<a href="https://kyzylorda-news.kz/">Kyzylorda-news.kz</a>.&nbsp;Бүгінде республика бойынша зейнетақы қорындағы қаржыны алу үшін «Отбасы банкінен» 107 774 арнайы шот ашылған. 50 мыңға жуық азаматтың өтінімі мақұлданды. Ал облыста зейнетақы қорындағы қаржыны 29 мыңнан астам адам алуға құқылы.
Зейнетақы қорынан біржолғы қаржы алуға өтінім беру үстіміздегі жылдың 23-қаңтарында басталды. Өтініштерді <a href="http://enpf-otbasy.kz">enpf-otbasy.kz</a> сайтында қабылдау жалғасуда. Өтінім 5 жұмыс күннің ішінде қаралады.
<blockquote>
 “Қордан ақша алуға өтінім беру үшін белгілі бір шектік уақыт жоқ. Қаржыны алу бір жылмен шектеліп қалмайды. Мемлекеттік бағдарлама жалғасын табады”, – деді «Отбасы банк» тұрғын құрылыс үй жинақ банкі» АҚ облыс бойынша филиал директоры Әділжан Сәулебаев.
</blockquote>
Брифингте сала мамандары жинақтан алған қаражатты жер учаскесін сатып алуға, үй салуға және бастапқы жарнаны төлеуге пайдалануға болатынын айтты. Тек бір шектеу бар. Ол қордан алынған қаржыға сатып алынған үйді 5 жыл ішінде қайтадан сатып жіберуге болмайды.
<blockquote>
 “Бір апта ішінде Зейнетақы қорына Отбасы банкінен 52 133 өтінім қабылданды. Сондай-ақ, «Қазақстан Халық банк» операторынан жалпы сомасы 587,7 млн. теңге құрайтын 132 өтінім келді. Қысқа уақыт ішінде Қор тарапынан кері қайтарылған өтінімдер де болды”, – деді «БЖЗҚ» АҚ облыс бойынша филиал директорының орынбасары Алмас Сәрсембаев.
</blockquote>

Қызылордада зейнетақы қорындағы қаржыны 29 мыңнан астам адам алуға құқылы

<a href="https://kyzylorda-news.kz/">Kyzylorda-news.kz</a>.&nbsp; Ағымдағы жылдың 3 ақпан күні «Қоғамдық бақылау туралы» заң жобасының әзірленуі және оның заңнамалық бекіту мәселелерінің тәсілдері бойынша өңірлік көпшілік талқылау ұйымдастырылады.
Онлайн түрде өтетін талқылауды Азаматтық қоғам істері комитетінің ресми «Azamattyq_qogam» <a href="https://www.facebook.com/azamattyq.qogam.kz">Facebook</a> парақшасынан көре аласыздар.

«Қоғамдық бақылау туралы» заңның моделі қандай болуы тиіс?

<a href="https://kyzylorda-news.kz/">Kyzylorda-news.kz</a>. Қызылорда гарнизоны әскери бөлімінде санитарлық-эпидемиологиялық талаптар мен нормаларды сақтай отырып, жаңа оқу кезеңінің жауынгерлік әзірлік жоспарына сәйкес бөлімшелер мен шағын топтардың жауынгерлік атыстары жүргізіліп жатыр.
Қызылорда гарнизоны әскери бөліміндегі атысқа тартылған барлық бөлімшелер мен есептоптардың жаттығулары жауынгерлік дайындықтың жоғары деңгейіне келтіру арқылы басталды. Оқу-жауынгерлік тапсырмаларды жүзеге асыру мақсатында бөлімшелердің жеке құрамы оқу-жаттығу алаңына жол тартып, тактикалық дайындық бойынша нормативтерді орындау бойынша шеберліктерін шыңдады.
Негізгі мақсат – бөлімше мен шағын топ командирлерінің жауынгерлік ұрыста және жоспар бойынша кенеттен туындаған жағдайлардадұрыс шешім қабылдауын,&nbsp; сондай-ақ оларды басқаруын тексеру.
Осы уақытта бөлімшелер мен шағын топтардың теориялық және практикалық сабақтары аяқталып, барлау бөлімшелерінің күндізгі және түнгі уақыттағы штаттық қарудан жауынгерлік атыстары жүргізілуде. Барлау бөлімшелерінің жауынгерлік атыстарын сапалы жүргізу мақсатында барлау роталарының командирлері «Тосқауылдағы бөлімше», «Ерекше жағдайдағы қорғаныстағы бөлімше» тақырыптарында нұсқаулық-әдістемелік сабақтарын өткізуде. Сонымен қатар, әуедегі қарсылас, диверсантты-барлау топтарының шабуылдары кезіндегі және залалсыздандырылмаған аймақты жүріп өтудегі қимылдарды да меңгерді. Бірінші күннен бастап барлық бөлімшелер өз белсенділіктерін көрсете бастады.
<blockquote>
 «Оқу-жаттығу кезінде бөлімшелер қауіпсіздік шараларын қатаң сақтай отырып, тактикалық іс-қимылдардың дұрыстығына, ұрыста штаттық қаруды шебер, әрі тиімді пайдалануға айрықша назар аударды. Үздік кіші топтар да анықталып жатыр. Жаттығулар жауынгерлік ұрыс қимылдарына барынша жақын жүзеге асырылуда», –дейді арнайы мақсаттағы амфибиялық барлау ротасының командирі, капитан Вадим Федосеев.
</blockquote>
Атап айтсақ, бөлімшелердің жауынгерлік атыстары жеке құрамның теориялық білімдерінің нығаюына, жаңа қосылған жауынгерлердің тәжірибе алмасуына және жалпы роталардың қызметтік міндеттерін сапалы орындауына оң ықпал ететіні сөзсіз.

