<a href="https://kyzylorda-news.kz/date/2020/09/08/">Kyzylorda-news.kz</a>. Бүгінгі күнге облыста 2239 жеке қосалқы шаруашылықтарды біріктіру арқылы 88 кооператив тіркелген. Оның ішінде, 65 ет бағытында, 10 сүт бағытында, 8 бақшалық, 4 құс шаруашылығы және 1 балық шаруашылығы бағытында.
2016 жылдан бүгінгі күнге кооперативтерді дамыту мақсатында жеңілдетілген несиелендіруге 3,7 млрд.теңге қаржысы бөлініп, қосымша 1 910 жұмыс орындары ашылды.
2 қыркүйекте жарияланған Жолдауда Президент ауылдық жерлердегі кооперацияны ынталандыру үшін тиісті шаралар топтамасын әзірлеу қажет деген болатын.
<blockquote>
 «Алайда кооперативтердің дамуында проблемалар баршылық. Тіпті кейбір алғашында тіркелген кооперативтер арасында «тиімді емес, жауып тастау керек» деген тенденция пайда болды. Оның себебі кооперация жүйесін Қазақстан Республикасы Ауыл шаруашылығы министрлігінің басым бағыттар секторынан алып тастауы. Мәселен, алғашқы кооперативтерді қолдау кезеңінде қолжетімді несиелер мен субсидиялар көп болды. Ал осы мемлекеттік қолдау тетіктерін алуда кооперативтер алғашқы кезекте болды. Екі жыл бұрын бұл артықшылықтар жойылып, кооперативтер үшін осы бағытта кәсібін жүргізуге ынталары күрт төмендеп кетті», – дейді Кәсіпкерлер палатасы директорының орынбасары Пірмұхаммед Сыздықов.
</blockquote>
Палата директорының орынбасары кооперациялар дамуындағы келесі кезеңді қалыптастыру үшін екі ұсыныс беріп отыр.
<blockquote>
 «Біріншісі – ауыл шаруашылық кооперативтерінің тұрақты дамуы және бәсекеге қабілетті болуы үшін «Мемлекеттік сатып алу» туралы заңда жергілікті кооперативтерге байқау кезінде артықшылық беру. Сол кезде ғана, кооперативтер мемлекеттік қолдауды (субсидия, несиені) күтпей, өздігінен дамып, аяққа тұратын бизнес модельге айнала алады. Мұндай норманы нормативтік құжат қабылданғанша, қала және аудан әкімдіктері жергілікті кооперативтердің «Мемлекеттік сатып алудағы» сүт-ет сияқты ауылшаруашылық өнімдерімен қамтамасыз ету лоттарына қатыстыруға ынталандырып, жүйенің тез дамуына септігін тигізуге шақырамын. Жалпы өңірде жеке қосалқы шаруашылықтардың әлеуетін пайдалана отырып орталықтандырылған азық-түлік белдеуін қалыптастыратын уақыт келді», – дейді Пірмұхаммед Сыздықов.
</blockquote>
Палата тарапынан беріліп отырған екінші ұсыныс мынадай.
Өңірде 2017 жылдары несие мен субсидия алған кооперативтер баршылық. Солардың көбісі мемлекеттік қолдау тетіктері тоқтағаннан кейін, несиелерін төлеуі қиындап кеткен. «ҚазАгро» ҰБХ» АҚ-на қарасты қаржы институттары және басқа да несие ұйымдары кәсібін тоқтататын шаралар қолданбай, мүлкін мәжбүрлеп өндіріп алу әрекетіне бармай, аяққа тұру мүмкіндіктерін қайта қарастыруы керек деп есептейді Палата.
<blockquote>
 «Бұл жұмысты облыстық ауыл шаруашылық басқармасымен бірлесе зерделеп, проблемалық жобаларды анықтап, санкцияларды тоқтатуға шешім қабылдауды ұсынамыз», – дейді Палата өкілі.
</blockquote>
<img src="https://kyzylorda-news.kz/wp-content/uploads/2020/09/pirmwhammed-syzdykov-1-scaled.jpg" alt="" />

