<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Қызылорда облысының әлеуметтік-экономикалық даму қорытындыларына арналған жиын өткізді. Отырыста аймақтың 2021 жылдың қаңтар-наурыз айларындағы даму көрсеткіштері мен қаржының игерілу барысы сараланды.
Жиында облыстық экономика және бюджетті жоспарлау басқармасының басшысы Нұрғали Қордабай негізгі индикаторлық көрсеткіштерге тоқталып, басым салалар бойынша атқарылған жұмыстарды тізбеледі. 
Өңірде 2021 жылдың қаңтар-наурызында оң әлеуметтік-экономикалық жағдай қалыптасқан. Инвестиция көлемі 42,9 млрд.теңгені құрады. Бұл өткен жылдың тиісті кезеңіне 107,6 пайыз болды. Құрылыс жұмыстардың көлемі 8 млрд.теңгені құрады 133,5 мың шаршы метр тұрғын үй пайдалануға берілді.
Ауыл шаруашылығының жалпы өнім көлемі 13,3 млрд. теңгеге жетті. Бұл өткен жылмен салыстырғанда 2,7 пайызға артқан. Оның ішінде мал шаруашылығы өндірісінде 2,8 пайыздық өсім, ал өсімдік шаруашылығында 100 пайызды құрады.
Есепті кезеңде ет өндіру көлемі 3,4%-ға, сүт өндіру 2,2%, тауық жұмыртқасы 28,3%-ға артты. Ал, тұтыну бағаларының индексі наурыз айында 101,7 пайызды құрады. Оның ішінде азық-түлік тауарларына баға индексі 103,0 пайыз, азық-түлік емес тауарларға 101,3 пайыз, ақылы қызметке 100,3 пайызға жеткен. 
Бүгінде Қызылорда облысының 2023 жылға дейінгі экономикалық даму жоспары аясында өңірде бизнес өкілдеріне 265 жоба ұсынылған. Айталық, биыл 13,8 млрд теңге құрайтын 895 жұмыс орнымен қамтитын 96 жоба іске асыру жоспарлануда. Бүгінгі күні оның 15 жобасы іске асырылған. Наурыз айындағы жоспарға тиісті өзгерістер мен толықтырулар енгізіліп, жобалар саны 404-ке жеткен. Енген жобалардың басым көпшілігі – ауыл шаруашылығы өнімдерін қайта өңдеуге, дайын азық түлік, азық түлік емес және құрылыс тауарларын шығаруға бағытталған.
Жиында «Ауыл – ел бесігі» арнайы жобасы орындалу барысы сараланды. Бағдарлама арқылы Қазалы, Қармақшы, Жалағаш, Сырдария және Шиелі аудандарына қарасты ауылдық елді мекендерде 1,9 млрд.теңгеге 13 инвестициялық жоба іске асырылып, нәтижесінде 117 жұмыс орны құрылатын болады.
Отырыста І тоқсанда игерілген қаржы мәселесі де талқыланды. Отырыста облыстық қаржы басқармасы басшысының орынбасары Ғабит Жаңабаев атқарылған жұмыстар туралы баяндады.
Қызылорда облысы бюджетінің 2021 жылдың 1 сәуіріне түсімдер болжамы 106,2 пайызға орындалды, оның ішінде өз кірістері 138,8 пайызға орындалып, облыс бюджетіне 4,6 млрд теңге артық түсті.
Қызылорда облысы бюджетінің 2021 жылдың 1 сәуіріне шығыстар жоспары 99,8 пайызға игерілді. Үнемделген қаржы көлемі 113,2 млн.теңге құрайды.
Жиын қорытындысында облыс әкімі Гүлшара Әбдіқалықова межеленген жұмыстарды уақытылы аяқтауды және әрбір тоқсан сайын көрсеткіштердің сараланатынын назарға салды.
<img src="https://kyzylorda-news.kz/wp-content/uploads/2021/04/fb_img_1618822937150.jpg" alt="" />

