<a href="https://kyzylorda-news.kz/">Kyzylorda-news.kz</a>. «Nur Otan» партиясының Қызылорда облыстық филиалында барлық санитарлық эпидемиологиялық талаптарды сақтай отырып, 10 қаңтарда өткен Қазақстан Республикасы Парламенті Мәжілісі мен жергілікті мәслихаттар сайлауының қорытындысы бойынша ел тағдырын айқындаған саяси науқанға бір кісідей белсенді қатысқан барлық партияластармен жақтастарды марапаттау шарасы болып өтті.
Марапаттау шарасында құттықтау сөз айтқан «Nur Otan» партияcы Қызылорда облыстық филиалы төрағасының бірінші орынбасары Ләйлә Төрешова праймериз өткізумен және партияның әрбір облыс пен қала, аудандар үшін сайлауалды бағдарламасының бекітілуімен қорытындыланған саяси науқан жайында ерекше айтып өтті.
<blockquote>
 «Nur Otan» партиясының сайлауалды үгіт-насихат жұмыстары облыстық, қалалық, аудандық штабтар арқылы жүргізілді. Штабтар құрамында 149 партия мүшелері мен жақтастары, 1128 сенімді өкілдер мен 752 байқаушылар және «Jas Otan» жастар қанатының 456 белсенділері жұмыс жасады. Сайлауалды штабтармен 250 мыңға жуық ақпараттық үгіт материалдары таратылып, 230 мыңнан астам адамды қамтыған 1500-ге жуық шара өткізілді. Партияның белсенділері мен үміткерлері облыстың барлық елді мекендеріндегі сайлаушылармен және барлық әлеуметтік топ өкілдерімен кездесіп, партиямыздың сайлауалды бағдарламасын түсіндірді. Осындай, ауқымды шараларды өткізуге тынбастан еңбек еткен барлық партияластарымыз бен жақтастарымызға, жастар белсенділеріне облыстық партия филиалы атынан үлкен ризашылығымыз бен алғысымызды білдіреміз»-деді төрағаның бірінші орынбасары Ляйла Төрешова.
</blockquote>
Іс-шарада партия жақтастары мен белсенділері, «Jas Otan» Жастар қанатының ерікті жастарына Қазақстан Республикасының Тұңғыш Президенті – Елбасы, «Nur Otan» партиясының Төрағасы Нұрсұлтан Әбішұлы Назарбаевтың Алғыс хаты табысталды.

Қызылорда: Партия жақтастары мен белсенділері марапатталды

<a href="https://kyzylorda-news.kz/">Kyzylorda-news.kz</a>. Қазақстанда зейнетақы аннуитетінің құны төмендеді. Бұл туралы қаржы нарығын реттеу және дамыту агенттігі мәлімдеді, деп хабарлайды&nbsp;<a href="https://stan.kz/">Stan.kz</a>.
Экономикалық өсімді қалпына келтіру туралы заң зейнетақы аннуитетін беру ережелеріне айтарлықтай түзетулер енгізді.
– зейнетақы аннуитеті шарты бойынша ең төменгі төлем мөлшерінің ең төменгі зейнетақудан ең төменгі күнкөрістің 70 пайызына дейін өзгеруі;
– 45 жастан бастап сақтанушының ерлер үшін 55 жастан және әйелдер үшін 52 жастан бастап өмір бойғы ай сайынғы сақтандыру төлемдерін алу құқығымен кейінге қалдырылған.
Осылайша, зейнетақы жинақтары жеткілікті тұлғалар&nbsp;зейнетке ерте шығу үшін қойылатын жеткіліктілік мөлшері арзандады. Егер 2020 жылы 55 жастағы ер адамдар үшін зейнетақы аннуитетін жасасу үшін жеткіліктілік мөлшері 11,3 млн теңгені, ал 51,5 жастағы әйелдер үшін 15,5 млн теңгені құраса, енді сол жастағы ер адам аннуитетті 6, 7-ге сатып ала алады.&nbsp;
<blockquote>
 “55 жастан бастап төлемдермен 45 жасында кейінге қалдырылған зейнетақы аннуитетін алған жағдайда, ер адамда кемінде 6,1 миллион теңге, ал әйелде – 7,7 миллион теңге болуы керек”&nbsp;– дейді агенттік басшысының орынбасары Мария Хаджиева.
</blockquote>
Қазақстандықтар сақтандыру компаниясынан зейнетақы аннуитетін сатып алу құқығын пайдалана алады. БЖЗҚ-дан төлемдер алдын-ала белгіленбеген жүйелілікке, салымдар мен инвестициялық кірістерге байланысты болады. Ал зейнетақы аннуитеті нақты төлемдермен қаржылық құрал болып табылады.
<blockquote>
 “2021 жылы зейнетақы аннуитеті өнімдерінің желісін кеңейту мақсатында зейнетақы аннуитеті келісіміне бір адамның емес, ерлі-зайыптылардың немесе жақын туыстардың қатысуын білдіретін бірлескен аннуитеттерді енгізу жоспарлануда. Бұл жаңашылдықтар зейнетақы аннуитеті келісімі дамыған зейнетақы жүйесі бар елдердегі зейнетақы жоспарлары сияқты зейнетақыны жоспарлаудың тиімді құралына айналады деп күтеміз. Бұл азаматтарға олардың мақсаттары мен қажеттіліктеріне байланысты зейнетақы төлемдерінің нұсқасын таңдауға мүмкіндік береді”, – деп қорытындылады қаржылық реттеуші төрағасының орынбасары.
</blockquote>

