<a href="https://kyzylorda-news.kz/">Kyzylorda-news.kz.</a> Қазалы аудандық пробация қызметі мен аудандық жұмыспен қамту бөлімі, пробация есебінде тұратын азаматты мемлекеттік&nbsp; «Бастау Бизнес» бағдарламасы арқылы бір айлық «Кәсіпкерлік негіздері» курсын тегін оқытты.
Мамыр айында бір айлық курсты аяқтап, сертификат алған азаматқа жаңадан бастаған кәсіпті қолдау&nbsp; мақсатында «Нәтижелі жұмыспен қамту және жаппай кәсіпкерлікті дамытудың» 2017-2021 жылдарға арналған мемлекеттік бағдарламасы аясында&nbsp; 555&nbsp;600&nbsp; теңге қайтарымсыз грант берілді. Бұл азамат гранттың қаржысына шаштаразға қажетті құрал-жабдықтар сатып алып, өзінің жеке кәсібін ашты.
<blockquote>
 «Біз сияқты аяғын шалыс басқан азаматтарға мемлекеттің беріп отырған осы мүмкіндігін уақыт жоғалтпай тиімді пайдаланып, «Бастау Бизнес» жобасын тегін оқып сертификат алдым. Шаштараз ашып,&nbsp; халыққа қызмет етсем&nbsp; деген мақсатым&nbsp; болды. Негізі, бұл кәсіппен көптен бері айналысамын. Туыстарымның, таныстарымның шаштарын&nbsp; алып жүрдім. 2018 жылдан бері Қазалы аудандық пробация есебінде тұрамын. Білім алып, жеке кәсібімді ашуыма пробация қызметі көмектесті. Қазір менің салоныма алғаш ашылған күнге қарағанда көптеген клиенттер келуде. Осыншама көмек беріп жатқан&nbsp;мемлекетімізге, Президентімізге рахмет, бізді қоғамнан сотталған деп бөлмей,&nbsp; көмек беріп жатқанына», – деді кәсіпкер.
 «Жыл басынан пробация есебіндегі 2 азаматқа 530&nbsp;000 теңге көлемінде қайтарымсыз грант берілді. Оның біреуі ағаш цехын ашса, екінші азамат&nbsp; құрылыс саласында сметалық жоба сызуға жәрдемдесу бойынша өзінің кәсібін ашқан. Мемлекетіміз тарапынан жасалып жатқан бұндай көмектер, пробация қызметі есебіндегі азаматтарды қайта әлеуметтендіруге зор көмегін тигізеді», – деді аудандық пробация қызметінің бастығы әділет подполковнигі Е.Сражатов.
</blockquote>

Қазалыда пробация есебіндегі азамат шаштараз ашты

<a href="https://kyzylorda-news.kz/">Kyzylorda-news.kz.</a>&nbsp; Өңірде жыл басынан бері 201 өрт оқиғасы тіркелді. Оның ішінде, 35-і&nbsp; дала және орман өрті. Бұл туралы Өңірлік коммуникациялар қызметінің ақпараттық алаңында өткен баспасөз конференциясында Қызылорда облысының Төтенше жағдайлар департаменті бастығының орынбасары Руслан Қайрақбаев мәлімдеді.
<blockquote>
 &nbsp;«Облыстың 115382 тұрғынына өрт қауіпсіздігін сақтау мақсатында үгіттеу-түсіндіру жұмыстары жүргізіліп, өрт қауіпсіздігі саласы бойынша 239 объекті тексерілді.Оның ішінде, ерекше тәртіп бойынша 148 объекті, жоспардан тыс бақылау бағытында 91 объекті.Тексеру барысында нұсқама талаптарын орындамағаны үшін мекеме басшыларына хаттама толтырылып әкімшілік сотқа жолданды»,-деді Руслан Сламбекұлы.
</blockquote>
Сонымен қатар, орман қоры аумағында орын алған өрттердің негізгі себептері тұрғындардың және жеке шаруақожалық иелерінің өз жерлерін абаттандыру, жерді ашу үшін қураған шөптерді және қоқыстарды өртеу кезінде желдің әсерінен орман қоры аумағына шоқ ұшқындарының ұшуынан өртке ұластынын да тілге тиек етті.&nbsp;
Құрметті облыс тұрғындары, қауіпсіздік ережелерін сақтау – өміріңізді сақтап қалудың бірден – бір жолы!

