<a href="https://kyzylorda-news.kz/">Kyzylorda-news.kz.</a> «Қазгидромет» РМК Қызылорда облысы бойынша филиалы 10 қарашаға арналған ауа райы болжамын жариялады.
Кәсіпорынның хабарлауы бойынша түнде және таңертең 10 қарашада Қызылорда облысында оңтүстік-батыстан, оңтүстіктен жел соғады. Күші кей жерлерде 15-20 м/с сақталады.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Президент Қасым-Жомарт Тоқаевтың төрағалығымен қазақ тілі әліпбиін латын графикасына көшіру мәселесі бойынша кеңес өтті, деп хабарлайды <a href="http://www.akorda.kz/kz/events/akorda_news/meetings_and_sittings/memleket-basshysy-kazak-alipbiin-latyn-grafikasyna-koshiru-maselesi-boiynsha-kenes-otkizdi?fbclid=IwAR1lzkhPc5Qpb1b2OjjFz5YCEbUe9NnbFdUy-XQjK3MyKtqm7h1tIslQYcU">Ақорда</a>.
Жиында Мәдениет және спорт министрі Ақтоты Райымқұлова, Білім және ғылым министрі Асхат Аймағамбетов, лингвист-ғалымдар мен сарапшылардың қазақ тілі әліпбиін латын графикасына көшіру жұмыстарының нәтижесі бойынша баяндама жасады. &nbsp;
Ақтоты Райымқұлова ғылыми тұрғыдан зерделенген әліпби жобасын ұсынды. Жетілдірілген әліпби халқымыздың жазу дәстүрінде орныққан «бір дыбыс – бір әріп» принципіне толық сәйкес келеді, диграфтар, яғни бір дыбысты екі немесе одан көп таңбамен белгілеу принципі қолданылмайды. Бұл әліпби жобасында қазақ тілінің 28 дыбысы толық қамтылған.&nbsp;&nbsp;
Білім және ғылым министрі Асхат Аймағамбетов жаңа әліпбидің мектептер мен білім беру ұйымдарына жүйелі түрде енгізудің алдын ала дайындық кезеңдері, ұстаздарды, оқулықтарды даярлау мен әдістемелік құралдарды жаңарту мәселесі бойынша ақпарат берді. Оның айтуынша, барлық шаралар кешенді түрде кезең-кезеңімен, алдын ала толық дайындық жүргізілгеннен кейін ұйымдастырылатын болады. &nbsp;&nbsp;
Мемлекет басшысы кеңесте қаралған мәселелер бойынша бірқатар тапсырмалар берді. Атап айтқанда, әліпби жобасы ғалымдармен бірге толық зерделеніп, Үкімет жанындағы Қазақ тілі әліпбиін латын графикасына көшіру жөніндегі Ұлттық комиссияның кезекті отырысының қарауына енгізуді тапсырды.
Аталған комиссия отырысының қорытындысы шыққаннан кейін Үкімет жетілдірілген әліпбиді бекіту туралы Жарлық жобасын Президент Әкімшілігіне енгізуі тиіс.
<blockquote>
 “Жаңа әліпби бастамасы – бұл күрделі әрі&nbsp; шетін мәселе екенін ұмытпаған жөн. Жаңа графиканы енгізу бір күнде я болмаса, тіпті, бір жылда іске аса қоятын жұмыс емес. Әйтпесе, асығыстық бүкіл мәдениетімізге және тарихи болмысымызға зиян келтіруі мүмкін. Мәселе – кириллицадан латын әліпбиіне аударуда емес, бұл қазақ тілінің ауқымды реформасы деген сөз. Қаржы мәселесін де ескеруіміз керек. Латын әліпбиін енгізу жұмысы&nbsp; біртіндеп жүзеге асуы керек. Негізінде, бұл графика&nbsp; жас ұрпаққа арналған деп айтуға болады. Оның игілігін, ең алдымен, солар көруі керек. Сондықтан, бұл үрдіс жоспарлы түрде, біртіндеп іске асырылуы қажет”, – деді Мемлекет басшысы.
</blockquote>
Қасым-Жомарт Тоқаев Мәдениет және спорт, Білім және ғылым, Ақпарат және қоғамдық даму министрліктеріне ғалымдарды, сарапшылар мен зиялы қауым өкілдерін тарта отырып, жаңа әліпбиді халыққа жан-жақты түсіндіруге бағытталған кешенді ақпараттық жұмыс жүргізу туралы тапсырма берді.
<img src="https://kyzylorda-news.kz/wp-content/uploads/2020/11/f06b841759e1daccd3b8d1c7fac2b341-sm.jpg" alt="" />

