<a href="https://kyzylorda-news.kz/">Kyzylorda-news.kz.</a> 42 500 теңге төлем туралы 11 мамырға дейінгі тапсырылған өтініш міндетті түрде қаралып, ережеге сәйкес болса тағайындалып, төленетін болады. Бұл туралы Орталық коммуникациялар қызметінде өткен онлайн брифингіде айтылды, деп хабарлайды <a href="https://lenta.inform.kz/kz/42-500-tengelik-tolemge-katysty-otinish-kabyldau-toktatyldy_a3648397">ҚазАқпарат.</a>
<blockquote>
 «42 500 теңге төлем – төтенше жағдай режиміндегі шектеулерге қатысты жұмыс істеп жүрген азаматтардың табысынан, жалақысынан айырылған жағдайда төленеді. Осы күнге дейін барлығы 4 млн 539 мың адамға осы төлем тағайындалып, төленді. Оның жалпы сомасы 193 млрд теңге. Оның ішінде осы төтенше жағдайдың бірінші айында, яғни 16 сәуірге дейін 3 млн 735 мың адам өтініш берген. Осы адамдар екінші айға да төлем алуға құқылы. Мамыр айының басында ол төлемдерді іске асыра бастадық», – дейді ҚР Еңбек және халықты әлеуметтік қорғау министрі Біржан Нұрымбетов.
</blockquote>
Оның айтуынша, 5-6 мамыр күндері 2 млн-ға жуық адамға төлем рәсімделген.
<blockquote>
 «Бұл төлем қалғандарына да берілетін болады. 11 мамырда төтенше жағдай режимі аяқталды, сондықтан бүгіннен бастап 42 500 теңгеге қатысты өтініштерді қабылдауды тоқтатамыз. Ал 11 мамырға дейінгі өткізілген өтініштер міндетті түрде қаралып, ережеге сәйкес болса тағайындалып, төленетін болады», – дейді ол.
</blockquote>

42 500 теңгелік төлемге қатысты өтініш қабылдау тоқтатылды

<a href="https://kyzylorda-news.kz/">Kyzylorda-news.kz.</a> Қызылорда облысы бас санитарлық дәрігерінің 10 мамырда №12 қаулысы шықты. Қаулыға сай Төтенше жағдайлардың алдын алу және оларды жою жөніндегі облыстық комиссия 11 мамырдан бастап кезең-кезеңімен жұмыс жасауға рұқсат берілетін салалардың және ұйымдардың тізімін бекітті.
Тізімге сай, 11 мамырдан бастап төмендегі нысандар жұмыс жасайды:
1. Бөлек тұрған азық-түлік емес тауарларды сататын дүкендер (сағат 10.00-ден 17.00-ге дейін);
2. Отырғызу орындардың санына сәйкес шектеулермен қоғамдық көліктер (сағат 07.00-ден 21.00-ге дейін);
3. Қоғамдық моншалар (сағат 10.00-ден 20.00-ге дейін), бір мезетте:
– көлемі 100 шаршы метрге дейін 5 адамнан артық емес;
– көлемі 100 шаршы метрден жоғары 20 адамнан артық емес.
4. Мәдениет нысандарының жұмысы (көрермендердің қатысуынсыз 30 жұмысшыдан аспауы тиіс);
5. Спорт нысандарының жұмысы (спортшылардың жаттығуы 30 адамнан аспауы тиіс);
6. Сағат жөндеу шеберханалары, химиялық тазалау, фотосалондар, жарнамалық агенттіктер, сондай-ақ сұлулық салондары (барлық қызмет түрлері) (сағат 10.00-ден 17.00-ге дейін);
7. Мал базарлары (сәрсенбі және сенбі күндері, сағат 04.00-ден 09.00-ге дейін);
8. Құрылыс материалдары базарлары (сағат 10.00-ден 18.00-ге дейін);
9. Жұмыспен қамту орталықтары (сағат 10.00-ден 18.00-ге дейін).
18 мамырдан бастап:
1. Балабақшалардың кезекші топтары;
2. Мәдениет нысандарының жұмысы (көрермендердің қатысуынсыз 50 адамнан аспауы тиіс);
3. Спорт нысандарының жұмысы (спортшылардың жаттығуы 50 адамнан аспауы тиіс);
4. Халыққа қызмет көрсету орталықтары (алдын ала жазылу бойынша сағат 10.00-ден, 17.00-ге дейін) жұмыс жасайды.
25 мамырдан бастап:
1. Қонақ үй кешендері, отелдер;
2. Сауда ойын-сауық орталықтары (футкорттар, балалардың ойын алаңдары мен кинотеатрлардан басқа);
3. Балалар түзету (коррекции) кабинеттері (сағат 10.00-ден 17.00-ге дейін);
4. Ломбардтар (сағат 10.00-ден 17.00-ге дейін) жұмысын жүргізе алады.