Қызылордада жыл басынан бері 201 өрт оқиғасы тіркелді

<a href="https://kyzylorda-news.kz/">Kyzylorda-news.kz.</a> «Дарын» республикалық ғылыми-практикалық орталығының қашықтан өткізген республикалық пәндік олимпиадаларда Қызылорда қаласындағы NIS командасы үздік академиялық білімдерімен ерекшеленіп, мектеп қоржынын 46 жүлдемен толықтырды. Оның ішінде 7 дарынды жас жеңімпаз атанса, 12 оқушы екінші дәрежелі дипломды иеленді. Тағы 27 зияткер жеңіс тұғырының үшінші орынынан көрінді.
Аталмыш олимпиадалар мамыр&nbsp;айында 9-11-сыныптар арасында жалпы білім беретін пәндер бойынша өткізілген-ді. Дегенмен, Қызылорда қаласындағы Назарбаев Зияткерлік мектебінің 7-8-сынып оқушылары да өз қалаулары бойынша олимпиадаға қатысып, жоғары сыныптармен бірге бақтарын сынап көрді.
<blockquote>
 «Сабақтан бос уақытта қосымша ресурстарды пайдалану арқылы білім аламын. Онлайн байқауларға қатысып, білімімді шыңдап отырамын. «Дарын» орталығының ұсынған олимпиадаларында биология және ағылшын тілі пәндері бойынша жүлделі үшінші орындарды иелендім», – дейді 8-сынып оқушысы Абунасыр Амир.
</blockquote>

Қызылордалық зияткерлер республикалық білім додаларында 46 жүлделі орын иеленді

<a href="https://kyzylorda-news.kz/">Kyzylorda-news.kz.</a> Аймақта өткізіліп жатқан «Қарасора-2020» арнайы жедел-профилактикалық іс-шарасы барысында есірткі затына ұқсас өсімдікті өз үйінің ауласында&nbsp;заңсыз егіп-өсірген 46 жастағы қала тұрғыны ұсталды.&nbsp;
Оқиға орнына жедел-тергеу тобы қызметкерлері қарап-тексеру жұмыстарын жүргізу барысында 33 түп&nbsp; заңмен тыйым салынған сора өсімдігіне ұқсас шөпті анықтады. Сараптама қорытындысына сәйкес, зерттеуге алынған өсімдіктер құрамында есірткі заттары бар 2389,98 грамм сора тұқымдас есірткі өсімдігі табылады. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Бұл дерек бойынша&nbsp;Қылмыстық кодекстің 300-бабы 2-бөлігімен&nbsp;(Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру)&nbsp;сотқа дейінгі тергеп-тексеру амалдары жалғасуда.&nbsp; Күдікті Қызылорда қалалық полиция басқармасының уақытша ұстау абақтысына қамауға алынды.
«Қарасора-2020» жедел-профилактикалық іс-шарасы басталғалы қызылордалық полицейлер 15 есірткі құқық бұзушылығын анықтады.&nbsp; Оның 8 дерегі есірткі егіп-баптау деректері.

