<a href="https://kyzylorda-news.kz/">Kyzylorda-news.kz.</a> Ұлттық банк халықтың өтінішін ескеріп, 2006 жылы шығарылған 2000, 5000, 10000 теңгелік банкноттарды ауыстыру мерзімін келесі жылдың бірінші ақпанына дейін ұзартты, деп хабарлайды&nbsp;<a href="https://sputnik.kz/">Sputnik Қазақстан.</a>
Ұлттық банктің баспасөз қызметінің ақпаратынша, 2006 жылғы үлгідегі номиналы 2000, 5000 және 10000 теңгелік банкноттарды қабылдау және ауыстыру мерзімі 2021 жылдың 1 ақпанына дейін ұзартылды.
<blockquote>
 “Халықтың өтінішімен айырбастау мерзімін ұзарту туралы шешім қабылдадық. Кейбір азаматтар, әсіресе, зейнет жасындағы қариялар әртүрлі себепке байланысты ескі банкноттарды уақытында айырбастап үлгермеген”, – деді банктің қолма-қол ақша айналысы департаментінің директоры Жомарт Қажмұратов. &nbsp;&nbsp;&nbsp;&nbsp;&nbsp;
</blockquote>
Айта кетсек, қазақстандықтар ескі банкноттарын Ұлттық банктің филиалдарында ғана айырбастай алады. Олардың мекенжайы мен байланыс телефоны туралы ақпарат банктің сайтында жарияланған.
1 ақпаннан кейін банкноттарды айырбастау тоқтатылады.
Қосымша сұрақтар туындаған жағдайда Ұлттық банктің 1477 байланыс орталығына хабарласуға болады.

