<a href="https://kyzylorda-news.kz/">Kyzylorda-news.kz</a>.
Менингококк инфекциясы – бактериялармен қоздырылатын жіті инфекциялық ауруы, түрлі клиникалық көріністерімен – симптомсыз тасымалдау, назофарингит (мұрын және жұтқыншақ қабынуы), менингит (ми қабықтарының қабынуы) және менингококк сепсисі (қан зақымдануы) өтеді. Ауру адамдар мен сау тасымалдаушылар инфекция көзі болып табылады, яғни клиникалық көріністері жоқ, бірақ олар менингококк тасымалдаушылары болады.
Менингококк инфекциясы аурушаңдық кезеңімен сипатталады – қыста және ерте көктемде аурушаңдық жоғары.
Инфекцияның берілу жолы: ауалы-тамшылы (жөтелгенде, түшкіргенде, сөйлескенде). Инфекция қоздырғышы сыртқы ортада өте тұрақсыз. Микроб дені сау адамның ағзасына науқас немесе тасымалдаушымен ұзақ және тығыз қарым-қатынаста болғанда жоғарғы тыныс алу жолдарының шырышты қабығы арқылы енеді. Жұқтырып алған кезден бастап аурудың басталуына дейін бір күннен он күнге дейін өтеді. Науқас алғашқы күнінен бастап айналадағыларға жұқтырады.
Менингиттің басталуы: күтпеген жерден катты бас ауыруы пайда болып, құсу, 6-15 сағаттан кейін дене бөртіп, температурасы 39-40°С жетеді, қалтырау. Тері бозғылт. Жалпы әлсіздік байқалады, арқа және аяқ-қол ауырады. Науқастар шөлдейді, тәбеті төмендейді. Бұл ауру жеңіл өтуі мүмкіндігін атап өту қажет, сондықтан тұмау, ангина, тонзиллиты және т. б. ауруларды еліктіреді. Ағзаның қорғаныс күшінің әлсіреуі туындаған кезде қатты тоңу, шаршау, қажу қолайлы жағдайда пайда болады менингококк мидың қабатына еніп, қабынуды қоздырады.
<img src="https://kyzylorda-news.kz/wp-content/uploads/2021/02/1527571784_0000.jpg" alt="" />
Профилактика:
– Аурудың алғашқы белгілері пайда болған кезде катаралдық құбылыстармен (тамақ қызарып, дене қызуының көтерілуі, бас ауруы, әлсіздік) дәрігерге көріну қажет, оның барлық ұсыныстарын орындаңыз;
– Түрлі мәдени-бұқаралық іс-шараларға, жүзу бассейндері, сауда-ойын-сауық орталықтарында ойын алаңдарына баруды шектеу, жеке гигиенаны сақтау қажет.
– Ғимараттарды жиі желдетіп, ұйымдасқан ұжымдарда ылғалды жинау жүргізу.
– Созылмалы инфекция ошақтарының санация жүргізу маңызды, балалар жасында бұл жиі ЛОР-органдарына қатысты, сондықтан балаларды оториноларингологтарға тұрақты апару тиіс және мүмкіндігінше алдын-алу мақсатында.
– Тек қайнаған немесе бөтелкедегі суды ішу қажет.
– Тоңу, ашығу, ұйқысыз, стресс және т. б. аулақ болу.
– Ауруды әрқашан емдегеннен алдын алған жеңіл екендігін есте сақтау қажет.
Мақпал ҚАСБАЕВА,
Қармақшы аудандық Ұлттық сараптама орталығының бактериологиялық және паразитологиялық зерттеулер зертханасының зертханашысы

Менингит ауруының қалай алдын алуға болады?