Қызылордада жауынгерлік атыс жүргізілуде

<a href="https://kyzylorda-news.kz/">Kyzylorda-news.kz</a>. Қызылорда гарнизонына қарасты Қызылорда қаласы қорғаныс істері жөніндегі басқармасында және аудандық қорғаныс істері жөніндегі бөлімдерінде көктемде әскер қатарына алынатын жастармен алдын-ала зерделеу жұмыстары жүргізілуде.
2021 жылдың алғашқы айында Қызылорда гарнизонында көктемгі әскерге шақырылушыларды зерделеу жұмыстары басталып кетті.
Азаматтарды мерзімді әскери қызметке шақыру және олардың әскерге шақыру пункттеріне келуі туралы хабардар етуді тұрғылықты жері бойынша жергілікті әскери басқару органдары шақырту қағазымен немесе жұмыс (оқу) орны бойынша ұйым басшылары қолдарын қойғыза отырып жүргізеді.
Азаматтарды мерзімді әскери қызметке шақыру Қазақстан Республикасы Президентінің Жарлығы және Қазақстан Республикасы Үкіметінің қаулысы негізінде жылына екі рет, көктемде және күзде өтеді.
Екі кезеңді қамтитын зерделеудің бірінші кезеңінде шақырылушылар және олардың ата-аналарымен, жасайтын немесе оқитын жұмыс орындарының өкілдерімен әңгімелесу жүргізіліп, жеке істері тексеріледі. Әңгімелесу барысында денсаулық жай-күйі, моральдық сапасы, жалпы білім беру мен арнайы дайындығы және отбасы жағдайы анықталуда. Әскерге шақырылушылардың жеке ісін зерделеу ҚР Ұлттық қауіпсіздік комитеті мен ҚР Ішкі істерор гандарының және денсаулық, халықты әлеуметтік қорғау органдарының өкілдерімен бірлесе сапалы жүзеге асырылуда.
<blockquote>
 &nbsp;«Жүргізіліп жатқан іріктеу, зерделеу жұмыстары өз нәтижелерін беруде. Осы жұмыстар арқылы шақырылушылардың көптеген мәліметтері анықталуда. Бір қуантары әскери борышын өтеуге ниет білдіруші жастар көбеюде», – дейді Қызылорда қаласының ҚІЖБ бастығының тәрбие және идеологиялық, әскери-патриоттық жұмыстары жөніндегі орынбасары, аға лейтенант Бағдат Ахимбеков.
</blockquote>
Ал, екінші кезең іс-тәжірибе жүзінде жалғасады. Көктемгі шақырылым бойынша зерделеу жұмыстары ағымдағы жылдың ақпан айының соңында аяқталады. Әскерге шақырылушылар қалалық және аудандық медициналық комиссиядан өткен соң, қай әскери бөлімдерге баратындығы анықталады. Бұл шара санитарлық-эпидемиологиялық талаптарға сай, арақашықтықтың сақталуы арқылы өткізіліп жатқанын айта кеткен жөн.
<img src="https://kyzylorda-news.kz/wp-content/uploads/2021/02/img_20210201_003107_752.jpg" alt="" />
<img src="https://kyzylorda-news.kz/wp-content/uploads/2021/02/img_20210201_003109_572.jpg" alt="" />