Қызылорда: 11 мамырдан бастап қандай кәсіпкерлік нысандары жұмысын бастайды?

<a href="https://kyzylorda-news.kz/">Kyzylorda-news.kz.</a> Қазақстандағы допингке қарсы ұлттық орталықтың ресми сайты тыйым салынған дәрі-дәрмектерді қолданған және жарыстан шеттетілген спортшылардың тізімін жариялады, деп хабарлайды&nbsp;<a href="https://olympic.kz/kk">Olympic.kz</a>.
2020 жылдың басынан бері тыйым салынған дәрі-дәрмектер пайдаланған 11 атлет ұсталды. Оның ішінде 2012 жылғы Лондон Олимпиадасының қола жүлдегері, ауыр атлет Анна Нұрмұхамбетова да бар. Оның сынамасынан тыйым салынған анаболикалық стериод Туринабол (Орал) табылып, спортшы төрт жылға жарыстан шеттетілді.
Сондай-ақ, шаңғышы Алексей Полтаранинге қатысты шешім қабылданды. Ол 01.03.2019 жылдан 01.03.2023 жылға дейін үлкен спорттан сырт қалады.
Допингке қарсы ережелерді бұзған спортшылар қатарында Азия ойындарының қатысушысы Любовь Ушакова, 2019 жылғы Азия чемпионатының екі мәрте жүлдегері, тректегі велоспорттан Гран-при турнирінің жүлдегері Роман Василенков, волейболдан Қазақстан командасының мүшесі Антон Кузнецов және хоккейші Владислав Никифиров бар.
Олардың барлығы екі жылдан төрт жылға дейін спорттан шеттетілді.

Қазақстандық 6 спортшы спорттан шеттетілді

<a href="https://kyzylorda-news.kz/">Kyzylorda-news.kz.</a> Қазақстанда алаяқтар халықты алдаудың тағы бір тәсілін тапқан. Бұл жолы олар мессенджерлер арқылы&nbsp;«Ақшаңды төрт еселеу», «Тез табысқа жету» сынды чаттар ашып аңқау адамдарды өз қармақтарына түсіруде, деп хабарлайды.&nbsp;
<blockquote>
 «Түк жоқ.&nbsp;Жиырма төртінші желтоқсанда 20 мың салғанмын. Түбіртегі қолымда. Сендім де, салып жібердім. Чатқа жаздым да, талай жеріне, қарағым ау, сонда мына халықты, қарт адамдарды алдай беруге рұқсат па? Бұл қалай?!», – дейді жапа шеккен зейнеткер.
</blockquote>
Ол секілді алданғандар саны көп. Ең сорақысы, олар өздері алданғанымен қоймай, ақшаларын кері қайтару үшін өздерінің жақындарын да өздерімен бірге тартуға тырысыды.&nbsp;
Заңды рұқсаттары жоқ мұндай желідегі топ басшыларының әрекеттері қаржы пирамидалардың жұмысына ұқсайды. Әрбір жаңадан қосылған адам өзімен бірге төрт адам алып келуі тиіс. Алайда олардың тек алдыңғылары ғана ақшаға кенеліп, қалғандары бармақ шайнап қалады.&nbsp;
<blockquote>
 «Қаржы дағдарысы басталған кезде елдің, халықтың жағдайы нашарлай бастаған кезде, бұндай алаяқтық жолмен ақша табатын азаматтардың қатары артады. Сондықтан да енді бірден айту керек, бұл жерде түсінікті жағдай, ақшаны беріп жатқан кезде, ол «екі есе, үш есе қайтарып береміз» деген сөз болса, демек, одан міндетті түрде сақтанған дұрыс», – дейді экономист Мақсат Халық.
</blockquote>
Құқық қорғаушы органдары осындай чаттарды қадағалауға кіріскеніндерін айтады. Кінәлі деп табылғандар міндетті түрде жазаланады деп сендірді олар.
<a href="https://www.ktk.kz/kz/news/video/2020/05/08/147770/">ktk.kz</a>

«20 мың салсаң, 80 мың теңге аласың»: Елімізде WhatsApp алаяқтарының құрбандары көбеюде

