<a href="https://kyzylorda-news.kz/">Kyzylorda-news.kz.</a> 2020 жылғы 1 қаңтарынан бастап Елімізде «Міндетті әлеуметтік медициналық сақтандыру туралы» Заңы күшіне еніп, халыққа медициналық көмек жаңа форматта көрсетілуде. Міндетті әлеуметтік медициналық сақтандыру жүйесі (МӘМС) – бұл ең біріншіден, халық денсаулығын қорғау саласында халық мүддесін әлеуметтік тұрғыда қорғайтын мемлекеттік жүйе болып табылады.
МӘМС- жүйе қатысушыларына дер кезінде, қолжетімді, сапалы медициналық және дәрі-дәрмектік жәрдем көрсетуді қамтамасыз етеді. Яғни, МӘМС жүйесіне қатысушы азамат амбулаториялық-емханалық көмек, стационарлық көмек, стационарды алмастыратын көмек, жоғары технологиялық медициналық қызмет, амбулаториялық-емханалық, стационарлық және стационарды алмастыратын көмек көрсету кезінде халықты дәрілік заттармен қамтамасыз ету көзделген қызмет түрлерін ала алады. 
МӘМС мемлекеттің, жұмыс берушінің және әр адамның ынтымақты жауапкершілігіне негізделген: мемлекет экономикалық тұрғыда белсенді емес тұрғындар үшін (15 санаттағы азаматтар), жұмыс берушілер – жалдамалы жұмыскерлер үшін, жұмыскерлер кірістен және өзін-өзі жұмыспен қамтыған азаматтар өздері үшін жарна енгізуге міндетті. 
МӘМС жүйесінің енгізілуімен қатар, халық тарапынан көптеген сұрақтар туындап, шағымдар түсуде. МӘМС жүйесі туралы ақпаратты беру, өзекті мәселелерді шешу және шағымдарды қарау мақсатында, «Әлеуметтік медициналық сақтандыру қоры» коммерциялық емес акционерлік Қоғамымен Call-орталық ашылды. Кез келген азамат тегін 1406 номерін теру арқылы осы Call-орталығына қоңырау шалып, сапасыз медициналық көмек көрсеткен медициналық мекемесіне шағым қалдыруына болады. Бұл шағымдар бойынша медициналық мекеменің қызметкерлеріне қатысты тексерулер жүргізіліп, науқастың құқығы бұзылып, кемшіліктердің орын алуы расталған жағдайда, тиісті шаралар қолданылады. 
Сондай-ақ, әлеуметтік медициналық сақтандыру Қорымен «Qoldau-24/7» мобилді қосымшасы әзірленіп, биылғы жылдың маусым айынан бастап іске қосылды. Qoldau-24/7 мобилді қосымшасы – азаматтардың өтініштерін өңдеу жүйесіндегі кері байланысты қамтамасыз ететін ең тиімді тәсіл. 
Әсіресе қазіргі сәтте, карантиннің кезінде, Qoldau-24/7 қосымшасы сұранысқа ие. Себебі, азаматтардың көпшілігіне өтінішті электронды тәсілмен қалдырған ыңғайлы. Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. 
Жылдың басынан бастап «ӘМСҚ» КЕАҚ-ның Қызылорда облысы бойынша филиалына азаматтардан 91 шағым келіп түсті, оның 87-і – 1406 Call-орталығы арқылы, ал 4 шағым -Qoldau-24/7 мобилдік қосымшасы арқылы келіп түскен. 
Бұл шағымдар бойынша жан-жақты, объективті тексерулер жүргізіліп, азаматтардың өтініштері мен шағымдарын қанаттандыру бағытында жұмыстар атқарылды. Сондай-ақ, шағым берушілермен телефон байланысы арқылы түсіндірме жұмыстары жүргізілді. 
Халықтан келіп түскен шағымдардың басым көпшілігі, ол – дәрі-дәрмектерді тегін алуы, жоспарлы медициналық көмек алуы, маманның көрсетілуімен жоғары технологиялық медициналық қызметтерді (МРТ,КТ,УЗИ) тегін алуы болып табылады. 
Qoldau-24/7 мобильді қосымшасын Android смартфондары үшін Play Market арқылы, Apple смартфондары үшін App Store арқылы жүктеп алуға болады.
Сауле Абдамитова,
«ӘМСҚ» КЕАҚ-ның Қызылорда облысы бойынша филиалы өтініштерді қарау және халықты ақпараттандыру бөлімінің сарапшысы