Қызылордада әскери борышын өтеуге ниетті жастар көбейген

<a href="https://kyzylorda-news.kz/">Kyzylorda-news.kz</a>. Қызылорда қалалық Полиция басқармасына 1981 жылы туған Қызылорда облысының тұрғыны арызданды.
Жәбірленушінің айтуынша, белгісіз азамат өзін ҰҚК-нің қызметкерімін деп таныстырып, абақтыда жатқан інісін &nbsp;мерзімінен бұрын босатуға уәде беріп, 1&nbsp;500&nbsp;000 миллион теңге ақшасын жымқырған.&nbsp;
Іздестіру жұмыстарының және полиция қызметкерлерінің кәсіби шеберлігінің нәтижесінде ізін суытпай күдікті ретінде 35 жастағы қала тұрғыны анықталып, жеткізілді.
Қазіргі таңда, Қазақстан Республикасы Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру амалдары жүргізілуде. Күдікті толықтай өз кінәсін мойындап, оған &nbsp;қатысты ешқайда кетпеу және тиісті мінез-құлық туралы қолхат түрінде бұлтартпау шарасы қолданылды.

Қызылордада түрмедегі інісін шығарып беруге уәде еткен алаяқ ұсталды

<a href="https://kyzylorda-news.kz/">Kyzylorda-news.kz</a>. Қызылорда облысында мемлекеттік қызмет көрсету көлемі 2 есеге артқан, деп хабарлайды <a href="https://24.kz/kz/zha-aly-tar/o-am/item/452814-yzylordada-tegin-memlekettik-yzmetti-k-sipke-ajnaldyratyndar-k-bejgen">«Хабар 24»</a>.
Өңірде электронды жүйелер жұмысы жолға қойылды. 574 өзіне-өзі қызмет көрсету бұрышы мен 8 сервистік әкімдік ашылды. Тұрғындар электронды қызметтерді тегін ала алады. Тек цифрлық қолтаңба қолдану қажет. Алайда қазір өңірде адамдар тегін алатын мемлекеттік қызметті кәсіпке айналдыратындар көбейген. Олар қандай да бір анықтама алып немесе тұрғылықты мекенжайға тіркелу үшін тұрғындардан ақы талап етеді. Тіпті электронды цифрлық қолтаңбаны өзге мақсатта қолдануы ықтимал. Сондықтан халыққа қызмет көрсету орталықтары тұрғындарға алаяқтардың арбауына түспеуге шақырады.
<blockquote>
 “Былтырлары баламды балабақша кезегіне қойған кезде ақылы түрде жасатқанмын. Өзімнің құрбыларым да медициналық анықтаманы 500-1000 теңгеге алғанбыз. Осы орталық ашылғаны дұрыс болған екен. Жаңа диспансерлер есебінде тұрмайды деген анықтамаларды алдым және ЭЦ қолтаңбаны жеке куәлігіме салдырттым”. – дейді қала тұрғыны Азиза Бекішева.&nbsp;&nbsp;
 “Жалпы бұл жерде қарапайым анықтамадан бастап белгілі бір қызмет түрімен айналысуға рұқсат беретін лицензияны алуға болады және аптасына 6 күн сағат 9-дан 20:00-ге дейін қызмет көрсетеді. Барлық қызмет тегін”, – дейді ҚР Мемлекеттік қызмет істері агенттігі облыстық департаментінің басқарма басшысы Ғалымжан Ілкібаев.
</blockquote>

