<a href="https://kyzylorda-news.kz/">Kyzylorda-news.kz</a>.&nbsp; Жапония үкіметі Токиода 12 шілде мен 22 тамыз аралығында коронавирус инфекциясына байланысты төтенше жағдайды енгізеді, деп хабарлайды <a href="https://lenta.inform.kz/kz/12-shildeden-bastap-tokioda-koronaviruska-baylanysty-totenshe-zhagday-rezhimi-engiziledi_a3809671">ҚазАқпарат</a>.
Бұл туралы Инфекцияның таралуына қарсы күрес жөніндегі орталық штабтың қызметін үйлестіретін Жапонияның экономикалық қалпына келтіру министрі Ясутоши Нишимура журналистерге бейсенбіде сараптама комиссиясының отырысында айтты.
<blockquote>
 «Токиода инфекциялар санының көбею тенденциясы жалғасуда, бұған қоса, дельта штамы таралуда. Сондықтан инфекцияны болдырмау және денсаулық сақтау жүйесін қорғау үшін біз 12 шілде мен 22 тамыз аралығында төтенше жағдай режимін енгіземіз», – деді ол .
</blockquote>
Осылайша, төтенше режим Токиода Жапония астанасында 23 шілде мен 8 тамыз аралығында өтетін жазғы Олимпиада ойындары кезінде жұмыс істейді.
Нишимура сонымен қатар осы мерзімге министрлер кабинеті Окинаваның оңтүстік префектурасында төтенше жағдай режимін енгізіп жатқанын мәлімдеді. Сонымен қатар, Чиба, Сайтама және Канагава шығыс префектураларында, сондай-ақ батыс Осакада инфекцияның таралуына қарсы күшейтілген шаралар 22 тамызға дейін ұзартылды.

12 шілдеден бастап Токиода коронавирусқа байланысты төтенше жағдай режимі енгізіледі

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 2800 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 794, 
Алматы қаласы – 340, 
Шымкент қаласы – 133, 
Ақмола облысы – 129, 
Ақтөбе облысы – 67, 
Алматы облысы – 86, 
Атырау облысы – 149, 
Шығыс Қазақстан облысы – 80, 
Жамбыл облысы – 41, 
Батыс Қазақстан облысы – 176, 
Қарағанды облысы – 349, 
Қостанай облысы – 54, 
Қызылорда облысы – 47, 
Маңғыстау облысы – 154, 
Павлодар облысы – 126, 
Солтүстік Қазақстан облысы – 45, 
Түркістан облысы – 30.
Жалпы ел бойынша ауырғандар саны 445091.

Қызылордада 47 адам коронавирус жұқтырды

<a href="https://kyzylorda-news.kz/">Kyzylorda-news.kz</a>.&nbsp; Қазгидромет 8 шілдеге арналған ауа райы болжамын жариялады.
Республиканың басым бөлігінде құбылмалы ауа райы сақталады. Найзағай жарқылдап, жаңбыр күтіледі, батыста, солтүстік-батыста – қатты жаңбыр жауады. Еліміздің тек солтүстігінде ғана жоғары қысымды алқаптың әсерінен жауын-шашынсыз ауа райы күтіледі. Республиканың кей жерлерінде шаңды дауылмен жел соғады, батысында, солтүстік-батысында және шығысында – бұршақ күтіледі.
Қызылорда облысының басым бөлігінде өте жоғары өрт қаупі сақталады.

