<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Ағымдағы жылдың 3 айында облыста тіркелген қылмыстық құқықбұзушылықтар саны 21%-ға, ауыр қылмыстар 29%-ға, ұрлық 41%-ға, пәтер ұрлығы 43%-ға, мал ұрлығы 20%-ға және бұзақылық қылмыстары 47%-ға төмендеді.
<blockquote>
 «Біз қылмыстың алдын алу, ізін суытпай ашу, қоғамдық тәртіпті сақтау, жол апаттылығын болдырмау мақсатында күнделікті профилактикалық жұмыстар жүрігізіп келеміз. Алайда адамдарды алдап, сеніміне кіріп, оның мүлкіне қол сұғып, алаяқтықпен айналысқан қылмыскерлер азаймай тұр. 2021 жылдың 3 айында 301 алаяқтық қылмысы тіркелді. Мұның бәрінде қылмыскерлер «пәтер, жер учаскесін, жеңілдетілген несие алып беремін, жұмысқа орналастыруға көмектесемін» деп жәбірленушінің ақшасын иемденген. Аталған қылмыстардың көбі интернет арқылы жасалуда. Сондықтан, тұрғындардан бейтаныс, толық-білмейтін, жеңіл табыс табуға уәде берген адамдарға сенімділік танытпауды сұраймыз», – деді облыстық полиция департаменті бастығының бірінші орынбасары Шамшидин Амитов.
</blockquote>
Сондай-ақ, жыл басынан бері 64 жол көлік оқиғасы орын алған. Онда 20 адам қайтыс болып, 90 адам әр түрлі дене жарақаттарын алды.
<blockquote>
 «Қазір мектеп оқушылары офлайн форматтағы оқуға көшуіне байланысты білім беру орындары аумағында балалардың қауіпсіздігін қамтамасыз етуге ювеналды полиция және патрульдік полиция қызметкерлері жұмылдырылды. Сондықтан тұрғындар белгіленген жылдамдықты асырмай, қарсы бағытқа шықпай, автокөлікті мас күйде басқармай, жол ережелерін қатаң сақтаса деймін», – деді Ш.Егенбердіұлы.
</blockquote>
Айта кетейік, бүгінде кәмелетке толмағандар арасында қылмыс пен құқық бұзушылықтың алдын алу мақсатында оқушылар, ата-аналар мен ұстаздар қауымының қатысумен «ZOOM» байланысы арқылы дәрістер өткізілуде.

Қызылордада қылмыс азайған

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылордада 10 659 адам коронавирус инфекциясына қарсы екпе салдырды. Ертең тағы да «Спутник V» вакцинасының бес мың дозасы келеді. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сәбит Пазилов мәлімдеді.
Сондай-ақ, аймаққа сәуір айының аяғында «QazCovid-in» вакцинасы әкелінеді.
<blockquote>
 «Жалпы шілде айына дейін 80 мың адамға екпе салуды жоспарлап отырмыз. Эпидемияны түбегейлі жеңудің жолы – вакцина салдыру. Әрине, екпе ерікті түрде жүргізіледі. Дегенмен ұжымдық иммунитет қалыптастыруымыз керек. Сол себепті барша халықты коронавирус инфекциясынан қорғану үшін сақтық шараларын сақтауға, екпе салдыруға шақырамын», – деді облыстың бас дәрігері.
</blockquote>
Қазіргі таңда 9 ПТР аппараты жұмыс істейді. Тәулігіне 1000-1100 аралығында сынама алынуда. Қажеттілік туындаған жағдайда зерттеу санын 1900-ге дейін жеткізуге мүмкіндік бар.

