<a href="https://kyzylorda-news.kz/">Kyzylorda-news.kz.</a> «ADAL» партиясынан Мәжіліс депутаттығына үміткерлердің жұмыс сапары Шығыс Қазақстан облысында жалғасты.
Кездесудің біреуін Шығыс Қазақстан облысының Приречное ауылында үміткер Алмасбек Садырбаев «Агрофирма «Приречное» ЖШС қызметкерлерімен кездесу өткізді.
Ол партияның сайлауалды бағдарламасының басым бағыттары туралы егжей-тегжейлі айтып берді және кәсіпорын қызметкерлерінің ұсыныстарын тыңдады.
Кездесуге қатысушыларды, әсіресе, кәсіпкерлік пен ауыл шаруашылығын қолдауға бағытталған бағдарламаның міндеттері қызықтырды.
Кәсіпорын қызметкерлері бизнестің дамуын жеңілдететін жаңа жағдайлар жасауды ұсынды.
<blockquote>
 «Бизнесті қолдау арқылы біз ұлттық экономиканың дамуына үлес қосамыз. Партия кәсіпкерлікті қолдаудың жаңа шараларын енгізуді қолдайды. Атап айтқанда, біз 2025 жылға дейін салықты арттыруға мораторий жариялауды ұсынамыз. Бағдарламада ауылшаруашылық техникасын лизингке алу шаралары 6%-бен көрсетілді», -деді Алмасбек Садырбаев.
</blockquote>
Оның айтуынша, бағдарламада фермерлерді 2% -бен шағын несие беру арқылы қолдау қажет деп атап көрсетілген. АӨК субъектілерінің ынтымақтастығының арқасында өндірісті 20% -ға арттыру. Жаңа технологияларды енгізуді ынталандыру және субсидиялау арқылы шығындарды азайту.

Алмасбек Садырбаев: Біз ұлттық экономиканың дамуына үлес қосамыз

<a href="https://kyzylorda-news.kz/">Kyzylorda-news.kz.</a> 8 қаңтарда Нұр-Сұлтанда Қазақстан Халық партиясының баспасөз конференциясы өтті. Брифингті ұйымдастырушылар ҚХП атынан Парламент Мәжілісінің депутаттығына кандидаттар мен «URANkz» РҚБ өкілдерін біріктірген «қызыл автобус» акциясының қорытындыларымен бөлісті.
Бірнеше ай бойы, соның ішінде сайлау алдындағы үгіт кезеңінде ҚХП атынан Мәжіліс депутаттығына кандидаттар журналистермен және блогерлермен бірге еліміздің өңірлерін аралады. «URANkz» қозғалысының және партияның мүшелері Қазақстанның түкпір-түкпірінде адамдардың қалай өмір сүріп жатқанын өз көздерімен көрді. Олар жергілікті билік тарапынан жылдар бойы шешілмеген негізгі проблемаларды анықтады.
<blockquote>
 “Проблемалар өте көп және олар әр салада бар. Атқарушы билікке қатысты көптеген мәселелер бар. Неге біздің азаматтар әлі күнге дейін сапалы қызмет ала алмайды? Цифрландыру дәуірінде адамдар әлі күнге дейін құдықтардан су алып, пеш жағуда, әйелдер мен балалар көмір мен отын тасуда? Кейбір аудандарда байланыс жоқ. Интернет туралы айтудың қажеті де жоқ. Халықтың әлеуметтік осал топтарынан шыққан біздің азаматтарымыз мемлекеттің нақты қолдауын сезінбей отыр”, – деп пікір білдірді ҚХП атынан депутаттығына кандидат Файзолла Каменов.
</blockquote>
Өңірлерді аралай отырып, акцияға қатысушылар шалғай өңірлер мен ауылдарда проблемалар өте көп деген қорытындыға келді. Оларды мемлекеттік деңгейде көтеріп, Парламентте талқылау қажет. Сондықтан «қызыл автобус» акциясын ұйымдастырушылар өңірлердегі жағдайды барынша жақсарту үшін өз бастамалары мен жұмыстарын одан әрі ілгерілетуге ниетті.
<blockquote>
 “Біз жақында «қызыл автобус» акциясы аясында Тайтөбе ауылына бардық. Адамдар жаңа жылды жарықсыз қарсы алды. Бұл мәселені жергілікті әкім туындаған сәтте-ақ шешуге тиіс еді. Кейбір тұрғындар электр энергиясын өз күшімен өндіруге мәжбүр. Бірі күн батареяларын орнатса, енді электр генераторларын пайдаланады. Ал қалған тұрғындар көршілерінен жарық сатып алады. Бұл дұрыс емес, әрине” – деді депутаттыққа кандидат, «URANkz» қозғалысының мүшесі Сергей Решетников.
</blockquote>
Брифингке қатысушылар өңірлердегі проблемаларға қатысты мысалдарды көптеп айтуға болатынын атап өтті. ҚХП өкілдері қоғамда партия өкілдеріне айтылған барлық ұсыныстарды қолдайтынына сенім білдірді. Бұл –Қазақстанның аумақтық тұтастығы, мемлекеттік тілді дамыту, әйелдер мен балаларға қатысты тұрмыстық зорлық-зомбылықтың алдын алу және т. б. жөніндегі мәлімдемелер.