8 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Аймақта коронавирус инфекциясының 7392 жағдайы тіркелді. Оның 45,8 пайызы өткен жылы анықталса, ал биыл қаңтар мен шілде айының 6-шы жұлдызындағы көрсеткіш 54 пайызды құрайды. Бұл туралы Өңірлік коммуникациялар қызметінің ақпараттық алаңында өткен брифингте облыстық санитариялық-эпидемиологиялық бақылау департаментінің басшысы Динара Жаңабергенова мәлімдеді.
Сондай-ақ, облыста мутацияланған «ҮНДІ» штамының бар екендігі дәлелденген болатын. Яғни, республикаға референс зертханасына 22 сынама жолданып, оның 13-нен вирус штамының серотипі анықталды.
<blockquote>
 «Республика көлемінде, оның ішінде біздің облысқа да мутацияланған «Үнді» штамының тасымалдануына байланысты ауру күннен күнге көтеріліп, эпидемиологиялық ахуал күрделеніп келеді. Соңғы кездері аурудың басым көпшілігі клиникалық белгілерімен ауыр ағымда анықталуда. Сонымен қатар, 14 жасқа дейінгі балалар арасында, оның ішінде 1 жасқа дейінгі нәрестелер арасынан да анықталуы бізді алаңдатуда. Мысалыға айта кететін болсақ, салыстырмалы 2020 жылы балалар арасында 50 жағдай тіркелсе, ал жыл басынан бері балалар арасында 280 жағдай анықталып отыр. Соңғы зерттеулер көрсеткендей, коронавирустың «Үнділік» штамы ауруханаға жатқызу мен өлім-жітімнің жоғары ықтималдығымен байланысты. Инфекциядан қорғанудың бірден бір жолы COVID-19 вирусына қарсы вакцинаның толық курсын алу»,-деді Динара Олжабайқызы.
</blockquote>
Айта кетейік, өңірде 106 екпе кабинеті болса, 3 егу пункті ірі сауда орталықтарында ұйымдастырылған.

Қызылордада  эпидахуал күрделі

Kyzylorda-news.kz. Бүгін облыс әкімі Гүлшара Әбдіқалықова Германияның халықаралық ынтымақтастық жөніндегі қоғамының «Арал өңірінің экологияға бағытталған өңірлік дамуы» жобасының өңірлік басшысы Паул Шумахермен кездесті.
<blockquote>
 “Бүгінгі кездесу екі жақты жемісті ынтымақтастықты одан әрі кеңейтіп, жақсы дәстүрге айналады деп сенемін. 2021 жылы Қазақстан Республикасының экология, геология және табиғи ресурстар министрлігі мен GIZ (Джи ай зэт) арасында «Арал өңірінің экологияға бағытталған өңірлік дамуы» өңірлік жобасын іске асыру туралы келісімге қол қойылғаны белгілі. Экологиялық жағдайды жақсарту, сондай-ақ Арал теңізінің құрғаған табанының қазақстандық бөлігінде құмдардың қозғалуын болдырмау мақсатында донорлардың қаражаты есебінен фито-орман мелиорациялық жұмыстарын жүргізіп жатырмыз. Мемлекет басшысының тапсырмасы бойынша 2030 жылға дейін Арал теңізінің құрғаған түбіне 1,1 млн. га жерге сексеуіл отырғызу жоспарлануда”, – деді Гүлшара Әбдіқалықова.
</blockquote>
Жоба Қазақстан мен Өзбекстан елдеріне Арал өңірінің трансшекаралық, экологиялық, экономикалық дамуын қамтамасыз етуге мүмкіндік береді. Сондай-ақ, шағын және орта кәсіпкерліктің әлеуетін арттыруға, министрліктер мен мемлекеттік ведомстволар өкілдерінің ахуалдың өзгеруіне төзімді және экологиялық бағдарланған инвестициялық шешімдер қабылдауына ықпал етеді.
Паул Шумахер жұмысшы топтың Қызылорда аймағына келу мақсаты Өзбекстан мен Қазақстан арасындағы трансшекаралық ынтымақтастықты дамыту, жобалық серіктестермен танысу, ынтымақтастықты одан әрі талқылау екенін атап өтіп, әрі қарай да екі жақты әріптестікті дамытуға ниетті екенін айтты.
Халықаралық ынтымақтастық жөніндегі Германия қоғамы (GIZ) өз қызметін Қазақстанда 1990 жылдан бастап жүзеге асырып келеді және Германияның экономикалық ынтымақтастық және Даму Федералды министрлігінің (BMZ) тапсырмасы бойынша жұмыс істейді.
Кездесу соңында аймақ басшысы аталған жобаның шағын және орта кәсіпкерлікті дамытуға, ауыл шаруашылығы өнімдерін қалдықсыз өңдеуге, тауарлы балық өсіруді, экологиялық туризм мен жобаларды дамытуға жұмыс жасайтынына сенім білдіріп, қолдайтынын жеткізді.
<img src="https://kyzylorda-news.kz/wp-content/uploads/2021/07/fb_img_1625659787021.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659790627.jpg" alt="" />