Қызылордада тегін мемлекеттік қызметті кәсіпке айналдыратындар көбейген

<a href="https://kyzylorda-news.kz/">Kyzylorda-news.kz</a>. Қызылорда облысында «Antikor Ortalygy» сервистік орталығында Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының бірінші орынбасары Бақытжан Ниязов мен Қазақстан Республикасы Индустрия және инфрақұрылымдық даму министрлігі Көлік комитетінің Қызылорда облысы бойынша көліктік бақылау инспекциясының басшысы Нәжмәдин Шамұратов брифинг өткізді.
Брифингте Бақытжан Мақсұтұлы 2020 жылғы 19 желтоқсандағы Қазақстан Республикасының кейбір заңнамалық актілеріне қылмыстық процесте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері бойынша енгізілген өзгерістер мен толықтырулар туралы ақпараттар беріп, департаменттің инспекциямен бірлесе атқарылған жұмыстары туралы хабарлама жасады.
Өз кезегінде, Нәжмәдин Шәкизадаұлы 2020 жылдың қорытындысы бойынша барлығы 1532 мемлекеттік қызмет көрсеткенін баяндап және&nbsp;көліктік бақылау инспекциямен анықталған құқықбұзушылықтары бойынша тоқталып өтті. Атап айтқанда Автомобиль көлігін бақылау бөлімі 1610 құқық бұзушылық анықтап, 51&nbsp;500&nbsp;000 тг айыппұл салған. Сонымен қатар теміржол көлігін бақылау бөлімі 97 құқық бұзушылық анықтап,&nbsp;2&nbsp;500 000 тг айыппұл салды. Сондай-ақ су көлігін бақылау бөлімі 52 құқық бұзушылық анықтап, 360 505 тг айыппұл салған. Бұған қоса, инспекция басшысы ұжымда сыбайлас жемқорлықтың алдын алу мен қарсы мәдениетті қалыптастыру бағытындағы атқарылып жатқан жұмыстары бойынша баяндама жасады.

Нәжмәдин Шамұратов: 51 млн теңгеден астам айыппұл салынды

<a href="https://kyzylorda-news.kz/">Kyzylorda-news.kz</a>. Сырбойылық Нұрғали Ақылбеков республика бойынша үздік оқытушы атанды.
Үздіктерді анықтайтын байқауға еліміздің 73 оқу орынан 623 оқытушы қатысты. Байқау пандемияға байланысты онлайн форматта өтті. Әр өңірдің үздіктері 3 кезең бойынша педагогикалық және ғылыми шеберлігін шыңдады.
<blockquote>
 “Қорқыт ата атындағы университетінде физика-химиялық талдау әдістері» инженерлік бейіндегі зертхана жетекшісімін. Бұндай байқауға алғаш рет қатысуым. Еліміз бойынша 150 оқытушы үздік деп танылды. Дода да оқытушылардың ғылыми-педагогикалық қызметі сапалық және сандық көрсеткіштері бойынша бағаланды. Сондай-ақ, әлемнің жетекші университеттерінде ғылыми тағылымдамадан өтуге мүмкіндік беретін грантқа ие болдым”, – деді жас ғалым.
</blockquote>
Бүгінде жас оқытушының 8 жылдық еңбегі Web of Science және Scopusтың басылымдарына жарияланды. Яғни, шетелдік, халықаралық және республикалық конференциялар мен симпозиумдардағы материалы мен баяндама тезистері, 104 ғылыми мақаласы жарық көрді.

Қызылордалық &#8220;Үздік оқытушы&#8221; атанды

<a href="https://kyzylorda-news.kz/">Kyzylorda-news.kz</a>. Бүгін Қызылорда облыстық мәслихат хатшысы Наурызбай Сейтқалиұлы Байқадамов және бірқатар мәслихат депутаттары қалалық №3 емханада «Спутник V» вакцинасын салдырды.Алдымен емхана дәрігерімен денсаулық жағдайы тексеріліп, эпидемиологиялық анамнезі жинақталды.
Аталған вакцина қабылдауға ешқандай қарсы көрсетілімдер болған жоқ. Екпе салынғаннан кейін 30 минут дәрігер қадағалауында болу үшін медициналық бақылау аймағына жіберіліп, вакцинадан кейінгі күтім мен сақтық шаралары туралы түсіндірме жүргізілді.Айта кетейік, Президент Қасым-Жомарт Тоқаевтың тапсырмасы бойынша Қазақстанда 1 ақпаннан бастап, коронавирусқа қарсы ерікті түрде вакцина егу басталған болатын.
Қазіргі таңда облысқа «Спутник V» вакцинасының 1 мың дозасы келді. Жалпы жыл ішінде 80 мың доза кезең-кезеңімен әкелінеді деп жоспарлануда.Бірінші кезекте ерікті түрде медицина қызметкерлеріне, педагогтерге, созылмалы аурулармен ауыратын топтағы адамдарға салынады. 18 жасқа дейінгі балалар және 65 жастан асқан қарияларға екпе салынбайды.

