<a href="https://kyzylorda-news.kz/">Kyzylorda-news.kz</a> Мемлекет басшысының Жарлығына сәйкес аудан әкімі мен ауылдық округтер әкімдерінің жергілікті тұрғындарға есеп беру жиындары жалғасуда. Бүгінгі күнге дейін аудандағы 12 ауылдық округ пен 2 кенттің жетеуінде есеп берген аудан әкімі Жандос Еркінбек, кезекті жиынын Ақжар және Ақтөбе ауылдық округтерінде жалғастырды.Аталған ауылдық округтерде соңғы уақытта ауқымды жобалар жүзеге асырылып, инфрақұрылым бағытындағы жұмыстар жүйелі жүргізілуде.Атап айтқанда, Ақжар ауылында «Ауыл – Ел бесігі» бағдарламасы аясында А.Құнанбаев көшесіне жаңа құрылыс жұмыстары 2024 жылдың маусым айында басталды. Құрылыс жұмыстарын «Әлем Жол Транс» ЖШС мердігер мекемесі жүзеге асыруда. Құрылысқа бөлінген қаржы көлемі – 194,7 млн теңге.Сонымен қатар, Ш.Уәлиханов, Р.Жиенбаев және С.Сейфуллин көшелеріне күрделі жөндеу жұмыстары жүргізіліп, бекітілген мердігер компания толықтай аяқтады. Жобаның жалпы құны – 193,6 млн теңге.Бұдан бөлек, Ақжар ауылындағы маңызды нысандардың бірі- Ораз ахун көшесінің жанында орналасқан спорт алаңы. Ағымдағы жөндеуден өткен бұл алаңға аудандық бюджеттен 10,3 млн теңге бөлініп, бүгінде тұрғындар игілігіне пайдалануға берілді.Ақтөбе ауылында да жол жөндеу және абаттандыру бағытындағы бірқатар жұмыстар атқарылуда. Ы. Сейтенов көшесіне орташа жөндеу жұмыстары жүргізіліп, 28,9 млн теңге көлемінде қаражат игерілді. Сонымен қатар, Н.Сералиев көшесін абаттандыруға жалпы құны- 39,8 млн теңге қаржы қарастырылып, қазіргі таңда жоба мемлекеттік сатып алу порталында жарияланған.Екі округте де мәдениет пен өнер саласын дамыту назардан тыс қалмаған. Ақжар ауылында Рүстембек жырау үйірмесінің жетекшісі Б.Хасеновтің шәкірті Талант Балтабай облыстық «Бозторғай» балалар конкурсының және республикалық балалар фестивалінің Гран-при жүлдесіне ие болды.Ал Ақтөбе елдімекенінде мәдени нысандарды техникалық жарақтандыру жұмыстары жүргізілуде. Соның бірі, 2025-жылдың алты айында атқарылған жұмыстар барысында ауылдық клуб үйіне құны 5,0 млн тг тұратын LED экран , және құны 5,5 млн тг тұратын музыкалық құрылғылар сатып алынды.Межелі міндеттерді саралап, есепті кездесуді қорытындылаған аудан әкімі Жандос Еркінбек биыл да жетістіктердің еселенетіндігіне сенім білдірді.

Қармақшы: Ауылдың әлеуетін арттыру – басты міндет

<a href="https://kyzylorda-news.kz/">Kyzylorda-news.kz</a> &nbsp;Аймағымызда энергетика және тұрғын үй-коммуналдық шаруашылық саласында ауқымды жұмыстар атқарылуда. Газдандыру, ауыз су, электр энергетикасы, жылумен қамту және апатты үйлер мәселесін шешу бағытында бірқатар маңызды жобалар іске асырылуда. Жаңа жылу электр орталығының құрылысы, ыстық сумен қамту жүйесі және көпқабатты үйлерді жөндеу өңірдің әлеуметтік-экономикалық дамуына серпін беріп отыр. Бұл туралы Өңірлік коммуникациялар қызметінің ақпарат алаңында Қызылорда облысының энергетика және тұрғын үй-коммуналдық шаруашылық басқармасы басшысының орынбасары Бауыржан Ізмағамбетов баяндады.<blockquote>- Газдандыру, ауыз сумен қамту, электр желілерін жаңғырту, жылумен қамтамасыз ету бағытында жұмыстар жүйелі жүргізілуде. Облыстың барлық қалалары мен аудан орталықтары табиғи газға қосылды, биыл бірнеше ауылдық елді мекендерге газ беріліп, қамту деңгейін 82 пайызға жеткізу жоспарланып отыр. Ауылдарды сапалы ауыз сумен қамту - біздің басым бағытымыздың бірі. Қазір осы мақсатта топтық су құбырлары тартылып, ішкі су жүйелері жаңартылуда. Электр энергетикасында тозған желілер мен қосалқы станциялар кезең-кезеңімен жаңартылып жатыр. Қызылорда қаласын ыстық сумен қамту мәселесін шешу де басты назарда. Жаңа жылу электр орталығының құрылысы қарқынды жүріп жатыр, ол толық іске қосылғанда облыстың энергетикалық қауіпсіздігі толық қамтамасыз етіледі. Біздің міндет - әрбір жобаны сапалы аяқтап, халықтың өмір сүру сапасын арттыруға барынша үлес қосу,- деді Бауыржан Нұрланұлы.</blockquote><img src="https://knadmin.beoblood.kz/uploads/Energetika_zh_ne_kommunaldy_zh_jelerdi_zha_yrtu_basty_basymdy_8deed659e7.jpg" alt="Энергетика және коммуналдық жүйелерді жаңғырту – басты басымдық.jpg">&nbsp;Фото: freepik.com

