Kyzylorda-news.kz. Ертең, 10 қаңтар күні республика бойынша мәжіліс пен мәслихаттардың сайлауы өтеді. Халық таңғы сағат 7:00-ден кешкі 20:00-ге дейін дауыс береді. Ал әрбір партияның сенімді өкілдері, журналистер, отандық және шетелдік байқаушылар сайлауды өткізу барысын бақылайды.
<h3 id="nbsp">Бақылаушылардың құқықтары&nbsp;</h3>
“Сайлау туралы” конституциялық заңда саяси партиялар, қоғамдық бірлестіктер мен коммерциялық емес ұйымдардың атынан бақылау жүргізетін адамдардың нақты құқықтары жазылған. Олар:
<ul>
<li>сайлау комиссиясының отырысына қатысуға;</li>
<li>дауыс беруге, соның ішінде үй-жайдан тыс жерде дауыс беруге қатысқан сайлаушылардың саны туралы ақпарат алуға;</li>
<li>дауыс беруді өткізу және дауыстарды санау кезінде тиісті сайлау учаскесінің дауыс беруге арналған үй-жайында болуға;</li>
<li>тасымалданатын сайлау жәшігін бақылап жүруге, соның ішінде оларды тасымалдау кезінде көлік құралында болуға;</li>
<li>сайлау учаскесінде, дауыс беруге арналған пунктте дауыс беру барысын, дауыстарды санау және дауыс беру нәтижелерін ресімдеу рәсімін барлық аталған рәсімдерді анық көру мүмкіндігін қамтамасыз ететін жағдайларда байқауға;</li>
<li>тиісті сайлау комиссиясының және (немесе) оның мүшелерінің шешімдеріне, іс-әрекеттеріне (әрекетсіздігіне) жоғары тұрған сайлау комиссиясына немесе сотқа шағымдануға;</li>
<li>сайлаушылардың дауыс беруге арналған үй-жайға келу мүмкіндігі болмаған жағдайда олардың дауыс беруге арналған үй-жайдан тыс жерде дауыс беруін өткізу кезінде қатысуға;</li>
<li>учаскелік сайлау комиссиясы мүшелерінің пайдаланылмаған сайлау бюллетеньдерін санауы және жоюы кезінде қатысуға;</li>
<li>дауыс беру барысына және оның қорытындыларын шығаруға кедергі жасамай, фотожазба, дыбысжазба және бейнежазба жасауға;</li>
<li>дауыс беру нәтижелері туралы хаттамаларды жоғары тұрған сайлау комиссияларына беру рәсімін байқауға;</li>
<li>дауыс беру өткізілгеннен кейін дауыс беру қорытындылары туралы сайлау комиссиясының хаттамаларымен танысуға, олардың куәландырылған көшірмелерін алуға;</li>
<li>сайлау комиссиясы мүшелерінің назарын осы Конституциялық заң талаптарының бұзылуына аударуға, оларға бұзушылықтар туралы тиісті жазбаша мәлімдемелерді, актілерді табыс етуге және табыс еткені туралы белгі соқтыруға құқылы.</li>
</ul>
Ал сайлау комиссиясының төрағасы байқаушылардың өтініштері бойынша дауыстарды санау хаттамасына олардың жасаған актілерін қоса беруге міндетті.
<h3 id="nbsp-1">Бақылаушылардың міндеттері&nbsp;</h3>
Әрбір байқаушының тиісті құжаттары болуы тиіс. Біріншіден, жеке куәлік. Екіншіден, оны жіберген ұйымның мөрімен расталған қағаз. Сайлау учаскесінде байқаушы туралы деректер есепке алу журналына енгізіледі. Бұдан бөлек, заңмен бірқатар міндеттер бекітілген. Олар:
<ul>
<li>сайлау процесіне, сайлау комиссиясының дауыстарды санау және шешімдерді қабылдау рәсіміне араласпау;</li>
<li>сайлау комиссиясының жұмысына кедергі келтіретін іс-әрекеттер жасамау;</li>