Қызылордаға сәуір айының аяғында «Qazcovid-in» вакцинасы әкелінеді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Облыста жұма, тарауих, ауызашар өткізудің тәртібі жергілікті бас санитарлық дəрігердің шешіміне сəйкес өзгертіліп отырады. Бұл туралы Өңірлік коммуникациялар қызметінің ақпараттық алаңында өткен баспасөз брифингінде ҚМДБ-ның Қызылорда облысы бойынша бас имамы Болатбек Абуов баяндады.
<blockquote>
 «Біз қазір сары аймақтамыз. Дегенмен жұма, тарауих намазында санитарлық талаптарды сақтай отыра қысқа сүрелер оқып, адамдардың көп айналмауына жағдай жасаудамыз. Сондай-ақ, 50 адамға дейін, тек талапқа сай келетін мешіт асханаларында ғана ауыз ашуға рұқсат беріліп отыр. Бірақ қазіргі жағдайда барынша әркім өз отбасында ауыз ашқаны дұрыс. Айта кетейін, биыл да өткен жылдағыдай «Ауызашар қоржыны» атты қайырымдылық акциясын қолға алмақпыз. Себебі елдегі ахуалды одан әрі ушықтырып алмауымыз қажет. Алда бұдан басқа қандай да бір өзгерістер болса, қосымша хабарлаймыз», – деді Болатбек Абуов.
</blockquote>
Сондай-ақ, биыл пітір садақа мөлшері 2 келі ұнның ең төменгі бағасы көлемінде, жан басына 420 теңге болып белгіленді. Садақаны мешітке келіп немесе каспий банк жүктемесіндегі арнайы қайырымдылық бөлімі арқылы онлайн төлеуге болады. Бұдан бөлек, еліміздегі эпидемиалогиялық ахуалға байланысты рамазан айындағы барлық шараларда онлайн форматта өтетін болды.
<blockquote>
 «Бізге биыл рамазан айы қалай өтетіндігі туралы тұрғындар тарапынан сұрақтар жиі қойылды. Соған нақтырақ тоқталып өтейін. Биыл ҚМДБ-ның «Халық Арна» телеранасы мен инстаграм, ютуб парақшаларында «Берекелі Рамазан» рухани марафоны, ауызашар ақытында «30 күннің берекесі» атты рухани сұхбаттар, «Рамазанның кешінде» атты тікелей эфирлер өткізіледі. Сондай-ақ, республикалық Call-орталық тәулік бойы үздіксіз түрлі сұрақтарға жауап береді», – деді Болатбек Абуов.
</blockquote>
<img src="https://kyzylorda-news.kz/wp-content/uploads/2021/04/172534937_1267876640274512_4272908843687175870_n.jpg" alt="" />

Қызылордада тарауих өткізудің тәртібі бас санитарлық дəрігердің шешіміне сəйкес өзгертіліп отырады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;Қызылорда облысының әкімі Гүлшара Әбдіқалықова ғалым Мардан Байділдаевтың есімі ел есінде мәңгі сақталатынын айтты. Бұл туралы аймақ басшысы «Facebook» парақшасында жариялады.
<blockquote>
 «Бүгін жерлесіміз, қазақ ауыз әдебиетін жинаушы, зерттеуші ғалым Мардан Келдібайұлы Байділдаевтың туғанына 95 жыл толды. Халық әдебиеті үлгілерін жинаумен, зерттеумен айналысып, Темірбек Жүргенов, Сүлеймен Есқараев сияқты мемлекет және қоғам қайраткерлердінің өмірбаянын анықтауға күш-жігер жұмсады. Айтыс өнерінің қайта жандануына көмектесті. «Шаһнаманың» Тұрмағамбет Ізтілеуұлы аударған 40 мың жолдық қолжазбасын тауып, оқырманға ұсынды. «Рүстем дастан» (1961), «Үш ғасыр жырлайды» (1965), «Бес ғасыр жырлайды» (1985) жинақтарын шығаруға қатысты. Әуелбек Қоңыратбаевпен бірге «Қорқыт ата кітабын» аударды. Ғалым есімімен облыста мектеп және көше аталады.Қазақ ғылымының өркендеуіне зор үлес қосқан зерттеуші ғалым Мардан Байділдаевтың есімі ел есінде мәңгі сақталады», – деп жазды әкім.
</blockquote>

