*<a href="https://kyzylorda-news.kz/">Kyzylorda-news.kz</a>. Бейсенбі күні елімізде қар жауып, жел күшейеді, тұман түсіп, көктайғақ болуы ықтимал, деп хабарлайды Қазгидромет.*
4 ақпанда Атлант циклоны Қазақстан аумағымен жылжиды. Қар аралас жаңбыр жауады, көктайғақ болады, жел күшейеді, сонымен қатар ауа температурасы жоғарлайды. Ал республиканың оңтүстік бөлігі жоғары қысым аумағында орналасқандықтан, күн райы ашық болады. Еліміздің кей жерлерінде тұман түсуі мүмкін.
Қызылорда облысының кей жерлерінде тұман түсуі ықтимал.

4 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Еліміз бойынша баспана алу кезегінде 540 мың азамат тұр, деп хабарлайды <a href="https://24.kz/kz/zha-aly-tar/o-am/item/453104-aza-standa-baspana-alu-kezeginde-ansha-adam-t-r">«Хабар 24»</a>.
Әлеуметтік тұрғын үй құрылысының қарқыны жоғары болғанымен, бұл тізімнің қысқаратын түрі жоқ. Парламент Мәжілісінің депутаты Снежанна Имашева палата отырысында осылай деп мәлімдеді. Сол себепті тұрғын үй бағдарламаларының шарттарына өзгеріс енгізуді ұсынды. Депутат әлеуметтік тұрғыдан аз қамтылған халыққа мемлекеттік тұрғын үй бағдарламаларына кірісін растамай-ақ қатысуға рұқсат беруді сұрады. Ол қазақстандықтарға «Шанырақ» бағдарламасы бойынша жаңа пәтер ғана емес, қолданыстағы үйді сатып алу мүмкіндігін беру керек екенін де айтты.
<blockquote>
 “Халықтың аса осал топтарына тұрғын үй қарыздарын беру үшін 5-10-20 «Шаңырақ» бағдарламасы іске қосылды, оның операторы «Отбасы Банк» АҚ болып табылады. Алайда бағдарламаның шарттары көп балалы, жалғызбасты ата-аналар, 1 және 2-топтағы мүгедектер, жетім балалар сияқты санаттарға қолжетімсіз. Келіп түскен 37 мың өтінімнің небәрі 1500-і мақұлданған”, – дейді ҚР Парламенті Мәжілісінің депутаты Снежанна Имашева.
</blockquote>

Қазақстанда баспана алу кезегінде қанша адам тұр?

