<a href="https://kyzylorda-news.kz/date/2020/10/20/">Kyzylorda-news.kz</a>. Мемлекет басшысы ҚР Парламенті Мәжілісі және мәслихат депутаттары сайлауын тағайындау туралы үндеу жариялады.
Құрметті отандастар!
Бүгін мен Парламент Мәжілісі депутаттарының сайлауын тағайындау туралы Жарлыққа қол қойдым. Орталық сайлау комиссиясының қаулысымен барлық деңгейдегі мәслихат депутаттарының сайлауы тағайындалады.
Алдағы сайлау&nbsp;конституциялық мерзімге сәйкес, 2021 жылдың 10 қаңтарында&nbsp;өтеді. Барлық саяси партиялардың бұл сайлау науқанына қатысуға дайындалуына, сайлау алдындағы платформасын әзірлеуіне, партиялық инфрақұрылымдарды жетілдіруіне уақыты жеткілікті болды.
Орталық сайлау комиссиясы мен Бас прокуратура сайлаудың&nbsp;заңдылығын, ашықтығын және әділдігін&nbsp;сақтау үшін тұрақты бақылау жүргізіп отырады.
Жаңа сайлау науқанына дейін&nbsp;саяси жаңғыру, көппартиялықты дамыту және еліміздің қоғамдық-саяси&nbsp; өміріне азаматтардың қатысу аясын кеңейту&nbsp;жөнінде шаралар қабылданды.
Бірінші.&nbsp;«Қазақстан Республикасының Парламенті және оның депутаттарының мәртебесі туралы» конституциялық &nbsp;заңға және «Қазақстан Республикасы Парламентінің комитеттері мен комиссиялары туралы» заңға түзетулер енгізу арқылы&nbsp;парламенттік оппозиция институтын құру&nbsp;мәселесін қарастыратын және оның қызметін регламенттейтін өзгерістер мен толықтырулар жасалды.
Енді Парламент Мәжілісі тұрақты комитеттерінің&nbsp;бір төрағасы мен екі хатшысы&nbsp;парламенттік оппозиция депутаттары арасынан&nbsp;сайланады.
Сонымен қатар, парламенттік оппозиция бір сессия кезінде кемінде бір рет&nbsp;парламенттік тыңдау өткізу жөнінде бастама көтеру&nbsp;құқығын иеленеді. Сондай-ақ бір сессия кезінде кемінде екі рет үкімет сағатының күн тәртібін айқындайтын болады.
Бұдан бөлек, саяси партиялар фракцияларының жетекшілеріне Парламент палаталарының бірлескен отырыстарында, Парламент Мәжілісінің пленарлық отырыстарында, тұрақты комитеттердің, жұмыс топтарының отырыстарында, парламенттік тыңдауларда және басқа іс-шараларда&nbsp;сөз сөйлеуге кепілді құқық&nbsp;беріледі.
Екінші.&nbsp;«Қазақстан Республикасындағы сайлау туралы» конституциялық заңда және «Саяси партиялар туралы» заңда қарастырылған ережелер бойынша&nbsp;парламенттік тәжірибемізде алғаш рет партиялық тізімге әйелдер мен жастар үшін&nbsp;30 пайыздық квота&nbsp;енгізілді. Бұл норма Парламентке және жергілікті өкілді органдарға әйелдер мен жастарды тартудың тиімді жолы ретінде олардың еліміздегі қоғамдық-саяси үдерістерге белсенді қатысуына септігін тигізеді.
Үшінші.&nbsp;Алдағы&nbsp;мәслихаттар&nbsp;сайлауы алғаш рет&nbsp;партиялық тізім&nbsp;бойынша өтеді.&nbsp;Пропорционалды модель әлемдік демократиялық тәжірибеге толық сай келеді, саяси жүйені нығайтуға, демократияны дамытуға ықпал етеді, саяси партиялардың жұмысын жандандырады.
Бұл жаңа бастамалар партияларға еліміздің саяси жүйесіндегі ұстанымын нығайту үшін қосымша мүмкіндіктер береді.
***
Коронавирус пандемиясы салдарынан туындаған күрделі экономикалық дағдарыс көптеген елді қамтыды, сондай-ақ, бүкіл әлемдік экономикаға кері әсер етті.
Қазіргі күрделі кезеңде Қазақстанның алдында дағдарысқа қарсы тиімді шаралар қабылдау, орнықты экономикалық дамуды және азаматтарымыздың әлеуметтік игілігін қамтамасыз ету, халықтың әл-ауқатын арттыру міндеті тұр.
Осы басымдықтар жөнінде менің Қазақстан халқына арнаған Жолдауымда айтылды.
Парламенттің және жергілікті өкілді органдардың жаңартылған құрамы еліміздегі әлеуметтік-экономикалық реформаларды сапалы әрі заңнамалық тұрғыдан қамтамасыз етуге баса мән береді.
Алдағы сайлау еліміздің саяси жүйесін жаңартуды қамтамасыз ететін саяси институттарды дәйекті түрде демократияландыруға және жаңғыртуға Қазақстанның аса ықыласты екенін тағы да бір дәлелдейтін болады.
Біздің ортақ миссиямыз – Қазақстанды өркендету, азаматтарымыздың игілігі үшін қызмет ету. Қазақстан халқы аса маңызды тарихи сындарлы сәттерде бір жеңнен қол, бір жағадан бас шығара білді. Халқымыз осы жолы да елімізді жан-жақты жаңғырту бағытындағы жаңа тарихи миссиясын лайықты атқарады деп сенемін. Тәуелсіздіктің 30 жылдығы қарсаңында еліміз кемелдене түсіп, дамудың жаңа кезеңіне шығатынымыз анық.
Мемлекетіміздің барлық азаматтарын белсенді азаматтық ұстанымын танытуға, Парламент Мәжілісінің және мәслихаттардың алдағы сайлауына ұйымшылдықпен қатысуға шақырамын.

