<a href="https://kyzylorda-news.kz/">Kyzylorda-news.kz</a>. Қызылорда облысы полиция департаментінің Арал аудандық полиция бөліміне 2021 жылдың 3 қаңтарында 39 жастағы жергілікті тұрғын хабарласып, ауыл маңында жайылып жүрген жылқыны ұрлауға әрекеттенгендігі туралы хабарлаған.
Арызданушы белгісіз адамдардың оның жылқысын атып алып, ұрлауға оқталғанын айтты. Полиция қызметкерлері аттың ізімен жайылымға барып, тексеру барысында белгісіз азаматтардың аяқ киім іздерін табады.
Жедел-іздестіру шаралары барысында бұл қылмысқа 31 жастағы ауыл тұрғынының қатысы бар екендігі анықталды.
Күдікті қылмыстық әрекетін белгісіз себептермен соңына дейін жеткізе алмай, оқиға орнынан қашып кеткен.
Аталған дерек бойынша Қазақстан Республикасының Қылмыстық кодексінің 24-бабының 3-бөлігі (Қылмысқа дайындалу және қылмысқа оқталу) арқылы Қазақстан Республикасы Қылмыстық кодексінің 188-1 бабының 1-бөлігімен (Мал ұрлау, яғни бөтеннің малын жасырын жымқыру) сотқа дейінгі тергеп-тексеру жүргізілуде.&nbsp; Оқиғаның мән-жайы анықталуда.

Қызылордада мал ұрламақ болған күдікті жылқыны атып өлтірген

<a href="https://kyzylorda-news.kz/">Kyzylorda-news.kz</a>. Өткен жылдың қаңтар-желтоқсанында елімізде тұрғын үйді сату-сатып алу бойынша 370 884 мәміле жасалды. Бұл, 2019 жылдың тиісті кезеңімен салыстырғанда 3,8 пайызға аз, деп хабарлайды <a href="https://lenta.inform.kz/kz/baspanany-satu-satyp-alu-kelisimderi-kay-onirde-kop-zhasalgan_a3738419">ҚазАқпарат</a>.
Стратегиялық жоспарлау және реформалар агенттігі Ұлттық статистика бюросының&nbsp;<a href="https://stat.gov.kz/news/ESTAT399512">мәліметіне сәйкес,</a>&nbsp;былтырғы желтоқсан айында баспананы сату-сатып алуға қатысты 32 027 мәміле жасалған. Бұл, оның алдыңғы аймен салыстырғанда 6,9 пайызға көп.
2020 жылы баспананы алып-сатумен байланысты&nbsp;ең аз келісім&nbsp;Шығыс Қазақстан облысында жасалған. 2019 жылмен салыстырғанда көрсеткіш 16,6 пайызға азайған. Одан кейінгі орындарда – Павлодар (-10,9 пайыз), Солтүстік Қазақстан (-10,5), Ақтөбе (-10,3), Жамбыл (-10,0) облыстары тұр.
2020 жылы үйді сату-сатып алуға қатысты&nbsp;ең көп мәміле&nbsp;Шымкент қаласында жасалған. 2019 жылмен салыстырғанда 10,9 пайызға көп. Одан кейінгі орындарда – Қызылорда (+7,3 пайыз), Түркістан (+7,2 пайыз), Атырау (+7,0 пайыз), Маңғыстау (+6,3 пайыз) орналасқан.
Алматы қаласында – 2,9 пайызға, Нұр-Сұлтан қаласында 9,1 пайызға үйлер аз сатылған және сатып алынған.