Халықпен кері байланыстың жаңа түрі әзірленді

<a href="https://kyzylorda-news.kz/">Kyzylorda-news.kz.</a> «Жусан» операциясы аясында террористік белсенділік аймағынан қайтып келген 144 әйел радикалды көзқарасынан бас тартты. Операцияның нәтижесі жайлы халыққа есеп беру кездесуінде Ақпарат және қоғамдық даму министрі Аида Балаева мәлім етті, деп хабарлайды <a href="https://www.inform.kz/kz/zhusan-operaciyasy-144-ayel-radikaldy-kozkarasynan-bas-tartty_a3667014">ҚазАқпарат.</a>
«Министрліктің ендігі үлкен жауапты саласы – дін саласы. Бұл бағытта біздің алдымызда 3 өзара байланысты міндет тұр. Біріншісі – халық арасына зайырлы мемлекет құндылықтарын насихаттау, екіншісі – дінаралық келісімді сақтау, үшіншісі – діни экстремизмді болдырмау», – деді Аида Балаева ОКҚ алаңы арқылы халыққа есеп беру кездесуінде.
Министрдің айтуынша осы міндеттерді іске асыру үшін бірнеше бағытта жұмыс жүргізіліп жатыр.
<blockquote>
 «Бұл – ақпараттық-түсіндіру жұмыстары, деструктивті діни көзқарастағы азаматтарды райынан қайтару және интернет арқылы діни экстремизм идеологиясына қарсы жұмыстар. Өткен 2019 жылы ақпараттық-түсіндіру топтарының күшімен 3 милиондай адамды қамтыған 50 мыңнан астам іс-шара өтті. Дін саласындағы проблемалық сұрақтарға жедел жауап беру үшін 300 адамнан тұратын білікті лекторлар пулы құрылды. Көріп отырғандарыңыздай, жұмыс өте тиімді. Сондықтан осы жылы біз бұл топтардағы мамандардың санын 500-ге дейін арттырып, 1200 лекторды қайта даярлықтан өткізуді жоспарлап отырмыз», – деді ол.
</blockquote>
Аида Балаева сонымен бірге «Жусан» операциясының нәтижесінде елге оралған 163 әйелмен мақсатты түрде жұмыс жүргізілгенін, соның арқасында олардың 144-і радикалды ойларынан қайтып, біразы зайырлы өмір салтына өткенін жеткізді.
<blockquote>
 «Әрине, мәселенің салдарымен емес себебімен күресу керек. Сондықтан 2019 жылы 5300-ден аса интернет-ресурс сарапталып, оның 3200-нен заңға қайшы материалдар анықталды. Олардың барлығы дер кезінде бұғатталды. Түптеп келгенде бұл саладағы біз үшін ең маңыздысы – халықтың радикалды ағымдарға қарсы иммунитетін қалыптастырып, елдегі дінаралық қақтығыстардың алдын алу», – деді ол.
</blockquote>

«Жусан» операциясы: 144 әйел радикалды көзқарасынан бас тартты

<a href="https://kyzylorda-news.kz/">Kyzylorda-news.kz</a>.Медициналық сақтандыру және пациенттердің құқықтары туралы өтініштер тәулік бойы қабылданады.
Азаматтардың барлық өтініштері өңделіп, тіркеу нөмірін көрсетумен өтініштер тізіміне енгізіледі. 
Одан әрі, қажет болған жағдайда өтініштер белгіленген уақытында шешім қабылдау үшін сараптамаға жіберіледі. Содан кейін өтініш берушінің қосымшасындағы аккаунтына жауап беріледі. ⠀
Qoldau-24/7 әлеуметтік медициналық сақтандыру қорының мобильді қосымшасын Android смартфондарына арналған PlayMarket және Apple смартфондарына арналған AppStore арқылы жүктеуге болады.

