Kyzylorda-news.kz. Қазақстанда 788 адам коронавирус жұқтырды, деп хабарлайды coronavirus2020.kz-ке сілтеме жасап.
Қазақстанда 16 желтоқсанда сағат 23:59-дағы эпидемиологиялық жағдай бойынша 788 адамның коронавируспен ауырғаны ПТР арқылы расталды.
Аймақтар бойынша:
Нұр-Сұлтан қаласы – 111
Алматы қаласы – 77
Шымкент қаласы – 4
Ақмола облысы – 59
Ақтөбе облысы – 12
Алматы облысы – 49
Атырау облысы – 77
Шығыс Қазақстан облысы – 69
Жамбыл облысы – 33
Батыс Қазақстан облысы – 27
Қарағанды облысы – 30
Қостанай облысы – 70
Қызылорда облысы – 2
Маңғыстау облысы – 10
Павлодар облысы – 88
Солтүстік Қазақстан облысы – 65
Түркістан облысы – 5
Жалпы ел бойынша ауырғандар саны 144 523.

Қызылордада 2 адам коронавирус жұқтырды

Kyzylorda-news.kz. Атырау облысы коронавирус таралуы бойынша “қызыл” аймаққа кірді. Облыста бір тәулікте 19 адам COVID жұқтырды, жалпы пандемия басталғалы 12 206 адам коронавирусқа шалдықты.
Сонымен қатар Батыс Қазақстан облысы “жасыл” аймақтан” сары” аймаққа ауысты. 16 желтоқсандағы жағдай бойынша аймақта пандемия басталғалы 8 645 адам инфекция жұқтырды, 154 адам қайтыс болды.
Қазақстан өңірлеріндегі эпидемиологиялық жағдайды бағалау матрицасының мәліметіне сәйкес, 16 желтоқсанда&nbsp;“қызыл”&nbsp;аймақта Нұр-Сұлтан қаласы мен Атырау облысы тұр.
“Сары”&nbsp;аймақта Алматы, Ақмола, Қостанай, Шығыс Қазақстан, Павлодар, Солтүстік Қазақстан және Батыс Қазақстан облыстары бар.
Қалған барлық өңір&nbsp;“жасыл”&nbsp;аймақта орналасқан.

