<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Бұқаралық ақпарат құралдары қызметкерлерінің күнімен құттықтады, деп хабарлады Ақорданың баспасөз қызметі.
Тоқаев құттықтауында “халықтың көзі, құлағы һәм тілі” ретінде елге адал қызмет ету – әр журналистің абыройлы міндеті екенін атап өтті. &nbsp;&nbsp;&nbsp;
<blockquote>
 “Сіздер қашанда ұлт мүддесін бәрінен биік қойып, ел қамы үшін қалам тартып жүрсіздер. Мемлекетшілдік құндылықты дәріптеп, жасампаздық пен жақсылықтың жаршысы болып келесіздер”, – деді президент.
</blockquote>
Ақпарат саласын дамытуға мемлекет тарапынан қашанда ерекше көңіл бөлінеді, деп толықтырды ол.
Мемлекет басшысы Жыл сайын ең таңдаулы журналистерге берілетін БАҚ саласындағы дәстүрлі Президент сыйлығы осымен жиырма бесінші рет табысталып отырғанын атап өтті.
<blockquote>
 “Соңғы кезде радио қызметкерлерінің кәсіби мерекесі жоқ екені жиі айтылып жүр. Мен Қазақ радиосының 100 жылдығы аясында 1 қазанды Радио қызметкерлері күні деп ресми түрде бекіткен жөн деп санаймын”, – деді Тоқаев.
</blockquote>
Президент БАҚ қызметкерлеріне шығармашылық шабыт, толағай табыс тіледі.

Қасым-Жомарт Тоқаев: 1 қазанды Радио қызметкерлері күні деп ресми түрде бекіткен жөн

<a href="https://kyzylorda-news.kz/">Kyzylorda-news.kz</a>. Сыр еліне сапары аясында ҚР Президентінің көмекшісі мұнай-сервистік саладағы басшылар мен бизнес өкілдерімен кездесті.
ҚР Президентінің көмекшісі Қанат Бозымбаев Сыр еліне сапары аясында бірқатар маңызды жиындар өткізді. Ең әуелі өңірдегі мұнай-сервистік саладағы компания өкілдерімен кездесіп, өзекті мәселелерді талқылады. Аймақ басшысы Гүлшара Әбдіқалықова соңғы жылдары кен орындарының сарқылуына байланысты мұнай өндірудің көлемі төмендеп бара жатқанын алға тартып, бұл кездесу ортақ мәселелерді айқындап алуға мүмкіндік беретінін жеткізді.
Жиында облыс әкімінің орынбасары Нұрлан Тілешев мұнай-газ саласындағы қазіргі жағдайды баяндап, экономикадағы негізгі көрсеткіштерді тізбеледі. Сондай-ақ, отырыста мұнай және сервистік компаниялардың басшылары «ПетроҚазақстан Құмкөл Ресурстар» АҚ вице-президенті Болат Көшербаев, «Жанрос Дриллинг» ЖШС бас директоры Алексей Мылтықбаев ортақ мәселе аясындағы ұстанымдарын білдірді.
Отырыста компания басшыларының мәселелерін тыңдаған ҚР Президентінің көмекшісі мұнай қорындағы ахуал мәселесі Үкімет деңгейінде бірнеше рет қаралғанын атап өтті. Бұл ретте қуаттылығы 6 миллион тоннаны құрайтын “Кеңқияқ-Атырау” мұнай құбырының құрылыс жұмыстары аяқталса, жоба Қызылорда облысындағы мұнай өндіруші компаниялар үшін мұнай жеткізу жүктемесін азайтуға оң септігін тигізеді.
Жиынды қорытындылаған облыс әкімі Гүлшара Әбдіқалықова мұнай-газ саласындағы негізгі мәселелерді шешу үшін кешенді жұмыстардың қолға алынғанын және мұнай-газ секторында қызмет ететін сала өкілдерін ортақ мүддеге топтасып, бірлесе күш біріктіруге шақырды.
Мұнан кейін Қанат Бозымбаев өңірдегі бизнес өкілдерімен кездесті. Отырысқа кәсіпкерлер, қала, аудан әкімдері, кәсіпкерлік саласында мемлекеттік саясатты іске асыруға тікелей атсалысатын мемлекеттік мекемелер мен қаржы институттары жиналды. Президент көмекшісі кәсіпкерлерге мемлекет тарапынан ұдайы қолдау барын тілге тиек етіп, әрбір өңірлерде “Атамекен” Ұлттық кәсіпкерлер палатасымен бірлескен микроқаржы ұйымдарының тиімділігі туралы сөз қозғады.
Сондай-ақ, жиында пандемия кезінде кәсіпкерлік саласында туындаған қиыншылықтар талқыланып, алдағы уақытта даму бағытында атқарылатын жұмыстар сараланды.
<img src="https://kyzylorda-news.kz/wp-content/uploads/2021/06/207275072_3477062115730166_300770796393910231_n.jpg" alt="" />
<img src="https://kyzylorda-news.kz/wp-content/uploads/2021/06/206255188_3477061949063516_2345708555884057389_n.jpg" alt="" />