ҚХП «Қызыл автобус» акциясын қорытындылады

<a href="https://kyzylorda-news.kz/">Kyzylorda-news.kz</a>. Қазақстан Республикасы бәсекелестікті қорғау және дамыту агенттігінің Қызылорда облысы бойынша департаменті «Open Space» кеңсе отырысын өткізді.
Жиын барысында Қазақстан Республикасының бәсекелестікті қорғау саласындағы заң бұзушылықтардың алдын алу және кедергілерді болдырмау мақсатында сауда желілері және әлеуметтік маңызы бар азық-түлік тауарларын өндіруші нарық субъектілерімен монополияға қарсы комплаенс жасасу мәселесі талқыланды.
Монополияға қарсы органмен монополияға қарсы комплаенс жасасу мүмкіндігі түсіндіріліп, нарық субъектілері тарапынан әлеуметтік маңызы бар азық-түлік тауарлары айналысы саласындағы нормативтік-құқықтық актілердің талаптарын орындау жөнінде уағдаласты.
Жиын соңында департаментпен Қызылорда қаласында тіркелген ірі сауда желілері, күріш және тұз өндіруші субъектілері басшыларымен монополияға қарсы комплаенс жасалып, екі жақты қол қойылды.

Ірі сауда желілерімен келісімге қол қойылды

<a href="https://kyzylorda-news.kz/">Kyzylorda-news.kz</a>. Бүгін Өңірлік коммуникациялар алаңында облыстық білім басқармасының басшысы Ақзира Қасымова ІІІ оқу тоқсанындағы негізгі өзгешеліктерді брифингте баяндады.
Мемлекет басшысының тапсырмасына сәйкес дәстүрі оқу форматына кезең-кезеңімен көшу жұмыстары жүргізілуде. І оқу тоқсанында 37436 бала (22,6 пайыз), ІІ оқу тоқсанда 53568 бала (31,5 пайыз), үшінші оқу тоқсанда 71589 бала (42 пайыз) бала мектепке барып оқиды.
Министрлік бекіткен алгоритмге сәйкес ІІІ оқу тоқсанында балаларды оқыту форматы белгіленді. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. – ІІІ оқу тоқсанында 9,11 сынып оқушылары сантиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады.
<blockquote>
 “Бүгінгі күні анализ бойынша 9-сыныпта 13252 оқушы білім алады. Ал, 11-сыныпта 7004 оқушы оқитын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Яғни, пәндердің 70 пайызы – дәстүрлі форматта, 30 пайызы қашықтан оқытылатын болады”,-деді Ақзира Бақтыбайқызы.
</blockquote>
Колледждерде де өзгерістер бар. Жалпы 30 колледжде 19795 студент білім алады. Ведомоствоаралық комиссия шешімімен 1 курс студенттері дәстүрлі түрде оқиды. Бұл ретте студенттер пәндерді 70 пайыз – дәстүрлі, 30 пайыз – қашықтан оқиды. Бүгінгі күні дәстүрлі оқитын 1 курс студенттерінің саны – 5434. Анализ бойынша 5434 студент оқуды дәстүрлі, 12912 студент қашықтан оқиды.

