Kyzylorda-news.kz. 2021 жылы Қазақстанда сұранысқа ие болатын мамандықтардың тізімін Еңбек және халықты әлеуметтік қорғау министрлігі жасады.
Қазақстанда сұранысқа ие болуы мүмкін мамандықтар:
<ul>
<li>шаштараздар;</li>
<li>күзетшілер, инкассаторлар және соған ұқсас мамандықтар;</li>
<li>бухгалтерлер;</li>
<li>мектепке дейінгі білім берудегі тәрбиешілер;</li>
<li>қоғамдық ғылымдар бойынша орта мектеп мұғалімдері;</li>
<li>жаратылыстану ғылымдары бойынша орта мектеп мұғалімдері;</li>
<li>науқастарды күту жөніндегі Орта медициналық персонал;</li>
<li>жылжымайтын мүлікпен және басқа меншікпен операциялар жөніндегі агенттер;</li>
<li>дүкен сатушылары және олардың көмекшілері;</li>
<li>ауыл шаруашылығы өнімдерін өндірудегі біліктігі жоқ жұмысшылар;</li>
<li>бастауыш мектеп мұғалімдері;</li>
<li>орта мектеп мұғалімдері;</li>
<li>АБҚ қосалқы кәсіби персоналы;</li>
<li>аралас өсімдік және мал шаруашылығы өнімдерін өндіретін фермерлер мен жұмысшылар;</li>
<li>аспаз;</li>
<li>тракторшылар;</li>
<li>құжат айналымы және басқа да кеңсе жұмыстары бойынша супервайзерлер;</li>
<li>басқа біліктігі жоқ жұмысшылар;</li>
<li>ғимарат қарауылдары мен күзетшілері;</li>
<li>жүк көлігінің жүргізушілері;</li>
<li>дала және көкөніс өсірушілер;</li>
<li>көшелер мен базарлардағы саудагерлер;</li>
<li>математика ғылымдары бойынша орта мектеп мұғалімдері;</li>
<li>сантехниктер;</li>
<li>жеке тұлғалардың өмірі мен денсаулығын қорғауды жүзеге асыратын күзетшілер;</li>
<li>есепшілер мен бухгалтерлердің көмекшілері;</li>
<li>фермерлер мен мал өсіретін жұмысшылар;</li>
<li>спорт жаттықтырушылары мен оқытушылар;</li>
<li>фермерлер және егістік дақылдарын өсіру жөніндегі жұмысшылар;</li>
<li>терапия саласындағы дәрігерлер.</li>
</ul>
<a href="https://massaget.kz/layfstayl/bilim/bilim-ordalary/azastan-/64271/">Massaget</a>

Қазақстанда қай мамандарға сұраныс артады?

Kyzylorda-news.kz. Қазақстанда өткен бір тәулікте коронавирус індеті 978 адамнан ПТР-сынама арқылы расталды, деп хабарлайды coronavirus2020.kz.
Өңірлер бойынша: Алматы қаласында – 20347 (+115), Нұр-Сұлтан қаласында -19895 (+128), Шығыс Қазақстан облысында – 19520 (+30), Атырау облысында – 14881 (+91), Қарағанды облысында – 12720 (+57), Павлодар облысында – 10418 (+135), Батыс Қазақстан облысында – 9888 (+46), Солтүстік Қазақстан облысында – 9507 (+54), Қостанай облысында – 8597 (+72), Ақмола облысында – 8242 (+79), Алматы облысында – 8098 (+92), Шымкент қаласында -5707 (+13), Жамбыл облысында – 5247 (+23), Маңғыстау облысында – 3869 (+17), Түркістан облысында – 3879 (+16), Ақтөбе облысында -3798 (+7), Қызылорда облысында -3483 (+3).
Пандемия басталғалы елде ауырғандардың жалпы саны 168 096 адам. Оның ішінде 153 035-і сауығып шықты, 2349-ы қайтыс болды.

Қызылордада өткен тәулікте коронавирус тіркелді

Kyzylorda-news.kz. Қазгидромет 17 қаңтарға арналған ауа райы болжамын жариялады.
Қызылорда облысында – бұлтты, жауын-шашынсыз. Желдің жылдамдығы: 9-14 м/с.

