<a href="https://kyzylorda-news.kz/">Kyzylorda-news.kz.</a> Денсаулық сақтау министрі Елжан Біртанов «Хабар» телеарнасына Қазақстанда кімдердің&nbsp;коронавирустан&nbsp;емделмейтінін&nbsp;айтты.
Ауру белгісі жоқ емделушілердің коронавирустан емделмейтіні белгілі болды.
<blockquote>
 «Бүгінге дейін біз ауру белгісі жоқ науқастарды бақылап, ауруханаға жатқызып, тіпті ем жүргізіп келдік. Емдеудің осы әдісін қолдандық. Бірақ содан кейін халықаралық ұсыныстарға сәйкес хаттамалар өзгерді. Халықаралық әріптестер бізге ауру белгісі жоқ науқастарды емдеуді ұсынған жоқ.&nbsp;Сондықтан олар қазір ауру кезінде үй карантинінде жатыр», – деді ол.
</blockquote>
Денсаулық сақтау министрінің айтуынша, соңғы апта бойынша ауру белгісі жоқ науқастар арасында Алматыда 90% және Нұр Сұлтанда&nbsp;80%-ы жағдай анықталды.
Ауру белгісі жоқ адамдар жаппай тексеру арқылы анықталады.

Қазақстанда енді коронавируспен ауырған науқастың барлығы ауруханаға жатқызылмайтын болды

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімдігінің жанындағы төтенше жағдай тәртібін қамтамасыз ету жөніндегі штаб шешімімен 11 мамырда ХҚО іске қосылуы жоспарлануда.
Алайда вирустың таралу қаупі мен қазақстандықтардың өмірі мен денсаулығына алаңдаушылықтың сақталуына байланысты халыққа қызмет көрсету орталықтарының жұмыс тәртібін өзгерту туралы шешім қабылданды.
Өзгерістер ХҚО-да көрсетілетін мемлекеттік қызмет түрлерін, оларды ұсыну форматын да қамтиды.
– Енді қызылордалықтар ХҚО-да электронды форматта қолжетімсіз, тек «қағаз» жүзінде көрсетілетін қызметтер мен egov.kz арқылы рәсімделген өтініштердің нәтижесін ала алады.
– ХҚО-ға бару үшін 1414 байланыс орталығы немесе немесе egov.kz сайтындағы арнайы сервис арқылы кезек уақытын алдына ала брондау қажет болады.
Бұл азаматтардың ХҚО-да көптеп жиналуын болдырмайды және вирусты жұқтыру қаупін жояды, осы ретте қызмет алушылар да өз уақытын үнемдейді. Алдын ала брондаусыз еш қызмет көрсетілмейді.
Азаматтар электронды форматқа аударылған және egov.kz порталында қолжетімді барлық мемлекеттік қызметтің 80%-дан астамын тек өздігінен немесе бұрынғыдай ХҚО ғимараттарында емес, әкімдіктер жанындағы кеңселерде, оқу орындарында, медициналық ұйымдарда және т.б. жерде орналастырылатын өзіне-өзі қызмет көрсету секторларында ала алады.
Онлайн қызметтерді жылдам әрі ыңғайлы алу үшін азаматтар 1414 нөміріне хабарласа алады, онда ХҚО операторлары кеңес беретін болады.