<a href="https://kyzylorda-news.kz/">Kyzylorda-news.kz</a>.&nbsp;Ертең бірқатар өңірлерінде ауа райының қолайсыздығына байланысты ескерту жариялады, деп хабарлайды Қазгидромет.
Қарағанды облысының кей жерлерінде тұман түсіп, көктайғақ болуы мүмкін. Жел оңтүстік-батыстан соғады, түнде кей жерлерінде күші секундына 15-20 метрге жетеді.
Қостанай облысының кей аумағы мен Қостанай қаласында тұман, көктайғақ болуы ықтимал.
Шығыс Қазақстан облысында түнде қар жауып, күндіз кей жерлерде жауын-шашын (қар, жаңбыр) түсуі мүмкін. Кей жерлерде бұрқасын, тұман, көктайғақ болады. Оңтүстік-батыстан, батыстан соғатын желдің жылдамдығы 15-20 м/с, екпіні 25 м/с жетеді.
Өскемен қаласында бұрқасын, көктайғақ болады. Оңтүстік-батыстан, батыстан секундына 15-20 метрге жететін жел соғады.
Семей қаласында бұрқасын, көктайғақ болуы мүмкін. Оңтүстік-батыстан, батыстан соғатын желдің екпіні 15-20 м/с жетеді.
Батыс Қазақстан облысының кей жерлерінде тұман, көктайғақ болады. Орал қаласында тұман түседі.
4-5 ақпанда Қызылорда облысының кей жерлері мен Қызылорда қаласында тұман түсуі ықтимал.
Ақмола облысының кей жерлерінде тұман, көктайғақ, жаяу бұрқасын болады. Оңтүстік, оңтүстік-батыстан 15-20 м/с жел соғады. Көкшетау қаласында тұман, көктайғақ болуы мүмкін.
Ақтөбе облысы мен Ақтөбе қаласында тұман, көктайғақ болады.
Атырау облысының кей жерлері мен Атырау қаласында тұман түсуі ықтимал.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. Бүгін Қазалы ауданының әкімі Мұрат Ергешбаев аудан тұрғындары алдында жылдың есебін беріп, биыл атқарылар жұмыстар мен міндеттерді баяндады. Өткен жылы шешімін тапқан өзекті мәселелерді түгендеп, өңірді дамытуға қатысты жоспармен таныстырды.
Карантин талаптарын сақтай отырып Роза Бағланова атындағы мәдениет орталығына жиналған тұрғындар аудан басшысының қорытынды есебін онлайн тыңдады.
2020 жыл өзіндік қиыншылықтарына қарамастан Қазалы ауданы үшін табысты жыл болды. Бір ғана «Жол картасы» бағдарламасы аясында жалпы құны 3 млрд 11 млн теңгені құрайтын 42 жоба іске асырылды. Нәтижесінде 150 орындық ауылдық клуб салынып, 1 ауылға газ тартылды. Одан бөлек, көптеген көшелер асфальттанып, жарықтан-дырылды, әлеуметтік нысандар жөндеуден өтті.
Елбасының бастамасымен қолға алынған «Ауыл – ел бесігі» арнайы жобасы аясында Бекарыстан би ауылында ауқымды жұмыстар атқарылды. Ауылдағы тұрғын үйлердің ауыз суы сервистік желіге қосылып, мектепке күрделі жөндеу жұмыстары жүргізілді. Сондай-ақ, 10 көше асфальтталып, жарықтандырылды. Ол үшін қазынадан 1 млрд-қа жуық қаржы бөлінді.
Аудан орталығы – Әйтеке би кентінен бөлек Қазалы қаласы мен елді мекендерді де газдандыру мәселесі күн тәртібінен түскен жоқ. Соның нәтижесінде Ғани Мұратбаев ауылына табиғи газ жеткізіліп, Қазалы қаласын газдандыру жұмыстары басталып кетті.
Өткен жылы аудандық маңызы бар 60 шақырым жол мен елді мекенішілік 70 көше жөнделді. 2021 жылы да жолдарды жөндеуге көп көңіл бөліп отырмыз. Ең бастысы осыдан 3 жыл бұрын басталған Кәукей ауылына баратын автомобиль жолы аяқталады.
Сонымен қатар, «Қарлаң» көпірінен Қожабақыға дейінгі, Қазалы қаласы мен «Әлсейіт» көпіріне дейінгі жолдар да жөнделіп бітеді. Ал, Басықара мен Абай елді мекенінің аралығындағы 20 км жолды жөндеу жұмыстарын жалғастыруға облыстық бюджеттен 306 млн теңге қаржы қаралды.
2021 жылы Әйтеке би кентінен 5 көше, Қазалы қаласынан 10 көшені асфальттайтын боламыз. Одан бөлек, ауылдық жерлердегі көшелер де жөндеуден өтеді. «Ауыл – ел бесігі» жобасы аясында Әйтеке би кентінен 20 көшені асфальттау жоспарлануда.
Ауданға қарасты барлық ауылдардың проблемалық мәселелерін біртіндеп шешілуде. 2020 жылдың өзінде Ақсуат ауылындағы апаттық жағдайдағы балабақша мен клуб салынып, жаңа заманауи ғимаратқа көшті.
Тұрғындардың тарапынан жиі айтылатын «Қарлаң» көпірінің де мәселесі шешілетін күн алыс емес. 2021 жылдың бюджетінен көпір құрылысының жобасы әзірленіп, сараптамадан өткізуге 80,3 млн. теңге бөлінді.
Осы және басқа да мәселелер туралы аудан әкімі Мұрат Ергешбаев кеңінен айтып берді.
Аудан басшысының есебін тыңдап болған тұрғындар атқарылған жұмыстарды оң бағалап, көкейдегі сұрақтарын қойды.
Тұрғындар тарапынан аудандық маңызы бар жолдарға жөндеу жұмыстарын жүргізу, ауыл шаруашылығы құрылымдары үшін егіске қажетті су жеткізуді қамтамасыз ету, Шәкен, Сарбұлақ ауылдарына гравий жол салу, көпбалалы, тұрмысы төмен отбасыларды тұрғын үймен қамту, бұрынғы №170 мектептің орнына салынатын 250 орындық мектеп құрылысын жаңа оқу жылына да дейін аяқтау, жайылымдық жерлерді күтіп ұстау мен суландыру, азық-түлік тауарларының бағасын тұрақтандыру, Ақсуат ауылында ашылған 90 орындық балабақшада қосымша топ ашып, штат санын көбейтіп, логопед маман беру және Әйтеке би кентінде аяқ су мәселесін шешу туралы мәселелер айтылды.
Қорытынды есепке онлайн қатысқан облыс әкімінің орынбасары Нұрлан Тілешев Қазалы қаласын газдандыруға қажетті қаражат толық бөлінгенін тілге тиек етіп, қуанышты жаңалықпен бөлісті.
<img src="https://kyzylorda-news.kz/wp-content/uploads/2021/02/145511332_2980343315519929_6129689474875627040_o.jpg" alt="" />