ҚР Президентінің көмекшісі қызылордалық мұнай-сервистік саладағы басшылар мен бизнес өкілдерімен кездесті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1235 адам коронавирус індетінен емделіп шықты, деп хабарлайды&nbsp;<a href="http://www.coronavirus2020.kz/">www.coronavirus2020.kz</a>.
Аймақтар бойынша:
Нұр-Сұлтан қаласы – 337
Алматы қаласы – 142
Шымкент қаласы – 28
Ақтөбе облысы – 28
Алматы облысы – 38
Атырау облысы – 58
Шығыс Қазақстан облысы – 66
Жамбыл облысы – 66
Батыс Қазақстан облысы – 206
Қарағанды облысы – 123
Қостанай облысы – 18
Қызылорда облысы – 7
Маңғыстау облысы – 16
Павлодар облысы – 70
Солтүстік Қазақстан облысы – 21
Түркістан облысы – 11
Қазақстан бойынша жазылғандар саны – 389406.

Қызылордада өткен тәулікте коронавирустан жазылғандар бар

<a href="https://kyzylorda-news.kz/">Kyzylorda-news.kz</a>. Қызылордалық полицейлер ірі көлемде есірткі затын тасымалдаған Жамбыл облысының тұрғынын ұстады.
Оқиға 24 маусым күні сағат 06:10 шамасында орын алған. Қызылорда облысы Полиция департаментінің патрульдік полиция ротасының қызметкерлері Қызылорда-Павлодар тасжолының 13 шақырымында Жамбыл облысының Мерке ауданынан Нұр-Сұлтан қаласына қарай бағыт алған жеңіл автокөлігін жол ережесін бұзғаны үшін тоқтатқан. Тексеру барысында көліктен ішінде есірткі заты бар сөмке анықталды. Сараптама қорытындысына сәйкес, тәркіленген зат &nbsp;жалпы салмағы 12 келіден астам кептірілген марихуана болып шықты. Күдікті уақытша ұстау изоляторына қамалды.
Аталған дерек бойынша Қазақстан Республикасы Қылмыстық кодексінің&nbsp;296-бабы 4-бөлігімен&nbsp;(Аса ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау) сотқа дейінгі тергеп-тексеру амалдары жүргізілуде.&nbsp;Полицейлер оқиғаның мән-жайын анықтауда.

Қызылордада есірткі тасымалдаған Жамбыл тұрғыны ұсталды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1445 адамда коронавирус індеті ПТР арқылы расталып ауырғаны белгілі болды, деп хабарлайды&nbsp;<a href="http://www.coronavirus2020.kz/">www.coronavirus2020.kz</a>.
Қазақстанда өткен тәулікте 1445 адамда коронавирус індеті ПТР арқылы расталып ауырғаны белгілі болды.
Аймақтар бойынша: 
Нұр-Сұлтан қаласы – 506, 
Алматы қаласы – 181, 
Шымкент қаласы – 50, 
Ақмола облысы – 33, 
Ақтөбе облысы – 29, 
Алматы облысы – 37, 
Атырау облысы – 61, 
Шығыс Қазақстан облысы – 87, 
Жамбыл облысы – 31, 
Батыс Қазақстан облысы – 70, 
Қарағанды облысы – 147, 
Қостанай облысы – 34, 
Қызылорда облысы – 31, 
Маңғыстау облысы – 41, 
Павлодар облысы – 49, 
Солтүстік Қазақстан облысы – 25, 
Түркістан облысы – 33.
Жалпы ел бойынша ауырғандар саны 414712.