Қызылорда облысының даму көрсеткіші мен қаржының игерілу барысы сараланды

<a href="https://kyzylorda-news.kz/newsadminpanel.php">Kyzylorda-news.kz.</a> Ақпан айынан бері облыста 19732 адам екпе салдырды. Бұл туралы Өңірлік коммуникациялар қызметінің ақпарат алаңында өткен онлайн брифингте облыстық денсаулық сақтау басқармасының басшысы Сәбит Пазилов мәлімдеді.
Облыста 4798 адам коронавирус індетін жұқтырды. Соңғы тәулікте 35 дерек тіркелді. Инфекциялық және провизорлық стационарларда 3200-ге дейін төсек-орын дайын. 518 орын орталықтандырылған оттегімен қамтылған. Кеселмен күресу үшін облыстағы медициналық ұйымдар 686 оттегі концентратор, 251 ИВЛ, 8 компьютерлік томограф және 66 рентген аппаратымен қамтылған. Аймағымызда 6 оттегі шығару станциялары бар. Сондай-ақ, 9 ПТР аппараты жұмысқа қосылған. Тәулігіне 1000-1100 аралығында сынама алынуда.
<blockquote>
 «Бүгінде медициналық мекемелер мен дәріханалар қорғаныш киімдерімен қамтамасыз етілді. Дәрі-дәрмектің 2 айға жететін қоры жасақталды. Жалпы, дәрілік заттардың тұрақтандыру қорын қалыптастыру мақсатында жергілікті бюджеттен 488 млн. теңге қаржы бөлінді. Науқастарды белгіленген хаттамаға сәйкес емдеп жатырмыз. Медицина қызметкерлерінің індетті жұқтыру көрсеткіші азайды. Қазір барынша сақтық шарасына мән беріп, ем-дом жүргізілуде», – деді облыстық денсаулық сақтау басқармасының басшысы Сәбит Пазилов.
</blockquote>

Сәбит Пазилов: Қызылордада 19732 адам екпе салдырды

<a href="https://kyzylorda-news.kz/newsadminpanel.php">Kyzylorda-news.kz.</a> Қызылорда облысында &nbsp;15 сәуір мен 15 мамыр аралығында “Киік” жедел профилактикалық іс-шарасы өтуде. Іс-шараның мақсаты- табиғатты қорғау заңнамасын бұзушылықтарды, биологиялық ресурстар обьектілері мен өнімдерінің заңсыз айналымының алдын-алу, анықтау болып табылады.
Жедел профилактикалық іс-шара аясында 17 сәуір күні 48 жастағы аудан тұрғының басқаруындағы «Зил» маркалы жүк көлігі тоқтатылып, тексеру барысында автокөліктің жүк салғышынан 3 куб көлемінде заңсыз кесілген сексеуіл &nbsp;бұталары анықталды. &nbsp;
Аталған дерек бойынша Қазақстан Республикасы Қылмыстық кодексінің 340-бабының 1-бөлігі бойынша (Ағаштар мен бұталарды заңсыз кесу) сотқа дейінгі тергеп-тексеру амалдары жүргізілуде.
Осыған сәйкес, Қызылорда облысының Полиция департаменті аң, балық аулау және ағаштар мен бұталарды кесу талаптарын бұзу, қоршаған ортаға елеулі зиян келтіру әрекеттері Қазақстан Республикасының заңнамасына сәйкес әкімшілік және қылмыстық жауапкершілікке тартуға әкеліп соқтыратынын ескертеді.
<img src="https://kyzylorda-news.kz/wp-content/uploads/2021/04/175418895_188725589733023_8268186129776854256_n.jpg" alt="" />