Қазалы ауданы үшін былтырғы жыл табысты болды

<a href="https://kyzylorda-news.kz/">Kyzylorda-news.kz</a>.&nbsp; “Спутник V” вакцинасын салдырғаннан кейін коронавирусқа қарсы иммунитет екі жыл сақталады. Бұл туралы денсаулық сақтау вице-министрі – бас мемлекеттік санитар дәрігер Ерлан Қиясов мәлімдеді.
1 ақпанда қазақстандықтарға коронавирусқа қарсы ресейлік “Спутник V” вакцинасы егіле бастады.
<blockquote>
 “Күні кеше ғана әлемдегі жетекші медициналық ғылыми журналдардың бірі – Lancet (Ұлыбритания) SARS-CoV-2 коронавирусына қарсы вакцинаның тиімділігі 91,6%-ті құрағанын хабарлады. Бұған қоса, “Спутник” вакцинасын алғаннан кейін иммунитет кем дегенде екі жыл сақталатыны дәлелденді. Вакцина коронавирустың жаңа “британдық” және “оңтүстікафрикалық” штаммдарына да тойтарыс бере алады”, – деді Қиясов онлайн брифингте.
</blockquote>
Ол вакциналау кезең-кезеңмен жүргізілетінін атап өтті.
Ең алдымен, медицина қызметкерлері, кейін педагогтер, күш құрылымдарының қызметкерлері егіледі.
<a href="https://sputnik.kz/">Sputnik Қазақстан</a>