Гүлшара Әбдіқалықова: Ғалым есімі ел есінде мәңгі сақталады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазақстанда медициналық сақтандыру жүйесін іске асыруды ескере отырып, қымбат тұратын медициналық қызметтер көлемі 2025 жылға дейін кезең-кезеңімен 42%-ға ұлғаяды, бұл олардың халық үшін қолжетімділігін едәуір жақсартуы тиіс.
Егер 2021 жылы медициналық сақтандыру қоры 950 мыңға жуық қымбат медициналық қызметті қаржыландыруды жоспарласа, 2025 жылға қарай олардың саны 1 355 мыңға дейін артады.
ҚР Денсаулық сақтау министрлігінде Міндетті әлеуметтік медициналық сақтандыру (МӘМС) есебінен қымбат тұратын медициналық қызметтердің қолжетімділігі мәселелері талқыланды.
Қазіргі уақытта бірқатар өңірлерде медициналық ұйымдардың техникалық жарақтандырылуының төмен болуына байланысты халық үшін осы қызметтерге қолжетімділік деңгейінің төмендігі байқалуда. Қолжетімділіктің ең төмен деңгейі Түркістан, Қостанай, Ақтөбе және Алматы облыстарында байқалады. Денсаулық сақтау министрлігінде атап өткендей, Қостанай, Алматы және Түркістан облыстарының әкімдіктеріне мемлекеттік-жекешелік әріптестік аясында қосымша жабдықтар сатып алып, инвестицияларды белсенді тарту қажет болып табылады.
<blockquote>
 «Әрбір емхана өзінің бекітілген халқын қымбат қызметтерге бағыттау жөніндегі жоспарларды анықтауы, сондай-ақ пациенттердің қызметтерді уақтылы алуы үшін маршрутын белгілеуі тиіс. Мерзімі 10 күннен аспауы керек. Онкологиялық ауруларға күдік туындаған кезде әлеуметтік маңызы бар және созылмалы аурулары бар пациенттерді қымбат тұратын қызметтермен қамтамасыз ету маңызды», – деп атап өтті ҚР ДСМ МӘМС үйлестіру департаментінің директоры Гүлжан Шайхыбекова
</blockquote>
Қымбат тұратын қызметтердің қолжетімділігін арттыру жөніндегі отырысқа Әлеуметтік медициналық сақтандыру қорының, облыстардың, Нұр-Сұлтан, Алматы, Шымкент қалаларының денсаулық сақтау басқармаларының, медициналық ұйымдардың өкілдері қатысты.
Отырыс барысында Министрлік медициналық сақтандыру қорына, Денсаулық сақтау басқармаларына, медициналық ұйымдар мен учаскелік дәрігерлерге арналған іс-шаралар жоспарын ұсынды. Бұл жоспарды жүзеге асыру үшін барлық мүдделі ұйымдардың үйлесімді жұмысы және медициналық ұйымдармен үнемі кері байланыс қажет, деп атап өтті Денсаулық сақтау министрлігі.
Сонымен қатар, Гүлжан Шайхыбекова Денсаулық сақтау министрлігі тарапынан берілген негізгі тапсырмаларға назар аударды.
Мәселен, облыстардың, республикалық маңызы бар қалалардың Денсаулық сақтау басқармалары халықтың қажеттілігін 100% қамтамасыз ету үшін қымбат тұратын қызметтердің тиісті көлеміне өтінімдерді уақтылы қалыптастыруды, өңірдің денсаулық сақтау инфрақұрылымын дамыту мониторингін, медициналық ұйымдар бөлінісінде қымбат тұратын қызметтердің 100% қолжетімділігін қамтамасыз ету мониторингін, олардың жоспарына сәйкес іс-шараларды орындауды қамтамасыз етуі қажет. Сондай-ақ, медициналық қызметтерге кезектердің пайда болуын болдырмау мақсатында МЖӘ объектілері мен жеке секторды тарта отырып, денсаулық сақтау объектілері бойынша пациенттерді бағдарлауды әзірлеу және ұйымдар мен халыққа жеткізу қажет;
Әлеуметтік медициналық сақтандыру қоры денсаулық сақтау субъектілеріне көрсетілетін қызметтер көлемін уақтылы орналастыруды, көрсетілетін қымбат тұратын қызметтердің көлемі мен сапасы бойынша шарттық міндеттемелердің орындалуына мониторингті, қымбат тұратын қызметтердің қолжетімділігіне қатысты халықтың жүгінулеріне мониторингті және өңірлер бөлінісінде қымбат тұратын қызметтерді көрсету бойынша ақпарат ұсынуды жалғастыруы қажет;
Медициналық ұйымдар медициналық қызметкерлер арасында қымбат тұратын қызметтерді көрсету шарттары бойынша оқыту және түсіндіру жұмыстарын жүргізу, қымбат тұратын қызметтерді көрсету бойынша бірлесіп орындау шарттарын уақтылы жасасу, жолдамаларды уақтылы ұсынуды ішкі бақылау және пациенттердің қызметтерді алуын бақылау қажет.
“Нұр Отан” партиясының “Өзгеріс жолы: әркімге лайықты өмір!” сайлауалды бағдарламасының осы іс-шарасының орындалуына мониторинг жүргізу тұрақты негізде жүзеге асырылатынын атап өткен жөн.