Жексенбіге арналған ауа райы болжамы

Kyzylorda-news.kz. Дүниежүзілік денсаулық сақтау ұйымы (ДСҰ) директоры шақырған Төтенше жағдайлар комитеті шекарадан өткен кезде COVID-19 вакцинациясы туралы сертификатты талап ету міндетті емес екендігін мәлім етті. Себебі вакциналар барлығына бірдей қолжетімсіз және олардың инфекцияның таралуын болдырмаудағы тиімділігі дәлелденбеген. Оның тек аурудың асқынуынан қорғайтындығы белгілі.
Комитет сонымен қатар коронавирустың жаңа штаммына қатысты ұсыныстар жасады: сарапшылар елдердің вирустың геномдарын ретке келтіру саласындағы мүмкіндіктерін кеңейтуге, яғни мутацияны анықтауға жол ашатын процедура, сондай-ақ түрлі елдердің ғалымдары арасында белсенді ақпарат алмасуды жолға қою.
ДДҰ-да бұрын хабарланғандай, вакциналар Covid-19-тың асқынуынан қорғайды, бірақ вакцина алған адамның мүлдем жұқтырмайтындығы және ауруды басқаларға жұқтырмайтындығы әлі дәлелденген жоқ. Ғалымдардың қолында бар мәліметтер өте шектеулі. Сондықтан комитет мүшелері шекарадан өткен кезде «вакцинация туралы төлқұжат» талап ету қажет емес дейді.
<blockquote>
 «Бізде бұл дауылдан аман қалудың бір жолы бар: біз қолымыздағы қаражатты бір-бірімізбен бөлісуіміз керек және оларды бірге пайдалану міндеттемесін ұстануымыз қажет», – деді ДДҰ бас директоры Тедрос Гебрейюс брифингте сөйлеген сөзінде.
</blockquote>
<a href="https://www.inform.kz/kz/ddu-shekaradan-otken-kezde-covid-19-vakcinaciyasyn-talap-etu-mindetti-emes-dep-sanaydy_a3741887">ҚазАқпарат</a>

ДДҰ шекарадан өткен кезде COVID-19 вакцинациясын талап ету міндетті емес деп санайды

Kyzylorda-news.kz. Қазақстанда өткен тәулікте 599 адам коронавирус індетінен емделіп шықты, деп хабарлайды coronavirus2020.kz сайтына сілтеме жасап.
Өңірлер бойынша:
Нұр-Сұлтан қаласы – 47
Алматы қаласы – 38
Ақмола облысы – 63
Ақтөбе облысы – 2
Атырау облысы – 80
Шығыс Қазақстан облысы – 10
Жамбыл облысы – 15
Батыс Қазақстан облысы – 57
Қарағанды облысы – 34
Қостанай облысы – 36
Қызылорда облысы – 8
Павлодар облысы – 115
Солтүстік Қазақстан облысы – 93
Түркістан облысы – 1
Бұған дейін хабарлағанымыздай, өткен бір тәулікте Қазақстанда коронавирусқа тағы 972 адам шаланды.
Жалпы, пандемия басталғалы коронавирус 167 118 адамда тіркелсе, соның ішінде 152 437-сі жазылды, 2349 науқас қайтыс болды.

Қызылордада коронавирустан бір тәулікте 8  адам айықты

Kyzylorda-news.kz. Байқоңыр қаласы әкімшілігі басшысының қаулысымен шаһар аумағында коронавирус инфекцияна қатысты шектеу шаралары 1 ақпанға дейін ұзартылды, деп хабарлайды <a href="https://www.inform.kz/kz/baykonyrda-karantin-1-akpanga-deyin-uzartyldy_a3741874">ҚазАқпарат</a>.
Бұған дейін Байқоңырда карантин 2021 жылдың 18 қаңтарына дейін енгізілген болатын. Эпидахуалдың өршуіне сырттан әкелінген жаңа жағдайлар себеп болған.
Ресей федералды медициналық-биологиялық агенттігінің «Байқоңыр» кешені өңірлік басқармасының мәліметінше, 2020 жылдың 26 желтоқсанынан 2021 жылдың 15 қаңтар аралығында 38 байқоңырлық тұрғын коронавирус жұқтырған. Тіркелген жағдайлардың жалпы саны 1124-тен 1162 адамға дейін артты. Инфекциялық стационарда 7 адам емделіп жатыр, соңғы үш аптада өлім жағдайлары болған жоқ. Пандемия басталғаннан бері Байқоңырдың 70 тұрғыны коронавирус ауруынан қайтыс болды.
Байқоңырда қолданыстағы шектеу шаралары сақталуда. Жедел штаб тұрғындарды жабық үй-жайларға барғанда маска режимін, әлеуметтік қашықтықты, санитарлық ережелер мен жеке гигиенаны қатаң сақтауға шақырады.