Облыстардың бірі коронавирустың &#8220;қызыл&#8221; аймағына кірді

Kyzylorda-news.kz. Мәңгілік ұғымдардың шыңында тұрған ең биігі, ең қасиеттісі – еліңнің Тәуелсіздігі. Мұндай пікірді ҚР Парламенті Сенатының депутаты Дана Нұржігіт білдірді, деп хабарлайды ҚазАқпарат.
<blockquote>
 «Осыдан 29 жыл бұрын тәуелсіздігін жариялаған Қазақстан құзар шыңның шетіндегі қатерлі соқпақпен жүріп өткендей болған еді. Мемлекет құру жолында уақыт талабына сай реформалар жүргізіліп, халық игілігіне жұмыс істейтін институттардың ірге тасы нарықтық қатынастармен қатар қаланды. Халықаралық деңгейде өз орны бар Тәуелсіз Қазақстанды бүгінде әлем Орталық Азиядағы беделді әрі маңызды мемлекет деп біледі. Осы орайда, Тәуелсіздік күні қарсаңында Парламент Сенатының Халықаралық қатынастар, қорғаныс және қауіпсіздік комитетінің мүшесі ретінде мемлекетіміздің сыртқы саясатта жүріп өткен жолын аз-кем айта кетсем деймін», – деді ол.
</blockquote>
Сенатордың айтуынша, бүгін Қазақстан – халықаралық қоғамның толық құқылы мүшесі, халықаралық қатынастарда сенімді, жауапты әріптес. Алайда мұндай жетістіктерге жету үшін Егеменді Қазақстанға қайрат пен нағыз еңбек қажет болды. 1990 жылы, Одақ құлдырағаннан кейінгі кезеңде Қазақстан мемлекетінің жағдайы басқа еді. Қазақстанның Сыртқы саясаттының қалыптасуы егемендік іргетасын бекемдеумен бірге жүрді. 1990 жылы 25 қазанда Қазақ Советтік Социалистік Республикасының Мемлекеттiк егемендiгi туралы декларациясы қабылданып, Қазақстан мемлекеті алғашқы рет халықаралық құқық субъектісі болып айқындалды. Бұл тарихи құжатта «Қазақ ССР-інің халықаралық қатынастардың дербес субъектiсi болуға, сыртқы саясатты өз мүдделерiне сай белгiлеуге, дипломатиялық және консулдық өкiлдiктер алмасуға, халықаралық ұйымдардың, оның iшiнде Бiрiккен Ұлттар Ұйымының және оның мамандандырылған мекемелерiнiң қызметiне қатысуға правосы бар» деп белгіленген. Ал, 1991 жылғы 16 желтоқсан күні «Қазақстан
Республикасының мемлекеттiк тәуелсiздiгi туралы» Қазақстан Республикасының Конституциялық заңы қабылданды.
<blockquote>
 «Жас мемлекетті үлкен өзгерістер мен ғаламат мүкіндіктер күтіп тұрды. Осы жолда Тұңғыш Президент – Елбасы Нұрсұлтан Әбішұлы Назарбаев Тәуелсіз Қазақстанды халықаралық аренада демократиялық, зайырлы, құқықтық және әлеуметтік мемлекет ретінде жария етті. Саяси картадағы Тәуелсіз Қазақстанның Коституциясының алғашқы бабында жазылғандай, біз үшін ең қымбат қазына – адам өмірі. Осы сөздің айшықты дәлелі деп Тәуелсіз Қазақстанның алғашқы саяси шешімін айтуға болады. Президент Жарлығыммен жер бетіндегі ең үлкен ядролық сынақ алаңдарының бірі – Семей полигоны жабылды. Осылайша, Қазақстан бейбіт жолды таңдап, гуманистік принциптерді ұстанатын мемлекет екенін әлемге паш етті. Біз дүниежүзілік қауымдастыққа интеграциялық даму, бейбіт демократиялық жолды таңдаған тәуелсіз мемлекет екенімізді әр бір саяси қадамымызбен дәлелдеп отырдық. Бүгінгі жағдайда Қазақстанның халықаралық дипломатиядағы осынау тұрақтылығы біз үшін құны өлшеусіз капитал деуге болады», – деді Дана Нұржігіт.
</blockquote>
Сенатордың айтуынша, пандемия құрсауында қалып отырған адамзат өмірі, тұрмысы, санасы, дүниетанымы үлкен өзгерістерге ұшырады. Бұл өзгерістер халықаралық қатынастарда да сезіледі. Виртуалды кеңістікте өтіп жатқан халықаралық кездесулер бұған дейін жылдар бойы қалыптасқан саяси-экономикалық серіктіктің сапасын айқандай түскендей. Пандемияға дейінгі өмірде ресми, бейресми жағдайда көзбе-көз кездесіп, ашық диалог жүргізіп, серіктес ретінде мойнына алған міндеттемелерін бұлжытпай орындап, сертінде тұрған көшбасшының адами, кәсіби абырой беделі бүгінде әр бір мемлекет үшін өте маңызды фактор болып отыр.
<blockquote>
 «Бұл жағынан келгенде мемлекетіміздің тұңғыш Президенті – Елбасы Нұрсұлтан Әбішұлы Назарбаев та, бүгінгі Президентіміз Қасым-Жомарт Кемелұлы Тоқаев та дүниежүзілік аренада мойындалған тұлғалар. Мемлекет мүддесін қорғауда Қазақстан көшбасшылары саяси серіктестерінің позициясын түсіне отырып, үнемі адамгершілік қағидаттарынан айнымауға, бітімгершілік пен татулық, өзара тиімді шешімдер қабылдауға шақыратын тарап ретінде танылды. Виртуалды өмір мен прагматизм, жасанды интеллект заманында адамды суық машинаға айналдырудан сақтайтын дәл осындай ұстанымдар. Жаһандану үдерісін тежеп, әлемді бұрын соңды болмаған дағдарысқа ұшаратқан пандемия бір жағынан кесірін тигізсе, екінші жағынан тарих тұлпарын қамшылап адамзаттың технологиялық даму жылдамдығын үдете түсті. Бүгінде барлық мемлекеттер әлемдік дағдарыстан шығудың жолын іздеуде. Бұл ретте әр мемлекет барлық ішкі-сыртқы ресурстарын жан-жақты пайдаланып, проблеманың өзін пайдаға айналдыруға тырысып жатыр. Осы тұрғыдан алғанда транзит пен ашық теңізге тікелей шыға алмай тұрған 90-шы жылдардың басындағы Қазақстанды тағы бір көзге елестетсек; біздің алдымызда әлемге танылып, аяқтан тік тұрып Тәуелсіздікке лайық ел екенімізді дәлелдеудің сынаққа толы ауыр жолы жатыр еді. Біз сол қиындықтың бәрін еңсердік қой. Әлемге танылдық, әлем бізді бейбітшіл әрі бауырмал мемлекет ретінде мойындады», – деді ол.
</blockquote>
Оның атап өтуінше, бүгінде Қазақстанда 68 ден астам елшіліктер мен халықаралық ұйымдардың өкілдіктері тіркелген. Қазақстан Республикасы 100-ден астам мемлекетте өзінің дипломатиялық өкілдіктерін ашып, 70-тен астам халықаралық ұйымдардың толық құқылы мүшесі болып отыр. Сонымен бірге, 40-тан астам көпжақты шарттарға және 700-ден астам екі жақты шарттарға қол қойған.
<blockquote>
 «Әлемнің экономикалық жүйесінде Қазақстанның өзіндік орны бар деп толық айта аламыз. Халықаралық дипломатиядағы ауыз толтырып айта алатын жетістіктеріміз, тәуелсіз Қазақстанның посткризистік кезеңдегі заманауи дамуымыздың кепілі. Қазақта «көппен көрген ұлы той» деген сөз бар. Әлем болып бастан өткеріп жатқан қиындықта ненің өткінші, ненің мәңгілік екенін анық түсінетін, шынның жүзіндей өткір ақиқатқа көз жеткізіп отырмыз: мәңгілік ұғымдардың шыңында тұрған ең биігі, ең қасиеттісі – еліңнің Тәуелсіздігі. Бүгін мереке деп аталатын осынау тарихи күн, Абыз-Әбіш ағамыздың сөзімен айтқанда, «ұлыңның қанымен, қызыңның арымен» келген күн екенін бір сәт те естен шығармайық! Тәуелсіздік тұғыры нық, хәм биік болғай!«,- деді Дана Нұржігіт.
</blockquote>

