<a href="https://kyzylorda-news.kz/">Kyzylorda-news.kz.</a>Қызылорда облыстық оңалту орталығы 2014 жылдан бастап аймақтағы ҮЕҰ-мен бірлесіп жұмыс жасап келеді. Түрлі саладағы мамандардың жұмысы орталықтағы қызмет алушылардың өмірге деген құлшынысын, іске қабілетін арттырып, жұмыс істеуге ынтасын оятты. Үкіметтік емес ұйымдардың игі істері мүмкіндігі шектеулі жандардың өмір сапасын жақсартуға ықпал етпей қоймады. 
Атап айтар болсақ, Проон БҰҰ ДБ-ның Қызылорда облысы бойынша менеджері Баян Егізбаева орталықтың ауласына жылыжай орнатып, көгалдандыру жұмыстарына атсалысты. Қазіргі таңда жылыжай өнімдері орталықтың сәнін келтіруде. Сонымен қатар жастардың бағдаршамына айналған «Zhas Project» бағдарламасы аясында жоба құру жұмыстары жүргізілді. Бұл бағдардама орталықтағы жастардың мақсатын жүзеге асыруға мол мүмкіндік берді. 
Оңалту орталығында өмірге, тұрмысқа бейімдейтін еңбекке баулу бағдарламасы барысында қызмет алушылар қолөнермен айналысады. Бағдарлама кезінде мүмкіндігі шектеулі жандардың қолынан шыққан қолөнер бұйымдарынан көрме ұйымдастырылады. Жалпы, орталықта түрлі тақырыпта көрме, жәрмеңкелер үнемі ұйымдастырылып тұрады. Солардың бірқатары «Pro BONO» қоғамдық қорының төрағасы Павел Горбачевтың қолдауымен өтті. Оның көрмедегі бұйымдары қызмет алушылардың жұмыс жасауға ынтасын оятады. Сонымен қатар «Сұңқар» әлеуметтік қамқорлық орталығы» қоғамдық қорының және оңалту орталығының ұйымдастырумен сурет, қолөнер бұйымдары жұмыстарының бірнеше көрмелері ұйымдастырылды. 
Ал «Қызылорда волонтер» қоғамдық қорының төрайымы Ольга Чебакова еріктілермен бірге орталықтың қысқы саябағын жабдықтады. Сонымен қатар орталық ауласынада сенбілік ұйымдастырды. 
Қаладағы «Арылу» қоғамдық қоры орталыққа сый жасады. қоғамдық қор төрағасы Владимир Юн қызмет алушылардың бос уақытын тиімді пайдалынуы үшін тігін машинасын сыйға тартты. Ал пішу тігу бойынша ерікті Гүлмира Мұхамедова тегін дәріс өтсе, түрлі моншақтардан қолөнер бұйымдарын жасауда ерікті Елена Захарченко сабақ өтті. 
«Жастар ресурстық орталығы» мемлекеттік мекемесінің ұйымдастырумен «Ақиқат айнасы» қоғамдық қоры қызмет алушыларға ұялы телефон жөндеуді үйретіп, олардың кәсіп жасауына ықпал етті. Қазіргі таңда олар алған ілімін өз кәделерін жаратуда. Мүмкіндігі шектеулі жандармен тығыз жұмыс жасайтын «Ұшқын» қоғамдық қоры орталықта қызмет алған 100-ге жуық жанды жұмыспен қамтыды. Бүгінде олар тұрақты түрде жұмыс жасап келеді. 
Орталықта қазргі заман талабына сай кәсіпті игерген, білім көкжигені кеңейткен жандар да жоқ емес. мәселен, «Жігер» мүгедектер қоғамдық бірлестігі ағылшын тілі, бизнес, психология пәндері және компьютер курсы, іс қағаздарын жүргізу, фото видео монтаждау, жиһаз жинау және пластик құрастыру істері бойынша қашықтықтан оқыту курсының алғашқы сабақтарын өткізді. Бұл дәрістерді орталықтың 100-ден аса қызмет алушы алып, оларға сертификаттар табысталды. 
Орталықта ем алып, сондай ақ өз кәсіпкерін ашқан жандарда бар. «Даму» кәсіпкерлікті дамыту қоры қызмет алушыларды кәсіпкерлікке бейімдеу, біліктілігін жетілдіруге байланысты арнайы курсты оқытып, сертификат табыстады. Олар қайтарымсыз несиемен өз кәсіпкерін бастап, бүгінгі күні өз істерін дөңгелетуде. Атап айтар болсақ, Н.Мүсілімова, С.Сиюов және М.Шуетов арнайы курсты тәмамдап, өз кәсіптерін жүргізуде. 
Қазіргі таңда елімізде кәсіпкерлік саласы жанданып келетіні белгілі. осы саланы жетілдіру, халықты өз кәсібіне баулу ісі нақты жолға қойылған. Осыған байланысты орталықта қызмет алушыларды да кәсіпкерлікке баулу ісі тұрақты түрде жүзеге асып келеді. «Атамекен» кәсіпкерлік палатасының қызметіне жүгінген орталық қызметкерлері де қазіргі күні өз кәсібінен береке тапқан. Орталық қызмет алушысы Т.Ақмағанбетова бизес жоспар құру, кәсіп ашу, жеке кәсіп алуға жәрдемдесу, кеңес беру мақсатында жүргізілген жедел оқыту курсын оқып, қайтарымсыз несиемен кәсіп бастады. 
Сондай-ақ қаладағы сән салондары да өз қызметтерін тегін көрсетуде. Мәселен, «Алмусаева», «Карла», «Әли», «Asel Stilist», еріктілер тобы ұйымдастырған «Әлем сізбен әдемі» сән салонының шеберлері орталықтың қызмет алушыларына шаш қию, бояу, бет әрлеу қызметтерін бүгінгі күнге дейін тегін жасауда. Мұндай игі істер әлі де жалғасын табатыны сөзсіз.
Ақмарал МЫҒЫМБАЕВА, 
Қызылорда облыстық оңалту орталығының еңбек нұсқаушысы