2025 жылға қарай қымбат тұратын медициналық қызметтердің көлемі 42 % артады

<a href="https://kyzylorda-news.kz/">Kyzylorda-news.kz</a> Ресей ұлттық кітапханасында қазақ ақыны Жамбыл Жабаевтың 175 жылдығына арналған кітап көрмесінің ашылуы салтанатты түрде <a href="https://www.inform.kz/kz/sankt-peterburgte-zhambyl-zhabaevka-arnalgan-kitap-kormesi-ashyldy_a3774777">өтті.</a>
Шараны Қазақстан Республикасы Тәуелсіздігінің 30 жылдығына орай ҚР-дың Санкт-Петербургтегі Бас консулдығы «Ата-Мекен» қазақ қоғамымен бірлесіп ұйымдастырды.
Бас консулдықтан мәлім еткендей, көрмеге Жамбыл Жабаевтың шығармашылығымен байланысты әлемнің түрлі тілінде жарық көрген 100-ден астам басылым қойылды.
Кітапхана басшылығы ұйымдастырылып отырған шараның екіжақты әріптестікті нығайту және кеңейтуде маңызы зор екенін атап өтті. Аталмыш шара петербургтік оқырмандарға Қазақстан халқының мәдени мұрасымен және рухани байлығымен таныстыру мүмкіндігін ұсынды.
<img src="https://kyzylorda-news.kz/wp-content/uploads/2021/07/2104101355165326g.jpg" alt="" />
<img src="https://kyzylorda-news.kz/wp-content/uploads/2021/07/2104101355150615g.jpg" alt="" />

Санкт-Петербургте Жамбыл Жабаевқа арналған кітап көрмесі ашылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 12 сәуір Ғарышкерлер күніне орай, ЗК-169/1 мекемесінің қызметкерлері Қызылорда облыстық тарихи-өлкетану музейіне барып,&nbsp; жәдігерлермен танысты.
Мекеме қызметкерлерін&nbsp; музейдің&nbsp; қызметкері Ұлпан Шаған «Байқоңыр ғарыш айлағы»&nbsp; экспонаттары қойылған&nbsp; бөлмесіне бастап апарып, әлемнің тұңғыш ғарышкері &nbsp;Ю.Гагариннің өмір жолы туралы қысқаша баяндап, ғарышкердің скафандрымен түскен суреттерін көрсетті.Сонымен қатар, қазақ арасынан аспан әлеміне тұңғыш ұшып, онда&nbsp; 7 күн 22 сағат &nbsp;болып, әртүрлі зерттеулер жасаған Т.Әубәкіров жайында айтты. Бұдан кейінгі, ғарышқа 3рет ұшып, барлығы 342 күн болған Т.Мұсабаев туралы да&nbsp; деректерді танып білді.
<blockquote>
 «Тәуелсіз еліміздің тарихында ойып тұрып орын алған бұл ұлы тұлғалардың&nbsp; азаматтық тұлғасы, бүгінгі ұрпақ біздер үшін үлгі-өнеге. Бұндай іс-шаралар,жеке құрам қызметкерлерінің бойында, өлке тарихына&nbsp; деген қызығушылығын арттырып, патриотық сезімдерін оятады», -деді кадр саясат тобының қызметкері М.Тұрымбетов.
</blockquote>
<img src="https://kyzylorda-news.kz/wp-content/uploads/2021/04/whatsapp-image-2021-04-10-at-15.18.06-1.jpeg" alt="" />