Қызылордада өткен жылы баспананы сату-сатып алу келісімдері көп жасалған

Kyzylorda-news.kz. ADAL партиясының төрағасы Серік Сұлтанғали өкілдер мен депутаттыққа кандидаттар арасында жалпы кездесу өткізді.
Кандидаттар партия төрағасына өңірлердегі үгіт-насихат жұмыстарының қорытындылары туралы айтып берді. Сонымен қатар, олар қалалар мен ауылдардың тұрғындарын алаңдататын ең көп кездесетін мәселелерді атап шықты.
<blockquote>
 «Өте ауқымды, маңызды және қажетті жұмыс жасалды, көптеген мәліметтер, тілектер мен ұсыныстар жиналды. Мен әрқайсыңызға осындай қиын сәтте белсенділік пен жұмысты адал орындағаныңыз үшін алғыс айтамын. Өзіңізге және денсаулығыңызға мұқият болыңыз, менің ойымша, бұл бүгінгі күннің ең маңызды басымдығы екендігі баршаға түсінікті болды. Барлығыңызға үміттеріңізді жоғалтпауға және біздің ортақ мақсатымызға табандылықпен ұмтылуға тілектеспін. Халық бізге сенеді, сондықтан оларға адал болып, уәделерімізді орындайық», – деді Серік Сұлтанғали.
</blockquote>

ADAL партиясының төрағасы  кандидаттармен кездесті

<a href="https://kyzylorda-news.kz/">Kyzylorda-news.kz</a>. “Ұлттық ақпараттық технологиялар” компаниясы қазақстандықтарға 42 500 теңге төлеу туралы SMS-хабарлама неге қайта келе бастағанын түсіндірді, деп хабарлайды&nbsp;<a href="https://sputnik.kz/">Spunik Қазақстан.</a>
Бұған дейін кейбір қазақстандықтардың ұялы телефонына “Электронды үкімет” порталының Бірыңғай байланыс орталығы нөмерінен (1414) хабарлама жолданды. SMS-те 5 шілдеден бастап табыстан айырылуына байланысты 42 500 теңге алуға келісесіз бе деген сұрақ қойылған. Келісім берген жағдайда “1”, ал келіспесе “2” санын жіберу керек екені айтылған.
<blockquote>
 “Түнде жүйені жаңарту бойынша стандартты жұмыстар жүргізілген еді. Сол кезде төлем тағайындау туралы ескі хабарлама кетіп қалған. SMS байланыс операторларының 400 мың абонентіне жолданды. Бұл әдеттегіден тыс жағдай және адами фактордың салдары. Мазалағанымызға кешірім сұраймыз және түсіністік танытқаныңыз үшін алғыс айтамыз”, – деді&nbsp;&nbsp;“Ұлттық ақпараттық технологиялар” АҚ жұртшылықпен байланыс басқармасының басшысы Анар Мағзұмова.
</blockquote>
Былтыр төтенше жағдай режимі кезінде табысынан айырылған қазақстандықтарға ең төменгі жалақы мөлшерінде әлеуметтік төлем тағайындалған еді. 42500 теңге екі рет: 16 наурыз бен 11 мамыр, 5 шілде мен 17 тамыз аралығында берілді.
Бұған дейін еңбек министрлігі төтенше жағдай режимі кезінде 4,6 миллион адамға 322 миллиард теңге, ал карантиндік шектеу шаралары кезінде 2,4 миллион адамға 153,2 миллиард теңге төленгенін хабарлаған болатын.
<img src="https://kyzylorda-news.kz/wp-content/uploads/2021/01/15947430.jpg" alt="" />