Қазақстанда зейнетке ерте шығу: Қорда болуы керек қаражат мөлшері төмендеді

<a href="https://kyzylorda-news.kz/">Kyzylorda-news.kz</a>.&nbsp;Қызылордада біреудің үйіне терезе арқылы кіріп, бір жілік жылқы етін ұрлаған күдікті ұсталды.
Өткен жексенбіде Қызылорда қалалық Полиция басқармасына 1973 жылы туған азаматша арызданды. Арызданушының айтуынша, түнгі уақытта белгісіз біреулер үйінің пластик терезесін күшпен ашып кіріп, тоңазытқышынан бір жілік жылқы етін ұрлап кеткен.
Полицейлер жүргізген жедел-іздестіру іс-шараларының нәтижесінде&nbsp; осы қылмысқа қатысы бар облыс орталығының 37 жастағы тұрғыны ұсталды. Қазіргі уақытта Қазақстан Республикасы Қылмыстық кодексінің 188-бабымен (Ұрлық) сотқа дейінгі тергеп-тексеруді жүргізілуде.

Қызылордада жілік ет ұрлаған ұры ұсталды

<a href="https://kyzylorda-news.kz/">Kyzylorda-news.kz</a>. Сенаторлар бүгін Қазақстанның Еуразиялық экономикалық одаққа қатысуына қатысты халықаралық құжаттарды да ратификациялады, деп хабарлайды&nbsp;<a href="https://stan.kz/">Stan.kz</a>.
Еуразиялық экономикалық одаққа қатысты бірқатар шешімдер күшіне енді.
Оның ішінде: “2017 жылғы 11 сәуірдегі Еуразиялық экономикалық одақтың Кеден кодексі туралы шартқа өзгерістер енгізу туралы хаттаманы ратификациялау туралы”, “2017 жылғы 11 сәуірдегі Еуразиялық экономикалық одақтың Кеден кодексі туралы шартқа өзгерістер енгізу туралы хаттаманы ратификациялау туралы” шешімдер бар.&nbsp;
“2014 жылғы 12 қарашадағы Еуразиялық экономикалық комиссияның бәсекелестіктің бірыңғай қағидаларының сақталуын бақылау жөніндегі өкілеттіктерді жүзеге асыруы кезінде құпия ақпаратты қорғау тәртібі және оны жария еткені үшін жауаптылық туралы келісімге Армения Республикасының қосылуы туралы хаттаманы ратификациялау туралы” шешім қабылдады.
Оған қоса, “Бір тараптан Еуразиялық экономикалық одақ пен оған мүше мемлекеттер және екінші тараптан Сербия Республикасы арасындағы еркін сауда туралы келісім”&nbsp;туралы заң да&nbsp;ратификацияланды.

