<a href="https://kyzylorda-news.kz/">Kyzylorda-news.kz.</a> Биыл Қызылорда облысында 184,2 мың гектар жерге егiс егілді. Негізгі дақыл күрiштің көлемі 89,5 мың гектарды құрады. Бұл туралы Қызылорда облыстық ауыл шаруашылығы басқармасының баспасөз қызметі хабарлады.
Ауыл шаруашылығы дақылдары өткен жылмен салыстырғанда 1,1 мың гектарға артық егіліп отыр.
Сонымен қатар, облыста егісті әртараптандыру бағытында алғаш рет перспективалы дақылдар қант құмайы 70 гектарға, соя 240 гектарға, жүгері дақылы 1&nbsp;667 гектарға дейін жеткізіліп, ылғал сақтағыш аквагельдерді пайдалану арқылы 80 гектар тәлімдік жерлерге күздік бидай дақылы егілді.
Сыр диқандары ағымдағы жылы орын алған су тапшылығы жағдайы мен пандемияның шектеулеріне қарамастан ала-жаздай жасаған тынымсыз еңбегінің нәтижесінде рекордтық көрсеткішке қол жеткізіп, жоғары өнім жинады. 89,5 мың гектар күріштің әр гектарынан 61,8 центнерден өнім алынып, ел қамбасына 551,3 мың тонна Сыр маржаны құйылды.

Сыр диқандары рекордтық көрсеткішті жаңартты

<a href="https://kyzylorda-news.kz/">Kyzylorda-news.kz.</a> Әлемді жайлаған пандемияға қарамастан қызылордалық спортшылар дайындықтарын тоқтатқан емес.
Облыстың бас мемлекеттік санитариялық дәрігерінің №24 қаулысына сәйкес аймақ спортшылары карантиннен кейін қауіпсіздік шараларын назарда ұстап, спорт залдарда оқу-жаттығу процестерін жалғастыруда. Сондай-ақ, облыстық дене шынықтыру және спорт басқармасының бекітілген жоспарына сәйкес «ZOOM» бағдарламасы арқылы облыстық онлайн жарыстар ұйымдастырылды.
Атап айтқанда, тоғызқұмалақтан ересектер арасында, жалпы дене дайындығы жаттығулары бойынша 16 және 17 жасқа дейінгі ұлдар мен қыздар арасында жекелей облыстық жарыстар, жасөспірімдер арасында каратэден КАТА, таеквондодан ПУМСЭ бағдарламалары бойынша, ерлер арасында қоссырықта қолды бүгіп жазудан, кермеге тартылудан, футбол фристайлынан өткізілген жарыстарға 1000-нан аса спортшы қатысты. Сыр спортшылары онлайн жүйеде республикалық жарыстарға да қатысып, облыс намысын қорғауда.
Алдағы уақытта атаулы мерекелер қарсаңында көркем және эстетикалық гимнастикадан, гір спортынан, таеквондодан, кермеге тартылудан, тоғызқұмалақтан, футбол фристайлынан, киокушинкай-кан, каратэден және басқа да спорт түрлерінен онлайн спорттық іс-шаралар жоспарлануда.
Айта кетейік, халықты спортқа тарту және салауатты өмір салтын насихаттау мақсатында “YouTubе” желісінде «<a href="https://www.youtube.com/channel/UCD7drxsAUV-JLhXSLQrW4Bg">Сыр спорты</a>» каналы жұмыс істейді.