Қасым-Жомарт Тоқаев үндеу жариялады

<a href="https://kyzylorda-news.kz/date/2020/10/21/">Kyzylorda-news.kz.</a> ҚР Президенті Қасым-Жомарт Тоқаев Парламенті Мәжілісі депутаттарының кезекті сайлауын тағайындау туралы Жарлыққа қол қойды, деп хабарлайды <a href="https://www.akorda.kz/kz/legal_acts/decrees/kazakstan-respublikasy-parlamenti-mazhilisi-deputattarynyn-kezekti-sailauyn-tagaiyndau-turaly">Ақорда.</a>
***
Қазақстан Республикасы Парламенті Мәжілісі депутаттарының кезекті сайлауын тағайындау туралы
Қазақстан Республикасы Конституциясының 44-бабының 2) тармақшасына, «Қазақстан Республикасындағы сайлау туралы» Қазақстан Республикасы Конституциялық заңының 85-бабына сәйкес ҚАУЛЫ ЕТЕМІН:
1. Партиялық тізімдер бойынша сайланатын Қазақстан Республикасы Парламенті Мәжілісі депутаттарының кезекті сайлауы 2021 жылғы 10 қаңтарға тағайындалсын.
2. Қазақстан халқы Ассамблеясы сайлайтын Қазақстан Республикасы Парламенті Мәжілісі депутаттарының кезекті сайлауы 2021 жылғы 11 қаңтарға тағайындалсын.
3. Қазақстан Республикасының Орталық сайлау комиссиясы Қазақстан Республикасы Парламенті Мәжілісі депутаттарының кезекті сайлауын дайындауды және өткізуді ұйымдастырсын.
4. Қазақстан Республикасының Үкіметі, Нұр-Сұлтан, Алматы, Шымкент қалаларының және облыстардың әкімдері Қазақстан Республикасы Парламенті Мәжілісі депутаттарының кезекті сайлауын ұйымдастырушылық, материалдық-техникалық және қаржылық қамтамасыз ету бойынша қажетті шараларды қабылдасын.
5. Осы Жарлық жарияланған күнінен бастап қолданысқа енгізіледі. Қазақстан Республикасының
Президенті Қ.Тоқаев
Нұр-Сұлтан, Ақорда, 2020 жылғы 21 қазан № 439

Мәжіліс депутаттарының кезекті сайлауы 2021 жылы 10 қаңтарда өтеді

<a href="https://kyzylorda-news.kz/date/2020/10/20/">Kyzylorda-news.kz</a>. «Қазгидромет» РМК Қызылорда облысы бойынша филиалы 21 қазанға арналған ауа райы болжамын жариялады.
Кәсіпорынның хабарлауынша күндіз 21 қазанда Қызылорда облысында оңтүстік-батыстан соғатын жел солтүстік-батысқа ауысады, күші кей жерлерде 15-20 м/с күтіледі.