ҚР Президенті қазақ әліпбиін латын графикасына көшіру мәселесі бойынша кеңес өткізді

<a href="https://kyzylorda-news.kz/">Kyzylorda-news.kz</a>. Бүгін аймақ басшысы Гүлшара Әбдіқалықованың төрағалығымен облыстық төтенше жағдайлардың алдын алу және оларды жою жөніндегі комиссия отырысы өтті. Күн тәртібінде екі мәселе қаралды. Атап айтсақ, облыстық төтенше жағдайлар департаментінің бастығы Б.Данилов ағымдағы жылғы орман шаруашылықтарындағы өрт қауіпті кезеңнің қорытындысы және 2021 жылғы өрт қауіпті кезеңге дайындық шаралары мен азаматтық қорғау және төтенше жағдайлар қызметтерінің қыс мезгіліне дайындығы туралы баяндады.
Қызылорда облысы аумағында орман және жануарлар дүниесін қорғау бойынша 8 мемлекеттік мекеме орналасқан. Осы мекемелердің қорында 6,6 млн. га жер көлемі болса, оның 3,1 млн. га орманды және тоғайлы алқаптар алып жатыр.
2014-2020 ж.ж. аралығында облыс бойынша мемлекеттік өртке қарсы қызметі жоқ елді мекендерде кезең-кезеңімен барлығы 22 өрт сөндіру бекеті құрылды.
Жыл басынан мемлекеттік орман қорында 48 өрт оқиғасы орын алып, бұл өткен жылдың осы кезеңімен салыстырғанда 8 есеге көбейген. Келтірілген залал көлемі 9,4 млн. теңгені құрап отыр.
Жалпы өрттің шығуына себеп – көктемгі және күзгі кезеңдегі ауылшаруашылығы жерлеріндегі шөптерді өртеу болып отыр.
Еске салайық, 21 қазанда Жаңақорған ауданы, Түгіскен ауылындағы егістік алқапта шамамен 30 гектар жерінде өрт оқиғасы орын алды. Өрттің салдарынан осы алқапта жайылып жүрген 1 300 бас уақ малының 261 басы өліп, 686 басын күйік шалған.
Осы ретте, аймақ басшысы Қызылорда қаласы мен аудан әкімдеріне, көктемгі егіске дайындық және күзгі егін жинау науқанынан кейін егін алқаптарын өртеу кезінде өз тараптарынан кезекшілік ұйымдастыруды және өртеу алдында облыстық табиғи ресурстар және табиғатты пайдалануды реттеу басқармасынан рұқсат алуды қатаң тапсырды.
«2021-2025 жылдарға мемлекеттік өртке қарсы қызметі жоқ елді мекендерде кезең-кезеңмен өрт бекеттерін құру» жоспарын іске асыру барысында бөлек ғимараттар мен қажетті өрт сөндіру құрал-саймандарымен жарақтандыруды, қолданыстағы заңдылықтарға сәйкес ерікті өрт сөндіру құрылымдарының қоғамдық бірлестіктер нысанында құрылуын қарастыруды, өз аумақтарындағы шаруа қожалықтарына 2021 жылғы көктемгі дала жұмыстарына дайындық барысында өрт қауіпсіздігі талаптарын сақтау және оның жауапкершілігі жөнінде түсіндірме жұмыстарын жүргізіп, қажет болған жағдайда тиісті құзырлы органдарды қатыстыра отырып, кінәлілерді жауапкершілікке тартуды ұйымдастыруды және алдағы 2021 жылғы өрт қауіпті кезеңде ауыл шаруашылығы алқаптарын өртеу кестесін әзірлеуді жүктеді.
Облыс аумағы бойынша 2642 шақырым қатты жабынды автомобиль жолдар жүйесі өтеді. Республикалық маңызы бар жолдардың жалпы ұзындығы 1112 шақырым және жергілікті маңызы бар автожолдар 1530 шақырым құрайды.
2020-2021 жылғы қысқы кезеңдегі төтенше жағдайларды жоюға облыстық Азаматтық қорғау қызметтерінің барлығы 1324 адам және 383 бірлік әр түрлі техникалары дайындыққа келтірілген.
Алайда, жыл сайын қысқы мезгілде ауа райының қолайсыз жағдайларына байланысты республикалық және облыстық маңыздағы автожолдарда көлік құралдарының жолаушыларымен бірге түрлі себептермен жолда тұрып қалу фактілері орын алып келеді.
Нақтырақ айтсақ, 2018-2019 жылдары Қызылорда-Жезқазған автожолында 107 көлік 208 жолаушысымен қар құрсауында қалған. Сондай-ақ, Ақтөбе облысында жолдың жабылуына байланысты, транзиттік көліктер Арал ауданының территориясында ұзақ уақытқа тоқтап, жолаушылар мен жүргізушілер жылыту пунктеріне көшірілді.
Оған қоса, азаматтардың қысқы уақыттағы қауіпсіздік шараларын сақтамауы салдарынан балық аулау кезеңдерінде мұз астына түсіп, қаза болу жағдайлары да тіркелуде.
Облыс әкімі Гүлшара Әбдіқалықова күрделі метеорологиялық жағдайларда күтіп-ұстаушы мекеме жол бойы мониторинг жұмыстарын жүргізіп, күнделікті ауа-райы болжамын ескеріп, қауіпті деген жол учаскелеріне қар тазалайтын техникаларын жақын орналастыруы керек екенін ескертті.
Сондай-ақ, жолаушылар тасымалдау көліктерінің жолға шығу жағдайларын және қыстық дизель отынымен қамтамасыз етілгенін қатаң бақылауға алуды, жол бойы орналасқан жылыту бекеттерінің үздіксіз жұмыс жасауларын қамтамасыз етуді, жолдың жабылғаны жөніндегі дабылды ескерту алысымен, санатына қарамастан көлік құралдарының жолға шығуына қатаң түрде шектеу қоюды, 2020-2021 жылдың күз және қыс айларында облыстық және аудандық маңыздағы жол қауіпсіздігін қамтамасыз ету мақсатында көктайғаққа қарсы материалдар, жанар-жағар май қорларын жасақтауды тапсырды.

