<a href="https://kyzylorda-news.kz/">Kyzylorda-news.kz</a>. Қазақстанда ауа райы күрт суытады, деп хабарлайды Қазгидромет.
Синоптиктердің хабарлауынша, жауын-шашынның қарға ұласуына және елдің солтүстік жартысында ауа температурасының төмендеуіне себеп болған Скандинавия түбегінің аудандарынан келген суық антициклон Қазақстан арқылы жылжуын жалғастырады.
Енді оңтүстік өңірлерде жаңбыр мен қар аралас жауын-шашын, сондай-ақ кей жерлерде 3 градусқа дейін аяз болады.

20 сәуірге арналған ауа райы болжамы

*<a href="https://kyzylorda-news.kz/">Kyzylorda-news.kz</a>. ХХ ғасырдың 50 жылдарының соңына дейін полиомиелит өте қауіпті ауру болды. Ауру эпидемияға ұласып, әртүрлі елдерде бірнеше мыңдаған адамдардың, оның ішінде балалардың өмірін қиды. Науқастардың шамамен 10%-ы көз жұмып, 40%-ы мүгедек болып қалған.*
Полиомиелитпен негізінен балалар ауырады, әсіресе 5 жасқа дейінгі балалар ауруға жиі шалдығады. Вирус ағзаға ауыз қуысы арқылы еніп, әрі қарай қанға түсіп, жүйке жүйесіне әсер етеді, кейде сал ауруын тудырады. Көбіне аяқты зақымдайды, әр оныншы науқастың өкпесі жұмыс істемей, тұншығудан көз жұмады.
Полиомиелит ұзақ уақыт бұрын пайда болған.
Полиомиелит құрбандары жайлы деректер Ежелгі Мысырмен байланысты. Археологтар Мысыр мумияларында полиомиелитке тән сүйек өзгерісін тапқан. Бұған қоса, ежелгі иероглифтерде оң аяғы ауруға шалдыққан абыз бейнеленген.
1840 жылы неміс ортопеді Якоб Гейне 200-ден астам науқастарға жүргізген бақылауларының нәтижелерін қорытындылай келе, полиомиелитті жеке ауру ретінде бөліп, оны нәрестелік жұлын сал ауруы деп атады.
XX ғасырдың басында аурудың инфекциялық сипаты дәлелденіп, полиомиелит қоздырғышы полиовирус анықталды.
Өткен ғасырда АҚШ-та полиомиелиттің өршуі тіркелген.
1916 жылы 17 маусымда Бруклинде (Нью-Йорк) ресми түрде эпидемия жарияланды. Онымен күресу үшін билік белсенді шаралар қабылдады. Науқастардың аты-жөндері мен мекенжайлары газеттерде шыға бастады. Ауру адамдары бар отбасылар карантинге алынды. Олардың үйлерінің есіктеріне “Полиомиелит. Жұқпалы ауру. Бұл үйден аулақ болыңыз. Бұл хабарламаны құзыретсіз алып тастаған адам жауапқа тартылатын болады” деген хабарламалар жабыстырылды. Нью-Йоркте кинотеатрлар жабылып, бұқаралық іс-шараларға тыйым салынды, балалардың ойын-сауық саябақтарына, бассейндерге, жағажайларға және басқа да қоғамдық орындарда жүруіне шектеу қойылды. Мыңдаған адамдар жұқпалы аурудан қорқып, қаладан кетіп қалды.
Сол жылы АҚШ-та 27 мыңнан астам адам полиомиелитпен ауырған. Оның ішінде 6 мыңнан астам адам көз жұмды. Мыңдаған науқастар сал болып қалды.
1916 жылғы алғашқы әрі ең қауіпті эпидемиядан кейін полиомиелит ауруы АҚШ-та жыл сайын қайталана бастады.
1921 жылы министрдің көмекшісі болып жұмыс істеген АҚШ-тың болашақ президенті Франклин Рузвельт полиомиелиттің құрбаны болды. Осыған байланысты полиомиелит туралы қоғамдық пікір күрт өзгерді: бұл тек балалар арасында таралатын ауру ретінде саналмайтын болды. Кейінірек, 1938 жылы Рузвельт ғылыми зерттеулерді қолдау және аурудан зардап шеккендерге көмектесу үшін Паралитикалық полиомиелитке қарсы қор құрды.
АҚШ-тан басқа, Канада, Ұлыбритания және Еуропа елдерінде аурудың жоғары деңгейі байқалды.
<img src="https://kyzylorda-news.kz/wp-content/uploads/2021/04/news_full161884520071b4ea8fa2813f549987dc561a276530.jpg" alt="" />
