<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің өкімімен Шамұратов Пакуатдин Сыражадинұлы қалалық құрылыс бөлімінің басшысы қызметіне тағайындалды. 
Пакуатдин Сыражадинұлы, 1983 жылы Қызылорда облысы, Қазалы ауданында дүниеге келген. 
Білімі жоғары. 2006 жылы Қазақ ұлттық аграрлық университетінің «Жер ресурстарын басқару және жерді үйлестіру инженері», 2013 жылы Қазтұтынуодағы Қарағанды Экономикалық университетінің «Экономика саласын құқықтық реттеу», 2016 жылы Қорқыт Ата атындағы Қызылорда мемлекеттік университетінің «Құрылыс» мамандығы бойынша білім алған. 
Еңбек жолын 2006 жылы «Қазалы-Құрылыс» ЖШС геодозист болып бастаған. 
2007-2008 жж. «Жер KZ» маманы; 
2008-2010 жж. Қызылорда облысының сәулет және қала құрылысы басқармасының бас маманы; 
2010-2012 жж. Қалалық жер қатынастары бөлім бастығының орынбасары, бөлім бастығы; 
2012-2017 жж. Қалалық сәулет және қала құрылысы бөлімінің басшысы; 
2017 қыркүйек айынан бастап осы кезге дейін Тасбөгет кентінің әкімі қызметін атқарып келді.
<img src="https://kyzylorda-news.kz/wp-content/uploads/2020/08/fb_img_1598246373933.jpg" alt="" />

Қызылорда қалалық құрылыс бөліміне жаңа басшы тағайындалды

<a href="https://kyzylorda-news.kz/">Kyzylorda-news.kz.</a> Қызылордалық журналистер Талдыарал елді мекеніндегі №215 орта мектебінің оқушыларына құрал-жабдықтар толы 25 сөмке табыстады. 
Шара барысында “Егемен Қазақстан” газетінің меншікті тілшісі Мұрат Жетпісбаев бүлдіршіндерге жаңа оқу жылына сәттілік тілеп, оқуда озат, елін түлетер ұрпақ болыңыздар деген тілегін білдірді. 
Ақжарма ауылдық округының әкімі Жұмабек Әлиев елге қол ұшын берген қаламгерлерге алғысын айтты. 
Мектеп директоры Өркен Орынбекұлы ата-аналар мен оқушыларға игі бастама өз жалғасын табатындығын жеткізді. Өз кезегінде БАҚ өкілдері мен мектеп директорына ризашылықтарын білдірген ата-аналар абырой тіледі. Айта кету керек, биыл Қызылорда қаласы бойынша 4 мектеп дәстүрлі оқытылады. Соның бірі Талдыарал елді мекеніндегі №215 орта мектебі.

Сыр  журналистері &#8220;Мектепке жол&#8221; акциясына атсалысты

<a href="https://kyzylorda-news.kz/">Kyzylorda-news.kz.</a> COVID-19-бен күресуге тартылған 776 медицина қызметкері коронавирустық инфекцияны немесе вирустық пневмонияны жұқтырған жағдайда мемлекеттік әлеуметтік сақтандыру қорынан (МӘСҚ) берілетін біржолғы әлеуметтік төлемді алды, деп хабарлайды <a href="https://www.inform.kz/kz/770-medicina-kyzmetkeri-mask-tan-tolem-aldy_a3686549">ҚазАқпарат</a>.
Сондай-ақ, МӘСҚ аурудың салдарынан қайтыс болған 3 медицина қызметкерінің туыстарына төлемдер аударды. 
Жоғарыда аталған төлем төленетін медицина қызметкерлерін өңірлердің және республикалық маңызы бар қалалардың денсаулық сақтау басқармалары жанындағы арнайы комиссиялар ауырған медицина қызметкерлерін тексеру нәтижелері негізінде анықтайды. Өтінімдердің жинақтауды ҚР Денсаулық сақтау министрлігі жүзеге асырады, одан кейін өтінімдер электрондық іс макеттерін қалыптастыру үшін «Азаматтарға арналған үкімет» мемлекеттік корпорациясы» КЕАҚ-қа беріледі, кейін төлем тағайындау үшін МӘСҚ-ға жіберіледі. 
24 тамыз сағат 9.00-дегі жағдай бойынша МӘСҚ COVID-19 немесе вирустық пневмония жұқтырған 776 медицина қызметкерінің өтініші бойынша және аурудың салдарынан қайтыс болған 3 медицина қызметкерінің өтініш бойынша ақшалай қаражатты тағайындау мен төлеуді жүзеге асырды. 
Өңірлер бөлінісінде медицина қызметкерлеріне COVID-19 немесе вирустық пневмонияны жұқтыру жағдайына төлемдердің ең көп саны Алматы (79), Ақмола (79) облыстарынан, Алматы (74) және Нұр-Сұлтан (69) қалаларынан, сондай-ақ Батыс Қазақстан облысынан (67) жүргізілді. 
Естеріңізге сала кетейік, ҚР Еңбек және халықты әлеуметтік қорғау министрі мен ҚР Денсаулық сақтау министрінің 9 сәуірдегі «Денсаулық сақтау ұйымдарының COVID-19 коронавирустық инфекциясына қарсы күрес жөніндегі эпидемияға қарсы іс-шараларға тартылған қызметкерлері аталған инфекцияны жұқтырған немесе одан қайтыс болған жағдайда оларға біржолғы әлеуметтік төлемді жүзеге асыру қағидаларын бекіту туралы» бірлескен бұйрығына ағымдағы жылдың 22 шілдесінде енгізілген өзгерістерге сәйкес жоғарыда көрсетілген төлем: коронавирустық инфекция немесе вирустық пневмония жұқтырған медицина қызметкерлеріне – 2 млн теңге; COVID-19 коронавирустық инфекциясын жұқтырғаннан, вирустық пневмониямен ауырып қайтыс болған жағдайда олардың отбасына – 10 млн теңге көлемінде төленеді.

