<a href="https://kyzylorda-news.kz/">Kyzylorda-news.kz.</a> Үш ер адам моторлы қайықпен&nbsp;жүзуге аттанған, бірақ саяхат соңында жолдан адасып, елсіз&nbsp;аралда қалып қойған, деп хабарлайды&nbsp;<a href="https://stan.kz/sos-aralda-zhogalgan-ush-adam-kymdagi-zhazudin-arkasind-335204/.kz.">Stan.kz.</a>
Микронезияда жоғалған ер адамдарды австралиялық теңізшілер тапты. Олар құмдағы SOS деп жазылған үлкен жазбаны&nbsp;көріп, көмекке аттанды.Бірінші тамызда Австралиялық теңізшілерден&nbsp;Микронезияның жоғалған тұрғындарын іздеуге көмек сұраған.
Үш ер адам көрші аралға бармақшы болып, жолда адасып&nbsp;кеткен. Олар туралы үш күн бойы ешқандай ақпарат болмаған, деп хабарлады Австралияның Қорғаныс министрлігі.Ұшқыш өзін-өзі өлтіруі мүмкін еді&nbsp;Екінші тамызда Канберра десанттық кемесінің тікұшақтары кішкентай Пикелот аралынан өтіп, құмда жазылған&nbsp;көмек туралы сигнал – SOS жазбасын көрді. Хабар-ошарсыз кеткен микронезиялықтар құтқарылды.
Құтқарылған ер адамдар жолдан адасқандарын айтты. Олар шамамен 35 шақырым жүзуі керек болған, бірақ барлық отынды жұмсап қойғандықтан, алғашқы кезіккен жерді пана етуге мәжбүр болды.

Аралда жоғалған 3 адам құмдағы жазудың арқасында құтқарылды

<a href="https://kyzylorda-news.kz/">Kyzylorda-news.kz.</a> Сырдария ауданының орталығында «Lab Service company» ЖШС-нің «Ансар» дәріханасы жұмыс істейді. Бұл дәріхана тұрғындарға тәулік бойы қызмет көрсетіп, қажетті дәрі-дәрмекпен қамтамасыз етуде.
Аудан халқының сұранысын өтеу мақсатында дәріхана желісі кеңейіп, Тереңөзек орталығында тағы бір «Ансар» дәріханасы ашылды. Дәріхана таңғы 8.30-дан түнгі 22.00-ге дейін қызмет көрсететін болады. Мұнда екі фармацевт маман жұмыс істеп, тұтынушылар сұранысын қамтамасыз етеді.
<img src="https://kyzylorda-news.kz/wp-content/uploads/2020/08/fb_img_1596600063579.jpg" alt="" />
<blockquote>
 “Аудан тұрғындарын дәрі-дәрмекпен қамту үшін дәріхана желісін кеңейту жұмыстары жүргізіліп жатыр. Соның айғағы ретінде бүгін аудан орталығында тағы бір дәріхана есігін айқара ашты. Мұнда коронавирустық инфекцияға қажетті дәрі-дәрмек бар. Бағасы да қолжетімді. Алдағы уақытта аудан елді мекендерінде дәріхана жүйесін ашу жоспарлануда”, – дейді дәріхана меңгерушісі Ардақ Тәжібаев.
</blockquote>
<img src="https://kyzylorda-news.kz/wp-content/uploads/2020/08/fb_img_1596600061030.jpg" alt="" />

Сырдарияда дәріхана желісі кеңейді

<a href="https://kyzylorda-news.kz/">Kyzylorda-news.kz.</a> Елімізде колледж және жоғары оқу орындарының студенттері үшін оқу жылы негізінен қашықтан оқыту форматында басталады, деп хабарлайды <a href="https://www.inform.kz/kz/biylgy-oku-zhyly-studentter-ushin-kalay-bastalady_a3679985">ҚазАқпарат</a>.
ҚР Білім және ғылым министрлігінің Telegram парақшасында жарияланған ақпаратқа сәйкес, педагогикалық, IT, әлеуметтік, гуманитарлық бағыт студенттері қашықтан оқиды. Технологиялық, аграрлық бағыттар, медицина және өнер мамандықтарының студенттері ішінара қашықтықтан білім алады. Дәріс және семинар сабақтары онлайн өтсе, зертханалық сабақтар және өндірістік тәжірибе дәстүрлі форматта жүргізіледі.
Алыс ауылдық жерлерде және шағын қалаларда орналасқан 102 колледж штаттық режимде жұмыс істейді. Бір топтағы студент саны 15-тен аспайтын болады (бірнеше топ құрылады).
Жоғары оқу орындарында студенттер негізінен қашықтан оқыту форматында білім алады. Педагогикалық ғылымдар, IT, әлеуметтік және гуманитарлық бағыттар қашықтан оқиды.
Табиғи, техникалық және аграрлық бағыттар, медицина және өнер мамандықтары бойынша дәрістер мен семинарлар онлайн, зертханалық және практикалық сабақтар штаттық режимде өткізіледі.
Ал магистратура мен докторантура сабақтар ішінара қашықтықтан оқытылады. Интернатура мен резидентурада оқу дәстүрлі формата жүретін болады.

