Kyzylorda-news.kz. Облыс аумағында Кіші Арал теңізі, Сырдария өзені және 207 көл бар. Онда балықтың 18 түрі аулануда. Бұл туралы Өңірлік коммуникациялар қызметінің ақпарат алаңында облыстық табиғи ресурстар мен табиғат пайдалануды реттеу басқармасы басшысының орынбасары Бауыржан Оспанов баяндады.
<blockquote>
 “Қамыстыбас балық питомнигінде жыл сайын 15 млн. дана балық шабақтары өсіріліп, балық шаруашылығы маңызы бар көлдерге және Кіші Арал теңізіне жіберілуде. Өңірде жылдық қуаттылығы 12,5 мың тонна болатын 9 балық өңдеу зауыты жұмыс істейді. Оның 4-уі Еуропалық сапа стандартына сәйкес. Яғни, «Еврокод»саны бар. Зауыттарда 500-ден астам адам тұрақты жұмыспен қамтылған. Ал маусымдық жұмысшылар саны үш мыңға жуық”, – деді Бауыржан Оспанов.
</blockquote>

Қызылордада балық өңдейтін 9 зауыт бар

Kyzylorda-news.kz. Аймақтағы еңбек инспекторлары жыл басынан бері мекемелер мен кәсіпорындарға 81 тексеру жүргізді. Нәтижесінде еңбек заңнамасын бұзған 143 дерек анықталды. Бұл туралы Өңірлік коммуникациялар қызметінің ақпараттық алаңында өткен брифингте облыстық еңбек саласындағы бақылау басқармасының басшысы Төреахмет Жолымбетов мәлімдеді.
Сондай-ақ,басқармаға келіп түскен арыз-шағымдарға сәйкес 457 жұмыскердің құқықтары қорғалып, жалақы бойынша берешектері, іссапар шығындары, үстеме ақы, өтемақы, қоса атқарған қызметіне қосымша ақылары өндіріліп берілген.
<blockquote>
 “Биыл жеті кәсіпорынның 1330 жұмыскеріне 120, 6 млн. теңге жалақы қарызы төленді.Сондай-ақ, басқарма тарапынан кәсіпорындардың жұмыс берушілеріне түсіндірме хаттар жолданып, нәтижесінде 994 ұйымда өндірістік кеңес құрылды. Жыл басынан бері 498 ұжымдық шарт тіркеліп, мониторинг жасалды. Бұған қоса, электронды базаға 1100 мекеме мен кәсіпорын бойынша 19980 еңбек шарты жасалып, есепке алынды”,-деді Төреахмет Сайлаубекұлы.
</blockquote>

