсіпкерлік корпорациясын басқарған уақытта жарғылық капитал қоры 3 есеге артқанын айтты.
<blockquote>
 «Осы уақытқа дейін корпорацияның қатысуымен 39 кәсіпорын іске қосылды. Оның ішінде: көлік саласындағы құрылыстар, ауыл шаруашылығы саласындағы мал бордақылау алаңдары және денсаулық сақтау саласындағы шипажай құрылыстары жобаларына ерекше тоқталуға болады. Темірхан Бердәліұлы корпорация тізгінін ұстаған уақытта аймақтағы кәсіпкерлік саласында тың өзгерістер бастау алды»,- деді облыс әкімі Гүлшара Әбдіқалықова.
</blockquote>
Темірхан Кенжебаевқа өңір басшысы аймақтың әлеуметтік-экономикалық дамуына қосқан ерекше үлесі үшін Қызылорда облысының Құрмет грамотасын табыстады.

«Байқоңыр» ӘКК» ҰК» АҚ басқарма төрағасы зейнетке шықты

<a href="https://kyzylorda-news.kz/">Kyzylorda-news.kz.</a> Синоптиктер 9-11 маусым аралығында ауа райы қандай болатынын айтты, деп хабарлайды Қазгидромет.
Алдағы үш күнде жоғары циклонның әсерінен Қазақстанның көптеген өңірлерінде найзағай ойнап, өткінші жаңбыр жауады. Тек республиканың солтүстігі мен солтүстік-батысында антициклонның ықпалымен күн ашық, жауын-шашын жаумайды.
Еліміздің батыс бөлігінде күндізгі температура көпжылдық орташа мәннен 0…4 градусқа жоғары, оңтүстік-шығыста нормадан 0…4 градусқа төмен, ал қалған аумақта температура норма шамасында болады.

9-11 маусым күндері ауа райы қандай болады

<a href="https://kyzylorda-news.kz/">Kyzylorda-news.kz.</a> Маусым айынан бастап Қызылордада да карантиндік талаптарды жеңілдетудің алтыншы кезеңі іске қосылды, деп хабарлайды <a href="https://24.kz/kz/zha-aly-tar/o-am/item/401111-covid-19-yzylordada-zha-a-shekteuler-engiziledi">«Хабар 24».</a>
Осыған сәйкес бірқатар ұйымдар өз қызметін қайта жандандырып, бұрын іске қосылғандарының жұмыс уақыты ұзартылды. Шектеу шаралары жеңілдетілгелі өңірде CОVID-19 жұқтыру деңгейінің өскені байқалады. Аймақ бойынша коронавирус инфекциясын жұқтырғандар саны 500-ге жетіп қалды. Науқастардың басым бөлігі облыс орталығында тіркеліп отыр. Қалыптасқан жағдайға орай эпидемиологиялық ахуал тұрақтанғанша жаңа шектеулер енгізілмек. Қазірдің өзінде «Қамбаш» демалыс аумағы мен жазғы балалар лагерьлерінің ашылуы кейінге шегерілді.
<blockquote>
 «Бүгінгі күні Қызылорда облысында эпидемиялогиялық ахуал тұрақсыз деп бағаланады. Сол себептен аймақ тұрғындары сақтық шараларын қатаң сақтай отырып, қорғаныс құралдарын үнемі пайдалану қажет. Расында тұрғындар арасында бетпердле тақпау жағдайлары кездеседі. Осы мәселеге орай тиісті органдармен шаралар жүргізілуде. Атап айтар болсақ, жергілікті атқарушы органдармен бірге біздің сала мамандары, полияция қызметкерлері және «Атамекен» Кәсіпкерлік палатасының Қызылорда облысы бойынша филиалының қызметкерлерімен біріккен мониторингтік топтар жұмыстарын жалғастыруда. Бұл топ бойынша күнделікті бақылау жұмыстары жүргізілуде. Сонымен қатар облыста полиция қызметкерлері мен сарбаздардың патрульдік жұмыстары күшейтілді. Себебі соңғы аптада аймақтағы эпидемиологиялық ахуал тұрақты деңгейден бірнеше есеге жоғары болды. Сол себептен біз күшейтілген ережеге көшуге мәжбүр болып отырмыз», – дейді Қызылорда облысының Бас мемлекеттік санитарлық дәрігері Әлия Әбдіқайымова.
</blockquote>

