<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 7 сәуір атақты палуан Қажымұқан Мұңайтпасұлының туғанына 150 жыл. Осы тарихи күн қарсаңында Қызылорда облысы бойынша ҚАЖ департаментіне қарасты ЗК-169/1 мекемесінде&nbsp; мерейтойға арналған кітап көрмесі өтті.
Бұл іс-шараның мақсаты Қ.Мұңайтпасұлының&nbsp; өмірін насихаттай отырып, қызметкерлердің спортқа деген қызығушылығын арттыру, салауатты өмір салтын ұстануға баулу және патриоттық тәрбие беру болып табылады.
Шараға Ә.Тәжібаев атындағы&nbsp;Қызылорда&nbsp;облыстық&nbsp;әмбебап ғылыми кітапханасының абономент секторының кітапханашысы Аманкүл Нұрманова кітап көрмесін әкеліп ұсынды.
Рухани орданың қызметкері алдымен, дала балуанының өмір жолына шолу жасады.Одан соң сөрелердегі кітаптармен таныстырып, ондағы тарихи оқиғалар мен спортшының жеткен жетістіктері туралы айтып берді. Белдескенің белін сындырып, әлемге танылған чемпион туралы баяндалған әңгіме барысын&nbsp; сала мамандары қызыға тыңдады.
Тіптен, тыңдармандар ортасынан ғибратты ғұмыр иесі туралы білгендерімен бөліскендер де болды.
<blockquote>
 «Біздің тергеу изоляторы қауіпсіздігі аралас мекеме болғандықтан,&nbsp;&nbsp; кәсіби&nbsp; шеберлігін ұштап, дене бітімін шынықтыру мақсатында жеке құрам арасында&nbsp; аптасына екі рет әскери даярлық сабағы өткізіледі. Сонымен қатар&nbsp;&nbsp; жеке құрам арасындағы спортқа бейімді қызметкерлер, ҚАЖ қызметкерлері арасында өтізілетін &nbsp;қоян-қолтық ұрысы, еркін күрес жарысына қатысып, жүлделі орындарды иеленген. Әлем мойындаған чемпионның ғибратты ғұмыры бүгінгі тәуелсіз еліміздің&nbsp; біздей азаматтарына үлгі-өнеге болары анық-деді,&nbsp; мекеменің кадр саясат тобының кәсіби қызметтік және дене шынықтыру даярлығы жөніндегі аға инспекторы, әділет аға лейтенанты М.Тұрымбетов. 
</blockquote>
Дүние жүзі&nbsp; таныған дала ұлының парасатты өмір-өнегесі,&nbsp; қызметкерлердің бойындағы патриоттық сезімін оятып, отансүйгіштік қасиетін арттырғаны анық.

Тергеу изоляторында Қажымұқан Мұңайтпасұлының 150 жылдығына орай кітап көрмесі өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облыстық тұтынушылардың құқығын қорғау департаментіне жыл басынан бері 51 өтініш түскен. Бұл туралы Өңірлік коммуникациялар қызметінің ақпарат алаңында өткен брифингте облыс бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
Аталған арыздардың басым бөлігі бөлшек сауда, көлік және коммуналдық қызметтер, интернет саудасына байланысты жолданған. Шағымдардың 36-сы қанағатандырылыпты. Нәтижесінде тұтынушыларға 839 150 теңге көлемінде қаражат қайтарылған.
<blockquote>
 «Бізге келген азаматқа өз құқықтарын түсіндіріп, жазбаша түрде өтініш қабылдап аламыз. Содан кейін заңға сәйкес кімнің дұрыс-бұрыс екенін анықтаймыз. Ары қарай нақты іс-қимылға көшіп, азаматтардың тұтынушылық құқығын қорғаймыз», – деді Ерқасым Жайбергенұлы.
</blockquote>
Айта кетейік, биылдан бастап тұтынушылардың құқықтарын қорғаудың бірыңғай ақпараттық жүйесі жұмыс жасауда. Аталған жүйе тұтынушылардың өтініштерін қабылдау және қарау процесін автоматтандыруға, есепке алуға арналған. Кез келген тұтынушы <a href="https://l.facebook.com/l.php?u=http%3A%2F%2Fwww.e-tutynushy.kz%2F%3Ffbclid%3DIwAR0JyQbLUat4NdHZtau5ddfbYxT9j87H9vfLHzX3xv7BtEOttzWo3hiiKC8&h=AT0kRU_LGewzforlarhLiCmJGpNQU8-gEj-Kw_p8LzCjrOODD1G3CQneY52xQAbsYteshUvnpZ4i2EpYZUQRER0EWLQmYnNDgnL4izpbIzw1Qw9jXK3yUXo645wddY2VGfE&__tn__=-UK-R&c[0]=AT1NZdULMW3sbY_wzrv5KkMe0MhLYUX1ntf9hvKcnOYR0Di2odTutRo-_SK5vIctQoHKdrG0XmzU98QomaAer4KlF9UFis5-Q8mP4Nsm8LpBRjmRJjUqKRO1hVlQDSvqU_gHvyBs-G-Bd9P9bk7fpc7Kbg">www.e-tutynushy.kz</a> сайтына кіріп, өтініш бере алады.