Қызылордада төтенше жағдайлардың алдын алу және оларды жою жөніндегі комиссия отырысы өтті

<a href="https://kyzylorda-news.kz/">Kyzylorda-news.kz</a>. Жыл басынан бері республика бойынша 100 келіге жуық синтетикалық есірткі заттары тәркіленді. Бұл туралы ішкі істер министрлігінің есірткі қылмысына қарсы іс-қимыл департаментінің басшысы Тілеген Мәткенов мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Оның айтуынша, биыл тәркіленген синтетикалық есірткінің жалпы сомасы бір миллиард теңгеден асып отыр. Былтыр оның көлемі небәрі екі келі ғана болған.
<blockquote>
 “Қызылорда, Түркістан және Қарағанды ​​облыстарында қарасора өсірілген 62 плантация жойылды. Соның ішінде салмағы 20 тоннадан асатын 53 мың қарасора бұталары тәркіленіп, жойылды. Есірткі өсіру бойынша Қызылорда облысы көш бастап тұр. Мұнда 48 плантация жойылып, 14 тоннадан астам есірткі өсімдіктері тәркіленді”, – дейді Тілеген Маткенов.
</blockquote>
Ресми мәліметке сәйкес, жыл басынан бері синтетикалық есірткіге қатысты 650 қылмыстық құқықбұзушылық анықталды. Соның ішінде осы заттарды сатудың 238 фактісі бар. Ескірткіні таратуға арналған 850-ден астам сайт бұғатталды.&nbsp;
<blockquote>
 “Қазіргі кезде заңсыз есірткі заттары айналымы саласында электронды әмияндарды пайдалануға жол бермеу бойынша тиісті жұмыстар аяқталуға жақын. Осы қараша айында ішкі істер министрлігі мен ұлттық банк әзірлеген заң нормалары күшіне енеді. Оған сәйкес, анонимді қолданушыларға ақша аударуға тыйым салынады”, – дейді Мәткенов.
</blockquote>