770 медицина қызметкері МӘСҚ-тан төлем алды

Kyzylorda-news.kz. Елімізде ата-аналар баласы баратын балабақшаны өздері таңдай алады. Бұл туралы білім және ғылым министрі Асхат Аймағамбетов мәлім етті, деп хабарлайды <a href="https://stan.kz/kazakstanda-endi-ata-analar-balabakshani-ozderi-tanday-336074/">Stan.kz</a>.
Білім және ғылым министрі мектепке дейінгі білім беру жүйесін өзгеріс күтіп тұрғанын айтады. Жаңа модель енгізіліп, енді балабақшаны ата-аналар өздері таңдай алады. Балабақшада білім берудің мазмұны мен әдіс-тәсілдері де қайта қаралады. Ерте жастан тіл үйрету бастамалары өзгереді. Бағдарламаның құрылымы балалардың жасы, психологиялық ерекшелігіне сәйкес жаңарады. Ата-аналар қалаған балабақшасын таңдап, мемлекеттік тапсырыс негізінде бара алады.
Айта кетейік, қазіргі таңда елімізде карантин жеңілдетілгеннен кейін балабақшалар қайта ашылған болатын. Бас мемлекеттік санитар дәрігердің қаулысына орай мектепке дейінгі білім беру орындарында 15 балаға дейін кезекші сыныптар жұмысына рұқсат берілген.

Қазақстанда енді ата-аналар балабақшаны өздері таңдай алады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 175 адам коронавирус індетімен ауырғаны белгілі болды, деп хабарлайды coronavirus2020.kz.
Оның ішінде 68 адам клиникалық белгілері жоқ тасымалдаушы ретінде тіркелді.
Аймақтар бойынша (жалпы/симптомсыз):
Нұр-Сұлтан қаласы – 8 / 4
Алматы қаласы – 12 / 3
Шымкент қаласы – 1 / 0
Ақмола облысы – 14 / 8
Ақтөбе облысы – 5 / 2
Алматы облысы – 7 / 3
Атырау облысы – 15 / 13
Шығыс Қазақстан облысы – 28 / 3
Жамбыл облысы – 6 / 3
Батыс Қазақстан облысы – 13 / 7
Қарағанды облысы – 20 / 6
Қостанай облысы – 10 / 5
Қызылорда облысы – 1 / 1
Павлодар облысы – 13 / 3
Солтүстік Қазақстан облысы – 12 / 3
Түркістан облысы – 10 / 4
Жалпы ел бойынша ауырғандар саны 104718.