Қызылордада 31 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Сыр елінде «Тұғыры биік Тәуелсіздік» атты республикалық ақындар айтысы өтеді.
Аламан дода Тәуелсіздіктің 30 жылдығы аясында ұйымдастырылып отыр. 25 маусым күні сағат 10.00-де Н.Бекежанов атындағы қазақ академиялық музыкалық драма театрында болады. Жыр бәйгесіне еліміздің түкпір-түкпірінен жиналған 12 ақын қатысады.
Атап айтқанда, Шойбеков Бекарыс (Түркістан қаласы), Қалиев Айбек (Арқалық қаласы), Ережеқызы Әсем (Нұр-Сұлтан қаласы), Шұғатаев Аспанбек (Павлодар қаласы), Ширмединұлы Бауыржан (Орал қаласы), Қуанған Серік (Өскемен қаласы), Тілеутай Айшолпан (Семей қаласы), Рахметов Айдос (Қызылорда қаласы), Ниязов Мұхтар (Қызылорда қаласы), Мансұров Нұрмат (Сырдария ауданы), Қару Нұрзат (Қазалы ауданы) Бақытәліұлы Жамбыл (Қызылорда қаласы).
<blockquote>
 «Айтысты ақын, М.Мақатаев атындағы сыйлықтың екі мәрте иегері, «Құрмет», «Парасат» орденінің иегері, Қазақстанның еңбек сіңірген қайраткері, ұлт өнерінің жанашыры Жүрсін Ерман жүргізеді. Қазылар алқасының құрамы да жасақталды. Бәйгеге қатысушы барлық ақындарға сәттілік тілеймін», – деді облыстық мәдениет, архивтер және құжаттама басқармасының басшысы Мира Әбуова.
</blockquote>
Айтысқа қатысатын 12 ақын Тәуелсіздік жылдарындағы жетістері мен елдік мәселелерді көтеруі шарт. Өнер додасы екі айналымнан тұрады.
<blockquote>
 «Биыл еліміздің әр өңірінде Тәуелсіздіктің 30 жылдығы аясында ақындар айтысы ұйымдастырылуда. Соның бірі Сыр елінде өткелі отыр. Ертеңгі айтыста ақындар Тәуілсіздікті жырлайтын болады. Одан кейін 30 маусымда Нұр-Сұлтан қаласында «Тәуелсіздік тұмарым» атты аламан бәйге болады. Сондай-ақ, биылғы жылдың ең үлкен жобасы – «Асыл домбыра» атты аламан дода ұйымдастырылады. Бес айтыстан тұрады, 48 ақын қатысуда», – деді ақын, айтыс өнерінің ұйымдастырушысы Жүрсін Ерманов.
</blockquote>
<img src="https://kyzylorda-news.kz/wp-content/uploads/2021/06/203937916_1316507308744778_221881279080781734_n.jpg" alt="" />

