Kyzylorda-news.kz. Бүгін облыс әкімі Гүлшара Әбдіқалықова ҚР Мәжіліс және мәслихат депутаттарының кезекті сайлауында дауыс берді. Аймақ басшысы № 101 мектепте орналасқан № 263 сайлау учаскесіне барып, өз таңдауын жасады.
ҚР Президентінің 2020 жылдың 21 қазанындағы Жарлығына сәйкес ағымдағы жылдың 10 қаңтарында Мәжіліс және мәслихат депутаттарының кезекті сайлауы өтіп жатыр.
Биылғы саяси науқанға мемлекеттік тіркеуден өткен 5 партия өкілдері қатысуда. Орталық сайлау комиссиясы өткізген жеребеге сәйкес партиялар келесідегідей ретпен орналасқан: «Қазақстан Халық партиясы», «Nur Otan», «Ауыл», «Ақ жол», «Адал». 
Жалпы облыста 9 аумақтық сайлау комиссиясы, 376 сайлау учаскесі құрылған. Бүгінгі күні сайлаушылардың саны 492 мыңнан асты.
Дауыс беру орындарында барлық санитарлық талаптардың сақталуы бақылауға алынған. Бұған дейін ҚР Бас мемлекеттік санитарлық дәрігерінің № 69 қаулысы қабылданды. Қаулыда сайлау процесі барысында эпидемиологиялық қауіпсіздікті қамтамасыз ету шеңберінде бірқатар талаптар көзделген. Нақты айтатын болсақ, ғимаратқа кірер алдында сайлаушылардың байланыссыз термометр арқылы дене қызуы өлшенуі, маскалық режимнің және әлеуметтік қашықтықтың сақталуы, антисептиктердің болуы, қозғалыс маршруты бойынша қашықтық белгілер мен көрсеткіштердің болуы және т.б. талап етіледі.
Сайлау барысында мүмкіндігі шектеулі азаматтарға еш кедергісіз дауыс беру үшін жағдайлар жасалған, оларды тасымалдау үшін арнайы автокөліктер қарастырылған. 
Ауыр халдегі науқастар үшін жәшіктерді тасымалдау арқылы үйінен дауыс беру шаралары ұйымдастырылуда.
Айта кетейік, өңірде әрбір сайлаушы өз сайлау учаскесін анықтау үшін Call-орталықтары («400-200», 109) және «Өзіңді сайлаушылар тізімінен тексер» сервисі, «Sailau2021.gov.kz» порталы жұмыс істеп тұр.

Гүлшара Әбдіқалықова ҚР Мәжіліс және мәслихат депутаттарының кезекті сайлауында дауыс берді

Kyzylorda-news.kz. Бүгін елімізде үлкен саяси науқан өз жұмысын бастады. Яғни, Қазақстан Республикасы Парламенті Мәжілісі мен барлық деңгейдегі мәслихат депутаттарының сайлауы өтуде.
Еліміздің тарихындағы көппартиялық сайлау жүйесі бойынша партиялардың үлес салмағы дәл осы сайлауда нақтыланады. Тәуелсіз еліміздің тарихында бірінші рет бұл саяси додаға елімізде тіркелген 5 партия өкілдері қатысуда.
Бұл партия өкілдері өздерінің сайлауалды бағдарламаларымен Сыр бойы тұрғындары арасында кездесулер өткізіп, ой-пікірлерін айтты. Олардың барлығына ортақ міндет, ой ҚР болашағына деген үлкен сенім, ел тұтастығын, ел бірлігін бірінші кезекке қойып, халқымыздың өмір сүру сапасын жақсарту болып отыр. Біз олардың барлығына өз ризашылығымызды білдіреміз.
Құрметті Сыр халқы! Бүгінгі саяси науқаннан қалыс қалмаңыз. Әр тұрғын өз таңдауын жасап, елдің болашағына жауапкершілікпен қарап, азаматтық борышымызды бір кісідей атқаруға шақырамын.
Сайлаубай ӘБІШЕВ,
Қызылорда қалалық ардагерлер
кеңесінің төрағасы