CОVID-19: Қызылордада жаңа шектеулер енгізіледі

<a href="https://kyzylorda-news.kz/">Kyzylorda-news.kz.</a> Бір жарым жыл ішінде (2019 жылғы қаңтар – 2020 жылғы маусым) Қырғызстаннан Қазақстан мен Ресейге 79 163 автокөлік құралы тасымалданды (кедендік бақылаудағы транзитті есепке алмағанда).
Мемлекеттік шекара арқылы тауарларды өткізу процесін мониторингтеу нәтижелері бойынша Мемлекеттік кірістер комитеті мыналарды анықтады:
Экспорттық бақылау бойынша:
– Алып қою тізбесіне енгізілген тауарларды әкетудің 389 әрекеті (133 млн. теңге сомасына әкімшілік айыппұл салынды);
– тыйым салулар мен шектеулер белгіленген тауарларды әкетудің 2 302 әрекеті (мұнай өнімдері, медициналық маскалар, медициналық қолғаптар, түсті және қара металл сынықтары, ағаш материалдары, картоп, ұн және т.б.);
– экспорттық бақылау нормаларын сақтамаудың 181 фактісі (химикаттар, жарылғыш заттар, рентген аппараттары. Сондай-ақ табиғи уранды заңсыз әкетуге әрекет жасалды – қылмыстық іс қозғалды, әскери үлгідегі қаруға арналған патрондар – ҚР экспорттық бақылау саласындағы уәкілетті органының транзиттік өнімдеріне рұқсатсыз);
әкелінетін тауарлар бойынша,
– жалған алушыларға тауарға ілеспе құжаттарды ресімдеудің 2,6 мың фактісі (импортқа және банкроттыққа қатысы жоқ);
– жалған транзиттің 6 мың фактісі – бұл Қырғыз Республикасынан транзит ретінде мәлімделген барлық тауарлар ағынының 20% құрайды (РФ тарапынан 7,7 мың фактіні анықтады);
Мониторинг ҚҚС бойынша 2,1 млрд. теңге сомасына 2,6 мың қосымша салық есебін қамтамасыз етті.
Тауардың тауар-көлік жүкқұжаттарында көрсетілген мәліметтерге сәйкестігіне ерекше назар аударылады. Қырғызстаннан келе жатқан автомашиналарға қатысты 1547 тақырыптық салықтық тексерулерден 1505 жағдайда бұзушылықтар анықталды (98% !!!).
Бұзушылықтардың басым көпшілігі – Қырғызстаннан әкелінетін тауарлардың тауар-көлік жүкқұжаттарында көрсетілген атаулармен сәйкес келмеуі болып табылады. Бұдан басқа, ҚХР-да шығарылған тауар-көлік жүкқұжаттарында көрсетілген тауарлардың бағасы біздің еліміздегі ұқсас тауарлардың бағасынан әлдеқайда төмен. Жекелеген жағдайларда 400 есеге дейін. Бұл Қазақстан Республикасының және әріптес елдердің бюджетіне ҚҚС толық түспеуіне әкеледі.
Мысалы, 2019 жылы «Алекс Транс» ЖШҚ Ресейге транзитті мәлімдеді. Халықаралық тасымалдаудың көлік құжатында ол 2,2 млн. сомға 19,8 тонна көлемінде халық тұтыну тауарларының құнын көрсетті. Қазақстанның кедендік құнының индикаторларымен салыстырғанда әйелдер джинсы бағасы 400 есе ($ 16-ға $ 0,04), футболкаларға 150 есе ($ 12-ге $ 0,08), ал қой терісінің пальтосы 400 есе ($40-қа $0,1), ерлерге арналған джинсы үшін 15 есе ($17-ге $1,1), әйелдер мен ерлерге арналған аяқ киім үшін 80 есе ($16-ға $0,2) төмен.
Оған қоса, сол кәсіпкер жалған транзитке 51 мәрте жол берген. Яғни тауарлар Қазақстан аумағында қалды, және олар бойынша салық төленбеді. Тек осы сыртқы экономикалық қызметке қатысушыдан келтірілген залал 700 миллион теңгеге немесе 1,7 миллион АҚШ долларына бағаланады.
Жалпы цифрларға келетін болсақ, онда Қырғыз Республикасының экспорты мен Қазақстан Республикасының импорты туралы деректер айтарлықтай өзгеріп отырады: Қырғызстанның цифрлары 10 есе төмен. Олардың ақпараты бойынша 2019 жылдың 9 айында Қазақстанға экспорт 18 миллиард теңгені, ал біздің деректер бойынша – 186 миллиард теңгені құрады. Құнды төмендету және жалған транзит фактілерін ескерсек, сәйкессіздіктер одан да көп болады.
Сонымен қатар, Қырғызстаннан Қазақстанға және Ресейге әкелінетін қытай тауарларының көлемі ҚХР-дан Қырғызстанға ресми импортының көлемі 2 есеге асады. Өткен жылы Қытайдан Қырғызстанға 75 мың тонна тауар импортталды, ал экспортталғаны – 149 мың тонна (Қазақстан Республикасына және Ресей Федерациясына тасымалданды).
Өзара саудадағы мұндай жағдай Қазақстан Республикасының бюджетіне нұқсан келтіреді және қазақстандық бизнесті бәсекелестіктің тең емес жағдайларында қалдырады.
ЕАЭО туралы шарттың 3-бабына сәйкес, ЕАЭО жұмысының негізгі қағидаттары өзара тиімді ынтымақтастық, теңдік және тараптардың ұлттық мүдделерін есепке алуды қамтамасыз ету, сондай-ақ нарықтық экономика мен адал бәсекелестік қағидаттарын сақтау болып табылады.
2019-2020 жж. ішінде әртүрлі деңгейлерде бірнеше рет кездесулер өткізілді, онда тауарлардың көлеңкелі айналымын азайту мәселелері бойынша өзара іс-қимыл қажеттілігі талқыланды.
Импорттың және жалған транзиттің көлеңкелі айналымының жолын кесу үшін құзырлы органдардың өзара іс-қимылы маңызды. Қазақстан фискалдық органдары Өзбекстан Республикасымен экспорттық декларациялардың алдын-ала ақпараттарын онлайн режимінде алмасуды жүргізуде. Осы жылдан бастап ҚХР-мен де. Басқа елдермен де жұмыс жүргізілуде.
Өзара іс-қимыл бойынша ұсыныстар қырғыз тарапының атына да жолданды. Алайда, проблеманы шешуде біздің сұрау салуларымыз жауапсыз қалып отыр.
Жалпы, ЕАЭО елдерінен ҚҚС түсімі өткен жылы 1,2 есеге немесе 122,0 млрд. теңгеге ұлғайды.