Қызылордада республикалық ақындар айтысы өтеді

<a href="https://kyzylorda-news.kz/">Kyzylorda-news.kz</a>. 25 маусым күні циклон және онымен байланысты атмосфералық ағындар республиканың шығыс бөлігіне әсер етіп, соған байланысты жаңбыр, бұршақ жауып, найзағай ойнайды, деп хабарлайды Қазгидромет.
Жел күшейіп, оңтүстікте ол шаңды дауылға ұласады. Республиканың солтүстігі мен солтүстік-шығыстың кей бөлігінде тұман түседі.
Батыста күн жауын-шашынсыз және аптап ыстық болады.
Алматы, Жамбыл облыстарының кей жерлерінде бұршақ жауып, желдің жылдадығы кей жерлерде секундына 15-20 мтрге ейін күшейеді.
Алматы облысында желдің екпіні 23-28 метрге жетеді.
Солтүстік Қазақстан, Павлодар облыстарының кей жерлерінде күндіз жел 15-20 м/с жылдамдықпен соғады, түнде және таңертең кей жерлерде тұман түседі.
Қарағанды, Шығыс Қазақстан, күндіз Қостанай облыстарының кей жерлерінде бұршақ жауып, жел 15-20 м/с жылдамдықпен ұйтқиды.
Ақмола, Түркістан, Қызылорда облыстарының кей жерлерінде күндіз жел 15-20 м/с-қа дейін күшейеді. Түркістан облысында жел шаңды дауылға ұласады.
Күндіз Батыс Қазақстан, Ақтөбе Маңғыстау Атырау облыстарында аптап ыстық болады.
Атырау облысының кей жерлерінде өте қатты ыстық болады.
Қызылорда, Ақтөбе, Маңғыстау, Атырау облыстарының басым бөлігінде, Түркістан, Жамбыл, Қарағанды, Батыс Қазақстан, Қостанай облыстарының кей жерлерінде өте жоғары өрт қаупі сақталады.

25 маусымға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қазақстан Республикасы Президентінің көмекшісі Қанат Бозымбаев бастаған делегация жұмыс сапарымен Сыр еліне келіп, облыстың әлеуметтік-экономикалық дамуы мәселесі жөнінде жиын өтті.
Жиында облыс әкімі Гүлшара Әбдіқалықова аймақтың әлеуметтік-экономикалық дамуы туралы қысқаша тоқталып, орынбасарлары Нұрлан Тілешев, Серік Сүлейменов, Балжан Шаменова мен Серік Ахмет өздері жетекшілік ететін салалары бойынша баяндама жасады. Сонымен қатар, облыс әкімі аппаратының басшысы Ерлан Райғаниев ауылдық округ әкімдерінің тікелей сайлауын өткізуге дайындық барысы туралы айтты.
<blockquote>
 «Ағымдағы жылдың 5 ай қорытындысы бойынша экономиканың негізгі көрсеткіштері бойынша оң динамиканы қамтамасыз ете алдық. Өнеркәсіп өндірісі, оның ішінде өңдеу өнеркәсібінде 12,8%, ауыл шаруашылығындағы жалпы өнім өндірісі 2,5%, жұмыс істеп тұрған шағын және орта бизнес субъектілерінің саны 7,3% артты», – деді Гүлшара Әбдіқалықова.
</blockquote>
Облыс әкімінің орынбасары Нұрлан Тілешев әлеуметтік-экономикалық дамуы туралы хабарламасында негізгі көрсеткіштер мен болашаққа арналған басым міндеттерге тоқталды. Атап айтқанда, пандемияға дейін және одан кейінгі өңірдің экономикалық жағдайына жан-жақты талдау жасалып, әлеуметтік шиеленісті алдын алуға және өңірдегі қоғамдық жағдайды сақтауға мүмкіндік беретін шараларды іске асыру ұсынылды.
Облыстағы құрылыс, тұрғын үй-коммуналдық шаруашылық және Байқоңыр қаласындағы мәселелер туралы Серік Сүлейменов баяндады. Атап айтқанда, тұрғын үй саясатындағы жаңа тәсілдер, аймақтың жол-көлік инфрақұрылымын жақсарту және тұрғындарды көгілдір отынмен қамтамасыз ету жұмыстарына қолдау көрсету туралы мәселелерді қозғады.Ал, әлеуметтік қамсыздандыру, денсаулық және білім саласында атқарылып жатқан жұмыстарды Балжан Шаменова тізбектеді.
Бүгінгі күні облыс «жасыл аймақта», эпидемиологиялық жағдай тұрақты. Қызылорда облысы бойынша вакцинациялау 106 егу кабинетінде жүргізілуде, 37 мобильді бригаданың жұмысы ұйымдастырылып, оған 133 мейірбике мен 89 дублер тартылған. Облыс бойынша I-ші компонент келген 165 960 дозадан 127 675 адамға салынды, II-ші компонент келген 99 550 дозадан 70 450 адамға салынды.
Аймақтың ішкі саясат, жастар саясаты, этносаралық қатынастар, мәдениет, спорт салалары мен қоғамдық саяси ахуалы туралы облыс әкімінің орынбасары Серік Ахмет хабарлады.
<blockquote>
 «Аймақта әлеуметтік-гуманитарлық салада Елбасы Нұрсұлтан Назарбаевтың Стратегиялық бағытына, Мемлекет басшысы Қасым-Жомарт Тоқаевтың саясатына сай тиісті жұмыстар жүргізілуде», – деп атап өтті Серік Ахмет.
</blockquote>
Елбасы тапсырмасына сәйкес өңірімізде дене шынықтыру және спортпен 254 101 адам шұғылданады. Мемлекет басшысының Балалар үйірмесін көбейту тапсырмасына орай қосымша 56 балалар үйірмесі ашылды. Қазір облыс бойынша үйірмелер саны 584-ке жетті, қатысушылар саны 6 902 баланы құрады. 2021 жылы Токио қаласында өтетін Олимпиада Ойындарына үш жерлесіміз жолдама алды.
Ел Тәуелсіздігінің 30 жылдығы шеңберінде Елбасының Тәуелсіздік қалыптасуына рөлін ақпараттандыру мақсатында облыста түрлі форматта мәдени шаралар ұйымдастырылуда. Халық Қаһарманы Роза Бағланованың 100 жасқа толуына орай, Қызылорда қаласында ескерткіш орнату жұмыстары басталды. Ел Тәуелсіздігінің 30 жылдығына орай «Тұғыры биік Тәуелсіздік» атты республикалық ақындар айтысы, Дала академигі Ыбырай Жақаевтың 130 жылдығына арналған мерекелік шаралар, Сыр сүлейі Кете Жүсіп Ешниязұлының 150 жылдығына арналған «Жырлансын Тәуелсіздік жырлары» атты республикалық жыршы-жыраулар байқауы, аңызға айналған Жалаңтөс Баһадүрдің 445 жылдығы аясында Қазалы ауданында ескерткіш орнатылады.
Жиын соңында ҚР Президентінің көмекшісі Қанат Бозымбаев жиында көтерілген мәселер назарға алынып, алдағы уақытта шешілу жолдары қарастырылатынын жеткізді.Президент көмекшіснің Сыр еліне жұмыс сапары жалғасуда.