Қызылордада сексеуілді кескен ауыл тұрғыны ұсталды

<a href="https://kyzylorda-news.kz/newsadminpanel.php">Kyzylorda-news.kz.</a> Қызылорда облысының әкімі Гүлшара Әбдіқалықова Қазақстанның еңбек сіңірген артисі, «Парасат», «Құрмет» ордендерінің иегері, жерлесіміз Ғазиза Мәкешқызы Әбдінәбиеваның дүниеден озуына байланысты отбасына көңіл айтты.
«Қазақ өнері ауыр қайғыға ұшырады. 
Қазақстанның еңбек сіңірген артисі, «Парасат», «Құрмет» ордендерінің иегері, жерлесіміз Ғазиза Мәкешқызы Әбдінәбиеваның дүниеден озуына байланысты Сыр жұртшылығы атынан отбасына және туған-туыстарына қайғыра көңіл айтамын. 
Ардақты да асыл Ғазиза апамыз саналы ғұмырын бекзат өнерге арнап, қазақ мәдениеті мен руханиятына өлшеусіз үлесін қосты. 
Ұзақ жылдар бойына театр жəне кино саласында көптеген айшықты образдарды сомдап, талғампаз көрерменнің көңілінен шығып, ыстық ықыласына бөленді. 
Ғазиза Мəкешқызы түскен алғашқы отандық телесериалдар «Тоғысқан тағдырлар», «Шегіртке» мен «Біржан сал», «Айналайын» секілді фильмдер қазақ кинематографиясының алтын қорынан ойып орын алды. 
Бүгін Нартай Бекежанов атындағы қазақ академиялық музыкалық драма театрында сырбойылық әріптестері қоштасу рәсімін жасап, Ғазиза Мәкешқызының театр мен кинода, киелі сахнада сомдаған бейнелі рөлдерін, ақ жарқын мінезін еске алды. 
Ертең марқұмның денесі жерге тигеннен кейін туған жері Тартоғай ауылындағы мешітте және «Ақмешіт-Сырдария» орталық мешітінде өнер қайраткерлері мен жерлестері аяулы актрисаның рухына арнап құран бағыштайтын болады. 
Жайдары мінезді, дархан пейілді, ортасына сыйлы болған өнер майталманының асыл бейнесі халқының жүрегінде мәңгі сақталады. 
Жаны жәннатта, топырағы торқа болсын», – деп жазған аймақ басшысы әлеуметтік желідегі парақшасында.

Гүлшара Әбдіқалықова    Ғазиза Әбдінәбиеваның отбасына көңіл айтты

<a href="https://kyzylorda-news.kz/">Kyzylorda-news.kz.</a>&nbsp;&nbsp; Қызылорда қаласында велоспорттан тұңғыш Әлем чемпионы, КСРО-ға еңбек сіңірген спорт шебері Марат Сатыбалдиевтің жүлдесіне арналған 15-16 жас аралығындағы ұлдар мен қыздар арасында республикалық дәстүрлі жарыс өтті.
Жарысқа Ақтөбе, Атырау, Қарағанды, Батыс Қазақстан, Солтүстік Қазақстан және Қызылорда облыстарынан 92 спортшы қатысты. 
Нәтижесінде қызылордалық велошабандоздар 12 медаль жеңіп алды. Оның 4-уі алтын, 5-уі күміс, 3-уі қола медаль.
Жарыс жеңімпаздары мен жүлдегерлер диплом және естелік сыйлықтармен марапатталды.
ВЕЛОЖАРЫС НӘТИЖЕСІ: 
Топтық жарыс, 30 шақырым, қыздар:
<ol>
<li>Аружан Тоқбаева – Қызылорда</li>
<li>Жібек Болатбекқызы – Қызылорда</li>
<li>Аружан Рахымжан – Қызылорда 
Топтық жарыс, 50 шақырым, ұлдар:</li>
<li>Вадим Белугин – БҚО</li>
<li>Аслан Силықбек – Қызылорда</li>
<li>Даниил Безьянов – БҚО 
Топтық жарыс, 20 шақырым, қыздар:</li>
<li>Аружан Тоқбаева – Қызылорда</li>
<li>Аружан Рахымжан – Қызылорда</li>
<li>Бибінұр Бектаева – Қызылорда 
Топтық жарыс, 60 шақырым, ұлдар:</li>
<li>Вадим Белугин – БҚО</li>
<li>Ердаулет Егізбай – Қызылорда</li>
<li>Жалғас Әбубәкір – БҚО 
Критериум, 8 айналым, қыздар:</li>
<li>Аружан Тоқбаева – Қызылорда</li>
<li>Аружан Рахымжан – Қызылорда</li>
<li>Бибінұр Бектаева – Қызылорда 
Критериум, 16 айналым, ұлдар:</li>
<li>Аслан Силықбек – Қызылорда</li>
<li>Даниил Зинкевич – СҚО</li>
<li>Егор Логачев – СҚО</li>
</ol>
<img src="https://kyzylorda-news.kz/wp-content/uploads/2021/04/175054981_6089893721036797_3938984962063074618_n.jpg" alt="" />
<img src="https://kyzylorda-news.kz/wp-content/uploads/2021/04/175943756_6089893537703482_2843606678852138469_n.jpg" alt="" />

