<a href="https://kyzylorda-news.kz/">Kyzylorda-news.kz.</a> Қазақстанға экстракорпоральды ұрықтандыру (ЭКО) процедурасы үшін зейнетақы жинағын қолдануға рұқсат беріледі. Бұл туралы «Отбасы банкінің» басқарма төрағасы Ләззат Ибрагимова айтты, деп хабарлайды <a href="https://www.inform.kz/">ҚазАқпарат.</a>
<blockquote>
 «Енді зейнетақы жинағын алуға қатысты ережеде сегізінші мақсат қосылды, ол «көмекші репродуктивті әдістер мен технологиялар» деп аталады.
</blockquote>
Мұның ішіне экстракорпоральді ұрықтандыру процедурасы да кіреді», – дейді Ләззат Ибрагимова әлеуметтік желі арқылы өткен тікелей эфир барысында. Оның айтуынша, зейнетақы жинағын қолдану ережелерін Денсаулық сақтау министрлігі келесі аптада жариялайды.
<blockquote>
 «Келесі аптада бұл ережелер заңды күшіне енеді деп күтіп отырмыз. сәбилі болуға қатысты мәселелері бар отбасылар зейнетақы жинағы есебінен ЭКО жасау мүмкіндігіне ие болады», – дейді ол.
</blockquote>

Қазақстандықтар зейнетақы жинағын ЭКО жасату үшін қолдана алады

<a href="https://kyzylorda-news.kz/">Kyzylorda-news.kz.</a> Қазақстанда 1 469 адам коронавирус жұқтырды, деп хабарлайды coronavirus2020.kz.
28 қаңтар 23:59-дағы эпидемиологиялық жағдай бойынша ПТР арқылы 1 469 адамда коронавирус індеті расталды.
Аймақтар бойынша:
Нұр-Сұлтан қаласы – 124,
Алматы қаласы – 122,
Шымкент қаласы – 9,
Ақмола облысы – 206,
Ақтөбе облысы – 12,
Алматы облысы – 75,
Атырау облысы – 94,
Шығыс Қазақстан облысы – 41
Жамбыл облысы – 22,
Батыс Қазақстан облысы – 104,
Қарағанды облысы – 80,
Қостанай облысы – 137,
Қызылорда облысы – 12,
Маңғыстау облысы – 16,
Павлодар облысы – 296,
Солтүстік Қазақстан облысы – 109,
Түркістан облысы – 10.
Жалпы ел бойынша ауырғандар саны 183 999.

Қызылордада 12 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Қаңтардың 29-ы күні Қазақстанның батыс аудандарына солтүстік-батыс циклонының жырасы әсер етеді, деп хабарлайды «Қазгидромет» РМК.
Соның салдарынан республиканың басым бөлігінде жаңбыр, қар жауып, көктайғақ болады және ауа температурасы көтеріледі.
Республиканың кей жерлерінде сонымен қатар бүгін тұман түсіп, жел күшейеді.
Қызылорда облысының кей жерлерінде желдің күші секундына 15-20 метрге жетеді.

29 қаңтарға арналған ауа райы болжамы

Kyzylorda-news.kz. 2020 жылы Қазалы ауданына қарасты 4 елді мекенге ұялы байланыс желісі орнатылды.
Бұл мәселе «Цифрлық Қазақстан» мемлекеттік бағдарламасының аясында жүзеге асты.
Аудан орталығынан шалғай орналасқан Шәкен елді мекені «Beeline», Аранды, Сарбұлақ және Лақалы ауылдары «Kcell» операторлары арқылы 3G/4G сымсыз технологияларымен және мобильді ұялы байланыс қызметімен қамтамасыз етілді.Бүгінгі күні аталған ауылдардың тұрғындары ұялы байланыс желісін пайдаланып, жақын-жуықтарына жедел хабарласып отыр.