<li>сайлау учаскесінде сайлау комиссиясы төрағасының тиісті сайлау комиссиясы белгілеген тәртіп ережелерін сақтау жөніндегі талаптарын орындау;</li>
<li>өз ескертулерін құжатталған, шынайы және тексеруге болатын фактілермен негіздеу;</li>
<li>Қазақстан Республикасының осы Конституциялық заңының және өзге де заңнамасының талаптарын сақтау:</li>
<li>алаламауға, нақты кандидатқа, саяси партияға артықшылық бермеуге міндетті;</li>
</ul>
Бақылаушы заң талаптарын бұзған жағдайда сайлау комиссиясы оны тіркеуден шығарып тастауға құқылы.
<h3 id="">Фото мен видео қалай түсіріледі?</h3>
Бақылаушы сайлау учаскесі ашылғанға дейін 15 минут бұрын келуі тиіс. Одан кейін өз құжаттарын көрсетіп, тіркеуге тұрады. Сайлау учаскесінде фото мен видео түсіре алады. Алайда бірнеше талапты сақтау қажет. Олар:&nbsp;
<ul>
<li>сайлау учаскесінің мүшелері мен сайлаушыларға кедергі жасамау;</li>
<li>дауыс беру құпиясын бұзбау;</li>
<li>жеке мәліметтердің құпиясын сақтау;</li>
<li>адамның бет-бейнесін жариялауға рұқсат алу;</li>
<li>адамның бет-бейнесі көрсетілген фотоны пайдалануға рұқсат алу.</li>
</ul>
Бұдан бөлек, бақылаушы сайлау комиссиясының төрағасын фото мен видеоға түсіретінін алдын ала ескертуі тиіс.&nbsp;
<h3 id="-1">Тікелей эфирді кім жүргізе алады?</h3>
Бұған дейін Орталық сайлау комиссиясының мүшелері аудио мен бейнематериалдарды тек заң бұзушылықтарды дәлелдеу үшін ғана қолдануға болатынын айтқан.&nbsp;
“Ал фото, видео немесе аудио жазбалар басқа біреуге жіберілсе, я болмаса, жариялаған жағдайда Азаматтық кодекстің талаптары сақталуы қажет. Бақылаушының негізгі мақсаты – дауыс беретін күні сайлауды бақылау. Ал сайлаудың барысын көрсету мен халыққа жеткізу – бұқаралық ақпарат құралдарының функциясы”, – деді ОСК мүшесі Серік Сыдықов.
Бұқаралық ақпарат құралдары видео мен фото түсіруден бөлек, онлайн-трансляция да жүргізе алады. Ал қатардағы бақылаушыларда ондай рұқсат жоқ.&nbsp;
“Бақылаушылар онлайн-трансляция жасай алмайды. Бұның барлығы сайлау туралы заңда жазылған. Бұқаралық ақпарат құралдары ғана тікелей трансляция жүргізе алады”, – дейді ОСК мүшелері.
<h3 id="-2">Тәртіп бұзушылықтар анықталса, не істеу керек?</h3>
Бақылаушылар дауыс санауды қашықтан бақылайды. Бірақ бюллетендегі белгілер көрінуі тиіс. Ол үшін сайлау учаскесіндегі үстелдер бәріне көрінетіндей етіп қойылады. Дауыс санаудан кейін бақылаушы хаттаманың көшірмесін алуға құқылы.&nbsp;
Сайлау және дауыс санау кезінде тәртіп бұзушылықтар анықталған жағдайда алдымен учаскелік комиссия төрағасына хабар беру керек. Одан кейін арыз-шағымның екі данасы жасалады. Біреуін комиссия төрағасына тапсырады. Оны хаттамаға қосып жіберуі тиіс. Ал екінші данасына қолын қойдыртып алу қажет. Төраға қол қоймаса, куәгерлердің қолын қойдыртады.&nbsp;
Сайлаудың соңында бақылаушы есеп жазады. Онда нақты дәлелдер көрсетілуі шарт.&nbsp;
<a href="https://m.sputnik.kz/politics/20210109/15956407/saylau-baqylaushy.html?mobile_return=no">Sputnik Қазақстан</a>