 Энергетика және коммуналдық жүйелерді жаңғырту – басты басымдық 

<a href="https://kyzylorda-news.kz/">Kyzylorda-news.kz</a> Сенат депутаттары Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Шиелі индустриалды-аграрлық колледжінің шеберханаларымен танысып, жұмысшы мамандықтарын оқытатын ұстаздармен кездесті.Кездесуде колледж директоры Болат Сүлейменов оқу орнының жетістіктері мен алдағы жоспарларын таныстырып, негізгі көрсеткіштермен бастамаларына тоқталды.Оқу орны көп салалы сипатқа ие және аймақта жұмыс істейтін ауылшаруашылық, уран және басқа тау-кен өндірістерінде қажет кадрларды даярлау үшін 18 мамандық 28 біліктілік бойынша оқыту жүргізуде.2024-2025 оқу жылында 275 бала курстан курсқа өткізіліп, биылғы жылы оқу жылына талапкерлер құжаттарын тапсыруда. Бүгінгі күні колледж қабырғасында 61 педагог білім алушыларға сабақ береді.Басқосу барысында техникалық және кәсіптік білім беру жүйесін дамыту, білім саласындағы реформалар, оқу бағдарламаларын өндіріс талаптарына сәйкестендіру мәселелері кеңінен талқыланды.

Жұмысшы мамандарын даярлаудағы өзекті мәселелер оқытушылармен бірге талқыланды

<a href="https://kyzylorda-news.kz/">Kyzylorda-news.kz</a> ҚР Парламенті Сенатының депутаттары, «AMANAT» партиясының мүшелері Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов жұмыс сапарымен Шиелі ауданында болды.Онда халық қалаулылары «Руханият» орталығы алдындағы заманауи технологиямен жабдықталған субұрқақ жұмысын көрді.Аудан әкімі Айтбай Жандарбеков: бұл игі іс – Мемлекет басшысы Қасым-Жомарт Кемелұлы Тоқаевтың елді мекендерді дамытуға бағытталған нақты тапсырмалары мен жүйелі саясатының ауданымызда нақты жүзеге асып жатқандығын және аталған нысан облыс әкімі Нұрлыбек Машбекұлы Нәлібаевтың бастамасымен жүзеге асып жатқан абаттандыру, көгалдандыру, көркейту жұмыстарының нақты нәтижесі екенін жеткізді.«Руханият орталығы» ауласын абаттандыру жұмыстарын «Бақыт» дара кәсіпкері жүргізді. Тамшылатып суару жүйесімен газон төселіп, субұрқақ, заманауи жарық шамдары мен демалыс орындықтары орнатылды.Шиелі ауданында атқарылып жатқан бұл жұмыстар - елді мекеннің экономикалық қарқынын арттырып, халықтың әлеуметтік тұрмысын жақсартуға бағытталған нақты қадамдар. Жаңадан бой көтерген әрбір нысан - ел игілігіне қызмет ететін, өңірдің өрісін кеңейтетін маңызды бастама.

Шырайлы Шиеліде ілкімді іс көп

<a href="https://kyzylorda-news.kz/">Kyzylorda-news.kz</a> Биыл Қазақстан Республикасының Конституциясына – 30 жыл. Бұл – ел дамуының, құқықтық мемлекет ретінде қалыптасуының маңызды кезеңі. 1995 жылғы 30 тамызда қабылданған Ата Заң – еліміздің тәуелсіздігін бекітіп, азаматтардың құқықтары мен бостандықтарының, мемлекеттік билік тармақтарының, соның ішінде сот жүйесінің конституциялық негізін айқындады.Қазақстан Республикасы Конституциясының 75-бабына сәйкес, сот төрелігін тек сот қана жүзеге асырады, ал сот билігі тек Конституция мен заңдарға сүйенеді.Бұл қағида Қызылорда қалалық сотының күнделікті қызметінің негізіне айналған. Қалалық сот – азаматтық істер бойынша әділ шешім шығарып, Конституцияда бекітілген адам және азаматтың құқықтарын қорғауды басты мақсат етіп отыр. Конституциялық нормалар – әрбір судья мен сот қызметкерінің кәсіби және адамгершілік бағдаршамы.Құқықтық мемлекет – сот арқылы көрінедіКонституцияның 13-бабында әрбір азаматтың өз құқықтары мен бостандықтарын сот арқылы қорғауға құқылы екені жазылған. Бұл – құқықтық мемлекеттегі басты қағидалардың бірі. Қызылорда қалалық соты соңғы жылдары ашықтық, жариялылық, қолжетімділік бағытында жүйелі жұмыс жүргізіп келеді.<ul><li style="text-align:justify;">Азаматтар электронды түрде талап қоюға, құжат тапсыруға, істің барысын онлайн бақылауға мүмкіндік алды.</li><li style="text-align:justify;">Медиация, татуласу рәсімдері және сотқа дейінгі реттеу жолдары кеңінен қолданыла бастады.</li><li style="text-align:justify;">Азаматтардың сотқа деген сенімі артып келеді – бұл сот жүйесінің сапалы қызметінің көрсеткіші.</li><li style="text-align:justify;">Конституциялық реформалар – сот жүйесінің жаңа кезеңі</li></ul>Соңғы жылдары жүргізілген сот реформалары Ата Заң негізінде жүзеге асырылды.&nbsp;Атап айтқанда:<ul><li style="text-align:justify;">Судьяларды іріктеу жүйесі күшейтілді;</li><li style="text-align:justify;">Жаңа әкімшілік әділет институты енгізілді;</li><li style="text-align:justify;">Сот процестерінің сапасы мен сот актілерінің орындалуына бақылау күшейді.</li></ul>Бұл өзгерістер Қызылорда қалалық сотында да оң нәтиже беріп отыр. Сот төрелігі неғұрлым әділ, кәсіби және заманауи үлгіге сай жүргізілуде.Конституция – елдің құқықтық қазығы, ал сот – сол қағидаларды іс жүзінде орындайтын билік тармағы. Қызылорда қалалық соты 30 жылдық Ата Заң тарихында өз үлесін қосып, азаматтардың құқықтары мен заңды мүдделерін қорғау жолында қызмет етіп келеді.«Конституция үстем болса – әділет орнайды. Ал әділет бар жерде – қоғамда тұрақтылық пен сенім нығаяды.»Әбдуәли Л.Р,Қызылорда қалалық сот әкімшісінің&nbsp;жетекші маманыФото: gov.kz