Бүгіннен бастап Қызылордада алдын-ала жазылу арқылы ХҚКО-лар қызмет көрсетеді

<a href="https://kyzylorda-news.kz/">Kyzylorda-news.kz</a>. ҚР Индустрия және инфақұрылымдық даму министрлігі коммуналдық қызметтер үшін 15 мың теңге төлем кімдерге жасалатынын&nbsp;жариялады.
<blockquote>
 «Мемлекет басшысының тапсырмасын орындау мақсатында ағымдағы жылдың 9 мамырында карантин режимі кезеңінде коммуналдық қызметтерді жеткізушілердің шығындарын өтеу ережесіне өзгерістер мен толықтырулар енгізілді (ҚР Индустрия және инфрақұрылымдық даму министрінің 2020 жылғы 18 сәуірдегі № 212 бұйрығы)» деп хабарлайды ведомстводан.
</blockquote>
Мәліметке сай, белгілі бір санаттағы адамдармен бірге тұратын отбасы мүшелеріне коммуналдық қызметтер үшін төлемдерді өтеу бойынша нормалар енгізілген: Атап айтқанда:
1) 1, 2, 3 топ мүгедектері;
2) Ұлы Отан соғысының мүгедектері мен қатысушылары, Ұлы Отан соғысының мүгедектері мен қатысушыларына теңестірілген адамдар;
3) мүгедек балаларды тәрбиелеп отырған отбасылар;
4) көп балалы отбасылар;
5) ең төменгі және одан төмен зейнетақы алатын зейнеткерлер, жалғызбасты зейнеткерлер;
6) мемлекеттік немесе қоғамдық міндеттерді, әскери қызметті орындау кезінде, ғарыш кеңістігіне ұшуды дайындау немесе жүзеге асыру кезінде, адам өмірін құтқару кезінде, құқық тәртібін қорғау кезінде қаза тапқан (қайтыс болған) адамдардың отбасылары;
7) атаулы әлеуметтік көмек алатын азаматтар.
Бұдан басқа, коммуналдық қызметтерді төлеу бойынша төлемдерді жергілікті бюджеттен өтеген жағдайда әкімдіктерге алушылардың санатын, өтеу шарттары мен тәртібін анықтау бойынша мүмкіндік берілді.

Карантин: Коммуналдық қызметке 15 мың теңге беру ережесіне өзгерістер енгізілді

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында коронавирустық инфекцияны жұқтырған науқастар саны 230 адамға жетті. Соңғы тәулікте жаңадан анықталған 1 жағдай туралы бүгін облыстық Денсаулық сақтау басқармасының басшысы Жақсылық Абдусаметов Өңірлік коммуникациялар қызметінде өткен брифингте баяндады.
<blockquote>
 «Қазіргі таңда Қызылорда облысында коронавирустық инфекцияны жұқтырған 230 жағдай тіркелді. Соңғы тәулікте жаңадан 1 жағдай анықталды. Аталған науқас – Қызылорда қаласынан. Ол қалалық емхананың фильтр бөліміне келгенде анықталды. Осылайша, Қызылорда қаласында инфекция жұқтырған науқастар саны 93 тұрғынға жетті», – деді Жақсылық Абдусаметов.
</blockquote>
Оның айтуынша, COVID-19 індетін жұқтырған өңірдегі 230 науқаспен байланыста болғандардың жалпы саны – 3261.&nbsp;Оның ішінде, жақын қарым-қатынаста болғандар саны – 1789, потенциалды байланыста болғандар – 1472 адамды құрап отыр. Бүгінгі таңда барлығы бақылауға алынып, оқшауланған. Барлығының жағдайы қанағаттанарлық.
Сондай-ақ, бүгінгі таңда облысымыздағы жұқпалы аурулар ауруханасында – 70, правизорлық стационарда – 13, карантиндік стационарда – 142 адам бақылауда.
Брифингте Жақсылық Әбілқасымұлы мәлімдегендей, өткен тәулікте облысымызда коронавирустық инфекцияға байланысты 421 тест сынамасы жасалыпты.
<blockquote>
 «Соңғы тәулікте 421 тест сынамасы жасалды. Оның 402 – теріс мәнді болып шықты. Біреуі оң нәтиже берді. Ал, 19 – әлі тексерілу үстінде. Бүгінде облысымызда 4348 тест сынамасының қоры қалды. Жалпы, осы уақытқа дейін өңірде барлығы 17814 тест сынамасы алынды», – деді ол.
</blockquote>
Басқарма басшысы бүгіннен бастап облыстағы карантин талаптары тағы да жеңілдетілгенін, осыған орай аймақ тұрғындары сақтық шараларына баса мән беру керектігін жеткізді.
<blockquote>
 “Бүгіннен бастап облыста карантин талаптары тағы да жеңілдетілді. Сондықтан, қарым-қатынас көбейіп, қозғалыс ұлғаятыны түсінікті. Осыған орай, санитарлық-дезинфекциялық нормалардың сақталуына баса мән берген жөн. Коронавирустық инфекциядан қорғанудың ең тиімді және ең қарапайым тәсілі – оқшаулау және оқшаулану. Осы себепті, облыс тұрғындарын қарапайым ғана санитарлық нормаларды сақтап, қоғамдық орындарда арақашықтықты сақтауға шақырамын”, – деді Ж. Әбілқасымұлы.
</blockquote>
Айта кетейік, бүған дейін Қызылорда облысында коронавирустық инфекцияға шалдыққан науқастардың саны <a href="https://kyzylorda-news.kz/densawlyq/qyzylorda-oblysyndaghy-koronovirws-infekcijasyn-229-adam-zhuqtyrdy-61193/">229 адамға жеткенін</a>&nbsp;хабарлаған болатынбыз.