<a href="https://kyzylorda-news.kz/">Kyzylorda-news.kz</a>. Бүгінде ковидке қарсы вакцинаны да, оны өз еркімен салушыларды да жақтырмайтындар жетерлік. Жек көру сезімдерін білдіріп, әралуан ғайбат әңгіме айтып жатқандардың көпшілігі жаны қиналғанда тегін дәрігерлік көмек ала алмаған, әртүрлі себептермен сапалы дәрігерлік қызметке қол жеткізе алмаған, бәрінен бұрын бұған дейін екпе салдырғаннан кейін денсаулығына сызат түскен жандар немесе жақындары.
Әсіресе екпе салдыртқаннан кейін ауру болып қалған балалар тағдырын айтсаңызшы. Жасыратыны жоқ, бір уақыттары осындай жағдайлар орын алды. Арзан вакцина себепкер деп сылтау айттық. Дәрігер, медбикенің жауапсыздығын да жылы жауып қойдық. Жалпы медицина саласындағы келеңсіздік уақыт өте алдымыздан шықты. Көп жұрт ковидтің қаншалықты қауіпті екенін біліп тұрғанымен, одан сақтану жолын түсініп тұрғанымен, бұрынғы вакциналардың кері әсерінен бойда қалған қорқынышын, ойда қалған үрейін жеңе алмай тұр.
Медицина саласы осы жолы аса жауапкершілік танытып, сапалы вакцинамен қатар қалтқысыз қызметі, халық денсаулығына деген шын жанашырлығы арқылы жұрт сенімін қайтаруы керек. Сенім жоғалған тұста оны қайта қайтару да оңай емес.
Сәрсенкүл БИХОЖА,
Қызылорда облыстық мәслихатының депутаты

Сәрсенкүл Бихожа: Вакцинаға сенімсіздік қайдан пайда болды?

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов тұрғындардың МӘМС туралы өзекті сұрақтарына жауап берді.
Егер тұрғын жұмыссыз, мәртебесі «сақтандырылмаған» болса, қай кезеңнен бастап төлеу керек? Егер бірыңғай жиынтық төлем (БЖТ) төлеп жүрсек, МӘМС-ға төлемеуге бола ма?
Егер жеке тұлға жұмыспен қамту орталығында жұмыссыз ретінде ресми тіркелмесе, онда мұндай тұлға өз бетімен төлеуші болып саналады және мұндай тұлға МӘМС-ке төлем жасалмаған уақыты үшін 2125 теңге көлемінде жарна төлеуі тиіс (бірақ, 12 айдан көп емес мерзімге). Дегенмен, егер адам 2020 жылдың қараша айында жұмыстан шығып қалса, 2020 жылдың қарашасынан бастап төлеуі керек. Яғни, өз бетімен төлеушілер жасаған төлем жұмыс беруші тарапынан аударылатын жарна мен төлемдер тоқтаған сәттен бастап тұрақты төленуі тиіс.
Бірыңғай жиынтық төлемде (БЖТ) міндетті әлеуметтік медициналық сақтандырудың жарнасы да бар. БЖТ төлеушілер – жеке кәсіпкер ретінде тіркелмей кәсіпкерлікпен айналысатын жеке тұлға.
МӘМС жүйесінде медициналық көмек алу құқығына ие болу үшін БЖТ төлеушілер бірыңғай жиынтық төлемді медициналық көмек алудың алдында үш ай үзбей және соңғы ай үшін де төлеуі тиіс.
Есте сақтаныз, МӘМС жүйесінде сақтандырылу мәртебесі осы ай үшін төлем болған жағдайда осы айға және айдың соңына дейін жарамды.
Пациент бір ай бұрын Қарулы күштер қатарындағы борышын өтеп келді, «сақтандырылмаған», мұндай жағдайда не істеу керек?
Егер пациенттің әскери қызметін өтеуі кезінде төленбеген қарызы жиналып қалса, борышын алып тастау үшін Әлеуметтік медициналық сақтандыру қорына жазбаша жүгіну қажет. Ол үшін өтініш жазып, әскери қызметте болғанын дәлелдейтін құжаттарды қоса беру керек. Өтініш пен құжаттардың скандалған көшірмелерін ӘМСҚ-ың kanc@fms.kz электронды көшірмесіне жіберу керек. Алдағы уақытта бұл азамат сақтандырылған мәртебесін жалғастыру үшін МӘМС жүйесіне тұрақты төлем жасап тұруы керек.
Егер науқас уақытша биыл ауруы бойынша мүгедектік алса, ал өткен 2020 жыл бойы МӘМС жүйесіне жарна аудармаса, оның мәртебесі «сақтандырылған» бола ма?
Жеңілдік санатын алған соң науқас МӘМС жүйесінде «сақтандырылған»мәртебесін алады, өткен мерзімдегі қарыздарына қарамастан. Әзірге науқастың жеңілдік мәртебесі бар кезде өткен мерзімдегі қарызы МӘМС жүйесінде медициналық көмек алуға кедергі болмайды. Ал егер науқастың жеңілдік мәртебесі алынып тасталса, онда оған жеңілдік мәртебесі бар кезінен бөлек мерзімдегі қарызын төлеуі керек (өз бетімен төлеуші ретінде).