Сайлауға қатысатын бақылаушы нені білуі керек?

Kyzylorda-news.kz. «Қазгидромет» РМК ауа райының бұзылуына байланысты бірнеше өңірде ескерту жариялады.
Атап айтқанда, күндіз 9 қаңтарда Ақтөбе облысының кей жерлерінде жаяу бұрқасын күтіледі. Оңтүстіктен жел соғады, екпіні 18 м/с артады.
9-13 қаңтарда Жамбыл облысының кей жерлерінде тұман болады. 12-13 қаңтарда кей жерлерде көктайғақ, жаяу бұрқасын болжанады. 9 қаңтарда күндіз, 10-13 қаңтарда тәулік бойы оңтүстік-шығыстан соғатын жел оңтүстік-батысқа ауысып, күші 15-20 м/с артады. 12, 13 қаңтарда екпіні 23-28 м/с күшейеді.
9 қаңтарда Солтүстік Қазақстан облысының кей жерлерінде тұман, жаяу бұрқасын күтіледі. Оңтүстік-батыс желінің күші 15-20 м/с артады.
9 қаңтарда Түркістан облысының кей жерлерінде тұман болады.
9 қаңтар Батыс Қазақстан облысының кей жерлерінде тұман, көктайғақ, жаяу бұрқасын күтіледі. Жел оңтүстік-шығыстан соғады, күші 15-20 м/с артады.
9 қаңтарда Қостанай облысының кей жерлерінде жаяу бұрқасын, тұман күтіледі. Оңтүстіктен жел соғады, күші кей жерлерде 15-20 м/с жетеді.
Күндіз 9 қаңтарда Ақмола облысында жаяу бұрқасын жүреді. Оңтүстік-батыс желі кей жерлерде 15-20 м/с күшейеді.

Бұрқасын, көктайғақ: Бірнеше өңірде ескерту жарияланды

Kyzylorda-news.kz. Қазақстанда өткен тәулікте 843 адамда коронавирус індеті ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 70
Алматы қаласы – 135
Шымкент қаласы – 15
Ақмола облысы – 58
Ақтөбе облысы – 3
Алматы облысы – 55
Атырау облысы – 92
Шығыс Қазақстан облысы – 47
Жамбыл облысы – 18
Батыс Қазақстан облысы – 49
Қарағанды облысы – 38
Қостанай облысы – 64
Қызылорда облысы – 6
Маңғыстау облысы – 11
Павлодар облысы – 114
Солтүстік Қазақстан облысы – 55
Түркістан облысы – 13
Жалпы ел бойынша ауырғандар саны – 161 493.