Қызылордалық велошабандоздар 12 медаль жеңіп алды

<a href="https://kyzylorda-news.kz/">Kyzylorda-news.kz.</a>&nbsp; Бұл туралы Қызылорда облысы кәсіпкерлер палатасының алаңында өткен кездесуде облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова айтты.
Шарада Гаухар Қалмақова «Еңбек» мемлекеттік бағдарламасы аясындағы «Алғашқы жұмыс орны» жобасымен таныстырып шықты.
Аталған жоба өткен жылы пилоттық режимде енгізіліп, биыл толық қолданысқа енген.
<blockquote>
 «Жоба жұмыс берушілерге де, жас мамандарға да тиімді болмақ», – деген басқарма басшысы бизнес өкілдерін белсенді қатысуға шақырды.
</blockquote>
«Алғашқы жұмыс орны» жобасы – жұмыссыздарды жұмыспен қамтуға жәрлемдесудің қосымша шарасы ретінде қабылданған. Мақсаты еңбек нарығындағы жастардың бәсекеге қабілетін арттыру және қажетті еңбек дағдыларын беру.
Жобаға алғаш рет жұмыс іздеп жүрген түлектер, жиырма тоғыз жастан аспаған, жұмыс тәжірибесі жоқ, жұмыс іздеп жүрген NEET санатындағы жастар қатыса алады.
Жұмыс беруші ретінде жобаға меншік нысанына қарамастан барлық кәсіпорын, ұйымдар қатыса алады. Ол үшін жұмыс беруші салық және әлеуметтік аударымдарды жүйелі жүргізіп отырған, жалақыға қарызы жоқ мекеме болуы керек.
Жобаға қатысқысы келетін кәсіпкер оқуды аяқтағанына үш жыл болмаған, көпбалалы және табысы аз отбасылардың балаларын, сондай-ақ мүмкіндігі шектеулі арнаулы орта және жоғары оқу орындарын бітірген түлектерді тұрақты 24 ай немесе 2 жыл жұмыспен қамтуы керек. Жұмыс берушіге қолдау үшін мемлекет жас маманның жұмысының бірінші жылы үшін еңбекақыны субсидиялайды. Экологиялық үстемақылар бойынша төлемдерді есепке алмағанда субсидияның 1 айдағы мөлшері 20 АЕК немесе 58&nbsp;340 теңге.
Жобаға қатысқысы келетін кәсіпкерлер жұмыспен қамту орталығына бос жұмыс орны туралы мәлімет ұсынса жеткілікті.
Қосымша мәлімет алғысы келетін кәсіпкерлер үшін Қызылорда облысы кәсіпкерлер палатасының Адами капиталды дамыту бөлімі кеңес беруге әзір. Байланыс нөмірі. 8 /7242/ 40-09-81 (ішкі 4317).

«Алғашқы жұмыс орны» жобасына қатысқан кәсіпкерлерге субсидия беріледі

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылорда облысында «Заң-Бала-Қауіпсіздік» жедел профилактикалық&nbsp; іс-шарасы басталды.
Аталған шара кәмелетке толмағандар мен жастар арасында&nbsp; қылмыс пен құқық бұзушылықтың алдын алу, болдырмау&nbsp; бағытында және кәмелетке толмағандардың жүріс тұрыстарына бақылау жасау, заңды өкілдерінің қарауынсыз &nbsp;түнгі уақытта, көшеде және ойын-сауық орындарында бей-берекет жүретін жасөспірімдерді анықтау, қылмысқа бейім, тәртібі қиын балаларды полиция органдарының есебіне алу мақсатында өткізілуде.
Іс-шара аясында құқық қорғау мамандары кәмелетке толмағандармен жасалатын әкімшілік құқық бұзушылықты, кәмелетке толмағандарды тәрбиелеу және оқыту жөніндегі міндеттерін орындамайтын ата-аналарды анықтамақ.&nbsp;&nbsp; Кәмелетке толмағандарға темекі және алкоголь өнімдерін сататын, кәмелетке толмағандарды түнгі уақытта ойын-сауық кешендеріне заңды өкілісіз кіруіне жол беретін тұлғалар жазаға&nbsp; тартылады. Сонымен қатар кәмелетке толмағандармен және олардың қатысуымен жасалған құқық бұзушылықтарды анықтау мақсатында&nbsp; түсіндірме жұмыстары жүргізіліп, кәмелетке толмағандардың көп жиналатын орындарында рейдтік&nbsp;&nbsp;&nbsp; іс-шаралар өткізіледі.
«Заң-Бала-Қауіпсіздік» жедел профилактикалық&nbsp; іс-шарасы&nbsp; 25 сәуірге дейін жалғаспақ.