Қызылорда облысында 88 кооператив тіркелген

<a href="http://kyzylorda-news.kz">Kyzylorda-news.kz.</a> Жағдайы төмен отбасылардың пәтер жалдау ақысын мемлекет төлеп береді. Оның тәртібі биыл жыл соңына дейін бекітіледі. Қазіргі уақытта егжей-тегжейін тиісті мемлекеттік органдар пысықтап жатыр.
Индустрия және инфрақұрылымдық даму министрі Бейбіт Атамқұловтың сөзінше, жалпы әлемдік тәжірибеде, әсіресе дамыған елдерде тұрғын үй қорының 30 пайызы жалға беріледі. Ал Қазақстанда ол небәрі 1,7 пайыз деңгейінде екен.
Статистикаға сенсек, елімізде 530 мыңға жуық адам тұрғын үйге мұқтаж ретінде кезекте тұр. Олардың пәтер жалдау ақысын субсидиялау туралы тапсырманы президент Қасым-Жомарт Тоқаев соңғы жолдауында берген болатын.
Осыған сәйкес, алғашқы жылда 100 мыңнан астам отбасы аталған көмекті алуы керек.
Белгілі болғандай, пәтер жалдау ақысы толық емес, 70-80 пайыз деңгейінде төленеді екен. Ал бұл қолдаудың нақты кімдерге көрсетілетінін “Отбасы банкі” анықтайды.
<blockquote>
 “Ол үшін отбасылық табыс әрбір мүшесіне шаққанда ең төменгі күнкөріс деңгейі, яғни 32 668 теңге болу керек. Мұқтаж адамның мәртебесін растаған жағдайда ұзартылумен жалға алу мерзімі 5 жылға дейін. Жалға берілетін тұрғын үйдің ауданы 40-тан 80 шаршы метрге дейін барады. Бірақ жалға алу құны әр аймақтың өз ерекшеліктеріне байланысты анықталады”, – деді индустрия және инфрақұрылымдық даму министрі Бейбіт Атамқұлов.
</blockquote>
<a href="https://www.ktk.kz/kz/news/video/2020/09/07/157955/">КТК</a>

Жағдайы төмен отбасылардың пәтер жалдау ақысын мемлекет төлеп беретіні рас па?

<a href="https://kyzylorda-news.kz/date/2020/09/08/">Kyzylorda-news.kz</a>. “Роскосмос” мемлекеттік корпорациясы Байқоңыр ғарыш айлағында “Боран” орбиталық кемесі ұшырылған алаңның кейбір жабдығын Қазақстанға беруге ниетті. Бұл туралы Жердегі ғарыш инфрақұрылымы нысандарын пайдалану орталығы мәлімдеді деп хабарлайды <a href="https://sputniknews.kz/world/20200908/14906253/Resey-Bayqonyr-Qazaqstan.html">Sputnik.</a>
<blockquote>
 “Байқоңыр ғарыш айлағының №110 алаңында “Энергия” зымыран-тасығышының ұшыру кешені орналасқан. Нысан Жердегі ғарыш инфрақұрылымы нысандарын пайдалану орталығы мекемесіне қарасты “Южный” ғарыш орталығының қарауында және оны осы орталық күзетеді. Қазір ол пайдаланудан шығарылды. Алаңда ешқандай жұмыс жүріп жатқан жоқ”, – деп хабарлады орталықтың баспасөз қызметі.
</blockquote>
Алаңның кейбір агрегатын, атап айтқанда жердегі кабель-арналарды Қазақстанға беру мәселесі туралы жұмыстар жүріп жатыр. Ұсыныс қазақстандық тарапқа жіберілді.
№110 алаң айға ұшырылатын кеңестік Н-1 зымыраны үшін қолданылған. Кейіннен оны “Буран” ғарыш кемесімен бірге аса ауыр “Энергия” зымыранын ұшыру үшін қайта жасап шығарды.
Ресей ғарыш айлағын Байқоңыр қаласымен бірге 2050 жылға дейін жалға алған. Жалдау құны – жылына 115 миллион доллар.