Байқоңырда карантин 1 ақпанға дейін ұзартылды

Kyzylorda-news.kz. Облыстың тұрақтандыру қорында 2268,5 тонна өнім сақталып, сатылуда. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы жер қатынастары басқармасының басшысы Шахмардан Қойшыбаев мәлімдеді.
Тұрақтандыру қоры арқылы 46,9 тонна қант өнімі сатып алынып, әлеуметтік дүкендер арқылы килограмы 230 теңгеден сатылуда. Әлеуметтік дүкендерде өнімдердің өтімділігі артуына орай және көлемі азаюына байланысты қосымша 23 тонна күнбағыс майын сатып алу бойынша жұмыстары жүргізілуде. Тұрақтандыру қорының тауарлық интервенциялары Қызылорда қаласында орналасқан 29 әлеуметтік дүкен мен 2 әлеуметтік маркетте және Қызылорда қаласының 4 ірі сауда орындарында, оның ішінде «Мирас», «Аль-асад», «Анвар», «Қызылорда Оптомаркет» супермаркеттерінде ашылған әлеуметтік бұрыштарда сатылуда.
<blockquote>
 “Соңғы уақытта елімізде кейбір азық-түлік тауарларының бағалары өндіруші кәсіпорындар тарапынан біршама қымбаттауы салдарынан облыс нарығындағы бағаға әсерін тигізуде. Біз тұрақтандыру қоры арқылы бағаны негізсіз өсірмеуге жұмыс жасаудамыз”, – деді басқарма басшысы.
</blockquote>
Келіссөздер жүргізудің нәтижесінде өңірге өткен жылдың 23 желтоқсаннан бастап бүгінгі күнге дейін 7,5 миллион дана жұмыртқа өңірге жеткізіліп, сауда орындарына таратылды.

Қызылорда: Тұрақтандыру қорында 2268,5 тонна өнім бар

Kyzylorda-news.kz. Қазақстанда өткен тәулікте коронавирус індеті 972 адамда ПТР-тест арқылы расталды, деп хабарлайды coronavirus2020.kz.
Өңірлер бойынша:
Алматы қаласында – 20232(+121), Нұр-Сұлтан қаласында -19767(+121), Шығыс Қазақстан облысында – 19490 (+52), Атырау облысында – 14790(+91), Қарағанды облысында – 12663(+50), Павлодар облысында – 10283(+110), Батыс Қазақстан облысында – 9842(+49), Солтүстік Қазақстан облысында – 9453(+53), Қостанай облысында – 8525(+73), Ақмола облысында – 8163(+78), Алматы облысында – 8006(+89), Шымкент қаласында -5694(+17), Жамбыл облысында – 5224(+20), Маңғыстау облысында – 3852(+7), Түркістан облысында – 3863(+26), Ақтөбе облысында -3791(+7), Қызылорда облысында -3480(+8).
Жалпы пандемия басталғалы елімізде коронавирус 167 118 адамда тіркелді.

Қызылордада 8 адам коронавирус жұқтырды

Kyzylorda-news.kz. Бүгінде облыста жер учаскесін алу үшін 99678 азамат өтініш берді. Басым бөлігі шаһар тұрғындарынан түскен. Яғни 60661 өтінім келген. Ал өткен жылы 1469 адамға жер учаскесі табысталды. Бұл туралы Өңірлік коммуникациялар қызметінің ақпарат алаңында өткен брифингте облыстық жер қатынастары басқармасының басшысы Сұлтан Мақашов мәлімдеді.
<blockquote>
 Өңірде инвестициялық жоба аясында 36 жер учаскесі берілді. Бұған қоса, кәсіпкерлікті дамыту мақсатында жерді сауда-саттық жолмен айналымға алуға өткен жылы 30 аукцион өткізілді. Нәтижесінде 220 аумақ жер сатылды. 159,2 млн.теңге бюджетке түсірілді. Ал ауыл шаруашылығы жерлерінің айналымына 60 мың гектар жер алу жоспарланып, 66,3 мың аумақ берілді, – деді Сұлтан Ысқакұлы.
</blockquote>
Ал биыл қаланың шекараларын анықтау және бекіту, аймақтарға бөлу және түзету коэффициенттерін бекіту жұмыстарын жүргізуге бюджеттен қаржы бөлінді.