Ұлттық банк 2, 5 және 10 мың теңгелік банкноттарға қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> Белгілі отандық астролог Елена Топольская алдағы жыл қандай болатынын айтып, болжам жасады деп жазады <a href="https://kaz.zakon.kz/5051579-mahabbattan-basy-aynalady-astrolog-2021.html">Zakon.kz.</a>
Сиыр жылы Қытайдың күнтізбесі бойынша, 2021 жылдың 3 ақпанынан 4-не қараған түні болады. Дәл осы дата астрология тұрғысынан маңызды, ал Қытайда және Оңтүстік-Шығыс Азияның басқа елдерінде атап өтілетін 2021 жылғы 12 ақпандағы ай күнтізбесі бойынша 2021 жыл Сиыр жылы болып саналмайды.
Топольскаяның сөзінше, Сиыр жылының ең берік стихиясы – Металл мен Жер.”
<blockquote>
 Бұл дегеніміз, банк секторы өзін сенімді сезінетінін, заң ғылымына, мемлекеттік басқаруға қатысты барлық нәрсе жақсы болады. Мемлекеттік реттеу ең жақсы деңгейде болады, барлық жағдайды жеңе алады және процестерді реттеп, жағдайды тұрақтандырады деп күтуге болады. Жаңарудың, жаңа бастамалардың, құндылықтарды қайта бағалаудың уақыты 2022 жылға сәйкес келеді, ал 2021 жылы жағдайды оңтайландыру арқылы тұрақтандыру шебінде өтеді. 2021 жыл ақшаны үнемдеуге, бұрын жинақталған мүлікті сауатты басқаруға қолайлы және адамдарға үлкен мансаптық мүмкіндіктер бере алады, – дейді Топольская.
</blockquote>
Сонымен қатар, маман инновация, жаңа бастамалар, жаңа бизнес мүмкіндіктері тұрғысынан мүмкіндіктер онша көп болмайтынын атап өтті.
<blockquote>
 “Жылдың ең сәтті белгісі – Тауық. Сиыр, барыс та жетістікке жете алады. Жылқы жаңашылдықтың басталу кезеңі. Олар жалпы болжамға қарамастан өзінше әрекет ете білуі керек, бірдеңе іске асыруы керек, сонда нәтижесі жақсы болады, – деді астролог.
</blockquote>
Бұл жыл кімге жағады?
Топольскаяның болжамынша, келе жатқан Сиыр жылында “8” жұлдызы Батыста болады, сондықтан Батыс үшін бұл жыл ең табысты және қолайлы болмақ. Бұл жұлдыз – Тауықтың сәттілік белгісі.
Бұл белгінің өкілдеріне алдағы жылды тиімді пайдалануға кеңес беріледі.”9″ жұлдызы Сиыр мен Барысқа тиесілі. Оларға көпшілік алдында сөйлеу қабілетінің арқасында жақсы жарнама жасап, маркетинг, жобаны, өнімді, қызметті жылжытуға жақсы мүмкіндіктер береді. Ол тәуекелді жұмыстарда табысты болады. Бұл жұлдыз инвестиция үшін де жақсы.
Жылқы жылы өмірге келгендер үшін көп еңбектенуге тура келеді. Келесі жылы олар “1” жұлдызына тап келеді, ол жаңа табысты бастамаларды, саяхаттарды, жаңаруларды және қақтығыстарды уәде етеді. Сондай-ақ, Жылқы жылы туғандар дені сау, дарынды балаларды дүниеге әкелуге мүмкіндіктері мол болады.
Махаббат және романтика
Махаббат пен романтика жұлдызы – “4” Қоян жылында өмірге келген адамдарға түседі. Бұл жұлдыз – сәттілік, махаббат, шығармашылық және романтиканы белсенді етеді.
Елена Топольская Қояндарды келесі жылы олардың жеке өміріне байланысты таңқаларлық жағдайла күтіп тұрғанын апат өтті.
Сондықтан бұл жылы өз жарын табуды қалайтын бойдақ Қояндар үшін қолайлы болмақ. Көбінің махаббаттан басы айналады. Сондай-ақ, Қояндар шығармашылық, әдебиет, сурет салу, рухани даму, тілдерді үйрену және жаңа дағдыларды игеру жолында сәттілікке ие болмақ.
Үлкен қиындықтар
Қауіпті жұлдыз – “5” ұлу мен жыландарға әсер етеді. Ол қиындық пен стресті тудырады. Топольскаяның айтуынша, ұлу бұл сынаққа төзімді және жылан жылы туғандар үшін астролог Тауық пен Сиыр жылымен туғандармен көбірек сөйлесуге кеңес береді. Олар сондай-ақ тұмар ретінде салпыншақ, кулон тағуға немесе Тауықтың бейнесін немесе кез-келген құстарды қолдана алады.
Ауру-сырқаттар
<blockquote>
 “2” – ауру шақыратын жұлдыз тышқандарды күтеді, олар үшін келесі жыл қиын болады, кірістері төмендейді.”Бұл белгінің өкілдеріне көбіне, әліптің артын бағып, өз күшін сақтауға кеңес беріледі. Тышқан жылында туғандар өзіне бақылаушы позициясын қабылдауы керек. Бірақ, “2” – ауру шақыратын жұлдыз маңында тұрғанына қарамастан, олар үшін жақсы жаңалық бар – Сиыр тышқанның құпия досы, сондықтан досы әрі одақтасы ретінде сырттай қолдайды, – дейді астролог.
</blockquote>
Күрес
Жанжалдар мен қақтығыстардың жұлдызы “3” Қой мен Мешіндерге әсер етеді, олар белсенді өмір салтын ұстану ұсынылады, жанжалды жағдайлардан аулақ болып, олардағы шиеленісті сәттерді жою үшін спортпен айналысқаны жөн.
<blockquote>
 Топольскаяның айтуынша, “3” жұлдызы теріс деп саналса да, көбінесе жеке тұлғаны жаһандық қайта құруға және спорттағы жоғары жетістіктерге бағыттайды.Бұл белгілер үшін өмірін қайта парақтап, бір қорытынды шығаратын уақыт келді, – дейді астролог.
</blockquote>
Заң, дау-дамай
Заңмен, өсек-аяңмен, дау-дамаймен байланысты жағымсыз, арандатушылық мәселелерді тудыратын “7” жұлдызы Сиыр жылында Доңыз бен Ит жылында дүниеге келгендердің маңына тоқайласады.
<blockquote>
 “Алдану, ақша мен мүлік жоғалту қаупі бар. Мен бұл белгілердің өкілдеріне қаржылық және құқықтық мәселелерде өздерін қорғауды, заң шеңберінде әрекет етуді, көп ақша ұстамауға кеңес беремін,” – деді Топольская.
</blockquote>
Сонымен қатар, Доңыз бен Иттер барлық сөздеріне мұқият болуы керек, дейді астролог.

