<a href="https://kyzylorda-news.kz/">Kyzylorda-news.kz</a> Партия алаңында халықты әлеуметтік қорғау саласындағы реттеу және бақылау комитетінің Қызылорда облысы бойынша департаментінің басшысы Бекболат Шәріпбеков азаматтарды жеке мәселелері бойынша қабылдау өткізді.Қабылдауға келген тұрғындар денсаулық сақтау саласына қатысты, мүгедектікке шығу заңдылықтары мен зейнеткерлікке жұмыс өтілінің есептелуі жайында мәселелер көтерді.Департамент басшысы тұрғындардың өтініш-тілектерін тыңдап, қолданыстағы заңнамалар аясында түсіндірме жүргізіп, құзырлы органдар арқылы мәселелердің шешілуіне жұмыс жасалатынын жеткізді.

Азаматтарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Астанада Конституциялық комиссияның екінші отырысында Ата заңға енгізуге ұсынылған түзетулерді жан-жақты қаралды. Бұл түзетулер қоғам өкілдерінен, саяси партиялардан және сарапшылар қауымдастығынан келіп түскен көптеген ұсыныстардың барлығы ескеріле отырып қалыптастырылды.ҚР Конституциялық Сотының төрайымы Эльвира Азимованың хабарлауынша, Комиссияға екі мыңнан астам ұсыныс келіп түскен, олардың барлығы біртұтас Жинақталған кестеге біріктірілді.<blockquote>«Азаматтар мен сарапшылардың белсенді қатысуы конституциялық реформаның жоғары қоғамдық маңызын растайды. Мұндай диалог форматы негізгі қағидатты айқындайды: конституциялық реформа ең алдымен халықтың мүддесі үшін және оның тікелей қатысуымен жүргізіледі», – деді Эльвира Азимова.</blockquote>Отырыс барысында Әділет министрі Ерлан Сәрсембаевтың, Сенат депутаты Нұрлан Бекназаровтың және Мәжіліс депутаты Снежанна Имашеваның баяндамалары тыңдалды.Атап айтқанда, Әділет министрі түзетулерді Конституцияның Үкіметтің, Конституциялық Соттың, прокуратура органдары мен сот билігінің жекелеген функцияларын, құқық қорғау тетіктерін, жергілікті өзін-өзі басқаруды, жекелеген аумақтарда арнайы құқықтық режим белгілеу қағидаттарын, сондай-ақ Конституцияға өзгерістер мен толықтырулар енгізу тәртібін реттейтін бөлімдері мен баптарына енгізу ұсынылып отырғанын айтты.Оның айтуынша, түзетулердің жекелеген блогы болашақ бір палаталы Парламент – Құрылтайдың қызметіне қатысты болады. Мысалы, төрағаны тағайындау тәртібі, депутаттық корпусты қалыптастыру және өзге де рәсімдік мәселелер регламенттеледі.Үкіметтің функцияларын реттеу бөлігінде мемлекеттік бағдарламаларды бекіту, сондай-ақ мемлекеттік комитеттерге қатысты өкілеттіктерді алып тастау ұсынылады.Сонымен қатар, Конституцияда сот билігінің әкімшілік сот ісін жүргізу арқылы жүзеге асырылатыны тікелей көрсетілуі ұсынылады. Бұл құқық үстемдігі қағидатын нығайтуға және мемлекет пен азамат арасындағы нақты теңгерімді қамтамасыз етуге бағытталған маңызды қадамдардың бірі болмақ.Ерлан Сәрсембаевтың айтуынша, ұсынылып отырған өзгерістер мемлекеттік жүйенің тиімділігін кешенді түрде арттырады.<blockquote>«Қоғам үшін бұл мемлекеттің сыртқы немесе ішкі жағдайларға қарамастан, дәйекті әрі құқықтық алаңда әрекет ететініне деген болжамдылық пен толық сенімді білдіреді. Әлеуметтік міндеттемелер орындалады, экономикалық үрдістер жалғасады, халықаралық міндеттемелер сақталады», – деді әділет министрі.</blockquote>Өз сөзінде Сенат депутаты Нұрлан Бекназаров бір палаталы Парламентке көшуге байланысты Конституцияның тиісті баптарына көптеген өзгерістер енгізу жоспарланып отырғанын атап өтті.Ұсынылатын тәртіпке сәйкес, Құрылтай Конституциялық заңда белгіленген тәртіппен бірыңғай жалпыұлттық сайлау округі бойынша пропорционалды өкілдік жүйесі арқылы сайланатын 145 депутаттан құралады. Депутаттардың өкілеттік мерзімі бес жылды құрайды.Нұрлан Бекназаров сондай-ақ Конституцияға Халық кеңесінің өкілеттіктері туралы жеке бөлім енгізу оның айрықша маңызын айқындайтынына назар аударды.<blockquote>«Халық кеңесі – Қазақстан халқының мүдделерін білдіретін жоғары консультативтік орган, оның құрамы Қазақстан Республикасының азаматтарынан қалыптастырылады. Халық кеңесін құру тәртібі, оның құрамы, өкілеттіктері және қызметін ұйымдастыру мәселелері Конституциялық заңмен бекітіледі», – деді ол.</blockquote>Мәжіліс депутаты Снежанна Имашева Конституциялық комиссия мүшелеріне бірінші отырыстың қорытындысы бойынша әзірленген түзетулердің салыстырмалы кестесін таныстырды.Оның айтуынша, жинақталған ұсыныстар Қазақстанның конституциялық құрылысының негіздерін нақтылау мен нығайтуға, жекелеген нормалардың құқықтық айқындығын арттыруға және құқық қорғау тетіктерін күшейтуге бағытталған.Ерекше назар Преамбуланы күшейтуге, құқықтық және зайырлы мемлекет қағидаттарын бекітуге, адам қадір-қасиетін, өмір сүру құқығын, жеке бостандық пен қол сұғылмаушылықты, сондай-ақ жеке өмір мен дербес деректерді қорғауға аударылды.<blockquote>«Ұсынылып отырған өзгерістер конституциялық нормалардың іс жүзінде қолданылуын күшейтуге және оларды түсіндіруде бірыңғай тәсілдерді қалыптастыруға бағытталған», – деп түйіндеді Снежанна Имашева.</blockquote>Конституциялық комиссияның мүшелері жекелеген жұмыс секциялары шеңберінде Негізгі заңға ұсынылған түзетулерді талқылауға кірісті. Келесі отырыс бүгін сағат 16.00-де өтеді.