Емдеудің тиімді әдістері болмады. Ауру балалар ауруханаларға түсіп, онда бірнеше ай, кейде жылдап жатты. Сирек жағдайларда сал ауруының салдары ұзақ мерзімді оңалту арқылы азайтылды, бірақ көбіне балалар өмірінің соңына дейін ішінара немесе толықтай сал болып қалды. Егер вирус көкет бұлшықетіне әсер етсе, науқастар арнайы аппаратқа жатқызылатын болған. Мұндай құрылғылар «темір өкпе» деп аталған. Полиомиелитке шалдыққан адамға бұл құрылғы бірнеше апта немесе жылдар бойы, кейде өмір бойына қажет болуы мүмкін.
Ғалымдар аурудың емін іздеумен болды. Біріншілері зертханалық жағдайда вакцина әлсіретілген қоздырғыштардың (ауру тудыратын вирустар немесе бактериялар) штамдары негізінде жасалады. Екіншілері – зертханада өсірілген, содан кейін термиялық өңдеумен немесе химиялық жолмен (улаумен) өлтірілген микроағзалардан дайындалды.
Жаппай вакцинациялау үшін пайдаланылған полиомиелитке қарсы алғашқы вакцинаны американдық дәрігер Джонас Солк ойлап тапты. Ата-анасы Ресейден көшіп келген Джонас Солк АҚШ-та медициналық білім алып, тұмау вирусын зерттеумен айналысқан. 1948 жылы Питсбург университетінің медицина мектебінің профессоры ретінде ол Ұлттық сәбилер параличтік қорының грантын жеңіп алды.
Солк 1950 жылы өлтірілген вакцинаның прототипін жасап шығарды. Мұны өзіне, отбасы мүшелеріне және бұрын полиомиелитке шалдыққан адамдарға сынап, өзінің жетістігі туралы жариялады. 1954 жылы алғашқы вакцина сынақтары жүргізілді. 1,8 миллион американдық балалар вакцина немесе плацебо қабылдады. Вакцинаның тиімділігі 80-90 пайызға жетеді деп көрсетілді.
1961 жылы оның әріптесі Альберт Сейбин вакцинаның инъекция арқылы емес, ішуге болатын жетілдірілген нұсқасын ұсынды. Сейбин вакцинаны өз қыздарына, содан кейін Огайо штатындағы түрмелердің бірінің тұтқындарының ішінен еріктілерге сынап көрді. Дәрігер сотталған қылмыскерлерге сөз сөйлеп, балаларды өлтірген және мүгедек еткен аурумен күресте көмек беруін өтінді.
Алайда АҚШ билігі Солктың өлтірілген вакцинасын қауіпсіз деп шешіп, Сейбиннің тірі вакцинасын қолданудан бас тартты.
Бірақ оның негізінде КСРО-да вакцина жасалды. Полиомиелиттің алғашқы айтарлықтай өршуі КСРО-да 1949 жылы болды, ең ауыр түрде Балтық елдерінде, Қазақстанда және Сібірде өтті.
Вакцина пайда болғаннан кейін елде эпидемия 1,5 жылда аяқталды. 1960 жылы КСРО-да вакцина 77,5 миллион адамға егілді.ХХ ғасырдың 50-60-шы жылдары ауру Жапонияда өршіді. Індетті тек вакцина ғана тоқтата алды. Бірақ оны пайдалануға тіркеу және рұқсат беру өте қиын болды.
Сол кезде полиомиелитпен ауыратын балалардың аналары көшеге шығып, полиомиелитке қарсы вакциналарды КСРО-дан әкелуге рұқсат сұрады. Олардың өтініштері жүзеге асып, 20 миллион жапон балалары ауру қаупінен құтқарылды.
Кейіннен дәрігерлер полиомелитті түбегейлі түрде жеңді. Егер 1988 жылы 125 елде полиомиелитпен 350 мыңға жуық адам ауырса, 2012 жылы әлемде 223 жағдай ғана тіркелген. Ал 2019 жылы – 95.
2002 жылдан бастап ДДСҰ Қазақстанды полиомиелиттен азат ел ретінде ресми түрде жариялады.
2010 жылы тамызда Қазақстанда полиомиелитті сырттан жықтырып келген науқас анықталды. Бұған дейін біздің елімізде 15 жыл бойы полиомиелит болған емес.
<a href="https://stan.kz/poliomielit-degen-kanday-auru-onin-kazakstandik-balalar-345851/">Stan.kz</a>

Полиомиелит деген қандай ауру? Оның қазақстандық балаларға қандай қаупі бар?