Қызылорда облысы есірткі өсіруден көш бастап тұр

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова «Парасат» орденінің иегері, Қазақстан Жазушылар Одағының мүшесі, эколог-жазушы Сайлаубай Жұбатырұлын қабылдап, Арал теңізін қалпына келтіру мәселесін талқылады. Кездесуде эколог-жазушы аймақ басшысының Сырдария өзеніндегі су тапшылығына байланысты, күріш алқаптарын азайтып, ауылшаруашылық саласын әртараптандыру жобасын қолдайтынын жеткізді.
<blockquote>
 “Сіздің жақында республикалық телеарналарға берген сұқбатыңызды көрдім. Онда су тапшылығына байланысты суды көп қажет ететін күріш алқаптарын азайтып, ауылшаруашылық саласын әртараптандыру қажет екендігін айттыңыз. Бұл жоба өте дұрыс шешім. Қазіргі таңда Сырдария өзенінде су өте аз мөлшерде, күріш алқаптары сол судың теңізге жетуіне мүмкіндік бермеуде. Сондықтан суды үнемдеу арқылы, Арал теңізін қалпына келтіруге жұмыс жасаған абзал”, – деді эколог-жазушы Сайлаубай Жұбатырұлы.
</blockquote>
Аймақ басшысы Арал теңізін сақтап қалу және қайта қалпына келтіру бүгінгі күннің ең өзекті мәселесі екендігін айтты. Сонымен қатар, ауылшаруашылық саласын әртараптандырудың маңызы ерекше екенін жеткізді.
<blockquote>
 “Кешегі пандемия кезінде біз азық-түлік өнімдерін көрші облыстардан алдырдық. Қарапайым көкөністердің өзін сырттан тасыдық. Сондықтан ауылшаруашылық саласын әртараптандыру арқылы қажеттілікті өзімізден өндіруді жоспарлап отырмыз. Бұл бір жағынан су тапшылығынан туындаған жоспар, екінші жағынан Арал теңізіне мол су жіберудің амалы”, – деді облыс әкімі Г.Әбдіқалықова.
</blockquote>
Сондай-ақ кездесуде С.Жұбатырұлы 1921 жылы Поволжье мен Ресейдің құрғақшылық кезінде аштықтан зардап шеккен халқына көмек көрсету мақсатында Арал балықшыларының 14 вагон балық жөнелту тарихи оқиғасының 100 жылдығына орай ғылыми-танымдық конференция өткізу, кітап шығару және ескерткіш орнату туралы ұсыныстарын жеткізді. Аймақ басшысы аталған датаны эпидемиологиялық ахуал тұрақталған жағдайда 2021 жылы Қазақстан Республикасы Тәуелсіздігінің 30 жылдығы аясында атап өтуге болатынын айтты. Шараны жоғары деңгейде өткізу үшін облыстық іс-шаралар жоспары әзірленіп, ұсыныстар осы жоспарға енгізілетіндігін жеткізді.