COVID-19: Қызылорда қаласында індет жұқтырғандар саны көбейіп келеді

<a href="https://kyzylorda-news.kz/">Kyzylorda-news.kz.</a> Көліктегі бас мемлекеттік санитар дәрігер Сәдуақас Байғабылов әуе көлігінде Covid-19 инфекциясына ПТР тесттен өту міндеттілігі жөніндегі талаптарды алып тастау туралы түсініктеме берді.
Осығандей мәлімделгендей, алдағы уақытта елдің ішкі әуе рейстеріне талаптар жұмсартылады. Себебі қазір сырттан келетін жолаушыларға COVID-19 белгілерін растайтын белгілері және басқа да талаптар бойынша арнайы мониторинг жүргізіледі.
Айта кету керек, 2020 жылдың 1 мамырынан 10 мамыры аралығында жүргізілген мониторинг нәтижелері бойынша әуе кемесімен ұшып келген жолаушылар, әуежай қызметкерлері мен әуе кемесінің экипаждары арасында коронавирус инфекциясын жұқтыру оқиғалары тіркелген жоқ.
Осыған байланысты, биылғы жылдың 11 мамырынан бастап жолаушылар, әуежайлар қызметінің өкілдері және экипаж үшін Covid-19 инфекциясына ПТР тесттен өту міндетті талабы алынып тасталды.
Көліктегі бас мемлекеттік санитарлық дәрігер тиісті қаулы қабылдады.

Енді қазақстандықтардан ұшаққа отырарда Covid-19-ға анықтама талап етілмейді

<a href="https://kyzylorda-news.kz/">Kyzylorda-news.kz.</a> 11 мамырда Қазақстан өңірлерінің басым бөлігінде ауа райы құбылмалы болады, деп хабарлайды Қазгидромет.
Оңтүстік батыста, батыста күшті жаңбыр жауады. Кей жерлерде жел күшейіп, күн күркірейді, бұршақ жаууы ықтимал.
Солтүстікте, солтүстік батыста және орталық өңірде тұман түседі.

11 мамырда ауа райы қандай болады?