Қызылорда: Тұтынушыларға 840 мың теңгеден астам қаржы қайтарылған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Заманауи адамның негізгі көмекшісі – бұл смартфон, ал қаржылық көмекшісі – заманауи банктік қосымша. Тұтынушылар тарапынан соңғысына қатысты талаптары күннен күнге арта түсуде. Бүгінгі таңда жаңартылған Halyk Homebank қосымшасы технологиялық өнімдерге 24/7 режимінде қол жеткізіп, клиенттердің қажеттіліктерін қанағаттандыруға мүмкіндік беретін негізгі қаржылық көмекшіге айналмақ.
Жаңартылған Halyk Homebank қосымшасы клиенттерге қандай тұрғыда пайдалы болатыны және бәсекелестерден қандай айырмашылығы бар екіндігі жөнінде Halyk Bank басқарма төрағасының орынбасары Жұмабек Мамутовтолығырақ әнгімелейді.
Жұмабек Жарылқасынұлы, Halyk Homebank қосымшасы– көптеген клиенттерге танымал Homebank қосымшасының жаңартылған нұсқасы. Halyk Homebank-тің негізгі артықшылықтары жөнінде айтып берсеңіз?
– Тыңғылықты әрі тоқтаусыз жұмысымыздың нәтижесінде біз Homebank-нің негізгі идеясы – «Әрдайым жаныңда болатын Банк» ұстанымы толықтай сақталған жаңартылған Halyk Homebank қосымшасын іске қостық. Қосымшада Банктің тиімді өнімдері және клиенттеріміздің банк қызметіне қатысты және өзге қажеттіліктерімен байланысты күнделікті мәселелерін шешуге көмек беретін жылдам қызметтер ұсынылған. Бұл да бар мүмкіндіктердің шегі емес. Күн сайын біз қосымшаның қызметін кеңейтіп, жаңа шешімдер енгіземіз. Мен қосымшаның біздің қазіргі және болашақтағы клиенттеріміз үшін сенімді көмекші болатынына сенімдімін. Командамызбен бірге жұмыстың нәтижесін мақтан тұтамыз, өйткені соңғы жарты жылдың ішінде, қазан айынан бастап Halyk Homebank қосымшасының бірегей белсенді пайдаланушыларының саны 3,5 миллион клиентке дейін өсті!&nbsp; Бұл өткен жылдың сәйкес кезеңімен салыстырғанда 3 есе жоғары. Айтарлықтай көрсеткіш, келісесіз бе! Сонымен қатар, біздің мобильді қосымшаның танымалдығы қосымшаны жүктеу санымен де расталады. SimilarWeb ақпан айындағы деректері бойынша Halyk Homebank қосымшасы ҚР қаржы саласындағы мобильді қосымшалар арасында Google Play Store-да жүктеу бойынша №1 болды. Қызметтерді үнемі жақсартуға бағытталған жұмысымыз Банк клиенттерінің назарынан тыс қалмағанына өте қуаныштымыз.
Қосымшада клиенттер үшін көптеген пайдалы қызметтер бар, олардың арасындағы ең өзекті және тиімдісін атап өтсеңіз?
-Біздің сервистерімізді дамыта отырып, ең алдымен ыңғайлылыққа, қарапайымдылыққа және ең бастысы клиенттеріміз үшін тиімді болуына сүйенеміз. Бұл нені білдіреді?Клиенттің қосымшаны қолдануын талқылап көрейік. Мысалы, сіз Halyk Homebank қосымшасын пайдалануды ұйғардыңыз делік. Сіз қосымшаны жүктеп, онлайн тіркеуден өтіп, содан кейін бірден welcome бонусын аласыз, оны бірден жұмсауға болады, мысалы, ұялы байланыс үшін төлеуге болады. Біздің қосымшада 5&nbsp;000-нан астам төлем түрі бар, сондықтан клиенттер өздеріне қажетті төлемдерін жүргізе алатынына сенімдімін. Алғашқы бонус Halyk Homebank қосымшасының барлық жаңа қолданушыларына дұрыс таңдауы үшін біздің ризашылығымыз ретінде есептелетінін атап айтқым келеді.
Тіркелгеннен кейін қосымшада қандай қызметтер қолжетімді? Бір минут ішінде цифрлық картаны онлайн ашып, барлық банктік операцияларды жүргізуге болады. Цифрлық карта қосымшада төлем жүргізіп қана қоймай, телефон нөмірі немесе QR арқылы аударымдар қабылдауға немесе жіберуге, жалақы алуға, банкоматтан картасыз қолма-қол ақша алуға мүмкіндік береді. Сонымен қатар цифрлық картаны Apple Pay, Samsung Pay және Homebank Pay сияқты танымал сервистерге байланыстырып, сатып алуларға смартфон арқылы төлем жасауға және бонустар алуға болады. Жалпы, біз смартфонның көмегімен барлық күнделікті мәселелерді пластикалық картасыз шешуге мүмкіндік беретін қызметтер жиынтығын жасадық. Егер клиентке пластикалық карта қажет болса, оны клиенттің үйіне тегін жеткізу қарастырылған, немесе картаны Банктің кез келген бөлімшесінде 5 минут ішінде шығарып алуға болады.
Цифрлық картаға ие бола отырып, клиент онлайн кредит ала алатынын жеке атап өткім келеді.Бұл әрдайым сұранысқа ие болатын негізгі банктік өнім. Әрине, бүгінгі таңда онлайн кредитпен ешкімді таң қалдыра алмайсың, бірақ оның тиімді шарттарымен қызықтыруға болады. Осылайша, біздің қосымша арқылы онлайн кредит ресімдеу кезінде клиенттерге 50% мөлшеріндегі жеңілдік беріледі. Өнімнің осы түрінің танымалдығын көріп отырмыз. Қазіргі уақытта кредиттердің 50%-нан астамы онлайн ресімделеді және осы сандар біздің шарттардың тиімділігін және қызметтің ыңғайлығын растайды.
Тиімді өнімдерді сипаттай отырып, біздің жаңа өнім – онлайн қайта қаржыландыру қызметі жөнінде де айтқым келеді. Аталған қызметтің көмегімен клиент өз төлемдерін 5 минут ішінде төмендете алады. Өнім өте өзекті және жоғары сұранысқа ие. Азырақ төлеу әрдайым тиімдірек, сондықтан әр клиент өзінің борыштық жүктемесін төмендетуді қалайтыны сөзсіз. Біз осыны жүзеге асырдық! Әр клиент біздің қосымшаны жүктеп алып, өз төлемін қаншалықты төмендете алатынын тексере алады. Қайта қаржыландыру қызметін онлайн, қосымшада тіркелгеннен кейін 5 минут ішінде қолдануға болады.