Қызылордада еңбек заңнамасын бұзған 143 дерек анықталды

&nbsp;Kyzylorda-news.kz.&nbsp;&nbsp;&nbsp;Қызылорда облысы кәсіпкерлер палатасының алаңында ауыл шаруашылығымен айналысатын кәсіпкерлер мен мүдделі мемлекеттік органдардың қатысуымен кездесу өтті.
Кездесуге арқау болған тақырып – салаға көрсетіліп жатқан қолдаудың нәтижесі, проблемалары, шешу жолдарын қарастыру.
Мал шаруашылығымен айналысушылар үшін жем-шөпке берілетін субсидия бүгінде шаруаларды сарсаңға салып қойды деп отыр кәсіпкерлер.
<blockquote>
 «Кәсіпкерлікпен айналысып келе жатқаныма 8 жыл. Мал өсіреміз. 4 адамды жұмыспен қамтып отырмыз. Мемлекет жем-шөпке субсидия береді дегенде қуанған жандардың біріміз. Алайда іс жүзінде бұлай болмай отыр. Өткен жылдың желтоқсан айында мал азығына жұмсалған шығындарды өтеуді субсидиялауға Қызылорда облысының бюджетінен 730,5 млн.теңге бөлінді. Алайда бұл қаржы бізге жетпей қалды. Кім өтінішті жылдам беріп үлгерді, солар ғана ала алды. Бұл әділеттілік емес қой?! Сонда біз малдың жағдайын ойлаймыз ба, әлде өтінішті қашан беру керек деп компьютерді аңдып отыруымыз керек пе?», – дейді кәсіпкерТұрсынкүл Ибраева.
</blockquote>
Кәсіпкердің айтып отырғаны «QOLDAU» жүйесі. Өтініш аталмыш платформада қабылданады. Жергілікті бюджеттен бөлінген қаржының жеткіліксіз мөлшері, жүйеде алғашқы болып өтініш берген кәсіпкерлердің өтінішінің қабылдануына алып келген. Бүгінде облыстағы кәсіпкерлердің жем-шөпті субсидиялауға сұранысы 394,2 млн.теңгені теңгені құрап отыр.
Кездесуге қатысқан ҚР Сыбайлас жемқорлыққа қарсы іс-қимыл Агенттігінің Қызылорда облысы бойынша департаменті басшысының орынбасары Ғалия Әлімқұлова да бұл мәселеге алаңдаулы екендігін жеткізді. Ол ауыл шаруашылығы тауар өндірушілерін субсидиялау саласында сыбайлас жемқорлыққа қарсы талдау бойынша жұмыс жүргізіліп жатқандығын, қазірдің өзінде бірнеше жүйелі мәселелер анықталғандығын айтты.
<blockquote>
 «Субсидиялау практикасын зерделеу мақсатында облыстың аудандарында кездесулер ұйымдастырылды. Оған мүдделі ұйым басшылары қатыстырылды, «Атамекеннің» өңірлік филиалының басшылығы да бар. Облыстың барлық аудандарындағы фермерлер «QOLDAU» ақпараттық жүйесінің жұмысына байланысты проблемаларды баса айтуда. Шаруалар сыбайлас жемқорлық тәуекелдерін көрсете отырып, жүйенің жұмысына өзгерістер енгізуін сұрауда. Миллиондаған субсидия 1-3 минуттың аралығында таратылып беріледі екен. Салдарынан кәсіпкерлер өз қызметтерімен айналыспай, мықты программист мамандарды іздеп, алған субсидияның бір бөлігін осы сала мамандарына беруге мәжбүр. Тіпті ресейлік мамандардың қызметіне жүгінгендері де бар», – деген Ғалия Әлімқұлова кәсіпкерлердің бұл мәселені шешудегі ұсынысы кезектілік тәртібімен беруді қарастыру екендігін атап өтті. Яғни сала кәсіпкерлері бюджет қаражатын барлық аудандар бойынша пропорционалды түрде бөле отырып, мал басының санына сүйене отырып субсидиялауды ұсынуда.
</blockquote>
Кездесуде мұнан өзге мал шаруашылығымен айналысатын шаруа қожалықтарын дамытып, нәтижеге қол жеткізу үшін көрсетілуі қажет қолдау тетіктеріне қатысты өзге де ұсыныстар айтылып, шешілу жолдары талқыланды.
Шараны қорытындылаған Қызылорда облысы кәсіпкерлер палатасы директорының орынбасары Пірмұхаммед Сыздықов шараға қатыса алмаған өзге де кәсіпкерлердің ұсыныстарын жинақтап, ҚР Сыбайлас жемқорлыққа қарсы іс-қимыл Агенттігінің Қызылорда облысы бойынша департаментіне жолдайтындығын, алдағы уақытта бұл бағытта бірлесе шаралар қабылдауға дайын екендігін жеткізді.