Қазақстандықтарға 42 500 теңге алу туралы SMS-хабарлама қайта келіп жатыр

<a href="https://kyzylorda-news.kz/">Kyzylorda-news.kz.</a> «Ақ жолдың» республикалық штабында «Полемикалық экономика» жинағының тұсаукесері өтті.
«Ақ жол» сайлауалды бағдарламасын іске асыру жөніндегі 2016 жылғы жұмысы, оның парламенттік фракциясының қызметі туралы материалдар жинағы «Ақ жол» партиясының үгіт-насихат науқаны аясында екі бөлімнен тұратын жинақ ретінде жарық көрді. Жинақта «Ақ жол» партиясының төрағасы Азат Перуашевтің сөйлеген сөздерінің, жарияланымдарының авторлық мәтіндері, фракцияның депутаттық сауалдары қамтылған.
<img src="https://akzhol.kz/wp-content/uploads/2021/01/e59bf94a-0ff3-46ad-803c-174c70ab2b85-1024x768.jpg" alt="" />
«Ақ жол» партиясы мен оның көшбасшысының нарықтық экономиканы дамыту және жеке бизнестің мүдделерін қорғау жөніндегі қызметі басты назарда. Сонымен бірге, олар Тәуелсіздікті нығайту және демократиялық институттар арқылы ұлттық мүдделерді дамыту міндеттеріне бағынады.
Жинақта «Ақ жол» партиясының негізгі бағдарламалық бағыттарына жеке-жеке тоқталып өтілген: кәсіпкерлікті қолдау, қазақстандық қоғамды демократияландыру, сыбайлас жемқорлыққа қарсы күрес және т.б.
Сонымен қатар, көтерілген мәселелер бойынша оң нәтижелер бар, ал кейбір мәселелер жұмысты жалғастыруды талап етеді…
<blockquote>
 «Ақ жол» фракциясы жұмысының қорытындысы бойынша бесінші&nbsp; шақырылымда жарияланған осындай жинаққа қарағанда, бүгінгі жарыққа шығарылып отырған басылымда материалдар 2 есе көп. Бұл фракцияның 6 шақырымдағы ерекше белсенділігін көрсетеді. Кітап біздің болашақ жұмысымызда да жақсы көмекші болатынына сенімдіміз», – деп Азат Перуашев шара барысында атап өтті.&nbsp;&nbsp; &nbsp;&nbsp;&nbsp;
</blockquote>
«Полемикалық экономика» жинағы экономистер мен саясаттанушыларға, қазіргі Қазақстанның мемлекеттік және экономикалық құрылыс үрдістеріне, сондай-ақ еліміздің бүгіні мен болашағы туралы пікірталастарға қызығушылық танытатын әрбір адамға қызықты болады.

«Ақ жолдың» «Полемикалық экономика» жинағы жарық көрді

<a href="https://kyzylorda-news.kz/">Kyzylorda-news.kz.</a> «URANkz» республикалық қоғамдық бірлестігінің өкілдері мен Қазақстанның Халық партиясы атынан Мәжіліс депутаттығына үміткерлерді біріктірген қызыл автобус Қызылорда облысындағы Төретам ауылында болды. Елді-мекен Байқоңыр космодромынан жарты сағаттық жерде орналасқан. Мұнда жартылай қаңыраған жалғыз бес қабатты үй бар.
Терезелері сынған, су, канализация құбыры, жылу, газ жоқ бұл үйде бірнеше отбасы тұрып жатыр. Үйді жылыту үшін тұрғындар пеш жасап алған. Әр отбасының сыртта орнатылған әжетханасы бар. Суды жақын маңайдағы колонкадан тасиды.
<blockquote>
 “Мына үш подъезде бір-бір отбасыдан ғана тұрамыз. Бір подъезд толығымен қаңырап тұр. Тұру мүмкін болмаған соң адамдар жан-жаққа көшіп кеткен. Жылу, су, газ, ештеңе жоқ. Ол аздай, төбеден су ағады. Пеш жағамыз, суды колонкадан тасимыз. Қыста су мұз болып қатып қалады. Алты баламмен қайда барамын? Күйеуіміз екеуіміз жұмыс істесек те, ақша еш нәрсеге жетпейді. Жалақымыз аз, көмір, отын алу керек, кредит төлеу керек”, дейді үйдің тұрғыны Бақытгүл Азиева.
 “Менің алты балам бар. Ең кішісі үш айлық. Үй өте суық. Жан-жағымыздағы пәтер бос тұрғандықтан, бөлмелерді жылыту үшін көбірек көмір жағуға тура келеді. Балалар әжетханаға сыртқа шығатындықтан, жиі ауырып қалады”, – деп үйдің тұрғыны Ұлмаш Қожакелдиева жағдайын түсіндірді.
</blockquote>
<img src="https://qhp.kz/images/content/KyzylOrda/dec20/261220Toretam.jpeg" alt="261220Toretam" />
<blockquote>
 “Тұрғындардың жағдайы мүшкіл. Кеңес үкіметі кезінде бұл жерде бәрі болатын, су да, газ да, канализация құбыры да. Ал қазір жылу да жоқ. Адамдар үйлерін қолдан жасап алған пешпен жылытуға мәжбүр. Колонкадағы су қыста қатып қалғандықтан, суды сатып алуға тура келеді.&nbsp; Бомбалаған үйлер сияқты. Алты баласы бар бір ана 53000 теңгеге күн көріп жүр. Ал Байқоңырда жұмыс істейтіндер үш есе көп аналық капитал алады. Біздегі жәрдемақыны Рессейдегідей көтерсек, проблема болмас еді. Мына үйге коммуникация жүйелерін жүргізіп, адамдарға жағдай жасау керек”, – дейді Қазақстанның Халық партиясы атынан Мәжіліс депутаттығына үміткер Файзолла Қаменов.
</blockquote>
«Қызыл автобус» акциясына қатысушылар тұрғындарды жергілікті билік жылдар бойы елемей келе жатқан мәселелер жайлы айтуға шақырады. Белсенділер бір аптадай Қызылорда облысының аудандарын аралап, тұрғындардың мұң-мұқтажын тыңдап,&nbsp; әлеуметтік мәселелерді анықтайды.

