<a href="https://kyzylorda-news.kz/">Kyzylorda-news.kz.</a> Білім күніне орай Сыр елінде жаңа мектеп ел игілігіне берілді. Жалағаш ауданы Ә.Бердәулетов атындағы №34 орта мектептің ашылу рәсіміне облыс әкімінің орынбасары Наурызбай Байқадамов, білім басқармасының басшысы Ақзира Қасымова қатысты.
140 орындық жаңа мектеп типтік жобада салынған. Білім ошағында сынып және интернет кабинеттерімен, медициналық кабинетпен, спорт зал, асханамен қамтамасыз етілген.
Биыл жаңа мектепте 1-4 сыныптағы 94 оқушы санитариялық нормаларды қатаң сақтай отырып, оқитын болады.
Айта кетейік, ата-аналардың өтініштері негізінде 1-4 сынып оқушылары дәстүрлі, қалған сыныптардың балалары қашықтан оқиды.
<img src="https://kyzylorda-news.kz/wp-content/uploads/2020/09/118614563_939933766509829_3521597797139735748_n.jpg" alt="" />
<img src="https://kyzylorda-news.kz/wp-content/uploads/2020/09/118571965_939933679843171_1995680935790571256_n.jpg" alt="" />
<img src="https://kyzylorda-news.kz/wp-content/uploads/2020/09/118714048_939933809843158_2677067734545222297_n.jpg" alt="" />

Жалағаш ауданында жаңа мектеп ашылды

<a href="https://kyzylorda-news.kz/date/2020/09/01/">Kyzylorda-news.kz.</a> Қызылорда қаласының әкімі Нұрлыбек Нәлібаев қызылордалықтарды 1 қыркүйек – білім күнімен құттықтады. &nbsp;
Қадірлі ұстаздар!
Құрметті оқушылар, ата-аналар!
&nbsp;&nbsp;Баршаңызды білім күнімен, жаңа оқу жылының басталу салтанатымен шын жүректен құттықтаймын!
Бұл күн жаңа жобалар мен ізденістердің, жаңа идеялардың бастауы.&nbsp;&nbsp;Жаңа оқу маусымы білім беру сапасын арттыруға үлкен міндеттер жүктеліп, алға қойылған міндет нақты іске айналатын кезең. Еліміздің дамуына үлес қосатын саналы ұрпақтың зердесіне білім мен тәрбие алауын жағатын уақыт.
Биылғы оқу жылы алғаш рет ерекше форматта басталды. Коронавирус пандемиясына байланысты бірінші тоқсанда қаламыздағы барлық мектептер оқушыларға қашықтықтан оқыту форматында білім береді. Әдепкіде абдырап, біршама әбігерге түстік. Әйтседе цифрландыруға басымдық берген мемлекеттік бағдарлама негізінде&nbsp; технологиялық трендтерді тиімді игеріп, ұстаздардың кәсіби біліктілігінің арқасында саладағы қиындықтарды еңсеріп, жаңа оқу жылын жүйелі жоспарлай алдық.
Қымбатты оқушылар!
Қазіргі таңда, мемлекет тарапынан білім саласына үлкен қамқорлық көрсетіліп келеді. Оның ішінде біздің қаламызда да көптеген оңды істер атқарылуда. Жыл сайын жаңа білім ошақтары мен балабақшалар пайдалануға беріліп, материалдық техникалық базалары жаңартылуда.
Сіздердің игіліктеріңіз үшін жасалынып жатқан қамқорлық пен зор қолдаулардың арқасында білімдеріңізді толықтырып, жарқын жетістіктерге қол жеткізіп, жаңа белестерді бағындыруларыңызға тілектеспін!
Білім – баға жетпес рухани байлық, ғылымның іргетасы, мемлекет дамуының алтын арқауы. Мемлекет басшысы Қасым-Жомарт Кемелұлы Тоқаев&nbsp; өз сөзінде «Цифрландыру заманындағы озық білім мен дағды – жастарымыздың жарқын келешегінің кепілі», – деп жаһандану дәуірінде білімді ұрпақты жарқын болашақ күтетінін&nbsp; айқын жеткізді.
Ал ұлтымыздың ұлы перзенті, күллі қазаққа ұстаз болған дана Абай «Адамның көңілі шын мейірленсе, білім-ғылымның өзі де адамға мейірленіп, тезірек қолға түседі» деген екен.
Сондықтан Сіздер қай кезеңде болмасын ілім-білім жинауға қашан да асығып, тәуелсіз еліміздің игілігі жолында білімдеріңізді кәдеге жаратып, болашақта озық ойлы, өрісі кең, өрелі азаматтар қатарынан болатындарыңызға сенемін!
Алаштың ардақты азаматы Міржақып Дулатовтың: «Ұрпағы білімді халықтың болашағы бұлыңғыр болмайды», – деген ұлағатты сөзі бар.&nbsp;
Зерделеріңізге тоқыған білімдеріңіз бен бойға дарыған ұлағатты тәлімдеріңіз жарқын болашаққа жол ашсын!
Қадірлі ұстаздар қауымы!
Өткен оқу жылында қол жеткізген жетістіктеріміз аз болмады. Бұл ретте ел болашағын тәрбиелеп жүрген мәртебелі мамандық иелері Сіздердің тынымсыз әрі жемісті еңбектеріңізді атап өткен жөн.
Ізгілік пен ізденісті жоғары қойып, жас ұрпаққа сапалы білім мен өнегелі тәрбие беріп, осы жолға ғұмырын арнаған игі қызметтеріңізге табыс тілеймін!
Мәртебелеріңізді асырар шәкірттеріңіз көп болғай!
Жаңа оқу жылы жетістіктерге жетелесін!
<img src="https://kyzylorda-news.kz/wp-content/uploads/2020/09/bilim-scaled.jpg" alt="" />

