<a href="https://kyzylorda-news.kz/">Kyzylorda-news.kz.</a> Қызылорда облысында фармацевтикалық&nbsp; қызметті жүзеге асыру кезінде дәрілік заттардың сатылуына мониторинг жүргізу барысында Қызылорда облысы Полиция департаментінің қызметкерлерімен дәріханаларда таусылған дәрілік заттардың үстеме бағамен қосып заңсыз сатудың 6 дерегі&nbsp; анықталды.
5 шілде күні Қызылорда облысы Полиция департаментінің қызметкерлерімен заңсыз кәсіпкерлік қызметпен айналысқан Қызылорда қаласының тұрғыны 33 жастағы азаматша дәріханаларда таусылып тұрған дәрілерді сатып тұрған жерінен анықталып, ұсталды.&nbsp;&nbsp;
Атап айтқанда, ұсталған азаматшадан тексеру барысында айғақ зат ретінде «Цифран ОД» 1000 мг, Тромбо АСС 50 мг, Цифран 500 мг дәрілер алынды.
Сонымен қатар, 6 шілде күні&nbsp; Қызылорда облысының тұрғыны интернет желісі арқылы «Цефепим» ампуладағы ақ түсті ұнтақ дәрісін сататыны жөнінде хабарлама жариялаған.
Тексеру барысында бұл азаматтан&nbsp; айғақ зат ретінде 11 дана «Цефепим» (ампулада) дәрі алынды.
7 шілдеде заңсыз кәсіпкерлік қызметпен айналысқан Қызылорда қаласының тағы бір тұрғыны 38 жастағы азаматша анықталып, ұсталды. Азаматша&nbsp; әлеуметтік желілер арқылы жарнамалап, дәрілік препараттарды көтеріңкі бағамен сатқан.
Атап айтқанда, ұсталған азаматша «Кетатоп» дәрілік препаратын өзінің тұрғылықты мекен-жайдағы үйінен жоғары бағамен сатқан. Айғақ зат ретінде 55 дана «Кетотоп» (ампула) дәрілік препараттар&nbsp; алынды.
Полиция қызметкерлерімен мониторинг жүргізу барысында бүгін заңсыз кәсіпкерлік қызметпен айналысқан Қызылорда қаласының тұрғыны 42 жастағы азаматша анықталып, ұсталды.
Бұл&nbsp; азаматша дәрілік препараттарды өзінің тұрғылықты мекен-жайдағы үйінен 5&nbsp; дана «Цефтриаксон» (ампула), 1 дана «Натрий хлорид» (ампула), 2 дана «Ацетилсалициловая кислота», 1 дана «Парацетамол» дәрілік препараттарды&nbsp; жоғары бағамен сатқан.
Сонымен қатар, 9 шілде күні&nbsp; Қызылорда облысының тұрғыны интернет желісі арқылы дәрі сататыны жөнінде хабарлама жариялаған.
Тексеру барысында бұл азаматтан&nbsp; айғақ зат ретінде 10 дана «Ригидрон», 12 дана «Ципрокс», 3 дана «Флемокслаф» дәрілік препарттары&nbsp; алынды.
Дәл сол күні заңсыз кәсіпкерлік қызметпен айналысқан Қызылорда қаласының тағы бір тұрғыны 26 жастағы азаматша анықталып, ұсталды. Азаматша&nbsp; 1&nbsp; дана «Клабел 500 мг», 3 дана «Оспамокс 1000 гр» дәрілік препараттарды көтеріңкі бағамен сатқаны анықталды.
Бүгінгі таңда бұл деректер бойынша тексеру жұмыстары жалғасуда.&nbsp;
Тексеру барысында анықталған заңсыз дәрі-дәрмек сату деректері бойынша заңға сәйкес құқықтық баға берілетін болады.
Қызылорда облысы Полиция департаменті облыс тұрғындарынан дәрі-дәрмектерді заңсыз сату деректері анықталған жағдайда полиция бөлімшелеріне немесе “102” телефондары арқылы хабарлауын сұрайды.