Qoldau-24/7 &#8211; МӘМС жүйесіндегі сіздің көмекшіңіз

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 653, ал симптомсыз- 488 азамат. Ал індеттен айығып шыққандар саны 636-ға жетті. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
<blockquote>
 «Жаңа симптомды 19 жағдай тіркелді. Оның 15-і скринингтен болса, 3-еуі ақылы сынама тапсыры анықталған, 1-еуі қарым-қатынас арқылы жұққан. Ал симптомсыз коронавирус инфекциясының 30 дерегі анықталды. Оның 12-і скринингтен, 15-і ақылы тест сынамасын тапсырғаннан, 3-еуі індет жұқтырған науқаспен байланыста болғаннан анықталды»,- деді бас дәрігер.
</blockquote>
Сондай-ақ, вирус жұқтырғандармен байланыста болған- 7251 азамат анықталды. Оның ішінде, 4780-і тікелей қарым-қатынаста, 2471-і жанама байланыста болған.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

Соңғы тәулікте симптомды 19,  симптомсыз  30  жағдай тіркелді

<a href="https://kyzylorda-news.kz/">Kyzylorda-news.kz.</a>Биыл жыл соңына дейін 2 туристік нысан іске қосылады. Олар Арал және Жаңақорған аудандарында орналасады деп жоспарлануда.Бұдан бөлек, Қармақшы ауданы, Төретам кентінде этно-саябақ жобасының жер телімі белгіленіп, сметалық-құжаттары әзірленуде. Бұл туралы Өңірлік коммуникациялар қызметінің ақпараттық алаңында өткен брифингте облыстық кәсіпкерлік және туризм басқармасының басшысы Фердоуси Қожабергенов мәлімдеді.
<blockquote>
 «Мемлекет басшысының тапсырмасына сәйкес, аймақта ішкі туризмді дамыту мәселесі кеңінен қолға алынуда. Өңірде 29 туристік нысаннан 83 инфрақұрылымдық мәселе анықталып, кезең-кезеңімен «Жұмыспен қамту жол картасы 2020-2021» бағдарламасына енгізу бойынша шаралар қабылдануда», – деді Фердоуси Әбілқасымұлы
</blockquote>
Қазіргі таңда туристік нысандар бойынша облыста 109 қонақ үй, 3 шипажай, 4 жағажай, 11 демалыс орны, 12 туристік фирма және «Батыс Еуропа – Батыс Қытай» автокөлік дәлізі бойында 30 сервистік қызмет көрсету кешені бар. Сонымен қатар, өңірімізде халықаралық,республикалық, облыстық, жергілікті маңызы бар 545 тарихи-мәдени нысан тіркелген.

Қызылордада 2 туристік нысан іске қосылады

<a href="https://kyzylorda-news.kz/">Kyzylorda-news.kz.</a>Биыл қазақстандықтар шілде айында мереке күндерін қоса алғанда, барлығы 10 күн демалады.
6 шілдеде Астана күні аталып өтеді. Осы жылы бұл мейрам дүйсенбіге түсіп тұр. Сондықтан азаматтар сенбі-жексенбіні қосқанда, қатарынан үш күн демалады.
Мұсылман күнтізбесі бойынша аталып өтетін Құрбан айттың алғашқы күні демалыс болып саналады. Биыл діни мейрамның бірінші күні 31 шілдеге түсіп тұр. 
Осылайша шілде айында қазақстандықтар 21 күн жұмыс істеп, 10 күн демалады.

Қазақстандықтар шілде айында қанша күн демалатыны белгілі болды

<a href="https://kyzylorda-news.kz/">Kyzylorda-news.</a>kz.Өткен тәулік ішінде 547 адамның коронавирус жұқтырғаны расталса, 1 066 адам коронавирус белгісі жоқ тасымалдаушы ретінде тіркелді, деп хабарлады денсаулық сақтау министрлігі.
“Қазақстанда өткен тәулікте 547 адам коронавирус індетімен ауырғаны белгілі болып, өсім 2,6% құрады”, – делінген хабарламада.
Қалалар мен өңірлер бойынша:
Нұр-Сұлтан қаласы – 56 (1,5%)
Алматы қаласы – 40 (1,1%)
Шымкент қаласы – 16 (1,0%)
Ақмола облысы – 23 (5,3%)
Ақтөбе облысы – 28 (3,7%)
Алматы облысы – 19 (2,9%)
Атырау облысы – 22 (1,4%)
Шығыс Қазақстан облысы – 47 (7,2%)
Жамбыл облысы – 10 (1,5%)
Батыс Қазақстан облысы – 44 (3,3%)
Қарағанды облысы – 48 (2,3%)
Қостанай облысы – 8 (1,8%)
Қызылорда облысы – 8 (1,3%)
Маңғыстау облысы – 5 (1,1%)
Павлодар облысы – 44 (7,0%)
Солтүстік Қазақстан облысы – 19 (5,6%)
Түркістан облысы – 24 (3,1%).
Соңғы тәулікті республика бойынша коронавирус індетінің белгілері жоқ 1 066 тасымалдаушы тіркелді. 
Қалалар мен өңірлер бойынша:
Нұр-Сұлтан қаласы – 1455 (+65)
Алматы қаласы – 1537 (+14)
Шымкент қаласы – 1381 (+81)
Ақмола облысы – 596 (+56)
Ақтөбе облысы – 584 (+81)
Алматы облысы – 1193 (+63)
Атырау облысы – 2153 (+148)
Шығыс Қазақстан облысы – 586 (+41)
Жамбыл облысы – 618 (+70)
Батыс Қазақстан облысы – 1071 (+53)
Қарағанды облысы – 2239 (+127)
Қостанай облысы – 389 (+7)
Қызылорда облысы – 488 (+30)
Маңғыстау облысы – 543 (+41)
Павлодар облысы – 303 (+61)
Солтүстік Қазақстан облысы – 715 (+99)
Түркістан облысы – 788 (+29).