Қызылордада ауласына сора өсімдігін еккен азамат ұсталды

<a href="https://kyzylorda-news.kz/">Kyzylorda-news.kz.</a> Шиелі ауданындағы су айдындарында рейдтік іс-шаралар жалғасын табуда.
Шиелі аудандық төтенше жағдайлар бөлімі N13 өрт сөндіру бөлімі және Шиелі аудандық Полиция бөлімінің қызметкерлері бірлесіп, кент және елді мекендердегі су айдындарында адамдардың қазасын болдырмау мақсатында рейд жұмыстары жүргізілуде.
Рейд барысында азаматтарға белгіленбеген жерлерге суға шомылуға қатаң тыйым салынатындығы және ішімдік ішіп, мас күйінде шомылуға болмайтындығы түсіндіріліп, ескертпе-жадынама парақшалары таратылды.
Рейдтік іс-шаралар алдағы уақытта да жалғасын табатын болады.
<img src="https://kyzylorda-news.kz/wp-content/uploads/2020/06/shieli-1.jpg" alt="" />
<img src="https://kyzylorda-news.kz/wp-content/uploads/2020/06/shieli1-1.jpg" alt="" />
<img src="https://kyzylorda-news.kz/wp-content/uploads/2020/06/shieli3-1.jpg" alt="" />

Шиелінің су айдындарында рейдтік шаралар жалғасуда

<a href="https://kyzylorda-news.kz/">Kyzylorda-news.kz.</a> Ұлттық банк төрағасы Ерболат Досаев азық-түлік тауарларының жыл сайынғы өсуі 10,7 пайызға дейін жеделдеді деп мәлімдеді, деп хабарлайды&nbsp;<a href="https://stan.kz/">Stan.kz</a>.
<blockquote>
 «Бұл 2016 жылдың қазан айынан бері&nbsp;ең жоғары көрсеткіш және инфляцияға негізгі үлесін қосуда. Ай сайынғы өсім жоғары болып қала береді, бірақ 2020 жылдың наурыз-сәуір айларындағы ең жоғары деңгейден (1,7-1,9%) кейін 1,2 пайызға дейін төмендеді. Азық-түлік тауарларының жекелеген түрлеріне бағаның өсу қарқынын тұрақтандыру: ет және ет өнімдеріне, 1,3 пайызға дейін (2020 жылғы сәуірдегі 1,6 пайыздан), жарма өнімдеріне – 2 пайызға дейін қант 1,2 пайызға арзандады (2020 жылғы сәуірде&nbsp;– өсім – 6,2%), көкөністер – 2020 жылдың сәуірінде 1,9% – 3,1% -ға төмендеді», – деді Досаев үкімет отырысында.
</blockquote>
Оның айтуынша, азық-түлікке жатпайтын тауарлар бағасының жыл сайынғы өсуі жанар-жағармай материалдарының (бензин мен дизель отыны – 0,7%) бағасының үнемі төмендеуімен 5,3 пайызға дейін баяулады.
<blockquote>
 «Ақылы қызметтердің жылдық инфляциясы бір ай ішінде төтенше жағдай кезінде реттелетін коммуналдық қызметтерге тарифтердің уақытша төмендеуіне байланысты 3,5 пайыздан 3 пайызға дейін төмендеді. 2020 жылдың мамыр айында тарифтер 3 пайызға, жылдық көрсетуде 1,9 пайызға төмендеді», – деп қосты Ұлттық банк басшысы.
</blockquote>
Ұлттық банктің бағалауы бойынша, 2020 жылы жылдық инфляция 4-6 пайыздық дәлізден жоғары болады және Brent маркалы мұнайдың баррелі үшін 35-40 долларды құрайтын негізгі сценарий бойынша 8-8,5 пайызды құрайды.
<blockquote>
 «2021 жылы валюта бағамын ішкі бағаларға ауыстыру және ішкі экономикадағы жағдайды тұрақтандыру әсерінен жыл сайынғы инфляция біртіндеп нысаналы дәліздің жоғарғы шегіне дейін төмендейді. Осыған орай, Ұлттық Банк 2020 жылдың 8 маусымында базалық мөлшерлемені&nbsp;2 пайыздық тармақтың пайыздық дәлізі 9,5 пайыз деңгейінде ұстап тұрды», – деп қорытындылады ол.
</blockquote>