*<a href="https://kyzylorda-news.kz/">Kyzylorda-news.kz</a>. Қызылорда облысында «Рухани жаңғыру» бағдарламасын жүзеге асыру мақсатында бірқатар ауқымды шаралар жүзеге асады.*
Бағдарламаның 6 басым бағыты мен «Ұлы Даланың 7 қыры» аясындағы 17 арнайы жобасын іске асыруға бағытталған 203 шара бар. «COVID-19» пандемиясына байланысты аталмыш шаралар онлайн форматта және санитарлық талаптарды қатаң сақтай отырып өткізіледі.
<blockquote>
 “Биыл Алаштың анасына баланған, қасиет қонған Сыр өңірінде біршама толымды істерді қолға алып жатырмыз. Осы орайда ұлтына еңбегі сіңген ұлы тұлғаларды насихаттау, ұлықтау мақсатында іс-шаралар жоспарын бекіттік. Бұдан бөлек, өңірде жастар арасында бәсекеге қабілеттілікті қалыптастыру, оларға прагматикалық тәрбие беру мақсатында «Тұлға» жобасы жүзеге асырылуда. Аталған жоба аясында өз саласында жетістікке жеткен, жастарға үлгі боларлық азаматтар жайлы бейнероликтер дайындалып, Youtube бейнехостингінде жариялануда. Бұның барлығы елдің жаңғыруына, келешек ұрпақтың елі мен жерін сүюге, бәсекеге қабілетті жастардың жаңа бір тынысының ашылуына сеп болары сөзсіз”, – деді «Рухани жаңғыру» орталығының директоры Уәлихан Ибраев.
</blockquote>
Бағдарлама аясында тәуелсіздіктің 30 жылдығы, Ыбырай Алтынсаринның 180 жылдығы, Жамбыл Жабаевтың 175 жылдығы, Әлихан Бөкейханұлының 155 жылдығы, Қажымұқан Мұңайтпасұлының 150 жылдығы республикалық деңгейде аталып өтілмек. Ал өңірімізде Жалаңтөс Баһадүрұлының 445 жылдығы, Сартай батырдың 310 жылдығы, Кете Жүсіп Ешниязұлының 150 жылдығы, Ыбырай Жақаевтың 130 жылдығы өткізіледі.

Қызылорда: «Рухани жаңғыру» бағдарламасы аясында 203 шара өткізіледі

*<a href="https://kyzylorda-news.kz/">Kyzylorda-news.kz</a>. Бүгін Қызылорда қаласының әкімі Ғанибек Қазантаев Қызылорда автобус паркіне барып, мекеменің жұмысымен танысты.*
Жолаушылар тасымалының сапасы және қоғамдық көліктердің бүгінгі жағдайымен танысқан қала басшысы мекеменің экономикалық әлеуетін назарға алды.
«Қызылорда автобус паркі» ЖШС өңір орталығындағы тасымалдау сапасын жақсарту және қоғамдық көліктердің жұмысын жүйелі басқару мақсатында 2013 жылы құрылған болатын. Бүгінге дейін автопарк 135 жаңа автобуспен толығып, 6 әлеуметтік маңызы бар бағытта сыйымдылығы аз қоғамдық көліктерді ауыстыруға мүмкіндік берді.
Алайда қазіргі таңда автопаркке тиесілі қоғамдық көліктердің бірқатары ұзақ мерзімді, күрделі және ағымдағы жөндеуді қажет етеді.
<blockquote>
 «Қала тұрғындарының қоғамдық көлікке деген сұранысын қанағаттандыру және қаламыздағы көлік қатынасын реттеу мақсатында бұл олқылықтарды тез арада реттеу керек» – деді қала әкімі.
</blockquote>
Айта кетейік, бүгінде қалаішілік 25 бағытқа және 8 қала маңына қатынайтын барлығы 33 бағытқа, 585 автобус екі ауысыммен қызмет көрсетсе, оның 135-і автопарк теңгеріміндегі автобустар. Жеке тасымалдаушылармен келісім шарт негізінде 450 дана автобус халыққа қызмет көрсетіп келеді.
<img src="https://kyzylorda-news.kz/wp-content/uploads/2021/04/fb_img_1618835795842.jpg" alt="" />
<img src="https://kyzylorda-news.kz/wp-content/uploads/2021/04/fb_img_1618835799069.jpg" alt="" />