Конституция – әділет пен заң үстемдігінің негізі

<a href="https://kyzylorda-news.kz/">Kyzylorda-news.kz</a> Сырдария ауданында жұмыссыздықты азайту және халықты жұмыспен қамту бағытындағы іс-шаралар белсенді түрде жүзеге асырылуда. Биыл ауданда жаңа жұмыс орындары ашылып, тұрғындардың тұрақты еңбекке орналасуы қамтамасыз етілуде. Бұл туралы бүгін Өңірлік коммуникациялар қызметінің ақпарат алаңында Сырдария ауданының әкімі Берік Сәрменбаев баяндады.<blockquote>- Халықтың жұмыспен қамтылуы - біздің ең басты мақсатымыз. Биылғы жылы өңірлік жұмыспен қамтудың жол картасы аясында 1293 жаңа жұмыс орны ашылды. Ұлттық жобалар бойынша 13 жоба іске қосылып, 105 адам тұрақты және уақытша жұмысқа орналасты. Мемлекет басшысының тапсырмасына сәйкес, әр 10 мың адамға 100 жаңа жұмыс орнын ашу мақсатында аудан көлемінде 186 жұмыс орны құрылды. Бұл көрсеткіштер алдағы уақытта жұмыспен қамтуды одан әрі кеңейтуге мүмкіндік береді. Жұмыссыздық деңгейін төмендету - экономикалық тұрақтылық пен тұрғындардың өмір сапасын арттырудың негізгі шарты. Аудандағы жаңа жұмыс орындары халықтың әлеуметтік жағдайын жақсартуға және ауданның дамуына оң әсерін тигізуде. Алдағы уақытта да жұмыспен қамтуды кеңейту бағытындағы іс-шаралар жалғасатын болады,-деді Берік Әбдіғаппарұлы.</blockquote>Сырдария ауданында тұрғындардың өмір сүру сапасын жақсарту мақсатында сапалы жол инфрақұрылымын дамытуға ерекше көңіл бөлініп, жүйелі жөндеу жұмыстары жүргізілуде. Аудандағы автомобиль және ішкі көшелердің жағдайы жақсартылып, халықтың көлік қатынасы мен қауіпсіздігі қамтамасыз етілуде.<blockquote>- Халықтың күнделікті тұрмысын жеңілдету үшін сапалы және қауіпсіз жолдар маңызды екенін жақсы түсінеміз. Аудан аумағында жалпы ұзындығы 263 шақырымнан астам автомобиль жолдары бар, оның 44 шақырымы республикалық, 111 шақырымы облыстық, ал 108 шақырымы аудандық маңызға ие. Аудандық маңызы бар жолдардың 99 пайызы жақсы және қанағаттанарлық жағдайда. Ішкі жолдардың 82 пайызы жақсы жағдайда. Биыл жол саласына 5 жобаға 1 миллиард теңгеден астам қаржы бөлінді. Қазіргі таңда «Қызылорда-Аэропорт-Қоғалыкөл-Шіркейлі» автожолының қалған 10 шақырымы күрделі жөндеуден өтіп, жалпы 46 шақырым жол жаңартылды. Сондай-ақ, Шіркейлі, Шаған және С.Сейфуллин елді мекендерінде 7 көше күрделі жөндеуден өтіп жатыр, жұмыстар жақын арада аяқталады. Бұл жұмыстар ауданның әлеуметтік-экономикалық дамуына және тұрғындардың жайлы өмір сүруіне септігін тигізеді, - деді аудан әкімі.</blockquote>Сырдария ауданында кәсіпкерлікті дамыту мен өнеркәсіп өндірісін ұлғайту бағытында жүйелі жұмыстар жүргізілуде. Биылғы жылдың бірінші жартыжылдығында өңірде өнеркәсіп өнімінің көлемі өсті, шағын және орта бизнес белсенділігі артты. Бұл көрсеткіштер мемлекеттік бағдарламалар мен қаржылай қолдаудың нәтижесінде қалыптасуда.&nbsp;<blockquote>- Мемлекет басшысы кәсіпкерлікті дамытуға нақты тапсырмалар жүктеді. Біз ауданымызда осы бағытта жүйелі жұмыстарды жүргізудеміз. Биылғы жылдың бірінші жартыжылдығында өнеркәсіп өнімінің көлемі 49 млрд. теңгеге жуықтап, өткен жылдың осы кезеңімен салыстырғанда 106 пайызға орындалды. Шағын және орта кәсіпкерлік саласында 2600-ден астам кәсіпкер тіркеліп, оның 2550-ге жуығы нақты жұмыс істеуде. Аудандағы шағын және орта кәсіпкерлер 6,5 млрд. теңгенің өнімін өндіріп, 23 пайыздық өсімге қол жеткізді. Мемлекеттік бағдарламалар аясында кәсіпкерлерге жыл басынан бері 75 жоба бойынша 3,7 млрд. теңге көлемінде несие және грант қаражаты берілді. Бұл қаржы жаңа жобаларды іске асыруға және кәсіпкерлікті одан әрі дамытуға мүмкіндік береді, - деді Берік Әбдіғаппарұлы.</blockquote>