Қазақстанда азық-түлік қайтадан қымбаттады

<a href="https://kyzylorda-news.kz/">Kyzylorda-news.kz.</a> Алтын Орда хандығының Сыр өңірінде орналасқан экономикасы мен мәдениеті дамыған ескі қалалары жіті зерттеледі,&nbsp;деп хабарлайды <a href="https://24.kz/kz/zha-aly-tar/o-am/item/401362-yzylorda-oblysynda-eskertkishterdi-azba-zh-mystaryna-zh-myssyz-zhastar-tartylady">«Хабар 24»</a>.
Осы ретте Қызылорда облысында 6 ескерткішке қазба жұмыстары жүргізіліп, оған жұмыссыз жастар тартылады. Ғалымдар ежелгі Бәбіш мола, ортағасырлық Жанкент, Сортөбе және Алтын Орда дәуіріндегі Сығанақ, Асанас, Қышқала шаһарларының сыр сандығын кеңінен саралап-сараптамақ. Осыдан 6 жыл бұрын да ауқымды археологиялық зерттеу жұмыстары қолға алынған болатын. Нәтижесінде облыстық өлкетану музей қоры 6 мың 486 құнды экспонатпен толықты. Жалпы аймақта 545 тарихи және мәдени ескерткіш бар. Оның 134-і археологиялық мұра санатында. Ықылымнан сыр шерткен көне қалаларды зерттеумен қатар инфрақұрылымын жетілдіруге де үлкен мән берілмек. Мәселен, республикалық маңызы бар Сығанақ, Жанкент сияқты жәдігер-шаһарлардың аумағы қоршалып, бару жолы қалыпқа келтірілді. Ендігі меже – тарихи нысандарды ашық аспан астындағы музейге және туристтік орталыққа айналдыру.
<blockquote>
 _«Халық қазынасы болып саналатын руханият пен мәдениет әрбір өңірдің қарқынды дамуына ерекше орын алатыны анық. Бай тарихи-мәдени ескерткіштер мен құндылықтар шоғырланған Сыр өңірі ұлы Жібек жолы бойындағы танымдық, тәрбиелік маңызы бар жаңа туристік бағытқа айналуы тиіс. Ұрпақтар арасындағы сабақтастықтың негізі болып табылатын ұлттық құндылықтарымызды және ата-бабадан қалған мұраларды сақтап, өскелең ұрпаққа жеткізу – біздің басты міндетіміз», – деді облыстық мәдениет, архивтер және құжаттама басқармасының басшысы Мира Әбуова. 
 _
</blockquote>

Қызылорда облысында ескерткіштердің қазба жұмыстарына жұмыссыз жастар тартылады

<a href="https://kyzylorda-news.kz/">Kyzylorda-news.kz.</a> Қармақшы ауданында «Жосалы» бас қосалқы станциясын қайта жаңғырту жұмыстары жүргізілуде.
Қосалқы станция құрылысының сметалық құны 1 702 млн теңгені құрайды. Бұл станция жарты ғасырдан астам уақыттан бері жұмыс істеуде. Айта кетейік, күш трансформаторының орташа қызмет ету мерзімі 20-25 жылды құрайды. Бірақ сауатты және білікті техникалық қызмет көрсету және жөндеу күшімен «Қызылорда ЭТТК» АҚ персоналымен энергетикалық жабдықты пайдаланудың екі есе мерзіміне қол жеткізілді.
220/35/10 кВ қосалқы станциясының электр жабдықтарын қайта құру жобасында қарастырылған, қуаты 25 МВА Т-1 220/35/10 кВ және қуаты 6,3 МВА Т-2 35/10 кВ күштік трансформаторларын орнату, 35 және 10 кВ тарату құрылғыларының жабдықтарын монтаждау, сондай-ақ жедел басқару пункті бойынша жұмыстар аяқталуда.
Қайта құру электрмен жабдықтаудың сенімділігін арттыруға, тұтынушыларды үздіксіз электрмен жабдықтауды қамтамасыз етуге, белгіленген қазіргі заманғы жабдықта электр энергиясының шығынын айтарлықтай төмендетуге мүмкіндік береді.