Қызылордада ІІІ оқу тоқсанында 71589 бала дәстүрлі оқу форматында білім алады

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне білім беру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды&nbsp;<a href="https://www.akorda.kz/kz/legal_acts/laws/memleket-basshysy-kazakstan-respublikasynyn-keibir-zannamalyk-aktilerine-bilim-beru-maseleleri-boiynsha-ozgerister-men-tolyktyrular-engizu-t">Ақорда</a>.
Заңның мәтіні баспасөзде жарияланады.

Білім беру туралы заңға өзгерістер енгізілді

<a href="https://kyzylorda-news.kz/">Kyzylorda-news.kz</a>.&nbsp; Биыл 1 қаңтардан бастап барлық ұстаздардың жалақысы 25 пайызға көбейді. Тек мектеп мұғалімдері ғана емес, балабақша педагогтері, қосымша білім беру, колледждер мен жоғары оқу орындары мамандарының да еңбекақылары өсті.
<blockquote>
 “Қазіргі кезде, есептеу бойынша мұғалімдердің орташа айлық жалақысы белгіленді. Толық оқу жүктемесі бар, педагог-шебер санатындағы ұстаз бұрын 279 мың теңге алса, қосымша үстемемен 373 мың теңге алады. Ал, педагог-сарапшы санатындағы мұғалім 234 мың алса, қазір 312 мың теңге мөлшерінде еңбекақы алады. Педагог-модератор санатындағы ұстаздың орташа жалақысы 204 мың теңге болса, қазір 272 мың теңгеге жетті. Ал, категориясы жоқ, жас ұстаздардың орташа жалақысы 213 мың теңге көлемінде белгіленді”, – деді облыстық білім басқармасының басшысы Ақзира Қасымова.
</blockquote>
Қаңтардың 11-інде үшінші оқу тоқсаны басталады. 9,11 сынып оқушылары санитиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Облыста 9-сыныпта 13252 оқушы, 11-сыныпта 7004 оқушы оқитын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Пәндердің 70 пайызы – дәстүрлі форматта, 30 пайызы қашықтан оқытылатын болады.
Сондай-ақ, колледждерде де өзгерістер бар. Жалпы 30 колледжде 19795 студент білім алады. Оның 5434-ң бірінші курс студенті. Ведомоствоаралық комиссия шешімімен 1 курс студенттері дәстүрлі түрде оқиды.

Қызылорда: Мұғалімдердің айлығы 25 пайызға өсті

<a href="https://kyzylorda-news.kz/">Kyzylorda-news.kz</a>. Бүгінде дәрілік заттарға тапшылықты болдырмау мақсатында екі айлық қор жинақталды. Яғни, бес миллион дана дәрілік заттар бар. Аймақтың 319 дәріханасында сатылады. Оның 168-і облыс орталығында орналасқан.
Бұл туралы Өңірлік коммуникациялар қызметінің ақпарат алаңында өткен брифингте облыстық медициналық және фармацевтикалық бақылау департаментінің бөлім басшысы Нұрбек Әділханов мәлімдеді.
<blockquote>
 “Аймақта дәрі-дәрмектің қоры жеткілікті және мониторинг жүргізіп отырмыз. Сондай-ақ, шекті бағадан асып сатылған дәрілік заттардың 72 атауы анықталды. Бұған қоса, өткен жылы шекті бағадан асып сату дерегі бойынша 33 әкімшілік іс қозғалып, айыппұл салынды. Сонымен қатар, 448 атаудағы дәрілік заттар мен 36 медициналық бұйымдар тәркіленді”, – деді Нұрбек Уалиханұлы.
</blockquote>

