Kyzylorda-news.kz. Қазақ театры мен кино өнерінің мақтанышына айналған Ғазиза Әбдінәбиева дүниеден өтті.
Бұл туралы Instagram парақшасында Асхат Маемиров жазды.
Ғазиза Әбдінәбиева Қазақстанның еңбек сіңірген артисі, «Парасат», «Құрмет» ордендерінің иегері, қазақ театры мен кино өнерінің майталманы.
1948 жылы Қызылорда облысы, Сырдария ауданы Тартоғай ауылында туған.

Актриса Ғазиза Әбдінәбиева дүниеден өтті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қала әкімдігі жанынан құрылған мониторингтік топ карантин талаптарының сақталуын қадағалау мақсатында күнделікті іс-шаралар жүргізуде. Нәтижесінде, 17-18 сәуір күндері мониторингтік топпен 7 анықтама толтырылып, санитариялық-эпидемиологиялық бақылау басқармасына жолданды.
18 сәуір күні қала әкімінің орынбасары Бектас Нуридиновтің жетекшілігімен&nbsp; мониторинг топ карантин режимін өрескел бұзып, 200-ге жуық адамды жинап жиын өткізген желілік маркетингтің іс-шарасын тоқтатты. Заңды шешім қабылдау мақсатында толтырылған анықтама тиісті орынға (СЭББ) жолданды.&nbsp;
Сондай-ақ, аралау барысында адам көп шоғырланатын орындарда карантин талаптарын сақтау бойынша бірнеше мәрте түсіндірме жұмыстарының жүргізілгеніне қарамастан бұзушылыққа жол берген «Асбол», «Талғат», «Сыбаға» сауда орындарының басшыларына анықтама толтырылып, СЭББ-ға жолданды.
Мониторинг топ жетекшісі Бектас Балғабайұлы карантин режимі кезінде бекітілген талаптарды орындамай, тұрғындардың денсаулығына қауіп төндірген азаматтар тиісті жауапкершілікке тартылатынын ескертті.
Сондықтан бас санитар дәрігердің қаулысының талаптарын қатаң сақтау, бетперде кию және арақашықтықты сақтауды естен шығармау қажет.
<img src="https://kyzylorda-news.kz/wp-content/uploads/2021/04/whatsapp-image-2021-04-18-at-18.34.06-1.jpeg" alt="" />
<img src="https://kyzylorda-news.kz/wp-content/uploads/2021/04/whatsapp-image-2021-04-18-at-18.34.06-3.jpeg" alt="" />
<img src="https://kyzylorda-news.kz/wp-content/uploads/2021/04/whatsapp-image-2021-04-18-at-18.34.06-2.jpeg" alt="" />
<img src="https://kyzylorda-news.kz/wp-content/uploads/2021/04/whatsapp-image-2021-04-18-at-18.34.06-7.jpeg" alt="" />

Желілік маркетинг: Қызылордада 200 адам қатысқан жиын тоқтатылды

Kyzylorda-news.kz. Мемлекет басшысының халыққа жолдауында айтылған оқу орындарын тексеру тапсырмасы орындалды. Бұл туралы Президенттің баспасөз хатшысы Берік Уәли өзінің Facebook парақшасында жариялады.
<blockquote>
 «Былтыр мен дипломды оңды-солды үлестірумен айналысатын білім мекемелерін жабуды тапсырған болатынмын. Білім беруді табысты бизнеске айналдырған ықпалды адамдардың қарсылығынан бұл жұмыс баяу жүріп жатыр. Бірақ проблеманы шешу керек», – деген еді Қасым-Жомарт Тоқаев 2020 жылдың 1 қыркүйегіндегі халыққа Жолдауында .
</blockquote>
Берік Уәлидің хабарлауынша, 2020 жылы 38 ЖОО-ға профилактикалық тексеру жүргізілген. 14 ЖОО-да жұмысқа орналастыру көрсеткіштері талап етілетін нормативтен төмен болған. Ал 2021 жылы 42 жоғары оқу орнына алдын ала бақылау жүргізу жоспарланып отыр. Жыл басынан бері 53 мыңға жуық студент білім алатын 7 ЖОО жабылған. ЖОО оқытушылары жұмыспен қамтылып, студенттер басқа жоғары білім беру мекемелеріне ауыстырылған. Сонымен бірге, үш оқу орны бас лицензиясынан айырылған.
Олар:
– 35 мыңға жуық студенті бар Аймақтық әлеуметтік-инновация университеті.
– 5 мыңнан астам студенті бар М. Тынышпаев атындағы Қазақ көлік және коммуникациялар академиясы.
– Қазақ медициналық үздіксіз білім беру университеті (ЖОО аталған шешімге шағымданды, қазіргі уақытта сот процесі жүріп жатыр).

Қазақстандағы оқу орындары тексеріліп жатыр

Kyzylorda-news.kz. Қазақстанның ұлттық қауіпсіздік комитеті әлеуметтік желідегі Атырау облысында өтіп жатқан “<a href="https://www.instagram.com/p/CNwy3Gun7o-/?utm_source=ig_web_copy_link">акциялар</a>” туралы ақпаратты жоққа шығарды.
<blockquote>
 “17 сәуірде жекелеген электронды ақпарат ресурстарында Атырау облысында өтіп жатқан акциялар туралы видео тарала бастады. Ұлттық қауіпсіздік комитеті бұл ақпараттың шындыққа жанаспайтынын ресми түрде хабарлайды. Әлеуметтік желілерде тараған видеода “Қалқан-2021″ оқу-жаттығулары көрсетілген”, – делінген ҰҚК хабарламасында.
</blockquote>
Комитетттің баспасөз қызметі қазақстандықтарды жалған ақпарат таратпауға шақырды, ал отандық БАҚ-тан мұндай материалдарды қайта жариялағанда немесе оған сілтеме жасағанда ҰҚК-ға жүгініп, ақпаратты растауды немесе түсініктеме алуды сұрады.
Бұған дейін баспасөз қызметі оқу-жаттығуға дайындық барысында әскери іс-қимылдармен қатар асимметриялық шаралар қолданылатын, радиоэлектрондық күрес құралдары мен пилотсыз техника қолданылатын қазіргі заманғы қарулы қақтығыстардың мүмкіндіктері ескерілгенін хабарлаған еді.