&#8220;Спутник V&#8221; вакцинасынан кейін иммунитет екі жыл сақталады

<a href="https://kyzylorda-news.kz/">Kyzylorda-news.kz</a>. Қызылорда гарнизонындағы Қызылорда облыстық қорғаныс істері жөніндегі департаментінде сыбайлас жемқорлықтың алдын-алу мақсатында жеке құраммен жиын өтті.
Қызылорда облыстық қорғаныс істері жөніндегі департаментінің мәжіліс залында Қызылорда гарнизонына қызмет көрсету жөніндегі әскери полиция бөлімшесінің сыбайлас жемқорлыққа қарсы әрекет ету жөніндегі аға офицері, әділет майоры Әлімжан Ерімбетов пен Қызылорда облыстық қорғаныс істері жөніндегі департаменті бастығының орынбасары, подполковник Алмат Жақыпов әскери қызметшілер мен азаматтық қызметкерлер арасында сыбайлас жемқорлықтың алдын-алу, әскери құқықтық біліктілікті арттыру мақсатында түсіндірме жұмыстарын жүргізді. &nbsp;
2020 жылда атқарылған жұмыстарды қорытындылап, осы салада атқарылып жатқан жұмыстарға тоқталды. Сонымен қатар, шара кезінде жеке құрамға жемқорлыққа қарсы арнайы түсірілген әсерлі бейнероликтер көрсетілді. Азаматтардың Қарулы Күштерге деген сенімін арттыру, сыбайлас жемқорлықты азайту мақсатындағы «Қарулы Күштері – Адалдық Алаңы» жобасы аясында әрбір қызметші аянбай еңбек ету керегі сөз болды.
<blockquote>
 &nbsp;«Қарулы Күштеріміздегі заңдылықтарды ескере отырып, ешқашан жемқорлыққа жол берілмеуі керек. Әрбір атқарылған жұмыстар қатаң бақылауда. Елімізді қорғау саласында игі, адал істер атқарсақ еліміздегі сыбайлас жемқорлықтың алдын-алуға өз үлесімізді қосқанымыз болады», – дейді Қызылорда гарнизонына қызмет көрсету жөніндегі әскери полиция бөлімшесінің сыбайлас жемқорлыққа қарсы әрекет ету жөніндегі аға офицері, әділет майоры Әлімжан Ерімбетов.
</blockquote>
Жиын соңында Қызылорда облыстық қорғаныс істері жөніндегі департаменті бастығының орынбасары, подполковник Алмат Жақыпов мекеме жеке құрамын заң аясында бірлесе қызмет атқаруға шақырды.
Мемлекетіміздің өркендеуіне теріс әсерін тигізетін жемқорлықты болдырмау мақсатында аталған мекемеде ауқымды жұмыстар атқарылып келеді.
<img src="https://kyzylorda-news.kz/wp-content/uploads/2021/02/img_20210202_225707_471.jpg" alt="" />