<a href="https://kyzylorda-news.kz/">Kyzylorda-news.kz</a>. Елімізде төтенше жағдай режимі аяқталды деген жаңалықты естіп куанып қалғанымыз рас. Мемлекет басшысы Қасым-Жомарт Тоқаев бүгін Төтенше жағдай режимін қамтамасыз ету жөніндегі мемлекеттік комиссияның қорытынды отырысында індеттің шарықтау шегінен өткенімізді айтты.
Алайда бұл пандемияның әлі де болса қауіпті екені, оның түбегейлі жойылмағаны көңілді алаңдатады. Сондықтан Президенттің тапсырмасына сәйкес, карантиндік шаралар әр өңірде әрқалай жалғасады.
Мемлекет басшысы отырыста елімізде көптеген тұрғындарға көмек көрсетіліп жатқанын, бұл алдағы күндері де жалғаса беретіндігін жеткізді.
Ешкім де назардан тыс қалмайтынын мәлімдеді.
Сондай-ақ, Түркістан облысындағы апатқа байланысты да атқарылып жатқан шараларға тоқталды.
Шынын айту керек, Президент Қасым-Жомарт Кемелұлының бүгінгі мәлімдемесі көңілге сенім ұялатты.
«Сақтықта қорлық жоқ» демекші, әзірге кім-кімде болмасын сақтанып жүргені абзал. Себебі бұл індет әлі де таралуын тоқтатқан жоқ. Барлығымыз естп-біліп отырғандай, күн сайын науқастардың саны артып келеді. Дегенмен, барлығы жақын арада аяқталып, халық бұрынғыдай жайма-шуақ күндерге жетіп, өз істеріне бейқам кірісетін уақыт та жетер.
Президент бүгінгі Төтенше жағдай режимін қамтамасыз ету жөніндегі мемлекеттік комиссияның қорытынды отырысында көптеген шектеулер алынып тасталғанын, біршама кәсіпкерлік нысандар жұмысын бастап, саябақтар ашылағанын айтты.
Осы орайда, басты байлық денсаулық екенін ескеріп, сақтық шараларын естен шығармауға шақырамын. Күнделікті вирустарға қарсы құралдарды пайдаланып, өз денсаулығымызды өзіміз қадағалай білейік.
Бахытжан САЙЛЫБАЕВ,
облыстық қоғамдық кеңес төрағасы.
М.Мәметова атындағы Қызылорда педагогикалық жоғары колледжінің директоры

Бахытжан Сайлыбаев: Мемлекет басшысы елдің көкейіндегі сауалдарына нақты жауап берді

<a href="https://kyzylorda-news.kz/">Kyzylorda-news.kz</a>. Бүгін Мемлекет басшысы Қасым-Жомарт Тоқаев бүгін Төтенше жағдай режимін қамтамасыз ету жөніндегі мемлекеттік комиссияның қорытынды отырысын өткізді.
«Бүкіл ел аумағындағы төтенше жағдай режимі аяқталды. Алайда, кейбір аймақтарда дерттің таралуы бәсеңдемей отыр. Індет толығымен жойылып кеткен жоқ. Пандемия халықтың денсаулығына әлі де қауіпті. Сондықтан карантиндік шектеулер әр өңірдегі жағдайдың жақсаруына қарай біртіндеп алынады», деді Мемлекет басшысы Қасым-Жомарт Тоқаев аталған отырыста.
Расымен елдің дәл қазіргі жағдайында асығыс шешім қабылдауға болмайды. Себебі өңірлердегі жағдай әр түрлі. Бұл біздің өз денсаулығымыз үшін аса маңызды.
Сонымен қатар, кеше Қызылорда облысында да бас санитардың №12 қаулысы шықты. Аталған құжатта өңірде карантин режимі біраз жеңілдетілген және бұл кезең-кезеңімен жеңілдетіле беретіні айтылған. Халыққа қажетті деген қоғамдық орындар мен кәсіпкерлік нысандарының ашылуына рұқсат етілді. Ал ойын-сауық орталықтарына баруды біздің жағдайымызда тоқтата тұрғанымыз абзал. Себебі, тұрғындардың өмірі мен денсаулығы маңызды.
Елімізде төтенше жағдай аяқталды екен деп босаңсуға болмайды. Біз қайткенде де сақтық шараларын әлсіретіп алмауымыз қажет. Өйткені, індет қаупі толықтай сейілген жоқ. Әрдайым бетперде тағынып, антисептикалық құралдарды пайдаланып, қоғамдық орындарда белгіленген тәртіпті ұстануымыз керек. Сонымен қатар, мүмкіндігінше үйде болайық. «Күннің жаманы кетер» демекші, жағымды жаңалықтар көп болсын.
Қылышбай БИСЕНОВ,
облыстық мәслихат хатшысы.