Қармақшыда 50 жылдан астам жұмыс істеген трансформатор қайта жаңғыртылуда

<a href="https://kyzylorda-news.kz/">Kyzylorda-news.kz.</a> Қызылорда облыстық ішкі саясат басқармасы басшысының 2020 жылғы 9 маусымдағы бұйрығына сәйкес басқарма басшысының орынбасары лауазымына Каюпов Руслан Мұхамедәліұлы тағайындалды.
Руслан Мұхамедәліұлы 1984 жылы 10 қарашада Қызылорда облысы, Шиелі ауданында дүниеге келген.
Жоғары білімді.
«Мемлекеттік және жергілікті басқару» мамандығы бойынша «Экономика және бизнес» магистрі.
Осы саладағы еңбек жолын 2010 жылы «Самұрық» инновациялық идеяларды дамыту орталығы қоғамдық қорының жастарды жұмыспен қамту жобасының аға-үйлестірушісі ретінде бастаған.
2011 – 2012 жылдары Шиелі аудандық ішкі саясат бөлімінің маманы;
2012 – 2013 жылдар аралығында Қызылорда облысының жастар саясаты мәселелері басқармасының бас маманы;
2013 – 2014 жылдар аралығында Қызылорда қалалық ішкі саясат бөлімінің маманы; 
2014 жылы Қызылорда облыс әкімі аппаратының қоғамдық келісім орталығының бас эксперті;
2014 – 2018 жылдары Қызылорда қаласы әкімі аппаратының бас инспекторы, қала әкімінің баспасөз хатшысы;
2018 жылдан жылдан осы кезге дейін, қалалық ішкі саясат бөлімінің басшысы қызметтерін атқарды.
<img src="https://kyzylorda-news.kz/wp-content/uploads/2020/06/kajupov-1.jpg" alt="" />

Қызылорда облыстық ішкі саясат басқармасы басшысының орынбасары тағайындалды

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясымен тіркелген симптомды науқастар саны – 466, ал симптомсыз-53 азамат. Бұл туралы Өңірлік коммуникациялар қызметінің ақпараттық алаңында облыстық денсаулық сақтау басқармасының басшысы Жақсылық Абдусаметов мәлімдеді.
«Соңғы тәулікте 4 дерек тіркелді. Оның ішінде, 1-еуі симптомды, қарым-қатынас арқылы, ал 3-еуі симптомсыз, аурухана мен емхананың скринингінен анықталды»,- деді бас дәрігер.
Сондай-ақ, вирус жұқтырғандармен байланыста болған- 5344 азамат анықталды. Оның ішінде, 3140-ы тікелей қарым-қатынаста, 2204-і жанама байланыста болған.
Бұдан бөлек, індеттен айығып шыққандар саны 298-ге жетті. Соңғы тәулікте стационардан 7 адам емделіп шықты.
Құрметті облыс тұрғындары, статистикаға қарағанда вирустың жұғу мүмкіндігі қарым-қатынас арқылы болып отыр. Вирус ауа тамшылары арқылы жұғатын болғандықтан, ол көбіне сулы ауада көп сақталады. Сондықтанда сақтық шараларын қатаң сақтап және бетперде киюді жалғастыра беруге шақырамыз.