Қызылордада дәрі-дәрмектерді заңсыз сату деректері  анықталды

Kyzylorda-news.kz. Кеңейтілген үкімет отырысында Қасым-Жомарт Тоқаев пандемияның Қазақстан экономикасына қалай әсер еткенін айтты, деп хабарлайды&nbsp;<a href="https://stan.kz/tokaev-pandemiyanin-kazakstan-ekonomikasina-kalay-aser-334015/">Stan.kz</a>.&nbsp;
Коронавирусқа қатысты шараларды талқылау үшін мемлекет басшысы үкіметтің кеңейтілген отырысын өткізді. Ол жылдың басынан бастап ел экономикасының құлдырағанын айтып, қызмет көрсету саласының айтарлықтай зардап шеккенін жеткізді.&nbsp;
<blockquote>
 “Бүгін біз коронавирус індетіне қарсы қабылданып жатқан шараларға қатысты мәселелерді қараймыз. Сонымен қатар, биылғы бірінші жартыжылдықтағы Еліміздің әлеуметтік-экономикалық дамуын қорытындылаймыз. Жыл басынан бері ұлттық экономика күрделі жағдайда дамып келеді. Ел экономикасы жалпы 1,8 пайызға төмендеді. Пандемияға байланысты қызмет көрсету саласы айтарлықтай құлдырады (5,6 пайыз)”, – дейді мемлекет басшысы.&nbsp;
</blockquote>
Сонымен қатар, мемлекет басшысы халықты қолдау үшін маңызды шаралар жүзеге асырылып жатқанын жеткізген. Алдағы уақытта экономиканы қалпына келтіру жұмыстары жалғасатын болады.&nbsp;
<blockquote>
 “Халықты және бизнесті қолдау үшін аса маңызды шаралар қабылдадық. Менің тапсырмам бойынша Экономикалық өсімді қайта қалпына келтіру жөнінде кешенді жоспар қабылданды. Бүгін Үкімет пен әкімдердің экономикалық өсімді қалпына келтіру және халықтың әл-ауқатын қамтамасыз ету жөнінде қабылдаған шараларын талқылаймыз”, – деді ҚР Президенті Қ.Тоқаев.
</blockquote>

Тоқаев пандемияның Қазақстан экономикасына қалай әсер еткенін айтты

<a href="https://kyzylorda-news.kz/">Kyzylorda-news.kz.</a> Қазақстанда алиментті өндіріп алу тәртібіне өзгеріс енгізілді. Енді, сот орындаушылары бірінші кезекте осы санаттағы істерге басымдық беретін болады, деп хабарлады <a href="https://sputniknews.kz/society/20200710/14442268/kazakhstan-aliment-ondiru.html">Sputniknews.kz.</a>
27 маусымда мемлекет басшысы «Қазақстан Республикасының кейбір заңнамалық актілеріне атқарушылық іс жүргізуді және қылмыстық заңнаманы жетілдіру мәселелері бойынша өзгерістер мен толықтырулар енгізу туралы» заңға қол қойған болатын.
<blockquote>
 «Қабылданған түзетулер арқылы жеке сот орындаушыларының алименттерді, жалақыны, зейнетақыларды, жәрдемақыларды өндіріп алу туралы, азаматтардың өмірі мен денсаулығына келтірілген зиянды өтеу туралы атқарушылық құжаттарды орындауға басымды беру бекітілді», – дейді министрлік мамандары.
</blockquote>
Бұрын кейбір жеке сот орындаушылары осы санаттағы істерге көп қызығушылық танытпағаннан кейін мәжбүрлеп орындату шараларын созып жүретін.
<blockquote>
 «Енді мұндай іс жүргізу бойынша бір ай ішінде мәжбүрлеп орындату шараларын қабылдамауы жеке сот орындаушысы қызметімен айналысуға арналған лицензиядан айыруға әкеп соғуы мүмкін», – делінген ресми хабарламада.
</blockquote>
Бұдан басқа, мемлекеттік еңбек инспекторының жалақыны төлеу туралы ұйғарымына атқарушылық құжат мәртебесі беріледі. Бұл шара құқықтарын жұмыс беруші бұзған азаматтарға жалақыны өндіріп алу мәселелерін тез шешуге, сотқа жұмсалатын уақыт пен сот шығындарын үнемдеуге мүмкіндік береді.
Заң 2020 жылы 8 шілде күні күшіне енді.