Қазантаев қоғамдық көлік қызметіндегі олқылықтарды атады

<a href="https://kyzylorda-news.kz/">Kyzylorda-news.kz</a>. Қызылорда облысында жыл басынан бері суға түсу маусымы басталмай жатып, 6 адам суға кетті, деп хабарлайды «Хабар 24».
Оның үшеуі бала.
Төтенше жағдайлар департаментінің мамандарымен өңірде суға шомылуға қауіпті 64 учаске анықталып, ескерту тақтайшалары мен хабарламалар орнатылды. Облыс бойынша санитарлық және қауіпсіздік талаптары сақталатын 3-ақ жағажай бар. Оның екеуі Қызылорда қаласында және біреуі Шиелі кентінде. Өзге аудандарда тіпті құтқару станциялары да жоқ. Осы ретте мамандар тұрғындарды су айдындарында сақ болуға шақырады.
<blockquote>
 “Суда адамдардың қаза болуының негізгі себебі қауіпсіздік ережелерін өрескел бұзуы болып табылады. Атап айтсақ, өзен-каналдардың зерттелмеген жерлеріне суға түсуге тыйым салынады. Және де спирттік ішімдік ішіп суға түсуі, балалардың ата-ана қарауынсыз су жағасына баруы мен сүға түсуі болып отыр”,- дейді ТЖД бөлімінің басшысы Жандос Досымов.
</blockquote>

Қызылордада жыл басынан бері 6 адам суға кетті

<a href="https://kyzylorda-news.kz/">Kyzylorda-news.kz</a>. Қызылорда қаласындағы Назарбаев Зияткерлік мектебінің оқушылары «Жас биолог» республикалық ғылыми-танымдық сайыста «Ең үздік топ» атағын жеңіп алды.
Арайлым Әшірмет, Баймырза Әбдірәсіл, Нұрай Бақытжанқызы, Бекжан Бектұрған және Бегім Қуанышбек бір жыл бойы «Биолог» анықтамалығының ұсынған тапсырмаларын белсенді орындады.
Ал қорытынды топтар сайысында жас өрендер ұсынылған сұрақтардың барлығына нақты әрі дұрыс жауап бере отырып, жоғары академиялық білімдерімен және танымдық қабілеттерімен ерекшеленіп, жеңіске жетті.
<img src="https://kyzylorda-news.kz/wp-content/uploads/2021/04/fb_img_1618832866387.jpg" alt="" />

Қызылордалық NIS оқушылары жеңіске жетті

<a href="https://kyzylorda-news.kz/">Kyzylorda-news.kz</a>. Шиелі ауданы әкімінің орынбасары қызметіне Апетов Ерсұлтан Амантайұлы тағайындалды.
Апетов Ерсұлтан Амантайұлы 1974 жылдың 15 тамызда Қызылорда облысында дүниеге келген.
Білімі жоғары. 1996 жылы Қазақ мемлекеттік Аграрлық университетінің малдәрігері;
2016 жылы «Ақмешіт» гуманитарлық-техникалық институтының экономика және бизнес бакалавры мамандықтары бойынша бітірген.
Еңбек жолын 1997 жылы «Зұлыпхар» жеке шаруа қожалығында мал шаруашылығының маманы болып бастаған.
2000-2001 жылдары Қожакент ауылдық округі әкімінің аппаратының мемлекеттік ветеринариялық инспекторы;
2001-2004 жылдары Жаңақорған аудандық ветеринариялық станциясының малдәрігері;
2004-2010 жылдары Жаңақорған аудандық аумақтық басқармасының жетекші маманы–мемлекеттік ветеринариялық инспекторы;
2010-2012 жылдары Жаңақорған аудандық аумақтық инспекциясының ветеринария бөлімінің бастығы, бас мемлекеттік ветеринариялық-санитариялық инспекторы;
2012-2015 жылдары Жаңақорған аудандық аумақтық инспекциясының басшысы;
2015 жылдың қаңтар айынан бүгінгі күнге дейін Қызылорда облысының ветеринария басқармасының басшысы қызметін атқарып келді.
<img src="https://kyzylorda-news.kz/wp-content/uploads/2021/04/fb_img_1618832277919.jpg" alt="" />