Қызылордада онлайн жарыстарға мыңнан аса спортшы қатысты

<a href="https://kyzylorda-news.kz/">Kyzylorda-news.kz.</a> Биыл «Байқоңыр» әлеуметтік кәсіпкерлік корпорациясы» инвестициялық, кластерлік және мемлекеттік бағдарламаларды іске асыру үшін 2,1 млрд теңгені құрайтын 4 жобаны мақұлдады.
Бұл туралы Өңірлік коммуникациялар қызметінің ақпарат алаңында өткен брифингте «Байқоңыр ӘКК» АҚ басқарма төрағасының орынбасары Азамат Досжанов мәлімдеді.
Ет өңдеу кешені, асыл тұқымды мал басын көбейтетін шаруашылық, кварц құмын өндіретін зауыт және шұжық шығаратын цех іске қосылады. Жобаларға тиісті қаражаты бөлініп, бүгінде ет өңдеу кешенінің құрылыс жұмыстары жүргізілуде.
<blockquote>
 “Корпорация жобалар мен бағдарламаларды іске асыруда барлық бағыттарды қамтиды. Сондай-ақ, қаржы институттарына және екінші деңгейлі банктерге жобаларды ұсынамыз. Бұдан бөлек, бүгінде 22 жоба қарастырылуда. Оның 14-і өндіріс, 6-ы ауыл шаруашылығы, 2-еуі балық шаруашылығына қатысты. саласы. Қазіргі таңда, шағын және орта бизнесті дамытудың жаңа деңгейіне шығару үшін бірқатар қаржылық және ғылыми институттармен жұмыс жасаудамыз”, – деді Азамат Досжанов.
</blockquote>

Қызылорда: 2,1 млрд теңгені құрайтын жоба мақұлданды

<a href="https://kyzylorda-news.kz/">Kyzylorda-news.kz.</a> «Цифрлық Қазақстан» мемлекеттік бағдарламасы аясында Қызылорда қаласында электрондық төлем жүйесін орнату жобасы іске асырылуда.
Аталған жоба мемлекеттік-жекешелік әріптестік (МЖӘ) механизмін пайдалана отырып іске асырылуда.
Қазіргі уақытта жобаның Алматы қаласындағы «AlemPay» ЖШС жеке серіктесімен 600 дана жабдық (стационарлық валидаторлар мен терминалдар) сатып алынды, бүгінде «Қызылорда автобус паркі» ЖШС-нің 91 автобусында орнатылды. Кондукторлар мен жүргізушілер терминалдарды пайдалану бойынша қысқа мерзімді оқытудан өтті.
Бүгінгі күні жолаушылар онлайн режимде төлем жасауда. Көлік карталары арқылы – 85 теңге (SMS, QR-код, мобильді қосымша арқылы – 80 теңге (кэшбэктер мен жеңілдіктер бар 10 теңгеге дейін), ал қолма – қол төлем кезінде-90 теңге.

Қызылорда қаласында электронды билет жүйесі жүзеге асуда

<a href="https://kyzylorda-news.kz/">Kyzylorda-news.kz.</a> Қызылорда «Болашақ» университетінде «Рухани жаңғыру: қоғамдық сана мен тарихи сананы жаңғырту» пәні аясында академиялық жазбалар жазуды үйрену бойынша семинар сабақ өтті.
Семинарда ғылыми мақалалардағы талдау әдістерінің құпияларына ерекше назар аударылды. Жалпы ғылыми әдіснама, философиялық әдіснама және зерттеулердің жиынтықталған әдіснамасы қарастырылды. Талдаудың маңызды ғылыми әдістері ретінде контент талдау, ивент талдау, мониторинг, құрылымдық-логикалық модель, салыстырмалы талдау, нарративті талдау мен тарихи талдау айтылды.
Академиялық жазбалар бұл зерттеушілердің өз пәндерінің зияткерлік шекараларын және белгілі бір білім салаларын анықтау үшін қолданатын ерекше стилі. Академиялық жазудың сипаттамаларына үшінші тұлғаның көзқарасын қолдану, зерттелетін мәселеге нақты назар аудару және сөздерді дәл таңдау жатады. Академиялық жазбалар ғалымдар мен сарапшылар тобына күрделі идеялар мен тұжырымдамалардың келісілген мағынасын жеткізуге арналған. Сонымен қатар академиялық жазбалар нақты, қысқа, бағытталған, құрылымдалған және дәлелді жұмыс болып табылады. Оның мақсатына оқырманның мәселені түсінуге көмектесу жатады. Академиялық жазбалар үшін зерттеу әдістерін білу өте маңызды.
Аталған семинардан кейін Қызылорда «Болашақ» университетінің студенттері ресейлік «Молодой ученый» журналының арнайы нөмірі үшін ғылыми мақалалар дайындауы қажет.
Мұрат НАСИМОВ,
«Болашақ» Ғылыми-зерттеу институтының директоры,
саяси ғылымдарының кандидаты, қауымдастырылған профессор.