Сырдария ауданында кәсіпкерлік саласын дамыту жұмыстары жалғасуда

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында Қызылорда облысының санитариялық-эпидемиологиялық бақылау департаментінің 2025 жылдың І жарты жылдық қорытындысымен көшпелі алқа мәжілісі өтті.Жиынды Арал ауданының әкімі Аманжол Оңғарбаев ашып, көшпелі мәжіліске келген қонақтарды таныстырып өтті. Алқа отырысына Қызылорда облысы бойынша санитариялық-эпидемиологиялық бақылау департаментінің басшысы Г.Сыздықова, Қызылорда обаға қарсы күрес стансасының директоры Н.Нұрмағанбетов және «Ұлттық сараптама орталығының» Қызылорда облысы бойынша филиалы директорының міндетін атқарушы А.Мырзағұлова мен Қызылорда қаласы мен аудандардағы санитариялық-эпидемиологиялық бақылау басқармаларының басшылары арнайы қатысты.Қазіргі таңда, санитариялық-эпидемиологиялық ахуалды жақсарту арқылы халықтың денсаулығын сақтау мен жұқпалы аурулардың алдын-алу үшін Үкімет тарапынан кешенді шаралар қабылдануда. Осы бағытта облыс деңгейінде де көптеген жұмыстар атқарылып жатқаны белгілі. Дегенмен, санитариялық-эпидемиологиялық тұрақтылықты сақтау, жаңа қауіп-қатерлерге дайын болу, заманауи әдістер мен зертханалық мүмкіндіктерді жетілдіру күн тәртібінен түспейтін басты міндеттердің бірі.Арал ауданынан басталған көшпелі алқа отырысында алғаш болып ҚР ДСМ СЭБК Қызылорда облысы бойынша департаменті басшысының орынбасары Е.Ұзақбаев «2025 жылдың І жартыжылдық қорытындысымен облыс бойынша қалыптасқан эпидемиологиялық ахуал, атқарылған жұмыстар мен алға қойған міндеттері» туралы хабарлама жасады.Қосымша Арал аудандық санитариялық-эпидемиологиялық бақылау басқармасының басшысы А.Сатекеева «Арал аудандық санитариялық-эпидемиологиялық бақылау басқармасының атқарған жұмыстары мен проблемалық мәселелері» туралы баяндады.Мұнан соң «Мемлекеттік тапсырыс жоспарының орындалуы» туралы «Ұлттық сараптама орталығы» ШЖҚ РМК Қызылорда облысы бойынша филиалының директорының міндетін атқарушы А.Мырзағұлова және «2025 жылдың І жартыжылдық қорытындысымен атқарылған жұмыстар мен алға қойған мақсаттары» туралы «Ұлттық сараптама орталығы» ШЖҚ РМК Қызылорда облысы бойынша филиалының Арал аудандық бөлімше бастығы Б.Қайнбаева хабарлама жасады.&nbsp;Мәжіліс соңында «Арал аудандық обаға қарсы күрес стансасының атқарған жұмыстары» туралы ҚР ДСМ «Арал теңізі обаға қарсы күресу стансасы» РММ басшысы Е.Мұстапаев хабарлама жасап, обаға қарсы күресу стансасының құрылу тарихы мен атқарған жұмыстарына жан-жақты тоқталды.Жиын қорытындысына сәйкес көтерілген ұсыныс-пікірлер жан-жақты сараланып, ҚР ДСМ СЭБК Қызылорда облысы бойынша санитариялық-эпидемиологиялық бақылау департаментінің басшысы Гүлмира Жамбылқызы айтылған ұсыныстардың барлығы алдағы уақытта ескеріліп, сала бойынша жол берілген кемшіліктердің барлығын жоюға жұмыс жасау керектігін жеткізді.