Қазақстанда індетке шалдыққандар саны 21 мыңнан асты

<a href="https://kyzylorda-news.kz/">Kyzylorda-news.kz.</a>Еліміздің бірқатар өңірінде ауа райы жауын-шашынды болады деп хабарлайды Қазгидромет.
Нұр-Сұлтан қаласында найзағай ойнап, оңтүстік-батыстан, батыстан екпіні секундына 15-20 метр болатын жел соғады.
Ақмола облысының кей жерлерінде найзағай ойнап, оңтүстік-батыстан, батыстан соғатын желдің күші секундына 15-20 метр болады.
Көкшетау қаласында түнде және таңертең найзағай ойнауы мүмкін. Оңтүстік-батыстан, батыстан соғатын желдің екпіні секундына 15-20 метрге жетеді.
Қарағанды облысының кей жерлерінде найзағай ойнап, дауыл тұрады, бұршақ жаууы мүмкін. Оңтүстік-батыстан соққан желдің екпіні кей жерлерде секундына 15-20 метрге жетіп қалады. Қарағанды қаласында да ауа райы құбылмалы болмақ. Оңтүстік-батыстан соққан жел екпіні секундына 18 метрге жетеді.
Солтүстік Қазақстан облысының басым бөлігінде жаңбыр күтіледі. Күні бойы кей жерлерінде найзағай ойнап, дауыл соғады, бұршақ түсу ықтималдылығы да жоғары. Батыстан, оңтүстік-батыстан жел тұрып, екпіні секундына 23-28 метрге жетеді деп күтіледі. Петропавл қаласында да дәл осындай ауа райы болады.
Бүгін Ақтөбе облысының кей жерінде найзағай ойнап, күндіз бұршақ жаууы мүмкін. Солтүстіктен, солтүстік-батыстан жел соғады. Оның екпіні кей жерлерінде секундына 15-20 метрге жетуі ықтиал.
Қызылорда облысында оңтүстік-батыстан, батыстан екпіні секундына 15-20 метр болатын жел соғады. Ал Қостанай облысының кей жерінде найзағай ойнайтындығы күтіледі. Батыстан, солтүстік-батыстан жел соғады, кей жерлерде екпіні секундына 15-20 метр болады.

Дүйсенбіге арналған ауа райы болжамы

1944 жылы Қызылорда қаласында жер аударылған шешен балалары үшін балалар үйі ашылды.
1964 жылы «Мақат – Ақтау» темір жолының құрылысы аяқталды.
2001 жылы Елбасы Нұрсұлтан Назарбаев «Астана – жаңа қала» арнайы экономикалық аймақ құру туралы» Жарлыққа қол қойды.
2005 жылы Мемлекет басшысы «Балалы отбасыларға берiлетiн мемлекеттiк жәрдемақылар туралы» Қазақстан Республикасының Заңына қол қойды.
2009 жылы Астанада өткен Қала құрылысын салушылардың «Қазақстан-2009» VIII форумында Елбасы Нұрсұлтан Назарбаев Қазақстан қала құрылысын салушылар одағының Алтын медалімен марапатталды.
2011 жылы Елбасы Нұрсұлтан Назарбаев Қазақстан Республикасының Үкіметі мен Ресей Федерациясының Үкіметі арасындағы «Байқоңыр» кешенін жалға беру шартына өзгеріс енгізу туралы хаттаманы ратификациялау туралы» Заңға қол қойды.
2015 жылы Қазақстан Азия инфрақұрылымдық инвестициялар банкін құру бойынша Келісім Баптарына қол қойды.