Биылғы оқу жылы студенттер үшін қалай басталады?

<a href="https://kyzylorda-news.kz/">Kyzylorda-news.kz.</a> Қызылордада Достық үйінде Медиация күніне орай облыстық Қазақстан халқы ассамблеясының ұйымдастыруымен жас бітімгерлер арасында интеллектуалдық сайыс өтті.
Сайысты Достық үйіндегі медиация кабинетінің жетекшісі Қанат Ақылбеков жүргізді. Қаладағы №189, №5, №7 мектеп-лицейлерінің жас бітімгерлері «Медиатор», «Жас балалар», «Best lawyers», «Еріктілер», «Алға» топтары болып бөлініп, сайысқа белсене қатысты.
Шара басталмас бұрын оқушылар облыстық Қазақстан халқы ассамблеясы Медиация құрылымының атқарған жұмыстары жайында толыққанды ақпарат алды. Оқушылар карантин режимін сақтай отырып, үш бағыт бойынша өз білімдерін сынап көрді. Kahoot.it – цифрлық smart сервисі арқылы қосылып, бірінші Ата заң – Конститутция, екінші Медиация саласы бойынша және үшінші логикалық сұрақтарға жауап беріп, жас бітімгерлердің шапшаңдығы мен білімі көрінді.
<img src="https://kyzylorda-news.kz/wp-content/uploads/2020/08/mw6a5196-scaled.jpg" alt="" />
<img src="https://kyzylorda-news.kz/wp-content/uploads/2020/08/mw6a5202-1-scaled.jpg" alt="" />
Сайыс нәтижесінде 1 орынды – «Медиатор», 2 орынды – «Жас балалар», 3 орынды – «Best lawyers», белсене қатысқаны үшін – «Еріктілер», «Алға» командаралары марапатталды.
<img src="https://kyzylorda-news.kz/wp-content/uploads/2020/08/mw6a5216-1-scaled.jpg" alt="" />

Қызылордада жас бітімгерлер арасында сайыс өтті

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының кей жерлерінде найзағай ойнап, күн күркірейді, деп хабарлайды Қазгидромет.
Сонымен қатар аймақта солтүстік-батыстан жел соғады, күші кей жерлерде 15-20 м/с жетеді. Күндіз өте жоғары өрт қаупі сақталады.