Қызылордалық шаруалар жем-шөпке берілетін субсидияның проблемаларын айтты

<a href="https://kyzylorda-news.kz/">Kyzylorda-news.kz</a> ҚР Парламент Мәжілісінің депутаттары Бақытбек Смағұл, Ғалым Әміреев, Геннадий Шиповских Қазалы ауданына сапары кезінде Қазалы қаласы және Қожабақы, Бозкөл ауылдарына арнайы барып, тұрғындардың ұсыныс-пікірлерін тыңдады.
Қазалы қаласындағы «Өрімтал» балабақшасын қайта салу қажеттілігі туындап отыр. Балабақшаның көне ғимараты 2012 жылы апаттық жағдайда деп танылған. Қазіргі таңда балабақшаның жоба-сметалық құжаттары әзірленген.
Қазалы қаласы мен Қожабақы, Бозкөл ауылы тұрғындарымен кездесуде жергілікті жердегі түйткілді мәселелерді тыңдады. Мәжіліс депутаттары аудандарды аралаудағы негізгі мақсаттарын түсіндіріп, қуаңшылық, Сырдария өзеніндегі су тапшылығына байланысты орын алған жағдайды көзбен көріп, тұрғындармен тілдесіп шешу жолдарын қарастыруды жеткізді.
Кездесуде тұрғындар басты мәселе қуаңшылық, жайылымдық, шабындық жерлерді суландыру, төрт түлік малға қажетті жем-шөп мәселесі қиындық тудырып отырғандығын айтты. Сонымен қатар, екі ауылға жаңа балабақша қажет екендігін жеткізді.
Қожабақы ауылына баратын жолда ҚР Парламент Мәжілісінің депутаттары Бақытбек Смағұл, Ғалым Әміреев, Геннадий Шиповских «Қарлаң» қалқымалы көпірін көзімен көрді.
Аудан әкімінің орынбасары Ғалымжан Еркебай көктем және қыс мезгілінде халықтың көпірден өтуі қиындап кететінін жеткізді. Сондықтан осы аралықтан тез арада көпір салу қажеттілігі туындап отырғандығын айтты. Қазіргі таңда Сырдария өзеніндегі «Қарлаң» темір бетон көпірінің жоба-сметалық құжаттары дайындалып, сараптамадан өткізілген.
Қожабақы ауылында Мәжіліс депутаттары «Агро – Өркен» ЖШС-ның егіс алқабында болып, дихандармен кездесті. Кездесуде шаруалар өз мәселелерін айтып, көмек сұрады.
Мұнан кейін депутаттар Әйтеке би кентіндегі көкөніс сақтау қоймасының жағдайымен танысты. «АгроОптСервис» ЖШС-нің сыйымдылығы 500 тонналық көкөніс сақтау қоймасында жеміс сақтайтын екі бөлме тоңазытқышпен қамтылған.
«АгроОптСервис» ЖШС директоры БекболатБибалаевтың айтуынша картоп пен көкөніс өнімдері Ресейден, ал, жеміс-жидектер Түркістан облысы мен Шымкент қаласынан және Түркия мен Польшадан тасымалданады. Сонымен қатар, алдағы уақытта азық-түлік тауарларының түрлерін де көбейтпекші.
<img src="https://kyzylorda-news.kz/wp-content/uploads/2021/07/508d490a-c729-4cea-8f22-17bfb2a9bed8.jpg" alt="" />
<img src="https://kyzylorda-news.kz/wp-content/uploads/2021/07/55f8839c-ec8e-4b5b-b951-8ba3a2498b3a.jpg" alt="" />
<img src="https://kyzylorda-news.kz/wp-content/uploads/2021/07/4a26fd01-26d0-4cff-8843-19997fa594e1.jpg" alt="" />