Мен өзім көптеген қызметтерді пайдаланатынымды және Halyk Bank тек шығындар туралы ғана емес, табыс туралы екенін атап өткім келеді. Мысалы, Halyk Homebank қосымшасында менің барлық транзакцияларым үшін жиналған бонустар мені таң қалдырды, сіздердің бонустық бағдарламаңыз туралы айтып беруіңізді сұраймын.
– Әрине, қуана жауап беремін. Осыған дейін айтып өткенімдей, біз барлық жаңа клиенттерімізді бастапқы бонустармен қарсы аламыз. Біздің Halyk Club ниеттестік бағдарламасын жеке атап өткім келеді. Бұл клиенттерімізге арналған артықшылықтар клубы, ол арқылы Halyk Homebank қосымшасында және Банктің POS терминалдарында төлем жасағаны үшін 1% кепілді бонус, сонымен қатар 22&nbsp;000 астам дүкенді құрайтын Halyk Clubсеріктестер желісінде 25% дейін жоғары бонус алуға болады. Біздің барлық серіктестерді Halyk Club жасыл түсті стикерлер көмегімен немесе қосымшадағы Halyk Club бөлімінде анықтай аласыз. Ыңғайлы болу үшін серіктестер санаттарға бөлінген. Клиенттеріміз жинаған бонустарын коммуналдық төлемдерге, мобильді байланысқа, көптеген өзге төлемдерге, сондай-ақ Halyk Club серіктестер желісінде жұмсай алады. Осыған қоса, клиенттер Halyk Lightбөліп төлеу картасымен тауарды 4 айға бөліп төлеумен сатып алып, Halyk Club серіктестер желісінде комиссиясыз және артық төлемсіз төлем жасайды.
Сіз клиенттерге арналған жаңа мүмкіндіктер туралы қызықтырып айтып бердіңіз, ал қазіргі уақытта Halyk Bank қандай ыңғайлы қызметтерді іске қосты?
– Сұрағыңызға рахмет, бұл сұхбат клиенттерімізге барлық қосымша қызметтеріміз туралы егжей-тегжейлі айтып беруге жақсы мүмкіндік. Бүгінгі таңда біз алыс сапарға аттануды ұнататын саяхатшыларымызға арналған қызметтерді – Halyk Travel және Halyk Tour іске қостық.
Halyk Travel – әуе билеттерін сатып алу қызметі. Қызметті іске қосу аясында «әуе билеттеріне 25% жеңілдік» акциясын жарияладық және қазіргі кезде біздің Halyk Travel &nbsp;қызметі арқылы әуе билеттерін сатып алуға деген жоғары сұранысты көріп отырмыз. Әуе жолдарымен сапарға шығуды барлығы жақсы көреді, ал әуе билеттерін тиімді сатып алу әлдекайда жағымдырақ.
Біз әзірлеген екінші қызмет – саяхат турларын сатып алуға арналған Halyk Tour қызметі. Аталған өнім де үлкен сұранысқа ие болды. Клиенттеріміз саяхат бағыттарын таңдауды және жоспарлауды ұнатады, бұл ретте біз «мерзімі жақындаған тиімді тур», «үздік тур», «өзіңе арналған саяхатты» таңдауға қосымша мүмкіндік береміз. Қажетті саяхат таңдалған болса, клиент 5 минут ішінде төлем жасап, сапарға жинала бастауға мүмкіндік алады. Ұсыныстар клиенттер үшін қызықты және тиімді болуы үшін барымызды салдық. Осылайша, клиент саяхатты Halyk Tourарқылы сатып алғанда жұмсаған сомадан 5% бонус алады, ал Halyk Homebank қосымшасындағы Booking.com қызметі арқылы қонақүй брондаған болса қосымша + 7% бонусқа ие болады.
Осыған қоса, біздің қосымшада клиенттер көлігіне АЖМС (ОГПО) сақтандыруды онлайн ресімдей алады. Қосымшада&nbsp; өмірді, жұмысты, жылжымайтын мүліктісақтандыру, COVID-19 індетіне шалдыққанда қаржылық қорғауды қоса алғанда, сақтандыру өнімдерінің өзге де түрлері қолжетімді.
Ыңғайлы қызметтермен қатар, біз клиенттерді акцияларымызбен қуантамыз. Өткен жылы өткізілген, Halyk Homebank &nbsp;мобильді қосымшасы арқылы телефон нөмірі арқылы аударымдар мен төлемдер жасағаны үшін апта сайын iPhone12 ұтыс ойыны сияқты акцияларымыз клиенттердің қызығушылығына ие болды. Әлеуметтік желілердегі көптеген өтініштер бойынша біз осындай акцияларды бұдан әрі жалғастыруды ұйғардық. Апта сайын 29 тамызға дейін клиенттеріміз Halyk Homebank қосымшасында телефон нөмірі арқылы аударымдар мен төлемдер жүргізе отырып, iPhone12 ұтып алу мүмкіндігін алады. Телефон нөмірі бойынша аударымдар мен төлемдер неғұрлым көп болса, iPhone 12 ұтып алу мүмкіндігі соғұрлым арта түседі.
Ұтыс ойындары туралы тақырыпты жалғастыра отырып, біздің жаңа шарамыз 100-ге100%- туралы айта кетейін. Әр аптада біз мобильді қосымша арқылы коммуналдық төлем жасаған 100 клиентті таңдап, төлем сомасының 100%-н бонус түрінде қайтарамыз, осы арқылы коммуналдық төлем тегін болмақ. Halyk Bank коммуналдық төлемдерді тиімді етеді. Біз клиенттерімізге түрлі акциялар ұсынуға дайынбыз, қосымшаны пайдалана отырып, клиенттер әдеттегі онлайн қызметтерден көптеген мүмкіндіктерге қол жеткізеді.
Сөзімді қорытындылай келе, біздің қазіргі және жаңа клиенттерімізге Halyk Homebank қосымшасын пайдалану ыңғайлы әрі тиімді екендігін айтқым келеді. Біз, өз кезегімізде онлайн қызметтер мен қызмет көрсету сапасын жетілдіруді жалғастырамыз.