М.Тұрымбетов: Ғарышкерлеріміздің өмірі өнегеге толы

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Республиканың басым бөлігінде бұлтты ауа-райы қалыптасып, ауа температурасының біртіндеп көтерілуі болжанды, деп хабалайды “Қазгидромет” орталығы.
Тек, Қазақстанның оңтүстігі мен оңтүстік-шығысында ауа-райы тұрақсыз болып, жаңбыр жауып найзағай ойнайды.
<blockquote>
 “Республиканың кей жерлерінде тұман түсіп, жел күшейеді. Оңтүстік пен оңтүстік-батыс аймақта шаңды дауыл болады”, – делінген хабарламада.
</blockquote>
Сондай-ақ, ситоптиктер екі облыста дабылды ескерту жариялады: Жамбыл облысында – секундына 15-20 метрге дейін жел тұрып, шаң көтерілсе, Қарағанды ​​облысында – тұман қаптап, солтүстік-шығыста секундына 15-20 метр дейін жел соғады.

Синоптиктер алдағы үш күннің ауа райын болжады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Рухани жаңғыру» қазақстандық қоғамдық даму институтының басқарма басшысы Думан Жанпейісов биылғы «Қазақстанның 100 жаңа есімі» жобасындағы өзгерістер жөнінде айтып берді, деп хабарлайды ҚазАқпарат.
<blockquote>
 «Биыл да бұл жұмыстар атқарылуда, жобаға қатысу туралы отандастарымыздан 3 мыңнан астам өтінім келіп түсті. Олардың арасынан халықтың арнайы порталда дауыс беруі мен қазылар алқасының таңдауы арқылы жеңімпаздар іріктеліп шығады. Биылғы жылдың ерекшелігі – қазылар алқасы құрамына жобаның алдыңғы жеңімпаздарын қосу болды. Еліміздің дамуына мол үлес қосқан жандардың қазылық етуі процестің әділ әрі ашық өтуіне септігін тигізеді», – деді Думан Жанпейісов ҚазАқпарат тілшісіне берген сұхбатында.
</blockquote>
Спикер барлық қатысушылардың ел тағдырына бей-жай қарамайтын, өз саласында еңбек етіп жүрген патриоттар екенін атап өтті.
<blockquote>
 «Өтінім беруге болатын білім, медицина, бизнес сынды салалардың қатарына экология саласы да қосылып отыр. Мұнда экологияны жақсартуға үлес қосқан жандар жобаға қатысуға өтінім беріп, өз кандидатурасын ұсына алады. Жалпы бұл жоба отанымыздың гүлденуіне қаншама адамның үлес қосып жүргенін көрсетті. Олардың қатары көбеюі үшін үлгі болардық жандарды көрсету – біздің міндетіміз», – деді институт өкілі.
</blockquote>