Мәжіліс депутаттары елді мекендерді аралап, халықпен кездесті

<a href="https://kyzylorda-news.kz/">Kyzylorda-news.kz</a>&nbsp; Бүгін шаһар басшысы Ғанибек Қазантаев аймақтағы су шаруашылығы қызметкерлерін қабылдап, кәсіби мерекелерімен құттықтады.
<blockquote>
 «Адамзат пен табиғат үйлесімінде тіршілік көзін реттеп отырған сала қызметкерлерінің еңбегі ерен. Мамандығына адалдық танытып, әрбір тамшының ысырап болмауына барын салып, бүгінгі қиыншылықта атқарып отырған жұмыстарыңызға алғысымды білдіремін. Құрғақшылық алқымнан алған тұста кенезесі кепкен көлдер мен табанынан шаң бұрқыраған атыздарға Сырдың суын үнеммен үлестіріп, Жер-Ана бұлағын байыпты болжаммен бағыттаған берекелі істеріңізді халық біледі. Жылдың төрт мезгілінде дамыл таппай, су бөліп беру шаруасын ұқыптылықпен атқаратын гидротехник мамандарының тапшы екендігін жақсы білеміз. Дегенмен, жауапкершілік жүгін, артылған сенім үдесін биік қоятын сала майталмандары әр кезде де мәртебе мінберінде болуы тиіс. Бұл салада кәсібіне деген құрметті ұрпақтан ұрпаққа жеткізіп келе жатқан сала ардагерлері мен мамандарға адал еңбектері үшін ризашылық білдіргім келеді. Қазіргі таңда дарияның солтүстік сағасындағы бірнеше су реттегіш қондырғыларына жүргізіліп жатқан құрылыс жұмыстары су тапшылығын болдырмауға септігін тигізеді деп сенемін. Алқалы елді абыржытқан ахуал ағыны да өтер. Бастысы Сіздердің қажырлы еңбектеріңіздің арқасында молшылыққа кенелейік», – деді қала әкімі Ғанибек Қонысбекұлы.
</blockquote>
Бүгінгі басқосуда шаһар басшысы «Қызылордасушар» өндірістік учаскесінің басшысы, қалалық мәслихат депутаты Жорабек Нұрымбетовке «ҚР Экология, геология және табиғи ресурстар министрлігінің «Су шаруашылығы ардагері» төсбелгісін табыстаса, «Қызылордасушар» өндірістік учаскесінің бас маманы Аягөз Аманқараеваға Қызылорда қаласының «Құрмет грамотасымен» марапаттады. Одан әрі қиын кезеңде атқарған еселі еңбектері үшін осы саланың мамандары қала әкімінің алғыс хатына ие болды.