Алқа мәжілісінде бірқатар мәселелерді саралады

<a href="https://kyzylorda-news.kz/">Kyzylorda-news.kz</a> 1-31 тамыз аралығында Қазақстанда Ұлттық ауыл шаруашылығы санағының бірінші кезеңі өтеді. Осы уақыт аралығында барлық қатысушы sanaq.gov.kz сайтында онлайн форматта санақтан өте алады. Сайтта ауыл шаруашылығы өндірушілері мен үй шаруашылықтарына арналған екі түрлі сауалнама парағы болады.Өсімдік шаруашылығымен, мал шаруашылығымен немесе балық шаруашылығымен айналысатын заңды тұлғалар, жеке кәсіпкерлер мен шаруа (фермер) қожалықтары 2-АШК/ШФҚ санақ парағын толтыруы тиіс. Бұл сауалнама тоғыз бөлімнен тұрады және 29 сұрақты қамтиды. Онда жер учаскелерінің көлемі, олардың қалай пайдаланылып жатқаны, суару тәсілдері, жердің меншікке немесе жалға алынғаны туралы мәліметтер көрсетілуі керек.Сондай-ақ сауалнамада шаруашылықтағы мал, құс, балық саны, қолданылатын техника, құрал-жабдықтар, қоймалар, сақтау орындары мен басқа да қажетті нысандар туралы ақпарат сұралады. Қатысушылар тыңайтқыштарды, өсімдіктерді қорғау құралдарын қолдану, органикалық өнім өндіру, ауыл шаруашылығы өнімдерін өткізу, сондай-ақ жұмысшылардың саны мен олардың сипаттамасы жөнінде де мәлімет береді.Егер шаруашылық бірнеше өңірде қызмет жүргізсе, әр өңір бойынша жеке бөлімді толтыру қажет. Бұл парақта жер учаскелерінің, егістік алқаптарының, мал мен құстың нақты орналасқан жері көрсетілуі тиіс.Бақша егетін немесе мал мен құс ұстайтын үй шаруашылықтары да санаққа қатысады. Олар үшін 3-ЖҚШ сауалнама парағы қарастырылған. Бұл сауалнамада қандай дақылдар өсірілетіні, қанша мал мен құс ұстайтыны, жайылымдарды қолданатыны, мал ұстауға арналған құрылыстардың бар-жоғы, сондай-ақ өнімнің сатылатыны немесе жек тұтынуға пайдаланылатыны туралы мәлімет беріледі. Үй шаруашылықтарына арналған сауалнама 8 бөлімнен және 22 сұрақтан тұрады.Барлық ұсынылатын ақпараттың құпиялылығы сақталады, деректер «Мемлекеттік статистика туралы» заңымен қорғалады және салық немесе басқа мемлекеттік органдарға берілмейді.Санақ аясында Бюро еліміз бойынша шамамен 300 мың ауыл шаруашылығы ұйымын және 2 млн үй шаруашылығын қамтуды жоспарлап отыр.

Ауыл шаруашылығы санағы кезінде қандай сұрақтар қойылады?

<a href="https://kyzylorda-news.kz/">Kyzylorda-news.kz</a> &nbsp;Елорда соты «Biz birgemiz» қайырымдылық қорының бұрынғы жетекшісі Перизат Қайрат пен оның анасы Ғайни Алашбаеваға үкім шығарды. Бұл туралы <a href="https://kaz.inform.kz/news/perizat-kayrat-zhilga-anasi-zhilga-sottaldi-7e86bd/">kaz.inform.kz </a>хабарлады.&nbsp;Перизат Қайратты Қылмыстық кодекстің 190-бабы 4-бөлігінің 2-тармағында көзделген қылмысты жасағаны үшін кінәлі деп танып, оған 8 жыл мерзімге бас бостандығынан айыру жазасын, сондай-ақ 10 жыл мерзімге қайырымдылық қызметпен айналысу құқығынан айыра отырып, мүлкін тәркілеу түріндегі қосымша жаза тағайындалды. Сондай-ақ Қылмыстық кодекстің 58-бабының 3-бөлігі негізінде бірнеше қылмыс жасау жиынтығы бойынша жазаны ішінара қосу жолымен түпкілікті 10 жыл мерзімге бас бостандығынан айыру жазасы тағайындалды,&nbsp;– деді Астана қаласы қылмыстық істер жөніндегі ауданаралық сотының судьясы Сабыржан Кәрімов.Перизат Қайрат жазасын қауіпсіздігі орташа деңгейдегі мекемеде өтейді.Одан әрі судья сотталушының анасы Ғайни Алашбаеваға үкім шығарды.<blockquote>–&nbsp;Анасын Қылмыстық кодексінің 190-бабы 4-бөлігінің 2-тармағы бойынша кінәлі деп танып, 6 жыл мерзімге бас бостандығынан айыру жазасын, сондай-ақ 10 жыл мерзімге қайырымдылық қызметпен айналысу құқығынан айыру және мүлкін тәркілеу түріндегі қосымша жаза тағайындалсын. Сондай-ақ Қылмыстық кодекстің 218-бабы 3-бөлігінің 3-тармағы бойынша кінәлі деп танып, оған 5 жыл мерзімге бас бостандығынан айыру және мүлкін тәркілеу жазасы тағайындалсын. Қылмыстық кодекстің 58-бабының 3-бөлігіне сәйкес бірнеше қылмыс жасау жиынтығы бойынша жазаны ішінара қосу жолымен Ғайни Алашбаеваға түпкілікті жаза ретінде 7 жыл мерзімге бас бостандығынан айыру, 10 жыл мерзімге қайырымдылық қызметпен айналысу құқығынан айыру және мүлкін тәркілеу жазасы тағайындалсын,&nbsp;— деді судья.</blockquote>Перизат Қайраттың анасы да&nbsp;жазасын қауіпсіздігі орташа деңгейдегі мекемеде өтейді.Айта кетсек, прокурор Перизат Қайратты 10 жыл, анасын 8 жыл бас бостандығынан айыруды&nbsp;сұраған еді.&nbsp;Еске салайық, Перизат Қайрат пен оның анасы Ғайни Алашбаевадан жауап алу жабық режимде өтті.&nbsp;Атышулы іске қатысты Үкімет басшысы Олжас Бектенов пікір білдіріп, «Перизат Қайрат ісі&nbsp;– заңнамалық өзгерістер үшін мүмкіндік» деген еді.Фото: Перизат Қайраттың жеке парақшасы