Дана Нұржігіт: Мәңгілік ұғымдардың ең қасиеттісі – еліңнің Тәуелсіздігі

Kyzylorda-news.kz. Облыс әкімі Гүлшара Әбдіқалықова Арал ауданындағы сапарынан кейін Қазалы ауданына барып, әлеуметтік нысандардың жұмысымен танысты. Әйтеке би кентінде пәтер кезегінде тұрған тұрғындар үшін 1 қабатты 4 пәтерлі 10 несиелік үйдің құрылысы жүруде. Өңір басшысы аталған нысанның құрылысымен танысып, аудан әкімі Мұрат Ергешбаевқа пәтердің жайлы әлі сапалы болуын басты назарға алу қажеттігін жеткізді.
Аймақ басшысы аудандағы өндірістік аймақтарды да аралады. «АгроОптСервис» ЖШС-нің көкөніс, жеміс-жидек сақтау қоймасына барып, нысанның қызметімен танысты. Жеке кәсіпкер Бекболат Бибалаев өз қаражатына жаңа қойма салып, халықтың ең қажетті деген өнімдерін базар бағамынан 15-20 пайыз төмен бағада саудалауда. Негізінен картоп, жуа, сәбіз бен жеміс-жидектер көрші елдерден тікелей жеткізіледі. Кәсіпкер бағаны тұрақтандыру арқылы халыққа өнімді тапсырыс арқылы үйлеріне дейін жеткізу қызметін енгізген. Қойма 500 тоннаға дейін өнім сақтауға қауқарлы.
Облыс әкімі «Жұмыспен қамту жол картасы» аясында жақында газға қосылған Ғ.Мұратбаев ауылына да барды. Г.Әбдіқалықова көгілдір отынға қол жеткізген елді мекеннің тұрғындарымен кездесіп, қуаныштарымен құттықтады. Айта кету керек, ауылдағы орамішілік газ құбырының 6,1 шақырым жоғары қысымды, 12,2 шақырымы төмен қысымды. Мұндағы 2 дана газ реттегіш пункті 293 тұрғын үйге газ желісін жеткізуге арналған.
Жалпы құны 243,1 млн теңге болатын жобаны «Сапақ» ӨК-і жүзеге асырған. Жылу жүйесін көгілдір отынға қосқан ауыл тұрғыны Шамшат Ербозова халықтың әлеуметтік жағдайын арттыруға бағытталған жұмыстар үшін аймақ басшысына алғысын жеткізді.
Облыс әкімінің Қазалы ауданына жұмыс сапары бүгін де жалғасады.
<img src="https://kyzylorda-news.kz/wp-content/uploads/2020/12/fb_img_1608135755938.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608135760813.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608135765407.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608135769754.jpg" alt="" />

