<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қазалы ауданында эпидемиологиялық ахуалдың күрделене түсуіне қарамастан, көпшілік жиналатан той-жиындар өткізушілердің қатары азаяр емес.
Жұқпалы індеттің адам өміріне төндіретін қаупі туралы теледидардан да, баспасөз беттерінде де күн сайын көрсетіліп, жазылып та жатыр. Тіпті аудан көлемінде вирус жұқтырғандардың саны күн сайын өсіп жатқаны туралы ақпарат та біздің жерлестерімізді ойландырмауда.
Жақында мониторингтік топ мүшелері жүргізген рейд барысында карантин режимін бұзу фактісі анықталды. Атап айтар болсақ, Әйтеке би кентінде 2 тұрғын өз ауласында той жасап, көпшіліктің жиналуына себепші болған. Осыған орай Т.Бөріқұлақов пен Ә.Тыныбаев көшелерінде той жасаған тұрғындарға заңдылыққа сәйкес айыппұл салынды.
Айта кетейік, дәл осындай тексеру шаралары ауданда эпидемиологиялық жағдай тұрақталғанға дейін күн сайын жалғасады.

Қазалы ауданында той жасаған тұрғындар жазаланды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> 18 сәуірде елдің басым аумағында ауа райы құбылмалы болады. Кей жерлерде жаңбыр жауады, түнгі уақытта солтүстікте қар аралас жаңбыр болжануда. Кейбір облыстарда тұман түсіп, жел күшейеді, оңтүстік-шығыста, батыста және солтүстік-батыста найзағай ойнайды, деп хабарлайды Қазгидромет.
Ақмола облысында кей жерлерде тұман түсіп, таңертең және күндіз желдің жылдамдығы секундына 15-20 метрге дейін барады.
Жамбыл облысында, күндіз Алматы облысында найзағай ойнайды, жел 15-20 м/c дейін күшейеді.
Қостанай облысында кей жерлерде найзағай ойнайды, дауыл тұрады, тұман түседі, күндіз желдің жылдамдығы 15-20, екпіні секундына 25 метрге дейін барады.
Солтүстік Қазақстан облысында кей жерлерді тұман басады, күндіз желдің екпіні 23-28 м/c дейін жетеді.
Шығыс Қазақстан, күндіз Павлодар, Қарағанды, Қызылорда облыстарында жел 15-20 м/c дейін күшейеді, Қарағанды облысында кей жерлерде – тұман.
Маңғыстау, Батыс Қазақстан облыстарында, түнде және таңертең Атырау облысында кей жерлерді тұман басады. Батыс Қазақстан облысында кей жерлерде найзағай жарқылдайды.

Жексенбіге арналған ауа райы болжамы

Kyzylorda-news.kz. Бүгін Қызылорда қаласының әкімі Ғанибек Қазантаев қалаға қарасты дербес бөлімдерді аралап, жұмыстарымен танысты.
Алдымен шаһар басшысы құрылыс, жер қатынастары, сәулет және қала құрылысы, ауыл шаруашылық бөлімдері орналасқан ғимаратқа барып, бөлімдердің жұмысымен танысты.
Бірнеше бөлімді біріктірген нысанда келушілер үшін қолайлы орта қалыптастырылған. Әр бөлімнің арнайы терезелері арқылы тұрғындар өз сауалдарын қойып, мәселелерін бір ортадан электрондық кезек жүйесімен шеше алады. Сонымен қатар өз-өзіне қызмет көрсету бұрышы да қарастырылған.
Одан әрі Ғанибек Қонысбекұлы қалалық мәдениет және тілдерді дамыту бөлімі орналасқан А.Тоқмағамбетов атындағы мәдениет үйіне барды.
Нысанның материалдық базасымен таныстырған қала әкімінің орынбасары Асқарбек Темірбекұлы бөлімнің мүмкіншіліктері мен қажеттіліктерін атап өтті. Бұл бөлім қаладағы мәдениет үйлері, клубтар және халықтық ұжымдар мен тарихи музейлер, орталықтандырылған кітапханалар жүйесін бір ортаға біріктірген. Қала бойынша бөлімге қарасты 34 мәдени нысан халыққа қызмет көрсетіп келеді.
Шаһар басшысы қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің жұмысымен де танысты.
Бүгінде тұрғындарға 26 мемлекеттік, 8 арнаулы әлеуметтік қызмет түрін ұсынатын бөлімнің құрамында 4 орталық, 2 бөлімше бар. 200-ден аса қызметкер жұмыс істейтін бөлімге күніне 1500-ге жуық азамат қызмет алуға жүгінеді.
<blockquote>
 «Сіздерге барлық жағдай жасалған, материалдық-техникалық базаларыңыз нығайтылған, тек жүйелі жұмысты жалғастырып, халыққа сапалы қызмет көрсетулеріңіз керек» – деді қала әкімі.
</blockquote>
Қала әкімі аралау барысында өткен жылы Жол картасы аясында С.Торайғыров көшесіне жүргізілген жаяу жүргіншілер жолын да көрді. «ДГУСервис» ЖШС жүргізген 2 шақырымға жуық тротуардан олқылықтар анықталған. Жобаның іске асырылған уақыты – 2020 жылғы 24 маусым – 24 қазан аралығы. Қазір уақытта мердігер мекеме кепілдеме негізінде жаяу жүргіншілер жолына қайта жөндеу жұмыстарын жүргізуде.
<img src="https://kyzylorda-news.kz/wp-content/uploads/2021/04/fb_img_1618658340250.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658350099.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658325496.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658345072.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658335061.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618658332402.jpg" alt="" />