Halyk Homebank сабақтастықты сақтай отырып, жақсартылған функционал енгізді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Аудан әкімі Асылбек Шаменовтың төрағалығымен бүгін Жалағаш аудандық әлеуметтік әріптестік және әлеуметтік еңбек қатынастарын реттеу жөніндегі үшжақты комиссия отырысы өтті.
Комиссия отырысына “Қызылорда облысының кәсіподақтар орталығы” аумақтық кәсіподақтар бірлестігі төрағасы Сермағамбетов Серік, “Қызылорда облысының кәсіподақтар орталығы” аумақтық кәсіподақтар бірлестігі төрағасының орынбасары Бәйімбетов Марат, Мәдениет, спорт, туризм және ақпарат қызметкерлері салалық кәсіподағының Қызылорда облысы филиалының төрағасы Үмбетова Раушан, Қазақстандық білім және ғылым қызметкерлерінің салалық кәсіподағы ҚБ Қызылорда облыстық ұйымының төрайымы Гүлнар Есқалиева, “Senim” денсаулық сақтау жүйесі жұмыскерлерінің салалық кәсіподағы РҚБ Қызылорда облыстық филиалының төрағасы Асылхан Абылайханұлы, “Ауыл шаруашылығы қызметкерлері салалық кәсіподағы” Қызылорда облыстық филиалы төрағасы Толыбай Жүсіпов, облыстық жұмыспен қамтуды үйлестіру және әлеуметтік бағдарламалар басқармасы, облыстық еңбек саласындағы бақылау басқармасы, аудандық бөлім, мекеме басшылары, кәсіпкерлер, шаруашылық басшылары мен кәсіподақ ұйымдарының өкілдері қатысты.
Комиссия отырысында Қызылорда облысы көлемінде әлеуметтік әріптестік аясында облыстық кәсіподақтар орталығы тарапынан әлеуметтік еңбек қатынастарын реттеуде атқарылып жатқан жұмыстар мен алдағы мақсаттар туралы Қызылорда облысының кәсіподақтар орталығы” аумақтық кәсіподақтар бірлестігі төрағасы Сермағамбетов Серік, ауданда әлеуметтік әріптестік аясында халықтың тиімді жұмыспен қамтылуын қамтамасыз ету, лайықты еңбек жағдайлары мен жалақыны қалыптастыруға, әлеуметтік саясатты нығайтуға бағытталған жұмыстар туралы аудан әкімінің орынбасары Еспенбет Жасұлан хабарлама жасады.
Жиын соңында аудан көлемінде жұмыс жасап жатқан ірі және орта бизнес өкілдер арасындағы қызметкерлердің жұмыспен қамтылуы, еңбек құқықтары мен кепілдіктерін сақтау және өндірістің қалыпты жұмыс істеуін қамтамасыз ету мәселелері жөніндегі өзара ынтымақтастық меморандумына қол қою рәсімі өткізілді.
<img src="https://kyzylorda-news.kz/wp-content/uploads/2021/04/170152652_1191118574673552_1367267046362591956_n.jpg" alt="" />
<img src="https://kyzylorda-news.kz/wp-content/uploads/2021/04/171642598_1191118774673532_5050696749695167717_n.jpg" alt="" />