Желіде Атырау облысындағы &#8220;қақтығыстың&#8221; видеосы тарады – ҰҚК түсініктеме берді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Соңғы уақытта көптеген әйелдер психологқа көбінде бір ғана мәселені жиі айтып келе бастаған. Яғни, нәзік жандылар өздерінің күйеулері жөнді табыс таппайтынын, тіпті жылдар бойы жұмыссыз жүре беретінін, балаларын асырау қаперлеріне кірмейтінін, әйелінің тапқан жалақысына намыстанбай күн көретінін айтып шағымданған. Бұл тақырып жөнінде әңгіме бұрындары да қозғалғанмен тағы қайталап өтейік. Егер сіздің жарыңыз жылдар бойы қасыңызда жүріп, еркек секілді ақша таппаса, жұмыс істеуге құлықсыз болса, балаларыңыз бен сіздің өміріңізге жауапкершілікпен қарамаса, сөйте тұра сізге көңіліңіз толмаса… онда бұл мақала сізге өте-мөте қажет.
Неге бұлай болып шықты?
Бұған кінәлі, өкінішке қарай, күйеулері емес, әйелзатының өзі. Неге десеңіз, табиғат жаратылысынан әйел адам ерлерге қарағанда жүйке төзімділігі, көңіл-күй ұстамдылығы, психикалық өмірлік күш-қуат, қажырлық жағынан әлдеқайда күштірек. Егер сіздің күйеуіңіз, жетістікке жете алмаса, демек, сіздің оған деген ықпалыңыз төмен болғаны. Бір әйелдердің қасында ер адам байлығы тасып, тасы өрге домалап, беделі арта бастайды, ал бір әйелдердің жанында керісінше тақыр кедейленіп, шекесі шылқымай-ақ қояды. Ештеңеге жарымай, қолынан түк келмейтін біреу болып шығады. Керек десеңіз, ерге физикалық күш-қайраты бәсеңдеп, белсіздікке де ұшырап жатады. Әңгіме бұл жерде әйелдің еркекті қанаттандырып, шабыттандыра білуінде, әйел өзін ері алдында қалай ұстай білетіндігінде!
Мәселен, әйелі өз қолымен тапқан ақшасын күйеуіне беретін болса, ол әйел әлгі ер адамның энергетикасын жойып жатыр деген сөз. Мұндай жағдайдан соң, еркектің өз күшіне қайтып келуі қиын және олардан дені дұрыс еркек шыға да қоймайды.&nbsp; Бір психолог 500-ден аса әйелге сауалнама жүргізіп, зерттеу жұмыстарын жүргізіп келген. Сондағы тестке қатысқан әйелдердің барлығы бір кездеріне күйеулеріне өздері «демеуші» болып, материалдық жағынан қол ұшын берген. Нәтижесінде, осындай қарым-қатынас жасаған жұптардың ешқайсысы бір шаңырақ астында тату тұра алмаған. Тіпті, ажырасып кеткендердің саны өте көп болып шыққан. Мұндай әйелдердің күйеуі санадан тыс өмірлік серіктерін ренжітіп, төмендетіп, қорлап, басынып, кейде оның алдында кішкентай бала сияқты еркелеп те отырған. Сондықтан, ешуақытта ер азаматқа, мейлі ол сіздің күйеуіңіз, әкеңіз, бауыр ініңіз, ағаңыз болса да… ақша беруге болмайды. Қажет десеңіз, ол қандай қиын жағдайға тап болса да, өмірі ауыр болса да… Еркек өз қиындықтарын, өз мәселелерін өзі шешу керек. Ол сонда ғана нағыз еркек, сонда ғана өзін еркек сезініп, дами алады. Тығырықтардан шыға білген жан ғана азамат бола алады! Оған сенім білдіріңіз, сеніңіз!
Ал, егер сіз ер-азаматқа қалайда ақша беріп қойған болсаңыз, онда бұл қаржыны ол үш есе көбейіп қайтарып беруі тиіс. Сонда ғана ер адамның энергетикасы бұзылмайды. Тіпті, ұлыңыз он сегізге толды ма, оған ақша беруді доғарсаңыз болады. Кәмелетке келген жігіт еңбек етсін, ол еңбекке жарамды, ақыл-есі орнында, жан-жағындағы мүмкіндіктерді пайдалансын. Осылай ету арқылы, осы талаппен өмір сүру арқылы, сіз одан нағыз ер-азаматты жетілдіріп шығарасыз. Сіз оған осылай көмектесе аласыз. Тиын-тебен беріп көмектесу, ол еркектер үшін көмекке жатпайды. Өзін асырай алатын, өзгелерге қол ұшын беруді үйрене алған жігіт өз өміріне де, жақын бауырларының өміріне де жауапкершілікпен қарай алады.