Қызылорда қаласының әкімі білім күнімен құттықтады

<a href="https://kyzylorda-news.kz/">Kyzylorda-news.kz.</a> 1 қыркүйек күні сағат 11:00-де Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына жыл сайынғы дәстүрлі Жолдауын жариялайды.
<blockquote>
 «Жолдауды барлық республикалық телеарналар тікелей эфир арқылы көрсетіп, негізгі радиостанциялар тікелей толқында таратады»,- деп жазды ҚР Президентінің баспасөз хатшысы Берік Уәли&nbsp;<a href="https://www.facebook.com/100003403233694/posts/3116895921767152/?extid=hpLxas4oIx8U5HUb&d=n">Facebook</a>-тегі парақшасында.
</blockquote>

Бүгін Мемлекет басшысы Қазақстан халқына Жолдауын жариялайды

<a href="http://kyzylorda-news.kz">Kyzylorda-news.kz.</a>&nbsp;«Қазгидромет»&nbsp;РМК қыркүйектің 1-і күнгі ауа райы болажамын жариялады.
Кәсіпорын таратқан мәліметтерге қарағанда, 1 қыркүйекте Қазақстан аумағынан атмосфералық ағындардың өтуіне байланысты республиканың басым бөлігінде ауа райы құбылмалы болады.
Республиканың кей жерлерінде жаңбыр жауып, найзағай ойнайды. Еліміздің тек оңтүстік, оңтүстік-батысында ғана ауа райы жауын-шашынсыз. Қазақстанның кей бөлігінде ғана тұман түсіп, жел күшейеді. Солтүстікте бұршақ жаууы мүмкін.
Қызылорда облысының кей жерлерінде найзағай, дауыл күтіледі. Солтүстік-шығыстан жел соғады, күші кей жерлерде 15-20 м/с. Күндіз төтенше өрт қаупі сақталады. Қызылорда қаласында 1 қыркүйекте түнде және таңертең найзағай, дауыл, солтүстік-шығыстан екпіні 15-20 м/с жел болады.

Сейсенбіге арналған ауа райы болжамы

Kyzylorda-news.kz. Еуропа лигасының жеребе тәрту рәсімінде қызылордалық “Қайсардың” қарсыласы анықталды.
Жеребеге сәйкес екінші раундта қасқырлар кипрлік “Апоэлмен” күш сынасады. Кездесу 17 қыркүйекте Шымкент қаласында өтеді.