Гүлшара Әбдіқалықова  жұмыс сапарымен Қазалы ауданына барды

Kyzylorda-news.kz. Бүгін «Nur Otan» партиясы атынан облыстық мәслихат депутаттығына үміткерлер Шакизада Әбдікәрімов, Дәулет Байғараев және аудандық мәслихат депутаттығына үміткер Парида Сарыбаева Қызылорда облысы, Қармақшы ауданының тұрғындарымен кездесу өткізді.
Аудандық жастар үйінде өткен басқосуда партияның сайлауалды бағдарламасын таныстырылып, үгіт-насихат жұмыстары жүргізілді. Сонымен қатар, үміткерлер партияның алдағы уақытта атқаратын толымды істерін тілге тиек етті. Нақтырақ айтсақ, 7 ауылдық округ аумағында жайылымдық және егістік жерлердің мақсатын өзгерту арқылы 11638 мың га суармалы жер көлемін кезең-кезеңімен кеңейту, ірі қара мал басын 32000 жеткізіп, мал шаруашылығын дамыту көзделуде. Ауылшаруашылық өнімдерін қайта өңдеудің жаңа нысандарын ашуға жағдай жасап, 2025 жылға дейін Жаңажол ауылдық округінде 1000 басқа арналған мал бордақылау алаңын құру жоспарлануда. Әрі 2021 жылы жылына 1,5 мың тонна құс етін өндіретін құс фабрикасы іске қосылатын болады.
<blockquote>
 «Nur Otan» партиясы ауыл азаматтарының өмір сапасын жақсартуды жақтайды. Осы бағытта «Ауыл – Ел бесігі» және «Құтты мекен» жобаларын іске асыру жалғасады. Тұрғындар таза суға және сапалы жолдарға, әлеуметтік және инженерлік инфрақұрылымға қол жеткізеді. 2021-2025 жылдары аралығында нысаналы топтарға, оның ішінде көп балалы отбасыларға 50 тұрғын үй құрылысының жүргізілуіне ықпал жасап, 2025 жылы 895 отбасы тұрғын үймен қамтылады, – деді облыстық мәслихат депутаттығына үміткер Шаһизада Әбдікәрімов.
</blockquote>
Үгіт жұмыстары арасында тұрғындар көкейтесті сауалдарын қойып, халықтың өмір сүру деңгейін жақсарту мақсатында сауда кәсіпорындарын дамытып, сапалы азық-түлікпен қамтамасыз етуді және медицинаны қол жетімді етсе деген ұсыныс-пікірін білдірді.
<blockquote>
 Кездесу барысында айтылған бұл мәселеге мәслихат депутаттығына үміткер Дәулет Байғараев «Халықтың әл-ауқатын арттыруда медицина саласының дамуы маңызды. Осы орайда, Дүр Оңғар, Тұрмағамбет дәрігерлік амбулаториялария ғимараттарын салып, орталық аудандық ауруханаға 3 жедел медициналық жәрдем автокөлігін сатып алуды мақсат етіп отырмыз. Сонымен қоса, медициналық ұйымдарды жоғары технологиялық жабдықтармен жарақтандыруға, медицина қызметкерлерінің біліктілігін арттыруға ден қоямыз» – деп жауап берді.
</blockquote>
Міне, осындай атқарылатын жұмыстар тізбегін хабардар болған тұрғындар алдағы күнге сеніммен қарап, өз ризашылықтарын білдірді.
«Nur Otan» партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2020/12/img-20201216-wa0028.jpg" alt="" />