Ғанибек Қазантаев: Халыққа қызмет сапалы көрсетілуі керек

Kyzylorda-news.kz. Жамбыл облысында прокуратура қызметкері ұсталды, деп хабарлайды Stan.kz
<blockquote>
 “Прокуратура қызметкерлерінің жемқорлық әрекеттерінің алдын алу жұмыстары аясында Бас прокуратураның Ішкі тергеу департаменті Ұлттық қауіпсіздік комитетінің Жамбыл облыстық департаментінің қызметкерлерімен бірлесе отырып 16 сәуір күні Байзақ аудандық прокуратурасының қызметкерін ұстады”, – делінген ҚР Бас прокуратурасының баспасөз хабарламасында.
</blockquote>
Мәліметтерге сүйенсек, қызметкер айтарлықтай қомақты мөлшерде пара алды деген күдікке ілінді.
Ведомство өкілдері қазіргі уақытта қажетті тергеу жұмыстары жүргізіліп жатқанын, тергеудің қағидаларына байланысты өзге ақпарат жарияланбайтынын мәлімдеді.

Прокуратура қызметкері парамен ұсталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Үндістан билігі коронавирус жұқтыру көрсеткішін төмендету мақсатында Тәж-Махал мен басқа да көрікті жерлерді бір айға жапты.
Елде осымен тоғызыншы күн қатарынан инфекцияға шалдығу деректерінің тәуліктік рекорды тіркеліп келеді. Кеше қауіпті вирус 217 мың адамнан анықталды. Бұл әлем бойынша бұрын-соңды болмаған тәуліктік көрсеткіш. Медицина мамандарының айтуынша, ауруханаларда бос орын жоқ. Жансақтау бөлімдері де науқасқа лық толы.
<a href="https://24.kz/kz/zha-aly-tar/lemde/item/468246-t-zh-makhal-ajtadan-zhabyldy">Хабар 24</a>