Енді ақша беру кезіндегі сіздің көңіл-күйіңізді, ішкі сезімдеріңізді байқап көрейік. Сонымен сізге ер адамға ақша беріп жатқанда қандай күйде боласыз. Шыныңызды айтыңызшы, ақша беру сізге ұнай ма? Ер адамға ақшаны шын көңілден ішкі қалауыңызбен бергіңіз келе ме? Көптеген әйел бұл сұрақтарға «жоқ» деп жауап беретініне сенімдімін. Себебі, табиғатта әйелдің ер адамға ақша беруі, қол ұшын созып көмек беруі – қарама-қайшылықты нәрсе. Көбінде мұндай кезде әйелдердің бойында ашу-ыза, жағымсыз толқыныс туады. Бір жағынан бұл бізге ауру әкеледі, тағы да біз әйелдік нәзіктігімізден, табиғи жаратылысымыздан алыстай бастаймыз.&nbsp; Ер адамға ақша берген әйел – өзін әйел ретінде жоғалта бастайды, өзін-өзі жек көре бастайды, өзіне ашуланады, соңында өзін жоқ қылып тынады. Бұндай жағдайды көптеген әйелдер басынан кешірген. Айналып келгенде, осының барлығы ер адамды аяғаннан, оны қиындықтан құтқарғысы келгендіктен, оған көмектесіп, мәселесін оңайлатып шешіп бергісі келгендіктен…
Бір күні бір бойжеткен өзі қатарлы жігітпен танысып, достасады. Олар кездесіп жүргенде жігіт ойламаған жерден қыздан ақша сұрайды. Анау-мынау емес, қомақты ақша керек екен. Шын мәнінде қыз әлгі жігітке ақшаны бергісі келмейді, алайда көмек қолын созбау да ыңғайсыз… &nbsp;Содан қыз әрі ойланып, бері ойланып, жігіттің сұраған ақшасын тауып береді. Содан соң, олардың кездесуіне әрқандай кедергілер тап болып, ақыры достастықтары жалғаспай қалады. Тіпті қыздың өзі ол жігітке деген сыйластығы жоғалғанын айтады. Түптеп келгенде, әйел ер адамға ақша емес, күш-қуат беретін сөзбен жігерлендіріп, энергия, қолдау, сенім беріп отыру керек. Сонда ғана әйелдің ерге берген жылылығы, шабыты, бәрі өзіне екі есе табыс, ақша болып қайтып келмек. Ал, біз де көбінде керісінше, табиғи заңды бұзып, ерлердің алдына өзіміз түсіп, өзіміз аузына қасық тосып, ақшасын тауып беріп, кей жағдайда жұмысқа да тұрғызып, өбектеп анасының рөліне еніп кетеміз. Бұл ер мен әйел қатынасын жояды.
Сыйлық ала білу керек
Кейде әйелдер күйеулерінен ешбір сый алмайды. Алуды да артық көреді. Егер күйеуі сыйлық немесе табысын әкеліп тұрса – бұл алдымен әйелдің сыйы, соның арқасы! &nbsp;Өйткені, табиғат солай жаратқан, күйеуінің табысқа жетуіне әйелі күш салды. Күйеуін қолпаштады, оған өмірлік энергия берді.&nbsp; Күйеуі сыйлық, не болмаса тұрмысқа қажетті бұйымдар әкелсе, жалақысын берсе және оны әйелі қуанышпен, шын көңілмен қабылдаса, онда әйел мен ер арасында энергия толығымен алмасты деуге болады. Ер адам әрі қарай күш-қуаты артып, өзін дамыта жетіле түседі, тынысы ашылады, одан сайын жетістіктерге қол жеткізе жөнеледі. Ал, керісінше әйелі сыйлықты қабылдай алмаса, ақшаны үнемдесе, «мынау тым қымбат ғой, сатып алып керегі жоқ еді ғой, неге олай еттің?» десе, күйеуінің табыс каналын шорт кеседі. Ақша да күйеуінен теріс айнала бастайды. Жолы да оңғарыла қоймайды (бұл процесс күйеуіңіз басқа әйелді кездестірмейінше жалғаса береді, егер сыйлық қабылдайтын, оны шабыттандыра алатын, өмірлік энергия беретін әйел кездессе, ол табысқа жетуі әбден мүмкін. Немесе сіз түбегейлі осылай өзгере алуыңыз керек. Сол себепті, күйеуіңіз сізге ұнамайтын сыйлық әкелсе де, қуана қабылдай біліңіз. Оның табыс арнасы өзіңіз ашыңыз.
Кейбір жағдайда, алған үстіне ала бергісі келетін, ешқандай ақшаға да, сыйлыққа да көңілі толмайтын, қанағатсыз әйелдер болады. Қалай ойлайсыз, мұндай кезде әйел күйеуін табысқа жетелей ала ма? Жоқ. Көңілі толмай, қанағаттанбай&nbsp; алған сый пен ақша ерлерді шаршатады, бос әурешілікке салады, бұдан олар бос шелекті даңғырлатып жатқандай күй кешеді.
Егер осының барлығынан сіз өзіңіздің бейнеңізді көріп отырған болсаңыз, онда қазірден бастап, Жаратушыға ризашылығыңызды білдіріңіз. «Иә, қазір мен күйеуіме көңілім толмайды, себебі, ол табыссыз. Әперген сыйлықтары ашуымды келтіреді. Алайда, оның табысты болғанын, алып берген сыйлықтарын шын көңілмен, қуанышпен қабылдағанымды қатты қалаймын. Менің өзгергім келеді». Расында, көп ұзамай өзіңізде өзгерістер пайда болғанын байқай бастайсыз…