Конституциялық комиссия түзетулер жобасын талқылауға кірісті

<a href="https://kyzylorda-news.kz/">Kyzylorda-news.kz</a> Бүгін аймақ басшысы Нұрлыбек Машбекұлының тапсырмасына сәйкес облыс әкімінің бірінші орынбасары Данияр Жаналиновтың төрағалығымен пайдалануға берілген әлеуметтік нысандар мен тұрғын үйлердің қазіргі жай-күйі талқыланған мәжіліс өтті. Жиынға жауапты сала басшылары қатысып, нақты тапсырмалар жүктелді.«Пайдалануға берілген және құрылысы жүргізіліп жатқан әлеуметтік нысандарға, тұрғын үйдің сапасына кешенді зерделеу жүргізіңіздер. Барлық нысанның жоба-сметалық құжаттамаға және қолданыстағы құрылыс нормаларына сәйкестігі қатаң бақылануы тиіс. Өйткені мемлекет қаржысына салынған нысандар халықтың игілігіне қызмет етеді. Кепілдік мерзімі аясында мердігер ұйымдар анықталған кемшіліктерді толық жойып, атқарылған жұмыстарға тұрақты мониторинг жүргізуі керек», – деді Д. Жаналинов.Мемлекет басшысының, Үкіметтің қолдауының нәтижесінде аймақта құрылыс қарқыны жыл сайын артып келеді. 2022 жылдан бері өңірде 200-ге жуық әлеуметтік нысан салынған. Тұрғындарды баспанамен қамтамасыз етуге бағытталған мемлекеттік әлеуметтік саясаттың жемісі ретінде кейінгі жылдары тұрғын үй кезегінде тұрған азаматтарға 5 мыңнан астам пәтер табысталғанын атап өту керек.2023 жылы барлық ауданда алғаш рет 1 800-ге жуық пәтер тұрғындарға пайдалануға берілді. Өткен жылы 3 600 пәтерлік тұрғын үйлер құрылысына бюджеттен 58 млрд 785 млн теңге бөлінді. Кезекте тұрған азаматтарға 2 392 пәтер табыстау үшін 57 млрд 440 млн теңге қаржы жоспарланған.Ерекше атап өту қажет, былтырдан бастап Қызылорда қаласында заманауи сәулеттік үлгідегі жеті, тоғыз және он екі қабатты тұрғын үйлер құрылысы қарқын алып келеді.Фото: Қызылорда облысы әкімінің баспасөз қызметі