&#8220;Болашақ&#8221; университетінде академиялық жазбалар семинары өтті

Kyzylorda-news.kz. Бүгінгі күні жер шарының барлық түкпiрiне хабар-ошар бiрнеше сағат iшiнде тарайтындай бұл кезеңнiң ең қымбат капиталы ақпарат болғандықтан баспасөз қызметінің мамандары журналистикада, редакция жұмысында, басылым өндірісі саласында, радио және теледидар жұмысында білікті болуы қажет.
Медиа саласымен тығыз байланыс орнатып, кез келген органның қоғаммен байланысын реттеп, жұмыс жасайтын арнайы өкілдері саналатын баспасөз хатшылары маңызды рөл атқарады. 
Баспасөз хатшылары мемлекеттік органдар қызметінің ашықтығы мен жариялылығын қамтамасыз ету мақсатында бекітілген мамандар журналистермен тығыз байланыс орнатып, БАҚ беттеріне жарияланатын нақты мәліметтерді ұсына білулері қажет.
Баспасөз қызметі мамандарының біліктілігін арттыру, білімін шыңдау бағытында облыстық ішкі саясат басқармасы «Заманауи медиа және баспасөз қызметі» тақырыбында оқыту семинар курстарын ұйымдастырды. 
Облыстық семинар-тренингті облыс әкімінің орынбасары Ахмет Серік Әбжәліұлы ашып, журналист Н.Нұрмахан, А.Тұңғышбаева лебіздерін білдірді.
Семинар-тренинг санитарлық нормалар мен талаптарды сақтай отырып, 3 секцияға бөліп өткізілді. Облыстық семинар-тренингке қала, аудан әкімдіктерінің, облыстық басқармалар мен аймақтық департаменттердің 60-қа жуық баспасөз хатшылары, өзге де ұйымдар мен мекемелердің PR менеджерлері, БАҚ өкілдері қатысты.
Оқыту семинарының тренерлері «Qyzylorda» телеарнасының бас редакторы, “Үш таған” ақпараттық-сараптама бағдарламасының жүргізушісі, “Сорос” халықаралық қорының грант иегері Тұңғышбаева Айнұр Нұрланқызы, республикалық «Ұстаз мәртебесі» газеті мен «Әлімсақ» журналының бас редакторы, журналист Нұрмахан Нұрлан Көбегенұлы, «Социум-Қызылорда» қоғамдық қорының басшысы, қоғам белсендісі, әлеуметтік желінің белсенді қолданушысы Мусаев Ерлан Нұрланұлы өңірдің баспасөз хатшыларымен өз тәжірибелерімен бөлісті.
Шара барысында фойеде “Сыр журналистикасының тарихы” тақырыбында көрме ұйымдастырылды.
<img src="https://kyzylorda-news.kz/wp-content/uploads/2020/10/img-20201024-wa0013.jpg" alt="" />
<img src="https://kyzylorda-news.kz/wp-content/uploads/2020/10/fb_img_1603526569482.jpg" alt="" />
<img src="https://kyzylorda-news.kz/wp-content/uploads/2020/10/fb_img_1603526574513.jpg" alt="" />

Қызылордада журналистер мен баспасөз хатшыларына арналған семинар өтті

<a href="https://kyzylorda-news.kz/">Kyzylorda-news.kz.</a> Синоптиктер Қызылорда облысында 24 қазан күні түнде 1-6 градус үсік күтіледі.
Ал Қызылорда қаласында ауа температурасы 1-3 градусты көрсетеді. Дабылды ескертудің ықтималдылығы 95-100 %.