Егер күйеуіңіз ақша таппаса…

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қасиетті Рамазан айында ауыз бекіту – барша мұсылман үшін парыз. Дегенмен күні бойы аш жүру адам ағзасына қалай әсер етеді? Отыз күн бойы өзіңді астан тыю иммунитетті төмендетіп жібермей ма?&nbsp;&nbsp;Бұл туралы нутрициолог, диетолог, салаутты өмір салты туралы кеңес беретін дәрігер&nbsp;Гүлбала Таймаханова жауап берді, деп хабарлайды <a href="https://stan.kz/">Stan.kz</a>.
Диетологтың айтуынша әрбір адам ораза ұстамас бұрын, өз ағзасын алдын ала дайындау қажет.
“Шама келгенше жалпы белок, ферритин мөлшерін және Д витаминін анықтау үшін анализ тапсыру қажет. Қандай да бір дәрумен жетіспеген жағдайда тағаммен толтыру немесе дәрілік препараттарды ораза уақытында әлсіреп қалмас үшін рационға қосу маңызды. Дәрігермен кеңесіп алған дұрыс”, -дейді Гүлбала Таймаханова.
Диетолог маманнан пандемия кезінде ораза ұстау қаншалықты қауіпті, вирус жұқтыру жылдамдығы артып кетпей ме деп сұрағанымызда:&nbsp;
“Рамазан кезінде коронавирусқа сілтеп, оразадан бас тартуға болмайды, ауыз бекіту – парыз, бұл – барлық мұсылман үшін міндетті дүние. Егер әрбір адам дұрыс тамақтанатын болса, иммунитеті түспейді. Ең бастысы қызуы жоқ болса, қандай да бір созылмалы ауруы жоқ болса, оразаны еш уайымсыз ұстай берсе болады. Ораза кезінде күнделікті ішіп жеп жүрген тағамдардан алатын дәрумендерді екі бөлесіз. Таңғы уақыт жән кешкі уақыт. Бірақ ол ағзаға еш ауыртпалық әкелмейді”, – деп жауап берді ол.
Ол ораза уақытында міндетті түрде рационда май, ақуыз және көмірсулар жеткілікті болуы керектігін баса назарда ұстауды ескертті. Сонымен қатар, пандемия кезінде қандай тағамдарды тұтыну керектігін де айтты.
“Күнделікті жылы су ішілуі қажет (салқын немесе ыстық су асқазанның шырышты қабатына кері әсерін тигізеді), отырып, асықпай ұрттап-ұрттап ішеміз. Мәзірімізде ұннан жасалған тағамдарды мүлдем қолданбаған абзал (печенье, пирог, ақ нан), қант немесе қанты бар тағамдардан бас тарту қажет, қуырылған тағамдарды қолдануға болмайды.
Пандемия кезінде иммунитетімізді көтеру мақсатында сәресіне сүт ( бие, түйе, ешкі), сары май (қолдың сары майы), жаңғақтар, әсіп, қазы, балық,құс еті, ботқа, сүзбе, қайнатылған жұмыртқа, сүйек сорпасын, жеміз-жидек (жеміс аз мөлшерде) қолдануға болады. Ауызашарға жеңіл тез қорытылатын тағамдар болу қажет (көкөністі салаттар, сорпалар, парға, пешке дайындалатын тағамдар, голубцы, долма), кешкі тағам құрамында клетчатка көп болуы қажет”, – дейді диетолог.
Күні бойы аш жүрген адам ауыз ашарда барынша абай болғанын ескертеді. Бірден тойып тамақтануға болмайтынын, асқазанымыздың 3/1-тамақ, 3/1 – су, 3/1-ауа болуы маңызды деп басып айтты маман.
Жалпы отыз күн ауыз бекітіп, күндіз тамақтан тыйылудың адам ағзасына тигізер пайдасы орасан зор дейді дәрігер.
“Оразада ұйқының біздің ағзаға тигізер ықпалы өтте зор! Сәресін ішіп болған соң сағат 7-8 дейін ұйықтап алған абзал, күндіз де ағза шаршап қалмас үшін 1-2 сағат ұйқы қажет. Күнделікті иммунитетті көтеру үшін Д-дәруменін, Омега-3 ішуге болады профилактика ретінде (тамақпен бірге 2 мезгіл). Таңертең С-дәруменін және В тобындағы дәрімендер комплексін ішуге болады”, – дейді ол.
Диетолог тек ас мәзіріне ғана көңіл бөлмей, міндетті күрде таза ауамен үй ішін желдендіріп, шама келсе жеңіл жаттығуларды да жасауға болатынын айтады. Сондай-ақ жүкті әйелдер, емізетін әйелдер, созылмалы аурулары бар адамдар, қарт кісілер ораза ұстамас бұрын&nbsp;міндетті түрде дәрігер кеңесін алу қажет екен.
— Оразаның адам ағзасына тигізетін пайдасы&nbsp;қандай?
— Оразадан соң біздің ағзада дұрыс тамақтансаңыз болатын өзгерістер:
ағзамыздағы жасушалардың жаңаруы;
асқазан-ішек жолдарының токсиннен тазаруы және ас қорыту жүйесі&nbsp;жұмысының жақсаруы;
бас айналудың болмауы;
иммунитеттің күшеюі;
ашушаңдық, шаршау, әлсіздіктің болмауы;
терінің ағарып, тазаруы.
— Ауыз бекітудің зияны туралы …
— Егер сіз ораза уақытында дұрыс тамақтанбайтын болсаңыз, асқазан, бүйрек, жүрек ауруларының асқынуы пайда болуы мүмкін. Онда оразаның&nbsp;&nbsp;ағзаға зиян тигізуә мүмкін. Дұрыс тамақтанатын адамдарда, иммунитет әлсіремейді, өйткені сіз 1 күндік тағам мөлшерін (ккал) 2-ге бөліп тұтынасыз! 1 күндік ақуыз, май, көмірсуды керек мөлшерде қабылдайтын боласыз.
Дұрыс тамақтанбаған жағдайда адамның иммунитеті түсіп кету қаупі бар, өйткені біздің ағзамызға күнделікті дәрумендерге бай тағамдар түсіп тұруы қажет. Ораза кезінде тәтті, майлы тамақ, газдалған сусындарды мүлдем ішпеген абзал, әйтпесе ағза тазаланбайды.
— Ораза аяқталған соң асқазан жұмсын құртып алмас үшін не істеу керек. Арнайы диета бар ма?
— Ораза біткен соң да міндетті түрде дұрыс тамақтану қажет. Дұрыс тамақтану дегеніміз арықтау емес, әрбір жасап жеп жүрген тағамымыздың дұрыс тәсілмен дайындалуы,&nbsp;оны даярлайтын дұрыс майды таңдап үйрену.
<img src="https://kyzylorda-news.kz/wp-content/uploads/2021/04/news_full1618402787070589cadf02b7421e7c07c07bc267dd.jpg" alt="" />