Әлеуметтік нысандар мен тұрғын үйлердің сапасы қатаң бақылауда

<a href="https://kyzylorda-news.kz/">Kyzylorda-news.kz</a> Өскемен қаласында мерзімді әскери қызмет атқарып жүрген сарбаз қаза тапты. Бұл туралы <a href="https://stan.kz/shigis-kazakstanda-sarbaz-kizmet-barisinda-ozin-atip-zh-429329/">Stan.kz </a>ақпарат агенттігі хабарлады.Құрлық әскерлерінің баспасөз қызметінің мәліметіне сенсек, сарбаз оқиға орнында көз жұмған.<blockquote>"3 қаңтар күні Өскемен гарнизонындағы әскери бөлімдердің бірінде қарауыл қызметін атқару кезінде мерзімді әскери қызметкер өзіне бекітілген қарудан өзін-өзі атып жіберген. Алған жарақаттарынан ол оқиға орнында көз жұмды", – делінген хабарламада.</blockquote>Марқұм сарбаз өткен жылдың сәуір айында мерзімді әскери қызметке шақырылған.Аталған дерек бойынша Ішкі істер министрлігі Шығыс өңірлік әскери-тергеу басқармасының Өскемен бөлімі қылмыстық іс қозғады. Сотқа дейінгі тергеу барысы Өскемен гарнизонының әскери прокуратурасының бақылауында. Оқиғаның себептері мен мән-жайы анықталып жатыр. Тергеу мүддесіне байланысты өзге ақпарат жарияланбайды.Қорғаныс министрінің тапсырмасымен оқиға орнына вице-министр Асқар Мұстабековтің жетекшілігімен арнайы комиссия жіберілді.Қорғаныс министрлігі мен Қарулы күштері қаза болған сарбаздың туған-туыстары мен жақындарына көңіл айтты. Отбасына қолданыстағы заңнамаға сәйкес қажетті көмек көрсетіледі.Фото:&nbsp;Pexels.com

Шығыс Қазақстанда сарбаз қарауыл кезінде өзін атып жіберген

<a href="https://kyzylorda-news.kz/">Kyzylorda-news.kz</a> Сенат депутаты Нұрлан Бекназаров Конституциялық реформа жөніндегі комиссияның екінші отырысында Құрылтай төрағасына қойылатын ең негізгі талапты атады.<blockquote>- Құрылтайды мемлекеттік тілді еркін меңгерген депутаттар арасынан Құрылтай депутаттарының жалпы санының көпшілік даусымен жасырын дауыс беру арқылы сайланған төраға басқарады. Құрылтай төрағасы лауазымына кандидатураны ҚР Президенті ұсынады, - деді ол.</blockquote>Айтуынша, Конституцияда Құрылтай төрағасының қызметін реттейтін регламент те нақтыланады.<blockquote>- Ұсыныстармен Құрылтайдың бірінші сессиясын ҚР Президенті сайлау қорытындысы жарияланған күннен бастап 30 күннен кешіктірмей шақыруы, Құрылтайдың кезекті сессияларын өткізу мерзімі нақтыланған, - деді Нұрлан Бекназаров.</blockquote>Айта кету керек, бұл айтылып отырған нормалардың бәрі әзірге ұсыныс қана. Нормалардың қайсысы қабылданып, қайсысы Ата заңға енбейтінін референдум шешеді.Фото: Конституциялық сот