185 млрд және 18 млрд: Қазақстан мен Қырғызстан деректері неге 10 есе алшақ

<a href="https://kyzylorda-news.kz/">Kyzylorda-news.kz.</a> Белгіленбеген жерде суға түсу оқиғалары балалар арасында жиілеп барады. Мұның салдары қайғылы оқиғаға алып келуде.
Осы мәселеге орай Қызылорда облысы әкімінің орынбасары облыс әкімінің орынбасары Наурызбай Байқадамовтың төрағалығымен облыстық комиссияның кезекті отырысы өтті. Жиынға Төтенше жағдайлар департаменті, полиция департаментінің мамандары қатысты. Сонымен бірге аудан әкімдерінің жауапты сала басшылары онлайн байланысқа шықты.
Комиссия отырысында&nbsp;судағы қауіпсіздікті сақтау, тыйым салынған нысандарды оқушыларға жан-жақты ақпараттандыруды күшейту керектігі айтылды.
Облыс әкімнің орынбасары белгіленбеген су айдындарында балаларды шоғырландырмау үшін тиісті деңгейде жұмысты қолға алуды тапсырды.
Комиссия отырысында қаралған тағы бір мәселе – кәмелетке толмаған жасөспірімдердің құқықтарын қорғау. Бұл бағытта да назар қоятын мәселелер аз емес.
Наурызбай Байқадамов сала өкілдеріне тиісті тапсырма беріп, жасөспірімдердің қауіпсіздігіне үнемі мән беру керектігін еске салды.