Тәж-Махал қайтадан жабылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> “Қанда холестерин көбейіп кетіпті”, “ағзада холестерин көп”, “холестерині аз тамақ жеу керек” дегенді өмірде жиі естиміз. Көбімізде қанда холестерин көбейіп кеткенін өзіміз де байқамай қаламыз. Холестериннің көбейіп кеткенін дәрігерге қаралғанда не анализ тапсырғанда біліп жатамыз. Ендеше қанда холестерин көбейіп кеткенін білсек, қайтпек керек? Оны қалай азайтамыз?
Бұл сауалдарға А.Сызғанов атындағы Ұлттық ғылыми хирургия орталығының кардиолог дәрігері Рашида Халимназарова жауап берді.
Дәрігердің айтуынша, холестерин көбейгенін сезген, білген адам ең алдымен абыржып, үрейге салынбағаны жөн.
<blockquote>
 “Холестерин деңгейі көтеріліп кеткен жағдайда, қант диабеті, артериалды қан қысымы сынды ауыр дерт болмаса, ең алдымен диета ұстаудан бастау керек. Майлы, қақталған тағамдардан, тәтті және қорытылуы тез көмірсу тағамдардан бас тартқан жөн. Бір айдан кейін қайта анализ тапсырып көріңіз. Егер холестерин деңгейі азайса, диетаны ары қарай жалғастыру керек. Ал егер азайғаны байқалмаса, онда дәрігерге қаралуға тура келеді. Өйткені қанда холестериннің көбейіп кетуі тегін емес. Қандай да бір қан тамыры мен жүрек ауруының бар екенін білдіреді. Басқа мүше мен ағзада да ауру табылуы ғажап емес”, – деп түсіндіреді Рашида Халимназарова.
</blockquote>
Халқымыз етті көп жейтіні белгілі. Кейде қандағы холестериннің көбейіп кетуіне ет себепші деп жатамыз. “Бұл пікір дұрыс па?” деген сауалға кардиолог бәрі еттің түріне байланысты деп жауап берді.
<blockquote>
 “Қойдың еті майлы келетіндіктен онда холестерин көп. Тауық пен үйректің еті де майлы. Ал сиыр еті мен балықтың етінде май аз, сондықтан холестерині да аз келеді”, – деп түсіндірді маман.
</blockquote>
<a href="https://massaget.kz/arnayyi_jobalar/zdorove/64926/">Massaget.kz</a>

Қанда холестерин көбейіп кетсе не істеу керек?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қарағанды облысындағы Балқаш қаласындағы авиациялық оқу орталығында Су-30 см көпфункционалды жойғыш ұшақ апатқа ұшырады, деп хабарлайды&nbsp;<a href="https://stan.kz/">Stan.kz</a>.
16 сәуірде сағат 20:45 шамасында Балқаш қаласының Авиациялық оқу орталығына қону,&nbsp; оқу-жаттығу жүргізу кезінде Су-30 см көпфункционалды жойғыш апатқа ұшырағанын&nbsp;Қорғаныс министрлігінің баспасөз қызметі&nbsp;хабарлады.
“Ұшақ экипажы апатқа ұшырады. Ұшқыштар аман, медицина қызметкерлерінің бақылауында. Қазіргі уақытта болған оқиғаның себептерін анықтау үшін арнайы тергеу комиссиясы ұшақ құлаған жерге жіберілді”, – деді департамент.
Белгілі болғандай, ұшқыштардың денсаулық жағдайы тұрақты деп бағаланады.
Айта кетейік, 2020 жылғы 16 сәуірде Қарағанды қаласының маңында жауынгерлік кезекшілік атқаруға дайындық бойынша жоспарлы ұшуды орындау барысында Қазақстанның Әскери-әуе күштерінің МиГ-31 ұшағы апатқа ұшыраған еді.

Ұшақ экипажы апатқа ұшырады

<a href="https://kyzylorda-news.kz/">Kyzylorda-news.kz.</a>&nbsp;Пандемия уақытында «Сейхун» провизорлық стационарында еңбек еттік. Сонда тәулігіне қаншама науқас толастамай келіп жатты. Барлығының өкпесі қысылып, бір жұтым ауаға зар болғанын көзбен көрдік. Биыл бұл жағдайдың қайталанбауын қамтамасыз етудің жалғыз жолы бар. Ол – вакцина салдыру.
Коронавирус инфекциясымен күресіп келе жатқанымызға бір жылдан асты. Осы уақыт аралығында талай жандардың ауа жетпей, өкпесі қысылып қиналғанын көрдік. Осыдан-ақ, бұл дерттің қаншалықты кеселді екенін аңғару қиын емес. Қазіргі кезде де санитарлық эпидемиологиялық ахуал күн өткен сайын күрделеніп барады. Сақтық шараларын бірінші кезекке қоятын кез келді. Мен өзім вакцина салдырған медицина қызметкерлерінің алғашқыларының бірімін. Екпенің екі компонентін де қабылдадым. Екпеден соң ешқандай ауырсыну немесе денсаулығымда кінәрат болған жоқ. Вакцинаны отбасы мүшелерім мен туыстарым да салдырды. Есесіне, «инфекцияны жұқтырып аламын» деген қауіп сейілді.
Қазіргі күні вакцинаға қатысты түрлі алып-қашпа әңгімелердің есіп жүргенін білеміз. Бұл ретте мен, тек ресми ақпарат көздеріне сенуге шақырамын. Мамандардың кеңесіне құлақ асайық. Коронавирусты жеңеміз десек, екпе салдыруға барғанымыз абзал. Бұл ертеңіміз үшін қабылданар маңызды шешім.
Ақмарал МАХАНБЕТЖАНОВА,
Қызылорда облыстық психикалық
денсаулық орталығының бас мейірбекесі

