<a href="https://kyzylorda-news.kz/">Kyzylorda-news.kz.</a> Барлық алты саяси партияға Қазақстандағы мәжіліс сайлауына қатысуға рұқсат етілді. Мұндай шешім Орталық сайлау комиссиясының отырысында қабылданды.
Отырыста сондай-ақ, мәслихаттар депутаттарын сайлауға қатыстыру мәселесі қаралды. Оларға да алты партияның барлығы қатыса алады. Тек “Бірлік” саяси партиясы Шымкент қаласы мен Түркістан облысы мәслихаттарының сайлауына қатыспайды. Себебі партияның филиалдары Оңтүстік Қазақстан облысы қайта ұйымдастырылғаннан кейін тіркеуден өтпеген.&nbsp;
Естеріңізге сала кетейік, Қазақстанда парламент мәжілісі мен мәслихаттарға сайлау 2021 жылдың 10 қаңтарында өтеді.
Бизнес-сәйкестендіру нөмірлерінің ұлттық тізіліміне сәйкес, 2020 жылдың қазан айындағы жағдай бойынша Қазақстанда алты саяси партия тіркелген:
<ul>
<li>Nur Otan партиясы;</li>
<li>Қазақстанның “Ақ жол” демократиялық партиясы;</li>
<li>Қазақстанның коммунистік халық партиясы;</li>
<li>“Ауыл” халықтық-демократиялық партиясы;</li>
<li>“Бiрлік” саяси партиясы;</li>
<li>Жалпыұлттық социал-демократиялық партия (ЖСДП).</li>
</ul>
Қазіргі таңда Қазақстан парламентінде саяси партиялардың үш фракциясы бар: Nur Otan, “Халықтық коммунистер” және “Ақ жол”.
<a href="https://sputnik.kz/politics/20201105/15397407/6-sayasi-partiya-parlamenttik-saylau.html">Sputnik</a>

Барлық 6 саяси партияға парламенттік сайлауға қатысуға рұқсат берілді &#8211; ОСК

<a href="https://kyzylorda-news.kz/date/2020/11/05/">Kyzylorda-news.kz.</a> Төтеншеліктер қысқа дайындық жұмыстары қарқынды жүргізіліп жатқанын мәлімдеді. Яғни, төтенше жағдайлардың алдын алу, халықтың қауіпсіздігін қамтамасыз ету мақсатында «Қыс – 2020» республикалық штабтық жаттығу іс-шаралары өткізілуде. Штаб департаменттің ахуалдық орталығында құрылды.
Жедел штаб мүшелері облыстағы 13 жылыту пунктін және 22 зардап шекендерді қабылдау орнының дайындығын тексерді.
<blockquote>
 “Бүгінде авариялық-құтқару қызметкерлері&nbsp;әзірлікті арттыру мақсатында арнайы жаттығулар өткізді. Практикалық жаттығуға 39 адам қатысты және 14 техника, 1 тікұшақ жұмылдырылды. Жаттығу барысында төтенше жағдайлардың алдын алу және жою жөніндегі облыстық комиссияның және эвакуациялық комиссияның құрамы нақтыланды. Сондай-ақ, қысқы кезеңдегі төтенше жағдайларға жедел ден қою жоспары бекітілді. Алдағы уақытта, авариялық-құтқару қызметтерінің бөлімшелерінде жанар-жағармай материалдарының, азық-түліктің пен медициналық мүліктің болуын қадағаланады”, – деді Облыстқ ТЖД бастығының орынбасары Саид Молдақараев.
</blockquote>
Қауіпсіздік шараларын сақтамау адам өміріне қауіпті екенін естен шығармаған абзал.