Қазақстанда алимент өндіріп алу тәртібі өзгерді

<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясын жұқтырған 1726 адам тіркелді.
Оның ішінде:
– ауру белгілерімен – 790,
– ауру белгілері жоқ – 936.
Елімізде коронавирус инфекциясын жұқтырғандар саны 54747-ге жетті.
Оның ішінде:
Атырау облысында – 7150 (+336),
Алматы қаласында – 6895(+217),
Нұр-Сұлтан қаласында -6357(+180),
Қарағанды облысында – 5790 (+120),
Шымкент қаласында – 3769(+49),
Батыс Қазақстан облысында – 3699 (+99),
Алматы облысында – 2939 (+108),
Шығыс Қазақстан облысында – 2547 (+121),
Түркістан облысында – 2106 (+27),
Ақтөбе облысында – 1988 (+49),
Жамбыл облысында – 1971 (+48),
Маңғыстау облысында – 1794 (+52),
Павлодар облысында – 1616 (+52),
Ақмола облысында – 1581 (+34),
Қызылорда облысында -1578 (+63),
Солтүстік Қазақстан облысында – 1532 (+50),
Қостанай облысында – 1435 (+121).

Қазақстанда коронавирус жұқтырғандар саны 54747-ге жетті

<a href="https://kyzylorda-news.kz/">Kyzylorda-news.kz.</a> Бүгін сағат 11:00-де Президент Қасым-Жомарт Тоқаевтың төрағалығымен Үкіметтің кеңейтілген отырысы видео байланыс арқылы өтеді. Бұл туралы Мемлекет басшысының баспасөз хатшысы Берік Уәли хабарлады 
Жиында Үкімет 2020 жылдың алғашқы жарты жылдығындағы еліміздің әлеуметтік-экономикалық даму қорытындысы туралы есеп береді. Сондай-ақ коронавирусқа қарсы күреске қатысты қабылданған шаралар, Мемлекет басшысының Үкіметтің алдағы уақытта атқаратын жұмысының негізгі бағыттары бойынша берген тапсырмалары мен міндеттері қарастырылады. 
Президенттің баспасөз қызметі өзінің @AkordaPress ресми аккаунтында твит-трансляция жасайды.

Мемлекет басшысының төрағалығымен Үкіметтің кеңейтілген отырысы өтеді

<a href="https://kyzylorda-news.kz/">Kyzylorda-news.kz.</a> Қызылорда қаласында үшем дүниеге келді. 
Үлкен қуанышқа бөленген отбасы мүшелері жарық дүниеге келген нәрестелерге Асылым, Інжу және Әлинұр деген есім берді. Үшемдерге облыстық Қазақстан халқы Ассамблеясы және облыстық Аналар кеңесі тарапынан сый-сияпат жасалды. Нәрестелерге қазақтың басты құндылығының бірі – домбыра тарту етілді.
«Осылайша қазақтың киелі ұлттық аспабы – домбыраны дәріптеуге назар аударылды. Қаншама ғасырдан бері халқымыздың серігіне айналған қасиетті домбыраны оның әкесіне табыстадық. Ал сәбилердің анасына кеңестің дәстүріне сай сәнді орамал мен сыйлықтар сыйға тартылды», – деді шараны ұйымдастырушылар.

Қызылордада үшем дүниеге келді

**<a href="https://kyzylorda-news.kz/">Kyzylorda-news.kz</a> .Қызылорда облысы Қазалы ауданында тұратын еріктілер Мархаббат Асанова мен Мерей Айекешованың бастамасымен жергілікті тұрғындар көп балалы отбасыға баспана салып берді. 
**
Бұдан бұрын қайырымдылық істерімен көпшілік көзіне түсіп келген волонтерлерді төрт балалы жалғызбасты әкенің жағдайы алаңдататын еді. Карантин кезінде халыққа көмектесу мақсатында қаржы қорын құрды. Жергілікті кәсіпкерлер тарапынан жиналған 800 мың теңгеге аз қамтылған 55 отбасыға азық-түлік жеткізіп берді. Сондай-ақ, арнайы карантиндік шара барысында жұқпалы аурулар ауруханасына жаңа төсек жабдықтары мен арнайы киім алдырды. 
<blockquote>
 «Осындай күндердің бірінде Қазалы қаласындағы 4 балалы жалғызбасты әкенің жағдайы бізді алаңдатты. Ол тұратын баспана көзге қораш көрінетін. Баспана құлау қаупінде тұрған. Нөсер жауса, үй шынымен құлап қалар еді. Осылайша, қалған шағын қаржымен жаңа үй салуды ойластырдық», – деді ерікті жастар. 
</blockquote>
Қайырымдылыққа шақырған қос қыздың бұл ісіне Қазалы жастары да қызу қолдау білдірді. Кәсіпкер ақшалай да, құрылыс жабдықтарымен де қамтамасыз еткен. Нәтижесінде баспанаға мұқтаж отбасы қысқа уақыт аралығында 3 бөлмелі үйдің кілтін алды.