Құрылтай төрағасы қазақ тілін жетік білу керек – Парламенттік реформа  

<a href="https://kyzylorda-news.kz/">Kyzylorda-news.kz</a> Парламент Сенатының депуаты, Нұрлан Бекназаров Конституциялық комиссия отырысында «Құрылтай», «Халық кеңесі» бөлімдеріндегі нормаларға тоқталды.Комиссия мүшесінің айтуынша, бір палаталы Парламентке өтуге байланысты қолданыстағы Конституцияның «Парламент» бөлімінің бірқатар баптарына оның құрылуы, сайлануы,құзіреті, өкілеттігі, заң қабылдау процестері мен құрамына қатысты маңызды өзгерістер енгізу көзделген.Бірқатар баптардың күші тұтастай алынып тасталады.<blockquote>«Жобаға сәйкес, Қазақстан Республикасының Құрылтайы – Қазақстан Республикасының заң шығару билігiн жүзеге асыратын ең жоғары өкiлдi органы болып саналады.Құрылтайдың өкілеттігі оның бірінші сессиясы ашылған кезден басталады және жаңадан сайланған Құрылтайдың бірінші сессиясының жұмысы басталған кезде аяқталады. Құрылтайдың ұйымдастырылуы мен қызметі, оның депутаттарының құқықтық жағдайы Конституциялық заңда айқындалады», – деді Нұрлан Бекназаров.</blockquote>Құрылтай конституциялық заңда белгіленген тәртіппен біртұтас жалпыұлттық сайлау округінің аумағы бойынша пропорционалды өкілдік ету жүйесімен сайланатын 145 депутаттан жасақталады. Депутаттардың өкілеттік мерзімін бес жыл етіп белгілеу ұсынылған.Сонымен бірге, Комиссия отырысында Құрылтай депутаттарын сайлау мерзімдері мен дауыс беру тәртібі, Құрылтай Төрағасын сайлау, үміткерлерге қойылатын талаптар мен тыйымдар талқыланды.Сондай-ақ, Президент жаңа реформалар аясында қоғамымыздың елеулі дамуына, елдің ынтымақ-бірлігін нығайтуға ықпал ететін қоғамдық-саяси бірлестіктер мен белсенділерді біріктіретін жаңа жоғары консультативтік орган – Қазақстан Халық кеңесін құруды ұсынған еді. Депутат Ата заңға Халық Кеңесінің өкілдігіне, құзіретіне, қатысты жеке бөлімнің енгізілуі консультативтік органның маңыздылығын айқындайтынын жеткізді.<blockquote>«Қазақстан Республикасының Халық Кеңесі – Қазақстан халқының мүддесін білдіретін жоғары консультативтік орган болып белгіленеді және оның құрамы Қазақстан Республикасының азаматтарынан жасақталады.Халық Кеңесін құру тәртібі және оның құрамы, өкілеттігі мен қызметін ұйымдастыру мәселелерін айқындайтын заңға Конституциялық мәртебе берілгенін ерекше атап өту қажет», – деді Нұрлан Бекназаров.</blockquote>

Конституциялық комиссия екінші отырысында «Құрылтай», «Халық кеңесі» бөлімдері бойынша нормаларды талқылады