Қызылорда: Оңалту орталығы ҮЕҰ-мен жұмысы тұрақты

<a href="https://kyzylorda-news.kz/">Kyzylorda-news.kz.</a>Үкімет басшысы Асқар Мамин қазақстандықтарды карантин талаптарын қатаң сақтауға шақырды, деп хабарлайды <a href="https://www.inform.kz/kz/katan-karantin-sharalary-2-tamyzga-deyin-uzartyldy_a3672423">ҚазАқпарат.</a>
<blockquote>
 «Мемлекет басшысы Қасым-Жомарт Тоқаев Үкіметтің кеңейтілген отырысында алдағы кезеңге бірқатар нақты міндеттеме белгіледі. Осы тапсырмалар бойынша мемлекеттік органдардың ұсыныстарын тыңдадық. Бұл ретте ұсыныстарды ескере отырып, келесі шаруаларды тапсырамын», – деді Асқар Мамин Үкімет отырысында.
</blockquote>
Асқар Мамин алдымен коронавирус пандемиясымен күрес жүргізу үшін құзырлы органдарға бірқатар міндет жүктеді.
<blockquote>
 «Қатаң карантиндік шаралардың екінші аптасы өтіп жатыр. Вирустың таралуы бойынша жағдай күрделі. Денсаулық сақтау министрлігінің ұсынысы бойынша эпидемиологиялық ахуалды одан ары тұрақтандыру үшін шектеу шараларын тағы екі аптаға, 20 шілдеден бастап 2 тамызға дейін ұзарту туралы шешім қабылдап отырмыз. Осы ретте барлық қазақстандықтады карантин талаптарын қатаң сақтауға шақырамын. Бұл шаралар аса маңызды. Денсаулық сақтау министрлігі әкімдіктермен, мүдделі мемлекеттік органдармен карантинді одан ары жүзеге асыру үшін барлық шараларды іске асырсын», – деді ол.
</blockquote>
Үкімет басшысы дәрі-дәрмектің қажетті қоры барын айтып өтті.
<blockquote>
 «Әрі ол үнемі толықтырылып отырады. Оларды дәріханалар мен стационарларға нақты бөлу бойынша барлық шараларды қамтамасыз ету қажет. Атырау және Маңғыстау облыстарында вирусты жұқтырғандар санының артуына байланысты жағдайды тұрақтандыру үшін осы өңірлерге мамандар жіберілді. Бұл шара Атырау облысын – 102, Маңғыстау өңірін 56 маманмен жұмысты нығайтуға мүмкіндік жасайды. Аталған әкімдіктер жіберілген мамандарға көмек көрсетсін», – деді ол.
</blockquote>