Шиелі ауданы әкімінің орынбасары тағайындалды

<a href="https://kyzylorda-news.kz/">Kyzylorda-news.kz</a>. Ковид-19-ға қарсы вакцинаның иммуногендік көрсеткіші толықтай зерттелмегендіктен оны туберкулез бен қызылша немесе тұмауға қарсы екпелермен бір мезгілде алуға болмайды.
Бұл жөнінде бүгін сарапшы-иммунолог Эльмира Битанова Алматыда өткен онлайн брифингте мәлімдеді. Сондай-ақ кене энцефалитіне қарсы вакцинамен де бірге салуға рұқсат жоқ. Маманның сөзінше, алдағы уақыттары «Спутник V» немесе отандық вакциналардың иммундық нәтижесі белгілі болған соң дәрігерлер&nbsp; өзге вакциналармен үйлестіруге рұқсат етуі де мүмкін. Қауіпті індетті таратпаудың ең маңызды жолы вакцина алу және салауатты өмір салтын ұстану.
<blockquote>
 “Адам өзінің салауатты өмір салтын ұстау керек. Циркатты ритмдер өте маңызды. Яғни ұйқы толық болуы керек. Тамақтану балансты болу керек. Көп емес, балансты болу керек. Минералдар, витаминдер болу керек тағамдарында.&nbsp; Сонымен қатар адамның көңіл күйі өте маңызды. Сөйтіп иммундық жүйенің жұмысы өзіміз баяғыдан білетін ешқандай құпия жоқ мұнда. Мен осыны көп жерде айтам. Бірақ айта бастасам елдер жалыға бастайды. Себебі оларға не керек иммнологтан? Таблетка керек. 1 таблетка жеймін сондай иммунитетім жоғарылайды деген. Ол олай емес және&nbsp; ондай жеңіл жолмен иммундық&nbsp; жүйемізді&nbsp; түзете алмаймыз”,- дейді С. Асфендияров атындағы ҚазҰМУ жалпы иммунология кафедрасының меңгерушісі Эльмира Битанова.
</blockquote>
Алматыда өткен бір тәулікте 665 адам қауіпті індетті жұқтырса, олардың 77-сі симтомсыз науқастар. Қазіргі уақытта қаладағы жұқпалы ауруханаларда СOVID-19 диагнозы қойылған 4 мыңнан астам адам жатыр. Сондай-ақ бір тәулік ішінде 3 мың 50 адам&nbsp; вакцина алған. Жалпы Алматыда вакцина алғандардың саны 134 мың адамнан асты.
<a href="https://24.kz/kz/zha-aly-tar/bylu-manyzdy/item/468647-kovidke-arsy-vaktsinany-zge-ekpemen-aralastyru-a-bolmajdy">Хабар 24</a>