Әлімжан Ерімбетов: Жемқорлықпен күрес &#8211; баршаға ортақ

<a href="https://kyzylorda-news.kz/">Kyzylorda-news.kz</a>. Бүгін Жалағаш ауданының әкімі Асылбек Шаменов онлайн форматта 2020 жылы Жалағаш ауданы бойынша атқарылған жұмыстар мен алдағы міндеттер туралы есебін берді.
Биылғы есеп беру жиындары елімізде қалыптасқан эпидемиологиялық ахуалға сәйкес онлайн форматта өткізілуде. Бүгінге дейін кент, ауылдық округтердің онлайн форматтағы кездесулерінде тұрғындарды толғандыратын мәселелер талқыға салынып, оларды шешудің мүмкіндіктері мен тиімді жолдары сараланды.
Қорытынды есеп беру жиынына аудан тұрғындарымен қатар, ардагерлер, бұқаралық ақпарат құралдары мен үкіметтік емес ұйымдар, жастар өкілдері, облыстық басқрама, аудандық бөлім, мекеме басшылары, аудандық мәслихат хатшысы, облыстық, аудандық мәслихат депутаттары және облыс әкімі Гүлшара Әбдіқалықова арнайы қатысты.
Соңғы жылдары аудан экономикасының даму динамикасы нәтижелі көрсеткіштерге қол жеткізіп келеді. Аудан бюджетінің көлемі 14,1 млрд теңгеге жетіп, жергілікті салық түсімдері 1 млрд 475 млн теңгеге орындалды.
Мемлекеттік бағдарламалар аясында шағын және орта кәсіпкерлікті бастау немесе одан әрі дамыту бағытында аудан бойынша 174 жоба 4,9 млрд теңгеге қаржыландырылып, 378 адам жұмыспен қамтылды. Ауданға тартылған инвестиция көлемі 23,2 млрд теңгені құрап, 2019 жылмен салыстырғанда 32,4 пайызға өсті. Кәсіпорындар және жеке сектор арқылы 9,9 млрд теңгені құрайтын өнеркәсіп өнімдері өндіріліп, 2019 жылмен салыстырғанда 5,8 пайызға жоғары орындалды.
2020 жылдың қорытындысымен Жалағаш ауданы облыста алдыңғы қатардан көрініп, «Үздік аудан» атанды. 22 млрд 297 млн теңгенің ауылшаруашылығы өнімдері өндірілді. Бұл 2019 жылмен салыстырғанда 0,7 пайызға артты.
Өткен жылы ауданда ауыл шаруашылығы саласында 3 инвестициялық жобалар жүзеге асырылды.
2020 жылы Жалағаш кентінен 10 несиелік тұрғын үй салынып, өткен жылдың желтоқсан айында табысталды. Биыл да бұл жұмыстар жалғасын тауып, 20 несиелік және 20 жалдамалы тұрғын үйлер салу жоспарлануда.Жеке сектор есебінен өткен жылы жалпы алаңы 15 709 шаршы метрді құрайтын 137тұрғын үй салынды, бұл көрсеткіш 2019 жылмен салыстырғанда 3,4 пайызға артты.
Өткен жылы «Өңірлерді дамытудың 2020 жылға дейінгі» мемлекеттік бағдарламасына сәйкес Далдабай және Жаңақоныс елді мекендерінің ауыз су жүйесін қайта жаңғырту жұмыстары аяқталып, пайдалануға берілді.
Қазіргі таңда аудан тұрғындары 100 пайыз орталықтандырылған ауыз сумен қамтамасыз етілген. Жұмыспен қамтудың жол картасы аясында 784 млн теңгеге Жалағаш кентіндегі 6 көшеге, Қаракеткен және Таң ауылдарының кіре-беріс автомобиль жолдарына орташа жөндеу жұмыстары жүргізілді.
2020 жылы Мәдениет, Жаңаталап, Аққұм елді мекендерінің электр жүйелері толық жаңартылып пайдалануға берілсе, биылғы жылы Бұқарбай батыр елді мекенінде электр желілері қайта жаңғыртудан өткізіледі.
Аудан әкімі Асылбек Шаменов есепті баяндамасында Жалағаш кентін газдандыру жұмыстарына байланысты тоқталып өтті:-
<blockquote>
 “Қазір халықтың көптен аңсап жүрген өзекті мәселенің бірі-табиғи газ отынымен қамтамасыз ету. Жалағаш кентішілік газ желісін жүргізу үшін құрылыс жұмыстарының жалпы құны 3,5 млрд.теңгені құрайды. Жоспарға сәйкес құрылыс жұмыстары биыл толық аяқталып, іске қосылатын болады”, – деді аудан басшысы.
</blockquote>
Бұл көрсеткіштерден бөлек өңірде білім, денсаулық сақтау, спорт, мәдениет секілді басқа да негізгі салаларда жетістіктер жеткілікті.
Есеп беру кездесуінде тұрғындар тарапынан аудан халқының тұрмысын жақсартуға қажетті деген ең маңызды мәселелер, өздерін толғандырып жүрген сұрақтар мен сауалдар ортаға салынды.Жалпы, жалағаштықтар аудан әкімінің жыл көлемінде атқарған жұмыстарына көңілі толатындықтарын жеткізді.
Мақпалкөл ауылдық округінің ардагерлер кеңесінің төрағасы Қаржау Мұстафин, аудандық Қоғамдық кеңес төрағасы Кенжеғара Сүйлейменов әкімнің есебінен кейін сөз алып, жыл бедеріндегі айтулы жетістіктер мен алдағы жоспарларды қуаттайтындығын және аудан әкімінің халық артқан сенімді ақтау жолындағы еңбегін жоғары бағалайтындығын жеткізді. Сондай-ақ, аудандағы елді мекендердегі ішкі көшелерді жөндеу, кенткежақын орналасқан ауылдарды газдандыру, Мақпалкөл ауылдық округі бойынша электр желілері бағандарын қайта алмастыру қажеттігі жөнінде ұсыныс айтты.Кездесуде аудан тұрғындарына алғысын жеткізген аудан әкімі Асылбек Шаменов:
<blockquote>
 “Халқымызда «Бірлік бар жерде тірлік бар» деген қанатты сөз бар. Елдегі тыныштық пен бірлік арқасында алдағы уақытта да аудан экономикасының қарқынды дамуына құтты қадамдар жасалып, Сіздердің қолдауларыңызбен халық игілігі үшін алға мақсат етіп қойған жобаларымызды жүзеге асыратын боламыз, – деді Асылбек Шәменов.
 “Жалағаш ауданының әкімі Асылбек Өмірбекұлы 2020 жылы атқарылған жұмыстар мен алдағы міндеттерін өздеріңізге баяндап өтті. Жалпы, ауданның әлеуметтік-экономикалық дамуында оң динамика бар. Атқарылып жатқан жұмыстар халықтың көз алдында. Алдағы уақытта да кәсіпкерлік саласындағы жұмыстарды қолға алып, осы бағыттағы жұмыстарды жандандыру керек”,- деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/02/145768290_1149252208860189_4407699956122372324_o.jpg" alt="" />