ҚР Президентінің көмекшісі Қанат Бозымбаев жұмыс сапарымен Сыр еліне келді

<a href="https://kyzylorda-news.kz/">Kyzylorda-news.kz</a>.&nbsp; Қызылорда гарнизонының әскери бөлімдерінде жазғы оқу кезеңінің жауынгерлік әзірлік жоспарына сәйкес барлық санаттағы әскери қызметшілермен мамандық бойынша даярлық сабақтары өтуде.
Аталған дайындық сабақтары биылғы маусым айының соңына дейін жалғасады. Әскери бөлімдерде оқу топтары құрылып, тәжірибесі жоғары аға-нұсқаушылар жұмылдырылды. Дәрістердің жоғары дәрежеде өтуі үшін оқу орындары қажетті оқу-материалдық базамен қамтамасыз етілді.
Дайындық сабақтарының басты мақсаты – әскери қызметшілердің өз мамандықтары бойынша білім деңгейлерін, функционалдық міндеттерін арттыру және штаттық қару-жарақтан атуға, штаттық байланыс құралдарымен жұмыс істеуге машықтандыру.
<blockquote>
 «Қарулы Күштерімізде өз жұмысын толық білетін, тәжірибелі әскери мамандарымыз жетерлік. Мамандық бойынша сабақтар жоспарға сай, әрі сапалы өткізілуде. Осы аралықта әскери қызметшілерге қару-жарақ пен әскери техниканың материалдық бөлігін жоғары дәрежеде игеру, оқу-жаттығулар кезінде оларды пайдалану тапсырмалары қойылды», – деді әскери бөлім командирінің жауынгерлік дайындық жөніндегі орынбасары подполковник Нұрлан Шегебаев.
</blockquote>
Атап айтсақ, дайындық кезінде оқу-жаттығу алаңдарында өткізілетін тәжірибелік сабақтарға ерекше көңіл бөлінеді. Дайындық сабақтарының соңғы бөлігінде мамандық бойынша алған білімдерін анықтау мақсатында жеке құраммен оқу пәндері бойынша бақылау сабақтары мен сынақтар өткізілетін болады.

