<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Төтеншеліктер облысқа биыл көмір көмірқышқыл газын анықтайтын тағы 1000 датчик алуға ұсыныс білдірді. Егер бюджеттен қаржы бөлініп жатса, тұрғындар аталмыш құрылғының игілігін көретін болады.
<blockquote>
 «Біздің мақсатымыз – адам өмірі мен денсаулығы және қоршаған ортаны өрттен қорғау. Аймақта жылу беру маусымы басталғалы аз қамтылған, көпбалалы, тұрмыс жағдайы төмен отбасылар тұратын үйлерге көмір көмірқышқыл газын анықтайтын 1158 дана датчик орнатып шықтық. Бұл өңірдегі өрт пен газдан туындайтын апатты жағдайлардың алдын алуға көмектесін негізгі құрылғы дер едім. Себебі биылғы өрт салдарының 90 пайызы электр желілерінің қысқаша тұйықталуынан, тұрмыстағы пештің және газ қондырғыларының ақауынан болып отыр», – деді облыстық ТЖД бастығының орынбасары Бауыржан Ізбасаров.
</blockquote>
Бүгінде еріктілермен апта сайын «Өрт қауіпсіздігі сенбілігі» ұйымдастырылып, өрттің алдын алу мақсатында профилактикалық жұмыстар жүргізілуде.
Бұдан бөлек, облыс бойынша тұрғын үйлер мен халық көп баратын жерлерде өрт қауіпсіздігі талаптарын сақтау туралы үгіт-насихат жұмыстары жалғасуда. Айта кетейік, биыл жыл басынан бері облыста 99 өрт оқиғасы орын алды. Онда 9 адам қаза болып, 9 адам жарақаттанды.

Бауыржан Ізбасаров: Көмірқышқыл газын анықтайтын тағы 1000 датчик алынады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Мемлекет басшысының өкімімен Қанатбек Бақытұлы Жайсаңбаев Қазақстан Республикасы Президентінің Әкімшілігі Мемлекеттік бақылау және аумақтық-ұйымдастыру жұмысы бөлімінің меңгерушісі лауазымына тағайындалды.
Қанатбек Жайсаңбаев 1980 жылы 8 ақпанда Қызылорда қаласында дүниеге келген.&nbsp;2000 жылы&nbsp;Қазақ мемлекеттік заң академиясының сот-прокурорлық факультетін бітірген, заңгер.
Еңбек жолын 2000 жылы Қазақ мемлекеттік заң академиясы Қызылорда филиалының дәріскерінен бастады.
2001 жылдың тамызынан желтоқсан айына дейін ҚР Жоғарғы соты жанындағы Сот әкімгерлігі жөніндегі комитеттің Қызылорда облысы бойынша соттар әкімшісінің бас маманы.
2001-2003 жж. – Қызылорда облысы әкімінің аппаратында мемлекеттік-құқықтық жұмыс бөлімінің бас маманы.
2003-2005 жж. – бас инспекторы, бөлім меңгерушісі.
2005-2007 жж. – ҚР Төтенше жағдайлар министрлігі Құқықтық қамтамасыз ету басқармасының бастығы.
2007-2008 жж. – «Kazakh Integrated Services» ЖШС заңгері (Астана қ.). 2007 жылдың қазанынан – «CNRG Capital» ЖШС Өкілдігінің заңгері (Астана қ.).
2008-2010 жж. – Қызылорда облысы әкімінің аппарат жетекшісінің орынбасары.
2010-2016 жылы Қызылорда облысы әкімі аппаратының басшысы, кейін Президент Әкімшілігінің мемлекеттік бақылау және аумақтық-ұйымдастыру жұмысы бөлімінің мемлекеттік инспекторы болып жұмыс істеді. Сондай-ақ, бұған дейін Президент Әкімшілігінің Ішкі саясат бөлімі меңгерушісінің орынбасары қызметін атқарған.