Перизат Қайрат 10 жылға, анасы 7 жылға сотталды

<a href="https://kyzylorda-news.kz/">Kyzylorda-news.kz</a> Биыл Қызылорда облысында жол-көлік инфрақұрылымын жақсарту бағытында 42 миллиард теңге қаржы қаралып, ауқымды жобалар жүзеге асырылып жатыр. Әсіресе, жаңадан салынып жатқан жол құрылыстарының сапасына баса мән беріліп отыр. Осы орайда «Жол активтері сапасының ұлттық орталығы» ҚОФ мамандары БАҚ өкілдерімен бірге қала аумағындағы бірқатар нысандарға жылжымалы зертханамен тексеру жүргізіп, арнайы пресс-тур ұйымдастырды.Қаланың жол қатынасын оңтайландырып, көлік кептелісі мәселесін шешуге бағытталған Тәуелсіздікке 25 жыл даңғылы кеңейтіліп қана қоймай, бүгінде Әбілқайыр хан көшесінен Саламатов көшесіне дейін ұзарту көзделген. Яғни, Сырдария өзенінің бойымен 2,8 шақырым жаңа жол салынып, дария бөгетін нығайту жұмыстары қызу жүріп жатыр. Мердігер «УАД» мекемесі. Жоба бойынша жол төрт жолақты болады. Алдымен топырақпен үйілген жер қабаты нығыздалып, 25 см малта тасты құмды қоспа салынды. Содан кейін 8см қиыршық тас пен 6 см ірі түйіршікті ыстық асфальт бетон қоспасы төселуде. Ең соңғы қабатына қиыршық тасты мастикалық асфальт бетон қоспасы салынады.<blockquote>Тәуелсіздікке 25 жыл даңғылында жұмыстар мамыр айынан басталды. Содан бері, жолдың негізгі қабаты толық жүргізілді. Қазір бірқатар учаскесінде асфальт төсеу жұмыстары басталып кетті. Бұл нысан бойынша филиал мамандары құрылыс-материалдарынан 5 рет сынама алып, жолдың сапасы ұдайы бақылауда. Зертханалық тексеру барысында өрескел кемшіліктер анықталған жоқ. Дегенмен, бірқатар сын-ескертпе берілді. Мердігер мекеме тарапынан уақытында талапқа сай түзету жұмыстары жүргізілді. Жалпы ЖАСҰО мамандары жыл басынан бері 126 нысан бойынша жол құрылыс жұмыстарына 607 мәрте зертханалық және аспаптық тексеруге шыққан. Барлығы 1714 сынама алынып, тиісті сараптама жасалды. Бүгінде аймақ басшысы да жолдардың сапалы салынуына баса назар аударып отыр. Сондықтан, орталық мамандары бұл бағытта бақылау жұмыстарын күшейтіп, кемшіліктерге жол бермеу басты міндетіміз,-дейді ЖАСҰО Қызылорда филиалының директоры Мақсат Мұқанов.</blockquote>Сондай-ақ, тағы бір маңызды жоба «Қызылорда-Жезқазған» республикалық автожолының қала аумағынан өтетін 2-12 шақырым аралығына орташа жөндеу жұмыстары. Бұл нысан «ҚазАвтоЖол» ҰК» АҚ қаржыландыруымен жүзеге асырылып жатыр. Жөндеуден өтіп жатқан автожол шаһардың іргесіндегі Қарауылтөбе, Досан, Абай елді мекендері мен Бәйтерек мөлтек ауданы тұрғындарының көлік қатынасына оң септігін тигізеді. Ұлттық сапа орталығының жылжымалы зертханасымен жаңадан төселген асфальт жабындысынан сынама алынды. Мамандар бұған дейін де 40 мәрте тексеріп, барлығы 122 сынама зертханалық тексеруден өткен.<blockquote>- &nbsp; Орташа жөндеуден өтетін автожолдың ұзындығы 9,5 км. Ені – 14 метр болады. Жер төсемесін кеңейту жұмыстары жүргізіліп, 7,3 шақырымында жолдың негіздемесі 20 см қалыңдықта ресайклерлеу әдісімен жасалды. Содан кейін 6,0 шақырым ұзындықта 8 см ірі түйіршікті асфальт төселіп, жамылғының жоғарғы қабатына 5 см қиыршық тасты мастикалық асфальт төсеу жұмыстары басталды. Бүгінде жоғарғы қабаты бойынша 1,6 шақырымы орындалды. Жоғарғы қабаты төселген учаскелерде кезең кезеңімен жол қозғалысын ұйымдастыру жоспарлануда.-дейді «ҚазАвтоЖол» ҰК» АҚ ҚОФ директорының орынбасары Ерсайын Мұзафар.</blockquote>Жол құрылысынан алынған барлық сынама орталықтың заманауи зертханасында сараптамадан өтеді. Автоматтандырылған қондырғылар арқылы асфальт жабындысының тығыздығы, суға қанығу коэфицентіөлшеніп, оның құрамындағы қиыршық тас пен құмның да сапасы анықталады.<blockquote>Аймақ жолдарының сапасын арттыру үшін ең бастысы құрылыс-материалдарын сараптамадан өткізетін зертхана заман талабына сай болуы керек.Ұлттық сапа орталығында қазір қағазбастылық жоқ. Жолдан алынған әрбір сынама арнайы планшет арқылы базаға тіркеледі. Асфальт жабындысы нөмірленіп, қандай сараптама жүргізілгені және оның нәтижесі барлығы тайға таңба басқандай платформада көрсетіліп тұрады. Яғни, қазір толықтай цифрлық жүйеге көштік. Зертханада 100-ден аса соңғы үлгідегі заманауи қондырғы бар. Бұрын бір сынамаға 10-15 күніміз кететін болса қазір 3 күннің ішінде сапасын анықтап береміз. Мамандарымыз жыл сайын шет елдерде біліктілік арттырып, олардың озық тәжірибесін өндіріске енгізіп жатырмыз,- дейді зертхана меңгерушісі Мағжан Қасымхан.</blockquote>Айта кетейік, бүгінде Жол активтері сапасының ұлттық орталығы мамандары республикалық жолдар бойынша 11 нысанға, облыстық маңыздағы 10 жобаға, аудандық және елді мекендерді ішкі жолдар 88 жолға, қалада 16 көшенің құрылысына бақылау жүргізуде.