Қазақстанда өткен тәулікте 175 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Қызылордалық “Қайсар” Olimpbet Қазақстан біріншілігінің 5-турында “Жетісумен” жолықты.
Стойчо бапкер өткен турдағы құрамға сәл өзгеріс енгізді. Бірніші минуттан алаңға Элгуджа Лобжанидзе беттеді. Ойынның алғашқы жартысында қос қарсылас бір-бірінен бағамдап, аса қауіпті шабуылдар ұйымдастыра қоймады.
Кездесудің шешуші сәті екінші таймда тіркелді. 75 минутта сол қапталдан Максим Фединнің асырған пасына шабуылшы Элгуджа Лобжанидзе бірінші жетіп, әуедегі допты қайшылап теуіп, қақпа торына енгізді.
Таблодағы есеп ашылғаннан кейін Дмитрий Огай бар шабуылшысын алаңға шығарды. Дегенмен, қасқырлардың қорғанысы сыр бермеді. Осылайша “Қайсар” чемпионаттағы 3 жеңісіне қол жеткізіп, турнирлік кестеде ІІІ-орынға жайғасты.

&#8220;Қайсар&#8221; Алматыда екінші жеңісіне қол жеткізді

<a href="https://kyzylorda-news.kz/">Kyzylorda-news.kz.</a> Сырдария өзенінің ортасында қалып қойған 2 жасөспірім құтқарылды.
23 тамыз күні қаладағы «Сыр Ана» монументі тұсында Сырдария өзенінің ортасындағы аралда 13 және 14 жастағы балалар қалып қойған. Оқиға орнына Қызылорда облыстық Төтенше жағдайлар департаменті өрт сөндіру және авариялық-құтқару қызметі жедел құтқару жасағынан 5 құтқарушы техникаларымен жетті.
Құтқарушылар аралда қалып қойған 2 балаға қайықпен жеткен. Төтенше жағдай департаментінің қызметкерлері балаларды жағаға әкеліп, полиция және жедел жәрдем қызметі мамандарына тапсырған.

Қызылордада дарияның ортасында қалып қойған балалар құтқарылды

<a href="https://kyzylorda-news.kz/">Kyzylorda-news.kz.</a> Бүгін Қазақстан аумағының басым бөлігінде құбылмалы ауа райы сақталады, деп хабарлайды Қазгидромет.
Атмосфералық ауа ағындардың өтуіне байланысты жаңбырмен бірге найзағай күтіледі, оңтүстік-батыста қатты жаңбыр жауады, тек оңтүстік-шығыста және батыста ауа райы көбінесе жауын-шашынсыз болады. Республиканың кей жерлерінде тұман күтіледі, жел күшейеді, оңтүстікте шаңды дауылмен жел күтіледі, бұршақ жаууы ықтимал.
Қарағанды ​​облысының кей жерлерінде найзағай күтіледі, бұршақ жаууы ықтимал, түнде және таңертең тұман күтіледі, күндіз жел 15-20 м/с дейін күшейеді.
Шығыс Қазақстан облысының кей жерлерінде таңертең және күндіз найзағай күтіледі, түнде кей жерлерінде тұман күтіледі, күндіз жел 15-20 м/с күшейеді.
Түркістан, Қызылорда облыстарының кей жерлерінде найзағай күтіледі, шаңды дауылмен жел күшейеді, күші 15-20 м/с құрайды.
Ақмола облысының кей жерлерінде таңертең және күндіз найзағай күтіледі, түнде және таңертең тұман күтіледі.
Түнде Атырау облысының кей жерлерінде найзағай күтіледі, күндіз жел 15-20 м/с күшейеді.
Солтүстік Қазақстан, күндіз Қостанай облыстарының кей жерлерінде найзағай күтіледі, кей жерлерінде тұман күтіледі.
Маңғыстау облысының кей жерлерінде найзағай күтіледі, күндіз бұршақ жаууы ықтимал.
Ақтөбе облысында найзағай күтіледі. Жамбыл облысының кей жерлерінде жел 16-21 м/с күшейеді. Түнде Павлодар облысында тұман күтіледі.
Қызылорда облысында, Түркістан облысының басым бөлігінде, Жамбыл, Алматы, Атырау облыстарының кей жерлерінде, Батыс Қазақстан оңтүстігінде, Қарағанды облысының оңтүстік-батысында төтенше өрт қаупі сақталады.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстандық былғары қолғап шебері Қамшыбек Қоңқабаев кәсіпқой бокстағы алғашқы жекпе-жегін Иса Акбербаевқа қарсы өткізді, деп хабарлайды <a href="https://www.inform.kz/kz/kamshybek-konkabaev-kasipkoy-bokstagy-algashky-zhenisine-kol-zhetkizdi_a3686458">ҚазАқпарат</a>.
Бүгінгі кездесуде Қамшыбек өзін жақсы қырынан көрсете білді. Ол қарсыласынан басым түсті.
Қамшыбек Қоңқабаев 1991 жылдың 18 қарашасында дүниеге келген. Ол – әуесқой бокстан Қазақстан ұлттық құрамасының капитаны. Қамшыбек 2017, 2019 жылдары әлем, сол жылдарда Азия чемпионы атағын иеленді. Токио Олимпиадасына жолдама жеңіп алды. Кәсіпқой бокста жекпе-жек өткізгеніне қарамастан ол аталған дүбірлі додада бақ сынау мүмкіндігін жоғалтқан жоқ.
Оның қарсыласы – Иса Акбербаев та осал емес. Бұған дейін 11 рет титулдық жекпе-жек өткізді. Оның ішінде төрт мәрте сан алуан титулға ие болды. Дегенмен, соңғы жекпе-жегінде ресейлік Евгений Тищенкоға жол берді. Ол алтыншы раундта жарысты жалғастырудан бас тартқан еді. Бұл, қазақстандық спортшының кәсіпқой бокстағы алғашқы жеңілісі болды. Бүгін ол өзінің екінші жеңілісіне ұшырады.
Сондай-ақ, бүгінгі бокс кешінде бұдан бұрын Рай Сейітжанов қарсыласы Талғат Бертілеуовті, Нұрдос Төлебай қарсыласы Нұржан Мақашбаевты, Али Балоев әріптесі Юрий Быховцевті, Сапарбай Айдаров Абай Төлештен, Тұрсынбай Құлахмет Сағадат Рахманқұловтан, Виктор Коточигов пен Андрей Исаевтан басым түсті.