Ресей Байқоңырдағы жабдықтың бір бөлігін Қазақстанға қайтаруды ұсынды

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты &nbsp;Ақмарал Әлназарова мен ҚР Денсаулық сақтау вице-министрі Гиният Ажар жұмыс сапарымен Қызылорда облысына келді.
Жұмыс сапарын Жалағаш ауданынан бастаған меймандар аудандағы аурухана құрылысымен және аудандық емхананың&nbsp;күзгі дайындығымен танысты.
Аудандық аурухананың бас дәрігері Баян Бурамбаева Жалағаш аудандық ауруханасының эпидемияға қарсы іс-шаралардың іске асырылу барысы туралы баяндады. 
Жалағашта коронавирус инфекциясына қарсы күреске барлығы 182 қызметкер, оның ішінде 24 дәрігер, 138 орта буынды қызметкер, 20 кіші аяжан жұмылдырылды. 8 мобильді топ құрылып, мобильді топпен орындалған шақыртулар саны 960 болды.
Айта кету керек, наурыз-шілде айында медицина қызметкерлеріне 65 млн теңге көлемінде үстемақы төленді. Қазіргі таңда ауданда 4 өкпені жасанды желдету аппараты, 28 оттегі концентраторы бар. Бір айта кетерлігі ауданға қарасты барлық емханадағы шақыртулар саны 90 пайызға төмендеген.
<img src="https://kyzylorda-news.kz/wp-content/uploads/2020/09/119034004_1038090199976391_2083795375072038341_n.jpg" alt="" />
<img src="https://kyzylorda-news.kz/wp-content/uploads/2020/09/119039943_1038090289976382_7119236767404039703_n.jpg" alt="" />

Сенат депутаты Жалағаш ауданына барды

<a href="https://kyzylorda-news.kz/date/2020/09/08/">Kyzylorda-news.kz.</a> Қызылорда өңірінде әлеуметтік нысандар жөнделіп, қайта жаңғыруда. «Жұмыспен қамту 2020-2021» Жол картасы аясында ескі ғимараттар күрделі жөндеуден өтіп, ел игілігіне бағытталуда.
Облыстық мәдениет, архивтер және құжаттама басқармасының дерегінше биылғы жылдың өзінде өңірдегі 22 мәдени нысанды қайта жөндеуге қаржы қаралған. Яғни 5 нысанға қайта жаңғырту, 3 нысанға күрделі жөндеу, 14 нысан ағымдағы жөндеу жұмыстарынан өткен. Мәдениет саласындағы құрылыс жұмыстары нәтижесінде уақытша 376 жұмыс орны ашылып, азаматтар жұмыспен қамтылып отыр.
Бағдарлама шеңберінде Қызылорда облыстық филармониясының ғимараты және Шиелі ауданындағы тарихи-өлкетану музейіне қосалқы құрылыс жұмыстары жүргізілген. Сондай-ақ, 150 орындық Шиелідегі Жиделіарық елді мекенінде ауылдық клуб пен Қазалы ауданы, Ақсуат елді мекеніндегі ауылдық клубтың орнына жаңа ғимарат салынып жатыр. Ал, Жаңақорғандағы Түгескен елді мекеніндегі ауылдық клубты қайта жаңғырту жұмыстары аяқталуға жақын.
Биыл күрделі жөндеуді қажет ететін мәдениет нысандарына да қаржы бөлінген. Мәселен, Арал аудандық архиві филиалының ғимараты күрделі жөндеуден өтуде. Сонымен бірге Шиелідегі “Жаназар батыр” ауылдық мәдениет үйі мен Жаңақорған ауданы, Жаңаарық ауылындағы ауылдық клубын күрделі жөндеу жұмыстары іске асуда.
Жауапты мамандардың сөзіне сүйенсек, қазіргі уақытта 22 нысанның ішінде ағымдағы жөндеуді қажет еткен 14 нысанның жұмысы толық аяқталған. Қалған нысандарды мердігер компаниялар белгілі мерзім ішінде аяқтамақ.