Қазалылық еріктілер тұрмысы төмен отбасына баспана салып берді

1919 жылы БОАК «Қырғыз (қазақ) өлкесін басқару жөніндегі революциялық комитет құру туралы» қаулысы қабылданды. Оның алғашқы құрамына С.Пестковский, А.Байтұрсынов, В.Лукашев, М.Тұнғаншин, Б.Қаратаев, С.Меңдешев кірді.
1965 жылы Маңғышлақ мұнайының бірінші эшелоны мұнай өңдеу өнеркәсібіне жөнелтілді.
1992 жылы Қазақстан Республикасы Министрлер Кабинетінің қаулысымен Алматы қаласындағы Қазан төңкерісінің 50 жылдығы атындағы спорт сарайы ақын, әнші және композитор Балуан Шолақ есімімен аталды.
2006 жылы қызылордалық жазушы-заңгер Әмірхан Бәкірұлының Мұстафа Шоқай өмірін зерттеп жазған «Мұстафа Шоқай» атты кітабы Түркияның «Erzurum» баспасынан түрік тілінде басылып шықты. Автор Шоқайдың өмірі мен қызметі, саяси қайраткерлігі, ұлт азаттығы жолындағы азапты өмірі туралы тым ертеден деректер жинай бастаған. Онда тарихи нақты құжаттар мол, түркі тілдес халықтардың Шоқай туралы кеңінен деректер алуына мүмкіндік жасалған. Көркем безендірілген туынды түрік тілдес оқырмандарына жол тартты.
2007 жылы Тараздың металлургиялық зауытында алғаш рет күкіртсиликомарганец балқытылған №5 пеші іске қосылды. Бұл болат балқыту және құю өнеркәсібінде пайдаланатын темір марганецтің және кремнийдің қоспалы қорытпасы.
2009 жылы Қостанай облысының Жітіқара қаласында ауған соғысының ардагерлеріне арналған ескерткіш ашылды. Ескерткіш қаланың ортасындағы гүлзарда орналасқан. Төрт метрлік ескерткіште әскери тапсырманы орындап қайтып келе жатқан жауынгерлердің бейнесі бейнеленген. Ескерткіштің авторы – Қазақстан Суретшілер одағының мүшесі Құбай Ахмет Құсайынұлы.
2009 жылы Алматы облысындағы Талғар ауданы Еламан ауылында «Қазақстан-Қытай» газ желісі алғашқы бөлігінің дәнекерлеу жұмыстары аяқталды.
2013 жылы Батыс-Қазақстан облысының археологтары Қазақстанда ортағасырлық қалалық мәдениет болғанын айғақтайтын заттар табылды. &nbsp;Табылған «Тас оба» қалашығы Ақжайық ауданы Есенсай кентінің маңында орналасқан. Біздің заманымыздың XIII ғасырында болған деп есептеледі.
2013 жылы «Хабар» Агенттігі» АҚ &nbsp;тапсырысы бойынша «Tanaris Production» кинокомпаниясы Алматыда жаңа қазақстандық «Оралу» телехикаясын түсіре бастады.
2013 жылы Сол кездегі ҰҚК басшысы Нұртай Әбіқаевтың төрағалығымен Қазақстан Республикасы Терроризмге қарсы орталығының бірінші кеңейтілген отырысы өтті.
2018 жылы Қызылордада ҚР Премьер-Министрі Асқар Мамин (2018 жылы ҚР Премьер-Министрінің бірінші орынбасары қызметінде болатын-авт.) мен «Роскосмос» корпорациясының директоры Дмитрий Рогозинмен кездесіп, ғарыш саласын дамыту және Байқоңыр қаласын бірлесіп пайдалану мәселесін талқылады.
Кездесуде Қызылорда облысының бұрынғы әкімі Қырымбек Көшербаев «Байқоңыр» кешеніндегі &nbsp;Қазақстан мен Ресей ынтымақтастығына қатысты бірнеше ұсыныс енгізді.
2018 жылы Жайылманың қарбызы Ресей мемлекетіне жол тартты.