Қызылордада «Қыс – 2020» республикалық штабтық жаттығуы өтті

<a href="https://kyzylorda-news.kz/date/2020/11/05/">Kyzylorda-news.kz.</a> Бүгін облыс әкімі Гүлшара Әбдіқалықова облыстық жолаушылар көлігі және автомобиль жолдары басқармасының басшысы Мұрат Тілеумбетов және ҚР Инвестициялар және даму министрлігі көлік комитетінің Қызылорда облысы бойынша көліктік бақылау инспекциясының басшысы Нәжмәдин Шамұратовпен кездесіп, олардың жыл бойғы атқарған жұмыстары жөніндегі баяндамасын тыңдады. Алдымен баяндама жасаған М.Тілеумбетов жол инфрақұрылымын дамыту бойынша атқарылған жұмыстарды айтты.
Жалпы Қызылорда облысы аумағында автомобиль жолдарының жалпы ұзындығы 3 мың 398 км. Оның 1 мың 16 км республикалық, 557 км облыстық, 1825 км аудандық маңызы бар автомобиль жолдары. 2020 жылы жергілікті маңызы бар автомобиль жолдары желісін дамытуға 20 млрд 289 млн теңге бөлінген. Осы қаражатқа ұзындығы 498,2 км құрайтын автомобиль жолдары мен көшелер және көпір өткелдерін жөндеуден өткізу жоспарланған. Жалпы жол желісін дамытуға 4 мемлекеттік бағдарлама арқылы қаражат бөлініп отыр. «Нұрлы жол» бағдарламасы бойынша бөлінген 6 млрд. 223,3 млн.теңге қаржыға облыстық және аудандық маңызы бар ұзындығы 147 км автомобиль жолдарына жөндеу жұмыстары жүргізілді.
«Өңірлерді дамыту» бағдарламасы бойынша 1 млрд. 189,0 млн.теңгеге қаладағы С. Бейбарыс көшесінен Қызылжарма каналына дейінгі көше құрылысы жүргізілмек. «Ауыл-ел бесігі» бағдарламасы бойынша – 1 957,6 млн. теңге қаржы қарастырылып, бүгінде ол қаржының 48% игерілген. «Жұмыспен қамту жол картасы» бағдарламасымен 8 626,1 млн. теңге бөлініп, жоспарланған жұмыстың 81% жүзеге асқан. 
Мұнан бөлек жергілікті бюджеттен автомобиль жолдарының жұмыс істеуін қамтамасыз ету, елді мекендер көшелері мен көпір өткелдерін жөндеуден өткізуге 2 млрд. 293,3млн. теңге бөлініп, ұзындығы 20,7 км көшелер мен автомобиль жолдары жөндеуден өткен.
<blockquote>
 “Есепті кезеңнің 10 айының қорытындысымен жалпы бөлінген қаржының – 17 млрд. 931,2 млн. теңгесі немесе 95% игерілді. Нәтижесінде, облыстық және аудандық маңызы бар жолдардың жақсы және қанағаттанарлық көрсеткішінің үлесі жоспарлы 69% құрады. Сонымен қатар ағымдағы жылы 21 нысанды пайдалануға беру жоспарлап отырмыз. Есепті кезеңде 15 нысан пайдалануға берілді. Қалған 6 қараша, желтоқсан айларында аяқталатын болады”, – деді басқарма басшысы М.Тілеумбетов.
</blockquote>
Сондай-ақ басқарма басшысы «Қорқыт ата» әуежайының жаңа жолаушылар терминалының тиімді нұсқасы қазіргі терминал көлемін кеңейту жолдары қарастырылып жатқанын да жеткізді. Аталған мәселенің аймақ үшін маңыздылығы ескеріліп, ағымдағы жылы жобаның жобалық-сметалық құжаттамасын әзірлеу үшін бюджеттік өтінім ұсынылып, қолдау тапқан.
Облыс әкімі Г.Әбдіқалықова басқарма басшысына бөлінген қаржыны тиімді игеріп, жолдардың сапасына аса мән беру керектігін жеткізді.
<blockquote>
 “Облыстағы автомобиль жолдарын жөндеуге бюджеттен қыруар қаржы бөлінді. Бұл қаржы жолдардың сапалы болуына, тұрғындардың қиындығын еңсеруге бағытталған. Сондықтан салынған, жөндеу жұмыстары жүргізілген жолдар халыққа ұзақ уақыт қызмет етуі тиіс. Басқарма басшысы тарапынан мердігерлердің жұмысы ұдайы бақылауда болсын”, – деді облыс әкімі Г.Әбдіқалықова.
</blockquote>
Мұнан соң баяндама жасаған ҚР Инвестициялар және даму министрлігі көлік комитетінің Қызылорда облысы бойынша көліктік бақылау инспекциясының басшысы Нәжмәдин Шамұратов автомобиль, темір жол, су көліктеріне қатысты жүргізілген бақылау жұмыстарының нәтижесі жайлы баяндады. Айтуынша, автомобиль көлігі саласында 1 мың 480 құқық бұзушылықтар анықталып, 50 млн.теңге айыппұл салынып, 35 млн.теңге республикалық бюджетке өндірілген. Инспекция басшысы жауапкершілікке тартылғандардың дені ауыр салмақты және ірі көлемді жүктерді тасымалдау кезінде арнайы рұқсатсыз жүкті тасымалдау, автомобиль көлігімен жүктерді тасымалдау қағидасының талаптарын орындамағауға қатысты дейді. Сонымен қатар, пандемия кезінде жолаушылар тасымалына тиым салынғанына қарамастан жұмысын жалғастырған 23 тасымалдаушы жауапкершілікке тартылған.
Теміржол көлiгiмен жолаушыларды тасымалдау қызметі кезінде де заңбұзушылықтар орын алған. Тексеру барысында 5 билетсіз жолаушы, 30 кг артық қол жүгі және 14 басқа да түрлі бұзушылық анықталыптыы. Нәтижесінде 12 жауапты тұлғаға шара көрілген. 
Су айдындарында өткен 2019 жылы көлік оқиғалары орын алмаған. Бірақ биыл 4 көлік оқиғасы салдарынан 5 адам суға кеткен. Қайғылы жағдай балықшылардың су көлігін қауіпсіздікті сақтамай басқаруынан болған.
Жиын соңында облыс әкімі Г.Әбдіқалықова испекция басшысына тасымал кезінде барлық қатаң шараларды қолға алыр, жолаушылар қауіпсіздігі барынша сақталу керектігін ескертті. Көлік қозғалысы кезінде орын алатын оқиғалардың қатарын азайтуға барынша күш салып, апатты жағдайлардың алдын алу керектігін жеткізді.