Қызылордада 1-6 градус үсік күтіледі

<a href="https://kyzylorda-news.kz/">Kyzylorda-news.kz.</a> «Азаматтарға арналған үкіметтің» әлеуметтік-еңбек саласы бойынша 1411 бірыңғай байланыс орталығы биылғы 9 ай ішінде азаматтарға 912&nbsp; мыңнан астам консультациялық қызмет көрсетті.
Бұл орайда ең көп қойылған сауалдар 42&nbsp;500 теңге әлеуметтік төлеміне (400 мыңнан астам), зейнетақы және әлеуметтік қамсыздандыруға (356 мыңнан астам), сондай-ақ әлеуметтік мекенжай көмегіне (50 мыңнан астам) қатысты болған.
Қазақстанда әлеуметтік қызметкерлердің кәсіби мерекесі қазан айының соңғы жексенбісіне белгіленген. Бұл күн 2011 жылы ҚР Тұңғыш Президентінің жарлығына сәйкес бекітілді. Қазіргі таңда «Азаматтарға арналған үкімет» мемлекеттік корпорациясында жұмыс істеп жатқан 22 мыңнан астам адамның 2 мыңнан астамы – әлеуметтік блоктың қызметкерлері.
«Корпорацияның әлеуметтік саладағы рөлі тек қана 1411 байланыс орталығымен шектелмейді. Бүгінде «Азаматтарға арналған үкімет» әлеуметтік және зейнетақымен қамсыздандыру саласында төлемдердің 44 санаты бойынша 15 мемлекеттік қызмет көрсетеді. Соның ішінде декреттік төлемдер, бала туу мен бір жасқа дейінгі күтімі бойынша жәрдемақылар, зейнетақылар мен басқа да әлеуметтік төлемдер бар», – деді мемлекеттік корпорациясының басқарма төрайымының орынбасары Біржан Жүнісов.
Айта кету керек, биылғы 9 ай ішінде «Азаматтарға арналған үкімет» әлеуметтік блогының мамандары 20,3 млн төлем жасаған. Кең тараған қызметтерге тоқталсақ, баланың тууы мен бір жасқа дейінгі күтіміне қатысты жәрдемақы – 315 397, &nbsp;бір жасқа дейінгі бала күтіміне орай табысынан айрылған жағдайда тағайындалатын әлеуметтік төлем – 206&nbsp;082, жүктілікке және босануға байланысты әлеуметтік төлем – 154 499.