Ковидке қарсы вакцинаны өзге екпемен араластыруға болмайды

<a href="https://kyzylorda-news.kz/">Kyzylorda-news.kz</a>. Қызылорда облысында 6 кәсіпкерлік субъектісі «Ashyq» жобасы аясында жұмыс жасау үшін QR кодтарын алып, тесттік режимде қызметтерін бастады.
Қызылорда облысы кәсіпкерлер палатасының директоры Ғалымбек Жақсылықов жобаға қосылған кәсіпкерлік субъектілерінің 3-еуі компьютерлік клуб, 1-еуі «Жібек жолы» кинотеатры, 1-еуі балалар бассейні және 1-еуі боулинг орталығы екендігін жеткізді.
<blockquote>
 «Қазіргі облыстағы қолданыстағы қаулы бойынша бассейндер мен кинотеатрлар уақыт және сыйымдылыққа қатысты шектеумен жұмыс жасап тұрған болса, боулинг, компьютерлік клубтарға «Ashyq» жобасына қосылғандарға ғана рұқсат етілген. Кәсіпкерлердің жобаға деген қызығушылығы жоғары. Себебі кей кәсіпкерлік субъектілері ертеңгі күні эпидахуал күрделеніп, өңір «қызыл аймаққа» түскен жағдайда да жұмысының тоқтамағанын қалайды. «Ashyq» жобасының негізгі мақсаты да осы – кәсіпкерлерге кедергісіз жұмыс жасауға мүмкіндік беру», – дейді Қызылорда облысы кәсіпкерлер палатасының директоры Ғалымбек Жақсылықов.
</blockquote>
Кәсіпкерлер «Ashyq» жобасына қатысу үшін QR кодты қалай алады:
– кәсіпкер infoKazahstan.kz сайтында өтініш беруі керек. Өтініш Кәсіпкерлер палатасына түседі және оның жоба шартына сәйкестігі тексеріледі. InfoKazahstan.kz платформасы QR-кодты әзірлеп шығарады.
– әрі қарай код алып қосымшамен жұмыс істеуді үйренеді және 1 апта сынақ режимінде жұмыс істеп көреді.
Кәсіпкер қосымшаны сәтті қолданған жағдайда әкімдік нысанды сайттағы тізімге енгізеді. Сынақ режимінде жұмыс істеудің 1 аптасын қоса алғанда барлық рәсім 9 күннен аспайды. Ал кинотеатрлар мен қоғамдық тамақтану орындары салалық қауымдастыққа өтініш беруі керек. Егер салалық қауымдастық құрамында болмаса, онда Кәсіпкерлер палатасына хабарласа алады.
Кәсіпкерді «Ashyq» жобасынан не үшін шығарып жіберуі мүмкін:
– мониторингтік топ жобаға қатысуға қойылатын талаптардың бұзылу фактісін анықтап, растаған жағдайда;
– нысан келушілерді 3 күннен астам уақыт тексермеген жағдайда.
Еске сала кетейік, жұмыс алгоритмін бұзған қатысушы мониторингтік топтың шешімімен жобадан 2 аптаға шығарылады. Қайта бұзышулық тіркелсе, бизнес нысаны жобадан 2 айға шеттетіледі. «Ashyq» жобасына қатысты сауалдар туындаған жағдайда Қызылорда облысы кәсіпкерлер палатасының мамандары кеңес беріп, сүйемелдеу жасауға әзір. Жауапты маман Палатаның сарапшысы Гүлнұр Құрмантаева. Байланыс нөмірлері: 8 /7242/ 40-09-81 (ішкі 4324), ‎+7 771 479 7582.

Қызылордада 6 кәсіпкерлік субъектісі «Ashyq» жобасына қосылды

<a href="https://kyzylorda-news.kz/">Kyzylorda-news.kz</a>. Өткеннен сабақ алу керек. Жағдай қайтадан күрделенбес үшін сақтық шарасына мән беріп, вакцина салдыру қажет. Өңірлік коммуникациялар қызметінің ақпарат алаңында өткен онлайн брифингте облыстық психикалық денсаулық орталығының дәрігері Нұрлан Нұрпейісов осылай деді.
Өңіріміз коронавирустық инфекция бойынша “Сары аймаққа” еніп, карантиндік шаралар күшейтілді. Ауруды жұқтыру деңгейі өршіп барады. Ғалымдар коронавирусты жеңетін жалғыз ғана жолдың бар екенін көрсетуде. Бұл – вакцина салдыру.
<blockquote>
 “Өткен жыл көпшілігімізге сабақ болуы керек. Мен “Сейхун” провизорлық стационарында жұмыс жасадым. Күн, түн демей отбасымыздан алыстап, ел үшін еңбек еттік. Адамдарға дем жетпей қиналғанын көру бізге оңай болған жоқ. Сондықтан да осы жағдайдың қайталанбауы үшін санитарлық ережелерді сақатап, екпе салдыру қажет. Менде өз еркіммен екпе салдырған медицина саласы қызметкерлерінің бірімін. Вакцинадан кейін өзімді жақсы сезіндім. Күнделікті бетперде тағып, әлеуметтік арақашықтықты сақтаудың маңыздылығы айтылып жатыр. Құрметті қызылордалықтар, осы кеңеске құлақ асатын кез келді. Өздеріңіздің өмірлеріңіз бен денсаулықтарыңыз үшін той-томалақтардан бас тартқан дұрыс. Ауыз біршілік танытып, қауіпті кеселді жеңгеннен кейін бұрынғы алаңсыз күнімізге оралатынымызға сенемін”, – деді Нұрлан Нұрпейісов.
</blockquote>