Гүлшара Әбдіқалықова: Көлік қозғалысы кезінде жолаушылар қауіпсіздігі сақталуы тиіс

«Бақыттың мәні – парасаттылықта, әркімнің өз алдына игілікті мақсат қоя білуінде, ол мақсатпен кездейсоқ рақат үшін емес, адамның өз мінез–құлқын, іс–әрекетін ерікті түрде өзгертіп, ізгілікке бағыттап отыруында»
Аль-Фараби
Парасат&nbsp;–&nbsp;жеке тұлғаның&nbsp;қадір-қасиетін, кісілік кемелдігін білдіретін жиынтық ұғым. Парасаттылық – адам бойындағы кісілік қасиет.&nbsp; Парасаттылық ұғымы ақылдылық пен білімпаздық, мәдениеттілік, көрегенділік, зерделілік мағынасында қолданылады. Парасатты адамға&nbsp;адамгершілік,&nbsp;инабаттылық, салиқалылық, мейірімділік, ізгілік, әдептілік, ұстамдылық,&nbsp;талғампаздық қасиеттері тән.
Парасаттылықтың басты құндылығы – мемлекеттік қызметшілер тарапынан әрбір азаматтың мәселесіне терең үңілуге және қос тараптың қарым-қатынасы нәтижесінде туындайтын әкімшілік кедергілер мен негізсіз әуре-сарсаңдарға жол берілмеуін қамтамасыз етуге бағытталған.&nbsp; 
Мұндай оң өзгертулер лауазымды тұлғалардың таным-түйсігін арттыра түсіп, мұң-мұқтажы мен жанайқайын арқалап келген азаматтардың мәселелеріне жақындай түсуіне едәуір ықпал етуде.&nbsp;
Қазіргі заманғы әлемде сыбайлас жемқорлықпен күресуді күшейту жұмысы үздіксіз жүргізілуде және әрдайым жетілдірілу үстінде. Әлемде сыбайлас жемқорлықпен күресу механизмінің барлық елдерге тиімді болатын бірегей жинағы жоқ. Әрбір мемлекет қолданатын сыбайлас жемқорлықпен күресу әдістерінің жиынтығы өзгеше, ол елдің саяси және экономикалық тұрақтылығына ғана емес, сонымен қатар әдет-ғұрпы мен салт-дәстүрлеріне, діни ерекшелігі мен құқықтық мәдениет деңгейіне және аумағы бойынша алатын жеріне, халқының саны мен орналасу тығыздығына да байланысты болып келеді.
Қазақстанда экономиканы жандандыру және ауқымды әлеуметтік&nbsp; түрлендіру жағдайында мемлекеттің сыбайлас жемқорлыққа қарсы бағытталған заманауи әлеуметтік-экономикалық саясатымен тығыз байланысқан бүтіндей стратегияның қажеттілігіне анық көз жеткізілді.
Осыған байланысты 2014 жылдың 26 желтоқсанында Қазақстан Республикасының 2015-2025 жылдарға арналған Сыбайлас жемқорлыққа қарсы жаңа стратегиясы бекітілді. &nbsp;
Стратегияның мақсаты мемлекеттің сыбайлас жемқорлыққа қарсы саясатының тиімділігін арттыру және сыбайлас жемқорлыққа қарсы қозғалысқа кез-келген жемқорлықтың туындауына «нөлдік» төзімділік таныту атмосферасын құру жолын қолдану арқылы барлық қоғамды тарту, сондай-ақ Қазақстанда сыбайлас жемқорлық деңгейін төмендету болып табылады. Бұл стратегия толық өз нәтижесін беру үшін сыбайлас жемқорлықтың алдын- алуға барлығымыз ат салысуымыз қажет.