Қамшыбек Қоңқабаев кәсіпқой бокстағы алғашқы жеңісіне қол жеткізді

Kyzlorda-news.kz . Пайдасы жоқтың бәрін таста! Дәл қазір. Жина да қоқысқа таста! 
Мәселен, ылғи аяғыңды қажайтын, кисең болды сүріне беретін туфлиді. Бір жағы істемей қалған құлаққапты. Ескі сервизден қалған жалғыз тәрелкені. Сыртқа шығарып, қоқыстың жанына қалдырып кет. Керек қылған біреу алар. Диетаның тізімін. Тоңазытқыштың сыртында ілініп тұрған. Қалжыңсыз.
Күнде кешке таман хабарласып: “Неткен сұмдық!” дейтін қимасың болады. “Иә, әрине!” деп тұрып ойың басқада болса, нең бар оның сұмдығында, екінші жауап қатпа.
Таңертемен: «Тағы бес минут!» — дегенің телефондағы таймерге бәрібір. Не қарғып тұр, не ерте жатып дағдылан. “Ұят боладыға” тіреп, оятқыш қойма. Істемейді!
Баяғыда істеген істеріңе, таңдауыңа, қарым-қатынастарыңа бола өкінбе. Өкініштің түк пайдасы жоқ. Бәрі дұрыс. Сол кездегі сен үшін ол ең дұрыс шешім болған. Сабақ алғаныңа разы бол.
“Ал, егер…” деме. Ешқашан. Шамаң келсе, істе. Ұнаса — ары қарай жүр. Жапон тілі ұнаса — үйрен, танысқың келсе — хат жаз, басқа жұмыс керек пе — ауыс, шашың ұнамай ма — өзгерт, көңілің тартса — театрға бар. Тағысын тағылар… Тура ертең ұнаған бір істі тындыр. Ойланба. Әрекет қыл.
Қайта-қайта кешірім сұрау әдетінен арыл. Бір рет айтсаң да жеткілікті. Егер шын себебі болса. Қалғаны артық.
“Шабадан қарым-қатынас” — бір болу қиын, тастау аянышты. Қолың талмады ма? Әдемі дөңгелегі бар қымбат кейстерге көш. Өзі жүреді. Рахат. Әдемі, жеңіл, жайлы, сенімді. Сөздің төркіні түсінікті ме?
“Әйтеуір кездесеміз” дейтін уәде, қол тигенде хат жазам, істеймін, ала келем, сыйлаймын дегендер — аптадан артық ауада ілініп тұрса, оған дейін ешкім өліп қалмаса, соның бәрінің түк қажеті болмағаны. Ол адам артық жүк. Таста. Жеңілде.
“Қолымнан келмейді” не “мұны түсінбеймін” деген сөздер — пайдасыз. Оқы, түсін, біл, жасап үйрен, білетін адамның ақысын төлеп істет. Бірақ істе. Өмір өз қажетсіздігіңді түсінуден емес, өмірді жеңілдетуден тұрады. Солай емес пе?
Көзіңе жас үйіріліп, көңілді сыздататын естеліктерден арыл. Шамаң келсе, ұмыт. Қайтадан еске түссе — «delete»- ті бас. Өмірді улай берме. Енді өзгерте алмайтын нәрсеге бола жылама. Өтті, кетті.
Үнемі елдің ығына жығылып, “жақсы адам” боп көрінуге тырысу, айтарың бар кезде де басқаның көңіліне қарауды доғар — бұл мінезді түп-тамырымен жұлып таста. Айт, пікір білдір, сұра, түсіндір. Әдепті түрде, мәдениетті түрде өзіңнің ойыңды жеткізіп үйрен. Жақсы адамдар жұмаққа барады, ал жамандар кез келген есікті ашады.
Қартаюдан қорқу, жаңадан үрейлену, өз сұлулығыңа күмәндану, бақытыңа сенбеу — бәрін қалың қалтаға сап, отқа таста. Күлін көкке ұшыр. Мұның бәрі өмір сүруге кедергі. Еш көмегі жоқ.
Сынған есік, айна, тұтқа, асүйдегі пеш, шәугім, шайнекті жөндеу қымбат. Таста. Жаңасын аласың. Өзің қалағаныңды ал. Интернетте уақыт өлтіруді доғар.
Осыны оқып болған көшеге шығып, серуендеп кел. Далада бәрі басқаша. Самал жел, күн, жауын, қар. Жаяу жүр. Тыныста. Айналаңа қара. Тазалықты сезін. Мұның бәрі өмір ғой. Тіршілік. Бұлар саған жұмыс істейді”.
Алла Эльман 
Аударған Шынар Әбілда