Жалағаш ауданының әкімі халық алдында есеп берді

<a href="https://kyzylorda-news.kz/">Kyzylorda-news.kz</a>. **Әлеуметтік желіде декретке шыққан келіншектердің арыз-шағымы тарады. Олар төтенше жағдай кезінде 42 500 теңгені алған, енді бір жасқа дейін бала күтіміне берілетін жәрдемақы төленбей жатыр. Мемлекеттік әлеуметтік сақтандыру қоры&nbsp;осы мәселеге қатысты түсініктеме берді, деп хабарлайды **<a href="https://sputnik.kz/">Sputnik Қазақстан</a>.
Айта кетейік, былтыр төтенше жағдай кезінде табысынан айырылған адамдарға 42 500 теңгеден көмек берілген болатын. Ол ақша Мемлекеттік әлеуметтік сақтандыру қорының есебінен төленді. Бұдан бөлек, заң бойынша қордан еңбекке жарамсыз болып қалу, асыраушысынан айырылу, жұмыссыз қалу, жүктілік пен босану, жаңа туған баланы асырап алу және бір жасқа дейін бала күтіміне байланысты әлеуметтік төлемдер беріледі. &nbsp;
Қордың әлеуметпен байланыс департаментінің директоры Гүлбағила Болатбекованың айтуынша, әлеуметтік төлемді тағайындау кезінде мемлекеттік әлеуметтік сақтандыру қоры тексеріс жүргізуге құқылы. Себебі төтенше жағдай кезінде кейбір адамдар жұмыс істеп, жалақы алса да, өз бетінше 42 500 теңгеге өтініш жіберген.
<blockquote>
 “Әйелдің жалақы алғаны, сондай-ақ, бір мезгілде төтенше жағдай және (немесе) карантин кезеңіне төлем алғаны анықталған жағдайда алынған 42 500 теңге көлеміндегі төлемді ерікті түрде қайтаруы қажет”, – дейді Болатбекова. &nbsp;
</blockquote>
Осы орайда департамент басшысы төтенше жағдай мен карантин кезінде кірісінен айырылғаны туралы жалған мәлімет бергені үшін өтініш берушінің өзі жауапты екенін ескертті.&nbsp;
<blockquote>
 “Ал, шынымен де, еңбек ақысы сақталмайтын демалыста болған және көрсетілген кезеңде мемлекеттік әлеуметтік сақтандыру қорынан төлем алған өтініш берушілер басқа төлемдерге өтініш жібергенде 42 500 теңгені қайтармайтынын атап өткен жөн”, – дейді Болатбекова.
</blockquote>
Маман бір жасқа дейін бала күтіміне төленетін жәрдемақы қалай есептелетінін де түсіндірді. Оның сөзіне қарағанда, төтенше жағдай болған айлар есептен алынып тасталады. Себебі ол кезде адамның кірісі болмаған. Соның орнына алдындағы айлардың табысы есептеледі. Осылайша әйелдің орташа табысы анықталады да, әлеуметтік төлем тағайындалады. Оған 12 айдың ішінде өтініш беруге болады.

&#8220;42 500 теңгені кімдер қайтаруы тиіс&#8221;: мемлекеттік сақтандыру қоры түсініктеме берді