Қанатбек Жайсаңбаев жаңа қызметке тағайындалды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үкімет мәжіліс депутаттарының бала күтіміне байланысты жәрдемақыны көтеруге қатысты сауалына жауап берді. Бұдан бөлек, Қазақстан халық партиясының фракциясы ақылы декреттік демалысты екі жылға дейін арттыруды ұсынған, деп хабарлайды&nbsp;<a href="https://sputnik.kz/">Sputnik Қазақстан</a>.
Премьер-министрдің орынбасары Ералы Тоғжановтың жауабында соңғы он жылда мемлекеттік жәрдемақы алатын отбасылардың жарты миллион адамға артқаны туралы айтылған. Осыған байланысты бюджеттен бөлінетін қаржының көлемі де өсіп отыр. Мәселен, 2011 жылы 160,9 млрд. теңге берілсе, 2020 жылда жәрдемақының жалпы сомасы 635,3 млрд. теңгеге дейін өскен.
Сонымен қатар, үкіметте бала күтіміне байланысты жәрдемақының мөлшерін арттыру және оны төлеу мерзімін екі жылға дейін ұзарту мәселесі талай рет зерделеніп, талдау жұмыстары жүргізілген.
<blockquote>
 “Осы мақсатта қосымша 530,2 млрд. теңге (мемлекеттік бюджеттен 242,6 млрд. теңге, мемлекеттік әлеуметтік сақтандыру қорынан 287,6 млрд. теңге) қажет болады деген шешімге келдік. Ондай сценариймен 2024 жылда мемлекеттік әлеуметтік сақтандыру қорының қаржылық тұрақтылығы бұзылады”, – дейді Тоғжанов.
</blockquote>
Осы орайда премьер-министрдің орынбасары әлемдік тәжірибені де атап өтті. Оған сәйкес, Италияда бала күтіміне арналған жәрдемақы 6 ай төленеді және табыстың 30 процентін құрайды. Ұлыбританияда – 9 ай, Германияда – 1 жыл, ал Ресейде 1,5 жыл төленеді. АҚШ пен Үндістанда ондай жәрдемақылар қарастырылмаған.
<h3 id="">Мемлекет үшін кім қымбат – депутаттар нені талап етті</h3>
Наурыздың басында Қазақстан халық партиясының депутаттары үкіметке сауал жолдап, бала күтімі бойынша берілетін жәрдемақыны көбейтуді талап еткен. Осы орайда депутат Айжан Ысқақова бала күтіміне арналған жәрдемақы мен түрмедегі бір қылмыскерге кететін шығынды салыстырды.
Заң бойынша жұмыс істемейтін әйелдерге бірінші баласы үшін ай сайын 16 801 теңге, екінші баласы үшін 25 962 теңге төленеді. Ал бір сотталған адамды түрмеде ұстауға бюджеттен ай сайын, шамамен, 88,5 мың теңге бөлініп тұрады.
<blockquote>
 “Сонда бес есеге артық болып тұр. Түзеу мекемесінде отырған қылмыскерді күзетпен, тамақпен, киім-кешек және дәрі-дәрмекпен де қамтамасыз етеді.&nbsp; Мемлекет үшін кім қымбат? Дәрігер, мұғалім мен ғалым болатын бала ма? Әлде, түрмеде отырған ұры, жәбірлеуші немесе пара алған шенеунік пе?”, – деді Ысқақова.
</blockquote>
Бүгінде бала күтімі бойынша тағайындалатын төлемдер бір жасқа дейін төленеді. Ал жүктілік пен бала тууға қатысты әлеуметтік төлемдер тек жұмыс істейтін әйелдерге ғана беріледі.
Осыған байланысты фракция депутаттары бала күтіміне байланысты жәрдемақыны ең төменгі күнкөріс деңгейіне (34 302 теңге – Sputnik) дейін көтеруді ұсынды. Сондай-ақ халық қалаулылары ақылы декреттік демалысты екі жылға дейін арттыру қажет деп санайды.

Балаға төленетін жәрдемақы көтеріле ме – Үкімет жауап берді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстан мұсылмандары діни басқармасы пітір садақа беру тәртібін түсіндірді.
Бас мүфтидің орынбасары Ершат қажы Оңғардың айтуынша, биыл пітір садақаның мөлшері 2 келі ұнның орташа бағасы негізінде анықталды.
<blockquote>
 “Қазақстан мұсылмадары діни басқармасы әр өңірдің бас имамына хат жолдап, сол өңірдегі бағаны білді. Сосын ортақ бағаны шығарды. Бір келі ұн 210 теңге болды. Ал шариғат бойынша пітір садақаның мөлшері екі келі ұнның бағасына тең. Ол – 420 теңге”, – деді Оңғар орталық коммуникациялар қызметінде өткен онлайн брифингте.&nbsp;
</blockquote>
Оның айтуынша, бұл – пітір садақаның ең төменгі мөлшері. Сондықтан жағдайы бар азаматтар пітір садақаны мейіздің немесе құрманың бағасымен бере алады. &nbsp;&nbsp;
<blockquote>
 “Егер бай-қуатты және жағдайы жақсы адамдар болса, мейіздің бағасымен берсе болады. Қазіргі кезде екі келі мейіздің бағасы 3 580 теңгені құрайды. Сондай-ақ, 4 келі құрманың құнымен беруге болады. Оның бағасы – 7 300 теңге. Міне, бай-қуатты азаматтар пітір садақаны осылай бере алады”, – деп атап өтті Оңғар.
</blockquote>
Айта кетейік, 2021 жылы қасиетті Рамазан айы 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні. Ал 13 мамыр Ораза айттың бірінші күні болады.
<a href="https://sputnik.kz/">Sputnik Қазақстан</a>.