Сәрсенбіге арналған ауа райы болжамы

<a href="http://Kyzylorda-news.kz.">Kyzylorda-news.kz</a> ақпараттық агенттігінің 21 қазанға арналған жұлдыз-жорамалы.
Тоқты
Есте қаларлықтай керемет күн. Егер сіз ғашық жанның бірі болсаңыз, онда күніңіз ерекше өтеді. Жеке өмірге қатысты шешім шығарар кезде тек ішкі түйсікке ғана жүгініңіз. Ол ешқашан сізді қапы қалдырмайды.
Торпақ
Қиындықтар мен мәселелерден қашып құтылу мүмкін емес. Дегенмен оларға бола уайымға салынудың қажеті жоқ. Қателіктерге бой алдырғанның өзінде, онан туындаған кикілжіңдер тез арада ұмытылып кетеді.
Егіздер
Егер табандылық танытсаңыз, өзіңіз ойлағаннан да көп табысқа жетесіз. Айналаңыздағы адамдар ақыл айтып шаршатуы мүмкін. Көбісі сіздің басыңыздағы проблеманы түсіне бермейді
Шаян
Бүгін сіз кез келген жанмен тіл табыса аласыз. Бұл сіздің жұмысыңыздың алға басуына көмектеседі. Жақын туыстарыңызға қатысты жағымды жаңалық естейсіз. Бұл жаңалық сізді қуантатын болады.
Арыстан
Бүгін айналаңыздағы адамдарға ұнауға тырысыңыз. Егер көпшілік сізді қолдайтын болса, жетістікке жетуге, мақсатқа қол жеткізуге болады. Сонымен қатар бүгін жанашыр дос болатын жанмен кездесесіз.
Бикеш
Өзіңізге де, айналаңыздағы жандарға да жақсылық жасай аласыз. Сіз әлсіздерге қамқор болып, күш көрсеткендердің сазайын тарттырасыз. Жақындарыңыз үшін өз шаруаңызды кейінге қалдыруыңыз да мүмкін.
Таразы
Бүгін аздап уайымға салынасыз. Басты мәселеңіз махаббат болмақ. Сүйікті адамыңызбен қарым-қатынасыңыз айтарлықтай жақсы болмауы мүмкін. Жеке өміріңізді өзгертуге тырысасыз. Жұмыста табысты боласыз.
Сарышаян
Асыққаныңыз жөн. Түске дейінгі уақытыңыз сәтті, әрі жемісті болмақ. Бұрынғы идеяларыңызды жүзеге асыратын кез келді. Түстен кейін жалқаулық басып, эмоцияға ерік бересіз. Бірақ жақындарыңыз көңіл-күйіңізді көтеруге тырысады.
Мерген
Қалауыңызға қол жеткізесіз. Бұрын қолыңыздан келмеген істі соңына дейін жеткізе аласыз. Бүгін жұмысқа қатысты ұсыныстар түсуі де мүмкін. Жеке өміріңіз бірқалыпты.
Тауешкі
Қиын тапсырмаларды орындауға қолайлы күн. Сіз қай істің маңызды, қайсысының айтарлықтай қажеті жоқ екенін анықтай аласыз. Соның арқасында жұмыста жолыңыз болады.
Суқұйғыш
Бұрын мүмкін емес деп ойлаған арманыңызға қол жеткізесіз. Бүгін ешқандай мәселе туындамайды. Кез келген кедергіні оңай еңсересіз. Табандылығыңыздың, күш-жігеріңіз бен тапқырлығыңыздың арқасында табысқа жетесіз.
Балықтар
Күніңіз қызықты өтеді. Бір орында тоқтап қалмаңыз. Жаңа іспен айналысудан қорықпаңыз. Ерекше жандармен танысып, өзіңізге пайдалы ақпараттарға қанық боласыз. Жалпы, бұл күн іш пыстырмайды.

Жұлдыздар не дейді?