Қазақстан Халық партиясының &#8220;қызыл автобусы&#8221; Төретамда болды

<a href="https://kyzylorda-news.kz/">Kyzylorda-news.kz</a>. Өңірге соңғы бір аптаның көлемінде алты миллион жұмыртқа жеткізіліп, сауда орындарына таратылды.
Тапшылықты болдырмау мақсатында қосымша тағы екі миллион дана әкелінеді. Бүгін 600 мың данасы келеді. Бұл туралы Өңірлік коммуникациялар қызметінің ақпараттық алаңында өткен брифингте облыстық ауыл шаруашылығы басқармасының басшысы Шахмардан Қойшыбаев мәлімдеді.
<blockquote>
 “Аймақта жұмыртқа ірі сауда орындарының әлеуметтік бұрышында 31 теңгеден, ал қалған дүкендерде категориясына қарай 42-49 теңгеден сатылуда. Облыста жұмыртқаға тапшылық жоқ. Сондай-ақ, қант, құс етінің бағасы төмендеді. Бүгінде тұрақтандыру қорында 2,4 мың тонна өнім сақталып, сатылуда. Бұған қоса, 23 тонна өсімдік майы және 300 тонна картоп сатып алу үшін жұмыстар жүргізілуде”, – деді Шахмардан Сұлтанбекұлы.
</blockquote>