Ғанибек Қазантаев су шаруашылығы қызметкерлерін қабылдады

<a href="https://kyzylorda-news.kz/">Kyzylorda-news.kz</a> 2021 жылғы 1 шілдеден бастап 1 қыркүйекке дейін Қазақстан Республикасы Ақпарат және қоғамдық даму министрлігі үкіметтік емес ұйымдарға (ҮЕҰ) арналған сыйлықақыны беру үшін өтінімдерді қабылдайтын болады.
Дәстүр бойынша өтінімдерді қабылдау «Мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы»1 Заңның 5-бабында белгіленген 15 бағыт бойынша жүзеге асырылады, сыйлықақылар ҮЕҰ-ға арналған сыйлықақыларды беру қағидаларын бекіту туралы Ережелері2 негізінде беріледі.
Айта кетсек, 2017 жылдан бастап еліміздің қоғамдық дамуына елеулі үлес қосқан 223 ҮЕҰ сыйлық иегері атанды.
Биылғы жылы да республика аумағында тіркелген және ҮЕҰ дерекқорына мәліметтер ұсынған әрбір ҮЕҰ өтінім қалдыра алады.
Құрметті ҮЕҰ басшылары мен өкілдері, егер Сіздің ұйымыңыз белсенді жұмыс жүргізіп, халықтың әлеуметтік маңызды мәселелерін шешуге атсалысса, келесі құжаттарды ұсына отырып, сыйлық алуға өтінім беруге шақырамыз:
1) ҚР Дін істері және азаматтық қоғам министрінің 2018 жылғы 25 мамырдағы № 52 бұйрығымен бекітілген «ҮЕҰ-ға сыйлықақылар беру қағидаларына» (бұдан әрі-Ереже)1-қосымшаға сәйкес нысан бойынша ҮЕҰ-ға сыйлықақылар беру конкурсына қатысуға өтініш;
2) Ереженің 2-қосымшасына сәйкес сыйлықақыға үміткердің сауалнамасы;
3) Ереженің 3-қосымшасына сәйкес сыйлықақыға үміткердің қызметі туралы сипаттама (растайтын материалдармен бірге);
4) соңғы 3 (үш) жыл ішінде ұсынылған бағыт бойынша іске асырылған жобаларды және бірлескен жұмыс барысында қол жеткізілген нәтижелерді растау мақсатында байланыс деректері көрсетілген, өтінім берген үкіметтік емес ұйымның қызметі туралы қоғамдастық (ҮЕҰ), мемлекеттік органдар өкілдерінің ұсынымдары (екіден кем емес);
5)марапаттау дипломдарының, грамоталарының, алғыс хаттарының көшірмелері (болған жағдайда);
6) ізденушінің немесе ізденуші туралы мақалаларының, жарияланымдарының көшірмелері (бар болса);
7) құрылтай құжаттарының көшірмелері қоса беріледі.
Сонымен қатар, өтінім берген кезде міндетті түрде мыналарды ескеру қажет:
– бір ҮЕҰ-ны сыйлықақыны алуға бір номинациядан артық ұсынуға болмайды;
– сыйлық алғаннан кейін үш жыл ішінде оны алуға қайта ұсынуға жол берілмейді.
Сыйлықақы алуға ҮЕҰ ұсыну туралы өтінімдер ҚР Ақпарат және қоғамдық даму министрлігінің Азаматтық қоғам істері комитетіне 1 шілдеден бастап 1 қыркүйекті қоса алғанда (сағат 18:30-ға дейін) ueu_syilygy@qogam.gov.kz (PDF форматында) электрондық мекенжайы арқылы және (немесе) қолма-қол ныысанда қағаз және электрондық тасығыштарда (CD-дискілерде не DOC, DOCX, PDF форматында USB-флэш-жинақтаушыларда) беріледі.
Нұр-Сұлтан қаласы, Мәңгілік Ел даңғылы 8, «Министрліктер үйі», 14-кіреберіс.
Анықтама телефондары: +7 (702) 376 84 00, +7 (705) 101 59 05, +7 (702) 714 63 24, +7 (7172) 74 02 17, 74 09 97, 7405011.
Сіздерді күтеміз және конкурсқа белсенді қатысуға шақырамыз!
«Мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы» <a href="http://10.61.42.188/kaz/docs/Z050000036_">Заңға сілтеме</a>
Сыйлық беру <a href="http://10.61.42.188/kaz/docs/V1800017041">ережелеріне сілтеме</a>

ҮЕҰ үшін сыйлықақы алуға өтінімдерді қабылдау басталады

<a href="https://kyzylorda-news.kz/">Kyzylorda-news.kz</a>. Денсаулық сақтау бірінші вице-министрі Марат Шоранов вакциналау пунктерінде Hayat-Vax пен CoronaVac вакциналары неге тапшы екенін айтты, деп хабарлайды&nbsp;<a href="https://sputnik.kz/">Sputnik Қазақстан</a>.
Оның айтуынша, Қазақстанға Hayat-Vax пен CoronaVac вакциналары шектеулі көлемде жеткізілді.
<blockquote>
 “Елге әкелінген бүкіл партия екіге бөлінді: жартысы бірінші компонентке, қалғаны екінші компонентке арналды. Қазір Hayat-Vax бірінші компонентінің 13 мыңға жуық дозасы қалды. Қазақстан бойынша 486 мыңнан аса адам осы вакцинаны алды. Сол себепті екінші компоненттің дозалары медициналық мекемелердің қоймаларында сақталып тұр”, – деді Шоранов брифингте.
</blockquote>
Ол қазір біраз қалада осы вакциналар таусылғалы жатқанын айтты.
Сондай-ақ вице-министр Hayat-Vax пен CoronaVac елге тағы әкеліне ме деген сұраққа жауап берді.
<blockquote>
 “Біз вакциналарды бір мезгілдік келісімшартпен жеткіздік. Қазір келіссөз жүргізіп жатырмыз. Оның шешімі зауыттың өндіріс қуаттылығына және басқа да келісімшарттарға байланысты болады. Біз мерзімін белгілеуге тырысамыз”, – деді министрдің бірінші орынбасары.
</blockquote>