Ораза иммунитетті әлсірете ме? Маман жауап берді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Көптеген әйелдер бақыт әртүрлі жағдайларға байланысты деп ойлайды. Негізі бұл себептер мен шарттарда табысты карьера, ауқаттылық, күйеуіңмен арадағы жақсы қарым-қатынас жатыр деп топшылайды.
Америка жазушысы Марси Шимофф отбасы бақыты қас-қағым сәтте екеніне сенімді. Жазушы өзінің «Бақыт туралы №1кітап» атты еңбегінде отбасы бақытының құпияларын ашады. Ол өзгеріп тұратын жағдайларға байланысты емес, ол адам жанының ерекше күйіне байланысты екенін алға тартады. Ішкі жан тыныштығы, сергектік, сабырлылық, жеңілдік, келісушілік, жан жарасымы — бұл сезім, осыларды әдет секілді дамыту керек. Демек, бақытты әйелдің мінез-құлық ерекшелігін білу керек.
Жақсылыққа сенім 
Бақытты әйелдің 1-ші мінез-құлқының ерекшелігі –ол күлімсіреген әйел. Некеде бақытты әйелдер — қоршаған орта оған жылы шырайлы және әділетті деп сенеді. 
Қиын сәттерде арызданудың орнына одан да ақылға салып, дұрыс ойланып, пайымдау қажет. Өмірдің ащы жағдайларынан сабақ ала білу керек. 
Отбасы бақытының тізімінде бірінші болып- «жақсылыққа сену» бекітілген. Негізінен, некені бақытсыз қылатын не? Ашулану, жазғыру, ұрыс, кінә, шағым дейсіз бе? Жоқ олай емес. Егер әйел өзін аяй бастағанда-бақыт одан кетеді. Жамандық, ыза-кектерді есте сақтап қалудың қажеті жоқ. Одан құтылу керек, жақсылыққа сеніп, ары қарай алға жылжу керек.
Жақсы нәрсені жақсылық тартады, жаман жаманды тартады
Кез-келген бақытты жанның өмірінің негізі болып тартылыс заңы жатыр, адам өзіне ұқсастарды өзіне тартады, сәйкесті сәйкес тартады деген бар. Отбасы бақытының құпиясы жағымды энергиямен негізделеді. Егер зайыбынан жағымсыз энергия шығып жатса, онда ешқандай да жасанды күлкі көмектеспейді. Адамдар арасындағы қарым-қатынас энергия арқылы құрылады деп баяғыда-ақ дәлелдеп қойған. Сезім, ой, қылық өзіне магнит сияқты жақсыны, не жаманды тартады екен. Статистика бойынша адамның 80 пайыз ойы жағымсыздықта болатын көрінеді. Адамға бірнеше рет мақтау қошемет айтылса да, ол бір ғана жаман сөзді немесе балағаттауды есінде сақтап қалады. Әйел психикасы осылай жаратылған. Қалай жаман ойлардан арылуға болады? Жаман ойлар-бұлар үрей, қорқыныштар, елестер…. Сондықтан осыны ұғынып, өз психологияңызды қайта құруыңыз, өзгертуіңіз қажет.
Оқиғаларды жинау 
Отбасы бақытының тізіміндегі тағы бір тәсіл, ол жағымды оқиғаларды жинау. Жаман нәрселерді байқағаннан гөрі, жақсы жағдайларды есте сақтап, тізбектеу. Жағымды хош иістер, бір күнгі алған мейірімді көзқарастар, күлкілер, жымию, мақтаулы қошеметтердің бәрін жіпке тізбектеп тағып қою керек. Ал кешкісін, үйге келгенде барлық адамдардың сізге сыйлаған бақытты сәті үшін алғыс айту керек. Осындай алғыс айту, ойшыл ойынынан кейін сізде табиғи оптимизм дамиды. Табиғи оптимизм- бұл әдет, ол жағдайларға байланысты болмайды және үйге бақыт әкеледі. Алғыстан басқа, бақытты дағдыларға кешірім жасау, қайырымдылық, махаббат жатады. Бұл қасиеттерді күнделікті дамытып отыру қажет.
Кінәларды кеудеден босату 
Егер әйелдің сүйіктісіне деген қарым-қатынасы, сезімі және ниеті адал болса, онда бұл сезімдер ерекше энергияны жарыққа шығарады. Энергия тек ер азаматты өзіне тартып қана қоймайды, сонымен қатар, әйел денсаулығына да оң әсер етеді. Калифорния университетінің ғалымдарымен ғылыми тәжірибе жүргізілді. Қатысушылар мұздатылған /тоңазытылған/ су бар құмыраның айналасында тұрды. Ыдысқа әртүрлі ойлар жіберілді. Махаббат және алғыс сөздерден әдемі кристалдар құралды. Қайырымсыз, қатты және жеккөрінішті сөздерден ыдыстың қабырғасында ұсқынсыз мүсіндер пайда болды. Адам денесінің жартысы негізінен судан тұрады. Бұл тәжірибені есте сақтап қалу керек және қателіктерді қайталамаған дұрыс.
Аллаға сену 
Бір күндері Альберт Эйнштейн «адам екі жолмен өз өмірін сүруі мүмкін» деп айтқан екен: ол тамаша, әсемдікке сену немесе таңғажайып, кереметтерге сенбей өтуі мүмкін. Марси Шимофф Аллаға сену-бұл жанұя бақытының бір сатысы деп санайды. Жазушы бұл жерде діншілдікті меңзеп тұрған жоқ, тек керемет күштерге тереңірек сенуді көздейді. Аллаға сенім өмірді мағынасымен толтырады. Діншіл, Жаратқанға сенушілер арасындағы неке анағұрлым бақытты және ұзақ болады. Зерттеушілердің жүргізген бақылауы бойынша дәлелденгендей, діншіл адамдар жақсы ата-ана болып шыққан. Діни рухтандырушылық әйел денесіне де әсер етеді. Рухтандырушылықтың арқасында иммунитет көтеріліп, мықталады, қан қысымы, денедегі заттар алмасуы жақсарады. Нақты бір игілік үшін оқыған мінәжаттан гөрі, арнайы емес, жүректен шыққан дұғалар көптеген нәтижелер әкеледі.
Мақсатқа қарай жүру 
Әйел бақытының мәні тек қана сүйікті күйеуі, балалары және табысты қызметінен тұрмайды. Мақсатыңызға икемділік әрбір адамның өмірінде болуы қажет. Көптеген қазіргі әйелдер мақсат-мұратты табысты карьерамен теңдестіреді. Бірақ мақсат- жай қызмет емес, ол тым үлкен және кең түсінік. Әйелдер де ерлер секілді өздерін маңызды екендерін сезінгісі келеді. Әйел де тек үйінде жаймен тамақ жасап және кір жуумен айналыса бермей, өмірінде маңызды іс жасауға ұмтылу керек. Ананың, зайыптың мақсаты- күйеуіне, балаларына, ұжымына, тіпті еліне пайда әкелу керек. Жанталасып өмірдің мағынасын іздеудің қажеті жоқ. Өзін бақытты болуға арнаудың мәнін түсіну керек және мақсатқа қарай жүру керек.
Дәмді диета 
Бақытты дағдыларды меңгеру жолында өзіңді қолдауың қажет. Сол сүйеніштің бірі — дәмді диета. Күнделікті тағам мөлшеріне жақсы көңіл-күйді көтеретін жемістерді қосу керек. Оларға әсел, жаңғақтар және кептірілген жемістер жатады. Оларды ботқамен, жүгерінің қауызымен, сондай-ақ басқа тағам құрамына да қосып, жеуге болады. Мысалға, десертке банан, бал, жаңғақтан жасалған дәмді салат дайындауға болады. Бір банан алынады да, оны сұйық ботқаға араластырылады. Жаңғақтар майдалап туралады да, оған кішкене әсел салынады. Енді мұндай тәттіден кейін біраз уақытқа тамақ жегің келмейді. Ал көк шайға ауысатын болсақ, көк шайды күн аралығында ішіп тұру керек. Сонда бір жан жарасымы мен амандық, саулықтың, ырыстың пайда болғанындай күй кешесіз.
Жақын адамдар 
Өзіңізге бақытты дағдыларды жетілдіру үшін жақындарыңыздың қолдаймын деген уәдесін алуды үйрену. Туыстарыңыздан құралған қолдау тобы, достарыңыздың сүйеуі қиын сәттерде өте қажет. Әйелдің сенім артатын жақын адамдарының жоқ болуы, ішімдік, темекі шегу, семіздік секілділер… ол да зиян.
Жанұя бақыты деген не? Бұл әйел бақыты, жұбайының сыйлығы, сүйіспеншілік -бұл тек қуанудан және риаз болғаннан шығады. Бақыт-бұл адам жанының ішкі күйі, ішкі мейірбандылығы, тамаша әсемділіктерге, кереметтерге сенімділігі. Алғашында бақыт-себеп болмаса, құрғақ қиял сияқты болады. Бірақ, бұл жақсы көңіл-күйді дамытуды байқап көрудің қажеті жоқ дегенді білдірмейді. Әйел әдемі, оған айнадағы бейнесі мен күйеуі ғана осылай айтпайды, оның ішкі дүниесі жарық, әрі жаны сұлу болғандықтан, ол әсем.
<a href="http://otbasybakyty.kz/posts/251">Отбасы бақыты</a>