Қатаң карантин шаралары 2 тамызға дейін ұзартылды

<a href="https://kyzylorda-news.kz/">Kyzylorda-news.kz.</a>Үкімет басшысы Асқар Мамин атаулы әлеуметтік көмекті қолда бар деректер негізінде алдын ала жүргізуді тапсырды, деп хабарлайды <a href="https://www.inform.kz/kz/42-500-tenge-toleu-kalay-zhuzege-asyrylady_a3672426">ҚазАқпарат.</a>
<blockquote>
 «Мемлекет басшысының тапсырмасы бойынша шектеу шаралары кезінде табысынан айырылған азаматтарға ең төменгі жалақы мөлшеріндегі 42 500 теңгені бір айға төлеу бойынша шешім қабылдап отырмыз. Төлем карантин шараларының күшейтілуіне байланысты жұмысы шектелген жұмыс берушілердің, жеке кәсіпкерлердің және өзін-өзі жұмыспен қамтығандардың өтінімі негізінде жүргізіледі. Еңбек және халықты әлеуметтік қолдау министрлігі төтенше жағдай кезеңіндегідей азаматтардың жекелеген санаттарына азық-түлік өнімдері бойынша ақшалай көмек беруді жалғастырсын. Бұл – 1 миллионнан астам адам», – деді ол. 
</blockquote>
Үкімет басшысы атаулы әлеуметтік көмекті қолда бар деректер негізінде алдын ала жүргізуді тапсырды. 
<blockquote>
 «Сондай-ақ карантин кезінде мүмкіндігі шектеулі азаматтардың мүгедектігін 3 айға автоматты түрде ұзартуды тапсырамын», – деді Асқар Мамин.
</blockquote>

42 500 теңге төлеу қалай жүзеге асырылады?

<a href="https://kyzylorda-news.kz/">Kyzylorda-news.kz.</a>ҚР Президенті Қасым-Жомарт Тоқаевтың дәрі-дәрмектерді негізсіз қымбаттатып сатқандарды анықтау және жауапқа тарту туралы тапсырмасына орай, Қызылорда облысы прокурорының өкімімен мобильді топ құрылып, алдын-алу жұмыстары жүргізілуде.
Өңірлік мобильдік топ құрамында Экономикалық тергеу, Полиция, Тауарлар мен көрсетілетін қызметтер қауіпсіздігін бақылау және Мемлекеттік кірістер департаменті өкілдері бар. 
Соңғы бір апта уақыт шамасында мобильдік топ дәріханаларда дәрі-дәрмектерді шекті бағасынан асырып сатудың және жеке тұлғалармен дәрілік заттарды сатудың 24 фактісін анықтады. 
Оның ішінде дәрілік заттарды шекті бағасынан өсіріп сатқан 10 дәріхана анықталды. 
Облыс орталығындағы дәріхананың бірінде шекті бағасы 62 теңге болатын «Аспирин» дәрісін 150 теңгеден сатса, Жаңақорған кентіндегі дәріханада шекті бағасы 4041 теңге болатын «Азитро» дәрісі 4200 теңгеден сатылған. 
Осындай фактілер Шиелі, Қазалы және Арал ауданында да тіркелді. 
Сонымен қатар, облыс көлемінде 7 дәріханада мемлекеттік кірістер органдарында тіркелген бақылау-кассалық машинасының орнатылмағаны анықталды.
“Бақылау-кассалық машинасынан шығарылатын чекте сатылған препараттың бағасы көрсетіледі. Егер чекте көрсетілген бағаға күмәніңіз болған жағдайда “Darikz. мобильді қосымшасы арқылы салыстырып, анықтауға мүмкіндігіңіз бар. Сол себепті тұрғындар дәрі сатып алған уақытта міндетті түрде чек беруін талап етуі керек”,- делінген хабарламада.
Жоғарыда аталған дәріханалардың иелеріне Мемелекеттік кірістер органдарымен заңдылықты бұзушылықтарды жою туралы хабарлама таратылуда. 
Облыс тұрғындары дәрі-дәрмек бағасына күмән келтірген жағдайда прокуратураға 8(7242)26-20-06 (WhatsApp үшін +77072815930) нөмеріне немесе 102 хабарласуына болады. 
Айта кетейік, Қызылорда облыстық прокуратурасымен құрылған мобильдік топтың жұмысы жалғасады.