Қызылордаға алты миллион жұмыртқа жеткізілді

<a href="https://kyzylorda-news.kz/">Kyzylorda-news.kz</a>.&nbsp; Мемлекет және қоғам қайраткері, экономика ғылымдарының докторы Атамұрат Мөрәліұлы Шәменовтің 70 жасқа толуына орай Қорқыт ата атындағы Қызылорда университеті «Қазақстандық Арал өңірінің экологиялық-экономикалық проблемалары және оларды шешу жолдары» атты халықаралық ғылыми-тәжірибелік онлайн-конференция өтті.
Конференцияға университет профессор – оқытушыларымен қатар, Қызылорда облысы әкімінің орынбасары Б.Жаханов, экономика ғылымдарының докторы А.Шәменов, Саратов мемлекеттік аграрлық университетінің профессоры А.Кравчук, Л.Н.Гумилев атындағы Еуразия ұлттық университетінің биология ғылымдарының докторы Р.Бейсенова, Жалағаш ауданының әкімі А.Шәменов қатысты.
Аталған конференцияның А.Шәменов мерейтойына орай ұйымдастырылып отырғаны кездейсоқ емес. Оның ғалым ретінде ел тәуелсіздігінің алғашқы жылдарынан бері Арал өңірінің экологиялық-экономикалық ахуалын жақсарту бағытында іске асырылған көптеген игілікті шаруада өзіндік қолтаңбасы бар екені қоғамға белгілі.
<blockquote>
 “Арал апатының трагедиялық салдары ел көлеміндегі және шетелдік ғалымдар мен экологтардың назарын өзіне аударып жүргенін айтып, конференцияның қазақстандық Арал өңірінің әлеуметтік-экономикалық, экологиялық проблемаларын шешу ісіне өз үлесін қосатынына және әр елдің ғалымдарының ынтымақтастығының тиімділігін арттыруға ықпал ететіне сенімдімін”, – деп түйіндеді Атамұрат Шәменов.
</blockquote>
Конференцияға қатысқан спикерлер Арал аумағындағы жердің бұзылуы және шөлейітке айналуымен күресудің тиімді әдістерін табу, су ресурстарын мемлекетаралық басқарудың жаңа қағидаларын енгізу аймақтағы экологиялық сынқатерлерге басты жауаптар болып табылатынын атап өтті.
Арал проблемасы әлі көптеген ғылыми конференциялардың мазмұнын айқындай беретіні анық. Конференцияны қорытындылай келе, қатысушылар ғылыми тұжырымдарын, құнды ой-пікірлерін ортаға салып, Арал өңіріндегі эколоиялық және экономикалық ахуалды одан әрі жақсартуға бағытталған зерттеулерді дамытуға өз үлестерін қоса беретінін айтты.
<img src="https://kyzylorda-news.kz/wp-content/uploads/2021/01/136654813_2149916918479056_1234076538949452532_n.jpg" alt="" />
<img src="https://kyzylorda-news.kz/wp-content/uploads/2021/01/136045925_2149807148490033_7876541676281967369_n.png" alt="" />
<img src="https://kyzylorda-news.kz/wp-content/uploads/2021/01/135754670_2149806678490080_5419218154804836322_n.png" alt="" />

Арал өңірінің экологиялық проблемасы: Халықаралық ғылыми-тәжірибелік конференция өтті

&nbsp;<a href="https://kyzylorda-news.kz/">Kyzylorda-news.kz</a>.&nbsp; Қызылорда облысында жыл басынан бері карантин талабын бұзған 4 жағдай анықталды.
Олардың 2-еуі Қызылорда қаласында, қалғаны Шиелі және Қазалы аудандарында тіркелген. Барлығында кафе иелерінің шекті уақытты сақтамай, карантин режимін бұзғаны анықталды.
<blockquote>
 «Бұл жағдайлар 4 қаңтарға дейін тіркелген. Одан бергі үш күнде мұндай келеңсіздіктер болған жоқ. Оларға 444 мың теңгеден астам айыппұл салынды», – деді Қызылорда облысы Санитарлық-эпидемиологиялық бақылау департаментінің баспасөз хатшысы Айман Жанахаева.
</blockquote>
Қызылорда облысында 2020 жылы карантин талабын бұзған 900-ден астам дерек тіркелген. Олардың 543-і той жасауға қатысты болған. Өңірде бұл мақсатта арнайы құрылған 24 мобильді топ жұмыс жасауда.
Естеріңізге сала кетелік, қазірге дейін Қызылорда облысында 3425 адам коронавирус&nbsp;<a href="https://www.inform.kz/kz/kyzylordada-bes-zhastagy-kyz-bala-koronavirus-zhuktyrdy_a3738133">жұқтырған</a>&nbsp;. Олардың 3343-і ауруынан жазылып шықты.
<a href="https://lenta.inform.kz/kz/kyzylordada-karantin-talabyn-buzgandar-anyktaldy_a3738207">ҚазАқпарат</a>