Жалағашта әлеуметтік еңбек қатынастарын реттеу жөніндегі үшжақты комиссия отырысы өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 60-тан асқан адамдар ауыз бекітуден бұрын медициналық тексеруден өтіп, дәрігердің тиісті кеңесін алуы керек. Бұл туралы Қазақстан мұсылмандары діни басқармасының төрағасы, Бас мүфти Наурызбай қажы Тағанұлы айтты.
<blockquote>
 «Рамазанда ауыз бекіткен исі мұсылман баласы өзін ішіп-жеуден ғана шектемей, жаны мен тәнін жамандықтан сақтап, ізгілікке ұмтылады. Іс-әрекетін мұсылманға тән әдеп аясында орындауға тырысады. Өйткені, Рамазан – кез келген ізгі амалды риясыз ниетпен жасауға тәрбиелейтін, адамды тақуалыққа үйрететін ай. Аштық пен шөлге төзіп, Алла разылығын алуды шынайы ниет еткен адамға берілетін сый мен құрмет ерекше болмақ.
</blockquote>
Алла Тағала Құдси-хадисте: «Аузы берік адам ішіп-жеуін Мен үшін доғарды. Ораза – Мен және құлымның арасындағы ғибадат. Оған берілетін сыйды Мен ғана өлшеп, Мен беремін. Аузы берік құлымның аштық пен шөлдеу себебінен шыққан ауыз иісі Мен үшін миск әтірінен де қайырлы», – деген. Бүгінде Қазақстан мұсылмандары діни басқармасы халқымызға «Ихсан ілімін» кеңінен насихаттап келеді. Ихсан – пенденің иманын бекемдеп, құлшылыққа деген құлшынысын арттыратын, адамгершілікке тән игі қасиеттерді кемелдендіре түсетін рухани ілім. Бұл – әр амалды көркем түрде орындауға үйрететін ілім», – деді Бас мүфти Орталық коммуникациялар қызметіндегі брифинг барысында.
Осы ретте Наурызбай қажы Тағанұлы рухани кемелдену айы – Рамазанда барынша әдепсіз әрекет пен қате-кемшіліктен арылып, тұла бойымызда көркем мінез құндылықтарын қалыптастыруға тырысқанымыз абзал екенін баса айтты.
<blockquote>
 «Өкінішке қарай, биыл да қасиетті Рамазан айын пандемия жағдайында өткізгелі отырмыз. Жұқпалы дертті оқшаулану, сақтану арқылы ғана жеңуге болатынын анық аңғардық. Осы ретте сіздерді ауызашар кезінде, құлшылық сәттерінде санитарлық талаптарды қатаң сақтауға шақырамын. Денсаулық – бәрінен қымбат құндылық, Алланың адамзатқа берген аманаты. Осы орайда жасы 60-тан асқан аға-апаларымды ауыз бекітуден бұрын медициналық тексеруден өтіп, дәрігердің тиісті кеңесін алуға шақырамын. Егде жастағы және балиғатқа толмаған азаматтардан күрделі ахуал тұрақталғанша мешітке бармай, құлшылықты үйде орындауын сұраймыз», – деді Қазақстан мұсылмандары діни басқармасының төрағасы.
</blockquote>
<a href="https://lenta.inform.kz/kz/bas-mufti-60-zhastan-askandar-auyz-bekituden-buryn-medicinalyk-tekseruden-otinizder_a3773974">ҚазАқпарат</a>