10 шілде: Атаулы күндер мен оқиғалар

Kyzylorda-news.kz&nbsp;ақпараттық агенттігінің 10 шілдеге арналған жұлдыз-жорамалы.
Тоқты
Жұмыста белсенділік танытуыңыз беделіңізді арттырады. Сонымен қатар материалдық жағдайыңыз да жақсара түспек. Басшылықтың сеніміне кіргеніңіз соншалық, енді жұмыс бұрынғыдан да көбейе түседі. Жеке өміріңізге уақыт қалмайды.
Торпақ
Белсенділігіңіз жолыңыздың болуына көмектеседі. Жұмыста барлық істі атқаруға, әріптестерге көмек көрсетуге мүмкіндігіңіз бар. Қолдан келген көмек қолын созыңыз.
Егіздер
Бүгінгі күнге дейін жасаған жақсылығыңыз өзіңізге еселеніп қайтады. Сіз көмек көрсеткен жандар сіздің жақсылығыңызды ешқашан ұмытпақ емес. Олар сізге күн сайын «Рахмет» айтпағанымен, сыртыңыздан алғысын жаудырып жүрері анық.
Шаян
Бар сырыңыз ішіңізде. Оны ешкімге айтар ойыңыз жоқ. Жақын құрбылардың өзі сізге мысқылдай қарайтындай болып көрінеді. Сондықтан ешкімге сенбейсіз. Бірақ өкпе-ренішті ішке бүге берудің де қажеті жоқ. Ол өзіңізге зиян.
Арыстан
Жақындарыңыздың жанынан табыла біліңіз. Өзгелерге жылы қабақ танытқаннан гөрі, отбасыңызға мейіріммен қараңыз. Олардың сізге айтары бар. Кешкі дастархан басында ашық әңгімелесіңіз.
Бикеш
Бүгін көшбасшылық қабілетіңіз артып, барлық істі өз қолыңызға аласыз. Жаныңыздағыларды басқарып, шаруаны тез арада атқаруға септігіңізді тигізесіз. Сіздің идеяларыңыз жұртты таңқалдырады.
Таразы
Бүгінгі күн көңілді өтеді. Жақындарыңызға жылы шырай танытып, олардың мәселесіне бас қатыруыңыз да мүмкін. Бірақ көмек сұрады екен деп барлығына бірдей шашыла бермеңіз.
Сарышаян
Өз ісіңізге ұқыпты болыңыз. Жіберген қателіктерді түзеп, жұмысыңызды бір тиянақтап алыңыз. Егер басшылық немесе есепші қызметінде болсаңыз, құжаттарыңызды ретке келтіруді ұмытпаңыз.
Мерген
Жақындарыңызға көп көңіл бөліңіз. Олардың ойларын тыңдап, түйіткілді мәселелерін шешуге тырысыңыз. Отбасындағы жандардың бар сенері сізсіз. Соны ұмытпаңыз.
Тауешкі
Үй шаруасымен айналысып, үйден шықпау сізді жалықтырып жібереді. Өмірді жаңадан бастағыңыз келеді. Көлеңкеде қалып қоюдан қорқасыз. Сондықтан білекті сыбанып, жаңа бастамаларды қолға аласыз.
Суқұйғыш
Бүгін орын алатын оқиғалардың барлығы тікелей сізге қатысы болады. Ұрыс-керістің де басында сіз боласыз, адамдарды татуластыруға да сіздің көмегіңіз қажет. Бірақ көңіл-күйіңізді еш түсірмеңіз.
Балықтар
Жұмысыңызды өзгертесіз немесе өзгерткіңіз келеді. Өзіңізді басқа саладан сынап көрмек ойыңыз бар. Ауқымды іспен айналысқыңыз бар. Тәуекелге бел буыңыз. Жаныңыз қалаған іспен айналысуға мүмкіндік туып тұр.

Жұлдыздар не дейді?