Бала қауіпсіздігін сақтауға байланысты жиын өтті

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіхалықова жаз маусымында балалардың суға шомылу ережесін қатаң сақтаулары қажет екенін айтты.
Аймақ басшысы ата-аналарға арнап өзінің «Facebook» әлеуметтік желісіндегі парақшасында жазба қалдырды.
<blockquote>
 «Құрметті жерлестер! Құрметті ата-аналар! Міне, жаздың ыстық маусымы да келіп жетті. Мұндай аптап күндері, әлбетте,ойын баласы ғана емес, ересектер де суға түсіп, салқындағысы келетіні белгілі. Алайда, дәл осы күндері суға шомылу ережесін қатаң сақтаңыздар деген тілегіміз бар. Өйткені, рұқсат етілмеген жерде шомылып, суға кетіп жатқандар қатары көбеюде. Жалпы, жыл басынан 9 адам суға кетіпті. Бұл көрсеткіш өткен жылмен салыстырғанда екі еседен артық. Ең өкініштісі, қаза болғандардың төртеуі – жасөспірімдер.
 Жергілікті әкімшілік мұндай қайғылы жайттарды болдырмау үшін қауіпсіздік шараларын қолға алуда. Мәселен, дарияның тиімді жағалауынан суға түсуге қолайлы жағажайлар ашылуда. Осы жағажайлар қажетті құтқару құралдарымен қамтылған. Тиісті мекемелер сол маңда күн сайын рейд ұйымдастырып, азаматтарымызға қайда шомылуға болатыны жөнінде нұсқау беруде. 
Құрметті жерлестер, тек ресми түрде рұқсат етілген жағажайларда ғана шомылу қажеттігін ескертеміз. Өйткені, суға кету жағдайы ауыл ішіндегі каналдар мен кіші көлдерде көбірек орын алуда. Әсіресе, ата-аналардың балаларын қараусыз жібере салуына, ересектердің мас күйінде суға түсуіне байланысты оқиғалар жиі болып жатыр. Қаншама іздестіру жұмыстары жүргізілгенмен, суға кеткендерді дер кезінде табу қиындық туғызуда. Тіптен, былтыр суға батып кеткен адамдардың кейбірі осы кезге дейін табылған жоқ. Сол себепті, бұрын түсіп жүрмеген көл-дарияға шомыла бермеулеріңізді, жағажайға барғанда балаларыңызға сақ болуларыңызды сұраймыз. Өз өміріңіз, жақыныңыздың өмірі – өз қолыңызда!
 Сондай-ақ, қадірлі жерлестер, жаз күндері табиғат аясына демалысқа шыққанда өрт қауіпсіздігіне баса мән берсеңіздер! Өйткені, биыл даладағы өрт өткен жылмен салыстырғанда 35 есеге артып кеткен. Мұндай өрт көлемі 6,5 млн. гектар орман қорына зауалын тигізуде.
 Әрбір адам өз жауапкершілігін толық сезінуі керек. Табиғат аясына шығып, жаққан отын өшірмей кеткен кейбір тұрғындардың кесірінен дала және орман өрті өршіп кетті. Осы күнге дейін өрттің шығуына кінәлі 4 адам анықталды. 
Көк шалғынға демалысқа шықсаңыз отқа абай болыңыз!
 Даладағы өрттің алдын алуды әр тұрғын өзінің азаматтық парызым деп санап, зор жауапкершілік танытса деген тілегім бар. Бірігіп жасаған жұмыстың нәтижесі де оң болары сөзсіз. «Сақ жүрсең – сау жүрерсің» деген халық даналығын әрдайым есте ұстайық! Біз біргеміз», – деп жазады облыс әкімі.
</blockquote>

Гүлшара Әбдіхалықова: Рұқсат етілген жағажайларда ғана шомылу қажеттігін ескертеміз