Нұрлан Шегебаев: Тәжірибелі әскери мамандарымыз жетерлік

<a href="https://kyzylorda-news.kz/">Kyzylorda-news.kz</a>.&nbsp;Анкарада түбі бір түркі елдері тәуелсізідігінің 30 жылдығына арналған концерт өтті.
Түркі тектес елдері тәуелсізідінің 30 жылдығы Анкарада тойланды. Халықаралық ТҮРКСОЙ ұйымының ұйытқы болуымен Түркия Президенті симфониялық оркестрі залында концерт ұйымдастырылды.
Мәдени шараға ТҮРКСОЙ ұйымының бас хатшысы Дүйсен Қасейінов, Түркияның мәдениет және туризм министрлігінің өкілдері, дипломатиялық миссияның басшылары қатысты.
Алғашқы болып Сүйінбай атындағы Алматы облыстық филармониясының жеке дауыстағы әншісі Бейбіт Мұсаев қазақтың домбырасын күмбірлетті. Кейін ұлттық аспаптармен бауырлас елдердің танымал әндері орындалды.
Қазақстан, Әзербайжан, Қырғызстан, Түркменстан және Өзбекстанның танымал дирижерлері онлайн форматта концерт беріп, көпшіліктің қошеметіне бөленді.

Тәуелсіздікке 30 жыл: Түркі елдерінің мерекелік концерті өтті

<a href="https://kyzylorda-news.kz/">Kyzylorda-news.kz</a>. ЮНИСЕФ «Еріктілер» бағдарламасы аясында Қорқыт Ата атындағы Қызылорда&nbsp; университетімен жұмыс істемек.&nbsp;
ЮНИСЕФ-тің Қазақстандағы өкілі Артур ван Дизен&nbsp; Қорқыт Ата атындағы Қызылорда университетінің ректоры Бейбіткүл Каримовамен кездесті. Басқосуда Артур ван Дизенге 85 жылдық тарихы бар университеттің тыныс-тіршілігі, алға қойған мақсат-міндеттері туралы таныстырылды.&nbsp;
<blockquote>
 ЮНИСЕФ ұйымы 75 жылдан бері әлемнің түкпір-түкпірінде жұмыс істейді. Ұйымның 190 елінде өкілдігі бар. 6 млрд доллар қаржысы бар ұйым Қазақстандағы балалардың өмірін жақсарту мақсатында әр өңірді аралап, зерттеу жүргізуде. Артур Ван Дизен әлеуметтік саясат саласында, қолданбалы әлеуметтік зерттеулерде, мониторинг пен бағалауда және бағдарламаларды басқаруда 25 жылдан астам тәжірибесі бар. Іскерлік кездесу көптеген жобаның жүзеге асуына себепші болды. Алдағы уақытта ЮНИСЕФ ұйымымен бірлесе отырып&nbsp;бірнеше жобаны жүзеге асыруды жоспарлап отырмыз, – дейді университет ректоры Бейбіткүл Сәрсемханқызы.
</blockquote>
ЮНИСЕФ үшін инновация, жас адамдардың дағдыларын дамыту мен гендерлік теңдікті ілгерілету аса маңызды. Осы орайда UniSat наноспутниктерін әзірлеу бойынша қыздарға арналған білім беру бағдарламасына университеттің&nbsp;ғылым, технология, математика, инженерия&nbsp;бағыттарында білім алатын студенттерді қатыстыру жоспарлануда. Сонымен қатар&nbsp;өңірдегі экологиялық мәселелерді шешу бағытында да бірқатар жоба&nbsp;талқыланды.
<blockquote>
 Біз экология, қоршаған орта және оның балаға әсері туралы әңгімелестік. БҰҰ-ның «Еріктілер» атты бағдарламасы жүйелі жұмыс істеп, өз нәтижесін беруде. ЮНИСЕФ Қазақстанда 9 000-нан аса волонтермен жұмыс істейді. 2020 жылы Қазақстандағы балалар мен қауымдастықтарды қолдау үшін волонтерлар ретінде жастарды тарту бойынша өзінің алғашқы бағдарламасын бастады. Алдағы уақытта Қорқыт Ата атындағы Қызылорда университетінің студенттерін бағдарламаға қосуға ұсыныс айттым. Университет мұражайын аралап, қосымша мәлімет алдым. Қызылорданың Астана болғанын, Арал теңізінің ғасырлар бойы өзгеріске ұшырай отырып, сақталу бағытындағы тарихи деректермен таныстым. Білім-ғылым саласы өзіме жақын болғандықтан университет тарихымен танысу мен үшін маңызды болды, – дейді ЮНИСЕФ-тің Қазақстандағы өкілі Артур ван Дизен.
</blockquote>
<a href="https://baq.kz/news/othernews/kyzylorda-universiteti-men-yunisef-birlesip-zhobalar-iske-asyrmak/">Baq.kz</a>