Қызылорда облысының әкімі Паул Шумахермен кездесті

Kyzylorda-news.kz. Бүгін облыс әкімі Гүлшара Әбдіқалықова аймақтағы эпидемиологиялық ахуалдың күшейіп, індеттің таралу деңгейінің артуына байланысты бірқатар медициналық мекемелерді аралап, дайындығын саралады.
Алдымен аймақ басшысы жұқпалы аурулар ауруханасына барып, қызметін бағдарлады. Биылғы жылдың 5 айында жұқпалы аурулар ауруханасына 959 науқас түсіп, 875 азамат індеттен айыққан. Қазіргі таңда ауруханада 185 науқас ем қабылдап жатыр. 200 төсек орынға лайықталған ауруханада дәрі-дәрмектің қажетті қоры қалыптасып, оперативті мамандар жұмысы жолға қойылған.
Облыс әкімі соңғы уақытта өңірдегі вирус деңгейінің күрделеніп, үнділік Дельта штамм белгілерінің таралуы себепті сақтық шараларын қатаң түрде күшейтіп, науқастарды емдеуде қосымша төсек-орынды әзірлеп, алгоритмдерді жедел іске қосу қажеттігін қаперге салды.
<blockquote>
 “Қазір вирустың мутацияланған белгілері анықталуда. Өкінішке орай, Дельта штаммы біздің өңірде де көрініс тауып жатыр. Індетті жеңу үшін ұжымдық иммунитетті қалыптастырып, тұрғындарды белсенді түрде екпе егу жұмыстарына шақыруымыз қажет. Егде азаматтарды, балаларды вирустан қорғау үшін медициналық ұйымдар қажетті шараларды қарқынды түрде іске асыруы қажет”, – деді Гүлшара Әбдіқалықова.
</blockquote>
Бүгінде облыста індет жұқтырған 7392 адам тіркелсе, оның 92 пайызы жазылды. Ал, пневмониямен ауырған 1338 науқастың 1194-і емделіп шықты. Бұл ретте стационарларда 570 төсек-орын ұйымдастырылды. Егер індет күшейген жағдайда инфекциялық және провизорлық стационарларда төсек-орын қорын 3200-ге дейін ұлғайтуға мүмкіндік бар. Сонымен бірге 518 орын орталықтандырылған оттегімен жабдықталған. Қазіргі уақытта 262 науқас инфекциялық стационарларда ем алып, жүктемесі 46 пайызға жетсе, 29 науқас реанимациялық төсек орындарында ем қабылдап, жүктемесі 33 пайызды құрады. Сонымен бірге, өңірде 138 дәрігерлік мобильдік топ үйден ем жасап, науқастарға уақытылы жетіп, қажетті ем-шара жүргізуде.
Мұнан кейін өңір басшысы «СК-Фармация» ЖШС дәрі-дәрмек қоймасына барып, медициналық препараттар қорын бақылады. Гүлшара Әбдіқалықова жауапты сала басшыларына өңірде дәрілік заттарды жеткізуде айтарлықтай проблема болмау қажеттігін тапсырды. Бүгінде «СК-Фармация» ЖШС құны 371 миллион теңгені құрайтын дәрі-дәрмек қоры бар. Әсіресе, коронавирусқа қарсы дәрілер жеткілікті мөлшерде әкелінген. Науқастарға қажетті дәрілер медициналық нысандар мен дәріханаларға тұрақты жеткізілуде.
Облыс әкімі Гүлшара Әбдіқалықова екпе егу кабинеттерінің жұмысын саралау үшін Қызылорда қаласындағы №3 емханаға да барды. Мұнда тұрғындарға вакцина салуға қажетті бірнеше егу кабинеті ашылып, мобильді дәрігерлердің жұмысы жолға қойылған. Вакцинация кезеңі басталған уақыттан бері емханадан 13 мың аса тұрғын екпенің бірінші компонентін, 8350 адам екінші компонентін салдырған. Вакцинаның екінші кезеңін алу белгіленген тәртіппен жалғасуда. Емхана жұмысын саралаған облыс әкімі емхананың бас дәрігеріне екпе алу процедурасы кезінде тұрғындардың шоғырлануын болдырмас үшін күту залдарын реттеп, жұмысты үйлестіруді тапсырды.
Бүгінде екпе егу жұмыстарын қарқынды іске асыруда өңірде 106 егу кабинеті ашылған. Оған 133 мейірбике мен 89 дублер тартылған. Ал, вакциналарды сақтауға 40 тоңазытқыш 179 термоконтейнер және жаңа 20 белсенді термоконтейнер жасалған. Медициналық нысандарды аралау барысында облыс әкімі көпбейінді балалар ауруханасына аялдап, нақты ахуалды таразылады.
Өз кезегінде Гүлшара Әбдіқалықова аурухана басшылығына бірқатар тапсырмалар берді. Соңғы кездері балалар арасындағы аурушаңдықтың көбеюі себепті аурудың алдын алу жұмыстарын әлде де күшейтуді міндеттеді.
Айта кету керек, облыста екпені I компоненті бойынша 171 370 доза егілсе, II компонент бойынша 92 095 доза салынды. Қалған дозалар кестеге сәйкес жүргізілуде.
<img src="https://kyzylorda-news.kz/wp-content/uploads/2021/07/fb_img_1625659031162.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659036208.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659039712.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659042550.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659045320.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659048944.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625659056573.jpg" alt="" />