Қызылорда облыстық мәслихат хатшысы «Спутник V» вакцинасын салдырды

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының экономикасын әртараптандыру бойынша шаралар қабылданады. Бұл туралы Үкімет отырысында ҚР Ұлттық экономика министрі Әсет Ерғалиев айтты, деп хабарлайды <a href="https://lenta.inform.kz/kz/kyzylorda-oblysynyn-ekonomikasyn-artaraptandyru-sharalary-kabyldanady_a3748256">ҚазАқпарат</a>.
<blockquote>
 «Өңірлік саясат саласында Қызылорда облысының экономикасын әртараптандыру бойынша шаралар қабылданады. Осы орайда Қызылорда облысының әлеуметтік-экономикалық дамуының кешенді жоспары өзектендіріледі. Жоспарға өңір экономикасының жаңа құрылымын қалыптастыру жөніндегі шаралар енгізіледі», – деді министр.
</blockquote>
Сонымен қатар Әсет Ерғалиев мүдделі мемлекеттік органдардар мен Павлодар облысы әкімдігінің қатысуымен Екібастұз қаласын әлеуметтік-экономикалық дамыту кешенді жоспары әзірленетіндігін айтты.
<blockquote>
 «Кешенді жоспарлы Павлодар облыстық мәслихаты осы жылдың қыркүйегінде бекітеді», – деді ол.
</blockquote>

Қызылорда облысының экономикасын әртараптандыру шаралары қабылданады

<a href="https://kyzylorda-news.kz/">Kyzylorda-news.kz</a>. Облыс көлемінде өтіп жатқан «Қару» жедел профилактикалық іс-шарасының 5 күнінде 2 512 қару иелері тексеріліп, 48 құқық&nbsp; бұзушылық&nbsp; анықталды.
Әкімшілік кодексінің 482 бабына сәйкес, заңсыз айналымнан 16 дана қару тәркіленген. &nbsp;
Кодекстің 484 бабына сәйкес (Қаруды сақтау&nbsp; ережесін бұзу) 16азаматқа, &nbsp;486 бабына сәйкес (Қару тасымалдау, тіркеу ережелерін бұзу) 16 азаматқа әкімшілік шара көрілген.

Қызылордада заңсыз айналымнан 16  қару тәркіленді

<a href="https://kyzylorda-news.kz/">Kyzylorda-news.kz</a>. Азаматтық келісімшарт жасасқан жеке тұлғалар мен қызметкерлер үшін (2018 және 2020 жылдарға дейінгі ретроспективті) міндетті зейнетақы төлемдері (МЗТ) үшін аударымдарды және міндетті медициналық сақтандыруға жарналарды қолдану кезінде күшіне енген нормалар қате болып есептелмейді. Бұл туралы ҚР Қаржы министрлігі Мемлекеттік кірістер комитетінен мәлім етті, деп хабарлайды <a href="https://lenta.inform.kz/kz/memlekettik-kirister-komiteti-zheke-tabys-salygyn-esepteuge-katysty-suraktarga-zhauap-berdi_a3748187">ҚазАқпарат</a>.
<blockquote>
 «Бұл нормалар заң шығару жұмысының кезеңінде қарастырылған және ҚР Ұлттық экономика министрлігі мен ҚР Парламентінің ресми сайттарында, Электрондық үкімет порталында орналастырылған. Сол уақытта ұсынылған өзгерістер бизнес қауымдастығымен бірлесе талқыланды», – деді Мемлекеттік кірістер комитеті.
</blockquote>
Ведомство сондай-ақ 2018 жылдың шілдесінен бастап МЗТ төлемі азаматтық-құқықтық келісімшарт негізінде жұмыс істейтін жеке тұлғаның міндеті болғанын және&nbsp;тек 2019 жылдан бастап мұндай төлем салық агентінің міндеті болып табылатындығын еске салды.
Тиісінше, егер 2018 жылдың екінші жартыжылдығында МЗТ-ны жеке тұлға өз бетінше төлемеген болса, жеке табыс салығын (ЖТС) қайта есептеу талап етілмейді және ЖТС бойынша 2018 жылғы салық есептілігіне түзетулер енгізудің қажеті жоқ.
«Осыны ескере отырып, салық агенттері салық есептілігін қайта есептеуге және өзгертуге жеткілікті уақыт бөлінген. Сонымен бірге, салық есептілігі нысанын 2021 жылдың наурызына дейін қайта есептеу және ұсыну қажеттілігі туралы таратылған ақпарат&nbsp;шындыққа сәйкес келмейтіні&nbsp;атап өтіледі», – деді комитеттен.
Айта кетейік, 2018 жылы міндетті зейнетақы төлемдерін өздігінен төлеген, ЖТС сомасы қайта есептеуге жататындар саны МЗТ төлеушілерінің 0,1%-нан аз.
«Бұл ретте салық агенті қосымша салық есептілігін ұсынуға құқылы. Бұл жағдайда төленген ЖТС сомасын қайтару туралы мәселе салық агентіне артық төленген салық сомасын қайтару туралы өтініш берген кезде қаралады.
Мәселен, мемлекеттік қызметтерді оңтайландыру мақсатында 2021 жылдан бастап салықтың артық төленген сомасын есепке жатқызу мен қайтару мерзімі он күннен бес жұмыс күніне дейін қысқартылды. Сондай артық төленген соманы алдағы төлемдер есебіне қалдыру мүмкіндігі қарастырылған.
Мемлекеттік кірістер комитеті ЖТС бойынша декларацияларды ұсыну тәуекелдерді басқару жүйесін бағалауға әсер етпейтіндігін ескертеді, өйткені ТБЖ қолдану критерийлері «ЖТС бойынша бірнеше рет өзгертуді енгізу» критерийін қамтымайды.
ТБЖ-ні бағалауға әсер ететін декларацияларды ұсынуға қатысты, «бұрын ұсынылған салық есептілігіне бірнеше рет енгізілген өзгерістер мен толықтырулар» критерийі құпия ақпарат болып табылмайды, бұл бизнес-қауымдастық үшін осы критерий сипаттамаларының ашықтығын және қолжетімділігін растайды.
Бұл критерий салық төлеуші ​​жалпы сомасы 10 (он) миллион теңгеден асатын корпоративті табыс салығын және (немесе) қосымша құн салығын азайту үшін 5-тен астам қосымша декларация тапсырған жағдайда ғана қолданылады.
Сондай-ақ, ЖТС үшін қосымша салық есептілігін ұсыну бухгалтерлердің жауапкершіліктеріне әкеп соқтырмайды», – деді комитеттен.