Қазалының ауылдарына ұялы байланыс желісі орнатылды

<a href="https://kyzylorda-news.kz/">Kyzylorda-news.kz</a>. Қызылорда облыстық «Қоғамдық келісім» КММ Тәуелсіздіктің 30 жылдығына орай «Туған жерге деген махаббат» атты байқауын ұйымдастырады.
Тәуелсіздіктің 30 жылдық мерейтойына орай ұйымдастырылатын байқау қала тұрғындары арасында алғашқы рет өткізіледі.
Байқауға қатысу үшін әлеуметтік желілерде #Тәуелсіздікке30жыл, #Туғанжергедегенмахаббат, #Үздікжариялым #ҚызылордаАссамблея #Kyzylorda.Assambleya хэштегтерімен өз постыңызды орналастыру қажет.
Байқауға кез келген шығармашылық, өлең, эссе, ән, бейнеролик, фотосурет немесе тағы да басқа креативті жобалар арқылы қатысуға болады.
Байқау 1 мамыр – Қазақстан халқының бірлігі мерекесі күні қорытындыланып, ең үздік 3 жариялым таңдалады.
Жеңімпаздардың әрқайсысы ақшалай сертификатқа ие болады.
I орын – 50&nbsp;000 теңге
II орын – 30&nbsp;000 теңге
III орын- 20&nbsp;000 теңге
Қосымша ақпарат алу үшін 70-03-92 телефон нөмеріне хабарласуға болады.

«Туған жерге деген махаббат»: Байқаудан шет қалма

<a href="https://kyzylorda-news.kz/">Kyzylorda-news.kz</a>. ҚР Премьер-Министрі Асқар Мамин Қазақ тілі әліпбиін латын графикасына көшіру жөніндегі ұлттық&nbsp;<a href="https://www.inform.kz/kz/latyn-grafikasyndagy-zhana-kazak-alipbii-zhariyalandy_a3746479">комиссия отырысын</a>да жетілдірілген жаңа әліпбидің пернетақтасы жарияланды.
Жаңа әліпбиге кезең-кезеңімен көшу 2023 жылдан бастап 2031 жыл аралығында жоспарланып отыр.
<blockquote>
 «Жетілдірілген әліпби нұсқасы қазақ тілінің дамуына жаңа серпін беріп, оның заманауи үрдістерге сай жаңғыруына ықпал етеді. Алдағы уақытта қазақ тілін латын графикалы әліпбиге кезең-кезеңімен көшіру бағытында қарқынды жұмыс жүргізу керек», — деді Үкімет басшысы Асқар Мамин.
</blockquote>
Үкімет басшысы латын графикасы негізіндегі қазақ тілі әліпбиін жетілдіру бойынша халық арасында кең ауқымды ақпараттық-түсіндіру жұмыстарын жүргізуді тапсырды.
<img src="https://kyzylorda-news.kz/wp-content/uploads/2021/01/210128174333147e.jpg" alt="" />

Жаңа әліпбиде пернетақта қандай болады?

<a href="https://kyzylorda-news.kz/">Kyzylorda-news.kz</a>. Премьер-министрі Асқар Мамин қазақ тілі әліпбиін латын графикасына көшіру жөніндегі ұлттық комиссияның&nbsp; отырысын өткізді. Латын графикасына негізделген әліпбидің жетілдірілген нұсқасы көрсетілді, деп жазылған үкіметтің ресми сайтында.
Мәдениет және спорт министрі Ақтоты Райымқұлованың айтуынша, білім беру мекемелерінде жетілдірілген әліпби белгілерін жазу және оқу бойынша сауалнама жүргізілді. Қоғамдық пікірді ескеру мақсатында ашық талқылаулар да ұйымдастырылды.
Жетілдірілген әліпбиде әріп саны – 31, әліпби тек латын әліпбиі базалық жүйесі таңбаларынан құралған.&nbsp; Бұл әліпбиде қазақ тілінің&nbsp; 28 дыбысы толық қамтылған. Қазіргі ә(ä), ө(ö), ү(ü), ұ(ū) және ғ(ğ), ш(ş) қазақ әріптері диакритикалық таңбалармен берілген. Әліпбиде халықаралық тәжірибеде қолданыста бар умляут (&nbsp; ̈ ), макрон ( ˉ ), седиль ( ̧), бревис (&nbsp; ̌ ) диакритикалық таңбалары қолданылған.
<img src="https://sputnik.kz/images/07e5/01/1c/16155307.jpg" alt="Слайд с совещания у премьер-министра по переводу казахской письменности на латиницу" title="Слайд с совещания у премьер-министра по переводу казахской письменности на латиницу" />
Мамандардың сөзіне қарағанда, әліпби қазақ тілінің жазу дәстүрінде орныққан “бір дыбыс – бір әріп” принципіне толық сәйкес келеді. Жаңа әліпбиге кезең-кезеңімен көшу 2023 жылдан бастап 2031 жыл аралығында жоспарланып отыр.
<blockquote>
 “Жетілдірілген әліпби нұсқасы қазақ тілінің дамуына жаңа серпін беріп, оның заманауи үрдістерге сай жаңғыруына ықпал етеді. Алдағы уақытта қазақ тілін латын графикалы әліпбиге кезең-кезеңімен көшіру бағытында қарқынды жұмыс жүргізу керек”, — деді Мамин.
</blockquote>
Үкімет басшысы латын графикасы негізіндегі қазақ әліпбиін жетілдіру бойынша халық арасында кең ауқымды ақпараттық-түсіндіру жұмыстарын жүргізуді тапсырды.