«Қазақстанның 100 жаңа есімі» жобасында қандай өзгерістер бар?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қостанай қаласында қазақ күресінен 2001-2003 жылдары туылған жастар арасында өткен Қазақстан чемпионатында Қызылорда облысының құрама командасы 3 алтын, 3 күміс, 6 қола медальмен жалпы командалық есепте бірінші орынды жеңіп алды.
Атап айтсақ, Серікболсын Шарипов (55 келі), Назерке Әбілтаева (52 келі) мен Шынар Абатова (70 келі) чемпион атанды.
Айта кету керек, жоғарыда аталған Қазақстан жеңімпаздары “Қазақстан Республикасының спорт шебері” спорттық атағына қол жеткізді. Сондай-ақ, Абу-Дабиде өтетін Әлем чемпионатына жолдама алды.
Сонымен қатар, Ақтоты Зәріп (60 келі), Еңбек Сақтағанов (90 келі), Дамир Мұңайтпасов (100 келі) күміс медаль еншіледі.
Ал Мунира Рахымжанова (44 келі), Теміржан Руслан (55 келі), Анель Мұхан (56 келі), Гүлзат Уренбаева (65 келі), Аяулым Ажмаханова (+70 келі) және Айдын Жыланбасов (100 келі) қола жүлдені қанағат етті.
Қазақстан чемпионатына барлық өңірлерден 417 спортшы қатысты. 
Жалпы командалық есепте Қызылорда облысы үздік атанса, Ақтөбе облысы 2-орынды, Алматы қаласы 3-орынға ие болды.

Қазақстан чемпионатында Қызылорда облысының  командасы бірінші орынды жеңіп алды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; 2025 жылға қарай Байқоңыр қаласы мен мұндағы ғарыш айлағына жылына 250 мыңға дейін турист тарту жоспарлануда. Бұл тарихи мекеннің әлеуеті жоғары: мұнда ғарыш саябағын салып, туристік пойыз жүргізуге және автожарыстар ұйымдастыруға болады, деп жазады <a href="https://sputnik.kz/">Sputnik Қазақстан</a>.
<h3 id="">Туристер отбасымен демалысқа келуі керек</h3>
“Байқоңыр” туристік аймағы 2019-2025 жылдарға арналған туристік саланы дамытудың мемлекеттік бағдарламасы бойынша келешегі зор он бағыттың ішіне кірді.
<blockquote>
 “Қала мен ғарыш айлағының аумағына келген қонақтар орналасатын орындар тапшы екенін жақсы түсінеміз. Барлығы жеті қонақ үй болса, оның бесеуі қалада, екеуі ғарыш айлағының аумағында орналасқан. Жалпы саны 550 жатын орын бар. Бұл өте аз”, – дейді Ержан Еркінбаев.
</blockquote>
Kazakh Tourism қонақ үйлердің құрылысына инвесторлар тартуды көздеп отыр. Оның айтуынша, Байқоңыр қаласы мен ғарыш айлағына туристердің отбасымен 3-4 күн демалысқа келуіне қолайлы инфрақұрылым қажет.
<img src="https://sputnik.kz/images/07e5/04/0c/16768118.jpg" alt="Председатель правления национальной компании Kazakh Tourism Ержан Еркинбаев" title="Председатель правления национальной компании Kazakh Tourism Ержан Еркинбаев" />
Kazakh Tourism ұлттық компаниясының басқарма төрағасы Ержан Еркінбаев
<blockquote>
 “Ғарыш айлағындағы алаңдар өзара дамыған теміржол жүйесімен байланысып тұр. Қазір бұл темір жол сервистік, қызмет көрсетуші, техникалық мақсатта ғана қолданылып жүр. Қосымша вагондар сатып алу арқылы алаңдар арасында туристік пойыз жүргізуге болады. Сол вагондардан зымыранның ұшуын көруге болады. Маневрлі тепловоз туристер үшін нағыз қолайлы жылдамдықта жүре алады”, – деді Еркінбаев.
</blockquote>
<h3 id="-1">Бақылап-өткізуді жеңілдету ұсынылды</h3>
Kazakh Tourism ұлттық компаниясының басқарма төрағасы бақылау-өткізу орындарындағы кей рәсімдерді цифрландыруға болатынын айтты.
<blockquote>