<a href="https://kyzylorda-news.kz/">Kyzylorda-news.kz</a>. «Креатив бой» желілік зиякерлік-командалық ойыны биыл үшінші мәрте өткізілді. Еліміздегі Назарбаев Зияткерлік мектептерімен бірге сайысқа №1329 Мәскеу мектебінің оқушыларынан құралған 13 команда қатысты.
Білімділер бәйгесінде қызылордалық NIS-тің намысын 9 «А» сынып оқушылары, яғни Бағлан Абызбек, Тұмар Еділ, Айбек Қазбек және Нұрай Нұржанқызы қорғады. Жас дарындылар әр түрлі тақырыптағы өнертапқыштық және зерттеушілік мәселелерді шешуде ой жарыстырды.
<blockquote>
 “Ойын барысында команда мүшелерінен көптеген лайықты идеялар келіп түсіп жатты, соның ішінде ең дұрыс және жақсы шешімін табу аса қиынға соқты. Бұл турнир біздің сыни тұрғысынан ойлау, логикалық, функционалдық сауаттылық, ұтқырлық пен топта жұмыс істей білу дағдыларымызды дамытуға үлкен септігін тигізді”, – деп санайды Бағлан Абызбек.
</blockquote>
Барлық кезеңде сырбойылық оқушылар оза шауып, небәрі 0,5 ұпайды есе жіберіп, ІІІ орынды иеленді. Ал ІІ орынды Ресейдің «Синергия» командасы жеңіп алса, павлодарлық зияткерлер командасы ойынның жеңімпазы атанды.

Қызылордадағы НЗМ-нің «Smart guys» тобы зияткерлер ойынында жүлделі орынға ие болды

<a href="https://kyzylorda-news.kz/">Kyzylorda-news.kz</a>. 2006 жылы шыққан екі, бес және он мың теңгелік банкноттар 1 ақпаннан бастап жарамсыз болды. Қабылданбайды және ауыстырылмайды, деп хабарлады <a href="https://www.nationalbank.kz/kz">Ұлттық банк.</a>
Олар жеке тұлғалар үшін 2020 жылдың 21 желтоқсанынан 2021 жылдың 1 ақпанына дейін Ұлттық банк филиалдарында алмастырылған болатын.
Осы уақыт ішінде алматылықтар (28,2%), астаналықтар (9,5%) және Қарағанды облысының тұрғындары (7,5%) республика бойынша ең көп ауыстырды. Негізінен, екі мың (44,1%) және бес мың теңгелік купюра тапсырылды. Он мың теңгелікті&nbsp;(25,0%) ауыстырғандар аз болды.

Ұлттық банк қандай банкноттар жарамсыз болып қалғанын хабарлады

<a href="https://kyzylorda-news.kz/">Kyzylorda-news.kz</a>. Қызылорда облысында мемлекеттік қызметшілердің штат саны – 3675. Бүгінде оның 165-і бос орын ретінде тіркеулі. Бұл туралы облыс бойынша мемлекеттік қызмет істері департаментінің басшысы Рафхат Бисенов Өңірлік коммуникациялар қызметінде өткен брифингте хабарлады.
Мемлекеттік қызметшілердің 13,7 % жастар, 45,4 % әйел. Оның ішінде басшы лауазымдағы әйелдер саны 396-ға жеткен. Бұл көрсеткіш өткен жылмен салыстырғанда 23%-ға артып отыр.
<blockquote>
 “Биыл мемлекеттік қызметшілердің оң имиджін қалыптастыру бағытында ауқымды шаралар атқарылуда. Нақтырақ айтсақ, аймақта мемлекеттік қызметтен зейнетке шығатын азаматтарға құрмет көрсету мақсатында «Құрметке лайық» жобасы іске асырылды. Оның ішінен «Тәлімгер пулы» құрылмақ. Мұнда сала ардагерлері мемлекекттік қызметке жаңадан келген жас мамандарды қызметке бағдарлау, бағыттау жұмыстарын атқаратын болады. Сондай-ақ, Қорқыт ата атындағы университетімен меморандумға отырып, нәтижесінде «Абырой» жас мемлекеттік қызметшілер мектебі ашылды. Әрі аталмыш университет базасында келесі оқу жылынан бастап, «Адам ресурстарын басқару» мамандығы енгізіліп, HR-мамандарын дайындау қолға алынатын болады”, – деді Рафхат Төлеуғалиұлы.
</blockquote>
Айта кетейік, Мемлекет басшысының «Халық үніне құлақ асатын мемлекет» қағидатына сәйкес, ақпан айынан бастап, тұрақты түрде мемлекеттік қызмет көрсетуші мекеме басшыларының ХҚКО-да тұрғындарға жеке қабылдау жұмыстары жүргізілуде.