60 жастан асқандар ауыз бекітуден бұрын медициналық тексеруден өту керек

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Шиелі кентінде ауданның «Құрметті азаматы», Әбдіманап Шорабаевты еске алуға арналған бокстан жасөспірімдер арасында республикалық турнир басталды.
Турнирдің ашылу салтанатында аудан әкімі Қамбарбек Мүбараков пен Ә.Шорабаевтың әпкесі Әтіркүл Шорабаева сөз сөйлеп, спортшыларға сәттілік тіледі. Үш күнге созылатын турнирге Республикамыздың түкпір-түкпірінен келген 200-ден аса спортшылар қатысуда.
Бұл турнир бұған дейін облыстық деңгейде 4 рет, Республикалық деңгейде 5 рет өткізілді. Жарыс жыл өткен сайын құлашын кеңге жайып, облыстың барлық аудандарынан, еліміздің әр аймағынан спортшылардың асыға күткен дүбірлі додасына айналды. Жарыс үш күнге созылады. Марапаттау салтанаты 10 сәуірде өтеді.
<img src="https://kyzylorda-news.kz/wp-content/uploads/2021/04/170810178_2853562624913822_865259344471765416_n.jpg" alt="" />

Шиеліде бокстан республикалық турнир басталды

<a href="https://kyzylorda-news.kz/">Kyzylorda-news.kz</a>. Қазақстанда халықаралық деңгейде бәсекеге қабілетті жеке ЖОО-лар баршылық. Бұл туралы ҚР Білім және ғылым министрі Асхат Аймағамбетов мәлім етті, деп хабарлайды <a href="https://lenta.inform.kz/kz/ashat-aymagambetov-zhoo-lardy-zheke-nemese-memlekettik-dep-bolmeymiz_a3773892">ҚазАқпарат</a>.
<blockquote>
 «Басты мақсат – жоғары оқу орындарындағы сапаны көтеру. Білім және ғылым министрлігі ЖОО-ларды жеке немесе мемлекеттік деп бөлмейді. Себебі мемлекеттік те, жекеменшік жоғары оқу орнында да білім беру сапасы төмен болуы мүмкін. Осы орайда оқу орындары негізсіз жіктеліп, осындай көзқарас қалыптасқан еді. Бізде елде және халықаралық деңгейде бәсекеге қабілетті жеке ЖОО-лар бар және оларды мақтан тұтамыз», – деді министр Орталық коммуникациялар қызметінде.
</blockquote>
Осы орайда ол еліміздегі ЖОО-лар бәсекеге қабілетті емес деген таптаурын пікірді ұмыту керектігін атап өтті. Қазақстандағы оқу орындарының басым бөлігі жоғары сапада білім беруге қауқарлы болып отыр.
<blockquote>
 «Сондықтан министрлік жеке және мемлекеттік деп өзара бөлмейді. Бұл тұрғыда сапалы білім беру қызметін ұсынатын оқу орны және білімді тиісті деңгейде бере алмайтын жоғары оқу орны деп қарастырамыз», – деді А. Аймағамбетов.
</blockquote>
Бұдан бұрын хабарланғандай, ҚР Білім және ғылым министрі Асхат Аймағамбетов ҰБТ-ны электронды форматта ұйымдастыруға қатысты пікір білдірді.

Жоғарғы оқу орындары жеке немесе мемлекеттік деп бөлінбейді

<a href="https://kyzylorda-news.kz/">Kyzylorda-news.kz</a>. Енді несие тарихы нашар азаматтар, «қара тізімге» кіргеніне қарамастан, қайта банкке барып қарыз рәсімдей алады. Кредитті дер кезінде жаба алмағаныңыз үшін ақталып, өтініш жазып, құжат тапсырмайсыз. Бастысы, несие жапқаннан кейін, соңғы бір жыл уақыт ішінде өзге де проблемалы кредитіңіз болмауы керек.
Кейбір экономистердің айтуынша, екі күннен кейін іске қосылатын бұл механизм «халықты уақытша алдап қою үшін» жасалып отыр, деп хабарлайды &nbsp;<a href="https://www.youtube.com/watch?v=JeCk6SrmhqQ&list=PLn2OyECVOtB_gYSSmEefocQJ3-3L3vPLj&index=5">«Информбюро»</a>.
Үш банктен несие алған Есмағұл Сейітқалиұлы соңғы екі жыл кредитін төлеп жүрген жоқ. Өйткені, жұбайының да, өзінің де денсаулығы сыр беріп, тұрақты жұмысынан айырылып қалған. Қазір құрылыста заңды түрде жұмыс істеп, нәпақасын тауып жүрген азамат, қарызының барлығын бір банк арқылы қайта қаржыландыра алмай жүргенін айтады.
<blockquote>
 «Несие берсе алып, жауып тастар едім, мынаның бәрін. Сосын бір банкке төлеп отырайын деп едім», – деді&nbsp;Алматы қаласының тұрғыны&nbsp;Есмағұл Сейітқалиұлы.
</blockquote>
Есмағұл Жанесімовтың айтуынша,&nbsp;банктер оны «қара тізімде» тұрсың деп кері қайтарады.
Енді мұндай азаматтардың қайта несие рәсімдеуі үшін қайткен күнде де кредитін жауып, тура бір жыл ішінде банкте өзге де проблемалы берешегі болмауы керек. Сол кезде ғана бірінші кредиттік бюро борышкердің несие тарихы «оңалтылды» яғни, қалпына келтірілді деген мәртебені базаға енгізеді. Бұл статус бөліп төлеуге келіскен «қара тізімдегілерге де» беріледі, дейді мамандар.
<blockquote>
 «Егер қарыз алушының берешегі толық емес, ішінара өтелген болса, банктер бұл қарыз алушымен ыңғайлы кестесімен бірге оңалту жоспарын жасайды. Соған сәйкес қарыз алушының оңалту жоспарын орындағаны және соңғы 12 айда басқа мерізімі өткен берешегі болмаған жағдайда «оңалтылды» деген мәртебені алады», – деді&nbsp;ҚР қаржы нарығын реттеу және дамыту агенттігінің департамент директорының орынбасары Ерлан Сейілов.
</blockquote>
Экономист Меруерт Махмұтованың айтуынша, бұл – қарызға белшеден батқан бұқараны жұбатудың ең тиімді тәсілі. Бір жағынан осы механизм арқылы борышкерлерден банктер қаражат жинап, айналымын арттырғысы келетінін айтады. Бірақ, экономист ас-ауқаттың өзін банк картасы арқылы бөліп төлеп жүрген жұрттың жаппай несиесін қайтаратына күмәнмен қарайды.
<blockquote>
 «Азаматтар әбден қарызға батып төлей алмай жатқанда, ол көшеге шығады. Сондықтан билік ондай бір шешімді амалсыздан қабылдап отыр. Банктердің саясаты не де болса өзіміздің пайдамызды ұлғайту дегендей», – деді Меруерт Махмұтова.
</blockquote>
«Оңалтылды» деген мәртебе банк алдындағы қарызын бұған дейін өтеп қойған, бірақ «қара тізімде» тұрған азаматтарға да тікелей қатысты. Енді олар 12 ай бойы проблемалы несиеге ұрынбаса, қайта кредит рәсімдей берсе болады. Айта кетейік, бұл мүмкіндік тек қана «тұтынушылық несие» алғандарға беріледі екен.