Биыл 1411 байланыс орталығы миллионға жуық әлеуметтік кеңес берді

<a href="https://kyzylorda-news.kz/">Kyzylorda-news.kz.</a> Бір топ жас АҚШ-тың Бас консулдығына “Борат” фильмінің екінші бөлімі шыққан күні келді. Олар фильмге тыйым салуды талап етіп, петициясын ұсыну үшін ғимаратқа кірді.&nbsp;
Қазақстанның патриот жастарының өкілдері Американың дипломатиялық өкілдігінің ғимаратына фильмге қатысты наразылығын жеткізу мақсатында арнайы барды. Жастар фильмге қарсы петиция жазды.
<img src="https://kyzylorda-news.kz/wp-content/uploads/2020/10/15276870.jpg" alt="" />
Ұйымдастырушылар бұл петиция арқылы қоғамда теріс реакция тудырған фильмнің көрсетілуіне тыйым салуды сұрайды, олардың пікірінше, ол бүкіл мемлекеттің беделін түсіреді.
<blockquote>
 “Көп адам жиналуы керек еді, бірақ пандемия кезінде бұған тыйым салынып отыр. Заң бар. Соған сәйкес, көп адам шоғырланбауы керек. “Намыс” клубынан Азамат Жолданбаев, Мақсат Мамадияров және бір топ жігіт келді. Біздің бар тілегіміз – осы фильмді заңды түрде тоқтату. Бұл фильмді көрсетуге болмайды. Күні кеше олар қазақтың намысын аяққа таптады. Сондықтан біз үйімізде отыра алмадық, бұл жерге өз наразылығымызды білдіру үшін келдік”, – деді “Намыс” клубының жетекшісі Азамат Ғалымжанұлы.
</blockquote>
Петицияға 50 адам қол қойды. Қол қойған тараптардың өкілдері бас консулға петицияны куәгерлер мен журналистердің көзінше ұсынғысы келетінін жеткізді. Консулдық қызметкерлері ішке тек бір адамды ғана шақыра алатынын жеткізгендіктен, Азамат Ғалымжанұлы өз әріптесімен бірге бас ғимаратқа кірді. Кейін олар қандай нәтижеге қол жеткізгендерін айтты.
<blockquote>
 “Дипломаттар біздің петициямызды қабылдады, пікірімізге құлақ асты, наразылығымызды түсінді. Олар құжатты қарау үшін бас консулға тапсыратынын айтты. Ең бастысы, олар бізді және көздеген мақсатымызды түсінді. Мақсатымыз – осы фильмнің біздің елде таралуына жол бермеу”, – деді Ғалымжанұлы.
</blockquote>
Оның айтуынша, өтінішті қарағаннан кейін консулдық қызметкерлері олармен байланысқа шығуға уәде берген.
<h3 id="2">“Борат-2” төңірегіндегі дау</h3>
Бұған дейін Қазақстанның мәдениет және спорт министрі Ақтоты Райымқұлова британдық актер және режиссер Саша Барон Коэннің атышулы “Борат-2” фильмі туралы пікір білдірген еді.
Министрдің айтуынша, сенсациялық фильмнің Қазақстанда пайда болуы фактісін елемеуге болмайды.&nbsp;
<img src="https://kyzylorda-news.kz/wp-content/uploads/2020/10/15280360-scaled.jpg" alt="" />
АҚШ-тың Қазақстандағы елшісі де атышулы&nbsp;<a href="https://sputnik.kz/society/20201016/15215128/Elshi-Borat-film.html">“Борат” туралы өз ойымен бөлісті</a>. Ол АҚШ-та Қазақстанды танытып жүрген дарынды азаматтар көп екенін атап өтті.
<blockquote>
 “Олар кез келген фильмнен гөрі ұзақ есте қалады”, – деп түйіндеді өз сөзін Мозер.
</blockquote>
<h3 id="">“Борат” тарихы</h3>
Еске сала кетсек, “журналист” Борат Сагдеевтің Америкаға сапары туралы 2006 жылы шыққан фильм хитке айналды. Бұл фильмді шығаруға 18 миллион доллар кеткенімен, оны дайындағандар 261,5 миллион доллар пайда тауып, “Алтын глобус” иегері атанды және “Оскарға” ұсынылды.
Ал Қазақстанда фильм қоғам тарапынан наразылық тудырды. Фильм түсірушілерге елді қорлады деген айып тағылды.
Екінші бөлімнің сюжеті бойынша, ойдан шығарылған кейіпкер, қазақстандық журналист Бораттың тағы да АҚШ-қа жолы түседі. Ол америкалықтардың әдеттегі өмір салтын гротеск тәсілімен мазақ ете келе, президенттік сайлау қарсаңындағы елдің саяси өмірін зерттейтін болады.
Жаңа трейлер шыққаннан кейін көптеген қазақстандық фильмді теріс бағалайды. Осыдан кейін әлеуметтік желіде “Бораттың” жалғасының шығуына қарсы флешмоб ұйымдастырылды. Оған әлемнің түкпір-түкпіріндегі қолданушылар қосылды, олар #СancelBorat хэштегімен өздерінің ашу-ызасын білдіруде.
<a href="https://m.sputnik.kz/society/20201023/15280143/Borat-2-Aqsh.html?fbclid=IwAR3T-0bdvsUM5YNs2veiLgaNDd8JwIDAfdve6QAnigkgwEgrjwyx6lgMndc">SputnikҚазақстан</a>

&#8220;Борат-2&#8221; фильміне қарсы жастар АҚШ бас консулдығына барды

<a href="https://kyzylorda-news.kz/date/2020/10/23/">Kyzylorda-news.kz.</a> Қызылорда облысының әкімі Гүлшара Әбдіқалықова “ATAMEKEN BUSINESS” телеканалындағы “EXCLUSIVE” бағдарламасына берген.
<blockquote>
 “23 қазан күні сағат 20:30-да (Нұр-Сұлтан уақытымен 21:30-да) көрсетілетін бағдарламада өркенді жобалар, іске асатын ілкімді шаруалар, өткір мәселелер, әр саладағы ірі қадамдар сөз болмақ”, – делінген облыс әкімдігінің хабарламасында.
</blockquote>

Бүгін Гүлшара Әбдіқалықова &#8220;АTAMEKEN BUSINES&#8221; телеканалына сұқбат берді