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 465, ал сипмтомсыз-50 азамат. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді. 
<blockquote>
 «Соңғы тәулікте 4 дерек тіркелді. Оның ішінде, Қызылорда қаласынан-2, Шиелі-1, Жаңақорған-1 жағдай. Сынама тесттің қорытындысы бойынша симптомды ағымды коронавирус инфекциясының&nbsp;жағдайы», – деді бас дәрігер.
</blockquote>
Сондай-ақ, вирус жұқтырғандармен байланыста болған- 5344 азамат анықталды. Оның ішінде, 3140-ы тікелей қарым-қатынаста, 2204-і жанама байланыста болған.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: Соңғы тәулікте 4 жағдай тіркелді

<a href="https://kyzylorda-news.kz/">Kyzylorda-news.kz.</a> Арал ауданының 4 тұрғыны Армения Республикасынан әкелінген көліктерін Мамандандырылған халыққа қызмет көрсету орталығына қажетті құжаттарды ұсына отырып, мемлекеттік баж төлемдерін төлеу арқылы тіркеді.
Көлік иелеріне 11 946 теңгені құрайтын үш ғана төлем жасау керек. Бұл тіркеу жарнасы – 695 теңге, тіркеу куәлігі үшін төлем – 3 473 теңге, нөмір үшін төлем – 7 778 теңге.
Сонымен қатар, көлік иелеріне жеке басын куәландыратын құжат, 0,25 АЕК мөлшерінде мемлекеттік бажды және мемлекеттік бажды төлегені туралы түбіртектер, көлік құралы және мемлекеттік тіркеу нөмірлік белгісін тіркеу туралы армян куәлігі, басқару құралын оңнан солға ауыстырылған жағдайда автомобильдің қауіпсіздік сертификаты қажет.
Есепке алынған көліктерге сары түсті нөмірлер берілуде. Оң жақ рөлді көліктер тіркеуге жатпайды.
Аталған бағытта Арал ауданының Полиция бөлімінің, Әкімшілік полиция бөлімшесінің қызметкерлері тұрғындарға кеңес беріп, тиісті жұмыстар жүргізілуде.
<img src="https://kyzylorda-news.kz/wp-content/uploads/2020/06/aral1-3.jpg" alt="" />

Арал ауданының тұрғындары Армениядан әкелген көліктерін заңдастырды

<a href="https://kyzylorda-news.kz/">Kyzylorda-news.kz.</a> Мемлекет тұрмысы төмен отбасы балаларына берілетін кепілдендірілген әлеуметтік пакетке кіретін заттардың тізімін анықтады
Елімізде балаларға арналған&nbsp;кепілдендірілген әлеуметтік пакеттің&nbsp;тағайындалуы аз қамтылған азаматтарды әлеуметтік қорғау бағытындағы маңызды жаңашылдықтардың бірі болды. Кепілдендірілген әлеуметтік пакет – бұл ҚР Үкіметі 1 жастан 18 жасқа дейінгі балалары бар аз қамтылған отбасының әрбір баласына белгілеген көмек.
Көмек пакеті шартсыз немесе шартты ақшалай көмек алатын тұрмысы төмен отбасыларға беріледі. Егер осындай отбасыларда бір жастан алты жасқа дейінгі балаларға кепілдендірілген әлеуметтік пакет – Атаулы әлеуметтік көмек тағайындау кезінде қол жетімді болса. Алты жастан он сегіз жасқа дейінгі балалары бар отбасыларға кепілдендірілген әлеуметтік пакет тиісті оқу жылы алдында беріледі.
1 жастан 6 жасқа дейінгі&nbsp;балаларға арналған кепілдендірілген әлеуметтік пакет ай сайын азық-түлік жиынтығы және тоқсан сайын тұрмыстық химия тауарларының жиынтығы түрінде ұсынылады.
Азық-түлік түзімі Үкіметтің 2019 жылғы 30 желтоқсандағы № 1032 қаулысымен бекітілген және осы жастағы балалардың физиологиялық ерекшеліктерін, тағамдық және энергетикалық құндылығы ескеріле отырып құрылған.
Әлеуемттік пакетіне құрамында анемия, рахит, дисбактериоздың алдын алу үшін кальций және басқа микроэлементтермен байытылған дәуірмендері, пробиотиктері бар әртүрлі (сүт, көкөніс, жеміс) өнімдер енген.
Орта білім беру ұйымдарында оқитын&nbsp;6 жастан 18 жасқа дейінгі&nbsp;балаларға арналған кепілдендірілген әлеуметтік пакетке:
1) мектеп формасы немесе спорттық киім, мектеп құралдары жиынтығы;
2) денсаулық сақтау саласындағы уәкілетті орган белгілеген нормаларға сәйкес оқу жылы кезеңінде оқу орнында (оқу күндері) күнделікті бір рет ыстық тамақ;
3) қоғамдық көлікте (таксиден басқа) билеттің толық құнының 50 пайызынан кем емес мөлшерде жеңілдікпен жол жүруі кірген.