Латын әліпбиінің жаңа жобасы таныстырылды

<a href="https://kyzylorda-news.kz/">Kyzylorda-news.kz</a>. Коронавирус пандемиясына байланысты өткен жылы Халықаралық Олимпиада комитеті мен Олимпиада ұйымдастырушылары төрт жылдықтың басты додасын бір жылға кейінге шегерді. Енді олимпия ойындары 2021 жылы 23 шілдеде басталады.
Жақында өткен Халықаралық Олимпиада комитетінің жиынында Томас Бах 2021 жылдың қарбаласқа толы болатынын атап өтті. Өйткені, Токиодағы Олимпиада ойындарынан кейін 6 ай өткен соң қысқы Олимпиада ойындары басталады. Мұндай жайт тарихта алғаш рет орын алмақ.&nbsp;
Томас Бахтың айтуынша, Олимпиада ойындары мен барлық жарыстар және іс-шаралар жоспарланған уақытында өтеді. Осы салаға қызығушылық танытқан тараптардың бәрі де Ойынды сәтті өткізу үшін тынымсыз еңбектеніп жатыр.&nbsp;
Сондықтан, “Б” жоспарын ойластыруға негіз жоқ. Жапония нақты қадамдар арқылы бұл ойынды өткізуге дайын екенін көрсетіп, Қытай да қысқы ойындарды өткізуге әзір екенін мәлімдеді.&nbsp;
Олимпиаданың кейінге шегерілгеніне қарамастан, спортшыларымыз елдің бас санитария дәрігерінің жарлығына сәйкес жаттығулар жүргізіп жатыр. 2020 жылдың 17 тамызынан бастап Ұлттық Олимпиада комитетінің аккредиттелген спорт базасында барлық санитария-эпидемиология стандарты мен талабына сәйкес оқу-жаттығу жиындары қайта басталды.
Қазіргі уақытта Қазақстан еншісінде 17 спорт түрінен 42 лицензия бар. Оның ішінде:
<ul>
<li>Жеңіл атлетикадан 3 лицензия – Георгий Шейко, Ольга Рыпакова, Айман Ратова;</li>
<li>Велоспорттан (тас жолдағы) 4 лицензия;</li>
<li>Суда жүзуден 2 лицензия – Баландин Дмитрий, ашық аспан астында суда жүзуден 1 лицензия – Худяков Виталий;</li>
<li>Садақ ату спортынан 4 лицензия – Мұсаев Санжар, Ганкин Денис, Абдуллин Ильфат;</li>
<li>Құзға өрмелеу спортынан 1 лицензия – Ришат Хайбуллин;</li>
<li>Синхронды жүзуден 1 лицензия – Александра жəне Екатерина Немич;</li>
<li>Грек-рим күресінен 2 лицензия – Мейрамбек Айнағұлов, Асхат Ділмұхамедов; Əйелдер күресінен 2 лицензия – Валентина Исламова, Эльмира Сыздықова; Еркін күрестен 4 лицензия – Нұрислам Санаев, Дəулет Ниязбеков, Данияр Қайсанов, Əлішер Ерғали;</li>
<li>Спорттық гимнастикадан 1 лицензия – Милад Карими; Стенд атудан 1 лицензия – Рысбекова Сəрсенгүл; Нысана көздеуден 1 лицензия – Юрков Юрий;</li>
<li>Бессайыстан 2 лицензия – Потапенко Елена, Ильященко Павел;</li>
<li>WKF каратэден 1 лицензия – Дархан Асаділов;</li>
<li>Бокстан 9 лицензия – Сəкен Бибосынов, Серік Теміржанов, Зəкір Сафиуллин, Абылайхан Жүсіпов, Əбілхан Аманқұл, Бекзат Нұрдəулетов, Василий Левит, Қамшыбек Қоңқабаев, Надежда Рябец; Велотректен 3 лицензия.</li>
</ul>
<a href="https://massaget.kz/layfstayl/sport/64376/?fbclid=IwAR2PLkHn_yzgdWiC569Q8mEyMwtTKfu9Wa6RZIwndVEAtQqM_GODFDJ9hy4">Massaget.kz</a>

Қазақстан қоржынында Олимпиаданың неше жолдамасы бар?