<a href="https://kyzylorda-news.kz/date/2020/10/20/">Kyzylorda-news.kz.</a> Қазақстанда қарыз алушылар үшін кредиттік рақымшылық жасау туралы ұсыныс қолдау таппады. Бұл туралы Қазақстан премьер-министрі Асқар Маминнің “Халық коммунистері” фракциясы депутаттарының сауалына берген жауабында айтылды, деп хабарлайды&nbsp;<a href="https://sputnik.kz/app/article/%22%D0%9A%D1%80%D0%B5%D0%B4%D0%B8%D1%82%D1%82%D1%96%D0%BA%20%D1%80%D0%B0%D2%9B%D1%8B%D0%BC%D1%88%D1%8B%D0%BB%D1%8B%D2%9B%20%D0%B5%D0%BD%D0%B3%D1%96%D0%B7%D1%83%20%D1%82%D1%83%D1%80%D0%B0%D0%BB%D1%8B%20%D2%B1%D1%81%D1%8B%D0%BD%D1%8B%D1%81%20%D1%82%D1%96%D0%B7%D0%B1%D0%B5%D0%BA%D1%82%D1%96%20%D1%80%D0%B5%D0%B0%D0%BA%D1%86%D0%B8%D1%8F%D0%BD%D1%8B%20%D0%B6%D3%99%D0%BD%D0%B5%20%D0%B1%D0%B0%D1%80%D0%BB%D1%8B%D2%9B%20%D2%9B%D0%B0%D1%80%D1%8B%D0%B7%20%D0%B1%D0%BE%D0%B9%D1%8B%D0%BD%D1%88%D0%B0%20%D0%BC%D1%96%D0%BD%D0%B4%D0%B5%D1%82%D1%82%D0%B5%D0%BC%D0%B5%D0%BB%D0%B5%D1%80%D0%B4%D1%96%D2%A3%20%D0%B6%D0%B0%D0%BF%D0%BF%D0%B0%D0%B9%20%D0%BE%D1%80%D1%8B%D0%BD%D0%B4%D0%B0%D0%BB%D0%BC%D0%B0%D1%83%D1%8B%D0%BD%D0%B0%20%D3%99%D0%BA%D0%B5%D0%BB%D0%B5%D0%B4%D1%96.%20%D0%91%D2%B1%D0%BB%20%D0%B1%D0%B0%D0%BD%D0%BA%20%D0%B6%D2%AF%D0%B9%D0%B5%D1%81%D1%96%D0%BD%D1%96%D2%A3%20%D2%9B%D0%B0%D1%80%D0%B6%D1%8B%D0%BB%D1%8B%D2%9B%20%D1%82%D2%B1%D1%80%D0%B0%D2%9B%D1%82%D1%8B%D0%BB%D1%8B%D2%93%D1%8B%D0%BD%D0%B0%20%D0%B6%D3%99%D0%BD%D0%B5%20%D0%B1%D0%B0%D0%BD%D0%BA%20%D1%81%D0%B0%D0%BB%D1%8B%D0%BC%D1%88%D1%8B%D0%BB%D0%B0%D1%80%D1%8B%20%D0%BC%D0%B5%D0%BD%20%D0%B1%D0%B0%D1%81%D2%9B%D0%B0%20%D0%BA%D0%BB%D0%B8%D0%B5%D0%BD%D1%82%D1%82%D0%B5%D1%80%D1%96%20%D0%B0%D0%BB%D0%B4%D1%8B%D0%BD%D0%B4%D0%B0%D2%93%D1%8B%20%D0%B1%D0%B0%D0%BD%D0%BA%D1%82%D1%96%D2%A3%20%D3%A9%D0%B7%20%D0%BC%D1%96%D0%BD%D0%B4%D0%B5%D1%82%D1%82%D0%B5%D0%BC%D0%B5%D0%BB%D0%B5%D1%80%D1%96%D0%BD%20%D0%BE%D1%80%D1%8B%D0%BD%D0%B4%D0%B0%D1%83%D1%8B%D0%BD%D0%B0%20%D2%9B%D0%B0%D1%83%D1%96%D0%BF%20%D1%82%D3%A9%D0%BD%D0%B4%D1%96%D1%80%D0%B5%D0%B4%D1%96%22,%20-%20%D0%B4%D0%B5%D0%BB%D1%96%D0%BD%D0%B3%D0%B5%D0%BD%20%D0%9C%D0%B0%D0%BC%D0%B8%D0%BD%D0%BD%D1%96%D2%A3%20%D0%B4%D0%B5%D0%BF%D1%83%D1%82%D0%B0%D1%82%D1%82%D1%8B%D2%9B%20%D1%81%D0%B0%D1%83%D0%B0%D0%BB%D2%93%D0%B0%20%D0%B1%D0%B5%D1%80%D0%B3%D0%B5%D0%BD%20%D0%B6%D0%B0%D1%83%D0%B0%D0%B1%D1%8B%D0%BD%D0%B4%D0%B0">Sputnik Қазақстан</a>.
<blockquote>
 “Кредиттік рақымшылық енгізу туралы ұсыныс тізбекті реакцияны және барлық қарыз бойынша міндеттемелердің жаппай орындалмауына әкеледі. Бұл банк жүйесінің қаржылық тұрақтылығына және банк салымшылары мен басқа клиенттері алдындағы банктің өз міндеттемелерін орындауына қауіп төндіреді. Осыған байланысты бұл ұсыныс қолдау таппады”, – делінген үкімет басшысының жауабында.
</blockquote>
Мамин банктердің кредит беруі тартылған қаражат есебінен жүзеге асыратынын атап өтті. Банк қорының негізгі көзі – депозиттер, оның банк секторы міндеттемелері құрылымындағы үлесі – 78%.
Үкімет басшысы 2019 жылы президенттің тапсырмасымен қиын жағдайға тап болған қарыз алушылардың “кепілсіз тұтынушылық қарыздар бойынша берешекті 300 мың теңгеге дейін өтеу түрінде бұрын-соңды болмаған әлеуметтік көмек көрсетілгенін” еске салды.
<blockquote>
 “578 мың азаматтың 120 миллиард теңге кредит бойынша берешегі есептен шығарылды. Оның 52%-інің берешегі толық көлемде өтелді. Барлық кепілсіз тұтынушылық қарыздар бойынша қосымша 33,6 миллиард теңгеге 1,2 миллион азаматтың айыппұлдары есептен шығарылды”, – деп толықтырды Мамин.
</blockquote>
Айта кетейік, бұған дейін “Халық коммунистері” фракциясының депутаттары Қазақстанда “шектеу шараларына дейін салықты уақытылы төлеген, жұмыс орнын құрған, бірақ төтенше жағдай, карантин және локдаун енгізілуіне байланысты кредит төлеу бойынша қиын жағдайға тап болған” жеке және заңды тұлғалар үшін кең ауқымды кредиттік рақымшылық жасауды ұсынған болатын.