Жауапсыз ата-аналар жазаланады: Қызылордада «Заң-Бала-Қауіпсіздік»  іс-шарасы басталды

<a href="https://kyzylorda-news.kz/">Kyzylorda-news.kz.</a>&nbsp;&nbsp; Былтырдан бері еліміздің азаматтарына медициналық қызметтер екі пакетпен ұсынылып жатыр, олар: тегін медициналық көмектің кепілді көлемінің пакеті және міндетті әлеуметтік медициналық сақтандыру пакеті.&nbsp;&nbsp;
Жеңілдігі бар 15 санаттағы азаматтарға ай сайынғы МӘМС жарналарын мемлекет төлейді және бұл азаматтар МӘМС шеңберіндегі барлық медициналық қызметтерді толық көлемде алуда. Яғни, сақтандырылған азаматтарға: амбулаторлық жағдайлардағы медициналық көмек (диагностика және емдеу);&nbsp; &nbsp;стационарды аумастыратын медициналық көмек; елдегі эпидемиологиялық жағдайды нашарлататын ауруларға және оларға күдік туындаған жағдайда үйдегі стационарлық қызметтер; стационарлы жағдайдағы медициналық көмек; медициналық оңалту; патологоанатомиялық диагностика; қайтыс болған донорға дайындық; дәрі-дәрмекпен және медициналық өнімдермен қамтамасыз ету. &nbsp;
Қазақстан Республикасы Денсаулық сақтау министрінің 2020 жылғы 29 желтоқсандағы №333/2020 бұйрығымен «Міндетті әлеуметтік медициналық сақтандыру жүйесінде медициналық қызметтерді тұтынушылардың есебін жүргізу және медициналық көмек алу құқығын беру» ережелері бекітілді.
Бұл ережелердің талаптарына сәйкес, МӘМС жүйесіндегі тұтынушылардың есебі қормен «Азаматтарға арналған үкімет» мемлекеттік корпорациясына Қазақстан Республикасы мемлекеттік органдырының ақпараттық жүйелерінен электронды форматта келіп түскен мәліметтер мен ақпараттар негізінде жүргізіледі.
Мысалыға, жұмыссыз ретінде тіркелген азаматтар, зейнеткерлер мен мүгедектер туралы мәліметтер ҚР Еңбек және әлеуметтік қорғау министрлігінің ақпараттық жүйесінен келіп түскен ақпараттар негізінде қалыптастырылады.&nbsp;&nbsp;&nbsp; Сондай-ақ, жұмыс істемейтін жүкті әйелдер туралы мәліметтер – Денсаулық сақтау министрлігінен, күндізгі оқу бөлімінде оқитын студенттер туралы мәліметтер – Білім және ғылым министрлігінен келіп түскен ақпараттар негізінде қалыптастырылады,
Егер де, жеңілдігі бар тұлға жеңілдік санатынан белгісіз себептермен айырылып қалса, жеңілдік мәртебесін қалыпына келтіру үшін тиісті мемлекеттік органға жүгіну керек. &nbsp;
Сонымен қатар,Қазақстан Республикасының 2015 жылғы 16 қарашадағы «Міндетті әлеуметтік медициналық сақтандыру туралы» №405 Заңының 28 бабы 7 тармағына сәйкес әскери қызметкерлер, құқық қорғау органдарының қызметкерлері және арнайы мемлекеттік органдарының қызметкерлері МӘМС жарналарын төлеуде босатылған және МӘМС шеңберінде көрсетілетін медициналық қызметтерді алуға құқығы бар.&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Бұл қызметкерлер сақтандыру мәртебесіне ие болу үшін, олардың мәліметтері мекемелердің кадр бөліністерімен тұлғаларды есепке алу жүйесіне енгізілу қажет және штаттық өзгерістер орын алған жағдайда, мәліметтер қорға 7 күннен кешіктірілмей ұсынылады.&nbsp; &nbsp;
Жыл басынан бастап Қызылорда облысы бойынша филиалына құқық қорғау органдарының бірқатар қызметкерлері жүгініп, олар МӘМС жүйесінде сақтандыру мәртебелері болмауына байланысты, МӘМС шеңберінде медициналық көмек алуына кедергі тудырғанын атап көрсетті.&nbsp;
МӘМС заңының талаптарын түсіндіру мақсатында, биылғы жылдың сәуір айында «ӘМСҚ» КЕАҚ Қызылорда облысы бойынша филиалының халықты ақпараттандыру және өтініштерді қарастыру бөлімімен Қызылорда облыстық полиция департаменті, қалалық, желілік және барлық аудандық полиция бөлімдерінің кадр бөліністерінің қызметкерлерінің қатысуымен онлайн режимінде оқыту өткізілді.&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Түсіндіру жұмыстары өз жалғасын табады.&nbsp;
МӘМС жүйесі бойынша сұрақтар туындаған жағдайда, Қордың &nbsp;call-орталығына 1406 телефонына, Қордың сайтына, «Qoldau – 24\7» мобилдік қосымшасы арқылы немесе или Telegram-бот «SaqtandyruBot» хабарласуға болады. Қордың мамандары мен сарапшылары жедел жауап беріп, қажетті көмек көрсетеді.
Сәуле Абдамитова,
«Әлеуметтік медициналық сақтандыру қоры» КЕАҚ Қызылорда облысы бойынша филиалының халықты ақпараттандыру және өтініштерді қарастыру жөніндегі бөлімінің сарапшысы