Вице-министр Hayat-Vax пен CoronaVac неге тапшы екенін түсіндірді

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1781 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 572 
Алматы қаласы – 259 
Шымкент қаласы – 85 
Ақмола облысы – 28 
Ақтөбе облысы – 21 
Алматы облысы – 24 
Атырау облысы – 121 
Шығыс Қазақстан облысы – 80 
Жамбыл облысы – 14 
Қарағанды облысы – 285 
Қостанай облысы – 49 
Қызылорда облысы – 24 
Маңғыстау облысы – 37 
Павлодар облысы – 113 
Солтүстік Қазақстан облысы – 38 
Түркістан облысы – 31
Қазақстан бойынша жазылғандар саны – 408063.

Қызылордада 24 науқас коронавирустан жазылып шықты

&nbsp;*<a href="https://kyzylorda-news.kz/">Kyzylorda-news.kz</a>. «Әлеуметтік медициналық сақтандыру қоры» КЕАҚ Қызылорда облысы бойынша филиалының халықты ақпараттандыру және өтініштерді қарау жөніндегі бөлімі міндетті медициналық сақтандыруға қатысты бірқатар сұрақтарға жауап берді.*
– Студентпін, бірақ заңды түрде екі жұмыс істеймін. Міндетті медициналық сақтандыруға аударымдарды ұстаудан бас тарта аламын ба немесе оларға тек бір жұмыс орнымнан төлем жасауға болама?
– Егер Сіз күндізгі бөлімде оқитын болсаңыз, онда 15 жеңілдік санатына ие азаматтардың қатарына жатасыз, жұмыс беруші Сіз үшін аударымдар жасамауға және жалақыңыздан міндетті медициналық сақтандыру үшін ұстап қалмауы тиіс. Егер Сіз сырттай оқитын болсаңыз, онда төлем барлық кіріс көздерінен болуы керек, ал аударымдар мен жарналар ұсталатын максималды табыс 10 ең төменгі жалақыдан аспауы керек.
Ең төменгі жалақының 10 еселенген мөлшеріндегі кіріс сомасынан жарналарды төлеу кезінде жеке тұлғаның басқа кірістерінен жарна төлеу талап етілмейді, егер ондай жарналардың төленгенін растайтын құжат болса.
Мұндай құжат жұмыс беруші және (немесе) салық агенті берген, алынған, есептелген және төленген жарналардың мөлшері туралы анықтама болып табылады.
– Медициналық сақтандырусыз еңбекке жарамсыздық парағын ашуға бола ма?
– Еңбекке жарамсыздық парағы – бұл адамның ауруы, жағдайы немесе жарақатына байланысты уақытша еңбекке жарамсыздығын растау. Егер пациент МӘМС жүйесінде сақтандырылмаған болса, онда ол ауруы бойынша демалысты МӘМС жүйесінде көрсетілетін медициналық қызметтер тізіміне кірмейтін маманға бару арқылы ала алады. Алайда, егер тағайындалуы міндетті медициналық сақтандыру немесе басқа диагностикалық, зертханалық қызметтер есебінен қаржыландырылатын науқастың уақытша еңбекке жарамсыздығын растау үшін дәрігердің қорытындысы қажет болса, ондай науқас кез-келген қол жетімді тәсілмен сақтандыру мәртебесін алуы керек.
– Шетел азаматтары Қазақстанда медициналық қызметтерді қалай ала алады?
Тұрақты тұрғындар
Негізі: Алғашқы медициналық-санитарлық көмек пен стационарлық көмекті қамтуға арналған ерікті медициналық сақтандыру шарты («Көші-қон туралы» ҚР Заңының 35-бабы)
Қандай көмек алуға болады?
1. Емханаға тіркелу тұрғылықты мекен-жай бойынша
2. Медициналық қызметтерді толық көлемде алу, соның ішінде – жедел жәрдем, алғашқы медициналық-санитарлық көмек, амбулаториялық, стационарлық, стационарлық жағдайларда медициналық көмек, сондай-ақ дәрі-дәрмекпен қамтамасыз ету
Балаларға медициналық көмек ата-аналарының тұруға рұқсаты негізінде жүзеге асырылады
ЕАЭО елдерінің уақытша тұратын азаматтары
Негізі: Алғашқы медициналық-санитарлық көмек пен стационарда медициналық көмек көрсетуге арналған ерікті медициналық сақтандыру шарты (Қазақстан Республикасының «Көші-қон туралы» Заңының 35-бабы)
Қандай көмек алуға болады?
1.Тұрғылықты мекен-жай бойынша емханаға тіркелу
2.МӘМС жүйесінде медициналық қызметтер
—дәрі-дәрмектермен қамтамасыз ету
—аурухана,амбулаториялық,стационарлық жағдайларда медициналық көмек
Өзгелерге қауіп төндіретін ауруларға медициналық көмек Қазақстан Республикасының азаматтығы және сақтандыру мәртебесінің болу-болмауына қарамастан көрсетіледі.