<a href="https://kyzylorda-news.kz/">Kyzylorda-news.kz</a> Конституциялық комиссияның екінші отырысында ҚР Әділет министрі Ерлан Сәрсембаев Негізгі заңға бірқатар негізгі өзгерістерді ұсынды. Аталған өзгерістер азаматтардан, саяси партиялардан, қоғамдық ұйымдар мен сарапшылардан түскен ұсыныстарды ескере отырып әзірленді.Атап айтқанда, Үкіметтің, Конституциялық соттың, прокуратура және сот билігі органдарының жекелеген функцияларын, құқық қорғау тетіктерін, жергілікті өзін-өзі басқаруды, жекелеген аумақтарда арнайы құқықтық режим белгілеу қағидаттарын, сондай-ақ Конституцияға өзгерістер мен толықтырулар енгізу тәртібін регламенттейтін Конституцияның бөлімдері мен баптарына өзгерістер енгізу ұсынылады.Түзетулердің жеке блогы болашақ бір палаталы Парламенттің – Құрылтайдың қызметіне қатысты болады. Мысалы, төрағаны тағайындау, оның депутаттық корпусын қалыптастыру тәртібі және өзге де рәсімдік жағдайлар айқындалады.Ерлан Сәрсембаевтың айтуынша, Конституцияға өзгерістер мен толықтырулар енгізу тәртібінің маңыздылығын ескере отырып, тиісті регламенттеуші нормаларды жеке бөлімге бөлу ұсынылады.Үкімет функцияларын регламенттеуді өзгерту шеңберінде мемлекеттік бағдарламаларды бекітуді, сондай-ақ мемлекеттік комитеттерге қатысты өкілеттіктерді алып тастау ұсынылады. Атап айтқанда, олардың қызметін басқару, актілерінің күшін жою және тоқтата тұру.<blockquote>«Мемлекеттік жоспарлаудың жаңа жүйесіне сәйкес мемлекеттік бағдарламалар аталған жүйенің құжаттары болып табылмайды. Мұндай бағдарламалар қажеттілігіне қарай әзірленіп, бекітілетін болады», – деп атап өтті әділет министрі.</blockquote>Ерлан Сәрсембаев Қазақстанда 2021 жылдан бастап мамандандырылған әкімшілік соттардың енгізілуі құқық үстемдігі қағидатын нығайтудағы және мемлекет пен азамат арасындағы нақты теңгерімді қамтамасыз етудегі маңызды қадам болғанын еске салды.<blockquote>«Осыған байланысты Конституцияның тиісті бабында сот билігі әкімшілік сот ісін жүргізу арқылы жүзеге асырылатынын тікелей көрсету ұсынылады. Бұл әкімшілік соттарға конституциялық-құқықтық мәртебе береді, жария-құқықтық дауларда азаматтардың құқықтарын қорғау кепілдіктерін арттырады және қоғамның сот билігіне сенімін нығайтады», – деп атап өтті министр.</blockquote>Жалпы, Ерлан Сәрсембаевтың айтуынша, енгізілетін өзгерістер мемлекеттік жүйенің тиімділігін күшейтеді, ол тек қана жеке тұлғалардың емес, жария билік институттарының сапасына байланысты болады.<blockquote>«Қоғам үшін бұл мемлекеттің сыртқы немесе ішкі жағдайларға қарамастан дәйекті әрі құқықтық тұрғыда әрекет ететініне болжамдылық пен сенімділікті білдіреді. Әлеуметтік міндеттемелер орындалуда, экономикалық процестер жалғасуда, халықаралық міндеттемелер сақталуда», – деп қорытындылады әділет министрі.</blockquote>

Әділет министрі: Конституцияға енгізілетін өзгерістер мемлекеттік жүйенің тиімділігін күшейтеді