Ақмарал Маханбетжанова: Барлығының өкпесі қысылып, бір жұтым ауаға зар болғанын көзбен көрдік

Kyzylorda-news.kz. Ауданға жеткізілген 400 доза вакцина сырдариялықтарға бүгін толық салынып бітті.
Атап айтқанда, кеше 265 тұрғын екпе салдырса, бүгін 135 адам вакцина қабылдады. Екпе салдырғандардың арасында білім, медицина, өрт сөндіру, полиция қызметкерлері бар. Сондай-ақ бүгін Іңкәрдария, Бесарық, Қоғалыкөл ауылынан да тұрғындар келіп, ерікті түрде екпе салдырды.
Енді «Спутник V» вакцинасының І компонентін қабылдаған сырдариялықтарға 21 күннен кейін ІІ компоненті салынатын болады.

Сырдария: 400 вакцина толық салынып бітті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp;ҚР Премьер-Министрінің орынбасары Ералы Тоғжанов Жер реформасы жөніндегі комиссияның төртінші отырысын қорытындылады, деп хабарлайды <a href="https://lenta.inform.kz/kz/zher-komissiyasynyn-tortinshi-otyrysynda-kanday-sheshimder-kabyldandy_a3777563">ҚазАқпарат</a>.
Ералы Тоғжанов екі жұмыс тобы енгізген ұсыныстар бойынша нақты шешім қабылдауды сұрады және дауысқа салды.
«Біріншіден, қазақстандықтарға жалға беруді жаңа мерзімге ұзартуға басымдық құқығымен ауыл шаруашылығы жерлерін 49 жылға дейін ұзақмерзімді жалға алу мүмкіндігін беру бойынша тиісті заң нормаларына өзгерістер мен толықтырулар енгізу ұсынылсын.
Екінші, қазақстандықтарға ауыл шаруашылығы жерлерін жалдау құқығын мемлекеттен сатып алмай иеліктен шығару мүмкіндігін беру бойынша нормаларын сақтап, тиісті заң актілеріне өзгерістер мен толықтырулар енгізу ұсынылсын.
Үшіншіден, ҚР Үкіметіне елді мекендер айналасында жайылымдар тапшылығы мәселелері бойынша талдау жүргізіп, олардың жетіспеушілігі проблемаларын шешу ұсынылсын.
Төртіншіден, Жер кодексінің 50-бабының 4-тармағындағы ауыл шаруашылығы мақсатындағы жер учаскелерінің шекті мөлшерін белгілеу нормаларын қарастыруға байланысты латифундистерді болдырмау туралы ұсыныс. Бұл мәселенің заңнамада шешімі бар болғандықтан комиссия қарауынан алып тастауға ұсыныс енгізілді.
Бесінші, мемлекеттік органдардың шешімі бойынша, әкімшілік шекаралар өзгерген жағдайда жеке және заңды тұлғаларға жер учаскелерін сәйкестендіру құжаттарын қайта дайындау үшін бюджет қаражатын көздейтін норманы заңнамалық түрде бекіту ұсынылсын.
Алтыншы, ауыл шаруашылығы жерлерін субарендаға беру қолданыстағы заңнамада қарастырылмағанына байланысты, бұл сұрақ комиссияның күн тәртібінен алынсын.
Бір апта шеңберінде жұмыс топтарында осы мәселелер талқыланды, оған бәріңіз атсалыстыңыздар. Соған байланысты сіздердің келісімдеріңіз бойынша бүгін осы мәселелер комиссия отырысына шығарылды. Сондықтан, дауыс беруге бәріңізді шақырамын», – деді Е. Тоғжанов.
Комиссия отырсында мүшелердің көпшілігі дауыс берді, қарсы ешкім болмады және төрт адам қалыс қалды.
<blockquote>
 «Шешім қабылданды. Алдымен бәріңізге рахмет айтқым келіп отыр. Ашығын айтқанда, бүгін үлкен маңызды шешім қабылданды. Бүгінгі қабылданған шешім жерді экономикалық айналымға енгізуге толықтай мүмкіндік беріп отыр деп ойлаймын. Соны қолдаған, түсінген азаматтар дауыс беріп қолдап отыр. Сондықтан, елге, халыққа керек шешіммен құттықтауға рұқсат етіңіздер», – деп қорытындылады Ералы Тоғжанов.
</blockquote>