Медициналық сақтандырусыз еңбекке жарамсыздық парағын ашуға бола ма?

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысы Жалағаш ауданында каналға суға батып кеткен 31 жастағы азаматтың денесі табылды, деп хабарлайды <a href="https://lenta.inform.kz/kz/kanalga-batyp-ketken-er-adamnyn-denesi-tabyldy-kyzylorda-oblysy_a3810196">ҚазАқпарат.</a>
Оқиға кеше, 8 шілдеде сағат 12.30 шамасында болды. Жалағаш ауданына қарасты Аққыр ауылындағы оңтүстік коллектор каналында 1990 жылғы азамат рұқсат етілмеген жерде суға түскен.
<blockquote>
 «Оқиға орнына облыстық төтенше жағдайдлар департаменті жедел құтқару жасағынан 5 маман 1 техника және 1 жүзу қайығымен барды. Сол аумақта іздеу шаралары жүргізілді. Алғашқы күнгі іздеу нәтижесін берген жоқ. Жұмыстар бүгін де жалғасып, мәйіті сағат 7.00 шамасында суға түскен жерінен 200 метр қашықтықтан табылды», – деп мәлім етті облыстық төтенше жағдайлар департаменті өрт сөндіру және авариялық құтқару жұмыстары қызметінің маманы Әлия Ережепова.
</blockquote>
Айта кетсек, жыл басынан бері облыстың су айдындарында 36 адам суға кетіп көз жұмды. Оның ішінде жиырмасы – бала.

Қызылордада каналға батып кеткен ер адамның денесі табылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 2909 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша: 
Нұр-Сұлтан қаласы – 796 
Алматы қаласы – 420 
Шымкент қаласы – 210 
Ақмола облысы – 119 
Ақтөбе облысы – 77 
Алматы облысы – 89 
Атырау облысы – 154 
Шығыс Қазақстан облысы – 78 
Жамбыл облысы – 38 
Батыс Қазақстан облысы – 191 
Қарағанды облысы – 321 
Қостанай облысы – 54 
Қызылорда облысы – 46 
Маңғыстау облысы – 111 
Павлодар облысы – 123 
Солтүстік Қазақстан облысы – 38 
Түркістан облысы – 44
Жалпы ел бойынша ауырғандар саны 448000.

Өткен тәулікте Қызылордада вирус жұқтырғандар саны өскен

<a href="https://kyzylorda-news.kz/">Kyzylorda-news.kz</a>.&nbsp; Қазгидромет 9 шілдеге арналған ауа райы болжамын жариялайды.
Республиканың басым бөлігінде оңтүстік циклонның әсерінен құбылмалы ауа райы сақталып, найзағаймен жаңбыр күтіледі. Батыста, солтүстік-батыста қатты жаңбыр жауады. Еліміздің тек қиыр солтүстігінде жауын-шашынсыз ауа райы күтіледі.
Республиканың кей жерлерінде дауыл, бұршақ, желдің күшеюі күтіледі, оңтүстікте және батыста шаңды дауыл соғады.
Қызылорда облысының кей жерлерінде өрт қаупі жоғарлайды.

Қазақстан және Қызылорда облысының жаңалықтары