&#8220;Қайсар&#8221; командасы енді кіммен бақ сынасады

Kyzylorda-news.kz. Үш жасар қыз Тайванның солтүстік-батысында Синьчжу қаласында өткен фестивальде батпырауықпен бірге ұшып кетті, деп хабарлайды Stan.kz.
Ата-анасы қызды батпырауық арқанын қалай тартып алып кеткенін байқамай қалды. Қыз бала батпырауықпен аспанға 10 метр биіктікке көтерілді.Бала есеңгіреген көпшіліктің алдында бірнеше секунд ауада тербеліп, содан кейін адамдардың қолына құлап түсті. Ата-анасы оның күйзеліс алып қалғанын, бірақ физикалық жарақат алмағанын айтты.
Оқиғаға байланысты «Дауыл қаласы» деп аталатын Синьчжу батпырауық фестивалі тоқтатылды.

Кішкентай қыз батпырауықпен бірге аспанға ұшып кетті (ВИДЕО)

Kyzylorda-news.kz. Ұлттық тестілеу орталығы ҰБТ бейнежазбаларын тексеріп, 97 баланың грантын қайтарып алды, деп хабарлайды <a href="https://www.inform.kz/kz/ubt-beynezhazbalary-tekserilgen-son-97-bala-grantynan-ayyryldy_a3689033">ҚазАқпарат</a>.
<blockquote>
 «Конституция күніне 97 балаға жақсы жаңалық! ҰБТ бейнежазбаларының қорытындысы бойынша 158 тест тапсырушының нәтижесі жойылды, олардың 97-сі грант иегері атанған болатын (соның ішінде 138 балл алған түлек те бар). Соған орай, әділ тапсырған, бірақ грантқа өтпеген 97 бала 2 апта ішінде грант иегерлері атанып, тіркелетін болады. Толығырақ Ұлттық тестілеу орталығының парақшасында жариялаймыз», – дейді Ұлттық тестілеу орталығының директоры Дидар Смағұлов.
</blockquote>
Өкінішке орай, тәртіпті қамтамасыз ететін кезекшінің де қылмыстық әрекетке байланысы анықталған.
«Қараңыздаршы, қандай «батырлықпен» сұрақ кітапшасын фотоға түсіріп отырған баланы денесімен жауып тұр? Кем дегенде оның білім беру саласынан жұмыстан босатылуын, ал одан бетер шара ретінде қатал жауапкершілікке тартылуын талап ететін боламыз. Алға, әділ Қазақстан!», – дейді ҰТО басшысы.