Жұмыссыз азамат мәртебесі «сақтандырылмаса» қай кезеңнен бастап жарна төлеу керек?

<a href="https://kyzylorda-news.kz/">Kyzylorda-news.kz</a>.&nbsp;«Қазавтожол» мамандары көлік жүргізушілеріне 4 және 8 ақпан аралығында ауа райының күрт бұзылуына орай алыс жолға шықпауға кеңес береді.
Ал сапарға шыққан күннің өзінде жылдамдықты асырмай, аса сақ болуға шақырады. Оқыс оқиғаға тап болып, жолда қалып қойған жағдайда 14-03 немесе 112 нөмерлеріне хабарласу керек.

Қазавтожол: 4-8 ақпан аралығында алыс жолға шықпау керек

<a href="https://kyzylorda-news.kz/">Kyzylorda-news.kz</a>.&nbsp;Бірыңғай жинақтаушы зейнетақы қорынан бірретік төлем алу жолдары жеңілдетілді. Бұл туралы «Отбасы банкінің» басқарма төрайымы Ләззат Ибрагимова мәлім етті, деп хабарлайды.
«20 күннің ішінде, тіпті одан ертерек&nbsp;<a href="https://lenta.inform.kz/kz/www.enpf-otbasy.kz%20">www.enpf-otbasy.kz</a>&nbsp;порталында сіздің тұрғын үй жағдайыңызды жақсартуға деген арманыңызға бастар жолды жеңілдете түсетін қызмет енгізіледі», – деп жазды ол&nbsp;<a href="https://www.facebook.com/permalink.php?story_fbid=2874607502786889&id=100007130023398&__cft__%5b0%5d=AZWhzygvgFnepMmDS3tLQTXQbJxqRZtcJ53nRHaOmtV3FGWJxNuLA9la4rG2I3wD2-WALII5LJIo7hYpfFCF4iLv5xP8iAtR3TR9fbrvWfTS1pW7GfYXEVjTqTHnBElwHaM&__tn__=%2CO%2CP-R">Facebook-парақшасында.</a>
·&nbsp;Мәселен пәтер сатып алу немесе займды өтеуге арналған құжаттарды жүктегенге дейін бірреттік зейнетақы төлемін алған соң оған&nbsp;туысыңыз берген қаражатты қосу мүмкіндігі&nbsp;беріледі. Бұл, әсіресе бірреттік зейнетақы төлемін алғаннан кейін үлкен сомаға жылжымайтын мүлік сатып алуды жоспарланғандар үшін ыңғайлы.
Яғни,&nbsp;қосымша түймешік&nbsp;пайда болады.
·&nbsp;Бірыңғай жинақтаушы зейнетақы қорынан сіздің арнаулы есепшотыңызға ақша түскен соң бірреттік зейнетақы төлемін пайдалану мақсатын енді&nbsp;өзгертуге немесе түзетуге болады.
Яғни,&nbsp;пайдалану мақсатын өзгерту түймешегі&nbsp;енгізіледі.
·&nbsp;Сонымен қатар зейнетақы төлемі арнаулы есепшотқа түсіп қойған болса, онда сіз өтініміңізді жоя аласыз. Демек, қаражатыңыз 45 тәулікті күтпестен Бірыңғай жинақтаушы зейнетақы қорына қайтарылады.
Яғни,&nbsp;өтінімді жою немесе БЖЗҚ-ға қайтару түймешегі&nbsp;енгізіледі.
<blockquote>
 «Бұдан бөлек, арнаулы есепшотқа ақша түсудің алғашқы үш күнінде көпшілік ақшаның түскен, түспегендігін қарай алмай шатасып жатты. Сондықтан бүгіннен бастап клиенттерге ақшаның арнаулы есепшотқа түскені туралы сүйінші жаңалық әкелетін&nbsp;СМС жіберіледі.
 Сондай-ақ, Отбасы банкіндегі займды&nbsp;жартылай мерзімінен бұрын өтеу бойынша&nbsp;қосымша келісімге қол қою қызметі жүзеге асырылатын болады. Барлық құжатты интернет банкингте қол қоясыз», – деді Ләззат Ибрагимова.
</blockquote>
<a href="https://www.inform.kz/kz/birrettik-zeynetaky-tolemin-alu-zholy-zhenildetildi_a3749111?fbclid=IwAR2YvMi_zvQNAVWmreQ6RYVs0SMu0Lfs4fUfvzmDi8BTCiJSLtvEqVzii5s">ҚазАқпарат</a>