<a href="https://kyzylorda-news.kz/">Kyzylorda-news.kz</a> Қызылорда облысының Арал ауданында көпбейінді аудандық орталық ауруханада 25 төсектік инфекциялық бөлімше ашылды.Жаңа бөлімше жіті инфекциялық аурулар кезінде ересектер мен балаларға жедел медициналық көмек көрсетуге, ерте анықтау және емдеуді бастау арқылы аурудың асқынуы мен ауыр ағымының қаупін азайтуға мүмкіндік береді.Инфекциялық бөлімшенің құрылысы 2,3 млрд теңге сомаға қайтарылған активтердің есебінен қаржыландырылды.Сонымен қатар, «Ауылдық денсаулық сақтауды жаңғырту» ұлттық жобасының шеңберінде аудандық ауруханада кардиологиялық және инсульттік бөлімшелерді орналастырумен қосымша құрылыс аяқталды. Осы мақсаттарға қайтарылған активтердің есебінен 2,1 млрд теңге бөлінді.Соңғы жылдары аурухана үшін 206 млн теңгеге медициналық жабдық сатып алынды, бұл материалдық-техникалық базаны айтарлықтай нығайтуға мүмкіндік берді. Енді аудан тұрғындары облыс орталығына немесе басқа қалаларға бармай-ақ тұрғылықты жері бойынша мамандандырылған медициналық көмек ала алады.Соңғы үш жылда Қызылорда облысының денсаулық сақтау жүйесін дамытуға 450,1 млрд теңге жұмсалғанын, бұл халықты толғандыратын өзекті мәселелерді дәйекті түрде шешуге мүмкіндік беретінін айта кеткен жөн.

Арал аудандық ауруханасында қайтарылған активтердің есебінен инфекциялық бөлімше салынды

<a href="https://kyzylorda-news.kz/">Kyzylorda-news.kz</a> Журналист Руслан Өтепбай әлеуметтік желіде тарап жатқан Құндыздың жағдайына байланысты алаңдаушылық білдірді. Ол Тараз қаласындағы жауапты мемлекеттік органдарды бұл жайтты назардан тыс қалдырмауға шақырды, деп хабарлады&nbsp;<a href="http://sn.kz/">Sn.kz</a>&nbsp;ақпарат порталы.Желіде баланың қолы мен аяғы, сондай-ақ аузы скочпен байланғаны көрінетін фото жарияланған. Оқиғаның мән-жайын анықтау мақсатында журналист Құндыздың қамқоршысы Зүльфиямен тілдескен.Алайда қамқоршының жауабы Руслан Өтепбайдың күдігін сейілтпеген.<blockquote>«Байлаған мен емес деп отыр. Бірақ айтқандары бір-біріне сәйкес келмейді. Мен бұл сөздерге сенбеймін», – дейді ол.</blockquote>Осыған байланысты журналист Тараз қаласының қорғаншылық және қамқоршылық органдары мен полиция департаментін жағдайды жан-жақты тексеруге шақырды.Сондай-ақ Руслан Өтепбай бұл істі жеке бақылауына алатынын айтып, жақын уақытта Тараз қаласына баруды жоспарлап отырғанын мәлімдеді.Коллаж: SN.kz