Аймақ басшысы эколог-жазушы Сайлаубай Жұбатырұлымен кездесті

<a href="https://kyzylorda-news.kz/date/2020/11/09/">Kyzylorda-news.kz</a>. COVID-19 және коронавирустық пневмониямен ауыратын науқастар әлеуметтік медициналық сақтандыру есебінен оңалту қызметтерін алады. ҚР Денсаулық сақтау министрлігі халыққа медициналық оңалту көрсету Ережесіне тиісті толықтырулар енгізді. Бұйрық &nbsp; <a href="http://adilet.zan.kz/rus/docs/V2000020022">«Әділет»</a> сайтында жарияланды.
Науқастарды COVID-19-дан кейін қалпына келтіру бірнеше кезеңнен тұрады. Ауруханаға жатқызу кезеңінде қалпына келтіру шараларының кешені басталады, олар тыныс алуды қалыпқа келтіруге, асқынулардың дамуын азайтуға, өмір сүру сапасын жақсартуға және мазасыздық пен депрессия белгілерін жеңілдетуге бағытталған.
Ауруханадан шыққаннан кейін ауру ағымының ауырлығына, ілеспе патологиялардың болуына байланысты пациент медициналық оңалтудың 2-кезеңіне немесе бірден 3-кезеңге жіберілуі мүмкін, ол амбулаториялы – емханалық ұйымдарда, күндізгі және тәуліктік стационарларда, оңалту орталықтарында, санаторий-курорттық ұйымдарда, үйдегі стационарларда немесе қашықтықтан жүргізіледі. Айта кету керек, ковидтан кейінгі синдром психологиялық қолдау шараларын қажет етеді.
<blockquote>
 «Егер науқаста коронавирустық инфекция болса, қанның оттегімен қанығуы 95% – дан төмен, өкпенің зақымдану деңгейі 50% – дан асса немесе бұл көрсеткіш 25% деңгейінде болса, бірақ нормадан асатын ентігу, қатар жүретін аурулар, оттегі қолдауы қамтамасыз етілсе, емдеу реанимация және қарқынды терапия бөлімінде өтсе, науқас 2 кезеңді қалпына келтіруді қажет етеді. Орташа айқын көрінген бұзылулары бар пациенттер 3 кезеңге жіберіледі» – деді Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Айта кету керек, егер &nbsp;көрсеткіштер болса, үйде емделіп, медициналық ұйымдарға жүгінбеген азаматтар да 3 кезеңді оңалтуға ала алады. Сондай-ақ, олар мультидисциплинарлы топтың бағалауынан өтуі қажет.&nbsp;
Әрбір пациент үшін оңалту курсы пациент ағзасының ерекшеліктерін, оның қосалқы ауруларының болуын, жасын және т. б. ескере отырып, жеке таңдалады.
COVID-19 және коронавирустық пневмониямен ауыратын науқастарды оңалтуға жіберу тәртібі бұрынғы тәртіптен ерекшеленбейді: ол үшін Сіз учаскелік дәрігермен кеңесуіңіз керек, участкелік дәрігер пациенттің жағдайын бағалау үшін реабилитолог немесе көп салалы мамандар тобының кеңесіне жолдама береді. Тексеру кезінде тыныс алу функциясы (сатурация деңгейі, КТ/рентгенография деректері бойынша өзгерістер), күнделікті өмірге қабілеттілігі (Бартел индексі) ескеріледі.
Қор коронавируспен немесе пневмониямен ауырғаннан кейін оларға мұқтаж сақтандырылған халық үшін оңалту қызметтерін үздіксіз қаржыландыруды қамтамасыз етеді.
Оңалту қызметтерін көрсету үшін биылғы жылы Әлеуметтік медициналық сақтандыру қорының Қызылорда облысы бойынша филиалы 28 жеткізушімен шарттар жасасты, оның ішінде осы қызметтерді жеткізушілер қатарында 10 жеке медициналық ұйым бар.
Егер емделушіге көмек көрсетуден бас тартылса немесе оның оңалту ережелеріне қатысты сұрақтары туындаса, онда пациент 1406 байланыс орталығына жүгіне алады немесе Qoldau – 24\7 мобильдік қосымшасында өтініш қалдыра алады.
<img src="https://kyzylorda-news.kz/wp-content/uploads/2020/11/kovid_reabilitacija-kaz.jpg" alt="" />

МӘМС: Коронавируспен ауырған пациенттерге оңалтуды қалай алуға болады?