Гүлшара Әбдіқалықова медициналық нысандарды аралап, індетпен күрес амалдарын күшейтуді тапсырды

Kyzylorda-news.kz. Қазақстан Республикасы Парламенті Мәжілісінің депутаты Бақытбек Смағұл Қазалы ауданына сапары кезінде Қызылқұм беткейіндегі малшылармен кездесті.
Халық қалаулысымен кездесуде шаруалар өңірдегі орын алған қиыншылықтарды тілге тиек етіп, көмек қолын созуды сұрады. Шаруалардың айтуынша биыл қуаңшылықтың кесірінен жерге көк шықпай, төрт түлік жейтін шөп пен ішетін су таппай қиналуда. Бір қуанарлығы, Қызылқұм беткейдегі халықтың малы ауыл маңындағы бұлақтардан су ішіп, аман қалуда.
Өз кезегінде Мәжіліс депутаты Бақытбек Смағұл бұл тығырықтан шығудың жолдары қарастырылатынын айтып, «малым – жанымның садақасы» деген ағайынға қалай да көмек берілетінін жеткізді.

Бақытбек Смағұл шалғайдағы шаруалармен жүздесті

Қысқа мерзімде дайындалған вакциналар қауіпсіз бе?

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасына қала тұрғыны арыз түсірді.
Белгілі болғандай, кешкілік уақытта белгісіз біреулер шаштараз ішінен банкомат карточкалары мен құжаттарын, «Самсунг» үлгісіндегі флешка және ақшасы салынған әмиянын ұрлап кеткен. Қазіргі таңда жәбірленушіге келтірілген шығын есептелуде.
Ақсай полиция бөлімінің полицейлері жедел-іздестіру шараларын жүргізіп, күдікті ретінде 23 жастағы қала орталығының тұрғынын ұстады. Ол өз кінәсін толықтай мойындады.
Күдіктіге қатысты ешқайда кетпеу және тиісті мінез-құлық туралы қолхат түріндегі бұлтартпау шарасы таңдалды.
Оған қатысты Қазақстан Республикасы Қылмыстық кодексінің 188-бабының 1-бөлігі (Ұрлық, яғни бөтеннің мүлкін жасырын ұрлау) бойынша сотқа дейінгі тергеп-тексеру амалдары жүргізілуде.

Қызылордалық полицейлер ұрыны қолға түсірді

<a href="https://kyzylorda-news.kz/">Kyzylorda-news.kz.</a> Қазақстан мұсылмандары діни басқармасы биыл құрбандық шалу рәсімі қалай атқарылатынын түсіндірді.
2021 жылы құрбан шалу рәсімі екі жолмен өткізіледі.
Ол:
Мемлекеттік санитарлық-эпидемиологиялық қадағалау органдары тарапынан рұқсат берілген жергілікті қасапханаларда санитарлық ережелерді қатаң сақтай отырып құрбан шалу, яғни дәстүрлі жолмен ұйымдастыру.