<a href="https://kyzylorda-news.kz/">Kyzylorda-news.kz.</a> Қызылорда облысында мемлекеттік мекемелердің баспасөз хатшыларына арналған “Заманауи медиа және баспасөз қызметі” атты оқыту семинар-тренингі өтуде.
Семинарға аймақтағы мемлекеттік мекемелердің 50-ге жуық маманы қатысуда. Мемлекеттік органдардың халықпен етене жақын болуы мен кері байланысты орнатуды көздейтін семинар “Баспасөз қызметі – ТВ – Ньюсмейкер», “Ақпарат алмасудағы баспасөз хатшыларының рөлі”, «Сапалы контентті қалыптастыру, ақпаратты берудің жаңа стильдері мен әдістері» тақырыптары бойынша өтуде.
<img src="https://kyzylorda-news.kz/wp-content/uploads/2020/10/122508298_1147696785625832_5440156452711779688_o.jpg" alt="" />
<img src="https://kyzylorda-news.kz/wp-content/uploads/2020/10/122534407_1147696795625831_9029399349291473989_o.jpg" alt="" />

Қызылордада баспасөз хатшыларына арналған семинар өтуде

<a href="https://kyzylorda-news.kz/">Kyzylorda-news.kz.</a> Бас мемлекеттік санитар дәрігері Ерлан Қиясовтың жаңа&nbsp;<a href="https://www.gov.kz/memleket/entities/kkkbtu/press/news/details/112960?lang=kk">қаулысы</a>&nbsp;жарияланды, деп хабарлайды ҚР ДСМ Санитариялық-эпидемиологиялық бақылау комитетінің баспасөз қызметі.
Құжат Қазақстан Республикасының мемлекеттік шекарасындағы өткізу пункттерінде коронавирустық инфекция ауруының алдын алу жөніндегі шараларды одан әрі күшейтуге қатысты болып отыр.
Қаулыға сәйкес:
1. Облыстардың, Алматы, Нұр-Сұлтан, Шымкент қалаларының әкімдері, денсаулық сақтау басқармаларының басшылары, орталық мемлекеттік органдар, көліктегі Санитариялық-эпидемиологиялық бақылау департаменті:
1) Қазақстан Республикасына шетелден авиарейстермен келетін адамдарға қатысты іс-шараларды мынадай тәртіппен жүргізуді қамтамасыз етсін:
Оларды ертіп жүретін адамдарда ПТР әдісімен COVID-19-ға тесттен өткені туралы анықтама болған кезде 5 жасқа дейінгі балаларды, Қазақстан Республикасының үкіметтік делегацияларын; ҚР Сыртқы істер министрлігінің шақыруы бойынша Қазақстанға келетін шет мемлекеттердің және халықаралық ұйымдардың ресми делегацияларының мүшелерін; Қазақстанда аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелерін; авиакомпаниялар экипаждарын қоспағанда, Қазақстан Республикасының Мемлекеттік шекарасын кесіп өткен барлық келетіндер кем дегенде 3 тәулік бұрын алынған анықтаманы ұсыну қажет.
<blockquote>
 «Қазақстан Республикасының үкіметтік делегацияларын; ҚР Сыртқы істер министрлігінің шақыруы бойынша Қазақстанға келетін шет мемлекеттердің және халықаралық ұйымдардың ресми делегацияларының мүшелерін; Қазақстанда аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелерін; авиакомпаниялар экипаждарын қоспағанда, Қазақстанға шетелден халықаралық жолаушылар авиарейстерімен келген адамдарға қатысты шектеу шаралары осы қаулыға 1-қосымшаға сәйкес жүргізіледі», – делінген құжатта.
</blockquote>
Сонымен қатар, халықаралық транзитпен жүретін жолаушылар транзиттік аймақтан шықпайды және соңғы межелі пунктте шектеу шараларын жүргізуге жатады;
Қазақстанға шетелден келетін елімізде аккредиттелген дипломатиялық өкілдіктердің, консулдық мекемелердің және халықаралық ұйымдар өкілдіктерінің қызметкерлері мен олардың отбасы мүшелері болатын/тұратын жері бойынша COVID-19-ға зертханалық зерттеп-қарауға жатады. Оларға осы қаулыға 3-қосымшаға сәйкес тиісті қолхат алына отырып, CОVID-19-дың ықтимал симптомдары туралы түсіндіру жүргізіледі.
Мұнымен қоса, қаулыда Қазақстанға ҚР Мемлекеттік шекарасы арқылы өткізу пункттерінен теміржол, теңіз, өзен көлігінде және автоөтпе жолдарында келетін адамдарға қатысты іс-шараларды тиісті тәртіппен жүргізу қамтамасыз етілмек.
Әуе компаниялары басшыларына тиісті шараларды қамтамасыз ету тапсырылды:
1) Анықтама болмаған жағдайда ҚР азаматтары болып табылмайтын жолаушыларды әуе кемесінің бортына отырғызуға жібермеуді;
2) ұшу кезінде жолаушылар мен экипажға сауалнама жүргізуді, оның ішінде толық толтырылғанын тексеруді, толық толтырылмаған жағдайларда қосымша сауалнама жүргізуді;
3) толтырылған сауалнамаларды, манифестті және әуе кемесінің бас декларациясын ұшып келетін әуежайдағы санитариялық-карантиндік пункттің маманына тез арада беруді;
4) тіркеуден өту, әуе кемесіне отырғызу және одан түсіру кезінде жолаушылар арасында қауіпсіз қашықтықты (кемінде 1 метр) және маска режимін сақтауды;
5) әуе кемесінің бортында жеке қорғаныш құралдарының (маскалар, қолғаптар), қолға арналған антисептиктердің, дезинфекциялау құралдарының болуын;
6) ұшу кезінде әуе кемесінің салонында жолаушылардың қозғалысын, сондай-ақ дәретхананың жанында жиналуын шектеуді;
7) қызметкерлерді жұмысқа жеке қорғаныш құралдары (медициналық маскалар, қолғаптар) болған кезде жіберуді;
8) дене температурасын өлшей отырып, қызметкерлерді ауысым алдындағы (ұшу алдындағы) медициналық қарап-тексеруден өткізуді;
9) тұрақты халықаралық әуе қатынастарын қалпына келтіру алдында әуе кемелеріндегі ауа баптау, желдету жүйелеріне ревизия жүргізуді және сүзгілерді ауыстыруды қамтамасыз етсін.