Найзағай ойнап, күн күркірейді

<a href="https://kyzylorda-news.kz/">Kyzylorda-news.kz</a> ақпараттық агенттігінің 5 тамызға арналған жұлдыз-жорамалы.
Тоқты
Бүгін барлығы жақсы болу үшін артық тамақтанбаңыз. Ағзаны шаршатпай белсенді түрде қозғалуға тырысыңыз.
Торпақ
Бүгін ешкіммен хабарласпай, үйде болғаныңыз жөн. Жан-жалдасудан аулақ болыңыз, дұшпандарыңыз қарсы әрекет жасауы мүмкін.
Егіздер
Егер сіз эмоцияға төтеп бере алмайтыныңызды сезсеңіз, үлкендерден ақыл сұраңыз. Қызметте және үйде ұсақ-түйектен көрі маңызды істермен шұғылданғаныңыз жөн.
Шаян
Бүгін әңгімелесуге, саяхаттауға және құжаттар дайындау үшін қолайлы күн. Көптеген ұсақ мәселелер оңай шешіледі.
Арыстан
Сыртқы келбетіңізге мән беріңіз, бірақ ақшаңызды босқа ысырап етпеңіз. Бүгін сіз танымалдыққа ие боласыз, сүйкімділігіңізді пайдаланыңыз.
Бикеш
Отбасының мәселелеріне назар аударыңыз. Жұмыста әріптестеріңіздің көмегімен қосымша табыс табуға мүмкіндік туып тұр.
Таразы
Бүгін сіздің күшіңіз тау қопарардай. Интуицияны тыңдаңыз, бұл сізге дұрыс шешім қабылдауға көмектеседі.
Сарышаян
Қымбат заттар мен киімдер сатып алмаңыз, пластикалық хирургтар мен косметологтардың жұмысына жүгінбегеніңіз жөн. Бұл тек ақшалай шығын әкеледі.
Мерген
Күніңіз қызықты болады. Бүгін сіз көп жаңалық естіп, көңіліңіз көтеріледі. Табысқа тез қол жеткізіп, қарсыластарды шаң қаптырасыз.
Тауешкі
Бүгін маңызды құжаттарға қол қоймаңыз. Жақындарыңызбен жұмсақ қарым-қатынаста болыңыз.
Суқұйғыш
Бұл бизнес мәселелерін талқылауға, бірлескен жұмысты бастауға немесе жұмысты өзгертуге де қолайлы уақыт. Сондай-ақ, романтикалық кездесулер мен сүйіспеншілігіңізді жариялау үшін қолайлы күн.
Балықтар
Өз қалауыңыз бен мүмкіндіктеріңізді өлшеңіз. Сонда сіз таңқаларлық нәтижелерге қол жеткізесіз. Әйелдермен қарым-қатынаста сыпайы және әдепті болыңыз.

Жұлдыздар не дейді?

Kyzylorda-news.kz. Өңірде 199,9 мың гектар жер QOLDAU веб-порталына енгізілді. Бұл туралы Өңірлік коммуникациялар қызметінің ақпарат алаңында өткен брифингте облыстық жер қатынастары басқармасының басшысы Шахмардан Қойшыбаев мәлімдеді.
<blockquote>
 “Қазіргі таңда агроөнеркәсіптік кешеннің тауар өндірушілері тыңайтқыш, гербецид, субсидияларды электронды түрде кедергісіз алуда. Сондай-ақ, облыста 1,9 млн. гектар жайылым жердің электрондық картасы әзірленуде. Бұған қоса, аймақта ауыл шаруашылығы айналымына қосымша 60 мың гектар жерді алу жоспарланып,жергілікті бюджеттен 36,8 млн. теңге қаржы қаралып, тиісті жұмыстар жүргізілуде,-деді Шахмардан Сұлтанбекұлы.
</blockquote>
<img src="https://kyzylorda-news.kz/wp-content/uploads/2020/08/fb_img_1596545331601.jpg" alt="" />
Сонымен қатар, облыста 249,8 мың гектар суармалы жер бар. Оның 236,9 мың гектары таза суармалы жер, 214,7 мыңы ауыл шаруашылығы санатындағы болса, 20,1 мың гектары босалқы және 2,1 мыңы орман қоры санатындағы жер.
Брифингте сала басшысы облыста 98211 азамат жер алуға кезекте тұрғанын айтты. Оның басым бөлігі шаһар тұрғындарының өтінімдері. Өткен жылы 1383 жер учаскесі берілсе, биыл 7 ай ішінде 1000 жер учаскесі табысталды.

Қызылордада 199,9 мың гектар жер QOLDAU веб-порталына енгізілді

Kyzylorda-news.kz. Қызылорда облысына Израиль мен Грузия мемлекеттерінен және “Хуавей Технолоджиз Казахстан” ЖШС компаниясынан гуманитарлық көмек келді.
ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаментінің қызметкерлері және Сovid-19 Қазақстан қоғамдық бақылау ұйымының еріктілерімен бірлесіп, келіп түскен препараттар мен жеке қорғану құралдарының облыстық арнайы дәрі-дәрмек қоймасына қабылдау барысына қоғамдық бақылау жүргізді.
Келген гуманитарлық көмектің облыстың емдеу мекемелеріне бекітілген бөлініске сәйкес таратылатын болады.