Қармақшыда көп балалы отбасыларға 50 тұрғын үй құрылысы жүргізіледі

Kyzylorda-news.kz. Бүгін Тәуелсіздік мерекесінде облыс әкімі Гүлшара Әбдіқалықова Арал ауданына барып, бірқатар нысандарды ашты.
Аймақ басшысы алдымен аудандық Оқушылар үйін пайдалануға беру рәсіміне қатысып, жаңа ғимараттың жай-күйімен танысты. Оқушылардың игілігі үшін салынған нысанның ашылуымен құттықтап, лебізін білдірді.
<blockquote>
 “Барлықтарыңызды аудандық Оқушылар үйінің ашылуымен құттықтаймын. Жаңа нысанда өнерлі ұландар тәрбиеленіп, ауданның мәдени дамуына зор үлес қосады деп сенемін. Мұнда балғындар түрлі үйірмелерге қатысып, өз шығармашылықтарын шыңдайтын болады”, – деді облыс әкімі Гүлшара Әбдіқалықова.
</blockquote>
Нысанның құрлысы 2019 жылдың мамыр айында басталған. Сыйымдылығы 250 адамға лайықталған оқушылар үйінің құны 282,1 млн. теңгені құрады. Бас мердігер «SСS Инжиниринг» ЖШС-гі құрылыс жұмыстарын уақытылы аяқтады. Ғимараттың бірінші қабатында «Bioland», «IT» бағытындағы және «Би» үйірмелерінің бөлмелері орналасса, екінші қабатында «Шебер қолдар» үйірмесімен, фойеде суретшілермен жас қолөнершілердің көрмесі және акт залы бар.
Аймақ басшысы Шижаға елді мекеніндегі Дәрігерлік амбулаторияның ашылу рәсіміне де қатысты. Жаңа медициналық ғимарат 15 бөлмеден тұрады. Оның ішінде дәрігерге дейінгі көріну бөлмесі, қабылдау бөлмесі, тіркеу бөлмесі, егу бөлмесі, химизатор бөлмесі, әйелдер қарау бөлмесі, лаборатория, дәрі сақтайтын қойма, ана мен бала бөлмесі және күндізгі емдеу бөлмесі бар. Қазір мұнда 15 қызметкер жұмыс істейді. Жаңа нысан мемлекеттік-жекешелік әріптестік аясында бой көтерген. Облыс әкімі ауыл тұрғындарын жаңа нысанның ашылуымен құттықтап, амбулаторияның жұмысына сәттілік тіледі.
Сапары барысында облыс әкімі Жіңішкеқұм елді мекеніндегі №248 орта мектептің апаттық жағдайдағы спортзалын көріп, бақылады. Спортзал ғимаратын Қызылорда облысы мамандандырылған ауданаралық экономикалық сотының шешіміне сәйкес пайдалануға тиым салынған. Мұнан бөлек, «Баспана Қызылорда» ЖШС-нің сараптама қорытындысына сәйкес, ғимарат авариялық жағдайда деп танылған.
Мұнан кейін өңір басшысы Шөміш елді мекеніндегі кеңейтіліп және қайта жаңғырту жұмыстары жүргізілген ішкі су желісін пайдалануға беру рәсіміне қатысты. Аталған су желісінің ұзындығы 11,9 шақырымды құрайды. Ауыз су жүйесі «Өңірлерді дамыту-2020» бағдарламасы шеңберінде іске асқан. Шөміш ауылының ақсақалы Қосмырзалы Шаханов ел игілігіне бағытталған игі іс көпшілікке қуаныш сыйлағанын айтып, облыс әкіміне алғысын білдірді.
Облыс әкімі Гүлшара Әбдіқалықованың Арал ауданындағы сапары Қамыстыбас елді мекені тұсындағы «Батыс Еуропа – Батыс Қытай» автодәлізінің бойында орналасқан жеке кәсіпкер Жалғасбеков Талғаттың жол бойғы қызмет көрсету кешенінде қорытындыланды. Кәсіпкер кешенді 200 млн.теңгеге өз қаражаты есебінен салған. Мұнда 80 адамға арналған ас бөлмесі, 10 жатын бөлме және намаз оқитын орын бар. Жаңа нысан жанынан жанар май құю бекеті де орналасқан. Облыс әкімі кәсіп иесін жаңа нысанның ашылуымен құттықтап, кешен жұмысына сәттілік тіледі.
Арал ауданындағы сапары соңында өңір басшысы аудан әкімі Мұхтар Оразбаевқа мемлекеттік бағдарламаларды іске асыру нәтижелері бойынша межеленген жұмыстарды жалғастыруды және тұрғындардың сақтық шараларын сақтау мәселесін назарда ұстауды тапсырды.
<img src="https://kyzylorda-news.kz/wp-content/uploads/2020/12/fb_img_1608123722879.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123727777.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123732540.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123734712.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123737614.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123741508.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123746534.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608123743979.jpg" alt="" />