Қызылордада өткен тәулікте 6 адамнан коронавирус анықталды

Kyzylorda-news.kz. Бүгін, 9 қаңтар Қазақстанда парламент сайлауы алдындағы тыныштық күні жарияланды.
“Қазақстандағы сайлау туралы” заңға сәйкес, сайлау болатын күнi және оның қарсаңындағы күнi кез келген үгiтке тыйым салынады. Яғни, телеарнадан сайлауалды роликтер көрсетілмейді, көшеде үндеу парақтары таратылмайды, сайлаушылармен кездесу өткізбейді және тағы басқа.
Сайлау комиссияларының үй-жайынан және дауыс беруге арналған үй-жайдан тыс жерлерде бұрыннан ілулi тұрған баспа үгiт материалдарын сол орында қалдыруға болады.
Интернет желісінде бұрын жарияланған үгіт материалдарын бұрынғы орындарында қалдыруға рұқсат етіледі. Бұрын орналастырылған материалды интернет-ресурстың басты бетіне шығаруға тыйым салынады.
Қоғамдық пікірге сауал салу нәтижелерiн, сайлау, сайлауға байланысты өзге де зерттеулер, кандидаттарды не саяси партияларды қолдап дауыс беру нәтижелерiнiң болжамдарын дауыс берiлетін күннің алдындағы бес күн ішінде және дауыс берiлетiн күні интернет желісінде жариялауға жол берілмейдi.
Сайлау күнi дауыс беруге арналған үй-жайда немесе пунктте қоғамдық пiкiрге сауал салуды жүргізуге тыйым салынады.
Сауалнаманы Қазақстан заңнамасына сәйкес тіркелген, қоғамдық пікірге сауал салуды жүргізу бойынша кемінде бес жыл тәжірибесі бар заңды тұлғалар жүргізуге құқылы. Ол үшін мұндай ұйымдар Орталық сайлау комиссиясын жазбаша түрде алдын ала хабардар етіп, тиісті құжаттардың көшірмелерін ұсынуы тиіс.
10 қаңтар күні сайлау учаскелері Нұр-Сұлтан уақытымен таңғы сағат 07:00-де ашылады.
Батыс Қазақстан, Ақтөбе, Атырау, Маңғыстау және Қызылорда облыстарында учаскелер уақыт белдеулері арасындағы айырмашылыққа байланысты басқа өңірлерге қарағанда бір сағатқа кеш ашылады.
Сол күні кешкі сағат 20.00-де учаскелер жабылып, дауыстарды санау басталады.
Қазақстанда мәжіліс (парламенттің төменгі палатасы) және мәслихаттар сайлауы 2021 жылы 10 қаңтарда өтеді.
Орталық сайлау комиссиясының мәліметіне сәйкес, алдағы сайлауда 216 мәслихатқа 3 276 депутат сайланады. Соның ішінде республикалық маңызы бар қалалар мен астананың мәслихаттары (589 мандат), 36 облыстық мәслихат (596) және 163 аудандық мәслихат (2 091 мандат) бар.
Мәжілістің 98 депутаты да партиялық тізім бойынша сайланады. Бұдан бөлек, тағы 9 депутат Қазақстан халқы ассамблеясының атынан мәжіліске келеді.
<a href="https://m.sputnik.kz/politics/20210109/15951088/sailau-majilis.html">Sputnik.kz</a>

Бүгін Қазақстанда – тыныштық күні

Kyzylorda-news.kz. Қызылорда облысында былтырғы жылдың 11 айында 19699 нәресте жарық дүниеге келген. Бұл алдыңғы жылдың сәйкес кезеңімен салыстырғанда 11,4 пайызға артық, деп хабарлайды <a href="https://www.inform.kz/kz/kyzylorda-oblysynda-bir-zhylda-20-mynga-zhuyk-sabi-duniege-keldi_a3738538">ҚазАқпарат</a>.
Қызылорда облысында 813,2 мың адам тұрады. Олардың арасында қалада 364,1 мың, ауылда 449,1 мың адам өмір сүреді. Өткен жылдың 11 айында өңірге 22 мың 884 адам көшіп келсе, өзге аймаққа 27 мың 271 тұрғын қоныс аударған. Алыс және жақын шет елдерден 41 адам Қызылордаға қоныс аударған. Ал өзге облыстардан 6 мың 477 адам облысқа көшіп келді. Облыстың 16 мыңнан астам тұрғыны облыс ішінде тұрғылықты орнын ауыстырды.
<blockquote>
 «Былтырғы жылдың 11 айында 19 мың 699 сәби дүниеге келген. Ол алдыңғы жылмен салыстырғанда 11,4 пайызға өскен. Туудың жалпы коэффициенті 1000 адамға 26,61 баланы құрады.Облыста 5 мың 273 жұп некелескен. Оның ішінде Қазалы ауданында 516 жұп шаңырақ көтеріп, аудандар арасында көш бастап тұр», – деді облыстық статистика департаменті.
</blockquote>