Қазақстан және Қызылорда облысының жаңалықтары

Сыр диқандары рекордтық көрсеткішті жаңартты

Қызылордада онлайн жарыстарға мыңнан аса спортшы қатысты

Қызылорда: 2,1 млрд теңгені құрайтын жоба мақұлданды

Қызылорда қаласында электронды билет жүйесі жүзеге асуда

“Болашақ” университетінде академиялық жазбалар семинары өтті

Қызылордада журналистер мен баспасөз хатшыларына арналған семинар өтті

Қызылордада 1-6 градус үсік күтіледі

Биыл 1411 байланыс орталығы миллионға жуық әлеуметтік кеңес берді

“Борат-2” фильміне қарсы жастар АҚШ бас консулдығына барды

Бүгін Гүлшара Әбдіқалықова “АTAMEKEN BUSINES” телеканалына сұқбат берді

Қызылордада баспасөз хатшыларына арналған семинар өтуде

Бас мемлекеттік санитар дәрігерінің жаңа қаулысы жарияланды

Қазақстан және Қызылорда облысының жаңалықтары

Сыр диқандары рекордтық көрсеткішті жаңартты

Қызылордада онлайн жарыстарға мыңнан аса спортшы қатысты

Қызылорда: 2,1 млрд теңгені құрайтын жоба мақұлданды

Қызылорда қаласында электронды билет жүйесі жүзеге асуда

&#8220;Болашақ&#8221; университетінде академиялық жазбалар семинары өтті

Қызылордада журналистер мен баспасөз хатшыларына арналған семинар өтті

Қызылордада 1-6 градус үсік күтіледі

Биыл 1411 байланыс орталығы миллионға жуық әлеуметтік кеңес берді

&#8220;Борат-2&#8221; фильміне қарсы жастар АҚШ бас консулдығына барды

Бүгін Гүлшара Әбдіқалықова &#8220;АTAMEKEN BUSINES&#8221; телеканалына сұқбат берді

Қызылордада баспасөз хатшыларына арналған семинар өтуде

Бас мемлекеттік санитар дәрігерінің жаңа қаулысы жарияланды

“Болашақ” университетінде академиялық жазбалар семинары өтті

“Борат-2” фильміне қарсы жастар АҚШ бас консулдығына барды

Бүгін Гүлшара Әбдіқалықова “АTAMEKEN BUSINES” телеканалына сұқбат берді