Жағдайы бар адамдар пітір садақаны қалай бергені дұрыс?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылордада велоспорттан жастар арасында Қазақстан Республикасының чемпионаты өтуде.
Жарысқа еліміздің облыстарынан және Нұр-Сұлтан, Алматы, Шымкент қалаларынан 70-тен аса велошабандоз қатысуда.
Жарыстың алғашқы күнінде 25 шақырымдық жекелей жарыста Алматы облысының спортшысы Андрей Ремхе жеңіс тұғырына көтерілді. Екінші орынды Нұр-Сұлтан қаласының спортшысы Егорь Стрельников алса, үшінші орынды солтүстікқазақстандық Алексей Ваганов иеленді.
Жарыстың екінші күнінде 83 шақырымдық топтық жарыста қызылордалық Аслан Силықбек мәреге бірінші болып жетті.Екінші және үшінші орындарға солтүстікқазақстандық Генне Данил мен Нұр-Сұлтан қаласының спортшысы Кирилл Стрельченко жайғасты.
Ел чемпионаты 11 сәуірге дейін жалғасады.

Қызылордада велоспорттан Қазақстан чемпионаты өтуде

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Марат Нұрмағамбетов Қазақстан Республикасы Экология, геология және табиғи ресурстар Министрінің келісіміне сәйкес Орман шаруашылығы және жануарлар дүниесі комитеті Қызылорда облыстық орман шаруашылығы және жануарлар дүниесі аумақтық инспекциясы басшысы болып тағайындалды.
Марат Нұрмағамбетов 1965 жылы 16 тамызда Қызылорда облысы Қазалы ауданында дүниеге келген. Орман шаруашылығы және жануарлар дүниесі саласында 2014 жылдан бастап қызмет атқарады.
Марат Жалпақбайұлы бұған дейін Қазақстан Республикасы Экология, геология және табиғи ресурстар министрлігі Орман шаруашылығы және жануарлар дүниесі комитеті Қызылорда облыстық орман шаруашылығы және жануарлар дүниесі аумақтық инспекциясы басшысының орынбасары лауазымын атқарған.
<img src="https://kyzylorda-news.kz/wp-content/uploads/2021/04/171153023_1544162459308370_3125030002392982802_n.jpg" alt="" />

Қызылорда облыстық орман шаруашылығы инспекциясының  басшысы тағайындалды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақ эстрадасының жарық жұлдызы Мадина Сәдуақасова пандемия уақытында өзіне қандай ұсыныстар түскенін айтты. Көптеген адамдар өнер иесін басқа салада жұмыс істеп көруге шақырған.
Мадина Сәдуақасова карантин уақытында өзіне жұмысқа қатысты түрлі ұсыныстар түсе бастағанын айтты. Бірақ, әртіс өзін өнер саласынан басқа жерде көре алмайтынын түсініп, олардан бас тартқан.
<blockquote>
 «Осы пандемияда көп адам мені бизнеске, басқа жұмысқа, басқа салаға шақырып жатты. Ес білгелі осы әншілікпен айналысқан, осы мамандыққа оқып, өмірін сахнамен байланыстырған адамға қалай ұсынады мұндайды“ деп кәдімгідей біртүрлі болып қалатынмын. Сабырмен , көрерменмен қауышатын күнді күтемін! Жаңа әндер іздеп, композитор ақындармен жұмыс жасап, студияда альбом жазамын, фотосессия, бейнебаян түсіремін, дизайнерлермен жаңа образ, көйлектер тіккіземін, түсірілімдерге, жобаларға қалмай қатысамын, халықпен әлеуметтік желі болсын, телевизия арқылы байланысты үзбей, өз сағынышымды басып аламын“ дедім! Солай! Басқа ешнәрсеге икемім де, қалауым да жоқ», – деп жазды әнші <a href="https://www.instagram.com/p/CJ-lp0kM14u/?utm_source=ig_embed">Instagram</a> парақшасында.
</blockquote>

Мәдина Сәдуақасова пандемияда өзіне жұмыс ұсынғандарға шүйлікті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Әлемде азық-түлік бағалары индексі рекордтық көрсеткішке жетті, деп хабарлайды «Хабар 24».
Біріккен ұлттар ұйымы келтірген дерекке сәйкес, наурыз айында ішіп-жем құны 2014 жылдың маусымынан бері болмаған деңгейге өсіпті. Оған негізінен өсімдік майы бағасы индексінің көтерілуі себеп болған. Ақпан айымен салыстырғанда ол 8%-ке қымбаттапты. Бұл соңғы он жылдағы ең жоғары көрсеткіш. Мамандар «мұндай жағдай биодизель отынын өндірушілер тарапынан болатын тұрақты сұраныспен байланысты», дейді. Бұдан бөлек, олар сүт өнімдері бағасының индексі 3,9%-ке өскенін айтады.