ҰБТ бейнежазбалары тексерілген соң 97 бала грантынан айырылды

Kyzylorda-news.kz. Атом бомбасы сынақтан өткізілген аймақтар көбіне елден жырақ болады. Себебі оның адамзат үшін, жалпы тіршілік үшін зардабы ауыр. Ал табиғатқа тигізген кесірі шаш-етектен. Назарыңызға ядролық қару көп әрі жиі сыналған аймақтар тізімін ұсынамыз.
1. Кох Камбаран (Пәкістан)
<img src="https://kyzylorda-news.kz/wp-content/uploads/2020/08/1598711607_l.jpg" alt="" />
Сынақ полигоны Пәкістанның Белуджистан провинциясындағы Рас Кох ауданында орналасқан. 1998 жылдың мамыр айында алғашқы сынақ өткізген. Қуаты 12-18 кт болатын 6 бірдей жарылғышты жер астында жарды. Сынақтан өткізудің бір себебі – Үндістанмен арақатынастың шиеленісуі еді.Ел билігі бұл аймақта сынақ өткізуді 1976 жылы қабылдаған. Негізінен Рас Кох үстірті граниті көп аймақ. Ал ол жердің тұрғындары көшпелі өмір салтын ұстанады. Сондықтан осы аймақ таңдалған.
2. Маралинга (Аустралия)
<img src="https://kyzylorda-news.kz/wp-content/uploads/2020/08/1598711719_l.jpg" alt="" />
Маралинга Оңтүстік Аустралия штатындағы бұрынғы британдықтардың полигоны. Жалпы аумағы 3,3 мың кв.км-ді құрайды. 1956-1963 жылдар аралығында 7 рет атмосферадағы жарылыс сынағы өткізілген. 1967 жылы жабылған. Аборигендер бұл аймақты киелі санайды. Сынақ аяқталғаннан кейін көбі қайта оралған. 20 жыл өткеннен кейін жергілікті халық талабы бойынша тазалау операциясы жүргізілген.
3. Похран (Үндістан)
<img src="https://kyzylorda-news.kz/wp-content/uploads/2020/08/1598712153_l.jpeg" alt="" />
Полигон Раджастхан штатындағы Тар шөлінде орналасқан. 1974 жылдың 18 мамырында алғаш рет атом бомбасы сынағы өткен. 1998 жылы ядролық қарулары барын мойындап қана қоймай, 5 рет сынақ жүргізген. Оның ішінде қуаты 43 кт болатын термоядролық бомба да бар. Соңғы жылдары өткізген сынақтары жайлы ақпар жоқтың қасы.
4. Бикини атоллы
<img src="https://kyzylorda-news.kz/wp-content/uploads/2020/08/1598712330_l.jpg" alt="" />
АҚШ-тың бұл полигоны Тынық мұхиттағы Маршалл аралдарындағы Бикини атоллында болған. Ядролық қаруды осында жиі сынақтан өткізген. 1946-1958 жылдар аралығында шамамен 67 сынақ болған. Қазір сынақ жұмыстары тоқтағанмен, ертеректе басқа жаққа қоныс аударылған тұрғындар қайта алар емес. Себебі мұнда радиация әлі күнге дейін жоғары қалыпта тұр.
5. Лобнор (Қытай)
<img src="https://kyzylorda-news.kz/wp-content/uploads/2020/08/1598712464_l.jpg" alt="" />
Полигон Қытайдың Ұйғыр автономиялық ауданындағы құрғап қалған Лобнор көлі орнына салынған. Алғашқы сынақ 1964 жылдың 16 қазанында өткен. Араға 3 жыл сала Қытайдың алғашқы сутегі бомбасы сынақтан өткізілген.
1996 жылдың қыркүйегінде ҚХР ядролық қаруға қарсы келісімге қол қойды. Оған дейін Лобнорда 45 рет сынақ болған. Оның 23-і атмосферада, 22-і жер астында сыналған. Қазір полигон жабылған.
6. Муруроа (Француз Полинезиясы)
<img src="https://kyzylorda-news.kz/wp-content/uploads/2020/08/1598712610_l.jpg" alt="" />
Француздардың бұрынғы полигоны Тынық мұхиттағы Тиамоту архипелагында орналасқан. 1966-1996 жылдар аралығында француздар экологтар қарсылығына қарамастан 41 жер үсті, 134 жер асты ядролық қару сынағын өткізген. Ал мұнда 9 миллион жыл бұрын сөнген Муруроа жанартауы орналасқан. Сынақтан кейін жанартаудың жоғарғы тұсына бірнеше шақырымдық жарық пайда болған. Содан кейін сынақ тоқтатылған.
7. Жаңа Жер (Ресей)
<img src="https://kyzylorda-news.kz/wp-content/uploads/2020/08/1598712680_l.jpg" alt="" />
Солтүстік Мұзды мұхитындағы бұл аймақта сынақ өткізу туралы шешім 1954 жылдың 17 қыркүйегінде қабылданған. 1990 жылға дейін 132 жарылыс болған. Оның ішінде ең қуатты 58 мегатонналық бомба да бар.1969 жылдың 14 қазанында полигонда апат болып, 344 адам зардап шеккен.
8. Невада (АҚШ)
<img src="https://kyzylorda-news.kz/wp-content/uploads/2020/08/1598712727_l.jpg" alt="" />
Невада сынақ полигоны Лас-Вегас қаласынан небәрі 100 шақырым ғана алыс орналасқан. Ең көп ядролық сынақ болған полигон. Мұнда 928 ядролық жарылыс болған. Оның 800-і жер астында болған. Жарты ғасыр бұрын мұнда «алып саңырауқұлақтарды» туристер арнайы тамашалаған да.
9. Семей полигоны (Қазақстан)
<img src="https://kyzylorda-news.kz/wp-content/uploads/2020/08/1598712799_l.jpg" alt="" />
29 тамыз – қазақ халқына қасiрет пен үміттi қатар сыйлаған күн. 1949 жылы 29 тамызда полигонда алғашқы сынақ жасалса, 40 жылдан астам уақыттан кейiн дәл осы күнi Президент Нұрсұлтан Назарбаевтың сынақ полигонын жабу туралы Жарлығы шықты. Бұл күн халықтың қасіреттен құтылуына жол ашты, бүгінде бүкіл әлем осы датаны Халықаралық ядролық сынаққа қарсы iс-қимыл күнi ретінде атап өтеді.
Семей полигонында 40 жыл ішінде барлығы 456 ядролық сынақ өткізілдi, оның 86-сы әуеде, 30-ы жер үстiнде, 340-ы жер астында жасалды. Полигон аумағы 18500 шаршы метрдi құрады. Жылдам тараған улы радиация осы аумақта тұрған 1,5 млн адамға зиянын тигізді.
10. Пунги-ри (Корей Халық Демократиялық республикасы)
<img src="https://kyzylorda-news.kz/wp-content/uploads/2020/08/1598712869_l.jpg" alt="" />
Полигон Килху қаласына жақын маңда орналасқан. Оңтүстік, Шығыс және Батыс жер асты жолдары бар. Мұнда алғашқы сынақ 2006 жылдың 9 қазанында өткен. АҚШ барлаушылары таратқан ақпар бойынша жарылыстың қуаты 1 кт болған. Одан кейін ядролық сынақтар 2009 және 2013 жылдары өткен. Бұдан кейін магнитудасы 4,7 және 5,1 баллдық жер асты дүмпуі сезілген. Полигон әлі күнге дейін сынақ алаңы саналады.
<a href="https://massaget.kz/layfstayl/alemtanu/63091/">Massaget.kz</a>
https://massaget.kz/layfstayl/alemtanu/63091/