Қазақстандықтар кредитін кешіру ұсынылды – үкімет жауабы

<a href="https://kyzylorda-news.kz/date/2020/10/20/">Kyzylorda-news.kz.</a> Сыр елінде мектеп салу қарқыны жоғарылап келеді. Өңірде соңғы жылдары демографиялық өсімнің жоғары болуының нәтижесінде жаңа мөлтек аудандар бой көтеріп, мектепте баратын оқушылардың саны да артуда. Бұл сөзсіз жаңа мектеп құрылысын салуды қажет етеді.
Қызылорда облысы әкімі баспасөз қызметінің дерегінше аймақта биыл 2 жаңа мектеп пайдаланылуға берілді. Оның біреуі Қызылорда қаласындағы 600 орындық Жаппасбай батыр көшесіндегі жаңа мектеп. Білім нысаны жанынан ерекше балаларға арналған орталық ашылады. Ал, екінші жаңа мектеп Жалағаш ауданынан берілді. Типтік жобада салынған білім ордасы 140 орынға лайықталған. 
Мұнан бөлек, өңірде жыл басынан бері 4 мектептің құрылысы жүргізілуде. Оның ішінде Қызылорда қаласынан 600 орындық, Арал ауданы, Сексеуіл кентіндегі 300 орындық мектептер келесі жылы ел игілігіне бағытталмақ.
Жаңа мектептер салуда Сыр елінде мемлекеттік жеке-меншік әріптестік аясындағы жеке мектептердің үлесі ерек. Биыл Қызылорда қаласында 500 және 300 орындық 2 жеке мектептің құрылысы жүргізілуде.
Айта кетейік, аймақта 300 білім беру ошағы бар. Оның 293-і мемлекеттік, 7-уі жеке мектеп үлесінде.
<img src="https://kyzylorda-news.kz/wp-content/uploads/2020/10/4ada6a2b8bc9213488a324d36683515e_original.297752.jpg" alt="" />