МӘМС: Жеңілдік мәртебесін қалпына келтірудің жолы қалай?

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қазақстан халқының және жеке өзінің атынан Түрікменстан Президенті Гурбангулы Бердымұхамедовке әкесі Мяликгулы Бердымұхамедовтің қайтыс болуына байланысты көңіл айтты, деп хабарлайды &nbsp;<a href="https://www.akorda.kz/kz/kasym-zhomart-tokaev-turikmenstan-prezidenti-gurbanguly-berdymuhamedovke-konil-aytu-zhedelhatyn-zholdady-193295">Ақорда</a>.
<blockquote>
 «Әкеңіздің жарқын бейнесі жақындары мен барша отандастарының жүрегінде жақсы адам, дана ұстаз және өмірін Отанына қалтқысыз қызмет етуге арнаған шынайы патриот ретінде мәңгілік сақталады. Орны толмас қайғыны бөлісе отырып, Сізге және барша жақын туыстарыңызға осындай қиын сәтте сабыр мен төзім тілеймін» – деп жазылған жеделхатта.
</blockquote>

Қасым-Жомарт Тоқаев Түрікменстан Президентіне көңіл айтты

<a href="https://kyzylorda-news.kz/">Kyzylorda-news.kz.</a> Қазақстанның&nbsp;оңтүстік өңірлеріндегі жан басына шаққандағы атаулы орташа ақшалай табыс орташа республикалық табыстан едәуір төмен болды. Тіпті тұрғындардың табысы 100 мың теңгеге жетпейді,&nbsp;деп хабарлайды&nbsp;<a href="https://stan.kz/">Stan.kz</a>.
Зерттеу деректері бойынша, 2020 жылдың төртінші тоқсанында халықтың табысы 125,4 мың теңгені құрады.
Ең төмен кіріс&nbsp;Түркістан облысында тіркелді – 65,9 мың теңге. Ал&nbsp;Атырау облысының халқы&nbsp;230,2 мың теңге табыс табады.
<blockquote>
 Жалпы алғанда, жан басына шаққандағы ең төменгі атаулы ақшалай табыстар оңтүстік облыстарға тиесілі, онда көрсеткіш 100 мың теңгеден аспайды: Түркістан облысынан кейін Шымкент қаласы (79,1 мың теңге), Жамбыл облысы (86,5 мың теңге), Алматы (90,7 мың теңге) және Қызылорда (91,2 мың теңге) облыстары.
 “Жан басына шаққандағы ең жоғары атаулы табыс Атырау облысынан басқа, мегаполистерге тиесілі — Нұр-Сұлтан (192,9 мың теңге) және Алматы (185 мың теңге)”, – деп атап өтті сарапшылар.
</blockquote>
Сонымен қатар Атырау облысында, Шымкентте және Батыс Қазақстан облысында халықтың табысы&nbsp;азайған.
Айта кетейік, 2021 жылғы ақпанда халықтың табысы 122,4 мың теңгені құрады — 2020 жылғы ақпанмен салыстырғанда 11%-ға және 2021 жылғы қаңтармен салыстырғанда 0,1%-ға артық.