Сайлаубай Әбішев: Барлығына ортақ міндет &#8211; ел тұтастығы

Kyzylorda-news.kz. Әйтеке би кентіндегі №56 сайлау учаскесінде Қазалы ауданының әкімі Мұрат Ергешбаев өз таңдауын жасап, дауыс берді.
<blockquote>
 «Мен өз азаматтық борышымды орындадым. Бүгінгі сайлау еліміз үшін өте маңызды. Бұл сайлау Қазақстанның дамуы мен гүлденуі үшін, елдің тұрақтылығы және халықтың тұрмыс жағдайын көтеру үшін өте қажет», – деді өз таңдауын жасаған әкім.
</blockquote>
Аудан орталығындағы №56 сайлау учаскесі аудандық оқушылар үйінде орналасқан. Таңғы сағат 7.00-де ашылған учаскеге алғашқылардың бірі болып Қазалы ауданының құрметті азаматы, аудандық ардагерлер кеңесінің төрағасы Оразғали Бекбанов келіп, өзі таңдаған партиясына дауыс берді.

Қазалы ауданының әкімі Мұрат Ергешбаев өз таңдауын жасады

Kyzylorda-news.kz. Қазалы ауданының тұрғындары таңғы сағат 7.00-ден бастап өз таңдауларын жасап, белсенділік танытуда. Уақыттың ерте екендігіне қарамастан қариялар мен жастар тобы азаматтық парыздарын өтеуге асықты.
Қазалы ауданы, Әйтеке би кентіндегі 61-ші учаске бойынша бірінші болып Дәурен Сәрсенбаев дауыс берді. Ол ел болашағы үшін өз таңдауын жасауға асығып, ерте келгендігін айтады.
Әйтеке би кентінің тұрғыны Дәурен Сәрсенбаевге ең бірінші болып келіп, азаматтық белсенділік танытқаны үшін бағалы сыйлық табыс етілді. Дәл осындай шаралар барлық сайлау учаскелерінде де ұйымдастырылды. 
Айта кетейік, 61-ші сайлау учаскесінде 2282 сайлаушы бар.

Қазалы: Сайлауға бірінші келгендерге сыйлық табыс етілді

Kyzylorda-news.kz. Бүгін таңертең еліміздегі саяси науқанға Қармақшы ауданының тұрғындары да белсенділікпен қатысуда.
Тұрғындар арасында көтеріңкі көңіл-күй қалыптастыру үшін барлық сайлау учаскелерінде радиоконцерттер мен түрлі акциялар ұйымдастырылуда.
Сайлау учаскелерінде ең алғаш дауыс беруші мен қарт сайлаушыға арнайы сый-сияпат жасалды.
Атап айтсақ, Ақай ауылдық округінде №116 сайлау учаскесіне 80 жастағы Қыпшақбайұлы Жақсылық ақсақал арнайы келіп өз дауысын беріп, таңдауын жасады.
<img src="https://kyzylorda-news.kz/wp-content/uploads/2021/01/fb_img_1610249513361.jpg" alt="" />

Қармақшыда тұрғындардың сайлауға қатысуы белсенді

ҚҰРМЕТТІ ЖЕРЛЕСТЕР! 
Бүгінгі күн – мемлекетіміздің болашағын айқындайтын аса маңызды тариxи сәт. Бүгін біз ортақ болашағымыздың дамуы үшін дауыс береміз. 
Елімізде Мемлекет Басшысының тапсырмаларын іске асыру мақсатында ауқымды жұмыстар атқарылуда. Алдымызда мемлекетімізді алға одан әрі жетелейтін ауқымды міндеттер тұр. Бәрінінде өз таңдау құқығы бар. Барша қызылордалықтарды өз Конституциялық құқығын пайдаланып, дауыс беруге шақырамын. Бұл саяси іс-шара – еліміз үшін өте маңызды.
Дамудың даңғыл жолы үшін әр азамат болашақты таңдау құқығынан қалыс қалмауы қажет, әрбір азамат оны жүзеге асыруы керек. Сондықтан да барша қызылордалықтарды өз таңдауын жасап, дауыс беруге шақырамын.
Серік ДҮЙСЕНБАЕВ,
Облыстық ардагерлер кеңесінің төрағасы