Бірреттік зейнетақы төлемін алу жолы жеңілдетілді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1110 адам коронавирус індетінен емделіп шықты, деп хабарлайды <a href="https://www.coronavirus2020.kz/kz">coronavirus2020.kz</a>.
Өңірлер бойынша:
Нұр-Сұлтан қаласы – 53
Алматы қаласы – 205
Шымкент қаласы – 5
Ақмола облысы – 114
Ақтөбе облысы – 12
Алматы облысы – 60
Атырау облысы – 108
Шығыс Қазақстан облысы – 30
Батыс Қазақстан облысы – 5
Қарағанды облысы – 66
Қостанай облысы – 72
Қызылорда облысы – 8
Маңғыстау облысы – 6
Павлодар облысы – 286
Солтүстік Қазақстан облысы – 61
Түркістан облысы – 19
Қазақстан бойынша жазылғандар саны – 172209.

COVID-19: Қызылордада өткен тәулікте 8 адам жазылды

<a href="https://kyzylorda-news.kz/">Kyzylorda-news.kz</a>. Қызылорда облысында республикалық айтыс өтеді.
Жыр додасы Қызылорда қала әкімдігінің қолдауымен, қалалық мәдениет және тілдерді дамыту бөлімінің ұйымдастыруымен 5 ақпан күні сағат 11.00-де А.Тоқмағамбетов атындағы мәдениет үйінде өтеді.
ҚР Тәуелсіздігінің 30 жылдығына орай ұйымдастырылатын “Мәңгілік ел – мұратым” атты ақындар айтысына кіл жүйріктер қатысып, кім жүйрік екенін анықтайтын болады.
<img src="https://kyzylorda-news.kz/wp-content/uploads/2021/02/146071641_932751877555311_7533868868248762495_o.jpg" alt="" />

Қызылордада республикалық айтыс өтеді

<a href="https://kyzylorda-news.kz/">Kyzylorda-news.kz</a>.&nbsp; Жергілікті ішкі істер органдарымен облыс аумағында «Мигрант» жедел-профилактикалық іс-шарасы өткізілуде.
&nbsp;Осы іс-шараға ОПД-нің қызметкерлері жұмылдырылды. Олардан&nbsp; мобильді топтар құрылып, облыс аумағына келген шетелдіктердің көші-қон заңнамаларын бұзу деректері анықталды. Оларды әкімшілік жауапкершіліктерге тарту, іздеуде жүрген қылмыскерлерді анықтау мақсатында шетелдіктердің уақытша тіркелген мекен-жайларын, салынып жатқан құрылыс нысандары, базарлар мен дәмханалар тексеріліп рейдтік іс-шаралар жүргізілді.
Аталған іс-шараның 3 күнінде облыс көлемінде көші-қон заңнамаларын бұзған &nbsp;31 шетелдік анықталған.
Қазақстан Республикасыда шетелдіктің болуы құқығына құжаттарды ресімдеу не болудың белгілі бір мерзімі өткеннен кейін олардың ҚР-нан кетуі жөнінде шаралар қабылдамауы не көшіп келушілердің болуы туралы ішкі істер органдарына уақытылы хабардар етпегені үшін әкімшілік кодексінің 518 бабы бойынша &nbsp;&nbsp;15 &nbsp;Қазақстан Республикасының азаматына шара көрілді.
Аталған шетелдіктерді заңсыз жұмысқа тартқаны үшін&nbsp; ҚР азаматына ҚР ӘҚБтК-нің 519 бабының 5 бөлігімен шара көріліп, айыппұл салынды.
Полиция департаменті елімізде жүрген шетелдіктерге қатысты&nbsp; 16.03.2020 жылдан 05.06.2021 жылға дейін&nbsp; заңды негіздер болған кезде, елімізде әрі қарай болу үшін әкімшілік жауаптылыққа тартусыз, уақытша тұруға рұқсат беруді рәсімдеу&nbsp; көші-қон қызметі бөліністері арқылы&nbsp; реттелетінін хабарлады. &nbsp;&nbsp;
<img src="https://kyzylorda-news.kz/wp-content/uploads/2021/02/img-20210203-wa0006.jpg" alt="" />
<img src="https://kyzylorda-news.kz/wp-content/uploads/2021/02/img-20210203-wa0004.jpg" alt="" />