Қызылорда облысында 22 мәдени нысан жөндеуден өтуде

<a href="https://kyzylorda-news.kz/">Kyzylorda-news.kz.</a> Қазақстан Республикасы Экология, геология және табиғи ресурстар министрлігінің 2020 жылғы 7 қыркүйектегі №456 бұйрығына сәйкес, Нұрымбетов Сейілбек Серғазыұлы Қазақстан Республикасы Экология, геология және табиғи ресурстар министрлігі Су ресурстары комитетінің Су ресурстарын пайдалануды реттеу және қорғау жөніндегі Арал-Сырдария бассейіндік инспекциясының басшысы лауазымына тағайындалды.
Сейілбек Нұрымбетов 1983&nbsp;жылы Қызылорда облысы, Жалағаш ауданында туған. 
2006 жылы Қорқыт ата атындағы Қызылорда мемлекеттік университетін “Инженер-гидротехник” мамандығы және Қарағанды экономикалық университетін «Экономика және бизнес» мамандығы бойынша бітірген.
2018 жылы ҚР Президентінің Халықаралық «Болашақ» стипендиясы арқылы Ресей Федерациясы, Мәскеу қаласында «К.А.Тимирязев атындағы Мәскеу ауыл шаруашылығы академиясын» «Магистр» дәрежесінде үздік бітіріп шыққан.
Еңбек жолын 2006 жылы Қызылорда облысының ауыл шаруашылығында басқармасында жетекші маман ретінде бастаған. 
2010-2011 жылдары ҚР Ауыл шаруашылығы министрлігінің Су ресурстары комитетіне қарасты «Қызылорда су шаруашылығы» кәсіпорынында су пайдалану бөлімінің инженері қызметін атқарды. 
2011-2018 жылдар ішінде Қызылорда облысының ауыл шаруашылығы басқармасында жетекші маман, бас маман, бөлім басшысы қызметтерін және 2018-2020 жылдары Қызылорда облысының ауыл шаруашылығы басқармасы басшысының орынбасары болып қызмет атқарды.
2020 жылдың сәуір айынан бастап, осы кезге дейін Қызылорда облысының ауыл шаруашылығы басқармасы басшысы қызметін атқарып келді.
<img src="https://kyzylorda-news.kz/wp-content/uploads/2020/09/118990049_2708994055870313_7389133253655587842_n.jpg" alt="" />

Арал-Сырдария бассейндік инспекциясының басшысы тағайындалды

<a href="https://kyzylorda-news.kz/">Kyzylorda-news.kz.</a> Сейсенбі күні Қазақстанның басым бөлігінде күн райы ашық болады, деп хабарлайды Қазгидромет.
8 қыркүйекте Қазақстанның басым бөлігіне антициклон әсер етеді, осыған байланысты күн райы ашық болады, тек еліміздің солтүстігінде, шығысында және орталығында атмосфералық ағынардың өтуіне байланысты құбылмалы ауа райы сақталады, кей жерлерде найзағай ойнап, жаңбыр жауады. Еліміздің кей жерлерде тұман түсіп, жел күшейеді, жылдамдығы 15-20 м/с жетеді.

Сейсенбіге арналған ауа райы

<a href="https://kyzylorda-news.kz/date/2020/09/07/">Kyzylorda-news.kz.</a> Ғалымдар коронавирус инфекциясының жасушаға енуіне тосқауыл қоя алатын наноденелер ойлап тапты. Зерттеу нәтижелері Nature Communications журналында жарияланды.
Швециядағы Каролинск университетінің мамандары альпака жануарына тікенді ақуыз салған, оның көмегімен коронавирус ағзаның жасушаларына енеді. Ал 60 күннен кейін жануардың қан үлгісін зерттеу нәтижесі күшті иммундық жүйе қалыптасқанын көрсеткен. Содан соң ғалымдар жануардың В-лимфоциттерінен тұратын наноденелердің тізбегін клондап, зерттейді.
Нәтижесінде, ғалымдар ACE2 рецепторымен байланысқанда оның тікенді ақуыз бөліктеріне жабысатын және вирустың ағза жасушаларына енуіне жол бермейтін Ty1 наноденелерін анықтады.
Айта кетейік, жаңа табылған наноденелер әдеттегі антиденелерге қарағанда көлемі жағынан әлдеқайда кіші. Солай десек те, ғалымдар оның шығару жолын қарапайым деп түсіндіріп, адамдарға бейімдеу мүмкіндігін жоққа шығармайды.
<a href="https://sputniknews.kz/world/20200907/14902105/Galymdar-koronavirus-nanodene.html">Sputnik</a>