Бүгінгі пандемия жағдайында құрбан шалушыға қолайлы жағдай жасау және көмекке мұқтаж жандарды қолдау мақсатында өткен жылдың тәжірибесі негізінде www.qurban2021.kz сайты арқылы тапсырыс беріп, онлайн режимде құрбандық шалу.
<blockquote>
 “Карантин жағдайында қалада тұрып жатқан азаматтар үшін қашықтықтан өз атынан құрбан шалуға тапсырыс беру – оңтайлы шешім. Шариғат бойынша адам өзінің атынан басқа кісіні белгілі бір іске уәкіл ете алады. Өйткені адам баласы кейбір жағдайда бір істі орындауға мүмкіндігі болмай қалады. Осы кезде біреудің көмегіне жүгінеді, яғни сол істі оған тапсырады, оны өзінің атынан уәкіл етеді”, – дейді мүфтият мамандары.
</blockquote>
Осы орайда діни басқарма ауылдық жерде жеке тұрғын үйде тұратын әр адамның мұсылмандық міндетін атқаруына ешқандай шектеу жоқ екенін ерекше атап өтті. Ал www.qurban2021.kz сайтында тапсырыстар 20 шілде күні айт намазынан кейін қабылданады. Мұқтаж отбасылардың өтініштерін қабылдау, сараптау және құрбандық еттерін жеткізіп беру жұмыстарымен мүфтияттың жергілікті өкілдіктері айналысады.
<blockquote>
 “ҚМДБ қаржыға араласпайды. Құрбандыққа шалынатын түлік бағасы жергілікті нарық бағасымен көрсетіледі. Осы орайда еліміздің әр аймағындағы малдың бағасы әртүрлі екенін ескеру қажет. Нұр-Сұлтан, Алматы, Шымкент және облыс орталықтарында малдың бағасы бірдей болмауы мүмкін. Ал тапсырыс берушіден түскен қаражат мал иесіне, яғни сатушыға тікелей беріледі. Өйткені бұл делдалдық қызмет емес. Көрсетілген сомаға қасапшының қызметі ғана кіреді”, – деп атап өтті мүфтият өкілдері.
</blockquote>
Онлайн тапсырыс беру кезінде құрбандық етін бөлшектеп, мұқтаж жандарға тарату сынды барлық ұйымдастыру жұмыстарын мешіт жамағаты мен еріктілер тегін атқарады.
Осы орайда діни басқарма құрбан шалу кімге уәжіп екенін тағы бір мәрте еске салды. Ханафи мәзһабында құрбан айт күндері бай адамға құрбан шалу – уәжіп (міндет). Ал шариғат “бай” деп мал-дүниесі нисап мөлшеріне жеткен адамды айтады.
Нисап мөлшері – 40 қой (ешкі), 30 ірі қара, 5 түйе немесе қажеттілігінен артық 85 гр алтын (1 230 000 теңге) қаражат. Мал-дүниесі нисап мөлшеріне жетпеген, яғни жағдайы төмен мұсылманға құрбан шалу міндет емес.