Қызылордада көші-қон заңнамаларын бұзған 31 шетелдік анықталды

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Нұрлыбек&nbsp; Нәлібаев Қоғамдық кеңес мүшелерінің алдында есеп берді. Есептік кездесуде шаһар басшысы қаланың өткен жылғы әлеуметтік-экономикалық даму көрсеткіштері мен жыл көлемінде қол жеткен жетістіктеріне тоқталып, биылғы жұмыс жоспарымен де бөлісті.
Жалпы жыл қорытындысында Сырдың бас шаһары қаланың әлеуметтік-экономикалық даму қарқынын сипаттайтын барлық негізгі көрсеткіштері бойынша оң нәтижелерге ие болды. Атап айтқанда, қала бюджеті 94 млрд. теңгені құрап, өнеркәсіп өнімдерінің өндіріс көлемі 480 млрд. теңгеге жетті. Негізгі капиталға салынған инвестиция көлемі 105 пайызға артығымен орындалып, облысқа салынған инвестицияның 52 пайызы Қызылорда қаласының үлесіне тиесілі болды.
Қоғамдық кеңес мүшелеріне есеп беру барысында&nbsp; қала әкімі 2020 жылы қаржыландырудың барлық көздері есебінен жалпы ауданы 371 мың 314 шаршы метр тұрғын үй пайдалануға берілсе, жыл көлемінде 1 мың 342 қызылордалық баспаналы болғанын айтты.
<blockquote>
 «Жол-көлік инфрақұрылымын дамытуда да жаңа жобалар жүзеге асты. Республикалық және жергілікті бюджеттен бөлінген&nbsp; 9 млрд. теңгеге 408 көшеге ағымдағы, орташа және күрделі жөндеу жұмыстары жүргізілді» –&nbsp; деген, шаһар басшысы бірнеше мәдениет, білім нысандары күрделі жөндеуден өткізіліп, «Тағзым» мемориалы, “Сыр Ана” монументі, «Темір жол» паркі, Назарбаев даңғылы абаттандырылғандығын да атап өтті.
</blockquote>
Биылғы жұмыс жоспарын ортаға салған қала әкімі 51,3 шақырым болатын 94 көшеге қиыршық тас төсеу, Сырдария өзенінің сол жағалауынан апаттық үйлерде тұратын отбасылар үшін 50 пәтерлік&nbsp; тұрғын үй құрылысын жүргізу,&nbsp; қала&nbsp; әкімдігіне халықтан келіп түскен арыз-шағымдардың басым бөлігінің көп балалы отбасыларды тұрғын үймен қамтамасыз ету мәселесі екендігін ескере отырып, қалада жеке инвесторлар қаржысына салынып жатқан тұрғын үйлерден 60 пәтер сатып алу, қала тұрғындарының сұрауы бойынша көп қабатты үйлердің аулаларына&nbsp; ойын алаңдарын салу бағытында жұмыстар жүргізіетіндігін атап өтті. Сонымен қатар жоспарға сай негізгі басымдық – жұмыспен қамту және әлеуметтік қорғау, экономиканы әртараптандыру, инфрақұрылымды дамыту секілді мәселелер берілгендігін айтты.
Есептік кездесуде &nbsp;сөз алған қалалық мәслихат хатшысы Ибадулла Құттықожаев 2020 жылы қалада ауқымды жұмыс жасалғандығын айта отырып, жыл көлемінде қала әкімдігіне қарасты мекемелерде сыбайлас жемқорлық фактілері тіркелмегеніне ерекше тоқталды. Бұлсыбайлас жемқорлық тәуекелдерінің алдын алу бағытында жүргізілген жүйелі жұмыстардың нәтижесі екендігін атап өтті.
Қоғамдық кеңес мүшелері тарапынан Сәрсенкүл Биқожа мен Эрик Теңізбаев өз ойларын ортаға салып, ұсыныстарын жеткізді. Сонымен қатар қала басшысының атқарып жатқан жұмыстарына алғыс білдіріп, өңірдің дамуы үшін бірлесіп жұмыс істеуге атсалысатындықтарын білдірді.
<img src="https://kyzylorda-news.kz/wp-content/uploads/2021/02/02-scaled.jpg" alt="" />
<img src="https://kyzylorda-news.kz/wp-content/uploads/2021/02/04-scaled.jpg" alt="" />
<img src="https://kyzylorda-news.kz/wp-content/uploads/2021/02/05-scaled.jpg" alt="" />