 “Біз ресейлік тарапты бұл процсті бірлесіп қарастыруға шақырдық. Әрине, технологиялық процестер мен қауіпсіздікті елеусіз қалдыруға болмайды. Бірақ кей процестерді жылдамдату қажет деп ойлаймын. Ол үшін барлық техникалық қауіпсіздікті ескере отырып, цифрландыруды енгізу керек”, – деді Еркінбаев.
</blockquote>
Оның пікірінше, Байқоңыр туристерге арналған музей емес, ол ең алдымен ғарыш айлағы екенін естен шығармау керек.
<blockquote>
 “Оны жалпыға қолжетімді орынға айналдыруға болмайды. Бірақ ақылға қонымды шаралар, жоспарлар және ең бастысы туризмнің дамуы үшін бұл процестерді жеңілдетуге бағытталған екі ел арасындағы диалог бар”, – деп атап өтті басқарма төрағасы.
</blockquote>
<h3 id="-2">Байқоңырда ғарыш саябағы пайда болады</h3>
Еркінбаев серіктестермен бірлесіп ғарыш айлағын дамыту жоспары әзірленгенін айтты. Ол ғарыш айлағы музейінің аумағына орналастырылады.
<blockquote>
 “Алдын ала есеп бойынша аумағы 50 гектар шамасында. Онда жабық ғарыш музейі мен ашық аспан астындағы музей орналасады. Оған заманауи аттракциондар, цифрлық, компьютерлік шешімдер, күмбезді кинотетар мен &nbsp;басқа да нысандар салынады. Бұл туристерді тартуға ықпал етеді”, – деді ол.
</blockquote>
Kazakh Tourism басшысы атап өткендей, басқа елдердегі ғарыш айлақтары елге бір жарым миллион туристі тартып, экономикаға 300 миллион долларға дейін табыс кіргізіп отыр.
<h3 id="-3">Аэродромда автожарыс өткізу мүмкін бе?</h3>
Еркінбаев Юбилейный аэродромын туризм дамыту бойынша әлеуеті жоғары орын деп санайды.
<blockquote>
 “Юбилейный аэродромы ғарыш айлағының функционалынан шығарылған. Бірақ ол жақта аумағы үлкен ұшу-қону жолағы бар. “Буран” ғарыш кемесі осы орынға қонған болатын. Бұл орынды жоғалтуға болмайды. Оны “Формула-1″ секілді автожарыстар өткізу үшін пайдалануға болады. Егер стратегиялық серіктес пен трансұлттық компаниялар қызығушылық танытса, онда әлемдік деңгейде туристер тарту 50%-ке қамтамасыз етіледі. Бұл ғарыш айлағындағы бір ғана элемент көрсеткіші”, – деді ол.
</blockquote>
Алайда, Еркінбаев осы аталған шаруалардың барлығы тек жоспар екенін еске салды. Қазір келіссөздер жүріп жатыр.
<blockquote>
 “Нұр-Сұлтанға қайтқаннан кейін Red Bull, Burning Man секілді әлемдік фестивальдердің авторлары саналатын әлемдік брендтермен байланысатын боламыз”, – деді ол.
</blockquote>
Сондай-ақ, Еркінбаев Байқоңырға өз балаларын алып келуді армандайтынын айтты.
<blockquote>
 “Мұнда адамның ой-санасы өзгереді. Адамның мүмкіндіктеріне басқаша көзқараспен қарай бастайсың”, – деді ол.
</blockquote>
Ол ғарыш айлағы өзінің тартымдылығын жоғалтпауы үшін Байқоңырда зымырандарды ұшыру жүйесі қарқынды дамуы керек екенін атап өтті.

Байқоңырда ғарыш саябағы пайда болады

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда қаласының тұрғынының танысы сеніміне кіріп ұлын «жұмысқа тұрғызып беремін» деп жалпы соммасы 448 мың теңге ақшасын алған. Бірақ осы күнге дейін уәдесін де орындамай, ақшасын да қайтармай жүрген.
Жедел іздестіру шараларының барысында күдікті анықталды. Ол 39 жастағы қала орталығының тұрғыны болып шықты.
<blockquote>
 «Қазіргі таңда аталған дерек бойынша Қазақстан Республикасы Қылмыстық кодексінің 190 бабының 1 бөлігімен (Алаяқтық) сотқа дейінгі тергеп-тексеру амалдары жүргізілуде», делінген полиция департаментінің хабарламасында.
</blockquote>

Қазақстан және Қызылорда облысының жаңалықтары