Сенат кеден кодексі туралы заң қабылдады

<a href="https://kyzylorda-news.kz/">Kyzylorda-news.kz</a>. Денсаулық сақтау бірінші вице-министрі Марат Шоранов коронавирусқа қарсы вакцинаны егу тәртібін түсіндірді. Екпе тегін салынады, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Вакцинация екі кезеңмен жасалады. Басында 0,5 миллилитрлік дозамен бірінші компонентті салады. Одан кейін 21 сағат өткен соң, екіншісін егеді. Оның көлемі де 0,5 миллилитр. Вакцина иыққа салынады”, – деді Шоранов орталық коммуникациялар қызметінде өткен онлайн брифингте.
</blockquote>
Оның айтуынша, адам соңғы алты айдың ішінде коронавируспен ауырып шықса, вакцина салудың қажеті жоқ. Бұдан бөлек, жүкті әйелдерге, ауыр аллергиясы мен вакцинаның құрамындағы заттарға жоғары сезімталдылығы бар адамдарға, 18 жасқа толмағандарға және 65 жастан асқандарға салынбайды.
Бұдан бөлек, бірқатар ауруға шалдыққан адамдарға абай болу керек. Олар:
<ul>
<li>бауыр мен бүйректің созылмалы аурулары;</li>
<li>эндокриндік жүйенің бұзылуы (қант диабеті);</li>
<li>қан түзілімі жүйесінің ауыр аурулары;</li>
<li>эпилепсия, инсульт және басқа да орталық жүйке жүйесінің аурулары;</li>
<li>жүрек-қан тамыр аурулары;</li>
<li>иммун тапшылығы;</li>
<li>аутоиммунды аурулар;</li>
<li>өкпе аурулары, демікпе және өкпенің обструктивті аурулары;</li>
<li>метаболиттік синдром мен диабет, аллергиялық реакциялар, атопия мен экзема;</li>
<li>қатерлі аурулар, соның ішінде қан аурулары.</li>
</ul>
<blockquote>
 “Екпе салардың алдында адам өз еркімен вакцина алуға қатысты келісімге қол қояды, я болмаса, одан жазбаша түрде бас тартады. Дәрігер вакцинаға келіскен адамды жан-жақты тексереді. Егер дене қызуы 37 градустан жоғары болса, вакцинация кейінге шегеріледі”, – деп атап көрсетті&nbsp; Шоранов.
</blockquote>
Ал вакцинаның бірінші компонетінен кейін адамның жағдайы нашарласа, екіншісі салынбайды.
Қазақстанда биыл 1 ақпанда жаппай вакцинациялау басталады. Инфекцияны жұқтыру және тарату қаупі жоғары халықтың осал топтарына кезең-кезеңмен ресейлік “Спутник V” вакцинасы егіледі. Вакцинациялау ерікті түрде және тегін салынады.
“Спутник V” 18 жасқа дейінгі балаларға салынбайды. Яғни, екпе Қазақстанның кәмелет жасына толған азаматтарына ғана салынады.
Денсаулық сақтау министрлігі жыл соңына дейін 6 миллион қазақстандыққа вакцина салуды жоспарлап отыр.
Ал 2021 жылдың наурыз айында COVID-19-ға қарсы қазақстандық вакцинамен жаппай егу басталады.Қазір QazCovid-in вакцинасын клиникалық сынақтан өткізудің соңғы ІІІ сатысы өтіп жатыр. Оның аясында вакцина 3 мың еріктіге егілді.

Коронавирусқа қарсы вакцинаны кімдерге салуға болмайды?

<a href="https://kyzylorda-news.kz/">Kyzylorda-news.kz</a>. Бірыңғай жинақтаушы зейнетақы қоры 8 мыңнан аса қазақстандықтың өтінішін мақұлдап, есепшоттан 49 миллиард теңге шешіп алуға рұқсат етті.
Төрт күнде барлығы 10 292 адам өтініш түсірген екен. Алайда тек 8 мың адамның ғана өтініші орынды болып шыққан. Қалған 2 мың адам қорындағы қаржысы жетпей тұрса да ақша сұратыпты. Тіпті зейнетақы шоты жоқ азаматтар да жұрттан қалыспай өтініш жіберген, деп хабарлады&nbsp;<a href="https://www.ktk.kz/kz/news/video/2021/01/27/170750/">КТК</a>.
Мақұлданған 49 миллиард теңге бес күннің ішінде банктердегі азаматтардың арнайы есепшотына аударылады. Қазір бұл қаржылық операцияны 4 банк: “Отбасы банк”, “Халық банк”, “Банк Центр Кредит” және “Алтын банк” жүзеге асырады.
Зейнетақы шотынан алынған ақша жеке қолға берілмейді. Егер ол сома 45 күн ішінде пайдаланылмаса, зейнетақы қорына қайтарылады. Ақшаны қайта шешіп алу үшін азаматқа қайтара өтініш жазуға тура келеді.
<blockquote>
 “Қателік болмау үшін салымшыларымыз алдымен өз есепшотын тексеріп, көз жеткізу керек. Содан кейін ғана уәкілетті оператордың сайтында өтініш береді”, – дейді “Бірыңғай жинақтаушы зейнетақы қоры” АҚ департамент директоры Қайрат Кенбаев.
</blockquote>