Қызылордада дәрі-дәрмек қоры жеткілікті

<a href="https://kyzylorda-news.kz/">Kyzylorda-news.kz</a>. Синоптиктер Қазақстанда 9-10 қаңтарда аяздың беті қайта бастайды деп болжады.
<blockquote>
 “Қазақстанның басым бөлігіне циклон жырасы әсер етеді. Соған байланысты өңірлерде ауа температурасы көтеріледі, оңтүстік өңірлерде температура бір градустан жоғары болады. Республиканың басым бөлігінде аздаған боран соғып, қар жауады, оңтүстікте жауын-шашын болады. Кей жерде тұман, көктайғақ болып, жел күшейеді”, – делінген Қазгидромет ақпаратында.
</blockquote>
9 қаңтарда республиканың батысында, солтүстік-батысында және күндіз солтүстігінде атмосфералық фронтальды бөліктердің әсерінен кей жерде қар жауады. Кей жерде тұман түсіп, жел күшейеді, батыста көктайғақ болып, шаңды дауыл тұрады.
Батыс Қазақстан облысының кей жерінде тұман, көктайғақ, бұрқасын болады, жел 15-20 м/с-ге дейін күшейеді.
Қостанай, Солтүстік Қазақстанда, күндіз Ақтөбе, Ақмола облыстарының кей жерінде бұрқасын болуы мүмкін, 15-20 м/с-ге дейін жел соғады. Қостанай мен Солтүстік Қазақстан облысының кей жерінде тұман түседі.
Маңғыстау облысының кей жерінде шаңды дауыл тұрады, жел 15-20 м/с күшейеді.
Жамбыл облысында кей жерде тұман түседі, күндіз жел күшейеді. Түркістан, Атырау, Павлодар, Шығыс Қазақстан облыстарының кей жерінде тұман түсіп, күндіз жел 15-20 м/с-ге дейін күшейеді.
Түнде Алматы облысының кей жерінде қатты аяз болады.
Нұр-Сұлтанда 9 қаңтарда түнде ауа температурасы -27…-29 градусқа дейін төмендейді. Күндіз айтарлықтай жылынады – термометр бағаны -13…-15 градусты көрсетеді. 10 қаңтарда күндіз ауа температурасы -7…-9 градус болады. Қар жауып, желдің күші 7-12 м/с дейін жетуі мүмкін.
Алматыда 9 қаңтарда түнде -14…-16 градус аяз болады, ал күндіз -6…-8 градус болады. 10 қаңтарда түнде ауа температурасы -12…-14 градусқа дейін түседі, күндіз -1…-3 градус болады.
Шымкентте демалыс күндері ауа температурасы бір градустан жоғары болады. 9 қаңтарда күндіз +1…+ 3 °C, түнде -9..-11 градус болады. 10 қаңтарда ауа райы ашық болып, күн жылынады. Күндіз термометр +7…+9 градусқа дейін көтеріледі, ал түнде -5…-7 °C болады.

Қазақстанда демалыс күндері ауа райы қандай болады?

<a href="https://kyzylorda-news.kz/">Kyzylorda-news.kz</a>. Зейнетақы жинағын мерзімінен бұрын пайдалануға қатысты барлық операция онлайн-форматта жасалады. Ол үшін банкке барудың қажеті жоқ. Бұл туралы Отбасы банк хабарлады.
<blockquote>
 “Осы заңға қатысты барлық актіге қол қойылғаннан кейін онлайн-платформа іске қосылады. Сол жерде зейнетақы жинағын мерзімінен бұрын пайдалану туралы өтінішті қашықтан беруге мүмкіндік болады. Барлық операция онлайн-форматта жасалатынын еске саламыз. Ол үшін банкке келудің қажеті жоқ”, – дейді банк қызметкерлері.
</blockquote>
Айта кетейік, бұған дейін “Отбасы банк” басқармасының төрайымы Ләззат Ибрагимова БЖЗҚ-дан зейнетақы жинағын мерзімінен бұрын пайдалануға қытысты өтініш қабылдайтын онлайн-порталдың 8 қаңтарда іске қосылатыны туралы айтқан. Оның сөзіне қарағанда, уақыт жағынан шектеу жоқ. Сондықтан банкке барып, өтініш берудің қажеті жоқ.
Ал Бірыңай жинақтаушы зейнетақы қоры таратқан мәліметке сәйкес, бес жұмыс күні ішінде ақша уәкілетті операторға аударылады.&nbsp;
<blockquote>
 “Зейнетақы жинағы арнайы шотта 45 жұмыс күнінен аспайтын уақыт ішінде жатады. Осы мерзім ішінде жинақ нысаналы мақсаты бойынша пайдаланылуға немесе салымшының БЖЗҚ-дағы зейнетақы шотына қайтарылуға тиіс”, – делінген ресми хабарламада.
</blockquote>
Биылдан бастап 761 мыңнан астам жұмыс істейтін салымшы жалпы көлемі 2,4 триллион теңгеден астам қаражатты мерзімінен бұрын пайдалану құқығына ие болады. Жинақтың жеткіліктілік деңгейінен асатын орташа сома шамамен 3,2 миллион теңгені құрайды.
<a href="https://sputnik.kz/society/20210108/15951823/Zeynetaqy-zhinagy-bank.html">Sputnik Қазақстан</a>

Зейнетақы жинағын пайдалану үшін банкке бару керек пе?