29 маусым: атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 29 маусымға арналған жұлдыз-жорамалы.
Тоқты
Өз кемшіліктеріңізді ойлап бас қатырмаңыз, өз-өзіңізге сенімді болыңыз. Әділеттілік және тектілігіңізді сақтаңыз. Сонда ғана жұмысыңыз да, жеке кәсібіңіз де алға қарай жылжиды. Бүгінгі күн есеп-қисаппен айналысып, жоба немесе жоспар құруға өте ыңғайлы.
Торпақ
Қолдан келер іспен айналысыңыз. Аспандағы айға қол созудың қажеті жоқ. Үйде ұсақ-түйек істі атқарып, қаржылық мәселені біржақты етіңіз. Үйге зат сатып алудың немес артық ақша жинаудың қажеті жоқ.
Егіздер
Өзгелерден қулығыңызды асырамын деп ойламаңыз. Өйткені оның барлығы өзіңізге зиянын тигізуі мүмкін. Бұл сіздің беделіңізге сын болатынын жұлдыздар ескертеді. Өзгелердің ығына ермеңіз және күдік тудыратын мәселелерден аулақ болыңыз.
Шаян
Бүгін күн – демалыс. Сондықтан өзіңізге толық демалыс сыйлаңыз. Бассейнге барыңыз, массаж қабылдаңыз. Салқын су ағзаңызды жақсартып, денсаулығыңызға оң әсерін тигізеді. Көптеген аурудың алдын алады. &nbsp;
Арыстан
Бүгінгі күн махаббатыңызды мойындап, романтикалық кеш ұйымдастыруға өте ыңғайлы. Балаларыңыздың немен айналысып жүргеніне мән беріп, көңіл бөліңіз. Жақындарыңыз бен сүйікті адамыңызға сыйлық жасап, көңілін аулаңыз.
Бикеш
Бүгін сіз шынайысыз. Сондай-ақ кез келген қиын тапсырманы оңай орындай аласыз. Достарыңызға көмек көрсетуден қашпаңыз. Бүгінгі күні жолға шығуға және ақпараттар легін жинауға қолайлы болмақ.
Таразы
Әріптестеріңізбен және достарыңызбен дауласпаңыз. Бұл жақсы емес. Бүгін өте ашушаң боласыз. Ол сөзіңізден де, ісіңізден де байқалады. Ұстамды болуға тырысыңыз. Сабырлылық танытыңыз.
Сарышаян
Жұмыс барысында танысқан жандармен қолға алған істі жүзеге асыратын боласыз. Қызметіңізді жоғарылатуға немесе қаржылай қолдайтын жандардардан көмек алуға толық мүмкіндігің бар.
Мерген
Серіктестермен немесе басқа да кездесулер сіз үшін тиімді болмақ. Бұл кездесуге таянақты түрде дайындалар болсаңыз, көп жетістікке жетесіз. Сізге тапсырылған жұмыстарға бей-жай қарамаңыз.
Тауешкі
Бүгін күш-қуатыңыз мол. Белсенділік таныту өз пайдасын әкелмесе, зиянын тигізбейді. Көлік жүргізетін болсаңыз, жолда абай болыңыз. Бүгін сізге көбіне нәзікжандар көп көмегін тигізетін болады.
Суқұйғыш
Бүгін ұсақ-түйек тірліктің барлығын бітіресіз. Сізді біреулер алдап соққысы келеді. Майда-шүйденің барлығына мән беріңіз. Тіпті қайтарым ақшаның өзін санап алғаныңыз жөн. «Сақтықта қорлық жоқ» екенін естен шығармаңыз.
Балықтар
Бүгін орын алатын оқиғалардың барлығы сізге оң әсерін тигізетін болады. Сіз бүгін лауазымды тұлғалардың немесе әріптестеріңіздің көмегіне жүгіне аласыз. Олар сізге бағыт-бағдар беріп, мақсатқа жетуге көмектеседі.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> 29 маусым күні Қасым-Жомарт Тоқаев коронавирус індетінің таралуына қарсы шаралар қабылдау жөнінде кеңес өткізеді, деп хабарлайды Қазақстан Президентінің баспасөз хатшысы Берік Уәли&nbsp;<a href="https://www.facebook.com/profile.php?id=100003403233694">Facebook-тегі парақшасында.</a>
<blockquote>
 «Ертең, 29 маусым күні Қазақстан Президенті Қасым-Жомарт Тоқаев коронавирус індетінің таралуына қарсы шаралар қабылдау жөнінде кеңес өткізеді. Кеңесте Мемлекет басшысы қазіргі ахуалға баға беріп, азаматтардың денсаулығын сақтаудың сапасын арттыруға бағытталған шараларды жариялайды. Сондай-ақ, экономиканы қолдау және халықты әлеуметтік қорғау мәселесі де қаралады деп жоспарланып отыр. Кеңеске Үкімет мүшелері, бірқатар ведомство басшылары, облыс әкімдері қатысады» деп жазды ол.
</blockquote>