Қызылордада жер учаскесін алу үшін 99678 азамат өтініш берген

Kyzylorda-news.kz. Шаһар басшысы алдымен сессияға қатысушыларды елімізде саяси реформалардың салтанат құруына негіз болған саяси науқан, сайлаудың аяқталуымен құттықтап, жаңа құрамдағы халық қалаулыларының жұмысына табыс тіледі. Сонымен қатар VI шақырылымда депутат болып, елге ерекше қызмет еткен жандарға алғаусыз алғысын айтты.
VII шақырылымдағы қалалық мәслихаттың құрамы 22 депутатпен жасақталған. Оның ішінде, 18 адам “Nur Otan” партиясынан, “Ақжол” және “Қазақстан Халық партиясынан” 2 депутаттан сайланған. Халық қалаулыларының 5 әйел және 35 жасқа дейінгі 5 белсенді жас бар.
Қала әкімі құрамы жаңарған жаңа мәслихаттың депутаттары алдыңғы әріптестерінің жұмысын табысты, байыпты бастамаларын берекелі жалғайтындығына сенім білдірді.
Атқарылған жұмыс көп, бірақ алдымызда тұрған міндеттер одан да үлкен. Ендігі жерде өздеріңізбен бірге тұрғындарды толғандырған түйткілдердің түйінін тарқатып, кезегін күткен күрмеулі мәселелердің шешілу жолын бірге іздеп, халық сұранысын қанағаттандыру, тұрмыс жағдайын жақсарту жолында тізе қосып тер төгеміз деген қала әкімі жергілікті билік пен халық қалаулыларының жұмысы жемісті болады деп сенетінін атап өтті. 
Мәслихат хатшысына ұсынылған Ибадулла Дүйсенбайұлының білікті басшы, тәжірибелі маман екеніне тоқталып, саналы ғұмырында сан саланың тірлігін түлетіп, аймағымыздың қоғамдық-саяси өміріне белсене араласып, әлеуметтік-экономикалық дамуына септігі мол серпінді жобалардың басында болған іскер азаматқа мәслихаттың жұмыс сапасын арттыруда әрдайым қолдау білдіретіндігін жеткізіп, жаңа қызметіне сәттілік тіледі.
<img src="https://kyzylorda-news.kz/wp-content/uploads/2021/01/fb_img_1610720535697.jpg" alt="" />
<blockquote>
 Сессия соңын қала әкімі «Біздің мақсатымыз айқын, бағытымыз белгілі, ол – әлемдегі ең дамыған 30 елдің қатарына қосылу. Ұлттық тұтастықты, тұрақтылықты сақтай отырып, дамудың даңғыл жолына түскен еліміздің әуелгі мақсатынан айнымай, жаңа кезең жетістіктерін игеріп, халықтың артқан сенімін ақтап, Елбасының, Мемлекет басшысының тапсырмаларын нақты іспен, нәтижелі орындау басты міндет» – деп, түйіндеді.
</blockquote>
<img src="https://kyzylorda-news.kz/wp-content/uploads/2021/01/fb_img_1610720543619.jpg" alt="" />
<img src="https://kyzylorda-news.kz/wp-content/uploads/2021/01/fb_img_1610720521117.jpg" alt="" />

Қызылордада VII шақырылымдағы қалалық мәслихат депутаттарының алғашқы сессиясы өтті