Қызылордада бір жылда 20 мыңға жуық сәби дүниеге келді

Kyzylorda-news.kz. Қазақстан территориясының басым бөлігіне әлі де Солтүстік антициклон жотасы ықпал етеді және басым бөлігінде қар, жауын-шашынсыз ауа райы сақталады, деп хабарлайдыҚазгидромет.
Республиканың батысында, солтүстік-батысында және күндіз солтүстігінде атмосфералық фронталды бөліктердің өтуіне байланысты қар жауады.
Республиканың кей жерлерінде тұман, желдің күшеюі, жаяу бұрқасын, батысында – көктайғақ, шаңды дауыл күтіледі.
Батыс Қазақстан облысының кей жерлерінде тұман, көктайғақ, жаяу бұрқасын күтіледі, жел 15-20 м/с күшейеді.
Қостанай, Солтүстік Қазақстан, күндіз Ақтобе, Ақмола облыстарының кей жерлерінде жаяу бұрқасын күтіледі, жел 15-20 м/с күшейеді. Қостанай, Солтүстік Қазақстан облыстарының кей жерлерінде тұман күтіледі.
Маңғыстау облысының кей жерлерінде шаңды дауыл күтіледі, жел 15-20 м/с күшейеді.
Жамбыл облысының кей жерлерінде тұман, күндіз жел 15-20 м/с күшейеді.
Түркістан, Атырау, Павлодар, Шығыс Қазақстан облыстарының кей жерлерінде тұман күтіледі, Атырау облысының кей жерлерінде көктайғақ күтіледі.
Түнде Алматы облысының кей жерлерінде қатты аяз сақталады.

9 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> «ADAL» партиясынан Мәжіліс депутаттығына үміткерлердің жұмыс сапары Шығыс Қазақстан облысында жалғасты.
Кездесудің біреуін Шығыс Қазақстан облысының Приречное ауылында үміткер Алмасбек Садырбаев «Агрофирма «Приречное» ЖШС қызметкерлерімен кездесу өткізді.
Ол партияның сайлауалды бағдарламасының басым бағыттары туралы егжей-тегжейлі айтып берді және кәсіпорын қызметкерлерінің ұсыныстарын тыңдады.
Кездесуге қатысушыларды, әсіресе, кәсіпкерлік пен ауыл шаруашылығын қолдауға бағытталған бағдарламаның міндеттері қызықтырды.
Кәсіпорын қызметкерлері бизнестің дамуын жеңілдететін жаңа жағдайлар жасауды ұсынды.
<blockquote>
 «Бизнесті қолдау арқылы біз ұлттық экономиканың дамуына үлес қосамыз. Партия кәсіпкерлікті қолдаудың жаңа шараларын енгізуді қолдайды. Атап айтқанда, біз 2025 жылға дейін салықты арттыруға мораторий жариялауды ұсынамыз. Бағдарламада ауылшаруашылық техникасын лизингке алу шаралары 6%-бен көрсетілді», -деді Алмасбек Садырбаев.
</blockquote>
Оның айтуынша, бағдарламада фермерлерді 2% -бен шағын несие беру арқылы қолдау қажет деп атап көрсетілген. АӨК субъектілерінің ынтымақтастығының арқасында өндірісті 20% -ға арттыру. Жаңа технологияларды енгізуді ынталандыру және субсидиялау арқылы шығындарды азайту.