Қызылордада 6 мектептің құрылысы жүріп жатыр

<a href="https://kyzylorda-news.kz/date/2020/10/20/">Kyzylorda-news.kz</a>. Қызылорда облысы аумағында «Браконьер» жедел профилактикалық шарасы өтуде.&nbsp;
Жеті күннің нәтижесімен табиғат қорғау заңнамаларын бұзудың&nbsp; 59 дерегі тіркелді. Оның 1-уі қылмыстық және 58 әкімшілік құқық бұзушылықтар.
Жануарлар дүниесiн пайдалану талаптарын және аң аулау қағидаларын бұзудың 28 дерегі, балық аулау және балық ресурстары мен басқа да су жануарларын қорғау қағидаларын бұзудың 6 дерегі тіркелді. Олар бойынша тиісті заң шеңберінде тиісті шаралар қолданылуда.
Браконьерлікті, биологиялық ресурстар объектілерінің заңсыз айналымын анықтау, жолын кесу мақсатында өткізіліп жатқан іс-шара 11 қарашаға дейін жалғасады.

Қызылордада 59 рет табиғатты қорғау заңнамасы бұзылған

<a href="http://kyzylorda-news.kz./">Kyzylorda-news.kz</a>. Биыл Сырдария ауданының шаруалары 33,1 мың гектарға егін екті. Оның ішінде, 21,1 мың гектары күріш дақылы.
Аудан дихандары орта есеппен әр гектарынан 63,5 центнерден өнім алынып, барлығы 134,2 мың тонна Сыр маржаны жиналды. Сондай-ақ Сырдариялық шарулар 1752 гектар жаздық бидай, 92 гектар арпа, 54 гектар мақсары, 10 гектар сүрлем жүгері, 2441 гектар жаңа жоңышқа, 6815 гектар жерге ескі жоңышқа екті.

Сырдариялық дихандар гектарына 63 центнерден өнім алды

<a href="http://kyzylorda-news.kz./">Kyzylorda-news.kz</a>. Мемлекеттік сатып алу конкурсында бармақ басты, көз қысты әрекеттер жүрмейді. Бұл туралы Қызылорда қала әкімідігінің баспасөз орталығында өткен брифингте қалалық тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімінің басшысы Біржан Далабаев осылай мәлімдеді.
Мемлекеттік сатып алу конкурсы арқылы өткізілетін жобаларды жүзеге асырудағы мәселер және жұмыстар барысындағы сыни ескертпелер турасында баяндама жасаған бөлім басшысы әлеуметтік желілерде жаяу жүргінші жолдарына қатысты сыни пікірлердің айтылып жүргенін, жұмыстың соңын күтпей сапасына күмән келтіретін азаматтардың барын айтып, қала әкімідігі бұл пікірлерді ұдайы ескеріп, одан оң нәтиже шығару үшін шұғыл жұмыстар атқарып келе жатқанын да алға тартты. Сондай-ақ жаяу жүргінші жолдарының құрылысы қазан айының соңына дейін толығымен аяқталатынын жеткізді.
Сонымен бірге аталған жұмыстарды орындауды жауапкершілікке алған мекемелердің басым бөлігі «Жұмыспен қамту жол картасы» арқылы конкурста жеңімпаз болған, тәжірибесі аз мекемелер екенін атап өтті. Жол жөндеу жұмыстарына қажетті материалдық-техникалық базасы жоқ мемекелердің жұмысқа араласуы көптеген іске қол байлау болғанын да жасырмады.
<blockquote>
 «Жұмыспен қамту жол картасы» мемлекеттік бағдарламасы арқылы сатып алу конкурсына қатысушылардың біліктілік талабы қаржылық орнықтылығы мен мүмкіншілігі яғни салық қарызы болмауы мен төлей алуына қарай сараланған. Жұмыс өнімділігінің төмендеп, міндеттелген жұмыстың уақытылы аяқталмауы материалдық және еңбек ресурстары жоқ мекемелердің іске араласуының салдары» – дейді, бөлім басшысы Біржан Далабаев.
</blockquote>
<img src="https://kyzylorda-news.kz/wp-content/uploads/2020/10/122155100_2687426808190727_5384769141570149737_o.jpg" alt="" />