1904 жылы 11 мамырда ұлттық археология мектебінің негізін қалаушы, шығыстанушы, әдебиеттанушы, өнертанушы, филология ғылымының докторы, Қазақ КСР-нің еңбек сіңірген ғылым қайраткері, Қазақстан Мемлекеттік сыйлығының лауреаты Әлкей Хақанұлы Марғұлан дүниеге келді. 1985 жылы дүниеден өткен. 
Павлодар облысының Баянауыл ауданында туған. Бастапқы білімді ауыл мектебінен алған. Семей педагогикалық техникумын, Ленинградтағы шығыстану институтын және Мемлекеттік материалдық мәдениет тарихы академиясының аспирантурасын бітірген. 1921-1925 жылдары «Таң» журналы мен «Қазақ тілі» газетінің редакцияларында қызмет атқарады. Осы жылдары ол М.Әуезовпен, М.Жұмабаевпен танысады. 1926-1927 жылдары КСРО Ғылым академиясының академигі А.Ферсман мен профессор С.Руденконың басшылығымен ұйымдастырылған Қазақстан және Алтай археологиялық және этнографиялық экспедицияларының жұмысына қатысады. Экспедиция кезінде Ә.Бөкейхановпен тығыз қарым-қатынас орнатып, бірлесіп қызмет істейді. 1928 жылдан қазақ халқына қатысты әдеби, мұрағаттық материалдар жинақтаумен шұғылданады. 1929 жылы Абай шығармалары туралы дипломдық жұмыс қорғап, орыс география қоғамы мұрағатындағы Абай қолжазбалары туралы нақты тарихи деректер негізінде ғылыми дәйекті тұжырымдар жасайды. 1930 жылдан Терминологиялық комиссияның ғалым хатшысы, Шығыстану институтының оқытушысы, Мәскеудегі материалдық мәдениет тарихы институтының ізденушісі және ғылыми қызметкері болады. Осы жылдары ол Шығыс Түркістан археологиясы мен өнері бойынша маманданып, бірнеше археологиялық экспедицияларға қатысады. 1939-1941 жылдары КСРО Ғылым академиясының Қазақ бөлімшесі Тарих институтының аға ғылыми қызметкері болады. Осы жылдары оның «Мәшһүр Жүсіп мұрасындағы түркі эпосы», «Декабристер және Қазақстан», «Әлішер Науаи және қазақ мәдениеті», «Мұхаммед Хайдар – тарихшы», «Шоқан Уәлиханов және Орта Азия тарихы», «Суворов», «Жамбыл Жабаев» атты еңбектері жарық көреді. 1941 жылы КСРО Ғылым Академиясы қазақ бөлімшесінің тарих бөлімін басқарды. Осы қызметте жүріп «Хандар жарлығының тарихи маңызы» деген тақырыпта қорғаған кандидаттық диссертациясында көне қыпшақ тарихына байланысты құнды зерттеулер жасайды. 1958-1976 жылдары Сырдария, Шу, Талас өзендері бойында және Отырар, Сауран, Сығанақ қалалары орнында қазба жұмыстарын жүргізіп, соның негізінде «Көне қазақ жерінің қалалары мен құрылыс өнерінің тарихы» аталатын монографиясын жариялайды. Қ.Ақышев, М.Қадырбаев, М.Оразбаевтармен бірге Орталық Қазақстанда жүргізген археологиялық қазба жұмыстарының қорытындысы саналатын «Орталық Қазақстанның ежелгі мәдениеті» атты ғылыми-зерттеу еңбегін жазып, кітаптың редакциясын басқарады.
1996 жылы Иран Ислам Республикасы мен Қазақстан Республикасының Президенттері екі ел арасындағы ынтымақтастықты одан әрі дамыту және тереңдету туралы бірлескен декларацияға, Каспий теңізінің мәселелері бойынша бірлескен мәлімдемеге қол қойды.
2012 жылы Қазақстанда Музей аптасы жарияланды. Осы кезеңде мемлекеттік музейлер өз есігін барлық келушілер үшін айқара ашты. Көрермендер назарына көптеген жаңа жәдігерлер ұсынылды. Сондай-ақ, апта аясында тематикалық дәрістер, экскурсиялар, ғылыми оқылымдар, музей-театрлық қойылымдар өткізілді.
2016 жылы Венадағы кинотеатрлардың бірінде Қазақстан киносы күндері өтті. Фильмдер түпнұсқа, қазақ және орыс тілдерінде, ағылшын тілінде субтитрмен көрсетілді. Жобаның басты мақсаты – Қазақстанның мәдениеті, дәстүрі мен тарихын таныстыру, сондай-ақ екі елдің достық қатынасын нығайту.