Қызылорда: Дәрілік заттардың бағасын заңсыз өсіру фактілері анықталды

<a href="https://kyzylorda-news.kz/">Kyzylorda-news.kz.</a> 14 шілдеде Қызылорда облысының кей жерлерінде шаңды дауыл сақталады. Солтүстік-шығыстан жел соғады, кей жерлерде 15-20 м/с күтіледі. Күндіз 43 градус қатты ыстық күтіледі, деп хабарлайды Қазгидромет.
Күндіз солтүстік-шығыстан жел соғады, екпіні 15-20 м/с, шаңды дауыл күтіледі.​ 41 градус қатты ыстық сақталады.
Дабылды ескертудің ықтималдылығы 90-100%.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Қазақстанда оқушылар 1 қыркүйектен бастап бірінші тоқсандағы сабақты қашықтан оқитын болды, деп хабарлайды <a href="https://24.kz/kz/zha-aly-tar/bilim-zh-ne-ylym/item/409123-aza-standa-o-ushylar-birinshi-to-sandy-ashy-tan-o-ityn-boldy">“Хабар 24”</a>
Үкімет отырысында сөз сөйлеген білім және ғылым министрі Асхат Аймағамбетов басты басымдық балалар мен мұғалімдердің өмірі мен денсаулығы екенін жеткізді.
<blockquote>
 «Осыған қарай мынадай шешімдерді ұсынамын: біріншіден, шалғайда орналасқан шағын жинақты мектептерді қоспағанда 1 қыркүйектен бастап еліміздің барлық мектебіндегі 1-11 сынып оқушылары үшін оқу жылының алғашқы тоқсанын қашықтан оқыту форматында өткізу», – деді ол.
</blockquote>
Өз кезегінде Үкімет басшысы Асқар Мамин Денсаулық сақтау мен Білім және ғылым, Цифрландыру министрліктері бойынша 1 қыркүйектен бастап орта мектептерде бірінші тоқсанды қашықтан оқыту форматында өткізуге дайын болуын қамтамасыз етуді тапсырды.
<blockquote>
 «Қажет болған жағдайда бастауыш сынып оқушылары ата-аналарының жазбаша өтініштері бойынша санитарлық-эпидемиологиялық талаптарды қатаң сақтай отырып, кезекші сыныптардың қызметін қамтамасыз етуді тапсырамын», – деді ол.
</blockquote>

Оқушылар бірінші тоқсанда қашықтан оқитын болды

<a href="https://kyzylorda-news.kz/">Kyzylorda-news.kz.</a> Денсаулық сақтау министрі Алексей Цой жаңа оқу жылында барлық орта мектепте балаларды қашықтан оқытуды ұсынды, деп хабарлайды <a href="https://www.inform.kz/kz/aleksey-coy-kyrkuyekte-barlyk-mektepte-okushylardy-kashyktan-okytudy-usyndy_a3672387">ҚазАқпарат.</a>
Оның айтуынша, қазіргі уақытта елде коронавирус жұқтырғандардың саны 60 мыңнан асқан. 
<blockquote>
 «Олардың 1700-і – балалар. Мектепте дәстүрлі оқытуды бастау – балалар арасында ауру жұқтыру деңгейін арттырып, вирустың мектептен тыс та таралуына жол ашуы мүмкін. Жалпы жыл сайын жұқтырылған респираторлық вирусты инфекциямен (ЖРВИ) ауыратындардың 70 пайызы – 14 жасқа дейінгі балалар. ЖРВИ-дің маусымдық деңгейде артуы мен коронавирус инфекциясы бойынша жағдайдың күрделілігіне байланысты оқу жылының алғашқы тоқсанында аз комплектілі мектептерді есептемегенде, барлық сыныпты қашықтан оқыту жолдарын қарастырған дұрыс деп есептеймін», – деді министр Үкімет отырысында.
</blockquote>