Серік Дүйсенбаев: Бүгін біз болашағымыздың дамуы үшін дауыс береміз

Kyzylorda-news.kz. ҚР Денсаулық сақтау вице-министрі – Бас мемлекеттік санитар дәрігер Ерлан Қиясов сайлау процесінде коронавирус инфекциясынан сақтану алгоритмін түсіндірді, деп хабарлайды ҚазАқпарат.
<blockquote>
 «Бүгін азаматтар ҚР Парламенті Мәжілісі мен мәслихаттар депутаттарына дауыс беруде. Сайлау барысында Бас мемлекеттік санитар дәрігердің қаулысымен бекітілген коронавирус инфекциясы таралуының алдын алу алгоритмі сақталуы керек. Алгоритмде COVID-19 инфекциясының таралуын шектеу жолдары қарастырылған. Сайлау комиссияларының қызметін ұйымдастыруда, сайлау учаскесінде дауыс беру процесінде, сайлау учаскесінен тыс жерде дауыс беру барысында, сайлау учаскесінде дауыстарды санағанда, бақылаушылар мен сенімді тұлғаларға қойылатын талап әлеуметтік арақашықтық сақталуы тиіс», – деді вице-министр.
</blockquote>
Оның айтуынша, сайлау комиссиясының жұмысын ұйымдастыру барысында сайлау комиссияларының мүшелері, байқаушылар, сенім білдірілген тұлғалар учаскеде маска режимін сақтауы, 3 сағат сайын масканы ауыстырып отыруы қажет. Қолмен амандасуға, келген адамдармен жақын байланысуға болмайды. Сайлау өтетін жерді жиі тазалап отыру керек. Жиһаздар 1,5-2 метр арақашықта орналастырылғаны жөн.
<blockquote>
 «Сайлау учаскесіне келген сайлаушыда медициналық немесе қорғаныш маска, антисептикалық зат болуы қажет. Бюллетень алғанда жеке басты куәландыратын құжатты комиссия мүшесінің қолына бермей ашып көрсету керек. Мүмкіндік болса сайлауға өз қаламыңызбен келген дұрыс немесе болмаған жағдайда сайлау комиссиясы сізге қалам береді. Дауыс беруге бала ертіп келуге тыйым салынады», – деді Ерлан Қиясов.
</blockquote>

Бас мемлекеттік санитар: Дауыс беруге бала ертіп келмеңіздер

Kyzylorda-news.kz. Жексенбі күні еліміздің кей жерлерінде тұман түсіп, жел күшейеді, солтүстік аймақтарда боран соғып, батыста көктайғақ болады, деп хабарлайды Қазгидромет.
10 қаңтарда Қазақстанның басым бөлігінде аяз болады, қар жаумайды, солтүстік антициклон шығысқа қарай ауыса бастайды. Батыстан ауысқан циклон ауа температурасының жоғарылауына әсерін тигізеді, сонымен бірге солтүстік облыстарда қар жауады, еліміздің батысында қар алас жаңбыр жаууы ықтимал.
Еліміздің кей жерлерінде тұман түсіп, жел күшейеді, солтүстік аймақтарда боран соғып, батыста көктайғақ болады.

Жексенбіге арналған ауа райы болжамы

Kyzylorda-news.kz. Сырдария ауданындағы барлық сайлау учаскесінде Әнұран шырқалып, дауыс беру басталды.
Аудан тұрғыны Өтебаева алғаш рет саяси науқанға қатысып тұр. Ең алғашқылардың болып келіп, сыйлық алды.
Таңменнен таңдауға келгеннің бірі – Ұлы Отан соғысының ардагері Яхия Тасыров. 99 жастағы қарт майдангер өз сайлау учаскесіне барып, дауыс берді.

Сырдариялықтар саяси науқанға белсенді қатысуда

Kyzylorda-news.kz. Қазақстан аумағында құрылған барлық сайлау учаскесінде дауыс беру жүріп жатыр. Бұл туралы ҚР Орталық сайлау комиссиясы төрағасының орынбасары Константин Петров айтты, деп хабарлайды ҚазАқпарат.
<blockquote>
 «Депутаттарды сайлау бойынша дауыс беру Қазақстан Республикасының аумағында және одан тысқары жерде құрылған 10 060 сайлау учаскесінде жүргізіліп жатыр. Сайлау комиссиялары дауыс беру орны мен уақыты туралы дер уақытында ақпарат берді. Елорда уақытымен сағат 08.00-де жағдай бойынша еліміздегі 9 994 сайлау учаскесінде және шет мемлекеттердегі қазақстан өкілдіктері жанындағы 17 сайлау учаскесінде дауыс беру басталды», – деді ол.
</blockquote>
Оның атап өтуінше, шет елдердегі 49 сайлау учаскесінде дауыс беру сағат белдеуін ескере отырып жүргізіледі.
<blockquote>
 «9 қаңтар күні жергілікті уақыт бойынша 18.00-де өңірлерде дауыс беру құқығына арналған есептен шығару куәліктерін беру аяқталды. Сайлаушылардың жазбаша өтініштері негізінде учаскелік сайлау комиссиялары Парламент Мәжілісі депутаттарын сайлауда дауыс беру құқығына арналған 10 599 есептен шығару куәлігін берді. Осы есептен шығару куәліктерімен азаматтар өздері барған кез келген жердегі учаскеде дауыс бере алады. Барлық деңгейдегі мәслихат депутаттарын сайлау бойынша 11 612 есептен шығару куәлігі берілді. Жергілікті атқарушы органдар мен сайлау комиссиялары сайлаушылар тізімінің толықтылығын әрі нақтылығын қамтамасыз етуде үлкен жұмыс атқарды. Дауыс беру басталған кезде сайлаушылардың тізіміне 11 915 903 сайлаушы қосылды. Орталық сайлау комиссиясы әрбір екі сағатта өтетін брифинг барысында сайлаушылардың келуі туралы ақпарат ұсынатын болады», – деді Константин Петров.
</blockquote>