Қылышбай Бисенов: Төтенше жағдай аяқталды деп босаңсуға болмайды

<a href="https://kyzylorda-news.kz/">Kyzylorda-news.kz.</a> «Бүгін бүкіл ел аумағындағы төтенше жағдай режимі аяқталды». Бұл туралы ҚР Президенті Қасым-Жомарт Тоқаев Төтенше жағдай режимін қамтамасыз ету жөніндегі мемлекеттік комиссияның қорытынды отырысында айтты, деп хабарлады Берік Уәли&nbsp;<a href="https://www.facebook.com/100003403233694/posts/2810888732367874/?d=n">Facebook-тегі парақшасында.</a>
<blockquote>
 «Бүгін бүкіл ел аумағындағы төтенше жағдай режимі аяқталды. Алайда, кейбір аймақтарда дерттің таралуы бәсеңдемей отыр. Індет толығымен жойылып кеткен жоқ. Пандемия халықтың денсаулығына әлі де қауіпті. Сондықтан карантиндік шектеулер әр өңірдегі жағдайдың жақсаруына қарай біртіндеп алынады», – деді Мемлекет басшысы.
</blockquote>

Президент: Елімізде төтенше жағдай режимі аяқталды, бірақ карантиндік шектеулер біртіндеп алынады

Мемлекет басшысы Қасым-Жомарт Тоқаевтың Төтенше жағдай режимін қамтамасыз ету жөніндегі мемлекеттік комиссияның қорытынды отырысында сөйлеген сөзі

<a href="https://kyzylorda-news.kz/">Kyzylorda-news.kz.</a> Қызылорда облысы аумағында заңсыз балық аулаған&nbsp;тұрғын&nbsp;ұсталды.
Сәуір айының 1 мен 31 мамыр күндері аралығында облыс көлемінде «Уылдырық»&nbsp;жедел-профилактикалық іс-шарасы өтіп жатыр. Іс-шараға арнайы мобильдік топ құрылып, жұмылдырылды.
Шара барысында 9 мамырда Арал АПбЖПҚБ-ның табиғат қорғау полиция тобының&nbsp;қызметкерлерімен Арал ауданы Қаратерең ауылының тұрғыны «Ақлақ» су бөгетінде заңсыз балық аулап жүрген жерінен ұсталды.​
<blockquote>
 Ұсталған тұрғыннан&nbsp;резеңке қайық, ау және 254&nbsp;кг-нан астам балық алынды. &nbsp;​«Аталған дерек бойынша ҚР Қылмыстық кодексінің 335-бабының 1-бөлігімен (балық ресурстарын заңсыз алу)&nbsp;тергеп-тексеру амалдары жүргізіліп жатыр. Қызылорда облысының Полиция департаменті аң, балық аулау және ағаштар мен бұталарды кесу талаптарын бұзу, қоршаған ортаға елеулі зиян келтіру әрекеттері Қазақстан Республикасының заңнамасына сәйкес әкімшілік және қылмыстық жауапкершілікке тартуға әкеліп соқтыратынын ескертеді», – деп хабарлады облыстық Полиция департаментінің баспасөз қызметі.
</blockquote>
<img src="https://kyzylorda-news.kz/wp-content/uploads/2020/05/02-17.jpg" alt="" />

Қызылордада ірі мөлшерде заңсыз балық аулаған тұрғын ұсталды

<a href="https://kyzylorda-news.kz/">Kyzylorda-news.kz.</a> ҚР ДСМ Ұлттық денсаулық сақтау орталығының директоры Дамир Көпжасаров күздің&nbsp;екінші жартысында ауру деңгейінің екінші толқыны жүретіні болжанып отырғанын атап өтті.
<blockquote>
 «Вирустың бар екенін халық есте сақтауы керек. Бұл вирус тек біздің елде ғана емес, басқа бірде бір елде жойылған жоқ. Бұл аурудың белгісіз тасымалдаушысы бар. Ол ерте ме, кеш пе инфекцияны қабылдаушы азғаға жіберіп, адамды ауруға шалдықтырады», – деді ҰЭМ директоры.&nbsp;
</blockquote>
Соған қарамастан, қазіргі уақытта Қазақстанда коронавирустық инфекциялардың төмендеуі байқалады.
<blockquote>
 «Жақында ауру жұқтырушыдан&nbsp;гөрі емделіп шыққан адамдар көп болады», – деп қосты Дамир Көпжасаров.
</blockquote>