Қызылорда университеті мен ЮНИСЕФ бірлесіп жобалар іске асырмақ

<a href="https://kyzylorda-news.kz/">Kyzylorda-news.kz</a>. Қызылорда облысы аумағында тасқын және қашыртқы суларды жинайтын жобаны іске асыру жоспарлануда. Бұл су ресурстарын ұтымды пайдалануға және вегетациялық кезеңде тапшылықтың болмауына мүмкіндік береді. Бұл туралы Өңірлік коммуникациялар қызметінің ақпараттық алаңында өткен брифингте облыстық табиғи ресурстар мен табиғат пайдалануды реттеу басқармасы басшысының орынбасары Бауыржан Оспанов баяндады.
<blockquote>
 «Облыста 207 көл бар. Көлдердің толымдылығы 52 пайызды құраса, ал 17 көлдің суы тартылған. Су тапшылығын алдын алу үшін облыстық бюджеттен елді мекендерге 43 дана насос қондырғыларын сатып алу және 18 каналға тазалау жұмыстары жүргізілуде. Сонымен бірге, шаруашылық құрылымдары тарапынан 47 насос қондырғы алынды. Қосымша 41 дана насос алынатын болады. Каналдар арқылы су алу режимдерінің кестеге сай орындалуына мониторинг жүргізетін жұмысшы тобы құрылды», – деді Бауыржан Әліпбайұлы.
 «Қазіргі уақытта жоғарыдан түсетін су көлемі болжанған кестеден кем түсуде. Осыған орай, болжамдық жұмыс кестесі қайта жасалды. Шардара мен Көксарайды қоса есептегенде төменге секундына 500 текше метр су жіберілуде», – деді Арал-Сырдария бассейндік инспекциясы РММ бөлім басшысы Сейітқасын Әбуов.
 «Бүгінде егіске Қызылорда сол жаға магистралді каналы, Айтек, Қазалы сол жаға және оң жаға магистралді каналдарынан су жіберуге кесте әзірленді. Мұнан өзге, қашыртқы суын қайта пайдалану әдісіне сәйкес шаруашылық құрылымдары өз есебінен насос қондырғыларын орнатып, қашыртқыдан ішкі каналдарға су тасталуда», – деді «ҚАЗСУШАР» РМК Қызылорда облыстық филиалының су шаруашылығы нысандарын пайдалану бөлімінің басшысы Айдос Асанбаев.
</blockquote>

Қазақстан және Қызылорда облысының жаңалықтары