Елімізде «қара тізімге» ілінгендерге де несие алуға мүмкіндік жасалды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; «Nur Otan» партиясы облыстық филиалының қолдауымен Асқар Тоқмағамбетов атындағы қалалық мәдениет үйінде өткен тағылымыды шараға облыстық, қалалық мәслихат депутаттары, мәдениет, өнер саласының өкілдері, ардагерлер, ҮЕҰ-дар өкілдері , ұстаздар, жастар сондай-ақ, бұқаралық ақпарат құралдарының өкілдері мен ақынның өнердегі достары қатысты.
<blockquote>
 «20000 данамен жарыққа шыққан туынды «халықтың психологиясын, ұлттық болмысын ескере отырып жазылды. Сөйлеуге дейін, Сөйлеу барасы, Сөйлеп болғаннан кейінгі аудиториямен жұмыс деп 3 бөлімнен тұратын әдістемелік құралда халықпен тығыз қарым қатынаста жұмыс жасайтын адамға оның киім киісі, жүріс тұрысынан бастап, сөйлеу шеберлігі, аудиториямен жұмыс жасауға дейінгі барлық жаттығулар қамтылған», дейді автор.
</blockquote>
Жиында сырдың серкесі атанған айтыскер ақын Серік Ыдырысов сөз алып, кітап авторына ақ батасын берді.
Ол «Сөз менеджменті» еңбегі қоғамымыздың қымбат қазынасына айналып, оқырман арқылы күнделікті кәдеге жарап жатса, үлкен олжа екендігін тілге тиек етіп, 2 дүркін «Алтын домбыра» иегері, айтыскер ақын, кітап авторы Жандарбек Айтақынұлына Сыр жұртшылығының атынан сәттілік тілеп, қаламының ұштала беруіне тілектестік білдірді.
Тағылымды шара соңында оқырмандар автордың кітабына қол таңбасын қойдырып, онымен естелік суретке түсті. 
Атап өтейік, «Nur Otan» партияcы тарапынан алдағы уақытта шешендік қабілетті шыңдауға бағытталған туындының негізінде жергілікті мәслихат депутаттары мен жастарды оқыту жоспарланып отыр.

Қызылордада айтыскер ақын Жандарбек Бұғақтың «Сөз менеджменті&#8221; кітабының таныстыру рәсімі өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Бүгін Қызылорда қаласының әкімі болып Қазантаев Ғанибек Қонысбекұлы тағайындалды.
Бүгін облыс әкімі Гүлшара Әбдіқалықова Қызылорда қаласы әкімдігінде өткен актив жиынында жаңа қала әкімін таныстырды. Қазақстан Республикасы Президенті Әкімшілігі мен Қызылорда қалалық мәслихатының келісімдері бойынша облыс әкімінің 2021 жылдың 8 сәуірдегі өкімімен Қызылорда қаласының әкімі лауазымына Қазантаев Ғанибек Қонысбекұлы тағайындалды.
Ғанибек Қазантаев 1960 жылы Қызылорда облысында туған. Жамбыл гидромелиоративтік-құрылыс институтын «инженер-құрылысшы» және Қорқыт ата атындағы Қызылорда мемлекеттік университетін «мұнай және газ кеніштерін игеру» мамандықтары бойынша бітірген.
Еңбек жолын 1980 жылы Жалағаш аудандық 9-шы жылжымалы механизацияланған колоннаның мастері ретінде бастаған. 1983-1992 жылдары Қызылорда облысындағы құрылыс ұйымдарында мастер, аға жұмыс өндіруші, өндіріс-техникалық бөлімінің бастығы, 3-ші ауданаралық мамандандырылған жылжымалы механизацияланған колоннаның бас инженері.
1992-2013 жылдары «Нефтегазстрой Кызылорда» корпорациясының президенті, «Ай-Дан» жауапкершілігі шектеулі серіктестігі бас директорының орынбасары, «ССК «Ақмешіт» акционерлік қоғамының президенті, «Ай-Дан Мұнай» жауапкершілігі шектеулі серіктестігінің атқарушы директоры, «Сырдариямұнай» акционерлік қоғамының бас директоры, «Транснефтьсервис» БК» жауапкершілігі шектеулі серіктестігінің бас директоры, «Kazpetrol Group» жауапкершілігі шектеулі серіктестігінің атқарушы директоры.
2013-2019 жылдары Сырдария ауданының әкімі қызметін атқарған.
2019 жылғы қыркүйек айынан бастап ҚР Энергетика министрлігінің Мұнай-газ кешеніндегі мемлекеттік инспекциясының оңтүстік өңіраралық басқармасының басшысы қызметін атқарып келді.
Облыс әкімі Гүлшара Әбдіқалықова жаңа басшының қызметіне сәттілік тіледі.
<img src="https://kyzylorda-news.kz/wp-content/uploads/2021/04/170687420_3265631236873256_5393487344523959747_n.jpg" alt="" />
<img src="https://kyzylorda-news.kz/wp-content/uploads/2021/04/170477889_3265657650203948_1024045528193236775_n.jpg" alt="" />