Алмасбек Садырбаев: Біз ұлттық экономиканың дамуына үлес қосамыз

<a href="https://kyzylorda-news.kz/">Kyzylorda-news.kz.</a> 8 қаңтарда Нұр-Сұлтанда Қазақстан Халық партиясының баспасөз конференциясы өтті. Брифингті ұйымдастырушылар ҚХП атынан Парламент Мәжілісінің депутаттығына кандидаттар мен «URANkz» РҚБ өкілдерін біріктірген «қызыл автобус» акциясының қорытындыларымен бөлісті.
Бірнеше ай бойы, соның ішінде сайлау алдындағы үгіт кезеңінде ҚХП атынан Мәжіліс депутаттығына кандидаттар журналистермен және блогерлермен бірге еліміздің өңірлерін аралады. «URANkz» қозғалысының және партияның мүшелері Қазақстанның түкпір-түкпірінде адамдардың қалай өмір сүріп жатқанын өз көздерімен көрді. Олар жергілікті билік тарапынан жылдар бойы шешілмеген негізгі проблемаларды анықтады.
<blockquote>
 “Проблемалар өте көп және олар әр салада бар. Атқарушы билікке қатысты көптеген мәселелер бар. Неге біздің азаматтар әлі күнге дейін сапалы қызмет ала алмайды? Цифрландыру дәуірінде адамдар әлі күнге дейін құдықтардан су алып, пеш жағуда, әйелдер мен балалар көмір мен отын тасуда? Кейбір аудандарда байланыс жоқ. Интернет туралы айтудың қажеті де жоқ. Халықтың әлеуметтік осал топтарынан шыққан біздің азаматтарымыз мемлекеттің нақты қолдауын сезінбей отыр”, – деп пікір білдірді ҚХП атынан депутаттығына кандидат Файзолла Каменов.
</blockquote>
Өңірлерді аралай отырып, акцияға қатысушылар шалғай өңірлер мен ауылдарда проблемалар өте көп деген қорытындыға келді. Оларды мемлекеттік деңгейде көтеріп, Парламентте талқылау қажет. Сондықтан «қызыл автобус» акциясын ұйымдастырушылар өңірлердегі жағдайды барынша жақсарту үшін өз бастамалары мен жұмыстарын одан әрі ілгерілетуге ниетті.
<blockquote>
 “Біз жақында «қызыл автобус» акциясы аясында Тайтөбе ауылына бардық. Адамдар жаңа жылды жарықсыз қарсы алды. Бұл мәселені жергілікті әкім туындаған сәтте-ақ шешуге тиіс еді. Кейбір тұрғындар электр энергиясын өз күшімен өндіруге мәжбүр. Бірі күн батареяларын орнатса, енді электр генераторларын пайдаланады. Ал қалған тұрғындар көршілерінен жарық сатып алады. Бұл дұрыс емес, әрине” – деді депутаттыққа кандидат, «URANkz» қозғалысының мүшесі Сергей Решетников.
</blockquote>
Брифингке қатысушылар өңірлердегі проблемаларға қатысты мысалдарды көптеп айтуға болатынын атап өтті. ҚХП өкілдері қоғамда партия өкілдеріне айтылған барлық ұсыныстарды қолдайтынына сенім білдірді. Бұл –Қазақстанның аумақтық тұтастығы, мемлекеттік тілді дамыту, әйелдер мен балаларға қатысты тұрмыстық зорлық-зомбылықтың алдын алу және т. б. жөніндегі мәлімдемелер.

ҚХП «Қызыл автобус» акциясын қорытындылады

<a href="https://kyzylorda-news.kz/">Kyzylorda-news.kz</a>. Қазақстан Республикасы бәсекелестікті қорғау және дамыту агенттігінің Қызылорда облысы бойынша департаменті «Open Space» кеңсе отырысын өткізді.
Жиын барысында Қазақстан Республикасының бәсекелестікті қорғау саласындағы заң бұзушылықтардың алдын алу және кедергілерді болдырмау мақсатында сауда желілері және әлеуметтік маңызы бар азық-түлік тауарларын өндіруші нарық субъектілерімен монополияға қарсы комплаенс жасасу мәселесі талқыланды.
Монополияға қарсы органмен монополияға қарсы комплаенс жасасу мүмкіндігі түсіндіріліп, нарық субъектілері тарапынан әлеуметтік маңызы бар азық-түлік тауарлары айналысы саласындағы нормативтік-құқықтық актілердің талаптарын орындау жөнінде уағдаласты.
Жиын соңында департаментпен Қызылорда қаласында тіркелген ірі сауда желілері, күріш және тұз өндіруші субъектілері басшыларымен монополияға қарсы комплаенс жасалып, екі жақты қол қойылды.