Қызылордада мемқызметтен зейнетке шығатын азаматтарға құрмет көрсету жобасы іске асырылды

<a href="https://kyzylorda-news.kz/">Kyzylorda-news.kz</a>. Биыл Сыр елінде 5000-нан аса жасөспірім әскери есепке алынады. Бұл туралы бүгін облыстық қорғаныс істері жөніндегі департаментінің тәрбие және идеологиялық, әскери патриоттық жұмыстары басқармасының бастығы Алмат Жакипов Өңірлік коммуникациялар қызметінде өткен баспасөз брифингінде мәлімдеді.
Бүгінге дейін облыста 3000-ға жуық жасөспірім әскери есепке тіркеліп үлгерген. Қазіргі таңда Қызылорда қаласы мен аудандардағы жергілікті әскери басқару органдары жасөспірімдердің санын, білім деңгейін, әскери қызметке жарамдылығы мен дене дайындығын анықтап, әскерге шақыру учаскелеріне тіркеу жұмыстарын қарқынды жүргізуде. Осы орайдағы барлық әскери тіркеу науқаны санитарлық-эпидемиологиялық талаптарды сақтай отырып өткізілуде.
<blockquote>
 “Әскерге шақыру учаскілеріне тіркеу кезінде азаматтардың қажетті құжаттары тексерістен өткізіліп, арнайы тәртіппен медициналық комиссиядан өтеді. Міне, осыдан соң комиссия шешімімен әскери есепке қабылданып, алғашқы әскери құжаттарын алады”, – деді Алмат Алмасұлы.
</blockquote>
Айта кетейік, 17 жасқа толатын жасөспірімдерді шақыру учаскілеріне тіркеу қаңтар айынан бастап, наурыз айына дейін үш ай бойы жалғасатын болады.

Қазақстан және Қызылорда облысының жаңалықтары

4 ақпанға арналған ауа райы болжамы

Қазақстанда баспана алу кезегінде қанша адам тұр?

Қызылордада ауа райына байланысты ескерту жарияланды

Қазалы ауданы үшін былтырғы жыл табысты болды

“Спутник V” вакцинасынан кейін иммунитет екі жыл сақталады

Әлімжан Ерімбетов: Жемқорлықпен күрес – баршаға ортақ

Жалағаш ауданының әкімі халық алдында есеп берді

“42 500 теңгені кімдер қайтаруы тиіс”: мемлекеттік сақтандыру қоры түсініктеме берді

Қызылордадағы НЗМ-нің «Smart guys» тобы зияткерлер ойынында жүлделі орынға ие болды

Ұлттық банк қандай банкноттар жарамсыз болып қалғанын хабарлады

Қызылордада мемқызметтен зейнетке шығатын азаматтарға құрмет көрсету жобасы іске асырылды

Қызылордада 5 мыңнан аса жасөспірім әскери есепке алынды

Қазақстан және Қызылорда облысының жаңалықтары

4 ақпанға арналған ауа райы болжамы

Қазақстанда баспана алу кезегінде қанша адам тұр?

Қызылордада ауа райына байланысты ескерту жарияланды

Қазалы ауданы үшін былтырғы жыл табысты болды

&#8220;Спутник V&#8221; вакцинасынан кейін иммунитет екі жыл сақталады

Әлімжан Ерімбетов: Жемқорлықпен күрес &#8211; баршаға ортақ

Жалағаш ауданының әкімі халық алдында есеп берді

&#8220;42 500 теңгені кімдер қайтаруы тиіс&#8221;: мемлекеттік сақтандыру қоры түсініктеме берді

Қызылордадағы НЗМ-нің «Smart guys» тобы зияткерлер ойынында жүлделі орынға ие болды

Ұлттық банк қандай банкноттар жарамсыз болып қалғанын хабарлады

Қызылордада мемқызметтен зейнетке шығатын азаматтарға құрмет көрсету жобасы іске асырылды

Қызылордада 5 мыңнан аса жасөспірім әскери есепке алынды

“Спутник V” вакцинасынан кейін иммунитет екі жыл сақталады

Әлімжан Ерімбетов: Жемқорлықпен күрес – баршаға ортақ

“42 500 теңгені кімдер қайтаруы тиіс”: мемлекеттік сақтандыру қоры түсініктеме берді