&nbsp;Сыбайлас жемқорлықты феномен ретінде қоғамдық санадан, оның белгілі бір әлеуметтік жағдайларда қалыптасуы мен өзгеру динамикасынан бөліп қарастыруға болмайды. Сыбайлас жемқорлық қылмыстар, оларды тергеу, кінәлілерді жауапкершілікке тарту – мамандардың ісі, бірақ осы жұмыстың нәтижелері, сыбайлас жемқорлық тәуекелдің туындау себептеріне қатысты еліміздің әрбір азаматының өзіндік жеке пікірі болуы тиіс. Ол өзінің жеке бағдарларын, адамгершілік ұстанымдарын, діни идеяларын басшылыққа алуы тиіс, сондықтан оның сыбайлас жемқорлық пен оның көріністері туралы түсінігі нормативтік және ғылыми дефинициялардан ерекшеленуі мүмкін.
Қоғамдық өмірдің жағымсыз құбылысы ретінде сыбайлас жемқорлық қоғамдық айыптауды туындатады, алайда әртүрлі әлеуметтік топтарда оларға төзімділік дәрежесі бірдей емес. Өмірінде сыбайлас жемқорлық фактілерімен ұшырасқан әрбір адам оны азамат пен мемлекет өкілі арасындағы өзара қарым-қатынаста, азаматтардың өз арасында және бизнес саласында орын алмауы тиіс қоғамдық зұлымдық ретінде бағалайды.
Моральдық нормалар мен олардың сыбайлас жемқорлыққа қарсы тұрудағы рөлі. Адамзат өркениеті тарихында діни ілімге негізделген мораль нормалары тұлғаның қалыптасуында маңызды рөл атқарады. Адамның моральдық қағидаттарды саналы түрде сақтауы оның сыбайлас жемқорлыққа деген қатынасы бойынша ұстанымына байланысты. Ол оны кез келген мемлекеттік құрылыстың мәңгі жолсерігі немесе нақты қарсы тұра алатын және қарсы тұру қажет жағымсыз қоғамдық құбылыс ретінде қабылдайды. Сыбайлас жемқорлық қоғамдық зұлымдық ретінде қоғамға ыдыратушы ықпал етеді. Әсіресе бұл адамдардың қылмыстық мінезқұлқын, сыбайлас жемқорлық фактілерін Интернет желісіне қол жеткізетін тіпті оқушылардан жасыра алмайтын қазіргі ақпараттық технологиялар ғасырында қауіпті. Жастарды тәрбиелеудегі кемшіліктер мен қателіктер, мемлекеттік қызметшілердің сыбайлас жемқорлық ықпал үшін әлсіз санаттарына тиісті көңіл бөлмеу аса жағымсыз салдарға әкеледі. Сыбайлас жемқорлық дендеген адамдардың адуындығы мен арсыздығы, олардың қылмыстық қызметінің нәтижелері адамгершілік құндылықтарының құнын жояды және қоғамның адамгершілік ұстанымдарын әлсіретуі мүмкін. Адамгершілік, әділдікке сену, этикалық мінез-құлық нормаларын сақтау қажетті жағдайлар кешенін білдіреді. Осы құрамдас бөліктерсіз сыбайлас жемқорлыққа қарсы мәдениет қалыптаса алмайды және мемлекеттік жазалау саясаты пәрменді бола алмайды
Адамгершілік бастаулары тамыр жайған қоғамда заңдар сақталады, жемқор өзін қолайсыз сезінеді, оның іс-әрекеті шектелген және өзінің қылмыстық мүмкіндіктерін жүзеге асыра алмайды. Басқаша айтқанда, мораль (қолданыстағы мінез-құлық ережелерінің жиынтығы ретінде) және жоғары өнегелі орта жемқордың қылмыстық іс-әрекетін аса қиындатады. Өзі байқаған нәрседен адам сыбайлас жемқорлыққа және оның қоғам өмірі мен өзінің өмірлік қағидаттарына жағымсыз ықпалына қатысты өз тұжырымын жасайды. Сыбайлас жемқорлыққа қарсы іс-қимыл жазалау тетіктеріне немесе ғылыми зерттеулерге ғана сүйенбеуі тиіс. Адамдардың сыбайлас жемқорлық туралы моральдық құндылықтар негізінде қалыптасатын түсінігін басты мәселе қойған жөн.
Ақзада МАДАЛИЕВА,
Ақпараттық-ағартушылық штаб құрамының мүшесі