Атом бомбасы сынақтан өткізілген 10 аймақ

Kyzylorda-news.kz. 42 500 теңге көлеміндегі біржолғы төлемді тағайындауға өтініштерді қабылдау аяқталады.
Қаражат 2020 жылдың шілдесінде шектеу шараларын енгізуге байланысты кірістер жоғалған жағдайда мемлекеттік әлеуметтік сақтандыру қорынан бөлінді.
Қазірдің өзінде 2,4 миллионға жуық қазақстандық 42 500 теңге төлем алды. Оның ішінде тамыз айында карантиннің ұзартылуына байланысты 2 миллион 384 мың адам 0,5 ең төменгі жалақы – 21 250 мың теңге қосымша төлем алды.
<blockquote>
 «2020 жылдың шілдесінде мемлекеттік әлеуметтік сақтандыру қорынан бір реттік төлем алған қазақстандықтарға карантиннің ұзартылуына байланысты қосымша ақы автоматты түрде тағайындалады. Қайта жүгінудің қажеті жоқ. Алдымен өтініш бергендерге ең төменгі жалақының 1,5 мөлшері немесе 63 750 теңге (42 500 + 21 250) мөлшерінде төлем тағайындалады теңге)», – деп хабарлады еңбек және халықты әлеуметтік қорғау министрлігінде.
</blockquote>
Өтініштерді қабылдау 2020 жылдың 1 қыркүйегіне дейін жалғасады.
<a href="https://stan.kz/42-500-tenge-zhardemaki-aluga-otinimder-kabildau-uakiti-336391/">Stan.kz</a>