Бақытты әйелдің құпиясы: Ешқандай да жасанды күлкі көмектеспейді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; “Союз МС-17” ғарыш кемесі Халықаралық ғарыш станциясының экипаж мүшелерімен бірге Қазақстан жеріне&nbsp;сәтті қонды.
Жарты жылдық ауысымнан кейін&nbsp;ресейлік ғарышкерлер Сергей Рыжиков, Сергей куд-крикет және американдық Кэтлин Рубинс оралды. Станцияда жеті адам ауысымын өтеу үшін тағы жеті ғарышкер, оның ішінде екі ресейлік маман қалды.
“Союз МС-17” экипажы 184 күн бұрын ғарышқа аттанған. Экспедиция кезінде ресейлік ғарышкерлер Рыжиков пен Кудь-Сверчков станцияның люкінен ашық&nbsp;ғарышқа бір рет шыққан, ол 11 жылдан астам уақыт бойы ажыратылмаған.
Осылайша ғарышкерлер&nbsp;станцияда&nbsp;жоспарланған жұмыстардың бір бөлігін орындады. Сондай-ақ, ғарышкерлер экспедиция кезінде “Жұлдыз” Модулінің өтпелі камерасындағы екі тесікті&nbsp; герметизациялады, соның өзінде ауа әлі сыртқа шығып тұр.
Рубинс жарты жылдық экспедиция кезінде ашық ғарышқа екі рет шықты. Сонымен қатар, ол орбитада болған кезде, NASA оны “Артемида” бағдарламасы бойынша басқарылатын ай экспедицияларына дайындалу үшін астронавттар тобына енгізді.
Тікұшақтар мен іздеу-эвакуациялау машиналары ғарыш кемесі қонған аймаққа&nbsp;бет алды. Ресейлік ғарышкерлер Мәскеу маңындағы Жұлдызды қалаға, ал американдық әйел АҚШ -қа аттанады.
<a href="https://stan.kz/">Stan.kz</a>