20-22 шілде &#8211; Құрбан айт мерекесі &#8211; құрбан шалу тәртібі қандай?

<a href="https://kyzylorda-news.kz/">Kyzylorda-news.kz</a>. ҚР Ақпарат және қоғамдық даму министрлігі облыстық маңызы бар қалалардың аумақтық сайлау комиссияларының шешімдерімен ағымдағы жылдың 25 шілдесіне Қазақстан Республикасының аудандық маңызы бар қалаларының, ауылдарының, кенттерінің, ауылдық округтерінің 730 әкімін сайлау тағайындалғанын хабарлайды.
«Қазақстан Республикасындағы сайлау туралы» Конституциялық заңның 28-бабы 3-тармағының талаптарына сәйкес эфирден және баспасөзден орын беру төлемінің мөлшері, шарттары мен тәртібі туралы мәліметтерді тиісті бұқаралық ақпарат құралы сайлау алдындағы үгітті жүргізу басталғанға дейін бес күннен кешіктірмей (2021 жылғы 9 шілдеден кешіктірмей) хабарлап, жариялауға тиіс.
Бұқаралық ақпарат құралдары эфир мен баспасөз бетінен орын беру төлемінің мөлшері, шарттары мен тәртібі туралы мәліметтер жарияланғанға дейін кандидаттардың үгіт материалдарын орналастыру, тарату үшін эфир уақытын, баспасөз бетінен орын бере алмайды (осы норманы бұзу лауазымды адамдарға – 30 АЕК мөлшерінде, заңды тұлғаларға 50 АЕК мөлшерінде айыппұл салуға әкеп соғады).
Аудандық маңызы бар қалалардың, ауылдардың, кенттердің, ауылдық округтердің әкімдерін сайлау бойынша эфир және баспасөз бетінен орын беру төлемінің мөлшері, шарттары мен тәртібі туралы мәліметтер аумақтық сайлау комиссияларына берілуі тиіс.
«Қазақстан Республикасындағы сайлау туралы» Конституциялық заңның 27-бабы 2-тармағының талаптарына сәйкес сайлау алдындағы үгiт кандидаттар тiркелген мерзімі аяқталған кезден басталып, сайлау болатын күннің алдындағы күнгi жергілiктi уақыт бойынша нөл сағатта аяқталады.
Осылайша, сайлау алдындағы үгіт 2021 жылғы 14 шілде жергілікті уақытпен сағат 18:00-ден кейін басталып, 2021 жылғы 24 шілде жергілікті уақытпен сағат 00:00-де аяқталады.