Қазақстандағы барлық сайлау учаскесі жұмысын бастады

Kyzylorda-news.kz. Балалар мен жасөспірімдерді семіздік дертінен қорғау мақсатында қандай жұмыс жүргізіліп жатыр? Депутаттардың бұл сауалына Үкімет басшысы Асқар Мамин жауап берді, деп хабарлайды <a href="https://www.inform.kz/kz/kazakstanda-balalardy-semizdikten-korgau-ushin-kanday-sharalar-kolga-alyndy_a3738709">ҚазАқпарат</a>.
<blockquote>
 «Балалар мен жасөспірімдердің денсаулығын нығайту жолында уақтылы ескерту, көмек көрсету – Қазақстан Республикасының 2020-2025 жылдарға арналған денсаулық сақтау саласын дамыту мемлекеттік бағдарламасының басымдыққа ие бағыттарының бірі», – деп жауап қатты Асқар Мамин депутаттардың сауалына.
</blockquote>
Оның айтуынша, балаларды семіздік дертінен қорғау үшін 2025 жылға дейін мынадай шаралар көзделіп отыр:
– трансмайлы қышқылдардың пайдалануға тыйым салу;
– балаларға арналған трансмайлы қышқыл, тұз бен қанты мол азық-түліктің маркетингін телевидениеде және әлеуметтік желіде шектеу;
– өндірушілерді рецептурада қауіпсіз ингредиенттерді, органикалық шикізатты өндіруге ынталандыру;
– білім ұйымдарында, азық-түлік базарларында, сауда кәсіпорындарында және қоғамдық тамақтану орындарында жаңа піскен жеміс-жидек пен көкөніс сатылатындай жағдай жасау;
– балабақшалар мен мектептерде үйлесімді тамақтану жүйесінің стандартын енгізу.

Қазақстанда балаларды семіздіктен қорғау үшін қандай шаралар қолға алынды?