Ақзада Мадалиева: Басты ұстаным &#8211;  парасаттылық

<a href="https://kyzylorda-news.kz/">Kyzylorda-news.kz.</a> Бүгін Қызылордада Әдеп жөніндегі кеңестің кезекті отырысы өтті.
Кеңесте Сырдария ауданының әкімі мен аудан әкімі орынбасарының тәртіптік істері қаралды. Аталған лауазымды тұлғалар күзгі егін жинау науқаны кезінде шаруа қожалығының жұмысына араласып, өздерінің іс-әрекетімен және мінез-құлқымен қоғам тарапынан айтылатын сынға себепкер болған.
Кеңес мүшелері лауазымды тұлғалардың іс-әрекеттерін құқықтық жағынан бағалай отырып, аудан әкіміне қатысты тәртіптік істі тоқтату жөнінде шешім қабылдады. Әдеп кодексі талаптарын бұзғаны үшін аудан әкімі орынбасарын «қызметіне толық сәйкес еместігі туралы ескерту» тәртіптік жазасына тартуды ұсынды.
Бұдан кейін, мемлекеттік сатып алу заңнамалары талаптарын бұзған 5 мемлекеттік қызметшінің тәртіптік істері қаралды. Жаңақорған аудандық мемлекеттік сатып алу бөлімі басшысының, осы бөлімнің 2 бас маманының және Жаңақорған аудандық дене шынықтыру және спорт бөлімі басшысы мен бас маманының тәртіптері талқыға түсті. Аталған лауазымды тұлғалар шешімдерді дайындау мен қабылдау кезінде заңды тұлғаларға құқыққа сыйымсыз қолдау көрсеткен.
Тәртіптік істерді жан-жақты қараған Кеңес мүшелері, мемлекеттік қызметке кір келтiретін тәртіптік теріс қылықтарға жол берген Жаңақорған ауданы әкімдігінің қызметкерлеріне «қызметіне толық сәйкес еместігі туралы ескерту» тәртіптік жазасын қолдану жөнінде шешім етті.
Күн тәртібіндегі соңғы мәселемен Жаңақорған кенті әкімінің тәртібі әдеп таразысына түсті. Кент әкімі ресми шара өткізу барысында карантиндік талаптарды ескермеген. Лауазымды тұлғаның карантиндік талаптарды сақтамауы әлеуметтік желі қолданушылар тарапынан сынға алынып, мемлекеттік қызметтің беделіне нұқсан келтірген. Кеңес мүшелері тәртіптік істі қарап, Әдеп кодексі талаптарын бұзғаны үшін Жаңақорған кенті әкіміне «қызметіне толық сәйкес еместігі туралы ескерту» тәртіптік жазасын беруді ұсынды.
<img src="https://kyzylorda-news.kz/wp-content/uploads/2020/11/123612322_3274320092693734_2801726056035827174_o.jpg" alt="" />

Егін жинау кезінде дихандардың жұмысына араласқан Сырдария ауданының лауазымды тұлғалары жазаға тартылды

<a href="https://kyzylorda-news.kz/date/2020/11/05/">Kyzylorda-news.kz.</a> Қазалы&nbsp; аудандық пробация қызметі&nbsp; пробация есебінде тұрған сотталғандарға&nbsp; әлеуметтік-құқықтық көмекті белсенді&nbsp; көрсетіп келеді. Соның бірден бір дәлелі есепте тұрған &nbsp;азаматқа көрсетілген құқықтық көмек. Ол 2020 жылдың тамыз- қыркүйек&nbsp; аралығында «Бастау Бизнес» жобасы аясында кәсіпкерлік негізінде оқу курсын аяқтаған болатын.
Курсты аяқтаған соң &nbsp;бизнес жоспарын &nbsp;құрып, комиссияға ұсынды. Комиссияның оң шемімін алған соң,&nbsp; оған мемлекет тарапынан қайтарымсыз грант &nbsp;негізінде 555&nbsp;666 &nbsp;теңге көлемінде сертифакат табысталды. &nbsp;Осы қаржыға ол шағын кәсіп ашпақшы, нақтырақ айтқанда, мал шаруашылығымен айналысуға ниет етуде. Бұл мәселенің шешілуін қадағалауды, пробация қызметкерлері &nbsp;басты назарға алды.
Аудандық пробация қызметі бастығының айтуынша, бірінші кезекте, жұмыссыз сотталғандар жұмыспен қамтылады. Егер олардың білімі болмаса, еңбек нарығындағы сұранысқа ие мамандықтар бойынша курс оқиды.&nbsp;Жыл басынан пробация есебіндегі 4 сотталған «Бастау Бизнес» жобасы аясында кәсіпкерлік негізінде оқу курсын аяқтап, бірі мал бордақылау цехын ашса, екіншісі шаштараз, сметалық жоба дайындау бойынша жеке кәсібін дөңгелетіп отыр.
<blockquote>
 «Мен сияқты жұмысын енді бастаған адамдарға қайтарымсыз гранттар&nbsp; көп көмеген тигізеді. Бізді қоғамнан сотталған деп бөлмей, мемлекет тарапынан қолдау көрсетіп, көмектер беріліп жатыр. Өз кәсібімді ашуыма әлеуметтік- құқықтық көмек көрсетіп, іс-құжаттарымды тиісті органға жолдап, жөн көрсеткен аудандық пробация қызметкерлеріне алғыс айтамын»- деді пробация есебіндегі азамат.
</blockquote>