Қызылордаға гуманитарлық көмек келді

Kyzylorda-news.kz. ҚР Цифрлық даму, инновация және аэроғарыш өнеркәсібі министрінің міндетін атқарушы Бағдат Мусин Activ байланысында болып жатқан келеңсіздікке қатысты түсініктеме берді.
<blockquote>
 Актив абоненттері екі күннен бері SMS жолдай алмауда. Осы мәселе бойынша Kсеll және Қазақтелеком басшылығымен келіссөздер жүргіздім. Олар жағдайды тұрақтандыру шараларын атқаруда, – деп жазды ол facebook-тегі парақшасына.
</blockquote>
Оның айтуынша, бұл проблема eGov.kz порталы арқылы мемлекеттік көрсетілетін қызметтер мен сервистерді алу мүмкіндігіне кедергі келтіруде.&nbsp;
<blockquote>
 ЕGov шлюзі SMS хабарлама жібереді, ал&nbsp;Kсеll&nbsp;оларды абоненттерге жеткізе алмауда. Бұл банктік сервистердің жұмысына кері әсерін тигізуде. Оператор басшылығы проблеманы қысқа мерзімде шешуге уәде береді, – деп жазды ол.
</blockquote>
Айта кетсек, желіде&nbsp;Activ байланысын қолданушылар бірнеше күннен бері интернет нашарлап, хабарлама жібере алмай жатқандарын айтып шағымданған еді.

Activ-тен sms неге жолданбай қалды?

Kyzylorda-news.kz. Үкімет басшысы Асқар Мамин коронавирустың таралу деңгейі төмендеген аймақтарды атады, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
Премьер-министрдің айтуынша, бір аптаның ішінде бірқатар облыста инфекцияның репродуктивті көрсеткіші, яғни, вирустың бір адамнан таралу деңгейі 1-ден төмен түсті. Олар: Атырау, Ақтөбе, Маңғыстау, Қызылорда, Шығыс Қазақстан, Жамбыл, Түркістан мен Павлодар облыстары, Нұр-Сұлтан, Шымкент пен Алматы қалалары.
<blockquote>
 “Ал инфекцияның репродуктивтік деңгейі 1-ден жоғары өңірлер: Қостанай мен Ақмола облыстары. Бұл өңірлерде жағдай күрделі және аймақ әкімдерді эпидемияға қарсы шараларды күшейтуге аса назар аударуы қажет”, – деді Мамин үкіметтің онлайн отырысында.&nbsp;
</blockquote>
Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын да атап өтті.&nbsp;
<blockquote>
 “Пандемияның жаңа толқыны күзде пайда болуы мүмкін және оған дайын болуымыз керек. Оның алдын алу үшін барлық белгіленген талаптардың сақталуын қамтамасыз етіп, жоспарланған іс-шаралар кешенін іске асыру қажет”, – деп атап көрсетті Мамин.
</blockquote>