Ғалымдар коронавирустан қорғанудың жолын тапты

<a href="https://kyzylorda-news.kz/date/2020/09/07/">Kyzylorda-news.kz.</a> Қызылорда қалалық пробация қызметінің қызметкерлері «Шанс» қоғамдық бірлестігімен бірлесіп, &nbsp;пробация есебінде тұратын тұрмыс жағдай төмен, көпбалалы отбасылар мен кәмелет жасқа толмаған жасөспірімдерге қол ұшын созып, көмек көрсетті.
Қазіргі таңда қалалық пробация қызметі есебінде &nbsp;4 жасөспірім есепте тұр. Осы &nbsp;жасөспірімдерге оқу құраларды мен азық- түлік таратты. Сонымен қоса, есепте тұратын бала тәрбиесімен айналысып отырған, 10 азаматшаға бірінші қажеттіліктегі азық – түлік пен қорғаныш құралдарын берді. &nbsp;
Жаны жомарт жандардың арқасында қуанышқа бөленген балалардың ата- аналары&nbsp; пробация қызметкерлері мен ұйымдастырушы азаматтарға алғысын жеткізді.
<blockquote>
 «Бұндай қайырымдылық көмек жиі өткізіліп тұрады. Бұған дейін де балалар күніне орай, есептегі 4 жасөспірімге осы секілді азық- түлік, киім- кешек берілді. Пробация есебінде тұратын көпбалалы аналар да назардан тыс қалған емес. Қазіргі уақытта қалалық пробация есебінде 588қоғамнан байланысты еемес жаза түріне &nbsp;сотталғандар есепте тұр. Оның ішінде 97 әйел азаматшасы. Жергілікті атқарушы органдармен, үкіметтік емес ұйымдармен, жұмыспен қамту бөлімі, қоғамдық қорлармен бірлесе жұмыс атқарамыз. Қоғамдық қордың қолдауымен көптеген іс-шаралар жүргізіліп жатыр. Қандай жұмыс атқарсақ та, ең басты мақсатымыз- сотталғандардың қайта қылмысқа баруына жол бермеу»,- деді қалалық пробация қызметінің бастығы әділет подполковнигі Бахытжан Наурызбаев.
</blockquote>
<img src="https://kyzylorda-news.kz/wp-content/uploads/2020/09/whatsapp-image-2020-09-07-at-10.32.05.jpeg" alt="" />

Қызылордада пробация есебіндегі азаматтарға көмек көрсетілді

<a href="https://kyzylorda-news.kz/date/2020/09/07/">Kyzylorda-news.kz.</a> Қазақстан ресейлік вакцинаны сынақтың үшінші кезеңі аяқталғаннан кейін ғана сатып алады. Бұл туралы премьер-министрдің орынбасары Роман Скляр мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
<blockquote>
 “Біріншіден, Ресейдің Гамалея атындағы вирусология институты коронавирусқа қарсы вакцинаны алғаш болып тіркеді. Біз Ресейде вирусологияның ғылым ретінде жоғары деңгейде екенін мойындаймыз. Сол себепті осы жылдың 24 тамызында үкіметтік делегациямен барып, тиісті алдын ала келісімге қол қойдық. Оған сәйкес, Ресей вакцинаны сынақтың үшінші кезеңінен өткеннен кейін, бірінші Қазақстанға сатуға міндеттелді”, – деді Скляр онлайн баспасөз мәслихатында.&nbsp;
</blockquote>
Ал қазір, оның айтуынша, сынақтың екі фазасы ғана өткен. Үшінші кезең желтоқсан айына қарай аяқталады.&nbsp;
<blockquote>
 “Ол азаматтардың ауқымды тобын қамтиды, соның ішінде тәуекел тобына кіретін санаттар да бар. Барлық тиісті сынақ аяқталғаннан кейін, екпені сатып алуға қатысты шешім қабылданады”, – деді ол.&nbsp;
</blockquote>
Ресейлік “Спутник V” екпесі әлемде коронавирусқа қарсы тіркелген алғашқы вакцина атанды.&nbsp;
Бұған дейін денсаулық сақтау вице-министрі Марат Шоранов халықтың тәуекел тобына кіретін азаматтарға ресейлік вакцинаны егуге болмайтынын айтқан еді. Олар: балалар, жүкті және бала емізетін әйелдер, қарттар.