<a href="https://kyzylorda-news.kz/">Kyzylorda-news.kz</a>. Қызылорда облысында пандемиядан зардап шеккен шағын және орта бизнес өкілдерін қолдау мақсатында бірқатар жұмыстар жасалуда.
Атап айтар болсақ, биыл мемлекеттік, өңірлік бағдарламалар аясында 6 млрд теңге бөлінді. Яғни, «Бизнестің жол картасы 2025» бағдарламасы шеңберінде 2,6 млрд теңге, «Еңбек» бағдарламасына 3 млрд теңге және өңірлік инвестициялық орталығына 300 млн теңге. Аталған бағдарламалар аясында кәсіпкерлердің 1000-ға жуық жобасы қаржыландырылады.
<blockquote>
 “Аймақта шағын және орта бизнес өкілдірінің саны 54 700-ді құрайды. Пандемия кезінде 74 пайызының кәсібі ішінара тоқтатылды. 10-мыңға жуық кәсіпкер зардап шекті. Сол кезде бизнесті қайта жандандыру үшін кәсіпкерлерге салық жеңілдіктері берілді. Несие төлемдері кейінге қалдырылып, кредиттерді жеңілдікті шарттармен қайта қаржыландыру мүмкіндігі берілді. Мемлекеттік бағдарламалардың несиелендіру шарттары оңтайландырылып, бюджеттен қаржы қарастырылды. Кәсіпкерлік саласындағы әртүрлі бағдарламалар аясында 20 млрд. теңге несие берілді. 500-ге жуық жоба несиелендірілді. Сондай-ақ, өткен жылы 252,8 млрд.теңгенің өнімі өндірілді”, – деді облыстық кәсіпкерлік және туризм басқармасының басшысы Фердоуси Қожабергенов.
</blockquote>

Қызылордада 1000-ға жуық жоба іске асырылады

<a href="https://kyzylorda-news.kz/">Kyzylorda-news.kz</a>. Бүгін «Қоғамдық келісім» КММ директоры Бауыржан Мастеков облыстағы 11 этномәдени бірлестік жетекшілерімен кездесті.
Кездесу барысында қоғамдық келісім мен этносаралық бірлікті нығайту, ұлттық рухани құндылықтарды насихаттау, Тәуелсіздіктің 30 жылдық мерейтойына арналған бірнеше жобаларды жүзеге асыру және тағы басқа бірқатар мәселелерді талқыға салды.
Мекеме директоры Бауыржан Мастеков қазақ елінің бүгінгі жеткен жетістігі – қоғамдағы мызғымас тұрақтылықтың нәтижесі. Тәуелсіздіктің 30 жылында еліміз тек берекеге бастау болар сан мың жолдан өткендігін атап өтті. Бүгінге дейін бағындырған белестер баянды болуы үшін бірлескен жұмыстарды қолға алып, жүзеге асыратындығын жеткізді.
Өз кезегінде этномәдени бірлестіктің жетекшілері әрі де қазақ халқының ынтымақшылдығы негізінде бірлік пен келісімді нығайтуға дайын және әрбір бастаманы қолдауға әзір екендерін алға тартты.