Жылжымалы зертханамен автожолдардың құрылысы тексерілді

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов кезектілік тәртібімен жазылған аудан тұрғындарын жеке қабылдады.Қабылдауда ұсыныс-пікірін, өтінішін жеткізген тұрғындардың сауалдары назарға алынып, заң аясында шешілу жолдары қарастырылды. Сондай-ақ, көтерілген мәселелерге заңға сәйкес түсіндіру жұмыстары жүргізіліп, сала басшыларына тиісті тапсырмалар берілді.Айта кетейік, тұрғындар аудан әкімінің қабылдауына egov.kz порталы, е-otinish бірыңғай базасы арқылы немесе әкімдікке келіп, жазбаша өтініш беру арқылы жазыла алады.

Кезектілік тәртібі бойынша тұрғындарды жеке қабылдады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев жаңа салық кодексіне және «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» заңға қол қойды. Жалпы бұл заңнан қандай пайда бар? Қарапайым халық жаңа салық кодексінің игілігін көре ме? Кодексті жаңартқаннан ұтамыз ба, ұтыламыз ба?Жаңа кодекс – жаңа реформаға жолАқорданың сайтындағы ақпаратқа сенсек, Салық кодексі салықтық әкімшілендіруді жаппай жеңілдетуді көздейді. Нақтыласақ, салық есептілігінің көлемі 30 пайызға қысқарады екен. Мамандар бұдан бөлек &nbsp;салықтардың саны 20 пайызға азаяды, жеңілдіктер мен алымдар оңтайландырылады деп отыр.&nbsp;Елеулі өзгерістер корпоративтік және жеке табыс салықтарынан бастап инвестицияларды ынталандыру және салық жүктемесін қайта бөлу секілді барлық негізгі бағытты қамтиды. Қосылған құн салығының (ҚҚС) жаңа базалық мөлшерлемесі 16 пайыз болып бекітілді. Дәрі-дәрмек пен медициналық қызметтерге төмендетілген ҚҚС мөлшерлемесі белгіленді: 2026 жылдан 5 пайыз, 2027 жылдан 10 пайыз.Бұл ретте Тегін медициналық көмектің кепілдік берілген көлемі (ТМККК) мен Міндетті әлеуметтік медициналық сақтандыру (МӘМС) аясындағы қызметтер, Үкімет айқындайтын тізбе бойынша орфандық және әлеуметтік мәні бар ауруларды емдеу, сондай-ақ баспа түріндегі кітап шығару, археологиялық жұмыс жүргізу қызметтері ҚҚС-тан босатылады, – делінген Ақорда таратқан мәліметте.Біз өз кезегінде жаңа салық кодексін әзірлеу барысында ұсыныс білдірген Мәжіліс депутаттарының да пікірін шолып шыққан едік. Соның бірі – Берік Бейсенғалиев. Халық қалаулысының Аbai.kz-те жарияланған пікірінде Кодекс жобасы бойынша жұмыс тобының 52 отырысы өткені баяндалған. Оның ішінде мүдделі мемлекеттік органдардың, «Атамекен» Ұлттық Кәсіпкерлер палатасының, салалық қауымдастықтар мен сарапшылардың қатысуымен 8 тақырыптық отырыс және қаржы және бюджет комитетінің кеңейтілген отырысы өткізілгенін атап өткен.&nbsp;<blockquote>– Бұл жан-жақты тәсіл реформаның негізгі аспектілерін тереңірек талдауға және әртүрлі мүдделі тараптардың пікірін ескеруге мүмкіндік берді.Ағымдағы жылы Үкімет салық-бюджет реформасын жүргізуге бағытталған заңнамалық бастамалар пакетін енгізді. Депутаттық корпус Үкіметпен және бизнес-қоғамдастықпен бірлесіп барлық өзекті мәселелер бойынша тәсілдерді талқылау және келісілген шешімдер әзірлеу бойынша үлкен жұмыс жүргізді.Жалпы ұсынылған өзгерістер инвестициялық ахуалды жақсартуға және ел экономикасының өсуіне ықпал ететін неғұрлым икемді және тиімді салық салу жүйесін құруға бағытталған. Ілеспе заң жобасымен Кодекс жобасына сәйкес келтіру мақсатында бірқатар заңнамалық актілерге өзгерістер мен толықтырулар енгізіледі, – дейді мәжілісмен.</blockquote>Мәжілістегі ауқымды жобаның біріМақаланың әлқиссасында қарапайым халыққа пайдасы жайлы сөз қозғадық қой, енді осы мәселеге тоқталайық. Жаңа кодекс бойынша жылдық жалпы табысы 8500 айлық есептік көрсеткіштен асатын азаматтарға 15 пайыз салық мөлшерлемесі қолданылады екен. Сол сияқты дивиденттері мен табыс көлемі жылына 230 мың АЕК-тен асатын кәсіпкерлер де осындай мөлшерде салық төлейді. Ал фермерлердің осы межеден асатын табысына бұрыннан сақталған 70 пайыз жеңілдікті есепке ала отырып, 4,5 пайыз салық салынады.