Әкімдер сайлауының алдындағы үгіт 14 шілдеде басталады

<a href="https://kyzylorda-news.kz/">Kyzylorda-news.kz</a>. Жыл сайын жаз айында Парламент депутаттары әр аймаққа іссапарға шығып, халықпен кездеседі, олардың ұсыныс-пікірлерін тыңдайды.
Жылдағы дәстүрге сай биыл да Қазақстан Республикасы Парламенті Мәжілісінің депутаты Бақытбек Смағұл Қазалы ауданына арнайы келді.
Іссапар кезінде «Жанқожа батыр» атындағы шекара бөлімшесіне барып, шекарашылардың тыныс-тіршілігімен танысты. Елдің шетінде, желдің өтінде еліміздің тыныштығы мен қауіпсіздігін қалт жібермей күзетіп жатқан шекарашыларға алғысын айтып, қызметтеріне сәттілік тіледі.
Мұнан соң «Жанқожа батыр» атындағы шекара бөлімшесінің бастығы Ержан Елемесовке Бауыржан Момышұлы атындағы «Батыр шапағаты» медалін табыстады. Сонымен қатар, шекарашыларға өзінің «Паншер патшасы» атты авторлық кітабын сыйға тартып, патриоттық рухқа толы өзінің өлеңдерін оқыды.
Қазақстан Республикасы Парламенті Мәжілісінің депутаты Бақытбек Смағұлдың Қазалы ауданына сапары кезінде аудандық мәслихат депутаты Райымбек Бөлебаев, аудандық полиция бөлімі бастығының орынбасары Еркебұлан Жүрсінбаев бірге жүрді.
Айта кетейік, 2017 жылы Қазақстан Республикасы Ұлттық қауіпсіздік комитеті Шекара қызметінің Қызылорда облысы бойынша департаметінің «Қызылқұм» шекара бөлімшесіне ұлт-азаттық қозғалысының көрнекті өкілі, отаршылдарға қарсы Сыр бойындағы халық көтерілісінің басшысы, қазақ даласының хас батыры – Жанқожа Нұрмұхаммедұлының есімі берілді.
Шекара бөлімшесіне батыр бабамыздың есімі берілуіне Бақытбек Смағұлдың еңбегі ерекше. Тиісті орындарға халқына қорған болған Жанқожа батырдың ерліктерін жеткізіп, «Қызылқұм» шекара бөлімшесіне атын беру туралы ұсыныс береді. Жерлесіміздің ұсынысы 2017 жылы Үкімет тарапынан қолдау тапқан болатын.
<img src="https://kyzylorda-news.kz/wp-content/uploads/2021/07/fb_img_1625649992974.jpg" alt="" />
<img src="https://kyzylorda-news.kz/wp-content/uploads/2021/07/fb_img_1625650001268.jpg" alt="" />

Қазақстан және Қызылорда облысының жаңалықтары

12 шілдеден бастап Токиода коронавирусқа байланысты төтенше жағдай режимі енгізіледі

Қызылордада 47 адам коронавирус жұқтырды

8 шілдеге арналған ауа райы болжамы

Қызылордада эпидахуал күрделі

Қызылорда облысының әкімі Паул Шумахермен кездесті

Гүлшара Әбдіқалықова медициналық нысандарды аралап, індетпен күрес амалдарын күшейтуді тапсырды

Бақытбек Смағұл шалғайдағы шаруалармен жүздесті

Қысқа мерзімде дайындалған вакциналар қауіпсіз бе?

Қызылордалық полицейлер ұрыны қолға түсірді

20-22 шілде – Құрбан айт мерекесі – құрбан шалу тәртібі қандай?

Әкімдер сайлауының алдындағы үгіт 14 шілдеде басталады

ҚР Парламенті Мәжілісінің депутаты Қазалыға келді

Қазақстан және Қызылорда облысының жаңалықтары

12 шілдеден бастап Токиода коронавирусқа байланысты төтенше жағдай режимі енгізіледі

Қызылордада 47 адам коронавирус жұқтырды

8 шілдеге арналған ауа райы болжамы

Қызылордада эпидахуал күрделі

Қызылорда облысының әкімі Паул Шумахермен кездесті

Гүлшара Әбдіқалықова медициналық нысандарды аралап, індетпен күрес амалдарын күшейтуді тапсырды

Бақытбек Смағұл шалғайдағы шаруалармен жүздесті

Қысқа мерзімде дайындалған вакциналар қауіпсіз бе?

Қызылордалық полицейлер ұрыны қолға түсірді

20-22 шілде &#8211; Құрбан айт мерекесі &#8211; құрбан шалу тәртібі қандай?

Әкімдер сайлауының алдындағы үгіт 14 шілдеде басталады

ҚР Парламенті Мәжілісінің депутаты Қазалыға келді

20-22 шілде – Құрбан айт мерекесі – құрбан шалу тәртібі қандай?