Қазақстан даласына бортында үш ғарышкері бар ғарыш кемесі қонды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> WhatsApp мессенджерін&nbsp;Android операциялық жүйесі негізінде&nbsp;пайдаланатындар үшін өзгерістер енгізіледі.&nbsp;Енді смартфон иелері құрылғыны 2.21.4.18 нұсқасынан жаңартуы керек, себебі&nbsp;қашықтан бұзу қаупіне ұшырайды,&nbsp;деп хабарлайды&nbsp;<a href="https://stan.kz/">Stan.kz</a>&nbsp;ақапарат агенттігі.
Census бағдарламаушылары&nbsp;Android үшін WhatsApp 2.21.4.18-ге дейінгі нұсқаларда&nbsp;пайдаланушылар арасында құпия деректерге қол сұғуы мүмкін. Себебі&nbsp;хакерлер&nbsp;хат-хабарламаларға қашықтан қол жеткізе алады&nbsp;және пайдаланушыны сырттай бақылай алады.&nbsp;&nbsp;Сондай-ақ, алдау мақсатында екі адамның диалогына араласуға мүмкіндіктері бар.
Census Android телефондарындағы барлық жедел хабар алмасу пайдаланушыларына қосымшаны 2.21.4.18 немесе одан жоғары нұсқаға жаңартуды ұсынды. Сарапшылар&nbsp;тапқан осал деректер қауіпсіздігі тұрғысынан маңызды мәселе екенін айтады.
БАҚ деректері бойынша WhatsApp Қазақстандағы ең танымал мессенджер болып табылады. Қосымшаны пайдаланушыларға жаңа пайдалану ережелері мен құпиялылық саясатына байланысты өшіру мүмкіндігі туралы ескертілді.

Мамандар WhatsApp арқылы алаяқтар адамдарды қалай алдап, аңдитынын айтты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Өзбекстанда журналистерге Гүлнара Каримовадан тәркіленген және сатылымға қойылған “Сиджак” демалыс үйі көрсетілді, деп хабарлайды&nbsp;<a href="https://kun.uz/ru/news/2021/04/17/video-dom-otdyxa-sidjak-konfiskovannyy-u-gulnary-karimovoy#0">Kun.uz</a>&nbsp;басылымы.
Жылжымайтын мүлік Ташкент облысының Бостанлык ауданында, теңіз деңгейінен 959 метр биіктікте, Пскем өзенінің оң жағалауында орналасқан.
“Сиджак” демалыс үйі 2017 жылдың ақпанында Өзбекстанның қайтыс болған президенті Ислам Каримовтың үлкен қызынан тәркіленді. Кейіннен бұл орталық Триатлон федерациясына уақытша пайдалануға берілді.

Гүлнара Каримовадан тәркіленген мүлік көрсетілді (ВИДЕО)

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> «Қазгидромет» РМК Қазақстан қалаларындағы 18 сәуір күнгі ауа сапасына болжамын жариялады, деп хабарлайды ҚазАқпарат.
Атап айтқанда, қолайсыз метеорологиялық жағдай Қызылорда қаласында болады. Өзге шаһарларда метеоахуал қалыпты.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.