Алексей Цой қыркүйекте барлық мектепте оқушыларды қашықтан оқытуды ұсынды

<a href="https://kyzylorda-news.kz/">Kyzylorda-news.kz</a>.Қызылорда қаласында 26 жастағы жігіт суға батып кетті.Оқыс оқиғаны Қызылорда облыстық Төтенше жағдайлар департаменті өрт сөндіру және авариялық-құтқару жұмыстары қызметі хабарлады. 
«Оқиға облыс орталығындағы «ПМК-29» саяжайы аумағындағы Қалғандария көлінде болды. Сол аумақта 7 жігіт бас қосқан. Олардың бірі шомылуға арналмаған аумақта суға түскен. Суға түсу кезінде 1994 жылы туған жігіт жағаға қайта жете алмаған», – делінген хабарламада. 
Оны іздестіруге облыстық Төтенше жағдайлар департаменті өрт сөндіру қызметі жедел-құтқару жасағынан 6 құтқарушы қайықпен және арнайы техникамен келді. Іздеу барысында марқұмның денесі оқиға орнынан шамамен 30 метрдей қашықтықтан 2 метр тереңдіктен табылды. 
Айта кетейік, жыл басынан бері Қызылорда облысында 17 адам суға кетті. Оның 7-еуі – бала.

Қызылордада көлге түскен жігіт суға батып кетті

<a href="https://kyzylorda-news.kz/">Kyzylorda-news.kz.</a> Республиканың басым бөлігі әлі де антициклоның әсерінде болғандықтан, 14 шілде күні жауын-шашынсыз, ыстық ауа райы сақталады. Елдің тек батысы мен шығысында найзағай, жаңбыр күтіледі. Кей жерлерде екпінді жел соғады. Оңтүстікте және батыста шаңды дауыл тұрады, деп хабарлайды Қазгидромет. 
Жамбыл, Түркістан, Қызылорда, Маңғыстау облыстарының кей жерлерінде шаңды дауыл күтіледі, жел 15-20 м/с күшейеді. 
Атырау, Батыс Қазақстан облыстарында желдің күші 15-20 м/с артады. 
Атырау облысында шаңды дауыл тұрады. Қарағанды, Шығыс Қазақстан облыстарында, күндіз Ақмола, Павлодар, Алматы, Ақтөбе, Қостанай облыстарының кей жерлерінде жел 15-20 м/с күшейеді. 
Күндіз Қызылорда облысында, Маңғыстау, Ақмола, Қостанай, Солтүстік Қазақстан облыстарында, Қарағанды облысының оңтүстігінде қатты ыстық күтіледі. 
Атырау, Батыс Қазақстан, Ақтөбе облыстарында – қатты, оңтүстікте өте қатты ыстық күтіледі. 
Атырау облысында, Қызылорда, Қарағанды, Түркістан, Жамбыл, Алматы облыстарының кей жерлерінде, Ақтөбе, Батыс Қазақстан облыстарының оңтүстігінде жоғары өрт қаупі сақталады.

14 шілдеге арналған ауа райы болжамы

1997 жылы Қазақстан Республикасы Президенті Нұрсұлтан Назарбаевтың Жарлығымен «Қазатомөнеркәсіп» ұлттық атом компаниясы құрылды.
&nbsp;2005 жылы Алматыда Орталық Азиядағы адам құқығын қорғайтын Мұсылман комитетінің бас кеңсесі ашылды. Комитет мүшелері болып заңгерлер, теологтар және діни қауым өкілдері тіркелді. Ұйымның мақсаты -азаматтардың ұлтына, дініне және саяси тиістілігіне қарамастан құқығын қорғау.
&nbsp;2009 жылы Е.Бөкетов атындағы Қарағанды мемлекеттік университетінің археологтар экспедициясы Нұра өзенінің ортаңғы ағысының тұсынан сақ дәуірінің жәдігерлерін тапты. Самарқанд және Тегісжол ауылдарының арасындағы Темірқаш шатқалында жүргізілген қазба жұмыстарының нәтижесінде темір қорамсақ, жебенің ұшы, жас сарбаз белбеуінің айылбасы сияқты заттар табылған. Археологтар бұл жәдігерлерге 2 мың жылдан астам уақыт болған деп пайымдады.
2011 жылы Қазақстан аумағында ақын, журналист, драматург және композитор Қасым Аманжоловтың туғанына 100 жыл толуына орай пошта маркасы қолданысқа енгізілді.