Асқар Мамин коронавирус пандемиясының жаңа толқыны туралы айтты

Kyzylorda-news.kz. Қызылорда қаласының әкімі Нұрлыбек Нәлібаевтың төрағалығымен аппараттық мәжіліс өтті.
Шаһар басшысы күн тәртібіндегі негізгі мәселелерді талқыламас бұрын, кадрлық өзгерістерге тоқталды. Жаңа қызметке тағайындалған &nbsp;қалалық ішкі саясат бөлімінің басшысы Алмасбек Есмаханов, қалалық кәсіпкерлік, өнеркәсіп және туризм бөлімінің басшысы Бағлан Аманкелдиев, қалалық жер қатынастары бөлімінің басшысы лауазымына келген Ғабит Тобажанов, қалалық мәдениет және тілдерді дамыту бөлімінінің басшысы Мұхтар Ниязов, қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Индира Ақжігітова, қалалық білім бөлімінің басшысы Динара Баймұрзаева мен қала әкімі аппаратының мемлекеттік-құқықтық жұмыстар бөлімінің басшысы Бахыт Жанәліні&nbsp; таныстырып, жұмыстарына сәттілік тіледі.
Келесі кезекте, мәжілісте бекітілген күн тәртібіне сәйкес «Алдағы жылу беру маусымына дайындық жұмыстары» мен «Жаңа оқу жылына дайындық барысы» және «Жол қауіпсіздігін алдын алу мақсатында атқарылған шаралар туралы» мәселелер қаралды.
Бірінші мәселе бойынша баяндама жасаған «Қызылорда жылу электр орталығы» мекемесі директорының міндетін атқарушы Наурыз Сатханов жылу маусымына дайындық жұмыстарының жоспарлы түрде бекітілген кестеге сәйкес &nbsp;жүргізіліп жатқанын жеткізді.&nbsp;
Қала бойынша алдағы жылу беру маусымының дайындығына қатысты хабарламаны тыңдаған шаһар басшысы жауаптыларға барлық әлеуметтік нысандарды резервтік автономды электр қондырғыларымен қамтамасыз ету, мемлекеттік бағдарлама бойынша жүргізіліп жатқан жобалардың мерзімінде және сапалы аяқталуын қатаң бақылауға алып, қала аумағындағы әлеуметтік нысандардың жылу маусымына дайындығы бойынша тиісті жұмыстарды үйлестіріп, дайындық паспорттарын 1 қыркүйекке дайын болуын қадағалау сынды бірнеше тапсырмалар жүктеді.
Сонымен бірге қатты және сұйық отынның тұрғындарға делдалсыз, тікелей отын тасымалдаушы кәсіпкерлерден жеткізілуін, елді мекендерде қатты және сұйық отындарға тапшылық орын алмауын қатаң бақылауға алу керек екенін ескертті.
Берілген тапсырмалардың сапалы және мерзімінде орындалуы мен ұйымдастырылуын қала әкімінің орынбасары Асқарбек Есжановқа тапсырды.
Айта кетейік, Қызылорда қаласындағы жылу желілерінің жалпы ұзындығы 186,8 шақырымды құрайды. Оның 35,7 шақырымы магистральды жылу желілері болса, 151,1 шақырымы кварталаралық желілер. Биыл қала бойынша кварталаралық жылу құбырларының 12 шақырымы жаңалануда. Жалпы соңғы 7 жылда жылу жүйесін жаңғыртуға 10 млрд. теңгеден астам қаржы бөлініп, қаладағы 72 пайыз магистралды жылу желілері ауыстырылған.

Қызылордада жылу жүйелері жаңартылуда

Kyzylorda-news.kz. Өңірден 47 мың тонна ауыл шаруашылығы тауары экспортталды. Құны 16,5 миллион АҚШ доллары болатын күріш, балық, бидай, қамыс және ұнның 99,6%-і өңделген күйде шетелге сатылды.
Арал мен Қазалы аудандарының еңбеккерлері алғаш рет Германияға қамыс, Өзбекстанға ұн жөнелтілді.Теңіз маржанын сүзген жұрт жарты жылда 3 мың тоннаға жуық балық аулап, 2700 тоннадайын экспорттап үлгерді. Бұл өткен жылғы осы кезеңмен салыстырғанда 21%-ке көп. Жалпы бүгінде Аралдан 18 түрлі балық аулап, терең өңдейтін 9 зауыт жұмыс істейді. Олардың жылдық қуаттылығы 12,5 мың тонна шамасында. Сырбойылық 4 өндіріс ошағының еуропалық сапа стандартына сәйкестігін растайтын сертификаты бар. Аймақта Арал теңізінен бөлек, 207 көлден балық ауланады. Осы ретте облыста тауарлы балық шаруашылықтарының санын арттыру жоспарланып отыр.
<blockquote>
 “Аралдың балық өнімдері Ресей, Қытай, Германия, Польша, Нидерланд, Грузия, Литва елдеріне нарыққа шығарылуда”,-деді облыстық табиғи ресрустар және табиғат пайдалануды реттеу басқармасының басшысы Бауыржан Шәменов.
</blockquote>
Облыс бойынша 10 көл тауарлы балық өсіретін шаруашылықтар жұмыс жасауда. Өткен жылы осы шаруашылықтармен 143 тонна балық өсіріліп, нарыққа шығарылды. Аймақтың балық өңдеу зауыттарын шикізатпен қамтамасыз ету мақсатында 2030 жылға қарай тауарлы балық өнімдерінің көлемін 2200 тоннаға жеткізу жоспарлануда.
<blockquote>
 “Одан бөлек, 6 айлықпен алдын ала есепке алып отырмыз. 1 шілдеде тағы қосымша облыстан көкөніс, бақша өнімдері, қарбыз дақылы, мақсары майы өнімдері шығарылды”,-деді облыстық ауыл шаруашылығы басқармасының басшысы Сейілбек Нұрымбетов.
</blockquote>

Қазақстан және Қызылорда облысының жаңалықтары