Зейнетақы жинағы жоқ азаматтар да өтініш жіберіп жатыр

<a href="https://kyzylorda-news.kz/">Kyzylorda-news.kz</a>. Қызылорда облысы бойынша экономикалық тергеу департаменті қызметкерлері өткен жылдың тамыз айында қаланың орталық көшелерінің бірінде заңсыз ойын орнын анықтаған болатын.
ҚР ҚМ ҚМК баспасөз қызметінің мәліметінше, 29 жастағы азамат көп қабатты үйдің бірінші қабатынан жалға алған орыннан интернет казино кеңсесін ашып, 13 компьютерді ғаламтор желісі арқылы бәс тігіп ойнайтын құмар ойындар бағдарламасына қосқан. Ойын залына күніне 5000 теңге жалақымен кассирлер мен күзетші жалдаған. Заңсыз ойын орны әшкереленіп, барлық дәлелдер ұсынылғандықтан, ұйымдастырушы азамат өз кінәсін толығымен мойындады.
Қызылорда қалалық №2 соты заңсыз ойын орнын ұйымдастырушыны Қазақстан Республикасы Қылмыстық кодексінің&nbsp; 307-бабы 1-бөлімі бойынша кінәлі деп танып, 6 ай мерзімге бас бостандығын шектеу жазасын тағайындады. Осынша мерзімге пробациялық бақылау және 100 сағаттық мәжбүрлі еңбекке тарту белгіленді.
​2020 жылы департаментпен қоғамға қауіпті қылмыс болып саналатын заңсыз ойын бизнесіне қатысты 9 қылмыстық құқық бұзушылық дерегі тергелген. Нәтижесінде 8 ойын мекемесі жабылып, 116 монитор, 109 процессор, 43 телевизор, 8 кассалық аппарат, 31 терминал, 13 бейнежазғыш және 11,2 млн теңгеден аса ақша заңсыз айналымнан алынды.

Қызылордада ойын бизнесін ұйымдастырған азаматқа үкім шықты

<a href="https://kyzylorda-news.kz/">Kyzylorda-news.kz</a>. «Nur Otan» партиясы облыстық филиалы төрағасының бірінші орынбасары, облыстық мәслихаттағы «Nur Otan» партиясы депутаттық фракциясының жетекшісі Ләйлә Төрешова қоғамдық қабылдау өткізіп, тұрғындардың өтініш-тілектерін тыңдады.
Оған облыстық денсаулық сақтау басқармасы, қалалық жұмыспен қамту, әлеуметтік бағдарламалар және азаматтық хал актілерін тіркеу бөлімі мамандары қатысып, бірқатар мәселелер талқыланды. 
Қабылдауға келгендер мал шаруашылығын дамытуға қайтарымсыз грант алу, тұрақты жұмысқа орналасу, тегін дәрі дәрмек алу мен мүгедектікті рәсімдеу және қашықтықтан оқуға қатысты мәселелерді көтеріп, көкейтесті сауалдарын қойды.
Көп балалы ана Зарина Пірмағамбетова бұрын мал шаруашылығымен айналысып көргенін және бүгінгі күні қора жайлары сақталған, дайын екендігін тілге тиек етіп, осы бағытта кәсіп бастау үшін қайтарымсыз грант алу жолдарын іздеп жүргенін айтты. Ләйлә Төрешова мәселе бойынша тиісті органдарға хабарласып, заңдылықтарын түсіндірді.
Қала тұрғыны Әлия Махамбетова мамыр айында Нұр Сұлтан қаласына баласын емдетуге апару үшін жол шығындарына қаржылай көмек сұрады. Сондай – ақ, баласын мүгедектікке шығару мәселесін сөз етті. Әлияның өтініші бойынша қаржы мәселесі алдағы уақытта демеушілер қолдауымен шешілетін болып келісіліп, мүгедектікке шығару заңдылықтары жөнінде кеңес берілді. Сондай-ақ, жұмыс орны жабылып, жұмыссыз қалған қызына тұрақты жұмыс іздеп, екінші қызының қашықтықтан білім алуы үшін компьютер сұрай келген қала тұрғыны Әскербек Құрманғалиевтің де өтініштері оңтайлы шешілді.
<img src="https://kyzylorda-news.kz/wp-content/uploads/2021/01/143725878_1089512371461272_6645718199485259178_o.jpg" alt="" />
<img src="https://kyzylorda-news.kz/wp-content/uploads/2021/01/143524729_1089512354794607_8759627794411193770_o.jpg" alt="" />
<img src="https://kyzylorda-news.kz/wp-content/uploads/2021/01/143833052_1089512364794606_6882193867508075086_o.jpg" alt="" />

«Nur Otan»: Ләйлә Төрешова тұрғындардың өтініш-тілектерін тыңдады

&nbsp;<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1163 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 189,
Алматы қаласы – 169,
Ақтөбе облысы – 9,
Алматы облысы – 109,
Атырау облысы – 82,
Шығыс Қазақстан облысы – 21,
Жамбыл облысы – 17,
Батыс Қазақстан облысы – 38,
Қарағанды облысы – 59,
Қостанай облысы – 152,
Қызылорда облысы – 5,
Павлодар облысы – 237,
Солтүстік Қазақстан облысы – 76,
Қазақстан бойынша жазылғандар саны – 164 319.