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қазақстанның 6 облысында ауа райының қолайсыздығына байланысты ескерту жарияланды, деп хабарлайды «Қазгидромет» РМК.
16 қаңтарда Қызылорда облысында&nbsp;жел оңтүстік-шығыстан солтүстік-батысқа ауысып соғады, күші кей жерлерде 15-20 м/с болады.
16 қаңтарда Қостанай облысының&nbsp;кей жерлерінде жаяу бұрқасын, тұман болады. Күндіз кей жерлерде көктайғақ болады. Оңтүстік-шығыстан, оңтүстіктен жел соғады, кей жерлерде жылдамдығы 15-20 м/с-ға жетеді.
16&nbsp;қаңтар&nbsp;Батыс Қазақстан облысының&nbsp;кей жерлерінде тұман, көктайғақ, бұрқасын күтіледі. Жел оңтүстік-батыстан соғады, кей жерлерде күші 15-20,&nbsp;күндіз&nbsp;екпіні 25 м/с болады.
Орал&nbsp;қаласында&nbsp;16&nbsp;қаңтардатұман, көктайғақ, бұрқасын күтіледі. Жел оңтүстік-батыстан соғады,&nbsp;күндіз&nbsp;екпіні 15-20 м/с болады.
16 қаңтарда&nbsp;Ақмола облысының&nbsp;кей жерлерде жаяу бұрқасын күтіледі. Оңтүстік-шығыстан, оңтүстіктен жел соғады, күші кей жерлерде 15-20 м/с болады.
Көкшетау&nbsp;қаласында&nbsp;16 қаңтарда&nbsp;оңтүстіктен жел соғады,&nbsp;түнде және таңертең&nbsp;екпіні 15 м/с болады.
16 қаңтарда Ақтөбе облысының&nbsp;кей жерлерінде тұман, көктайғақ күтіледі. Желдің бағыты оңтүстік-шығыстан оңтүстік-батысқа ауысады, кей жерлерінде 18 м/с, түнде Мұғалжар ауаданында екпіні 23 м/с болады.
16 қаңтарда&nbsp;Солтүстік Қазақстан облысының кей жерлерінде тұман, күндіз жаяу бұрқасын күтіледі. Оңтүстіктен, оңтүстік-шығыстан жел соғады, кей жерлерде күші 15-20 м/с болады.
Петропавл қаласында&nbsp;түнде 16 қаңтарда&nbsp;оңтүстіктен, оңтүстік-шығыстан жел соғады, екпіні 15-20 м/с болады.

Қызылордада ауа райына қатысты ескерту жарияланды

Kyzylorda-news.kz. Бүгін VII шақырылымдағы Парламенттің бірінші сессиясы өтті. Оған ҚР Президенті Қасым-Жомарт Тоқаев қатысты.
Мемлекет басшысы Парламенттің бірінші сессиясында құрамы жаңарған жаңа Мәжіліс депутаттарымен кездесіп, оларға заң қабылдау аясында жемісті жұмыс жасау қажет екенін айтты. Ең бастысы халықтың тұрмыс сапасын жақсартып, әл-ауқатын арттыруға басымдық беру керектігіне тоқталып өтті.
«Ел-жұртымыз егемендігіміздің төртінші онжылдығына қадам басар тұста бұрын болмаған жаңа сын-қатерлермен бетпе-бет келіп отыр. Біз ғана емес, күллі дүниежүзі мүлде жаңа дәуірге бет бұрды. Өркениеттің даму жолы мен әлемдік құрылымның түп негізі түбегейлі өзгеріске ұшырауда. Алдымызда сынақтар мен сын-қатерлер аз болмайды. Дегенмен, барлығымыздың ең басты міндетіміз – пандемияның салдарын еңсеру. ХХІ ғасырдың жиырма бірінші жылы барша адамзат үшін бетбұрыс кезеңіне айналмақ. Бұл жыл алдағы онжылдықтың басты бағдарын айқындайды. Мұндай күрделі жағдайда уақыттан ұтылуға және бір сәтке де босаңсуға болмайды. Жылдың басында сайлау өткізу арқылы қиындықтармен күресіп қана қоймай, жаңғыруға жол ашып, жаңа серпінге ие болдық», – дей келе Президент бірнеше өзекті мәселелерді көтерді.
Маңызды қадамдардың бірі – еліміздің заңнама жүйесін кешенді түрде жетілдіру керектігін айтты. Соның ішінде сапалы заңдар қабылдау және өзекті мәселелердің шешімін табатын орталыққа айналу. Осы орайда Мемлекет басшысы халық қалаулыларына деген үміт, сенімін білдірді.
Люба МАХМУРЗАЕВА,
Сырдария аудандық
санэпидемиялогиялық стансасының маманы,
шешен этносының өкілі

Қазақстан және Қызылорда облысының жаңалықтары