Бүгін Қызылорда облысының әкімі Гүлшара Әбдіқалықова Жалағаш ауданы мен Қызылорда қаласының әкімі қызметін атқарған, Парламент Сенатының экс-депутаты, қоғам қайраткері Қожахмет Баймахановты қабылдады.
Кездесуде Қожахмет Баймаханов облыс халқын толғандыратын өзекті мәселелерді қозғады. Атап айтқанда, коронавирусқа қарсы іс-қимыл бойынша мемлекеттік органдар мен азаматтық қоғамның өзара іс-қимылын нығайту мәселелеріне баса назар аударылды. Сондай-ақ тұрғын үй-коммуналдық сала мәселелері де көтерілді. Аймақ тұрғындарын ауыз сумен, газбен, электрмен қамтамасыз ету мәселелері жөнінде пікір білдірді. Сонымен қатар Президенттің “Халық үніне құлақ асатын мемлекет” тұжырымдамасы аясында мемлекеттік органдардың халықпен тікелей және кері байланысын нығайту мәселелеріне ерекше назар аударылды.
Облыс әкімі Гүлшара Әбдіқалықова барлық ұсыныстар тиісті органдар тарапынан мұқият қаралатынын айтып, қоғам қайраткеріне белсенді азаматтық ұстанымдары үшін алғысын білдірді.
<img src="https://kyzylorda-news.kz/wp-content/uploads/2020/07/fb_img_1594304389063-1.jpg" alt="" />