Біржан Далабаев: Бармақ басты, көз қысты әрекеттер жүрмейді

<a href="http://kyzylorda-news.kz./">Kyzylorda-news.kz</a>. Сырдарияда ұн өндіру комбинаты іске қосылады. Бұл туралы Өңірлік коммуникациялар қызметінің баспасөз алаңында өткен брифингте Сырдария ауданының әкімі Талғат Дүйсебаев айтты.
Инвестициялық жоба Қызылорда облысының 2023 жылға дейінгі экономикалық даму жоспарының негізінде бекітілген. Жоба инвесторы – «Аққұм Жер» ЖШС. Құны 80 млн. теңгені құрайды. Қуаттылығы – тәулігіне 60 тонна ұн өндіру. Комбинат іске қосылғанда 25 адам тұрақты жұмыспен қамтылады.
<img src="https://kyzylorda-news.kz/wp-content/uploads/2020/10/122041663_1145187285876782_2839178725516437406_o.jpg" alt="" />
“Жастар бригадалары” құрылады
Сырдария ауданының 7 елді мекенінде «Жастар бригадалары» құрылды. Негізгі мақсат ауылда жұмыссыз жастардың санын азайту. Бригада Айдарлы, Шіркейлі, Тоқмағамбетов, Ақжарма, Бесарық, Шаған және Ілиясов ауылдарында құрылды. 72 жас жұмыспен қамтылды. Инвесторлар жұмысшы жастарға айына 60-90 мың теңге еңбекақы төлеуде. Сондай-ақ, жастардың кәсіппен шұғылдануына «Тереңөзек жастары» қоғамдық қоры құрылып, қолдау көрсетуде. Аталған қор арқылы өз кәсібін бастағысы келген 22 жасқа мемлекеттік грантқа қатысу үшін 3,6 млн. теңге берілді.
42 отбасы баспаналы болады
Биыл Сырдария ауданы Тереңөзек кентінде көпқабатты қос тұрғын салынуда. Жалпы 42 пәтері бар. Құрылысы тамыз айында басталды. Бас мердігері – «НұрТалап және К» ЖШС. Тұрғын үйлер жобасына 466 млн. 195 мың теңге қаржы бөлінген.Құрылыс жұмыстары «Жұмыспен қамту жол картасы» мемлекеттік бағдарламасы аясында жүргізілуде. Ауданда 116 адам жұмыспен қамтылып, оның 58-і жұмыспен қамту бөлімі арқылы алынған. Кентте кезекте тұрған 520 отбасының 42-і баспаналы болады.
<img src="https://kyzylorda-news.kz/wp-content/uploads/2020/10/122160152_1145174155878095_8196729724478376648_o.jpg" alt="" />
Жол жөндеуге 2,7 миллиард теңге бөлінді
Сырдария ауданының жолын жөндеуге биыл республикалық және жергілікті бюджеттен барлығы 2,7 млрд. теңге қаржы бөлінді.Нәтижесінде аудандық маңызы бар жолдар мен елді мекен көшелерінің 70 шақырымы, яғни 46 көше жөндеуден өткізілуде. 2019 жылдың 1 қаңтарына жергілікті маңызы бар автомобиль жолдарының 74 пайызы жақсы және қанағаттанарлық жағдайда болса, биылғы жылы 80 пайыз болды. 2021 жылы бұл көрсеткішті 92 пайызға жеткізу жоспарда бар. Бүгінгі таңда көшелерді жөндеуге байланысты 1,6 млрд.теңге көлемінде дайындалған 19 жоба бар.
<img src="https://kyzylorda-news.kz/wp-content/uploads/2020/10/122150171_1145161962545981_4977111002589003005_o.jpg" alt="" />
Сырдарияда ауыз су толықтай шешілген
Сырдария ауданында елді мекендерді тәулік бойы таза ауыз сумен қамтамасыз ету мәселесі толықтай шешілген. Тек Жетікөл ауылында су сағаттап берілетін. Ауылды таза ауыз сумен қамту «Жұмыспен қамту жол картасы» мемлекеттік бағдарламасы аясында шешімін тапты. Облыстық бюджеттен 144 млн. теңге қаржы бөлінді. Ауылда 152 тұрғын үй бар. Бағдарлама бойынша 18 жұмыс орны ашылды.