Өміріңе керексіз барлық заттардан арыл

Kyzylorda-news.kz. Әлемдік деңгейде қазақтың көк туын желбіретіп жүрген жас спортшы Нұрым Сәлімгерейұлы «Nur Otan» партиясының праймеризіне қатысуға өз өтінішін білдірді. Талай палуанмен боз кілемде белдескен&nbsp; үміткер, бұл жолы саяси додаға қатысып бақ сынамақ.
<blockquote>
 «Партияластарым қолдап, жеңіске жетіп жатсам, ауылдық елді мекендерде бұқаралық спортты дамытуға бағытталған ауқымды жоспарларымды жүзеге асырмақпын» – дейді палуан.
</blockquote>
Сыр барысы Сәлімгереев Нұрым – 1994 жылдың 2 қыркүйегінде Қызылорда облысы, Арал ауданы, Қарақұм ауылында дүниеге келген. 2000 жылы №59 Қарақұм орта мектебінің 1 сыныбына қабылданып, 2004 жылдан бастап Арал аудандық&nbsp; балалар мен жасөспірімдер спорт мектебінің Қарақұм ауылындағы қазақ күрес бөлімшесінде қазақ күресінің қыр-сырын меңгеруді бастады.
Спорт шебері. Самбодадан ересектер арасында Қазақстанның чемпионы. Қазақ күресінен ересектер арасында ел чемпионы. Белбеу күресінен ересектер арасында ҚР-ның чемпионы. Дзюдодан ересектер арасында ҚР-ның чемпионы. 2015 жылдың «Сыр барысы». Қазақстан барысына қатысушы.
2013 жылы Ақтөбе қаласында қазақ күресінен жастар арасында Бүкіл Қазақстан ойындарында 90 кг салмақ дәрежесінде чемпион атанды.
2013 жылы Қызылорда қаласында қазақ күресінен жастар арасында «Жас барыс» Республикалық чемпионатында 90 кг салмақ дәрежесінде чемпион.
2014 жылы 100 кг салмақ дәрежесінде дзюдодан жастар Қазақстан құрама сапында АҚШ-та өткен әлем біріншілігіне қатысты.
2014 жылдың желтоқсан айында Тайландта өткен дзюдодан жастар арасында (23 жасқа дейін) Азия чемпионатында 100 кг салмақ дәрежесінде қола жүлдегер атанды.
2015, 2018, 2019 жылдарда Қазақстан барысы турнирінің қатысушысы.
2019 жылы 15 желтоқсан күні Ақтөбе қаласында қазақ күресінен ересектер арасында өткен Әлем чемпионатында алтын медаль иеленген.