Kyzylorda-news.kz. Әли Бектаев «Ауыл» ХДПП республикалық штабының кеңсесінде ТМД Байқаушылар миссиясының штабымен кездесті.
Байқаушылар штабының өкілдері Е.В. Козяк және В. С. Падюнастің үгіт-насихат науқанын өткізу бойынша қойған сұрақтарына жауап берген «Ауыл» партиясының төрағасы Әли Бектаев үгіт-насихат жұмыстары барлық өңірлерде қарқынды жүріп жатқанын мәлімдеді. 
⠀ 
Бүгінгі таңда әртүрлі деңгейдегі депутаттыққа кандидаттар белсенді түрде халықпен кездесіп, партияның сайлауалды бағдарламасы бойынша еңбек ұжымдары арасында түсіндіру жұмыстарын жүргізіп отыр.
<blockquote>
 «Ауылдан ауылға» акциясы аясында шалғайдағы ауылдарды аралауда. Жалпы 630 000 үгіт материалдары таратылып, 1630 ауылға аттанды. Партияның әрбір үміткерінің кездесу кестесі өте мазмұнды»,-деді ол. 
 ⠀
</blockquote>

«Ауыл» ХДПП: ТМД байқаушылар миссиясының штабымен кездесу өтті

<a href="https://kyzylorda-news.kz/">Kyzylorda-news.kz</a>. «Nur Otan» партиясы Қызылорда облыстық сайлауалды штабы 10 қаңтарға жоспарланған Қазақстан Республикасы Парламенті Мәжілісі мен жергілікті мәслихаттары сайлауының үгіт жұмыстарын қорытындыланды. Үгіт кезеңінде атқарылған жұмыстармен БАҚ өкілдерін «Nur Otan» партиясы Қызылорда облыстық сайлауалды штаб жетекшісі Ләйлә Төрешова таныстырды.
2020 жылдың 10 желтоқсан күнгі сағат 18:00-ден бастап 149 мүшесі бар облыстық, қалалық, аудандық 9 сайлауалды штабтар өз жұмыстарын бастады. Штабтар жанынан үгіт жұмыстарын жүргізу үшін құрылған 9 сайлауалды қоғамдық штабтар жұмыс атқарды. 1128 сенімді тұлғалар үгіт жұмыстарына тартылған. Штабтар жанынан үгіт-насихат жұмыстарын ұйымдастыруға арналған Жастар қанаты құрылып, қатарында партияның «Jas Otan» жастар қанатының 456 белсенділері мен партияның жақтастары жұмыс істеген.
<blockquote>
 «Үгіт жұмыстары барысында әрбір елді мекеннің мәселелерін шешуді және халықтың өмір сүру сапасын арттыруды көздейтін, 7 басымдыққа топтастырылған 94 нақты міндеттерді қамтитын облыстық, қалалық және аудандық бағдарламалар сайлаушыларға насихатталып, түсіндірілді. Бүгінде, облыс аумағында жастар белсенділермен 240 227 ақпараттық үгіт материалдары таратылды. Үгіт парақтары «Есіктен – есікке» акция аясында әрбір сайлаушының үйіне жеткізілді. Белсенділер халық көп шоғырланатын аумақтарда үгіт парақтарын таратты», – деді Л.Төрешова
</blockquote>
<img src="https://kyzylorda-news.kz/wp-content/uploads/2021/01/daa88274-eaf3-49d6-9a2a-db7510c056e2.jpg" alt="" />
Облыс бойынша партияның билбордтары мен үгіт материалдары орнатылған. Карантиндік шектеулерге сәйкес үгіт шараларының басым көпшілігі онлайн форматтарда өткен. Үгіт жұмыстары дәстүрлі кездесулерден бөлек «Есіктен есікке», Канвассинг, Экспромт- кездесу ұйымдастырылды. Үгіт-насихат кезеңінде шаралар онлайн және офлайн өтті. Партияның үгіт жұмыстарына Қазақстан Республикасы Парламенті Сенаты депутаттары Мұрат Бахтиярұлы мен Дана Нұржігіт да өз үлестерін қосқан.
Қазақстан Республикасы Парламенті Мәжілісі депутаттығына кандидаттардың қатысуымен 233 әр түрлі шаралар өткізілген. Сонымен бірге 2020 жылдың 21 желтоқсан күні облысымызда партияның Республикалық сайлауалды штаб өкілдері үгіт жұмыстарын жүргізді. Республикалық сайлауалды штаб құрамындағы 32 партияластарымызбен Қызылорда қаласы мен аудандарда кездесулер өткізілді.
Үгіт жұмыстарынан бөлек сайлауалды штабтар жанынан тұрғындардың өтініштері мен ұсыныс-тілектерін қабылдау жұмыстары да ұйымдастырылды. Осыған орай, аймақтық, аумақтық сайлауалды штабтарының қоғамдық қабылдау бөлмелерінде барлығы 283 үміткерлердің қабылдаулары өткізілсе, олардың 5-і ҚР Парламенті Мәжілісінің депутаттығына үміткерлер.
Сайлауалды штабтардың қоғамдық қабылдау бөлмелерінде 1414 азаматтардың түрлі бағыттағы мәселелері тыңдалып, тиісті жұмыстар атқарылған. Қабылдауға келген және халықпен кездесу барысында азаматтар тарапынан білдірілген барлығы 600 ұсыныс-тілектер тіркелген.
<blockquote>
 «Алдағы сайлаудың әділ де, заң аясында өтуіне байқау жүргізу. Осыған орай 10 қаңтар күні облыстағы барлық 376 сайлау учаскелерінде партия атынан 376 сенімді тұлғалар мен 752 байқаушылар жұмыс жасайтын болады. Жалпы біздің мақсатымыз партияның сайлауалды бағдарламасында көрсетілгендей: әрбір азаматқа лайықты өмір қалыптастыру үшін, қиындықты еңсеріп сайлаушыларымызбен бірге жеңіске жету. Сондықтан барлық жерлестерімізді 10 қаңтар күні сайлауға қатысып, «Nur Otan» партиясына дауыс беруге шақырамыз!», – деді облыстық штаб жұмысын қорытындылаған Ләйлә Төрешова.
</blockquote>
“Nur Otan” партиясы Қызылорда облысының Сайлау қорының қаражатынан төленді