Азық-түлік бағасы рекордтық көрсеткішке жетті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысында коронавирус инфекциясын жұқтырушылардың саны азаймай отыр. Салдарынан «сары аймаққа» енді. Сәуір айының алғашқы жеті күнінде 201 жағдай тіркелді. Көрсеткіш төмендемесе карантин талаптары күшейтіледі.
«Бізді 1 жасқа дейінгі сәбилер мен мектеп жасындағы балалардың ауру жұқтыруы алаңдатуда. Аудандарда да жағдай күрделеніп барады. Бұл сақтық шарасына салғырттық танытып жүргендіктің салдары. Осылай жалғаса берсе карантин талаптарын күшейтуге мәжбүр боламыз», – деді облыстық санитариялық-эпидемиологиялық бақылау департамент басшысының орынбасары Әлия Әбдіқайымова.
Бүгінде мониторингтік топтар карантин талаптарының сақталуын қадағалау мақсатында күн сайын тексеріс жүргізуде. Аталмыш жұмыстар аясында мыңнан аса нысан мен үйлер араланып, карантин талаптарын бұзғандарға әкімшілік шара қолданылуда.
Айта кетейік, өткен тәулікте аймақта 43 адам коронавирус инфекциясын жұқтырды.

Қызылорда: Карантин талаптары күшейтілуі мүмкін

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте 2440 адамда коронавирус індеті ПТР арқылы расталды. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 446, 
Алматы қаласы – 717, 
Шымкент қаласы – 72, 
Ақмола облысы – 101, 
Ақтөбе облысы – 116, 
Алматы облысы – 254, 
Атырау облысы – 149, 
Шығыс Қазақстан облысы – 49, 
Жамбыл облысы – 38, 
Батыс Қазақстан облысы – 110, 
Қарағанды облысы – 169, 
Қостанай облысы – 33, 
Қызылорда облысы – 43, 
Маңғыстау облысы – 33, 
Павлодар облысы – 38, 
Солтүстік Қазақстан облысы – 49, 
Түркістан облысы – 23.
Жалпы ел бойынша ауырғандар саны 263943.

Қызылордада бір тәулікте 43 адам коронавирус жұқтырған

<a href="https://kyzylorda-news.kz/">Kyzylorda-news.kz.</a> Синоптиктер 9 сәуір күні ел аумағында ауа райы құбылмалы болатынын болжады, деп хабарлайды «Қазгидромет» РМК.
Қазақстан территориясының басым бөлігінде атмосфералық фронттардың өтуіне байланысты тұрақсыз ауа райы сақталады.
Еліміздің кей жерлерінде жауын-шашын жауады.
Тек оңтүстік бөлігінде күн ашық болады.
Кей жерлерде тұман түсіп, жел күшейеді.
Республикамыздың оңтүстік-батысында шаңды дауыл соғады, солтүстікте көктайғақ болады.
Ақмола, Павлодар, Жамбыл облыстарының кей жерлерінде тұман түседі, күндіз кей жерлерінде жел қарқыны 15-20 м/с жетеді.
Ақтөбе, Қарағанды облыстарының кей жерлерінде тұман түседі.
Солтүстік Қазақстан, Қостанай облыстарының кей жерлерінде тұман түсіп, көктайғақ болады.
Қостанай облысының кей жерлерінде желдің жылдамдығы 15-20 м/с дейін күшейеді.
Күндіз Түркістан, Қызылорда, Маңғыстау, Атырау, Батыс Қазақстан облыстарының кей жерлерінде жел екпіні – 15-20 м/с.
Маңғыстау, Атырау облыстарында шаңды дауыл тұрады.

9 сәуірге арналған ауа райы болжамы

Kyzylorda-news.kz. Бүгін сағат 14-35-да Қызылорда қаласы Шұғыла мөлтек ауданы 4 үйдің 2 қабатында орналасқан пәтерден өрт шығып, өрт сөндірушілердің күшімен 7 адам құтқарылды.
Өрттің салдарынан Шұғыла мөлтек ауданы 4 үйде орналасқан бес қабатты тұрғын үйдің 20 пәтерінің асхана және қонақ бөлмелері жанып, ауданы 23,5 шаршы метрі зақымдалды. Сағат 15-00 минутта өрт толығымен сөндірілді. Өртті сөндіруге өртке қарсы қызметінен 17 қызметкер 6 техникасымен жұмылдырылды. Өрттің шығу себебі мен шығыны анықталуда.
<img src="https://kyzylorda-news.kz/wp-content/uploads/2021/04/img-20210408-wa0035.jpg" alt="" />

Қазақстан және Қызылорда облысының жаңалықтары