Қазақстан және Қызылорда облысының жаңалықтары

Қызылордада зейнетақы қорындағы қаржыны 29 мыңнан астам адам алуға құқылы

«Қоғамдық бақылау туралы» заңның моделі қандай болуы тиіс?

Қызылордада жауынгерлік атыс жүргізілуде

Қызылордада әскери борышын өтеуге ниетті жастар көбейген

Қызылордада түрмедегі інісін шығарып беруге уәде еткен алаяқ ұсталды

Қызылордада тегін мемлекеттік қызметті кәсіпке айналдыратындар көбейген

Нәжмәдин Шамұратов: 51 млн теңгеден астам айыппұл салынды

Қызылордалық “Үздік оқытушы” атанды

Қызылорда облыстық мәслихат хатшысы «Спутник V» вакцинасын салдырды

Қызылорда облысының экономикасын әртараптандыру шаралары қабылданады

Қызылордада заңсыз айналымнан 16 қару тәркіленді

Мемлекеттік кірістер комитеті жеке табыс салығын есептеуге қатысты сұрақтарға жауап берді

Қазақстан және Қызылорда облысының жаңалықтары

Қызылордада зейнетақы қорындағы қаржыны 29 мыңнан астам адам алуға құқылы

«Қоғамдық бақылау туралы» заңның моделі қандай болуы тиіс?

Қызылордада жауынгерлік атыс жүргізілуде

Қызылордада әскери борышын өтеуге ниетті жастар көбейген

Қызылордада түрмедегі інісін шығарып беруге уәде еткен алаяқ ұсталды

Қызылордада тегін мемлекеттік қызметті кәсіпке айналдыратындар көбейген

Нәжмәдин Шамұратов: 51 млн теңгеден астам айыппұл салынды

Қызылордалық &#8220;Үздік оқытушы&#8221; атанды

Қызылорда облыстық мәслихат хатшысы «Спутник V» вакцинасын салдырды

Қызылорда облысының экономикасын әртараптандыру шаралары қабылданады

Қызылордада заңсыз айналымнан 16 қару тәркіленді

Мемлекеттік кірістер комитеті жеке табыс салығын есептеуге қатысты сұрақтарға жауап берді

Қызылордалық “Үздік оқытушы” атанды