Кепілдендірілген әлеуметтік пакетке тағы не кіреді?

<a href="https://kyzylorda-news.kz/">Kyzylorda-news.kz.</a> Қазақстанда коронавирус белгілері жоқ науқастар саны артты. Бір тәулікте мұндай 313 науқас анықталды.
Денсаулық сақтау министрлігі коронавирус жұқтырған, алайда аурудың типтік белгілері жоқ науқастар жалпы науқастар санынан бөлек есептеледі деп шешті. Елімізде 3 маусымнан бері COVID-19 инфекциясының клиникалық белгілері жоқ 1 357 тасымалдаушысы анықталды.
Ресми мәліметке сәйкес, коронавирустың симптомдары жоқ науқастардың ең көбі Нұр-Сұлтанда (62 адам), Шымкент (49 адам) және Алматы қаласында (40 адам) анықталды.
Осылайша, Нұр-Сұлтанда коронавирус симптомы жоқ 203 науқас, Алматыда 135, Шымкент қаласында 180 науқас тіркелді.
7 маусымда Ақтөбе облысында ауру симптомы жоқ бір де бір науқас тіркелген жоқ.
Өзге өңірлердегі жағдай:
Ақмола облысы – 4,
Алматы облысы – 9,
Атырау облысы – 25,
Шығыс Қазақстан облысы -17,
Жамбыл облысы – 4,
Батыс Қазақстан облысы – 30,
Қарағанды облысы – 37,
Қостанай облысы – 4,
Қызылорда облысы – 2,
Маңғыстау облысы – 5,
Павлодар облысы – 5,
Солтүстік Қазақстан облысы – 6,
Түркістан облысы 14 ауру белгісі жоқ науқас анықталды.
Айта кетейік, Қазақстанда COVID-19 12 859 адамда анықталды, 7 376 адам жазылып шықты, 56 адам көз жұмды.

Қазақстанда коронавирус симптомдары жоқ науқастар саны артты

<a href="https://kyzylorda-news.kz/">Kyzylorda-news.kz.</a> Бүгін ел аумағының басым бөлігінде антициклонның әсерінен күн ашық, тек батыста және оңтүстікте атмосфералық ауа ағындарының өтуіне байланысты ауа райы құбылмалы болады, деп хабарлайды Қазгидромет.
Республиканың кей жерлерінде жел күшейеді, оңтүстікте шаңды дауыл соғады. Шығыста түнде кей жерлерде тұман түсуі ықтимал.
Батыс Қазақстан, Алматы, Түркістан, күндіз Жамбыл облыстарының кей жерлерінде күн күркіреп, найзағай жарқылдайды, Жамбыл, Түркістан облыстарында желдің екпіні 15-20 м/с жетіп, шаңды дауылға ұласады.
Қарағанды, Қызылорда, күндіз Шығыс Қазақстан облыстарының кей жерлерінде жел 15-20 м/с күшейеді, Қызылорда облысында шаңды дауыл тұрады, Түнде Шығыс Қазақстан облысының кей жерлерінде тұман түседі.
Атырау облысында күндіз аптап ыстық күтіледі.
Қызылорда, Жамбыл облыстарында, Қарағанды, Павлодар облыстарының басым бөлігінде, Түркістан, Алматы, Ақмола облыстарының кей жерлерінде, Ақтөбе облысының оңтүстігінде өрт қаупі өте жоғары .