Ертең Президент коронавирус індетінің таралуына қарсы шараларды жариялайды

<a href="https://kyzylorda-news.kz/">Kyzylorda-news.kz.</a> “Роскосмос” корпорациясының арнайы борты COVID-19-бен күресу үшін Байқоңырға келді, оның ішінде ресейлік федералдық медициналық-биологиялық агенттіктің мамандары бар.
Осы рейспен жасанды тыныс алу аппараттары, екі мың жеке қорғаныс құралының жиынтығы мен қажетті дәрі-дәрмек жеткізілді.
<blockquote>
 “Роскосмос” &nbsp;мемлекеттік корпорациясы мен Ресейдің федералдық медициналық-биологиялық агенттігі “Байқоңыр” кешенінде COVID-19 коронавирустық инфекциясының таралуына жол бермеу үшін қажетті іс-шараларды қолға алып жатыр”, – делінген хабарламада.
</blockquote>
“Байқоңыр” кешенінде медициналық қызметті агентікке қарасты № 1 орталық медициналық-санитарлық бөлім көрсетеді.
<blockquote>
 “Медициналық ұйым жеке қорғаныс құралдары, дәрі-дәрмек пен медициналық техникамен толыққанды қамтамсыз етілген. Сондай-ақ кадрлық құрам күшейтілді. Қазіргі уақытта орталық медициналық-санитарлық бөлімде алты инфекционист және сегіз анестезиолог-реаниматолог жұмыс істейді”, – делінген хабарламада.
</blockquote>
Бұған дейін Байқоңыр қаласында COVID-19 инфекциясының жаппай тарала басталуына байланысты алдын алу шараларының күшейтілгені хабарланған еді.
26 маусымдағы жағдай бойынша инфекциялық стационарда 60 адам емделіп жатыр, 28 пациент сауығып шыққан.

Қазақстан және Қызылорда облысының жаңалықтары

Халықпен кері байланыстың жаңа түрі әзірленді

«Жусан» операциясы: 144 әйел радикалды көзқарасынан бас тартты

Qoldau-24/7 – МӘМС жүйесіндегі сіздің көмекшіңіз

Соңғы тәулікте симптомды 19, симптомсыз 30 жағдай тіркелді

Қызылордада 2 туристік нысан іске қосылады

Қазақстандықтар шілде айында қанша күн демалатыны белгілі болды

Қазақстанда індетке шалдыққандар саны 21 мыңнан асты

Дүйсенбіге арналған ауа райы болжамы

29 маусым: атаулы күндер мен оқиғалар

Жұлдыздар не дейді?

Ертең Президент коронавирус індетінің таралуына қарсы шараларды жариялайды

Байқоңырға коронавируспен күресу үшін ресейлік дәрігерлер келді

Қазақстан және Қызылорда облысының жаңалықтары

Халықпен кері байланыстың жаңа түрі әзірленді

«Жусан» операциясы: 144 әйел радикалды көзқарасынан бас тартты

Qoldau-24/7 &#8211; МӘМС жүйесіндегі сіздің көмекшіңіз

Соңғы тәулікте симптомды 19, симптомсыз 30 жағдай тіркелді

Қызылордада 2 туристік нысан іске қосылады

Қазақстандықтар шілде айында қанша күн демалатыны белгілі болды

Қазақстанда індетке шалдыққандар саны 21 мыңнан асты

Дүйсенбіге арналған ауа райы болжамы

29 маусым: атаулы күндер мен оқиғалар

Жұлдыздар не дейді?

Ертең Президент коронавирус індетінің таралуына қарсы шараларды жариялайды

Байқоңырға коронавируспен күресу үшін ресейлік дәрігерлер келді

Qoldau-24/7 – МӘМС жүйесіндегі сіздің көмекшіңіз