Талғат Дүйсебаев: Ұн өндіру комбинаты іске қосылады

<a href="http://kyzylorda-news.kz./">Kyzylorda-news.kz</a>. ҚР БҒМ жоғары және жоғары оқу орнынан кейінгі білім беру департаментінің директоры Әділет Тойбаев 2020-2021 оқу жылында ЖОО оқытушыларының жалақысының өсуі туралы айтты, деп хабарлайды&nbsp;<a href="https://stan.kz/">Stan.kz</a>.
<blockquote>
 “Жалақының өсуін ұлттық жоғары оқу орындарынан көруге болады. Абай атындағы Қазақ ұлттық педагогикалық университеті (ҚазҰПУ) шілде-тамыз айларында жалақы&nbsp;48%-ға өседі деп&nbsp;жоспарлаған. Іс жүзінде жалақы бүкіл университет бойынша 55% -ға өсті. Орташа жалақы 284 424 теңгені құрады”, – деді ол білім министрлігінің аппарат мәжілісінде.
</blockquote>
Гумилев атындағы Еуразия ұлттық университетінде оқытушылардың жалақысын 20% -ға көтеру жоспарланған болатын, нәтижесінде олар 19% -ға өсті. Ағымдағы оқу жылында жалақы мөлшері 302 079 теңгені құрайды.
Әл-Фараби атындағы Қазақ ұлттық университетінде (ҚазҰУ) олар оны 10% -ға көтеруді жоспарлап, нәтижесінде 14% -ға ұлғайтылды. Орташа жалақы 247 829 теңгені құрады.
Қыздар педагогикалық университетінде жалақы 31% -ға арттыруды жоспарлады, нәтижесінде олар 23% -ға өсті. Мұндағы орташа жалақы 209 051 теңгені құрады.

2021 жылы ЖОО оқытушылары қанша жалақы алады?

<a href="https://kyzylorda-news.kz/">Kyzylorda-news.kz.</a> Синоптиктер 2020 жылдың қарашасы мен 2021 жылдың наурызы аралығында Қазақстанға арналған ауа райы болжамын жариялады деп хабарлайды «Қазгидромет» РМК.
Республиканың солтүстігінде, шығысында және орталығында қараша айының бірінші жартысында қысқы ауа райы басталады деп болжануда. Қараша айында жауын-шашын (негізінен қар), бұрқасындаған жел, сондай-ақ көктайғақ пен тұман болады. Айдың бірінші жартысының ең суық күндері термометр түнде -10 …- 23 ° С дейін, күндіз -2 …- 10 ° С дейін төмендейді.
Үшінші онкүндікте суық толқындар күштірек деп есептеледі.&nbsp;&nbsp;+5 … + 12 ° С дейін жылылықы көрсетеді.&nbsp;Еліміздің оңтүстік жартысында айдың екінші жартысында жауын-шашын болады (жаңбыр, қар жауады), таулы аймақтарда ерте жауын-шашын түсуі&nbsp;мүмкін. Бұл кезде температура фоны түнде -5 …- 12 ° С дейін, күндіз -1 … + 5 ° С дейін төмендейді.
Еліміздің оңтүстігінде ең жылы күндері&nbsp;+12 … + 20 ° С-қа дейін жылынады. Бір айда, әсіресе, елдің солтүстік жартысында жылы ауа райы аязды күндерге жиі ауысады. Осылайша, Қазақстанның басым бөлігінде ауа температурасы нормадан жоғары болады деп күтілуде, республиканың солтүстік-батыс жартысында – нормадан 1 ° С жоғары, оңтүстікте, оңтүстік-шығыста және шығыстағы таулы және тау бөктерінде – 1 ° С төмен.
Жауын-шашын мөлшері Қазақстан Республикасының басым бөлігінде нормадан жоғары болады деп күтілуде, елдің солтүстік-шығыс жартысында және республиканың оңтүстік-шығыс бөлігіндегі таулы, тау бөктеріндегі аудандарда – нормадан көп, республиканың оңтүстік-батыс жартысында нормадан төмен болады.
Ұзақ мерзімді мәліметтерге сәйкес, солтүстік және шығыс облыстарда қарашаның ортасына қарай; Қазақстанның орталық бөлігінде қарашаның екінші жартысында; елдің батысында және оңтүстік-шығысында қарашаның аяғында және желтоқсанның бірінші жартысында; республиканың оңтүстігі мен оңтүстік-батысында одан да кеш – желтоқсанның үшінші онкүндігінде жер бетін қар жауып жатады.
Метеорологтардің айтуынша, 2020-2021 жылдардағы қыс өткен қыстағыдай болады деп болжанды. Көктемнің басы жылы болады және жауын-шашын аз болады деп күтілуде. Ауаның орташа айлық температурасы Қазақстан аумағының басым бөлігінде нормадан 1-2 ° С жоғары болады деп болжануда.

Қазақстан және Қызылорда облысының жаңалықтары