«Құндыздың қол-аяғын байлап тастаған»: Руслан Өтепбай шұғыл хабар таратты 

<a href="https://kyzylorda-news.kz/">Kyzylorda-news.kz</a> &nbsp; Қызылорда облысында «Мен есірткіге қарсымын!» тақырыбында жас журналистер арасында облыстық есірткіге қарсы байқау қорытындыланды. Бұл сайыс жастар арасында салауатты өмір салтын насихаттау мен нашақорлықтың алдын алу мақсатында өткізілді.Байқауды Қызылорда облысы Полиция департаментінің нашақорлыққа қарсы күрес басқармасы ұйымдастырды. Қатысуға облыстың орта және кәсіптік-техникалық оқу орындарының 14-тен 18 жасқа дейінгі оқушылар мен студенттері шақырылды.Қатысушыларға қойылған талаптар – есірткіге қарсы мақала жазу, оны БАҚ-та жариялау және әлеуметтік желілерде бөлісу болды. Барлық жұмыстар тек қана нашақорлық зияны туралы ақпарат беріп қана қоймай, жас ұрпақты салауатты және белсенді өмір салтын таңдауға ынталандырды.Сайыс екі кезеңде өтті. Бірінші кезеңде үздік жұмыстар жергілікті білім бөлімдері арқылы іріктелді. Екінші кезеңге 36 мақала жіберілді, ал сайыстық комиссиясы 24 үздік жұмыс деп бағалады.<img src="https://knadmin.beoblood.kz/uploads/Antinarkoticheskij_konkurs_yunyh_zhurnalistov_Ya_protiv_narkotikov_2328e5a73e.jpg" alt="Антинаркотический конкурс юных журналистов «Я против наркотиков!».jpg">Облыстық есірткіге қарсы жас тілшілер байқауының жеңімпаздары: Болатбекова Жанель (Қармақшы ауданы №105 орта мектеп), Әбді Алпамыс (Қармақшы ауданы №273 орта мектеп), Бекарысова Маржан (Халықаралық «ORDA» жоғары колледжі), Бақыт Бекнұр (Арал ауданы№63 орта мектеп), Жеткерген Сырым (Арал ауданы №63 орта мектеп), Садықова Гүлназира (Арал ауданы №59 орта мектеп), Серікова Ақұлман (Арал ауданы №292 орта мектеп), Жасарал Айлин (Қазалы ауданы №165 орта мектеп) және Шахмаран Жансезім (Сырдария ауданы №35 мектеп-лицей). Бұл жасөспірімдер журналистикадағы таланттарын ғана емес, сонымен қатар қоғамға белсенді қатысу қабілеттерін, маңызды тақырыптарды көтеру және салауатты өмір салтын насихаттау ынтасын көрсетті.Ұйымдастырушылардың айтуынша, осындай байқаулар жастардың бастамашылдығын дамытып, сыни ойлау қабілетін жетілдіруге және қоғам өміріне белсенді араласуға мүмкіндік береді. Ең бастысы – әрбір жас адамға «Мен есірткіге қарсымын!» деп айтуға мүмкіндік береді.

Жас журналистер арасындағы байқау қорытындыланды

<a href="https://kyzylorda-news.kz/">Kyzylorda-news.kz</a> &nbsp;"Қайсар" футбол клубы тәжірибелі нигериялық жартылай қорғаушы Виктор Мозесті өз құрамына қосты.&nbsp;Қызылордалық команда 35 жастағы футболшымен ресми түрде келісімшартқа отырды. Виктор Мозес “Қайсар” сапында &nbsp;11-нөмірмен ойнайды.Виктор Мозес кәсіби жолын Англия Чемпионшипінде "Кристал Пэлас" клубында бастады. Ол жоғарғы деңгейде ойын өрнегін көрсетіп, "Уиган Атлетик” сапына ауысты. Ал 2010 жылы Англия Премьер-лигасында алғаш рет алаңға шықты.2012 жылы лондондық "Челси" Мозесті өз қатарына қосып, онымен келісімшартқа отырды."Челсидегі" алғашқы маусымында барлығы 10 гол соғып, жоғарғы деңгейде ойнады. Алайда оны клуб соңғы жылдары "Ливерпуль", "Сток Сити" және "Вест Хэм Юнайтед" клубтарына жалға берді.2016–2017 маусымында "Челсиге" қайта оралып, клубтың Англия Премьер-лигасында топ жаруына зор септігін тигізді. Футболшы сол маусымда 34 матч өткізді. Кейін Мозес "Фенербахче", "Интер" (Милан) және Мәскеудің "Спартак" клубтарында доп тепті.Клубтық мансабы барысында Мозес жалпы саны 495 матчқа қатысып, 62 гол соғып, 47 нәтижелі пас берді.Сондай-ақ ол Нигерия ұлттық құрамасы сапында 38 ойын өткізіп, 12 голдың авторы атанып, 5 нәтижелі пас берген.Фото: "Қайсар" ФҚ