11 мамыр: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпарат агенттігінің 11 мамырға арналған жұлдыз-жорамалы.
Тоқты
Бүгін барлық мәселені ақылға салып шешеңіз. Дәл қазіргі сәт кемелдене түсуге ұмтылатын уақыт. Берілген тапсырмаларды мұқият орындайсыз. Өзгелерге шын мәнінде ұнағыңыз келсе, сұлулық салонына барып, фитнеске жазылғаныңыз дұрыс.
Торпақ
Аз уақытқа жалғыз қалғаныңыз өзіңізге жақсы. Той-томалаққа барған кезде жайсыз оқиғаларға тап болмас үшін жан-жағыңызға мұқият болыңыз. «Сабыр түбі – сары алтын» демекші, сабыр сақтай білсеңіз, барлығы оңынан болмақ.
Егіздер
Өзіңізді кәсіби маман ретінде таныту қиын. Кейбір достарыңызбен сөзіңіз жараспай қиналасыз. Есесіне жақсы адамдармен танысасыз. Жаңа таныс адамдармен достық қарым-қатынас орнатасыз.
Шаян
Қоғамдағы беделіңіз артады. Көпшіліктің көзайымына айналатындай оқиғаға тап боласыз. Осы арқылы жетістіктерге жетесіз. Сондай-ақ беделді тұлғалармен танысасыз. Ата-анаңыздың қолдауына ие болып, қаржылай қиындықтардан құтыласыз.
**Арыстан 
**Жұлдыздар сақ болуға кеңес береді. Себебі, қаржылай қиындыққа тап болып, дене жарақатын алуыңыз мүмкін. Таңғажайып романтикалық оқиғаны бастан өткізесіз. Осыған орай сіз өзіңізге сенімді болуыңыз керек.
Бикеш
Қаржылай қиындықтарыңыз реттеледі. Өзіңізге осыған дейін қолдау көрсетіп жүрген туысқандарыңызға толықтай сенім артуыңызға болады. Егер басыңыз бос болса, бүгін өмірлік жарыңызды жолықтырасыз.
Таразы
Дәл қазіргі уақыт нағыз достар табуға таптырмас уақыт. Егер сіз отбасылы болсаңыз, жолдасыңыздың мінезі өзгергенін байқайсыз. Сіз одан бұрын-соңды байқамаған қасиеттерді көріп, қайта ғашық боласыз. Ал жұмыста немесе оқуда жаңа мүмкіндіктердің есігі ашылады.
Сарышаян
Денсаулығыңыз айтарлықтай жақсарады. Сонымен қатар достарыңызбен қарым-қатынасыңызда жақсарып, өміріңізге жаңа өзгерістер енгізуге құштарлығыңыз артады.
Мерген
жақындарыңызбен сөзіңіз жараспайды. Олар сіздің қолдауыңыздан бас тартады. Сондықтан өз-өзіңізбен болыңыз. Шығармашылықпен, спорттық жаттығуларымен белсенді түрде айналысқаныңыз жөн.
Тауешкі
Бүгін өз-өзіңізге сақ болыңыз. Сізге қызғанышпен қарайтындар көп. Сұқ көздерден сақ болып, көпшіліктің көзіне түспеуге тырысыңыз. Сіздің қолыңыздан барлығы келеді. Сондықтан өзіңізге сеніңіз.
Суқұйғыш
Сіздің мейірімділігіңіз өзгелерге күн нұрындай шашылады. Өзіңіз де жаныңызға жылу сыйлайтын жанмен жолығасыз. Кешке сүйіктіңіздің сізден не жасырып жүргенін білуге тырысыңыз.
Балықтар
Өмірлік мақсаттарыңызды айқындап, жоспарларыңыз жазылған тізімді жаңартатын кез келді. Орындалмас армандарды шетке ысырыңыз. Осы орайда жақындарыңыздың пікірін де ескергеніңіз жөн. Сіздің ақшаңызға бола дос болып жүргендерді орнына қойыңыз.

Жұлдыздар не дейді?