Аймақ басшысы Арал ауданына барды

<a href="https://kyzylorda-news.kz/">Kyzylorda-news.kz</a>. Жануарлардың коронавирус жұқтыруы әлемде індетпен күресті айтарлықтай қиындатуы мүмкін.
Испандық ғалымдар осылай деп отыр. Олар гендік зерттеулердің математикалық моделін құрған. Айтуларынша, коронавирусты жұқтыру қаупі жоғары жануарлар тобына күзендер жатады. Ал ит пен мысықтың керісінше, ондай мүмкіндігі төмен көрінеді.
Айта кеткен жөн, бұған дейін әлемнің бірнеше елінде қаракүзендердің COVID-19 жұқтыру деректері расталған еді. Ал, тақауда Испания хайуанаттар бағындағы арыстандар мен АҚШ-тағы қар барысында індет іздері анықталды.
<a href="https://24.kz/kz/zha-aly-tar/bylu-manyzdy/item/442336-aj-zhanuardy-koronavirusty-zh-tyru-aupi-zho-ary">Хабар 24</a>

Қай жануардың коронавирусты жұқтыру қаупі жоғары?

<a href="https://kyzylorda-news.kz/">Kyzylorda-news.kz</a>. Кетогендік диета кезінде ұннан жасалған тағамдар мен тәттіден бас тарту қажет. Көмірсуды аз қолдану ағзадағы “жаман” холестерин процентін азайтады, деп хабарлайды&nbsp;<a href="https://sputnik.kz/society/20201214/15729478/koronavirus-tamaq.html">SputnikҚазақстан.</a>
Мамандар тамақтанудың мұндай тәсілі қандағы қант деңгейін тұрақтандыратынын айтады. Зерттеу нәтижесінде диета плазмадағы кетон денелері деңгейін арттыратынын көрсетті.
<blockquote>
 “Тамақтанудың бұл тәсілі бейімді иммундық жасушалар қызметін жақсартып, коронавирус жұқтыру қаупін азайтады”, – делінген зерттеуде.&nbsp;
</blockquote>
Ғалымдар катогендік диета Т-лимфоцит рецепторымен байланысты жасушалар таралуына септесетінін анықтады. Сондай-ақ, қабынуға қарсы әсері бар.
Бұл диетада калориялардың 60-70%-і майлардан, 20-30%-і ақуыздан және 10 проценті көмірсулардан болуы керек. Майды өсімдік майы, ет, балық, ірімшік, қаймақ, тәтті емес йогурт, жұмыртқа, авокадо және жаңғақтардан алуға болады. Бұл өнімдердің дені ақуызға бай. Ал көмірсулар көкөніс, тәтті емес жеміс-жидектен алынады.&nbsp;&nbsp;
Бірақ гарнирге ботқа, макарон, картоп жемеген жөн. Тәтті мен алкогольдік ішімдікке тыйым салынады.&nbsp;
Алайда кез келген диета сынды, мұны да барлығы бірдей ұстана алмайды, Бүйрек, бауыр, сүйек сырқаты барлар мен командалық спорт түрімен айналысатындарға арналмаған.