Есепте тұрған қазалылық азамат қайтарымсыз грант ұтып алды

<a href="https://kyzylorda-news.kz/date/2020/11/05/">Kyzylorda-news.kz.</a> Вирусолог, Гамалея атындағы эпидемиология және микробиология ғылыми орталығының профессоры Анатолий Альтштейн адамның COVID-19 вирусын қайтадан жұқтыру ықтималдылығы және оның неге байланысты болатындығы туралы айтты.
Коронавирустан негізгі қорғаныс – адамның табиғи иммунитеті.
Оның айтуынша, алғаш рет инфекция жұқтырғаннан кейін ағзаның COVID-19-ға қарсы иммунитеті күшейеді, бірақ бұл әрдайым бола бермейтін жағдай. Сол себепті вирусолог бұған дейін вируспен ауырып шыққан адамдардың өз денсаулығына мұқият қарауға, санитарлық-эпидемиологиялық нормаларға назар аударуға және басқалармен бірдей дәрежеде сақтық шараларын сақтап жүруге шақырады.
<blockquote>
 “Адам коронавируске қайтадан шалдығуы әбден мүмкін. Әйтсе де, бұл вирусты алғаш рет жұқтырғанмен салыстырғанда, сирек кездесетін жағдай. Сондықтан бұған дейін коронавируспен ауырып шыққан адам басқалар сияқты үнемі сақтық шараларын сақтап жүруі қажет. Оның үстіне инфекцияны қайта жұқтыру фактісі сирек кездескен күннің өзінде, адам оған екінші рет шалдыққанда оның салдары біріншісіне қарағанда ауыр болуы мүмкін”, – деп түсіндірді вирусолог.
</blockquote>
Болашақта адамның инфекцияны қайтадан жұқтыру ықтималдығын ол вируске алғаш рет шалдыққан кезде білуге болады. Анатолий Альтштейннің пікірінше, мұндай бағалау жүргізуге иммунитеттің вирусқа алғаш рет қалай реакция танытуы негіз бола алады.
<blockquote>
 “Егер вирусты алғаш жұқтыру кезінде иммунитет өте әлсіз болса, онда адам қайтадан ауырып қалуы ықтимал. Короновирустың симптомсыз түрімен ауырғандар да екінші рет вирус жұқтыруы әбден мүмкін”, – деп түйіндеді өз сөзін вирусолог.
</blockquote>
Альштейн коронавирусты қайта жұқтырған жағдайда адам қатты ауыруы мүмкін бе деген сауалға нақты жауап бере алмайтынын айтты. Өйткені бұл мәселе әлі жете зерттелген жоқ.
<a href="https://radiosputnik.ria.ru/20201105/kovid-1582844059.html">Sputnik радиосына</a>

Вирусолог коронавирусты қайта жұқтыруға әсер ететін факторды атады

<a href="https://kyzylorda-news.kz/date/2020/11/05/?doing_wp_cron=1604557296.9215369224548339843750">Kyzylorda-news.kz.</a> Қазалы ауданы Әйтеке би кентінің тұрғыны Сейітқасым Бақтыберлин темір жол саласының ардагері. Жиырма жыл бойы ол артрозбен ауырады.
<blockquote>
 «Мен теміржолда жұмыс істеген кезде буындарым үнемі ауыратын. Зейнетке шыққаннан кейін әр қадамым ауыр болды. Ауруханаға жатқызу бюросының порталы арқылы Қызылорда қалалық ауруханасына жіберілдім. Бір аптаның ішінде травматологтар сол аяғымның тізе буынының эндопротездеу отасын сәтті жасады. Басқа тізе буынына ота алты айдан кейін жоспарланған. Сондықтан оң жақ тізе буынындағы ауырсынуды жою үшін радиожиілікті абляция жасалды. Дәрігерлерге алғысым шексіз», – дейді Сейітқасым Бақтыберлин.
</blockquote>
Травматология бөлімшесінің меңгерушісі Расул Әлімбетовтың айтуынша, радиожиілік абляциясы –радиотолқындар тудыратын электр тоғы, бұл жүйке ұштарын күйдіреді және нәтижесінде ауырсыну синдромы бірнеше жылға тоқтатылады.
<blockquote>
 «Радиожиілік абляциясы алғаш рет бір ай бұрын енгізілген. Бұл аз инвазивті рәсім жамбас, тізе буындарының артрозы, протрузия, остеохондрозы бар науқастарға жасалады. Бірақ бұл белгілі бір кезеңдегі ауырсынудың бітелуі, сондықтан эндопротездеу тиімдірек болады. Сонымен қатар, міндетті әлеуметтік медициналық сақтандыру шеңберінде осы жоғары технологиялық медициналық қызметтерді тегін алу мүмкіндігі бар. Эндопротез (жасанды буын) – титаннан жасалған, оның құны 500 мың теңгеден және одан жоғары, ал отаға жұмсалатын шығыстар 1 млн.теңгеден асады. Сондай – ақ біздің сақтандырылған науқастарға оңалту емі бойынша да қызметтер қолжетімді», – деді дәрігер.
</blockquote>
<img src="https://kyzylorda-news.kz/wp-content/uploads/2020/11/travmatolog_zavotdel.jpg" alt="" />
Аталған медициналық қызметтерді қаржыландыру МӘМС қаражаты есебінен жүзеге асырылады, сондықтан сақтандыру мәртебесіне ие болу қажет.
<img src="https://kyzylorda-news.kz/wp-content/uploads/2020/11/travmatologi.jpg" alt="" />