Виктор Мозес: «Қайсарды» таңдауыма алға қойған мақсаты әсер етті  

<a href="https://kyzylorda-news.kz/">Kyzylorda-news.kz</a> Мемлекеттің барлық діни бірлестіктерге қатысты ұстанымы бейтарап болып қалуға тиіс. Бұл қоғамдық келісімнің, тұрақтылық пен мемлекеттік институттарға деген сенімнің кепілі.&nbsp;Осыған байланысты&nbsp;«Қазақстан заңгерлер одағы» республикалық қоғамдық бірлестігінің төрағасы Серік Ақылбай&nbsp;Конституциялық Комиссияның бірінші отырысында&nbsp;Ата заңға&nbsp;дінді мемлекеттен&nbsp;бөлу&nbsp;туралы норманы енгізуді&nbsp;ұсынды.Сарапшының пікірінше, Конституция жоғары заң күші актісі ретінде осындай&nbsp;сезімтал салада кеңейтілген түсіндірулерге жол бермеуі тиіс.&nbsp;Мәселе&nbsp;Конституцияда бекітілген зайырлылық қағидатын анағұрлым нақты және айқын құқықтық ресімдеуде.<blockquote>«Біз діннің мемлекеттен бөліну қағидатын тікелей бекіту – бұл дін ұстанушылардың құқықтарын шектеу емес, керісінше, билік тарапынан оларға тең көзқарасты қамтамасыз етудің құқықтық кепілі екенін түсінуіміз қажет. Көпконфессиялы қоғамда мемлекет бейтарап төреші ретінде әрекет етуге міндетті. Менің судьялық тәжірибем растағандай, мемлекеттік аппарат пен діни догмалар арасындағы нақты аражік қана азаматтық келісім мен қоғамдық тұрақтылықты сақтауға мүмкіндік береді. Осы қағидатты бекіте отырып, біз қоғамға айқын белгі береміз: заң баршаға ортақ, ал мемлекеттік шешімдер азаматтардың діни ұстанымдарына қарамастан, тек олардың ұтымды мүдделері негізінде қабылданады», –&nbsp;деді&nbsp;Серік Ақылбай.</blockquote>Аталған ұсыныстың қоғамдық маңыздылығы туралы айта келе, ол қоғамдық келісім мен құқықтық тұрақтылықты нығайту қажеттілігіне негізделгенін атап өтті. Дінді мемлекеттен бөлу қағидатын конституциялық бекіту мемлекет мәлімдеген бағыттың қисынды әрі дәйекті дамуы болар еді.<blockquote>«Мемлекет басшысы ел алдында сөйлеген сөздерінде мемлекеттің зайырлы сипаты қазақстандық мемлекеттіліктің іргелі қағидаты екенін бірнеше рет атап өтті. Атап айтқанда, Ұлттық құрылтайдың өткен отырысында Мемлекет басшысы еліміздің зайырлы сипатын айқындайтын нормаларды сақтау және күшейту қажеттігін ерекше көрсетті. Бұл ұстаным зайырлылықтың жай ғана формалды белгі емес, тұрақты дамудың, қоғамдық бірліктің және заң алдында баршаның теңдігінің маңызды негізі екенін айғақтайды», – деп түйіндеді ол.</blockquote>Серік Ақылбай осы тұрғыда халықаралық тәжірибеден көрнекі мысалдар келтірді.&nbsp;Бүгінде бірқатар зайырлы мемлекеттерде дінді мемлекеттен бөлу&nbsp;қағидасы&nbsp;тікелей&nbsp;Конституцияда&nbsp;бекітілген. Олардың қатарында Германия Федеративтік Республикасы, Түркия Республикасы, Қырғыз Республикасы және басқа да елдер бар.Фото: qamshy.kz

Қазақстан және Қызылорда облысының жаңалықтары