Kyzylorda-news.kz. Ертең, 10 қаңтар күні республика бойынша мәжіліс пен мәслихаттардың сайлауы өтеді. Халық таңғы сағат 7:00-ден кешкі 20:00-ге дейін дауыс береді. Ал әрбір партияның сенімді өкілдері, журналистер, отандық және шетелдік байқаушылар сайлауды өткізу барысын бақылайды.
<h3 id="nbsp">Бақылаушылардың құқықтары&nbsp;</h3>
“Сайлау туралы” конституциялық заңда саяси партиялар, қоғамдық бірлестіктер мен коммерциялық емес ұйымдардың атынан бақылау жүргізетін адамдардың нақты құқықтары жазылған. Олар:
<ul>
<li>сайлау комиссиясының отырысына қатысуға;</li>
<li>дауыс беруге, соның ішінде үй-жайдан тыс жерде дауыс беруге қатысқан сайлаушылардың саны туралы ақпарат алуға;</li>
<li>дауыс беруді өткізу және дауыстарды санау кезінде тиісті сайлау учаскесінің дауыс беруге арналған үй-жайында болуға;</li>
<li>тасымалданатын сайлау жәшігін бақылап жүруге, соның ішінде оларды тасымалдау кезінде көлік құралында болуға;</li>
<li>сайлау учаскесінде, дауыс беруге арналған пунктте дауыс беру барысын, дауыстарды санау және дауыс беру нәтижелерін ресімдеу рәсімін барлық аталған рәсімдерді анық көру мүмкіндігін қамтамасыз ететін жағдайларда байқауға;</li>
<li>тиісті сайлау комиссиясының және (немесе) оның мүшелерінің шешімдеріне, іс-әрекеттеріне (әрекетсіздігіне) жоғары тұрған сайлау комиссиясына немесе сотқа шағымдануға;</li>
<li>сайлаушылардың дауыс беруге арналған үй-жайға келу мүмкіндігі болмаған жағдайда олардың дауыс беруге арналған үй-жайдан тыс жерде дауыс беруін өткізу кезінде қатысуға;</li>
<li>учаскелік сайлау комиссиясы мүшелерінің пайдаланылмаған сайлау бюллетеньдерін санауы және жоюы кезінде қатысуға;</li>
<li>дауыс беру барысына және оның қорытындыларын шығаруға кедергі жасамай, фотожазба, дыбысжазба және бейнежазба жасауға;</li>
<li>дауыс беру нәтижелері туралы хаттамаларды жоғары тұрған сайлау комиссияларына беру рәсімін байқауға;</li>
<li>дауыс беру өткізілгеннен кейін дауыс беру қорытындылары туралы сайлау комиссиясының хаттамаларымен танысуға, олардың куәландырылған көшірмелерін алуға;</li>
<li>сайлау комиссиясы мүшелерінің назарын осы Конституциялық заң талаптарының бұзылуына аударуға, оларға бұзушылықтар туралы тиісті жазбаша мәлімдемелерді, актілерді табыс етуге және табыс еткені туралы белгі соқтыруға құқылы.</li>
</ul>
Ал сайлау комиссиясының төрағасы байқаушылардың өтініштері бойынша дауыстарды санау хаттамасына олардың жасаған актілерін қоса беруге міндетті.
<h3 id="nbsp-1">Бақылаушылардың міндеттері&nbsp;</h3>
Әрбір байқаушының тиісті құжаттары болуы тиіс. Біріншіден, жеке куәлік. Екіншіден, оны жіберген ұйымның мөрімен расталған қағаз. Сайлау учаскесінде байқаушы туралы деректер есепке алу журналына енгізіледі. Бұдан бөлек, заңмен бірқатар міндеттер бекітілген. Олар:
<ul>
<li>сайлау процесіне, сайлау комиссиясының дауыстарды санау және шешімдерді қабылдау рәсіміне араласпау;</li>
<li>сайлау комиссиясының жұмысына кедергі келтіретін іс-әрекеттер жасамау;</li>
<li>сайлау учаскесінде сайлау комиссиясы төрағасының тиісті сайлау комиссиясы белгілеген тәртіп ережелерін сақтау жөніндегі талаптарын орындау;</li>
<li>өз ескертулерін құжатталған, шынайы және тексеруге болатын фактілермен негіздеу;</li>
<li>Қазақстан Республикасының осы Конституциялық заңының және өзге де заңнамасының талаптарын сақтау:</li>
<li>алаламауға, нақты кандидатқа, саяси партияға артықшылық бермеуге міндетті;</li>
</ul>
Бақылаушы заң талаптарын бұзған жағдайда сайлау комиссиясы оны тіркеуден шығарып тастауға құқылы.
<h3 id="">Фото мен видео қалай түсіріледі?</h3>
Бақылаушы сайлау учаскесі ашылғанға дейін 15 минут бұрын келуі тиіс. Одан кейін өз құжаттарын көрсетіп, тіркеуге тұрады. Сайлау учаскесінде фото мен видео түсіре алады. Алайда бірнеше талапты сақтау қажет. Олар:&nbsp;
<ul>
<li>сайлау учаскесінің мүшелері мен сайлаушыларға кедергі жасамау;</li>
<li>дауыс беру құпиясын бұзбау;</li>
<li>жеке мәліметтердің құпиясын сақтау;</li>
<li>адамның бет-бейнесін жариялауға рұқсат алу;</li>
<li>адамның бет-бейнесі көрсетілген фотоны пайдалануға рұқсат алу.</li>
</ul>
Бұдан бөлек, бақылаушы сайлау комиссиясының төрағасын фото мен видеоға түсіретінін алдын ала ескертуі тиіс.&nbsp;
<h3 id="-1">Тікелей эфирді кім жүргізе алады?</h3>
Бұған дейін Орталық сайлау комиссиясының мүшелері аудио мен бейнематериалдарды тек заң бұзушылықтарды дәлелдеу үшін ғана қолдануға болатынын айтқан.&nbsp;
“Ал фото, видео немесе аудио жазбалар басқа біреуге жіберілсе, я болмаса, жариялаған жағдайда Азаматтық кодекстің талаптары сақталуы қажет. Бақылаушының негізгі мақсаты – дауыс беретін күні сайлауды бақылау. Ал сайлаудың барысын көрсету мен халыққа жеткізу – бұқаралық ақпарат құралдарының функциясы”, – деді ОСК мүшесі Серік Сыдықов.
Бұқаралық ақпарат құралдары видео мен фото түсіруден бөлек, онлайн-трансляция да жүргізе алады. Ал қатардағы бақылаушыларда ондай рұқсат жоқ.&nbsp;
“Бақылаушылар онлайн-трансляция жасай алмайды. Бұның барлығы сайлау туралы заңда жазылған. Бұқаралық ақпарат құралдары ғана тікелей трансляция жүргізе алады”, – дейді ОСК мүшелері.
<h3 id="-2">Тәртіп бұзушылықтар анықталса, не істеу керек?</h3>
Бақылаушылар дауыс санауды қашықтан бақылайды. Бірақ бюллетендегі белгілер көрінуі тиіс. Ол үшін сайлау учаскесіндегі үстелдер бәріне көрінетіндей етіп қойылады. Дауыс санаудан кейін бақылаушы хаттаманың көшірмесін алуға құқылы.&nbsp;
Сайлау және дауыс санау кезінде тәртіп бұзушылықтар анықталған жағдайда алдымен учаскелік комиссия төрағасына хабар беру керек. Одан кейін арыз-шағымның екі данасы жасалады. Біреуін комиссия төрағасына тапсырады. Оны хаттамаға қосып жіберуі тиіс. Ал екінші данасына қолын қойдыртып алу қажет. Төраға қол қоймаса, куәгерлердің қолын қойдыртады.&nbsp;
Сайлаудың соңында бақылаушы есеп жазады. Онда нақты дәлелдер көрсетілуі шарт.&nbsp;
<a href="https://m.sputnik.kz/politics/20210109/15956407/saylau-baqylaushy.html?mobile_return=no">Sputnik Қазақстан</a>