Қазалылық тұрғынға 1 млн теңгенің қызметін МӘМС тегін ұсынды

<a href="https://kyzylorda-news.kz/">Kyzylorda-news.kz</a>. Қызылорда облысы өзінің күрішімен ғана белгілі емес. Арал балығы Қазақстанда ғана емес, сонымен қатар, одан тыс жерлерде, тіпті Еуроодақ елдерінде де танымал, олардың ішіндегі ең құндысы – мұртты табан, сазан, ақмарқа, табан, жайын, көксерке, қаракөз, шортан, алабұға.
Елбасының бастамасымен Сырдария өзенінің арнасын реттеу және Арал теңізінің солтүстік бөлігін қалпына келтіру жөніндегі жобаның (САРАТС – 1) бірінші кезеңін іске асырудың арқасында Арал теңізіндегі балықтардың көптеген биологиялық түрлері қалпына келтірілді. Бұл балық шаруашылығының дамуына жаңа серпін берді. Осы уақыт ішінде өңірде балық аулау көлемі 20 есеге, 400-ден 8 мың тоннаға дейін ұлғайды.
Бүгінде өңірде 9 балық өңдеу зауыты жұмыс істейді, олардың 4-інде Еурокод бар. Соңғы 5 жылда балықты қайта өңдеу 14%-ға, ал, оның экспорты 2,5 есеге өсті. Балық өнімдері таяу және алыс шетелдің 14 еліне – Ресей, Грузия, Беларусь, Литва, Өзбекстан, Қырғызстан, Әзірбайжан, Германия, Польша, Қытай, Чехия, Нидерланды, Австрия, Данияға экспортталады.
Өңірдің балық саласының әлеуеті жоғары. Арал теңізі, Сырдария өзені, 207 балық шаруашылығы су айдыны – мұның бәрі аквамәдениет өсіруде пайдаланылады.
Жүзеге асуы үшін 28 млрд. теңгеден астам қаражат бағытталған Қызылорда облысының балық шаруашылығын дамытудың 2030 жылға дейінгі бағдарламасы тауарлық балық көлемін 34 есеге арттыруға мүмкіндік береді, ал, балық өнімдерінің экспорты бағдарламаның соңына қарай 4,2 мың тоннадан 8,5 мың тоннаға дейін өседі. 2030 жылға дейін облыста кем дегенде 55 көл-тауарлы балық шаруашылығы, 10 тоған және 4 торлы шаруашылық құрылады, 3 жабық сумен жабдықтау құрылғысы салынады.

Қызылорда облысында балық шаруашылығын дамыту бағдарламасы қолға алынды

<a href="https://kyzylorda-news.kz/">Kyzylorda-news.kz.</a> «Азаматтарға арналған үкімет» мемлекеттік корпорациясы «Жылжымайтын мүлікке құқықтарды мемлекеттік тіркеу туралы» Заңының 6-бабына сәйкес, мемлекеттік органдардың шешімімен жылжымайтын мүліктің сәйкестендіру сипаттамалары өзгерген жағдайда, өзгерістерді тіркеу құқық иесіне жүктелмейтінін еске салады.
Мұндай өзгерістерге, атап айтқанда, елді мекендердің атаулары, көше атаулары, сондай-ақ ғимараттардың және басқа құрылыс нысандарының (мекен-жайлардың) реттік нөмірінің өзгеруі немесе ҚР әкімшілік-аумақтық құрылым реформасына байланысты кадастрлық нөмірлердің ауысуы жатады.
Жылжымайтын мүліктің сәйкестендіру сипаттамасы бойынша мемлекеттік органдардың шешімімен енген өзгерістерді мемлекеттік тіркеу мемлекеттік ақпарат жүйелерін өзара ықпалдастыру аясында жүзеге асады.
Енді жылжымайтын мүлік объектісінің мекенжайы өзгерген жағдайда, тіркелген құқықтар мен жылжымайтын мүлік объектісінің техникалық сипаттамалары туралы анықтамада&nbsp; мекенжайдың тарихи деректері қоса көрсетіледі (жаңа мекенжаймен бірге ескі мекенжай атауы да жазылады). Мысалы, Қызылорда қ., Н.Назарбаев даңғылы, 10 (бұдан бұрын Қызылорда қ., Жібек жолы к-сі, 10).
Сонымен қатар құқық белгілеуші құжаттарда алдыңғы мәліметтер сақталады, бұл ретте жылжымайтын мүлік объектілерінің мекенжайын нақтылау қажет емес.

Қызылорда: Жылжымайтын мүлік мекенжайын нақтылау үшін ХҚО-ға барудың қажеті жоқ

<a href="https://kyzylorda-news.kz/date/2020/11/05/?doing_wp_cron=1604553451.1781749725341796875000">Kyzylorda-news.kz.</a> Қызылорда облысында коронавирус инфекциясымен тіркелген науқастар саны – 3 262. Ал жалпы індеттен айыққандар саны 3144-ке жетті. Соңғы тәулікте 10 адам емделіп шықты.
Сондай-ақ, коронавирус инфекциясы анықталған азаматтармен байланыста болғаны – 14 381, тікелей қарым-қатынас – 11 632, ықтимал қарым-қатынас –2 739.
Өткен тәулікте зертханаларға тапсырылған сынамалар саны – 762 сынама, тексерілгені – 702 сынама, жұмыс жасалуда – 60 сынама. Қалдық тест саны – 20 789. Эпид. маусым басталғалы бері 118 129 сынама алынды.