Қазақстан ресейлік вакцинаны қашан сатып алады?

<a href="https://kyzylorda-news.kz/date/2020/09/07/">Kyzylorda-news.kz.</a> Қазгидромет 8-10 қыркүйекке арналған ауа райы болжамын жариялады.
Аптаның басында батыстан шығысқа ауысатын биік таулы жоталар республиканың басым бөлігінде температуралық фонның жоғарылауын алып келеді. Жерге жақын антициклон жауын-шашынсыз ауа райының сақталуына ықпал етеді. Алайда, орталық және шығыс Қазақстанның жекелеген аудандарында түнгі және таңғы уақыттарда үсік болады.
Алдағы үш күнде күздің салқын түндері мен жылы күндері күтіледі.

Алдағы үш күнге арналған ауа райы болжамы

<a href="https://kyzylorda-news.kz/date/2020/09/07/">Kyzylorda-news.kz.</a> Арал ауданының әкімдігінде Мемлекет басшысы Қасым-Жомарт Тоқаевтың «Жаңа жағдайдағы Қазақстан: іс-қимыл кезеңі» атты Жолдауында айқындалған басымдықтарды түсіндіру мен насихаттауға және оны жүзеге асыруға арналған актив жиыны өтті.
Активке аудан әкімінің орынбасарлары, аппарат басшысы, аудандық мәслихат хатшысы мен депутаттары, мекеме, бөлім басшылары, аудан ардагерлері, үкіметтік емес ұйым және БАҚ өкілдері және онлайн форматта кент, ауылдық округ әкімдері қатысты.
Президент Қасым-Жомарт Тоқаев Қазақстан халқына арнаған Жолдауында еліміздің бар­лық үш билік тармағы, қоғам мүшелері үшін алдағы уақыттағы дамудың мақсаттары мен міндет­терін айқындады. Жолдауда көрсетілген міндеттер қоғамдық өмірдің барлық салаларын нақты қамтумен ерекшеленді. Бір сөзбен айтқанда, Мемлекет басшысының Жолдауы – болашаққа бағдарланған өрлеуді, жаңаша дамуды көздейтін бағдарламалық құжат.
Актив жиынында аудан басшысы Мұхтар Оразбаев осынау маңызы зор Жолдау жүктеген міндеттерге қатысты сөз қозғады.
<blockquote>
 «Президент өз Жолдауында пандемия кезеңінде әлемдік дағдарыстан шығудың даңғыл жолын дер кезінде атап көрсетті. Жаңа құжат 11 басым бағыттан тұрады»,- дей келе, маңызды құжаттың негізгі міндеттеріне жеке-жеке тоқталып, жолдаудан туындайтын бірқатар шараларды жүзеге асырудың жолдарын ұсынып, тиісті сала басшыларына бірқатар тапсырмалар берді.
</blockquote>
Актив отырысында аудандық мәслихат хатшысы Д.Мадинов, аудандық ауылшаруашылығы бөлімінің басшысы С.Нұрғалиев, аудандағы медицина саласының кәсіподақ ұйымының төрағасы, аудандық мәслихаттың депутаты А.Асанбаев және №83 қалалық орта мектептің қазақ тілі мен әдебиеті пәнінің мұғалімі Ш.Сарманова баяндама жасап, Жолдауда белгіленген бағыттар бойынша баяндама жасап, өз ой-ұсыныстарын айтып, қолдау біл­­дірді.
Жиынды қорытындылаған аудан әкімі сөз соңында Жолдауда берілген басым бағыттарды орындауға жұмыла кірісіп, сапалы жұмыс атқаруға шақырды.
<img src="https://kyzylorda-news.kz/wp-content/uploads/2020/09/118935550_2761789647482737_3717475026237870008_o.jpg" alt="" />
<img src="https://kyzylorda-news.kz/wp-content/uploads/2020/09/119003663_2761789684149400_26663321000315366_o.jpg" alt="" />

Қазақстан және Қызылорда облысының жаңалықтары