42 500 теңге жәрдемақы алуға өтінімдер қабылдау уақыты аяқталуда

Kyzylorda-news.kz. Қазақстан Республикасы Мәдениет және спорт министрі Ақтоты Райымқұлова жұмыс сапарымен Қызылорда облысына келді. Алдымен министр Қызылорда қаласында орналасқан облыстық тарихи-өлкетану музейінің жұмысымен танысты.
Музей 1954 жылы салынған. 2015 жылы қайта жаңғырту жұмыстары жүргізіліп, бүгінгі күні 11 көрме залы бар. Музейде 24 маман, 14 техникалық қызметкер жұмыс жасауда. Сондай-ақ, Мәдениет және спорт министрі Ақтоты Райымқұлова мен облыс әкімі Гүлшара Әбдіқалықова Арал ауданына барды.
Алдымен Мәдениет және спорт министрі мен облыс әкімі №262 Ұзақбай Қараманов атындағы мектеп-гимназиясының жұмысымен танысып, мүсінін ашылу рәсіміне қатысты.
<blockquote>
 «Ұзақбай Қараманұлының есімін ұлықтап, мүсінін ашу рәсімін өткізіп отырмыз. Ұлы адамдардың өмір жолы болашақ ұрпақ үшін әрқашан өнеге. Ұзақбай Қараманов 1937 жылы дүниеге келген. Тәуелсіз Қазақстан Республикасының тұңғыш Премьер-Министрі. Мемлекет және қоғам қайраткері – Қазақстан Құрылысшылар одағының негізін салушы. II дәрежелі «Барыс», «Еңбек Қызыл Ту» ордендерімен, Қазақ КСР Жоғарғы Кеңесінің Құрмет грамоталарымен және түрлі жоғары дәрежедегі медальдармен марапатталған. Қазақ елінің дамуына еңбек еткен азаматтарға құрмет көрсету біздің парызымыз», – деді облыс әкімі Гүлшара Әбдіқалықова.
</blockquote>
№262 мектеп-гимназиясы 2009 жылы пайдалануға беріліп, 1200 орынға шақталған. Оқушыларға 106 педагог білім беруде. Білім беру ұясында 40 орындық компьютерлік кабинеті, 400 орындық акт залы және 450 орындық асхана бар.
Ұзақбай Қараманов мүсінінін орнатуға облыстық бюджеттен қаржы бөлініп, Қазақстан Республикасы Мәдениет және спорт министрлігі жанындағы мемлекеттік комиссиямен келісілген. Мүсіннің авторы Қазақстан Суретшілер одағының мүшесі, мүсінші Айдос Тоқтарбекұлы. Мүсін қола материалынан дайындалды, тұғырымен қоса есептегенде биіктігі 3,2 метр.
Шарадан кейін, Ақтоты Райымқұлова мен Гүлшара Әбдіқалықова Ұзақбай Қараманов атындағы мектептің музей жұмысымен танысып, «Бастау» кәсіби қоғамдастық кабинетінде үздік оқушыларымен кездесті.
<img src="https://kyzylorda-news.kz/wp-content/uploads/2020/08/fb_img_1598861370084.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861371969.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861374199.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861376094.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861379033.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861381255.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861383544.jpg" alt="" />
<img src="https://kyzylorda-news.kz/wp-content/uploads/2020/08/fb_img_1598861385815.jpg" alt="" />

Мемлекет және қоғам қайраткері Ұзақбай Қарамановтың мүсінін ашу рәсімі өтті (ФОТО)

Kyzylorda-news.kz. Қаражатты банкте сақтау – ақшаны жоғалтып алмаудың ең тиімді жолы. Алайда кейде депозиттегі ақша да із-түзсіз жойылып кетуі мүмкін.&nbsp;Сондықтан банк қызметкерлерінің әрекетіне өте мұқият болу керек, Бұл туралы “Прайм” адвокаттар алқасы филиалының меңгерушісі Анатолий Миронов мәлімдеді, деп хабарлайды <a href="https://m.sputniknews.kz/society/20200830/14832900/maman-jinaq-aqsha.html">SputnikҚазақстан</a>.
Оның айтуынша, клиент банкке барған сайын үйреніп, жинақы бола алмай қалады. Осы кезде алаяқтар өз жоспарын іске асыруы мүмкін.
<blockquote>
 “Өкінішке қарай, банк салымындағы жеке тұлғалар ақшасының жоғалуына банк қызметкерлерінің қатысы болады. Сондықтан олар ұсынған құжатты барынша тексеріп, қол қою қажет”, – дейді заңгер.
</blockquote>
Мәселен, банк қызметкері тиімді үстемақысы бар депозитті жарнамалауы мүмкін. Клиент бұған келісіп, келісімшартқа қол қоя салады. Мұндай кезде құжаттың өте ұсақ әріппен жазылған тұсына мән берген жөн. Өйткені барлық қаражат банк қызметкерінің басқаруына көшіп кетуі ғажап емес. Кейін ақшаны қайтару мүмкін болмайды.
Мироновтың сөзіне қарағанда, алаяқтардың банк қызметкерлерінен салымшының құжат мәліметін де алатын кезі сирек емес. Кейін құжатты қолдан жасап, ақшаны шешіп алады. Маман бұдан қорғану үшін барлық жинақты бір банкте сақтауға кеңес беріп отыр.