Бауыржан Мәстеков: Бірлескен жұмыстар жалғасын табады

<a href="https://kyzylorda-news.kz/">Kyzylorda-news.kz</a>. Арал және Жалағаш ауданындағы типтік жобадағы мал қорымының құрылыс жұмыстары аяқталды.
Биыл ветеринария саласын дамыту мақсатында 2021-2023 жылдарға арналған «Жол картасы» әзірленді. Оның аясында 24 типтік жобадағы мал қорымы және 40 ветеринариялық пункт салу жоспарлануда. Бұл туралы Өңірлік коммуникациялар қызметінің ақпарат алаңында өткен брифингте облыстық ветеринария басқармасының басшысы Ерсұлтан Апетов мәлімдеді.
<blockquote>
 “Бүгінде типтік жобадағы мал қорымдарын салу мақсатында тиісті жұмыстар жүргізілуде. Облыс бойынша 146 мал қорымы бар. Оның ішінде, ветеринариялық-санитариялық талаптарға сәйкес 90 типтік жобада салынды. Сондай-ақ, тағы да жеті типтік жобадағы мал қорымы салынады, – деді Ерсұлтан Амантайұлы.
</blockquote>
Айта кетейік, облыста аса қауіпті жұқпалы аурулар тіркелген жоқ. Эпизоотиялық ахуал тұрақты.

Қызылордада 7 типтік жобадағы мал қорымы салынады

<a href="https://kyzylorda-news.kz/">Kyzylorda-news.kz</a>. «Азаматтарға арналған үкімет» мемлекеттік корпорациясының Қызылорда облысы бойынша филиал директоры Айдын Қайруллаев филиал қызметкерлерінің қатысуымен кеңейтілген алқа мәжілісін өткізді.
Жиында филиалдың 2020 жылы көрсетілген қызметтері талқыланып, алдағы уақытта атқаратын міндеттері белгіленді.
Әлем жұртын алаңдатқан індеттің ауыр зардаптары мемлекеттік корпорацияның жұмысын күрделендіре түсті. Қиыншылықтарға қарамастан мемлекеттік қызметтерді оңтайландыру мен автоматтандыру үрдісін жеделдетіп, карантиндік шектеулер аясында қызметкерлерді қайта даярлау арқылы жаңа жұмыс тәртібіне көшіп, халыққа барынша ыңғайлы жағдай жасауға күш салынды. Нәтижесінде облыстық филиал жыл қорытындысымен республика бойынша 4 орын иеленді.
<blockquote>
 «Осы ретте, өзімнің атымнан әріптестеріме корпорациямыздың дамуына үлес қосып, маңызды жобаларды іске асыруда атсалысқан еңбектері үшін ризашылығымды білдіргім келеді.&nbsp;Биыл ауыр жыл болса да ауқымды істер атқарылды. Тынымсыз еңбектің нәтижесінде филиалымыз жақсы көрсеткіштерге қол жеткіздік», – деді филиал директоры Айдын Бөкенбайұлы.
</blockquote>
Айта кетейік, &nbsp;жыл көлемінде филиалдың фронт-офистері сапалы қызмет көрсету бойынша рейтингте республика көлемінде екінші жыл қатарынан 1 орынмен аяқтауда.&nbsp;Өткен жылы ХҚО мамандары азаматтарға 628 783 қызмет көрсетті. Пандемия кезеңінде қызметтердің басым көпшілігі электронды форматқа ауысып, азаматтар онлайн қызметтерді өз бетінше алды. Өткен жылмен салыстырғанда онлайн қызметтерді алу көрсеткіші биыл жоғары болды.
Атап айтар болсақ, азаматтар жыл көлемінде 63936 көлік құралын тіркеп, 9077 мерзімі өткен жүргізуші куәлігін алған.&nbsp;Ал, “eGov mobile” мобильді қосымшасы арқылы тұрғындарымыз 175385 қызметті смартфон арқылы онлайн түрде алған. Осы ретте азаматтарымыздың цифрлық сауаттылықтары артқанын байқауға болады.
Сонымен қатар, әлеуметтік қамсыздандыру саласы бойынша жыл көлемінде 81 683 қызмет көрсетілген.&nbsp;Бұл өткен жылмен салыстырғанда 20%-ға артып отыр. Ал, электронды түрде көрсетілген қызметтер өткен жылы 15%-ы құраса, биыл 36%-ға артты. Облыс көлемінде 373481 зейнетақы мен жәрдемақы төлемдері жүргізілген.
Бүгінде мемлекеттік корпорация көрсететін қызметтердің басым көпшілігі электронды форматқа ауысуда.&nbsp;Электрондық техникалық паспорттарды беру, жер учаскіснің кадастрлық құнын анықтау, жер учаскіснің актілерін беру секілді қызметтер egov.kz электронды үкімет порталы арқылы онлайн түрде жүзеге асырылады.

Қазақстан және Қызылорда облысының жаңалықтары