Нұрлыбек  Нәлібаев қоғамдық кеңес алдында есеп берді

<a href="https://kyzylorda-news.kz/">Kyzylorda-news.kz</a>. Осы жылдың 1 наурызында Армения Республикасынан елімізге әкелінген көліктерді тіркеу мерзімі аяқталады. Қазақстан аумағына 2020 жылдың 1 ақпанына дейін әкелінген көліктерді рәсімдеуге болады, деп хабарлайды <a href="https://lenta.inform.kz/kz/1-nauryzda-armeniyadan-akelingen-kolikterdi-tirkeu-ayaktalady_a3749071">ҚазАқпарат</a>.
Нұр-Сұлтан қалалық Полиция департаментінің баспасөз қызметінен мәлім еткендей, елордада автокөлікті 20-40 көшесіндегі Мамандандырылған халыққа қызмет көрсету орталығында дүйсенбі мен сенбі аралығында 9.00-16.30 аралығында тіркеуге болады.
Сондай-ақ 2021 жылдың 3 ақпанынан бастап елордада көліктерді қауіпсіздік хаттамасынан өткізетін (рулі оң жақтан сол жаққа ауыстырылған, қайта жабдықталған автокөліктер) «Ұлттық сараптама және сертификациялау орталығы» АҚ Сынақ орталығы жұмысын бастады. Сынақ орталығына автокөлік иелері Алаш тасжолы, 1 «А» мекенжайы бойынша немесе 8 (717)2 25-14-47 нөміріне хабарласып жүгіне алады. Жұмыс уақыты: дүйсенбі-жұма аралығында 9.00-ден 19.00-ге дейін, сенбі және жексенбі күндері 10.00-17.00 аралығы.
Автокөлік ҚР СТ 1418-2018 және Кеден одағының «Доңғалақты көлік құралдарының қауіпсіздігі туралы» 08/2011 техникалық регламентіне сәйкес келуі тиіс.

1 наурызда Армениядан әкелінген көліктерді тіркеу аяқталады

<a href="https://kyzylorda-news.kz/">Kyzylorda-news.kz</a>.&nbsp; Қазақстандықтар 2021 жылдың наурыз айында 12 күн демалады. &nbsp;
Наурызда қазақстандықтар екі мерекені қатар атап өтеді: 8 наурыз – Халықаралық әйелдер күні және 21-23 наурыз – Наурыз мейрамы. &nbsp;&nbsp;&nbsp;
Халықаралық әйелдер күні биыл дүйсенбіге түсіп тұрғандықтан, бес күн жұмыс істейтін қазақстандықтар үш күн қатарынан демалады.
Наурыз мейрамын тойлау кезінде ел тұрғындары бес күн – 20,21,22,23,24 наурызда демалады. Наурыз мейрамының алғашқы күні жексенбіге сәйкес келгендіктен, демалыс күні сәрсенбі 24 наурызға ауыстырылды.

Қазақстандықтар наурыз айында неше күн демалады?

<a href="https://kyzylorda-news.kz/">Kyzylorda-news.kz</a>. 3 ақпан күні Қазақстанда коронавирус инфекциясын жұқтырудың 1280 жағдайы расталды, деп хабарлайды coronavirus2020.kz.
Өңірлер бойынша:
Нұр-Сұлтан қаласында -22643(+153), Алматы қаласында – 22439(+111), Шығыс Қазақстан облысында – 20470 (+63), Атырау облысында – 16291(+58), Павлодар облысында – 14313(+230), Қарағанды облысында – 14096(+80), Ақмола облысында – 11497(+168), Батыс Қазақстан облысында – 11307(+109), Солтүстік Қазақстан облысында – 11179(+70), Қостанай облысында – 10563(+85), Алматы облысында – 9485(+70), Шымкент қаласында -5905(+9), Жамбыл облысында – 5614(+10), Түркістан облысында – 4148(+23), Маңғыстау облысында – 4081(+16), Ақтөбе облысында -3981(+18), Қызылорда облысында -3627(+7).
Ел бойынша коронавирусқа шалдыққандардың жалпы саны – 191 639.

Қазақстан және Қызылорда облысының жаңалықтары