Қызылордада карантин талабын бұзғандар анықталды

<a href="https://kyzylorda-news.kz/">Kyzylorda-news.kz</a>. Өткен жылы облыс көлемінде есірткінің заңсыз айналымына байланысты сотқа дейінгі тергеп тексерудің бірынғай тізіліміне 386 қылмыстық құқық бұзушылық тіркелген, оның 20 есірткі затын сату, 14 есірткі затын аса ірі мөлшерде заңсыз сақтау және 75 құрамында заңмен тыйым салынған есірткі құралы бар сора өсімдігін егу дерегі. Сонымен қатар, ҚР ҚК-нің 296-бабында көзделген қылмыстық теріс қылықтың 276 дерегі анықталған.
Заңсыз айналымнан барлығы 350 кг. жуық есірткі заты алынды, оның 2 кг.289 гр. гашиш.
Нашақорлық&nbsp; пен&nbsp; есірткі&nbsp; қылмыстарының&nbsp; алдын&nbsp; алу&nbsp; мақсатында&nbsp; Есірткі қылмысына қарсы іс-қимыл басқармасы&nbsp; тарапынан&nbsp; алдын&nbsp; алу&nbsp; жұмыстары&nbsp; іске&nbsp; асырылуда.
Облыс&nbsp; көлемінде&nbsp; жалпы&nbsp; 328 іс-шара&nbsp; өткізіліп,&nbsp; олардың&nbsp; 9&nbsp; – акция,&nbsp; 96 – лекция,&nbsp; 8 – дөңгелек&nbsp; үстел,&nbsp;&nbsp; 24 – кездесулер,9 &nbsp;– спорттық&nbsp; іс-шаралар, 166 – онлайн-сайыстар. Атқарылған&nbsp; іс-шаралардың&nbsp; 147- үкіметтік&nbsp; емес&nbsp; ұйымдармен,&nbsp; 185 –&nbsp; мектеп&nbsp; инспекторларымен,&nbsp; ал&nbsp; 15 – жоғарғы&nbsp; және&nbsp; арнаулы&nbsp; орта&nbsp; оқу&nbsp; орындарында &nbsp;ұйымдастырылды.&nbsp; Жалпы&nbsp; ұйымдастырылған&nbsp; барлық&nbsp; іс-шараларға&nbsp; &nbsp;44 мыңға жуық&nbsp; &nbsp;адам&nbsp; қатысты.
&nbsp;Есірткі&nbsp; сату&nbsp; және&nbsp; тағыда&nbsp; басқа&nbsp; есірткі&nbsp; заттарына&nbsp; байланысты&nbsp; жасалып&nbsp; жатқан&nbsp; қылмыстар&nbsp; мен&nbsp; құқық&nbsp; бұзушылықатар&nbsp; жайлы&nbsp; хабарламаларды&nbsp; қабылдау&nbsp; үшін Қызылорда облысының Полиция департаменті&nbsp; Есірткі қылмысына қарсы іс-қимыл басқармасында &nbsp;&nbsp;27-55-42&nbsp; «Сенім&nbsp; телефоны»&nbsp; номері жұмыс атқарады.