Ірі сауда желілерімен келісімге қол қойылды

<a href="https://kyzylorda-news.kz/">Kyzylorda-news.kz</a>. Бүгін Өңірлік коммуникациялар алаңында облыстық білім басқармасының басшысы Ақзира Қасымова ІІІ оқу тоқсанындағы негізгі өзгешеліктерді брифингте баяндады.
Мемлекет басшысының тапсырмасына сәйкес дәстүрі оқу форматына кезең-кезеңімен көшу жұмыстары жүргізілуде. І оқу тоқсанында 37436 бала (22,6 пайыз), ІІ оқу тоқсанда 53568 бала (31,5 пайыз), үшінші оқу тоқсанда 71589 бала (42 пайыз) бала мектепке барып оқиды.
Министрлік бекіткен алгоритмге сәйкес ІІІ оқу тоқсанында балаларды оқыту форматы белгіленді. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. – ІІІ оқу тоқсанында 9,11 сынып оқушылары сантиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады.
<blockquote>
 “Бүгінгі күні анализ бойынша 9-сыныпта 13252 оқушы білім алады. Ал, 11-сыныпта 7004 оқушы оқитын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Яғни, пәндердің 70 пайызы – дәстүрлі форматта, 30 пайызы қашықтан оқытылатын болады”,-деді Ақзира Бақтыбайқызы.
</blockquote>
Колледждерде де өзгерістер бар. Жалпы 30 колледжде 19795 студент білім алады. Ведомоствоаралық комиссия шешімімен 1 курс студенттері дәстүрлі түрде оқиды. Бұл ретте студенттер пәндерді 70 пайыз – дәстүрлі, 30 пайыз – қашықтан оқиды. Бүгінгі күні дәстүрлі оқитын 1 курс студенттерінің саны – 5434. Анализ бойынша 5434 студент оқуды дәстүрлі, 12912 студент қашықтан оқиды.

Қызылордада ІІІ оқу тоқсанында 71589 бала дәстүрлі оқу форматында білім алады

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне білім беру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды, деп хабарлайды&nbsp;<a href="https://www.akorda.kz/kz/legal_acts/laws/memleket-basshysy-kazakstan-respublikasynyn-keibir-zannamalyk-aktilerine-bilim-beru-maseleleri-boiynsha-ozgerister-men-tolyktyrular-engizu-t">Ақорда</a>.
Заңның мәтіні баспасөзде жарияланады.

Білім беру туралы заңға өзгерістер енгізілді

<a href="https://kyzylorda-news.kz/">Kyzylorda-news.kz</a>.&nbsp; Биыл 1 қаңтардан бастап барлық ұстаздардың жалақысы 25 пайызға көбейді. Тек мектеп мұғалімдері ғана емес, балабақша педагогтері, қосымша білім беру, колледждер мен жоғары оқу орындары мамандарының да еңбекақылары өсті.
<blockquote>
 “Қазіргі кезде, есептеу бойынша мұғалімдердің орташа айлық жалақысы белгіленді. Толық оқу жүктемесі бар, педагог-шебер санатындағы ұстаз бұрын 279 мың теңге алса, қосымша үстемемен 373 мың теңге алады. Ал, педагог-сарапшы санатындағы мұғалім 234 мың алса, қазір 312 мың теңге мөлшерінде еңбекақы алады. Педагог-модератор санатындағы ұстаздың орташа жалақысы 204 мың теңге болса, қазір 272 мың теңгеге жетті. Ал, категориясы жоқ, жас ұстаздардың орташа жалақысы 213 мың теңге көлемінде белгіленді”, – деді облыстық білім басқармасының басшысы Ақзира Қасымова.
</blockquote>
Қаңтардың 11-інде үшінші оқу тоқсаны басталады. 9,11 сынып оқушылары санитиралық-эпидемилогиялық сақтай отырып аралас форматта, яғни дәстүрлі түрде мектепке барып оқитын болады. 1-5 сыныптар үшін кезекші топтар жұмыс істейді. Ал, бала саны 300-ден аспай мектептерде оқу дәстүрлі форматта ұйымдастырылады. Облыста 9-сыныпта 13252 оқушы, 11-сыныпта 7004 оқушы оқитын болады. Бұл сыныптарда балалар негізгі пәндерді, яғни қорытынды емтихан мен ұлттық бірыңғай тестілеу кезіндегі міндетті компонентті пәндер бойынша білім алады. Пәндердің 70 пайызы – дәстүрлі форматта, 30 пайызы қашықтан оқытылатын болады.
Сондай-ақ, колледждерде де өзгерістер бар. Жалпы 30 колледжде 19795 студент білім алады. Оның 5434-ң бірінші курс студенті. Ведомоствоаралық комиссия шешімімен 1 курс студенттері дәстүрлі түрде оқиды.

Қазақстан және Қызылорда облысының жаңалықтары