Қызылорда қаласының әкімі тағайындалды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысының тұрғындары Әлеуметтік медициналық сақтандыру қорына 17,3 млрд теңге аударды.
<blockquote>
 «Жүйе іске қосылған 2017 жылдың 1 шілдесінен 2021 жылдың 1 сәуіріне дейінгі аралықта Қызылорда облысының тұрғындары әлеуметтік медициналық сақтандыру қорына 17,3 млрд теңге аударды, оның 13,2 млрд теңгесі (76,3%) жұмыс берушілердің аударымдары болса, қалған 4,1 млрд теңге (23,7%) жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі», – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

МӘМС: Қызылордалықтар 17,3 млрд теңге аударды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Тәуелсіздіктің 30 жылдық мерейтойы аясында адамның ғарышқа алғашқы ұшуына 60 жыл толуына орай Қызылорда облыстық Қазақстан халқы Ассамблеясының жанындағы «Жаңғыру жолы» жастар қозғалысының ұйымдастыруымен, этномәдени бірлестік өнер ұжымдарының қатысуымен мерекелік концерт өтті.
Концертке қала тұрғындары, этномәдени бірлестіктің жетекшілері мен белсенділері, жастар қатысты.
Мерекелік концерт аясында ғарышты көрген тұңғыш адам – Юрий Гагарин, әлемдегі ғарышқа ұшқан жалғыз әйел – Валентина Терешкова туралы қызықты мағлұматтарға толы бейнесюжеттер көрсетілді. Одан бергі уақытта қаншама ғарышкер аспан әлеміне сапар шегіп, ғылыми зерттеулер жүргізді. Соның ішінде Қазақстанның үш азаматы Тоқтар Әубәкіров, Талғат Мұсабаев және Айдын Айымбетов туралы деректер айтылды.
«Ғарышқа сапар» мерекелік кешіндегі әсем ән, әдемі би көрерменге ерекше көңіл-күй сыйлады.
<img src="https://kyzylorda-news.kz/wp-content/uploads/2021/04/05-scaled.jpg" alt="" />

Қазақстан және Қызылорда облысының жаңалықтары

Тергеу изоляторында Қажымұқан Мұңайтпасұлының 150 жылдығына орай кітап көрмесі өтті

Қызылорда: Тұтынушыларға 840 мың теңгеден астам қаржы қайтарылған

Halyk Homebank сабақтастықты сақтай отырып, жақсартылған функционал енгізді

Жалағашта әлеуметтік еңбек қатынастарын реттеу жөніндегі үшжақты комиссия отырысы өтті

60 жастан асқандар ауыз бекітуден бұрын медициналық тексеруден өту керек

Шиеліде бокстан республикалық турнир басталды

Жоғарғы оқу орындары жеке немесе мемлекеттік деп бөлінбейді

Елімізде «қара тізімге» ілінгендерге де несие алуға мүмкіндік жасалды

Қызылордада айтыскер ақын Жандарбек Бұғақтың «Сөз менеджменті” кітабының таныстыру рәсімі өтті

Қызылорда қаласының әкімі тағайындалды

МӘМС: Қызылордалықтар 17,3 млрд теңге аударды

Қызылордада «Ғарышқа сапар» атты мерекелік концерт өтті

Қазақстан және Қызылорда облысының жаңалықтары

Тергеу изоляторында Қажымұқан Мұңайтпасұлының 150 жылдығына орай кітап көрмесі өтті

Қызылорда: Тұтынушыларға 840 мың теңгеден астам қаржы қайтарылған

Halyk Homebank сабақтастықты сақтай отырып, жақсартылған функционал енгізді

Жалағашта әлеуметтік еңбек қатынастарын реттеу жөніндегі үшжақты комиссия отырысы өтті

60 жастан асқандар ауыз бекітуден бұрын медициналық тексеруден өту керек

Шиеліде бокстан республикалық турнир басталды

Жоғарғы оқу орындары жеке немесе мемлекеттік деп бөлінбейді

Елімізде «қара тізімге» ілінгендерге де несие алуға мүмкіндік жасалды

Қызылордада айтыскер ақын Жандарбек Бұғақтың «Сөз менеджменті&#8221; кітабының таныстыру рәсімі өтті

Қызылорда қаласының әкімі тағайындалды

МӘМС: Қызылордалықтар 17,3 млрд теңге аударды

Қызылордада «Ғарышқа сапар» атты мерекелік концерт өтті

Қызылордада айтыскер ақын Жандарбек Бұғақтың «Сөз менеджменті” кітабының таныстыру рәсімі өтті