Өткен тәулікте Қызылордада коронавирус індетінен 5 адам жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1413 адамнан коронавирус індеті ПТР арқылы расталды.
Аймақтар бойынша:
Нұр-Сұлтан қаласы – 125,
Алматы қаласы – 138,
Шымкент қаласы – 13,
Ақмола облысы – 209,
Ақтөбе облысы – 10,
Алматы облысы – 71,
Атырау облысы – 90,
Шығыс Қазақстан облысы – 39,
Жамбыл облысы – 24,
Батыс Қазақстан облысы – 93,
Қарағанды облысы – 79,
Қостанай облысы – 140,
Қызылорда облысы – 13,
Маңғыстау облысы – 15,
Павлодар облысы – 221,
Солтүстік Қазақстан облысы – 117,
Түркістан облысы – 16.
Жалпы ел бойынша ауырғандар саны – 182 530.

Коронавирус: Қызылордада бір күнде  13 адам тіркелді

<a href="https://kyzylorda-news.kz/">Kyzylorda-news.kz</a>. Қаңтардың 28-і күні Қазақстанның басым бөлігіндегі ауа райына Батыс Сібірден тарайтын антициклон жотасы ықпал етеді. Соның салдарынан еліміздің шығысында бұрқасын болып, қар жауады.
Республиканың кей жерлерінде тұман түсіп, жел күшейеді. Ақмола облысында – көктайғақ, Маңғыстау облысында – шаңды дауыл болады.
Маңғыстау облысының кей жерлерінде шаңды дауыл тұрып, жел 18-23 м/с жылдамдықпен соғады.
Ақмола, Жамбыл, Батыс Қазақстан, Солтүстік Қазақстан облыстарының кей жерлерінде тұман түсіп, жел 15-20 м/с жылдамдықпен ұйтқиды.
Ақмола облысында – көктайғақ болады.
Шығыс Қазақстан, Атырау, күндіз Қызылорда облыстарының кей жерлерінде желдің жылдамдығы секундына 15-20 метрге жетеді.
Шығыс Қазақстан облысында бұрқасынмен бірге. Алматы облысының Жалаңашкөл ауданында жел 15-20 м/с-ке дейін күшейеді, түнде кей жерлерінде тұман түседі.
Түркістан, Ақтөбе, Қостанай, Павлодар, Қарағанды облыстарының кей жерлеріне де тұман түседі.

Бейсенбіге арналған ауа райы болжамы

Kyzylorda-news.kz. «Ел үлесі пәтерге» жобасы аясында баспанасы өртке оранып, үйсіз қалған Орынкүл апаның үйі қалпына келтірілді.
Қыс қаһарына мінген шақта тілсіз жаудың кесірінен бір күнде жылы панасынан айырылған кейуана жанұясымен бір апта ызғарлы үйде түнеп келген. Мұны естіген ҚМДБ «Зекет» қайырымдылық қоры, Қызылорда облысы бойынша өкілдігі жалғыз басты анаға көмекке келіп, қиындыққа душар болған мұсылман бауырына демеу бола білді.
Өкілдіктің ұйытқы болуымен мешіт жамағатынан құралған ерікті азаматтар небәрі 10 күн ішінде шатырын жабу, жаңадан есік терезелер орнату, еденін жүргізу, іші-сыртын сылау секілді жөндеу жұмыстарын қарқынды жүргізіп, үй иелеріне қуаныш сыйлады.
Қалпына келтіру жұмыстары толығымен аяқталған соң, ҚМДБ-ның Қызылорда облысы бойынша Бас имамы Болатбек Ұласқанұлы Орынкүл апаны құттықтау үшін арнайы барып, кілем тарту етті. 
Қуаныш иесі өз кезегінде, қиналған сәтте қасынан табылған дін қызметкерлері мен жанашыр жамағатқа ризашылығын білдіріп, ақ батасын жаудырды.
<img src="https://kyzylorda-news.kz/wp-content/uploads/2021/01/fb_img_1611753494248.jpg" alt="" />
<img src="https://kyzylorda-news.kz/wp-content/uploads/2021/01/fb_img_1611753489561.jpg" alt="" />

Қазақстан және Қызылорда облысының жаңалықтары