Қазақстанда коронавирустың екінші толқыны қашан болатыны анықталды

<a href="https://kyzylorda-news.kz/">Kyzylorda-news.kz</a>. 2014 жылдан бері құрастырылған&nbsp;Samsung смартфондарының оңай бұғаттауға болатын кемшілігі бар екені анықталды, деп хабарлайды&nbsp;<a href="https://stan.kz/">Stan.kz</a>.&nbsp;
Бұл туралы қауіпсіздік сарапшысы&nbsp;Матеуш&nbsp;Юрчик мәлімдеді.&nbsp;
Оның сөзінше, кореялық ұйым әзірлейтін смартфондардың&nbsp;ең осал тұсы&nbsp;Skia графикалық қосымшасы арқылы суреттерді өңдеген кезде байқалған. Хаккерлер мұны пайдаланып ұялы телефондарды оңай бұғаттай алады екен. Осылайша олар&nbsp;телефоныңыздағы сізге қатысты барлық ақпаратқа оңай қол жеткізіп, тіпті, сіздің құрылғыңызды өзінің бақылауына алу мүмкіндігін иеленеді.&nbsp;
Юрчик бұл кемшілік 2014 жылдан бері құрастырылған барлық Samsung смартфондарына қатысты екенін айтады. Бұл Android жүйесінің суреттің жаңа форматы енгізілгеніне байланысты дейді ол.&nbsp;
Қазіргі таңда ұйым басшылығы жіберген қателіктерін түзеп, жаңа бағдарлама әзірлепті. Алайда жаңа бағдарламаны жүктеп үлгермегендердің саны беймәлім.

Samsung телефондарын оңай бұғаттауға болатыны анықталды

<a href="https://kyzylorda-news.kz/">Kyzylorda-news.kz.</a> Қызылорда облысында карантин режимі ұзартылды. Бұл шешім Қызылорда облысының Бас мемлекеттік санитарлық дәрігерінің №12 қаулысы негізінде жүзеге асады.
Ол аймақта коронавирус инфекциясының таралуының алдын алу және халықтың қауіпсіздігін қамтамасыз ету мақсатында қолға алынып отыр. Облыстың бас мемлекеттік санитарлық дәрігерінің қаулысы негізінде 3 сәуірден бастап енгізілген шектеу шаралары, оның ішінде эпидемиологиялық жағдай тұрақтанғанға дейін карантин уақыты ұзартылды.
Шектеу шараларын жеңілдетудің үш кезеңі жарияланды. Бірінші кезеңде, 11 мамырдан бастап, жұмыс істеуге рұқсат берілді. Алғашқы кезекте шектеулі уақыт бойынша бөлек тұрған азық-түлік емес тауарларды сататын дүкендерге рұқсат етілді. Отырғызу орындардың санына сәйкес уақыт шектеуі бойынша қоғамдық көліктер сағат 07:00-ден 21:00-ге дейін қатынай алады. Ал қоғамдық моншаларға шектеулі уақыт бойынша көпшілікті қабылдай алады. Сондай-ақ, шектеулі уақыт бойынша 30 адамнан аспайтын мәдениет және спорт нысандарының жұмысына рұқсат беріледі. Оған қоса сағат жөндеу шеберханаларына, химиялық тазалауға, фотосалондарға, жарнамалық агенттіктерге, сондай-ақ сұлулық салондарына, мал базарларына құрылыс материалдары базарларына жұмыспен қамту орталықтарына рұқсат етіледі.
Ал екінші кезең 18 мамырдан басталады. Бұл уақытта балабақшалардың кезекші топтарына, көрермендердің қатысуынсыз 50 жұмысшыдан аспайтын мәдениет және спорт нысандарының, алдын ала жазылу негізінде шектеулі уақытпен халыққа қызмет көрсету орталықтарының жұмысы жүргізіледі. Ал 25 мамырдан басталатын үшінші кезеңде қонақ үй кешендеріне, отельдерге, сауда ойын-сауық орталықтарына рұқсат етіледі.
Қвзірге дейін Қызылорда облысында&nbsp;230 адам коронавирустық инфекцияға шалдықса, оның ішінде, 161 адам қатерлі індеттен сауығып шықты.

Қазақстан және Қызылорда облысының жаңалықтары