<a href="https://kyzylorda-news.kz/date/2020/11/09/">Kyzylorda-news.kz.</a> Қызылорда облыстық білім басқармасының ұйымдастыруымен «Қатыгездіксіз және зорлық-зомбылықсыз балалық шақ» тақырыбында ақпараттық науқанының шаралары өтеді. 12 күнге созылатын ақпараттық науқанда бірнеше шаралар онлайн форматта іске асырылады.
Облыс мектептерінің жоғары сынып оқушылары арасында «Зорлық-зомбылықсыз әлемді қалай құруға болады» атты үздік эссе байқауы
«Зорлық-зомбылықтың алдын алу – отбасы, мектеп, қоғам мәселесі» атты қоғамдық ұйымдардың өкілдерінің қатысуымен ата-аналарға арналған онлайн семинар
«Мектеп қатыгездік пен зорлық-зомбылықтан азат аумақ» тақырыбында онлайн-конференция
Облыстық жасөспірімдерге психологиялық көмек көрсету орталығының «Ашық есік күні»
«Психологқа қоңырау шалу» («Звонок психологу») науқаны
«Жасөспірімнің қауіпсіз жыныстық дамуы» тақырыбында Жастар денсаулық орталығы мамандарының онлайн-қабылдауы
«Кәмелетке толмағандар арасында зорлық-зомбылықтың алдын алуда психологиялық қызметтің рөлі» аймақтық онлайн-кездесулер өткізіледі.

Зорлық-зомбылықсыз балалық шақ: Қызылордада ақпараттық науқан басталды

<a href="https://kyzylorda-news.kz/date/2020/11/09/">Kyzylorda-news.kz.</a> «Ауыл – Ел бесігі» жобасы «Өңірлерді дамытудың 2020-2025 жылдарға арналған мемлекеттік бағдарламасының» бір бағыты ретінде біріктірілді. Аталған жобаға облыстың 103 елді мекені арнайы әдістеме негізінде іріктеліп, енгізілді. Нәтижесінде 62 инвестициялық жобаны іске асыруға бюджеттен 5,1 млрд. теңге бөлінді.
Ауыл тұрғындарының өмір сүру сапасын жақсартуға бағытталған жоба аясында 4 мектеп жөнделіп, 2 ауылға су желісі тартылды, үш ауылдың көшелері жарықтандырылды. 42 жоба ауыл көшелерін асфальттауға бағытталса, Жаңақорған ауданы Шалкия кентінде 150 орындық клуб, Арал ауданы Жақсықылыш кентінде мектепке 100 орындық қосымша ғимарат, Жалағашта 200 орындық оқушылар және 50 орындық өнер мектебі салынуда.
Жоба аясында 298 жұмыс орны ашылды, оның 109-ы тұрақты. Бүгінде 62 жобаның 35-і аяқталып, пайдалануға берілді.