Заңгер депозиттегі ақша қалай жоғалып кетуі мүмкін екенін айтты

Kyzylorda-news.kz. Құны миллиардтарға бағаланған зәулім сарайлардың жарнамасы сайтарда толып тұр.
Қазірдің өзінде 1300- ге жуық түрлі тамақтану орындары, мейрамхана, бизнес орталықтар мен тойханалар сатылып жатыр. Сатылымға шыққан той өтетін орындардың бағасы аспандап тұр. Ең арзаны 300-400 миллионнан басталып, миллиардтарға дейін барады. Ал Қызылорда қаласында мейрамхана бағасы сәл арзан. Мұнда 150 млн теңгеге де сатып алуға болады.
Соңғы 5-6 айдан бері тойханалар қаңырап қалды. Шарасыз қалған кәсіпкерлер тойханаларын жаппай сатып жатыр. Тойханалардың көбі Нұр-Сұлтан, Алматы, Шымкент қалаларынан сатылымға қойылған. Тойға мыңдаған адам шақыратын Шымкентте тойханалар бағасы Алматы мен Нұрсұлтанға қарағанда арзан. 550 адамға арналған тойхана 750 миллионға бағаланып тұр. Арнайы маман соңғы кездері тамақтанатын орындарды сатып жатқан кәсіпкерлердің күрт артқанын айтады.
<blockquote>
 “Біздің агенттік он жылдан бері нарықта жылжымайтын мүлік сатумен айналысады. Соңғы кездері түрлі дәмхана, мейрамханалардың иелерін көптеп хабарласып, бизнестерін сатылымға қойып жатыр. Себебі, коронавирус індетіне байланысты олардың жұмыстары қиындап кетті”, – дейді Виталий Браиловский.
</blockquote>
<a href="https://stan.kz/kazakstanda-toyhanalar-zhappay-satilip-zhatir-336385/">Stan.kz</a>

Қазақстан және Қызылорда облысының жаңалықтары

Жалағаш ауданында жаңа мектеп ашылды

Қызылорда қаласының әкімі білім күнімен құттықтады

Бүгін Мемлекет басшысы Қазақстан халқына Жолдауын жариялайды

Сейсенбіге арналған ауа райы болжамы

“Қайсар” командасы енді кіммен бақ сынасады

Кішкентай қыз батпырауықпен бірге аспанға ұшып кетті (ВИДЕО)

ҰБТ бейнежазбалары тексерілген соң 97 бала грантынан айырылды

Атом бомбасы сынақтан өткізілген 10 аймақ

42 500 теңге жәрдемақы алуға өтінімдер қабылдау уақыты аяқталуда

Мемлекет және қоғам қайраткері Ұзақбай Қарамановтың мүсінін ашу рәсімі өтті (ФОТО)

Заңгер депозиттегі ақша қалай жоғалып кетуі мүмкін екенін айтты

Қазақстанда тойханалар жаппай сатылып жатыр

Қазақстан және Қызылорда облысының жаңалықтары

Жалағаш ауданында жаңа мектеп ашылды

Қызылорда қаласының әкімі білім күнімен құттықтады

Бүгін Мемлекет басшысы Қазақстан халқына Жолдауын жариялайды

Сейсенбіге арналған ауа райы болжамы

&#8220;Қайсар&#8221; командасы енді кіммен бақ сынасады

Кішкентай қыз батпырауықпен бірге аспанға ұшып кетті (ВИДЕО)

ҰБТ бейнежазбалары тексерілген соң 97 бала грантынан айырылды

Атом бомбасы сынақтан өткізілген 10 аймақ

42 500 теңге жәрдемақы алуға өтінімдер қабылдау уақыты аяқталуда

Мемлекет және қоғам қайраткері Ұзақбай Қарамановтың мүсінін ашу рәсімі өтті (ФОТО)

Заңгер депозиттегі ақша қалай жоғалып кетуі мүмкін екенін айтты

Қазақстанда тойханалар жаппай сатылып жатыр

“Қайсар” командасы енді кіммен бақ сынасады