Kyzylorda-news.kz. “Эйр Астана” әуекомпаниясы Қызылорда қаласына келесі рейстерді қайта бастайды.
1)Алматы – Қызылорда – Алматы:12 және 14 мамыр күні KС-985/986 рейсі Қызылордаға 14:40 ұшып келіп, Алматыға 15:40 ұшып кетеді.
2) Нұр-Сұлтан – Қызылорда – Нұр-Сұлтан:
13 мамырда KС-333/334 рейсі Қызылордаға сағат 08:20-да келіп, 09:20-да Нұр-Сұлтан қаласына ұшады.
Әуе рейстердегі жолаушыларда теріс нәтижелі ПТР тестінің анықтамасы және жеке қорғаныс құралдары болуы қажет.
Әуежай анықтамасы: 26-39-29 (ішкі 527)Әр әуежайдың жергілікті уақыты көрсетілген.
<img src="https://kyzylorda-news.kz/wp-content/uploads/2020/05/fb_img_1589111681600.jpg" alt="" />

Қызылордаға ұшатын әуе рейстерінің кестесі жарияланды

Kyzylorda-news.kz. Қызылорда облысы әкімдігің бастамасымен облыстық жастар саясаты басқармасы жанынан құрылған волонтёрлар штабының ұйымдастыруымен 4 мамыр күні су тасқынынан зардап шеккен тұрғындарға қолдау көрсету мақсатында облыстық штаб құрылды.
Облыс әкімдігі тарапынан ұйымдастырылған жұмыстардың нәтижесінде қоғам белсенділері, кәсіпкерлер мен ерікті жастар атсалысып, 6 және 9 мамыр күндері «СЫР ЖҰРТЫНАН МАҚТААРАЛҒА КӨМЕК» ұранымен Түркістан облысына гуманитарлық көмек жеткізілген болатын.
Бұл жұмыстар жалғасын тауып, Мақтаарал ауданындағы су тасқынынан зардап шеккен ауылдарға Сыр өңірінен гуманитарлық көмектің 3-ші кезеңі жолға шықты.
Қармақшы, Сырдария аудандары және Байқоңыр қаласынан 13 автокөлікпен барлығы 24 тонна азық түлік, 
2 тонна жем, 2 тонна киім-кешек, 1 тонна тұрмыстық заттар және 1 бас жылқы, 1 бас сиыр малы жіберілді. 
Жалпы 6 мамырдан бастап Сыр жұртшылығы Түркістан облысына 68 тонна гуманитарлық көмек жіберді. 
Гуманитарлық көмек көрсету жұмыстары жалғасуда.

Мақтааралға көмек: Қызылорда облысынан 68 тонна гуманитарлық көмек жіберілді

Kyzylorda-news.kz. 11 мамыр күні Мемлекет басшысы Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның отырысын өткізеді.
<blockquote>
 «Ертең, яғни 11 мамыр күні Қазақстан Президенті Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның отырысын өткізеді. Жиын барысында Мемлекет басшысы коронавирустың қазіргі ахуалын саралап, Төтенше жағдай режимі аяқталғаннан кейінгі Үкімет пен басқа да мемлекеттік органдардың алдағы стратегиялық іс-әрекетін айқындайтын мәлімдеме жасауды жоспарлап отыр», – деп жазды Мемлекет басшысының баспасөз хатшысы Берік Уәли <a href="https://m.facebook.com/story.php?story_fbid=2808676019255812&id=100003403233694">Facebook</a>-те.
</blockquote>

Президент төтенше жағдайдан кейінгі меморгандардың іс-әрекеті бойынша мәлімдеме жасайды