Нұрлан Нұрпейісов: Өткеннен сабақ алу керек

<a href="https://kyzylorda-news.kz/">Kyzylorda-news.kz</a>. Қазгидромет 20-22 сәуірге арналған ауа райы болжамын жариялады.
<blockquote>
 «Жауын-шашынның қарға ұласуына және елдің солтүстік жартысында ауа температурасының төмендеуіне себеп болған Скандинавия түбегінің аудандарынан келген суық антициклон Қазақстан арқылы жылжуын жалғастырады. Енді оңтүстік өңірлерде жаңбыр мен қар аралас жауын-шашын, сондай-ақ кей жерлерде 3 градусқа дейін аяз болады», делінген хабарламада.
</blockquote>

Алдағы күндері күн суытады

<h5 id="kyzylordanewskzhttpskyzylordanewskznbspnbsp"><a href="https://kyzylorda-news.kz/">Kyzylorda-news.kz</a>. ҚР Сенат депутаты, тележүргізуші Дана Нұржігіт саясатқа қалай келгенін айтты. Айтуынша,&nbsp;өзін депутаттыққа шақырған мемлекет басшысының өзі. Депутат Дана Нұржігіт саясатта&nbsp;қандай мәселе көтергенін айтып өтті.</h5>
Дана Нұржігіт өзін депутаттыққа мемлекет басшысы Қасым-Жомарт Тоқаевтың өзі&nbsp;шақырғанын айтты.&nbsp;
<blockquote>
 “Президенттің сенат депутаттығын сайлауға заң бойынша квотасы бар. Сол заң бойынша берілген құқығын пайдаланып мемлекет басшысы осындай таңдау жасады. Мемлекет басшысының таңдауы маған түсті. Тоқаев мен жүргізген “Дара жолдың” тұрақты көрермені болған. Оңайкүл Тұржан біздің хабарда қонақ болғанда бүгінгі президентімін Қасым-Жомарт Кемелұлы ол кісіге алғыс хат жолдапты. Қазақ тілді БАҚ-ты президент жіті бақылайды, мұқият қарайды. Ол кісіге “Дара жол” арқылы танылдым ба деп ойлаймын. Сондықтан саяси жолды мен таңдаған жоқпын”, – деді Дана Нұржігіт.&nbsp;
</blockquote>
<hr />
Депутаттың айтуынша, жүйеге қарсы тұру қиын. Алайда жүйенің құрбаны болуға қорықпайды.&nbsp;
<blockquote>
 “Жүйенің аты – жүйе. “Жүйенің құрбаны болудан қорықпайсыз ба?” деген қиын сұрақ. Бірақ ешқандай қорқыныш жоқ. Бәріне іштей дайынмын. Сынға да, шынға да”, – дейді тележүргізуші.&nbsp;
 “Дана Нұржігіт өткен шақырылымда 11 заң жобасына депутат ретінде ат салысқан екен. Алайда депутаттық мандатын&nbsp;толық пайдаланып жатыр деп айта алмаймын. Дана Нұржігіт Қазақстанда сөз бостандығының қаншалықты төмен екенін біледі деп ойлаймын. Бірақ депутат бола отырып сенат қабырғасында бұл мәселені көтергенін көзім көрген жоқ. Өзінің алаңдаушылығын білдіретін болса, елімізді аз да болса алға жылжу болар ма еді деп ойлаймын”, – деді саясаттанушы Шалқар Нұрсейіт.
 “Мен бас прокуратураға педофилия жөнінде сауал жолдадым. Заңды қатаңдатуды ұсындым. Оған жауап та келді. Педофилдерге ешқандай рақымжылық жасалмайды. Қатаң бақылауда жазасын өтейді деп жауап берді. Одан бөлек көптен бері көтергім келген мәселеге енді ғана қол жеткіздім. Журналистердің үнемі таңдау алдында жүретіні. Бәріміз “жақсы бол” деген ата-ананың балаламыз. Бірақ кейде арнасы&nbsp;озып кетуі үшін журналистер кей қадамдарға барады. Журналисті ондай таңдау алдында қоймау&nbsp;керек. Барлық іс ұлттық құндылықар тұрғысынан, соның биігінен болса екен деймін. Осы мәселені жақын арада депутаттық сауал арқылы Асқар Маминге, президентке жеткіздім”, – деді Дана Нұржігіт.&nbsp;
</blockquote>
<a href="https://stan.kz/dana-nyrzhigit-deputattikka-meni-tokaevtin-ozi-ysindi-345847/">Stan.kz</a>

Қазақстан және Қызылорда облысының жаңалықтары