Коронавирустан қорғану үшін қалай тамақтану керек

Kyzylorda-news.kz. Лондонда өткен «Супер әлемдік талант-2020» онлайн байқауында қызылордалық «Айшуақ» би тобы бірінші орынға ие болды.
Жас өнерпаздар халықаралық байқауда І дәрежелі дипломмен марапатталды. Би тобына Динара Оразова жетекшілік етеді.
Айта кетейік, «Айшуақ» би тобы Бұдабай Қабылұлы атындағы Шиелі аудандық мәдени-шығармашылық орталығы жанынан құрылған. Орталықта 10-13 жастағы өрендер тәлім алады.

Лондонда өткен байқауда қызылордалық бишілер жеңіске жетті

Kyzylorda-news.kz. «Менің туым, Менің Отаным!» бұқаралық челленджі аясында Қызылорда облысында барлығы 40 нысанға жүздеген Мемлекеттік ту орналастырылды. Сондай-ақ, барлық ауданда авто, вело, аттылы шеру өткізілді.
Ұлық мерекеде Сырдария ауданында аттылар шеруі ұйымдастырылды. Оған 30 шабандоз қатысып, Туды көкте самғатқан шабандоздар аудан орталығындағы көшелерімен жүріп өтті.
<blockquote>
 “Патриоттық шара жастарға қажет. Көше бойымен көк байрағымызды алып жүру арқылы біз ел бірлігі мығым, татулығымыз тұрақты екенін дәріптейміз. Жалпы, осындай бейбіт күнде өмір сүруіміз – Тәуелсіздігіміздің арқасы. Мереке құтты болсын”, – дейді атты шеруге қатысушы Хамзат Кеңесбаев.
</blockquote>
Бұған қоса, авто, вело шерулер барлық ауданда ұйымдастырылды. Жастар еліміздің Көк байрағын орталық көшелерімен алып өтіп, ұлықтауда. Көк Туымен тұғырлы болған Қазақ елі мәңгіліктің даңғылына түскен керуен көшінің өн бойында жаңа заманның жылы лебі еседі. Шұғылалы күннің астында қалықтап ұшқан қыран да қазақтың алар биігі асқақ екенінен сыр шертетіндей. Рухымызды аспандатар көк байрағымызды жоғары көтерген шерушілердің басты мақсаты – Тәуелсіздіктің қадірін ұлықтау, өскелең ұрпақтың бойына патриоттық сезім ұялату.
Мереке күндері бұл шаралар лайықты жалғасын табады.
<img src="https://kyzylorda-news.kz/wp-content/uploads/2020/12/fb_img_1608107641777.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608107649157.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608107646888.jpg" alt="" />

Қызылордада авто, вело, аттылар шеруі өтті

Kyzylorda-news.kz. Құрметті жерлестер! Қадірлі қызылордалықтар! Баршаңызды ата-бабаларымыздың асқақ арманы орындалып, елдік пен еркіндіктің, егемендіктің, бақытымыздың бастауы болған ұлы мереке – Қазақстан Республикасының Тәуелсіздік күнімен шын жүректен құттықтаймын!
Тәуелсіздік – шекарамызды шегендеп, ел еңсесінің биіктеуіне, егемендігімізге қолымыз жетіп, туымыз тұғырына нық орнауына негіз болды. Қазақ мемлекетін ұлы болашаққа бастап, тіліміз бен дініміз, дәстүр-салтымыз мен әдет-ғұрпымыздың қайта жаңғырып, халқымыздың теңдігі мен тұрақтылығына жол ашты.
Қазақстан өз тәуелсіздігін алған 30 жылға жуық уақыт ішінде тарихын түгендеп, барын бағамдап, асылын ардақтаған, елдігін талайға мойындатып, ұлтымыздың ұлылығын дәлелдеген халқы біртұтас, бірлігі бекем қуатты да кемел елге айналды.
Халқының береке-бірлігі артып, бір шаңырақ астында сан түрлі «Рухы бір – қандас, жүрегі бір – жандас» ұлт пен ұлыстың тыныштығы мен тұрақтылығын сақтап, Ұлы достықтың ордасы, бейбітшілік пен татулықтың мекені болды. Елімізді бұл толайым табыстарға, мол жетістіктерге жеткізген Елбасымыз Нұрсұлтан Әбішұлы Назарбаевтың сарабдал саясаты екені сөзсіз.
Елбасының бастамасымен өмірге келген жаңа бағдарламалар мен Мемлекет басшысының тың идеяларының ықпалымен Сыр елінің орталығы – Қызылорда қаласы да өрелі өзгерістердің алдыңғы шебінен көрініп, жарқын жетістіктерімен, жаңашылдықтарға жетіп, көш түзеп келеді.
Тұтас халықтың татулығы мен ауызбіршілігін арттырып, ел іргесін бекемдеп, Отанымыздың айбынын асқақтатып, тұрақты дамуы мен кемелденуінің негізі болған, күллі Қазақстан азаматтары үшін қадір тұтар басты байлығымыз – Тәуелсіздігіміз мәңгі болып, мәңгілік елге бағыт алған сапарымыз сәтті, ел еңсесі биік, болашағы жарқын, еліміз тыныш, Елбасымыз аман болғай!