Жер комиссиясының төртінші отырысында қандай шешімдер қабылданды

<a href="https://kyzylorda-news.kz/">Kyzylorda-news.kz.</a> «Қазір вирустың амандассаң да, көпшілік ортаға бара қалсаң да жұғу қаупі жоғары. Ал жұға қалса, дәріханалардағы дәрілер ауруды жеңуге қауқарсыз. Тек бұл тығырықтан алып шығатын вакцина ғана». Өңірлік коммуникациялар қызметінің ақпарат алаңында өткен брифингте медицина саласының ардагері Сағындық Шәмшиев осылай деп мәлімдеді.
<blockquote>
 “Вакцинаның пайдасы мол. Ауруға қарсы күресу қабілеті де жоғары. Оны өз басымнан өткергем. Кеңес үкіметінің тұсында жаңа туылған балалар мен ересектерге дейін түрлі ауруға қарсы тұратын, имунитет қалыптастыратын вакцина салатын. Бізде салдырдық. Менің бүгінде медицина саласында жұмыс істегеніме 53 жыл толды. Алайда соның біз осы күнге дейін зиянын көргеніміз жоқ. Қазіргі вакцина да соның бір парасы. Мен қазір 77 жастамын. Кеше екпе салдырдым. Менің де бала-шағам, жақындарым бар. Оларды да қауіптен сақтауды әрбір адам ойлауы тиіс. Бұл дертті тек бір жағадан бас, бір жеңнен қол шығарып, қоғам болып қана жеңе аламыз. Ал оны жою үшін осы вакцина ғана көмектеседі”, – деді медицина саласының ардагері Сағындық Шәмшиев.
</blockquote>
Былтырғы жыл қаншама отбасы жақындарынан айрылып, қабырғасы қайысты. Сол себепті қазір вирусқа төтеп беру үшін қыруар жұмыс жасалып жатыр. Облыста дәрі-дәрмек пен қорғаныш заттарына үлкен сомада қаржы бөлінуде. Алайда вакцина десе үркіп, ат-тонын ала қашатындар әлі де бар. Ал көпті көрген ардагер бұның дұрыс еместігін алға тартады.
<blockquote>
 “Қазір бос үрейді ысырып тастап, бәріміз бір көзқараста болуымыз керек. Себебі күннен күнге эпидемиялогиялық ахуал күрделеніп барады. Алда жағдайдың қалай өрбитінін ешкім дөп басып айта алмайды. Сондықтан вакцина салдырып, тәж-тажалды жеңу үшін жұдырықтай жұмылуымыз қажет. Вакцина салдыру тек халықты құтқарудың жолы. Сондықтан қорқудың қажеті жоқ”, – деді Сағындық Шәмшіұлы.
</blockquote>

Сағындық Шәмшиев: Осы күнге дейін вакцинаның зиянын көргеніміз жоқ

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда қаласындағы КБИ мөлтек ауданында өрт болып жатыр. Бұл туралы “Facebook” әлеуметтік желісінің қолданушысы Үйтолған Жареке хабарлады.
<blockquote>
 “Шақырған өрт сөндіру қызметі келер емес. Үрейленген тұрғындар далада жүрміз деп хабарласып жатыр” делінген жазбада.
</blockquote>
Қызылорда облыстық төтенше жағдай департаменті баспасөз қызметінің хабарлауынша, Жасыл өлке мен Жаңа арқа көшелерінің қиылысындағы канал бойында 100х200 метр қураған шөп өртенген. Өрт сөндірілуде. Өрт салдарынан қаза болғандар жоқ.
<img src="https://kyzylorda-news.kz/wp-content/uploads/2021/04/ort-1.jpg" alt="" />

Қазақстан және Қызылорда облысының жаңалықтары