<blockquote>– Жеке тұлғалар үшін қымбат өнімдерге, атап айтқанда құны 75 миллион теңгеден асатын автокөліктерге, құны 100 миллион теңгеден асатын кемелерге, әр литрінің құны 500 мың теңгеден асатын алкогольге, әр данасының құны 10 мың теңгеден асатын темекі өнімдеріне 10 пайыз акциз түрінде салық салынады. Сонымен қатар жалпы құны 450 миллион теңгеден асатын жылжымайтын мүлік нысандарына мүлік салығы жоғарылайды.Салықтық әкімшілендіру тәсілдері айтарлықтай өзгереді. Камералдық бақылау ескерту сипатында болады. Салықтық берешекті өндіріп алу, төлемді кейінге қалдыру және бөліп төлеу мүмкіндігін беру процедуралары жеңілдетіледі. Салық берешегі аз болса, бизнестің есепшоттары бұғатталмайды. Қарыз сомасына қарай ескерту және басқа да шаралар кезең-кезеңімен қолданылады, – деп жазылған Ақорда таратқан ақпаратта.</blockquote>Аталған деректі негізге алсақ, қымбат көлік пен мүлікке де, үйге де арнайы салық салынатын болып тұр ғой.&nbsp; Мәжіліс депутатыМархабат Жайымбетов қабылданған құжаткөптің үміті мен сарапшылардың пікірі тоғысқан, ел мүддесін көздеген реформа нәтижесі екенін жазды өзінің фейсбук парақшасында. Депутат салық жүйесі енді ашықтық пен әділеттілікке негізделіп, салық төлеушіге серіктес ретінде қарауға көшкенін мәлім етті.<blockquote>– 2026 жылдың 1 қаңтарынан бастап жаңа Салық кодексі күшіне енеді. Жаңғыртылған жүйе салық салудағы ауыртпалықты жеңілдетуге және әділет пен айқындықты басшылыққа алуға бағытталып отыр. Мемлекет пен азамат арасындағы өзара сенім енді салық саясатында нақты көрініс табуда.Мәжілістегі ең ауқымды жобалардың бірі – жаңа Салық кодексі болды. Мұндай құжат бұрын-соңды соншалықты кең талқыланбаған шығар. 300-ден аса маман мен сала өкілі қатысып, өз ойларын айтты. Мен де жұмыс тобының мүшесі ретінде осы процесте болдым. Әр ұсыныс нақты өмірмен ұштасып жатты. Заңның әр жолы, әр бабы - қоғам тынысының көрінісі екенін терең сезіне отырып, өмірлік тәжірибелер мен салалық қажеттіліктерді ескеруге тырыстық. Талқылау барысында салықтық жеңілдіктерді қайта қарау негізгі бағыттардың бірі болды. Жеңілдік тек артықшылық емес, қажетке бағытталған әділет тетігі. Ауыл шаруашылығы саласына қатысты салықтық қолдаудың сақталу маңызын нақты көтердім. Өйткені жерге қарап тіршілік еткен жұрттың бейнеті мен еңбегі ескерусіз қалмауы тиіс. Агроөнеркәсіп үшін 3 пайыздық корпоративтік табыс салығының сақталуы – фермерлердің маңдай теріне деген құрмет. Ауылдағы еңбек өнімділігі мен азық-түлік қауіпсіздігіне тікелей әсер ететін бұл шешім ел ертеңін ойлаған қолдау деп қабылданды. Бұл тек біреусі ғана, бұдан басқа көптеген ұсыныстар болды. Кеңінен талқыланды. Салықтардың саны қысқарып, есептілік жеңілдеді. Кәсіпкерлер мен шағын бизнес өкілдері үшін қағазбастылық азайып, нағыз өндіріске ден қоюға жол ашылды, – деп атап өтті халық қалаулысы.</blockquote>Баспасөзге де қолдау барҚұжатта мерзімді баспа басылымдарды өткізу бойынша 10 пайыз деңгейінде төмендетілген ҚҚС мөлшерлемесі белгіленетіні жазылған. Мәжіліс депутаты Асхат Аймағамбетов баспа басылымдары үшін бұл нақты қолдау деп отыр.– Арнаулы салық режимдері оңтайландырылды. Енді олар үш жағдайда қолданылады: өзін-өзі жұмыспен қамтығандар үшін, оңайлатылған декларация негізінде және шаруа қожалықтары үшін.Баспа басылымдарына 10% ҚҚС — нақты қолдау. Біз әріптесім Нартай Сәрсенғалиев екеуіміз отандық баспа басылымдарына жеңілдіктер мен ҚҚС мөлшерлемесін азайтуды ұсындық.Бастапқыда бұл бастама қолдау таппаған. Бірақ бүгін Сенат оны да қабылдады. Енді баспа өнімдеріне ҚҚС тек 10%.Бұл дегеніміз – &nbsp;мектеп газеттерінен бастап, аудандық және республикалық журналдарға дейінгі барлық баспа басылымдарына нақты көмек, – деп жазды депутат Аймағамбетов фейсбук парақшасына.&nbsp;Сөз соңыЖаңа салық кодексі тиім де, тиімсіз бе, ұтамыз ба, ұтыламыз ба, оны уақыт көрсетеді. Неде болса 2026 жылдың қаңтарынан бастап кодекс күшіне енеді. Оның қоғамға әкелер жаңалығы да, ел күткен игілігі де аз болмайды деп сенейік. &nbsp;Әзиз ЖҰМАДІЛДӘҰЛЫФото: Нұрболат Нұржаубай

Қазақстан және Қызылорда облысының жаңалықтары