14  шілде: Ел тарихында орын алған оқиғалар

<a href="https://kyzylorda-news.kz/">Kyzylorda-news.kz</a>&nbsp;ақпараттық агенттігінің 4 ақпанға арналған жұлдыз-жорамалы. 
Тоқты 
Өз бетіңізше жұмыс жасайсыз. Ешкімге арқа сүйемейсіз. Өз күшіңізге сеніп, мол табысқа жетесіз.
Торпақ 
Аздаған қиындықтар туындайды. Жұмыстың көптігінен жүйкеңіз сыр береді. Соның кесірінен жақындарыңызбен сөзге келіп қалуыңыз мүмкін. 
Егіздер 
Барлық шаруаны бір мезгілде шешуге тырысасыз. Бірақ оның кесірі тиюі мүмкін. Көп жерде қате жібересіз. Абзалы бір жұмысқа ғана тиянақты болғаныңыз жөн. 
Шаян 
Күніңіз керемет өтеді. Бірақ қолыңыздан келмейтін іске араласпағаныңыз жөн. Сонымен қатар айналаңыздағы адамдарға сене бермеңіз.
Арыстан 
Керемет жемісті күн. Барлық шаруаны оңай орындап, өзгелерге де көмек көрсетесіз. Бұрын алған тәжірибелеріңіз пайдаңызға жарайды. 
Бикеш 
Қызықты оқиғалар орын алады. Бұған дейін құрған жоспарларыңызды өзгертуге тура келеді. Бірақ қобалжымаңыз. 
Таразы 
Қаржылық мәселелерді шешуге асықпаңыз. Ақшаға қатысты мәселеде «Жеті рет өлшеп, бір рет кес» қағидасын ұстаныңыз. 
Сарышаян 
Отбасыңызға көңіл бөліңіз. Олар сіздің қолдауыңызды қажет етеді. Бүгін кей жұмыста қандай шара қолдану қажет екенін анық білесіз. 
Мерген 
Егер кәсіп ашу немесе инвестиция құю бойынша жұмыс жасайтын болсаңыз, көздегеніңізге жетесіз. Жылжымайтын мүлікке де біраз қаржы құюға болады. 
Тауешкі 
арттырғысы келген жандарға мүмкіндік туып тұр. Терең ойлансаңыз, қосымша табыс табудың амалын қарастыруға болады 
Суқұйғыш 
Сақтанып жүріңіз. Бұл күн маңызды шешім шығаруға қолайлы емес. Сонымен қатар өміріңізді өзгертуге тырыспаңыз. 
Балықтар 
Айналаңыздағы адамдарға көп үміт артасыз. Барлығы сіз ойлағандай болмауы мүмкін. Сондықтан көп сенім арта бермеңіз.

Жұлдыздар не дейді?

Kyzylorda-news.kz. Мемлекет басшысы Қасым-Жомарт Тоқаев карантин тағы екі аптаға созылатынын мәлімдеді.
<blockquote>
 «Еліміздегі эпидемиологиялық ахуалға байланысты карантин режимі тағы екі аптаға созылып, шілденің соңына дейін жалғасады. Ертең Үкіметтік комиссия шешім қабылдайды. Азаматтарымыз денсаулығын сақтау үшін карантиннің негізгі талабы – өзін-өзі оқшаулау шарасын қатаң ұстануы қажет» деп жазды&nbsp;<a href="https://mobile.twitter.com/TokayevKZ">Twitter</a>&nbsp;парақшасында Қасым-Жомарт Тоқаев.
</blockquote>

Қазақстан және Қызылорда облысының жаңалықтары