Сыр барысы праймеризге қатысып, саяси додада бақ сынамақ

Kyzylorda-news.kz.Қазақстанда ауыл мұғалімдерінің еңбекақысын есептеу бағдарламасы қайта қаралады. Бұл туралы білім және ғылым министрі Асхат Аймағамбетов мәлімдеді.
Министр қазір республикада ауыл мектептерін білікті мамандармен қамтамасыз ету бойынша жұмыс жүріп жатқанын атап өтті.
<blockquote>
 “Бұл өте өзекті мәселе. Біз бұл жайлы ашық айтуымыз тиіс. Ауылдар мен шалғай мектептерде білім деңгейі төмен. Басты проблема – кадр біліктілігі мен тапшылығы. Көптеген мектепте бір мұғалім бірнеше пәннен сабақ береді. Сол себепті осы мәселені шешу үшін ауыл мектептері мен ауыл мұғалімдерінің еңбекақысын қаржыландыруды қайта қарау бойынша жұмыс жүргізу қажет”, – деді Аймағамбетов республикалық тамыз конференциясында.
</blockquote>
Ол ауыл мұғалімдерінің жалақысын көтеру бағдарламасын жаңарту жұмысы жүріп жатқанын және жыл соңына дейін аяқталатынын мәлімдеді.
Бұған дейін қазақстандық ұстаздардың орташа жалақысы бір жыл ішінде 35%-ке өсіп, 184,4 мың теңгеге жеткені хабарланған болатын. Алайда бұл &nbsp;елдегі орташа жалақыдан 28 мың теңгеге аз.
Қазір мектепке дейінгі білім беру саласының қызметкерлері бәрінен де аз жалақы алады. Олардың орташа айлығы 90 мың теңгеден аспайды. Ең жоғары жалақы орта білім мұғалімдеріне төленеді. Олардың айлығы 214,2 мың теңгеге жетті.
Білім министрлігі алдағы төрт жылда мұғалімдердің жалақысын 2,5 есеге көтеруді көздеп отыр.
Қазіргі таңда Қазақстанның білім саласында миллионға тарта адам жұмыс істейді.

Қазақстан және Қызылорда облысының жаңалықтары

Қызылорда қалалық құрылыс бөліміне жаңа басшы тағайындалды

Сыр журналистері “Мектепке жол” акциясына атсалысты

770 медицина қызметкері МӘСҚ-тан төлем алды

Қазақстанда енді ата-аналар балабақшаны өздері таңдай алады

Қазақстанда өткен тәулікте 175 адамнан коронавирус анықталды

“Қайсар” Алматыда екінші жеңісіне қол жеткізді

Қызылордада дарияның ортасында қалып қойған балалар құтқарылды

Дүйсенбіге арналған ауа райы болжамы

Қамшыбек Қоңқабаев кәсіпқой бокстағы алғашқы жеңісіне қол жеткізді

Өміріңе керексіз барлық заттардан арыл

Сыр барысы праймеризге қатысып, саяси додада бақ сынамақ

Қазақстандық мұғалімдердің жалақысы қайта қаралады

Қазақстан және Қызылорда облысының жаңалықтары

Қызылорда қалалық құрылыс бөліміне жаңа басшы тағайындалды

Сыр журналистері &#8220;Мектепке жол&#8221; акциясына атсалысты

770 медицина қызметкері МӘСҚ-тан төлем алды

Қазақстанда енді ата-аналар балабақшаны өздері таңдай алады

Қазақстанда өткен тәулікте 175 адамнан коронавирус анықталды

&#8220;Қайсар&#8221; Алматыда екінші жеңісіне қол жеткізді

Қызылордада дарияның ортасында қалып қойған балалар құтқарылды

Дүйсенбіге арналған ауа райы болжамы

Қамшыбек Қоңқабаев кәсіпқой бокстағы алғашқы жеңісіне қол жеткізді

Өміріңе керексіз барлық заттардан арыл

Сыр барысы праймеризге қатысып, саяси додада бақ сынамақ

Қазақстандық мұғалімдердің жалақысы қайта қаралады

Сыр журналистері “Мектепке жол” акциясына атсалысты

“Қайсар” Алматыда екінші жеңісіне қол жеткізді