COVID-19: Жаңадан 4 жағдай тіркелді

<a href="https://kyzylorda-news.kz/">Kyzylorda-news.kz.</a> ANTIKOR.LIVE жобасы аясында Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің ұйымдастыруымен онлайн режимінде департамент басшысының бірінші орынбасары Бақытжан Ниязов пен Қызылорда облысы бойынша көліктік бақылау инспекциясы басшысының орынбасары Гүлмира Пірназарова «Сапалы жол – Адалдық алаңы» жобасы шеңберінде жасалып жатқан шаралар бойынша тікелей эфир өткізді.
Тікелей эфир барысында Қызылорда облысы бойынша көліктік бақылау инспекциясының негізгі функцияларының бірі-автомобиль жолдарының сақталуын қамтамасыз ету және отандық және шетелдік автокөлік құралдарымен жүктерді тасымалдауды бақылаудың тиімділігін арттыру бойынша сөз козғалды.
Автомобиль жолдары желісінің сақталуын қамтамасыз етуге бағытталған шаралардың бірі – бұл сегіз тоннадан астам жекебілікке түсетін жүктеме мен автокөлік құралдарының қозғалысына уақытша шектеулер&nbsp; енгізу.
Автокөлік құралдарының қозғалысын шектеу Қазақстан Республикасының республикалық маңызы бар жалпы пайдаланымдағы автомобиль жолдарында енгізілгенін ескеру қажет.
Жазғы кезеңде ауа температурасы 25С жоғары болған жағдайда автокөлік құралдарының қозғалысын сағат 10-00-ден 22-00-ге дейін шектеу енгізіледі. Қызылорда облысының климаттық жағдайын ескере отырып, бұл шектеу 1 маусымнан 31 тамызға&nbsp; дейін&nbsp; енгізіледі.
Егер жүк автокөлік құралының салмақтық параметрлері Қазақстан Республикасы Инвестициялар және даму министрінің міндетін атқарушы бұйрығы мен белгіленген автокөлік құралдарының рұқсат етілген параметрлерінен аспайтын болса, жазғы уақытша шектеулер кезеңінде жүк автокөлік құралының қозғалысы сағат 10-00-ден 22-00-ге дейін тоқтатылады.
Бұл шектеу төтенше жағдайларды жою мен айналысатын, зардап шеккендерге гуманитарлық көмек көрсетуді, тамақ өнімдерін тасымалдауды, жолаушылар мен багажды тасымалдауды, дәрі-дәрмектерді тасымалдауды жүзеге асыратын, сондай-ақ мердігер ұйымдарға реконструкциялау жұмыстарын жүргізу үшін берілген учаскелердегі жол-құрылыс жұмыстарын жүзеге асыратын мен жолаушыларды халықаралық тасымалдауды жүзеге асыратын автомашиналарға қолданылмайды.
Кездесу соңында департамент басшысының бірінші орынбасары Бақытжан Ниязов көрермендер тарапынан қойылған біршама сұрақтарға жауап беріп, алдағы уақытта ANTIKOR.LIVE жобасы аясында атқарылып жатқан жұмыстар өз жалғасын табатындығын атап өтті.

Қызылордада жүк көліктерінің қозғалысына қатысты түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Қылмыстық-атқару жүйесі департаментінің бастығы, әділет подполковнигі Шаймерден Тәжіқұлұлы&nbsp;&nbsp; сотталған азаматтарды жеке сұрақтарымен&nbsp; қабылдады.
ЗК-169/5 мекемесінде&nbsp; жазасын өтеуші шетел азаматы мерзімімнен бұрын шартты түрде босатылған жағдайда, қазіргі&nbsp; карантин уақытында еліне жету жолын сұрады.
<blockquote>
 «Еліңізге&nbsp; жету бойынша,&nbsp; сізді Қызылорда облыстық Полиция департаменті көші-қон қызметі басқармасы қызметкерлеріне тапсырамыз. Одан әрі еліңізге жету мәселесімен көші-қон басқармасы айналысады», – деді департамент басшысы.
</blockquote>
Келесі сұрақ карантин режимін қашан алынатындығын және жұмысқа шығу мәселесі тұрғысында болды. Бұл сұрақ бойынша департамент бастығы ҚР Бас мемлекеттік санитарының қаулысына сәйкес жүзеге асатындығын айтты.
Сонымен қатар қабылдау барысында жазасын өтеуші азаматтар сот үкімдеріне және жаза өтеу жағдайы тұрғысында&nbsp; жекелеген сұрақтарын қойды. Aзаматтарды мұқият тыңдаған департамент бастығы Шаймерден Тәжіқұлұлы олардың сұрақтарына толыққанды жауап берді.

Қазақстан және Қызылорда облысының жаңалықтары