Қызылорда облысының әкімі қоғам қайраткері Қожахмет Баймахановты қабылдады

<a href="https://kyzylorda-news.kz/">Kyzylorda-news.kz.</a>Коронавирус індеті өршіген сәттен бастап халық арасында әртүрлі емдеу тәсілдері қолданылып, кеңестер адамнан адамға тарап жатыр. Олардың арасында сарымсақпен, арақпен және спиртпен емдеуге болады деген әдістер де бар. Дегенмен, бұл тәсілдердің пайдасымен қоса, зияны да бар, деп хабарлайды <a href="https://stan.kz/kanday-dasturli-emdeu-adisteri-covid-19-di-emdey-almayd-333984/">Stan.kz.</a>
Ингаляциялық бу терапиясы
Қазіргі таңда ең көп берілетін кеңес – содамен “ыстық ванна” жасап, дем алу. Алайда, мұның пайдасы шамалы. Оның үстіне, қазіргі уақытта COVID-19 бен пневмонияны емдеудегі бу терапиясының тиімділігі туралы бірде-бір ғылыми дәлелденген дерек жоқ. Ал содаға аллергия болса, ол шырышты қабатты күйдіріп қана қоймай, Квинкенің ісінуі қаупіне алып келуі мүмкін. Сонымен бірге, жылу ингаляцияларына қарсы бірқатар көрсетілімдер бар, мысалы, гипертермия (жоғары дене температурасы), гипертония (жоғары қан қысымы, жүрек-тамыр аурулары немесе бүйрек қызметі) бұзылғанда бұл әдіс қауіпті.
Арақпен және спирт буымен дезинфекция жасау
Алкогольді шамадан тыс тұтыну иммундық жүйені әлсірететіні белгілі. Өз кезегінде, бұл вирусты тез жұқтыру қаупін ұлғайтады. Ал жүрек-тамыр аурулары мен бауыр мәселелері болған жағдайда ішімдік асқыну қаупін арттырады және емдеуді қиындатады. Мұндай науқастың өмір сүру мүмкіндігі өте төмен болады.
Спирт буымен ингаляция өкпенің төменгі бөліктеріне жіберілген вирусты өлтіруге жеткіліксіз. Сонымен қатар, медициналық спирт шынымен өкпе ісінуіндегі көбікті басу үшін қолданылады, бірақ мұнда дәрігер қауіпсіз дозаны дәл есептеуі тиіс.
Антибиотиктің де қауіпі бар
Шұғыл түрде антибиотик қабылдау – бұл де жиі еститін кеңес. Алайда дәрігерлер екі себепке байланысты антибиотик алмауға кеңес береді. Біріншіден, аурудың симптомсыз және жеңіл түріндегі 80% жағдайда ағза вирусты өздігімен жеңе алады. Қазақстанның клиникалық хаттамасының 10-шы шығарылымында дене қызуын түсіру үшін парацетамол мен ибупрофенге жүгінуді ұсынады. Екіншіден, COVID-19-ды емдеуде антибиотикті ұзақ қолдану әсерінен бактерияларда антибиотиктерге төзімділік пайда болуы мүмкін. Яғни, қажет болған жағдайда бұл препараттар көмектесе алмауы әбден мүмкін.
Сарымсақтың суын ішу немесе ашқарынға сарымсақ жеу
Науқастың асқазан-ішек жолдары ауыратын болса, сарымсақты мүлде жеуге болмайды. Әйтпесе ішек жұмысының бұзылуына, асқазан қыжылына және бауырдың шаншуына тап болады. Сонымен қатар, сау адамға да сарымсақты күнделікті қабылдауға болмайды, өйткені, гипертония, жүрек аурулары және бас сақинасы мазалауы мүмкін. Бірақ бұл әдіс COVID-19 вирусынан еш құтқармайды. Себебі, сарымсақтың барлық антимикробтық қасиеттеріне қарамастан, оның коронавируспен күрестегі тиімділігі дәлелденбеген.
Шар үрлеу
Тиімді “өкпе жаттығуы” ретінде ұсынылған бұл әдіс коронавирус инфекциясы кезінде альвеолаларға (жақ сүйегінің қуысы) әсер етіп, ұлпааралық қабынуға ықпал етіп, біраз асқыну тудыруы мүмкін. Бұл жағдайда өкпе тініне жаппай зақым келіп, оны әлсіз етеді. Кез келген оқыс жүктеме өкпе тінін жыртып жібереді, соның салдарынан тыртық әрі қарай ұзара береді. Оның үстіне кеуде қуысының жылдам және күшті қозғалысымен өкпені қайта жүктеу өкпе баротравмасына әкеп соғуы мүмкін. Оның белгілері қақырықтағы қан, өкпе тінінің жыртылуы, альвеолалардың қосымша зақымдалуы және ентігу, эмфизема мен өкпе фиброзының күшеюі арқылы көрінуі мүмкін. Бұл да өкпе жұмысына кері әсер етеді.
Хижама COVID-19-ға қарсы әсер ете ме?
Аталған қан шығару процедурасын әлдекімдер коронавирусқа қарсы күшті емдеу әдісі ретінде ұсына бастады. Алайда, бұл ғылыми негізделмеген, сонымен бірге қауіпті. Біріншіден, хижама медициналық процедура емес, бірақ оның төменгі артериялық қан қысымы, созылмалы жүрек патологиясы, қан жасушаларының төмен концентрациясы, кез-келген тамыр патологиясы және тіпті психикалық ауытқулар сынды бірқатар қарсы көрсетілімдері бар. 65 жастан асқандар мен балалар хижама жасатқан кезде көп қан жоғалтуы мүмкін.
Жалған сарапшылар коронавирусты емдемейді
Нағыз мамандардың емес, білім деңгейі төмен блогерлерге сену денсаулыққа екі есен зиян тигізуі мүмкін. Ал ақпаратты тексеріп, ресми көздерден алуға дағдыланған адамдар үшін ҚР денсаулық сақтау министрлігі мен Дүниежүзілік денсаулық сақтау ұйымының ресми сайттары бар.

Дәрігерлер коронавирусты қалай емдеуге болмайтынын айтты

<a href="https://kyzylorda-news.kz/">Kyzylorda-news.kz.</a> Қазақстан мен Ресей үкіметтері арасындағы келісімдер шеңберінде 7 шілдеде елге COVID-19-бен күрес бойынша тәжірибесімен бөлісетін ресейлік дәрігерлер делегациясы келді. Бұл туралы бүгін Орталық коммуникациялар қызметінде өткен брифингте ҚР Денсаулық сақтау министрі Алексей Цой мәлім етті.
Сонымен қатар, А.Цой 8 шілдеде Ресей Федерациясынан гуманитарлық көмектің Қазақстанға келгені туралы республиканың барлық өңірлеріне бірдей бөлінген 30 мың дана қорғаныш киім жиынтығы түрінде хабардар етті. 
Салалық министрліктің басшысы сондай-ақ Ресей Үкіметінің резервтік қорынан дәрі-дәрмек, жеке қорғану құралдары мен медициналық бұйымдарды сатып алу шығындарын төлеуге 150 млн рубль бөлінетінін хабарлады.

Қазақстан және Қызылорда облысының жаңалықтары

Қызылордада дәрі-дәрмектерді заңсыз сату деректері анықталды