Қазақстан және Қызылорда облысының жаңалықтары

Гүлшара Әбдіқалықова ҚР Мәжіліс және мәслихат депутаттарының кезекті сайлауында дауыс берді

Сайлаубай Әбішев: Барлығына ортақ міндет – ел тұтастығы

Қазалы ауданының әкімі Мұрат Ергешбаев өз таңдауын жасады

Қазалы: Сайлауға бірінші келгендерге сыйлық табыс етілді

Қармақшыда тұрғындардың сайлауға қатысуы белсенді

Серік Дүйсенбаев: Бүгін біз болашағымыздың дамуы үшін дауыс береміз

Бас мемлекеттік санитар: Дауыс беруге бала ертіп келмеңіздер

Жексенбіге арналған ауа райы болжамы

Сырдариялықтар саяси науқанға белсенді қатысуда

Қазақстандағы барлық сайлау учаскесі жұмысын бастады

Қазақстанда балаларды семіздіктен қорғау үшін қандай шаралар қолға алынды?

Сайлауға қатысатын бақылаушы нені білуі керек?

Қазақстан және Қызылорда облысының жаңалықтары

Гүлшара Әбдіқалықова ҚР Мәжіліс және мәслихат депутаттарының кезекті сайлауында дауыс берді

Сайлаубай Әбішев: Барлығына ортақ міндет &#8211; ел тұтастығы

Қазалы ауданының әкімі Мұрат Ергешбаев өз таңдауын жасады

Қазалы: Сайлауға бірінші келгендерге сыйлық табыс етілді

Қармақшыда тұрғындардың сайлауға қатысуы белсенді

Серік Дүйсенбаев: Бүгін біз болашағымыздың дамуы үшін дауыс береміз

Бас мемлекеттік санитар: Дауыс беруге бала ертіп келмеңіздер

Жексенбіге арналған ауа райы болжамы

Сырдариялықтар саяси науқанға белсенді қатысуда

Қазақстандағы барлық сайлау учаскесі жұмысын бастады

Қазақстанда балаларды семіздіктен қорғау үшін қандай шаралар қолға алынды?

Сайлауға қатысатын бақылаушы нені білуі керек?

Сайлаубай Әбішев: Барлығына ортақ міндет – ел тұтастығы