Kyzylorda-news.kz. Білім және ғылым министрі Асхат Аймағанбетов педагогтердің шамадан тыс есеп беру мәселесін түбегейлі шешетін бұйрықтың маңыздылығы туралы айтты.
<blockquote>
 «Мен 2020 жылғы 6 сәуірде қол қойған № 130 бұйрықта орта, техникалық және кәсіптік білім беру ұйымдарының мұғалімдері толтыруға міндетті құжаттардың нақты тізімі көрсетілген. Бұл құжаттың маңыздылығы неде? Бұдан былай мұғалімдерді шамадан тыс есеп беруден арылтатын заң жүзіндегі негіз пайда болды. Енді Министрлік бекіткен нақты тізім бар. «Педагог мәртебесі туралы» Заңға және Әкімшілік кодекске сәйкес, мұғалімдерден бекітілген тізімнен өзге құжаттар бойынша артық есепті талап еткендерді арнайы орган айыппұл түріндегі әкімшілік жауапқа тартуға болады», – деп жазды министр өзінің әлеуметтік желідегі <a href="https://m.facebook.com/story.php?story_fbid=10216203621059482&id=1120704037">парақшасында</a>.
</blockquote>
Сондай-ақ, министр аталған құжатты егжей-тегжейлі түсіндірді.
<blockquote>
 «Енді пән мұғалімі күнделікті екі құжатты толтырады. Біріншісі – сынып журналы, екіншісі – сабақ жоспары. Сондай-ақ оқу жылының басында күнтізбелік-тақырыптық жоспарды дайындайды және әр тоқсан соңында критериалдық бағалау бойынша құжаттарды толтырады. Қалған құжаттың еш қажеті жоқ.
 Егер мұғалім жас педагогтің тәлімгері болып, сол үшін 17 мың теңгеге жуық үстемеақы алатын болса, онда жас әріптесімен бірлесіп атқарған жұмысы бойынша әдістемелік құжат толтырады. Егер мұғалім сынып жетекшісі болса, онда оқу жылының басында тәрбие жұмысының жоспарын жасайды, өткізілген ата-аналар жиналысы бойынша электрондық форматта хаттама толтырады, оқушылардың табельдерін толтырады және қажеттілігіне қарай олардың жеке істерін жаңартып отырады.
 Мектеп басшысы мен басшының орынбасарлары толтыратын маңызды құжаттардың да нақты тізімі белгіленді, артық құжаттың еш қажеті жоқ.
 Колледж педагогтері толтыратын құжаттар тізімі де бекітілді. Олар жылдың басында жұмыс істеуге арналған оқу бағдарламасын құрып, күнтізбелік-тақырыптық жоспар жасайды, ал күн сайын сабақ жоспарын әзірлейді, теориялық, өндірістік оқыту және жеке сабақтарды есепке алу журналдарын толтырады. Егер педагог куратордың қызметін атқарса, тағы бір құжат қосылады. Шамадан тыс есеп беру көрсеткішін түбегейлі азайтуға қатысты нақты жұмыстар мектепке дейінгі және жоғары білім беру деңгейлері бойынша да жүргізіліп жатыр. Жоғары оқу орындарының оқытушылары да қажетсіз қағаз жүктемесінен арылады. Қазіргі уақытта БҒМ тарапынан нормативтік құжаттарда көрсетілген бақылаудың жүргізілуіне қатысты толтырылатын құжаттар тізімі қайта қаралып жатыр. Басым бөлігін алып тастау туралы шешім қабылданды. Мәселен, кафедраның жұмыс жоспары, комиссияның хаттамасы, қызметтік оқу жоспары сынды құжаттар бізге қажет емес. Бұл ретте мұғалімдерге артылған артық жүктемені азайту бойынша жағдай жасап қана қоймай, педагогтерден жоғары кәсіби біліктілікті және сапалы білім беруді талап ететін боламыз. Қоғамда білім беру сапасының неге ақсап тұрғанын түсіндіру үшін, педагогтердің шамадан тыс есеп беретіні, олардың өзіне тән емес жұмыстарға тартылуы, оқу бағдарламалары мен оқулықтардағы олқылықтар туралы және тағы сол сияқты мәселелер айтылады.
 Бірақ бұл проблеманың барлығы шешіліп жатыр және бұдан былай да шешімін таба береді. Дегенмен, білім сапасы, ең алдымен, мұғалімдердің біліктілігіне тікелей байланысты. Сол себепті, педагог үнемі өзін-өзі жетілдіріп, кәсіби деңгейін арттырып отыруы керек», – деді министр.
</blockquote>

Қазақстан және Қызылорда облысының жаңалықтары