Нұрлыбек Нәлібаев: Бірлігі бекем, қауатты да кемел елге айналды

Kyzylorda-news.kz. Өткен тәулікте Қазақстанда коронавирус инфекциясын жұқтырудың 749 жағдайы тіркелді, деп хаьарлайды coronavirus2020.kz.
Өңірлер бойынша:
Шығыс Қазақстан облысында – 17954 (+64),
Нұр-Сұлтан қаласында -17267(+86),
Алматы қаласында – 17201(+77),
Атырау облысында – 12206(+60),
Қарағанды облысында – 11541(+31),
Батыс Қазақстан облысында – 8645(+38),
Павлодар облысында – 7885(+80),
Солтүстік Қазақстан облысында – 7644(+65),
Қостанай облысында – 6539(+70),
Алматы облысында – 6313(+49),
Ақмола облысында – 6340(+65),
Шымкент қаласында -5443(+4),
Жамбыл облысында – 4762(+32),
Ақтөбе облысында -3588(+3),
Түркістан облысында – 3554(+7),
Маңғыстау облысында – 3519(+9),
Қызылорда облысында -3334(+9).
Пандемия басталғалы елімізде коронавирус инфекциясын жұқтырғандар саны 143 735 жетті.

Қазақстан және Қызылорда облысының жаңалықтары

Қызылордада 2 адам коронавирус жұқтырды

Облыстардың бірі коронавирустың “қызыл” аймағына кірді

Дана Нұржігіт: Мәңгілік ұғымдардың ең қасиеттісі – еліңнің Тәуелсіздігі

Гүлшара Әбдіқалықова жұмыс сапарымен Қазалы ауданына барды

Қармақшыда көп балалы отбасыларға 50 тұрғын үй құрылысы жүргізіледі

Аймақ басшысы Арал ауданына барды

Қай жануардың коронавирусты жұқтыру қаупі жоғары?

Коронавирустан қорғану үшін қалай тамақтану керек

Лондонда өткен байқауда қызылордалық бишілер жеңіске жетті

Қызылордада авто, вело, аттылар шеруі өтті

Нұрлыбек Нәлібаев: Бірлігі бекем, қауатты да кемел елге айналды

COVID-19: Қызылордада өткен тәулікте 9 адам тіркелді

Қазақстан және Қызылорда облысының жаңалықтары

Қызылордада 2 адам коронавирус жұқтырды

Облыстардың бірі коронавирустың &#8220;қызыл&#8221; аймағына кірді

Дана Нұржігіт: Мәңгілік ұғымдардың ең қасиеттісі – еліңнің Тәуелсіздігі

Гүлшара Әбдіқалықова жұмыс сапарымен Қазалы ауданына барды

Қармақшыда көп балалы отбасыларға 50 тұрғын үй құрылысы жүргізіледі

Аймақ басшысы Арал ауданына барды

Қай жануардың коронавирусты жұқтыру қаупі жоғары?

Коронавирустан қорғану үшін қалай тамақтану керек

Лондонда өткен байқауда қызылордалық бишілер жеңіске жетті

Қызылордада авто, вело, аттылар шеруі өтті

Нұрлыбек Нәлібаев: Бірлігі бекем, қауатты да кемел елге айналды

COVID-19: Қызылордада өткен тәулікте 9 адам тіркелді

Облыстардың бірі коронавирустың “қызыл” аймағына кірді