Қызылордада «Ауыл &#8211; ел бесігі» жобасы аясында 62 жоба іске асырылуда

<a href="https://kyzylorda-news.kz/date/2020/11/09/">Kyzylorda-news.kz</a>. Жыл басынан бері облыстан 22,5 млн. долларды құрайтын 66,1 мың тонна ауыл шаруашылығы өнімдері (күріш, балық өнімдері, бидай қалдығы, бидай ұны, сабан, мақсары майы, қауын және қарбыз) өзге елдерге экспортталып, өткен жылдың сәйкесті кезеңімен салыстырғанда 11,8 пайызға артты. Бұл туралы облыс әкімінің баспасөз қызметі хабарлады.
Оның ішінде 97,8% өңделген өнімдерді шетке саудаланған. Өнімдер әлемнің 17 мемлекетіне жеткізілуде.
Барлық экспортталған өнімнің 91,0 пайызын құрайтын облыстың негізгі дақылы – күріш өнімі, Ресей, Қырғызстан, Беларусия, Әзірбайжан, Моңғол мемлекеті, Тәжікстан, Украина, Түркмения және Ирак мемлекеттеріне экспортталған.
Есепті кезеңге 60,2 мың тонна күріш өнімі экспортталып, былтырғы жылмен салыстырғанда 132,0 пайызға артып отыр.
Биылғы жылы алғаш рет облыстан Германия мемлекетіне 421,5 тонна қамыс және Өзбекстанға 136 тонна бидай ұны жөнелтілді. 
Сондай-ақ, Қытай және Ауғанстан мемлекеттеріне 391,5 тонна мақсары майы, Ресей мемлекетіне 1270 тонна қарбыз, 137 тонна қауын экспортталды.

Қызылорданың ауылшаруашылық өнімдері 17 мемлекетке экспортталуда

<a href="https://kyzylorda-news.kz/">Kyzylorda-news.kz</a>. Қазақстанда алты саяси партия тіркелген болса, бүгінде олардың барлығы сайлауалды съезд өткізетін күнді нақтылап үлгерді, деп хабарлайды&nbsp;<a href="https://sputnik.kz/">Sputnik Қазақстан</a>.
Партия өкілдері съездің күн тәртібінде – сайлау іс-шаралары мен тізім және бағдарламалар бекітілетінін растады.
<ul>
<li>11 қараша күні Нұр-Сұлтанда&nbsp;Қазақстан коммунистік халықтық партиясының&nbsp;съезі өтеді.</li>
<li>18 қарашада&nbsp;“Ауыл” партиясының&nbsp;съезі өтеді. Нұр-Сұлтанда ұйымдастырылатын шараға қатысушылар депутаттыққа кандидаттардың тізімдерін, сондай-ақ партияның сайлауалды тұғырнамасын бекітеді.</li>
<li>Жалпыұлттық социал-демократиялық партиясының&nbsp;(ЖСДП) съезі 13 қараша күні Нұр-Сұлтанда өтеді.</li>
<li>“Адал” партиясының&nbsp;(бұрынғы “Бірлік”) басқосуы 16 қарашада Нұр-Сұлтанда өтетіні жоспарланған.</li>
<li>“Ақ жол” партиясының&nbsp;сайлау алдындағы съезі 20 қарашада өтеді. Шешім партияның орталық кеңесінің пленумында қабылданды. Орталық кеңес съездің күн тәртібінің жобасын мақұлдады. Ол үш сұрақтан тұрады: партияның мәслихаттар мен парламент мәжілістеріне сайлауға қатысуы туралы, партиялық тізімдерді бекіту туралы, партияның сайлауалды бағдарламасының жобасы туралы.</li>
<li>Сондай-ақ, Қазақстанның тұңғыш президенті,&nbsp;Nur Otan&nbsp;төрағасы Нұрсұлтан Назарбаев партияның кезектен тыс ХХ съезін өткізу туралы жарлыққа қол қойғаны белгілі болды. Ол 2020 жылдың 25 қарашасында өтеді.</li>
</ul>
Сонымен қатар, Елбасы 2020 жылы 24 қарашада Nur Otan партиясы саяси кеңесі бюросын шақыру туралы жарлыққа қол қойды.