«Nur Otan» партиясының облыстық сайлауалды штабы үгіт жұмыстарын қорытындылады

<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрлігі жауапты хатшысының бұйрығымен&nbsp;Жанабергенова Динара Олжабайқызы&nbsp;Қызылорда облысының санитариялық-эпидемиологиялық бақылау департаментінің басшысы лауазымына тағайындалды.
Д. Жанабергенова 1979 жылы Қызылорда облысы Жалағаш ауданында туған. Қорқыт ата атындағы Қызылорда мемлекеттік университетін «Дәрігер-гигиенист, эпидемиолог» мамандығы бойынша бітірген.
Еңбек жолын 2002 жылы Жалағаш аудандық СЭС-ның еңбек гигиенасы бойынша санитарлық дәрігері болып бастаған.
2005-2010 жылдары Жалағаш аудандық мемлекеттік санитариялық-эпидемиологиялық қадағалау басқармасында Эпидқадағалау бөлімінің бастығы;
2010-2012 жылдары Мемлекеттік санитариялық-эпидемиологиялық қадағалау департаментінің Тағам нысандарын сангигқадағалау бөлімінің бас маманы;
2012-2017 жылдары Сырдария аудандық тұтынушылардың құқықтарын қорғау басқармасының басшысы;
2017-2020 жылдары Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің Тамақтану объектілеріндегі инфекциялық емес ауруларды бақылау және қадағалау бөлімінің басшысы қызметтерін атқарды. Осы лауазымға тағайындалғанға дейін Қызылорда облысының санитариялық-эпидемиологиялық бақылау департаментінің Тамақтану объектілерін бақылау және қадағалау бөлімінің басшысы қызметін атқарып келді.
<img src="https://kyzylorda-news.kz/wp-content/uploads/2021/01/sajtqa-15-e1610105074611.jpg" alt="" />

Қазақстан және Қызылорда облысының жаңалықтары