Қызылордада заңсыз айналымнан 350 келіге жуық  есірткі заты алынды

<a href="https://kyzylorda-news.kz/">Kyzylorda-news.kz.</a> Партияның саяси кеңесінің мүшесі, кандидат Олжас Ордабаев партия жүргізген ақпараттық-түсіндіру жұмыстарының кейбір нәтижелері туралы хабарлады.
<blockquote>
 “Бүгінгі күні еліміздің барлық аймақтарында партия мүшелері халықпен 4216 кездесу өткізді, оларға 95 мың адам қатысты. Партияға мүше болуға 200 мыңнан астам өтініш келіп түсті. Бұл азаматтардың сенім білдіргенін, “ADAL” сайлауалды бағдарламасын қолдағанын білдіреді”, – деді Олжас Ордабаев.
</blockquote>
Тұрғындар көтерген проблемалық мәселелер туралы айта отырып, ол тұрғын үй-коммуналдық шаруашылық саласындағы мәселелердің өзектілігін атап өтті.
<blockquote>
 «Көптеген адамдар үшін үйде газдың, тұрақты ауыз судың болуы – орындалмас арман», – деді кандидат.
</blockquote>
Оның айтуынша, тұрғындардың елді мекендерінің негізгі проблемаларына жұмыссыздық, баспана жетіспеушілігі, азық-түлік бағасының өсуі және жолдың нашарлығы жатады.
<blockquote>
 «Әрбір проблемалық мәселе бекітіліп, ол бойынша жұмыс істеледі», – деп сендірді Олжас Ордабаев.
</blockquote>

&#8220;ADAL&#8221;: Тұрғындар көтерген мәселелер басты назарда

<a href="https://kyzylorda-news.kz/">Kyzylorda-news.kz.</a> Қазақстанда кеше 723 адам коронавирус індетінен емделіп шықты.
Аймақтар бойынша
Нұр-Сұлтан қаласы – 64 
Алматы қаласы – 103 
Ақмола облысы – 44 
Алматы облысы – 31 
Атырау облысы – 168 
Батыс Қазақстан облысы – 35 
Қарағанды облысы – 24 
Қостанай облысы – 8 
Қызылорда облысы – 7 
Маңғыстау облысы – 17 
Павлодар облысы – 154 
Солтүстік Қазақстан облысы – 61 
Түркістан облысы – 7
Қазақстан бойынша жазылғандар саны – 147 512.

Қазақстан және Қызылорда облысының жаңалықтары

Қызылордада мал ұрламақ болған күдікті жылқыны атып өлтірген

Қызылордада өткен жылы баспананы сату-сатып алу келісімдері көп жасалған

ADAL партиясының төрағасы кандидаттармен кездесті

Қазақстандықтарға 42 500 теңге алу туралы SMS-хабарлама қайта келіп жатыр

«Ақ жолдың» «Полемикалық экономика» жинағы жарық көрді

Қазақстан Халық партиясының “қызыл автобусы” Төретамда болды

Қызылордаға алты миллион жұмыртқа жеткізілді

Арал өңірінің экологиялық проблемасы: Халықаралық ғылыми-тәжірибелік конференция өтті

Қызылордада карантин талабын бұзғандар анықталды

Қызылордада заңсыз айналымнан 350 келіге жуық есірткі заты алынды

“ADAL”: Тұрғындар көтерген мәселелер басты назарда

Қызылордада 7 адам коронавирустан жазылды

Қазақстан және Қызылорда облысының жаңалықтары

Қызылордада мал ұрламақ болған күдікті жылқыны атып өлтірген

Қызылордада өткен жылы баспананы сату-сатып алу келісімдері көп жасалған

ADAL партиясының төрағасы кандидаттармен кездесті

Қазақстандықтарға 42 500 теңге алу туралы SMS-хабарлама қайта келіп жатыр

«Ақ жолдың» «Полемикалық экономика» жинағы жарық көрді

Қазақстан Халық партиясының &#8220;қызыл автобусы&#8221; Төретамда болды

Қызылордаға алты миллион жұмыртқа жеткізілді

Арал өңірінің экологиялық проблемасы: Халықаралық ғылыми-тәжірибелік конференция өтті

Қызылордада карантин талабын бұзғандар анықталды

Қызылордада заңсыз айналымнан 350 келіге жуық есірткі заты алынды

&#8220;ADAL&#8221;: Тұрғындар көтерген мәселелер басты назарда

Қызылордада 7 адам коронавирустан жазылды

Қазақстан Халық партиясының “қызыл автобусы” Төретамда болды

“ADAL”: Тұрғындар көтерген мәселелер басты назарда