Қызылордада ауа сапасы нашарлайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Тәжірибелі саяхатшылар дұрыс орын таңдаудың өзі ұшу-қонуға айтарлықтай әсер ететінін жақсы біледі. Өйткені, ұшақ орындарының бәрі бірдей қолайлы емес. Кейде қасыңызға жағымсыз жолсерік тап келсе, тіпті мазаңыз қашады. Қазір орынды алдын-ала таңдау мүмкіндігі бар. Сондықтан саяхатыңыз жайлы басталып, сәтті аяқталуы үшін таңдауға болатын орындар тізімін ұсынамыз.
Қысқа рейстер
Ұзақ ұшпайтын болсаңыз, онда орынды терезе жанынан алғаныңыз жөн. Бірақ орныңыз ұшақ қанатының тұсына сәйкес келсе, онда терезеден бұлтты аспанның сұлулығын көре алмайтыныңызды да естен шығармаңыз.
Алғашқы қатарға отырмағаныңыз абзал: бұл жерде сөмкеніңізді аяқ астына қоя алмайсыз. Соңғы қатардан да орын алмауға кеңес береміз. Біріншіден, орын дәретхананың қасында орналасқан. Екіншіден, орындық арқасы түсірілмейтіндіктен, ұшқан кезде тек тік отырасыз.&nbsp; 
Орын брондаған кезде өту жолына жақын орналасқан орынның бос болмауын қадағалаңыз. Сонда ортадағы орын бос болу мүмкіндігі артады. Әйтпесе жаныңызға баласы не үй жануары бар көрші тап болуы мүмкін.&nbsp;
Ұзақ&nbsp; рейстер
5 сағаттан артық ұшатын рейстерде өту жолына жақын орналасқан орынға отыруды ұсынамыз. Өйткені кез келген уақытта тұруға, жүруге және сәл жаттығу жасауға болады.&nbsp;&nbsp;&nbsp;
Брондаған кезде жаныңыздағы үш орынның бос болмауына мән беріңіз. Алдыңғы қатардан орын алмаңыз. Өйткені ол жерде шынтақ сүйеніші көтерілмейді. Сәйкесінше, жаныңыз бос болған жағдайда екі орынды қатар пайдалана алмайсыз.
Үлкен ұшақтар
Үлкен ұшақтарда әр қатарда үш орыннан болады. Сондықтан ортадағы қатардың екі жағындағы орындарды алуды ұсынамыз. Қозғалу және орныңнан тұру әлдеқайда жеңілдей түседі. Сіздің мазаңызды ешкім алмайды, сәйкесінше сіз ешкімге кедергі келтірмейсіз.&nbsp;
Қасыңызда адам болса
Өту жолына жақын орналасқан екі қатардың шеткі орындарын алсаңыз, жүріп-тұруға әрі бір-біріңізбен тілдесуге мүмкіндік туады. Ортадағы қатардың шеткі орындары, екі жанында орналасқан орындарға қарағанда әлдеқайда жақсы екенін ескергейсіз. Өйткені сізді көршілеріңіз жиі мазалауы мүмкін.
Жұбыңызбен саяхаттағанда
Онлайн брондау кезінде үш қатар бос орынды тауып, оның екі жағындағы орынды алғаныңыз дұрыс: бірі терезе жанынан, бірі өткелде. Сонда ортадағы орын бос қалу мүмкіндігі артады. Бірақ, ортадағы орын бос болмаған жағдайдың өзінде онымен келісіп, ауысыуыңызға болады.&nbsp;
<ul>
<li>Лайфхак</li>
</ul>
Ұшақтың артқы бөлігінде орналасқан орындар ең қауіпсізі саналады. Сонымен қатар, ұшақтың артқы жағында орынның көбі бос күйі қалады. Өйткені орынды тарату алдыңғы қатардан басталады. Балалы адамдарды да көбіне алдыңғы қатарға тіркейді. Кей авикомпаниялар артқы орындарды арзанға сатады.

Қазақстан және Қызылорда облысының жаңалықтары

Актриса Ғазиза Әбдінәбиева дүниеден өтті

Желілік маркетинг: Қызылордада 200 адам қатысқан жиын тоқтатылды

Қазақстандағы оқу орындары тексеріліп жатыр

Желіде Атырау облысындағы “қақтығыстың” видеосы тарады – ҰҚК түсініктеме берді

Егер күйеуіңіз ақша таппаса…

Ораза иммунитетті әлсірете ме? Маман жауап берді

Бақытты әйелдің құпиясы: Ешқандай да жасанды күлкі көмектеспейді

Қазақстан даласына бортында үш ғарышкері бар ғарыш кемесі қонды

Мамандар WhatsApp арқылы алаяқтар адамдарды қалай алдап, аңдитынын айтты

Гүлнара Каримовадан тәркіленген мүлік көрсетілді (ВИДЕО)

Қызылордада ауа сапасы нашарлайды

Ұшақта орын таңдар алдында нені ескеру керек?

Қазақстан және Қызылорда облысының жаңалықтары

Актриса Ғазиза Әбдінәбиева дүниеден өтті

Желілік маркетинг: Қызылордада 200 адам қатысқан жиын тоқтатылды

Қазақстандағы оқу орындары тексеріліп жатыр

Желіде Атырау облысындағы &#8220;қақтығыстың&#8221; видеосы тарады – ҰҚК түсініктеме берді

Егер күйеуіңіз ақша таппаса…

Ораза иммунитетті әлсірете ме? Маман жауап берді

Бақытты әйелдің құпиясы: Ешқандай да жасанды күлкі көмектеспейді

Қазақстан даласына бортында үш ғарышкері бар ғарыш кемесі қонды

Мамандар WhatsApp арқылы алаяқтар адамдарды қалай алдап, аңдитынын айтты

Гүлнара Каримовадан тәркіленген мүлік көрсетілді (ВИДЕО)

Қызылордада ауа сапасы нашарлайды

Ұшақта орын таңдар алдында нені ескеру керек?

Желіде Атырау облысындағы “қақтығыстың” видеосы тарады – ҰҚК түсініктеме берді