Қазақстанда 6 партия сайлауалды съезд өткізетін күнді нақтылады

<a href="https://kyzylorda-news.kz/">Kyzylorda-news.kz.</a> Екі бірдей қызылордалық бір алаяқтың арбауына түсіп қалды. Олар пәтерге қол жеткізу үшін бір әйелге 1 млн 100 мың тең берген. Алаяқ пәтер де алып бермей, ақшасын да қайтармай алдап соққан.
Жедел іздестіру жұмыстарының нәтижесінде арызда көрсетілген мәліметтер бойынша күдікті ретінде 29 жастағы бұрын сотты болған Қызылорда қаласының тұрғыны анықталып, ұсталды.&nbsp;
“Аталған деректер бойынша Қазақстан Республикасының Қылмыстық кодекстің 190 бабының 1 және 3 бөліктерімен (Алаяқтық) сотқа дейінгі тергеп-тексеру амалдары жүргізілуде”, – делінген полиция департаментінің хабарламасында.

Екі қызылордалық алаяқтың арбауына түсіп қалған

<a href="https://kyzylorda-news.kz/">Kyzylorda-news.kz.</a> Қараша айының 1-7 күндері аралығында Қызылорда қаласындағы орта арнаулы оқу орындарында студенттерге ақпараттық түсіндірме жұмыстары жүргізіліп, психологиялық кеңес берілді.
Қызылорда қалалық ішкі саясат бөлімінің қолдауымен «Қызылорда облыстық Жастар одақтары» ҚБ ұйымдастырған шара «Сыбайлас жемқорлықтың алдын алуға бағытталған ақпараттық түсіндірме шараларын ұйымдастыру және психологиялық кеңес беру» деп аталды.
Шара барысында психолог маман Гүлнар Абдибаттаева қызметкерлер мен студенттерге түсіндірме жұмыстарын жүргізе отырып, арнайы брошуралар таратты.
<img src="https://kyzylorda-news.kz/wp-content/uploads/2020/11/whatsapp-image-2020-11-27-at-10.43.31.jpeg" alt="" />

Қазақстан және Қызылорда облысының жаңалықтары

Сейсенбіге арналған ауа райы болжамы

ҚР Президенті қазақ әліпбиін латын графикасына көшіру мәселесі бойынша кеңес өткізді

Қызылордада төтенше жағдайлардың алдын алу және оларды жою жөніндегі комиссия отырысы өтті

Қызылорда облысы есірткі өсіруден көш бастап тұр

Аймақ басшысы эколог-жазушы Сайлаубай Жұбатырұлымен кездесті

МӘМС: Коронавируспен ауырған пациенттерге оңалтуды қалай алуға болады?

Зорлық-зомбылықсыз балалық шақ: Қызылордада ақпараттық науқан басталды

Қызылордада «Ауыл – ел бесігі» жобасы аясында 62 жоба іске асырылуда

Қызылорданың ауылшаруашылық өнімдері 17 мемлекетке экспортталуда

Қазақстанда 6 партия сайлауалды съезд өткізетін күнді нақтылады

Екі қызылордалық алаяқтың арбауына түсіп қалған

Қызылордада студенттерге кеңес беру шарасы өткізілді

Қазақстан және Қызылорда облысының жаңалықтары

Сейсенбіге арналған ауа райы болжамы

ҚР Президенті қазақ әліпбиін латын графикасына көшіру мәселесі бойынша кеңес өткізді

Қызылордада төтенше жағдайлардың алдын алу және оларды жою жөніндегі комиссия отырысы өтті

Қызылорда облысы есірткі өсіруден көш бастап тұр

Аймақ басшысы эколог-жазушы Сайлаубай Жұбатырұлымен кездесті

МӘМС: Коронавируспен ауырған пациенттерге оңалтуды қалай алуға болады?

Зорлық-зомбылықсыз балалық шақ: Қызылордада ақпараттық науқан басталды

Қызылордада «Ауыл &#8211; ел бесігі» жобасы аясында 62 жоба іске асырылуда

Қызылорданың ауылшаруашылық өнімдері 17 мемлекетке экспортталуда

Қазақстанда 6 партия сайлауалды съезд өткізетін күнді нақтылады

Екі қызылордалық алаяқтың арбауына түсіп қалған

Қызылордада студенттерге кеңес беру шарасы өткізілді

Қызылордада «Ауыл – ел бесігі» жобасы аясында 62 жоба іске асырылуда