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a> ақпараттық агенттігінің 8 маусымға арналған жұлдыз-жорамалы.
Тоқты
Бүгін көп шығындалып қаласыз. Барлық жағдай сіз ойлағандай болмайды. Бұл әрине, сіздің жүйкеңізге тиетін болады. Жұлдыздар кикілжіңдерден, бәстесуден аулақ болу қажеттігін ескертеді.
Торпақ
Бүгін өте белсендісіз. Ортада шешендік танытып, барлық жанды өзіңізге қарататын боласыз. Әсіресе нәзікжандардың бүгін жолы болады. Өз мүмкіндігіңізді дұрыс пайдалана біліңіз. Ешкімнің өзіңізді алдауына жол бермеңіз.
Егіздер
Достармен бас қосуға, олармен әңгіме-дүкен құруға қолайлы күн. Жаңа таныстар тауып, оның арты достыққа ұласуы мүмкін. Сонымен қатар бүгінгі күн болашаққа жоспар құруға да ыңғайлы. Көлік жүргізуді үйреніңіз.
Шаян
Бүгін көңіл-күйіңіз жоқ. Эмоцияға беріліп, жүйкеңіз сыр береді. Жүрегіңізге де тыныштық жоқ. Арасында шаншып, жаныңызға батуы мүмкін. Қанша ашулы болсаңыз да балаларға дауыс көтермеңіз. Денсаулығыңызды күтіңіз.
Арыстан
Күніңіз тыныш басталады. Алайда ол ұзақа созылмайды. Кез келген уақытта тыныштығыңыз бұзылып, қиын тапсырмалар келіп түсуі мүмкін. Қандай қиындық туындаса да үлкендерден немесе тәжірибелі мамандардан ақыл-кеңес сұраңыз.
Бикеш
Болмашыға бола жүйкеңізді жұқартасыз. Әсіресе, сізге отбасына және жақын жандарыңызға қатысты мәселелер сабырыңызды тауысады. Түстен кейінгі уақытта маңызды шаруаны қолға аласыз. &nbsp;
Таразы
Бүгінгі күн жеке және отбасылық қарым-қатынасты жақсартуға оң әсерін тигізеді. Бұл белгідегі нәзікжандар көптің ықыласына бөленеді. Жаңа таныстықтар орын алуы да ғажап емес.
Сарышаян
Бүгін сіз кеңпейілдісіз. Сонымен қатар бүгін отбасынчдағы кейбір түсініспеушіліктердің алдын алып, мәселені дер кезінде шешетін боласыз. Сондықтан жақындарыңыз сізбен пікірлескенді қалайтын болады.
Мерген
Күтпеген тосынсыйларға тап боласыз. Бірақ олар сіздің көңіліңізден шықпау мүмкін. Жол сапар кезінде тосын жайттарға тап боласыз немесе жұмыста &nbsp;қиындықтар туындайды. Өте сақ болыңыз
Тауешкі
Жаңа технологияларға қызығушылығыңыз артып, жаңашылдыққа бет бұрасыз. Сонымен қатар бүгін материалдық жағдайыңыз жақсарып, қалтаңыз қалыңдайды. Ойыңызға мықты идеялар келіп, оны жүзеге асыру жолдарын қарастырасыз.
Суқұйғыш
Аға буын немесе өзіңізден кейінгілермен келіспей қалуыңыз мүмкін. «Ауырдың үстімен, жеңілдің астымен» жүретін, жеңіл ойлайтын жандармен тіл табысу қиын. Сабырлы болыңыз, ашуға берілмеңіз
Балықтар
Бойыңыздағы энергия мен күш-қуатыңызды сақтаңыз. Өзіңізді шығармашылық бағытта сынап көріңіз. Сурет салыңыз, шығарма жазыңыз. Осы арқылы сіз өз жолыңызды тауып, кейін қаржылық жағдайыңызды жақсартатын боласыз.

Қазақстан және Қызылорда облысының жаңалықтары