Қызылорда облысы табысы ең төмен өңірлердің қатарында

<a href="https://kyzylorda-news.kz/">Kyzylorda-news.kz.</a> Дүйсенбі, 19 сәуірде Қазақстанның басым бөлігінде жауын-шашын түсіп, күн күрт суытады деп болжанды.
Қазгидрометтің хабарлауынша, республиканың солтүстік жартысында кей жерлерде жауын-шашын болады. Ал шығыс өңірдегі аудандарда қар аралас жаңбыр, оңтүстік-шығыста жаңбыр жауып, найзағай ойнайды.
<blockquote>
 “Скандинавия түбегінен салқын антициклон соғуына байланысты республиканың солтүстігі мен солтүстік-батысында және шығысында, ауа температурасының төмендеуі күтіледі. Жел күшейіп, төңіректі тұман қаптайды және солтүстік өңірлерде көктайғақ болып, бұрқасын жүреді”, – делінген хабарламада.
</blockquote>
Ақмола облысының&nbsp;кей жерлерінде тұман, көктайғақ, қар жауады, түнде желдің екпіні секундына 25 метрге дейін жетеді.
Павлодар, Қостанай облысында&nbsp;да осындай ауа райы қалыптасып, секундына 23 метрге дейін жел соғады.
Ал&nbsp;Қарағанды ​​облысында&nbsp;тұман, көктайғақ, желдің күші секундына 28 метрге дейін күшейеді.
Солтүстік Қазақстан облысында&nbsp;28 метр/секундқа дейін жел соғады.
Шығыс Қазақстан облысында&nbsp;кей жерлерде тұман, күндіз кей жерлерде найзағай ойнайды. Желдің күші секундына 20 метрге дейін жетеді деп болжанды.
Жамбыл мен Алматы облысының&nbsp;кей жерлерінде найзағай ойнап, секундына 15-20 метрге дейін жел соғады.
Ақтөбе мен Қызылорда және Батыс Қазақстан облысында&nbsp;да осы шамада жел күшейіп, кей жерлерде найзағай болады.
Ал&nbsp;Маңғыстау мен Атырау облысының&nbsp;кей аудандарында тұман түседі.

Дүйсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақстанда да Жеңіс күніне арналған шеру болмайды. Ал Отан қорғаушылар күніне арналған шаралардың басым бөлігі онлайн форматта өтеді. Бұл туралы ҚР Қорғаныс министрлігі Тәрбие және идеологиялық жұмыстар департаментінің өкілі, полковник Виталий Адамович онлайн-брифингте айтты.
<blockquote>
 «Қарулы Күштер ардагерлеріне құрмет көрсету санитарлық-эпидемиологиялық талаптарды ескере отырып, еліміздің барлық өңірлерінде өтеді. Яғни, іс-шаралар негізінен онлайн форматта өтеді. Оған қоса біздің «Жас сарбаз» қозғалысы бірқатар шаралар жоспарлап отыр. Жас патриоттар да Қарулы Күштердің ардагерлерін құттықтайды. Әр өңірдің эпидемиологиялық жағдайы (қызыл, сары, жасыл аймақтар) мүмкіндік берсе, тиісті салтанатты жиналыстар өткізіліп, ардагерлер әскери бөлімдерге шақырылады, онда қызмет ету тәжірибесі туралы айтады. Негізгі ұйымдастырылатын іс-шаралар осы», – деді Виталий Адамович.
</blockquote>
Спикер мерекелік іс-шаралар әлеуметтік желілерден көрсетіле ме және оларды қазақстандықтар көре ала ма деген сұраққа да жауап берді.
<blockquote>
 «7 мамыр және Ұлы Отан соғысындағы Жеңіс күні – барлық қазақстандықтар үшін айтулы күндер. Әрине, біз республикалық телеарналарда да, Қорғаныс министрлігінің Youtube-арнасында да, «Жас сарбаз» қозғалысының Youtube-арнасында және басқа да әлеуметтік желілерде бірқатар көрсетілім жоспарладық. Біз Қарулы Күштердің ардагерлері мен Ұлы Отан соғысының ардагерлеріне құрмет көрсету үшін өткізілетін барлық шараларды көрсетуге тырысамыз», – деп атап өтті В. Адамович.
</blockquote>
Сонымен бірге, қазақстандықтар 7 мамырда сағат 15.30-да «Хабар» телеарнасынан көрсетілетін мерекелік бағдарламаны тамашалай алады.
<img src="https://kyzylorda-news.kz/wp-content/uploads/2021/04/210418155019478a3777749i.png" alt="" />

Қазақстан және Қызылорда облысының жаңалықтары