Қызылордада өткен тәулікте 10 науқас жазылып шықты

<a href="https://kyzylorda-news.kz/">Kyzylorda-news.kz.</a> Шілде айының бесінен бастап бүгінгі күнге дейін 24 мониторингтік топ 3172 нысанға тексеріс жүргізді. Нәтижесінде 785 карантин талаптарын бұзу дерегі анықталды. Оның ішінде халыққа қызмет көрсету нысандарында – 381, үй жағдайларында ұйымдастырылған мерекелік-көпшілік іс-шара – 386 және көшедегі топтық жиналу саны – 18. Талапқа бағынбағандарға ҚР ӘҚБтК-тің 425-бабының 1-бөлігімен жалпы сомасы 36 600 150 теңге әкімшілік айыппұл салынды.
Жалпы соңғы 10 күнде 60 той өткізу фактісі анықталды. Негізі карантин талаптарын бұзушылықтың басым бөлігі үй жағдайында көпшілік жиын ұйымдастыруға қатысты және қоғамдық тамақтану орындары, азық-түлік сауда орындарына қатысты анықталған. Оның ішінде жеке кәсіпкерлікке қатысты -14, нысандарға қатысы бар жеке тұлғаларға – 367, ал нысандарға қатысы жоқ жеке тұлғаларға қатысты 404 әкімшілік хаттама толтырылған.
Халыққа қызмет көрсету орындарындағы карантин талаптарын бұзушылықтың басым бөлігі санитариялық талаптардың сақталмауына қатысты, яғни қызметкерлер маскасыз, қорғаныш қолғаптарынсыз халыққа қызмет көрсеткен, сонымен қатар шекті уақыттан асырып жұмысын жалғастырған.
Атап айтқанда, 278 дерек маска тағу ережесін бұзуға және әлеуметтік арақашықтықты сақтамауға қатысты, жұмыс жасау уақытының шектелуін бұзу бойынша – 60, тыйым салынған нысандардың қызмет көрсетуі бойынша – 29, залалсыздандыру талаптарының сақталмауы бойынша – 14 дерек тіркелді.

Қазақстан және Қызылорда облысының жаңалықтары

Барлық 6 саяси партияға парламенттік сайлауға қатысуға рұқсат берілді – ОСК

Қызылордада «Қыс – 2020» республикалық штабтық жаттығуы өтті

Гүлшара Әбдіқалықова: Көлік қозғалысы кезінде жолаушылар қауіпсіздігі сақталуы тиіс

Ақзада Мадалиева: Басты ұстаным – парасаттылық

Егін жинау кезінде дихандардың жұмысына араласқан Сырдария ауданының лауазымды тұлғалары жазаға тартылды

Есепте тұрған қазалылық азамат қайтарымсыз грант ұтып алды

Вирусолог коронавирусты қайта жұқтыруға әсер ететін факторды атады

Қазалылық тұрғынға 1 млн теңгенің қызметін МӘМС тегін ұсынды

Қызылорда облысында балық шаруашылығын дамыту бағдарламасы қолға алынды

Қызылорда: Жылжымайтын мүлік мекенжайын нақтылау үшін ХҚО-ға барудың қажеті жоқ

Қызылордада өткен тәулікте 10 науқас жазылып шықты

Карантин: Қызылордада соңғы 10 күнде 60 той өткен

Қазақстан және Қызылорда облысының жаңалықтары

Барлық 6 саяси партияға парламенттік сайлауға қатысуға рұқсат берілді &#8211; ОСК

Қызылордада «Қыс – 2020» республикалық штабтық жаттығуы өтті

Гүлшара Әбдіқалықова: Көлік қозғалысы кезінде жолаушылар қауіпсіздігі сақталуы тиіс

Ақзада Мадалиева: Басты ұстаным &#8211; парасаттылық

Егін жинау кезінде дихандардың жұмысына араласқан Сырдария ауданының лауазымды тұлғалары жазаға тартылды

Есепте тұрған қазалылық азамат қайтарымсыз грант ұтып алды

Вирусолог коронавирусты қайта жұқтыруға әсер ететін факторды атады

Қазалылық тұрғынға 1 млн теңгенің қызметін МӘМС тегін ұсынды

Қызылорда облысында балық шаруашылығын дамыту бағдарламасы қолға алынды

Қызылорда: Жылжымайтын мүлік мекенжайын нақтылау үшін ХҚО-ға барудың қажеті жоқ

Қызылордада өткен тәулікте 10 науқас жазылып шықты

Карантин: Қызылордада соңғы 10 күнде 60 той өткен

Барлық 6 саяси партияға парламенттік сайлауға қатысуға рұқсат берілді – ОСК

Ақзада Мадалиева: Басты ұстаным – парасаттылық