2021 жыл қандай болады: Отандық белгілі астролог өз болжамын ұсынды

<a href="https://kyzylorda-news.kz/">Kyzylorda-news.kz.</a> Қызылорданың тәртіп сақшылары Алматы облысында жоғалған жасөспірімді тапты.
18 желтоқсан күні сағат 15:30 шамасында Алматы облысының Полиция департаменті Жамбыл аудандық полиция бөліміне Қарасай ауданының тұрғыны хабарласты. Ол 12 жастар баласының Үшбұлақ ауылындағы ата-әжесінің үйінен белгісіз бағытқа шығып кетіп, қайта оралмағанын айтып, көмек сұраған.
Алматы облысының тәртіп сақшылары жоғалған жасөспірім туралы бағдарды Қазақстанның барлық өңірлеріне, шекаралас аумақтардағы полиция бекеттеріне таратқан.
Алматылық полицейлерден келіп түскен бағдар бойынша іздестіру жұмыстарын бастаған Қызылорда облысы Полиция департаментінің ювеналды полицейлері 21 желтоқсан күні кешкі сағат 20:45 шамасында жасөспірімді тапты.
Ол Қызылорда қаласы Жаппасбай батыр көшесінің бойында жалғыз өзі жүрген екен. Ата-анасынсыз жалғыз жүрген жасөспірімді тексеру барысында оның іздеуде жүргені анықталады.
Қызылорда қалалық Полиция басқармасы жергілікті полиция қызметі бөлімінің ювеналды полиция бөлімшесінің инспекторы Мурат Байназаров жасөспірімді Қызылорда облыстық Кәмелетке толмағандарды бейімдеу орталығына орналастырды.
Бүгінде тәртіп сақшылары жоғалған жасөспірімнің ата-анасымен хабарласып, олардың облыс орталығына келуін күтіп отыр. Оқиғаның себептері мен мән-жайы анықталу үстінде.

Алматы облысында жоғалған жасөспірім Қызылордадан табылды

<a href="https://kyzylorda-news.kz/">Kyzylorda-news.kz.</a> Қызылорда облысына үш күнде 3 миллион дана жұмыртқа жеткізіледі. 600 мың данасынан астамы бүгін кешкілік келеді. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы Шахмардан Қойшыбаев мәлімдеді.
Құс тұмауы жұмыртқа бағасына әсер етіп, базар сөрелерінде тапшылық сезілді. Оның үстіне тауыққа берілетін жемнің бағасы өскен. Соның салдарынан облысқа келетін жұмыртқаның көлемі біршама азайған.
<blockquote>
 “Аймақта құс жұмыртқасын өндіретін екі кәсіпорын бар. Оның қуаттылығы ішкі нарықтың қажеттілігін толық қамтамасыз ете алмайды. Сол себепті сырттан тасымалдауға тәуелдіміз. Қазіргі таңда, кәсіпкерлермен келіссөздер жүргізілуде. Үстіміздегі жылдың 25-ші желтоқсанына дейін жұмыртқа тиелген сегіз жүк көлігі келеді. Алдағы мереке күндері де тапшылықты болдырмау мақсатында құс жұмыртқасы әкелінетін болады. Облыста жұмыртқаға тапшылық болмайды”, – деді басқарма басшысы.
</blockquote>
Тапшылықты болдырмау мақсатында жергілікті бюджеттен 400 миллион теңге қаржы бөлінді. «Байқоңыр» ӘКК» АҚ арқылы 8 кәсіпкерге 50 миллион теңгеден айналым қаражаты берілді.
<blockquote>
 Біздің басты мақсатымыз негізгі әлеуметтік маңызы бар өнімдерінің тапшылығын болдырмау. Мәселен, кәсіпкерлер құс фабрикаларынан жұмыртқаның бір данасын 36 теңгеден алып жатыр. Айналым қаражатын алған кәсіпкерлер бағаны қымбат қылмайды. Алып сатарлыққа жол бермес үшін бақылау жүргіземіз. Ал басқа өнімдерге экономикалық жағынан тиімсіз болғандықтан шекті баға қойып отырған жоқпыз. Өйткені, қолдан тапшылық жасалады, – деді Ш.Қойшыбаев.
</blockquote>
Негізгі азық-түлік өнімдері келісімге сәйкес 29 әлеуметтік дүкенде және 4 сауда орнында белгіленген бұрыштарда нарық бағасынан арзан сатылады.
<img src="https://kyzylorda-news.kz/wp-content/uploads/2020/12/132339849_1196376574091186_2039285034375630084_o.jpg" alt="" />

Қызылордаға 3 млн дана жұмыртқа келеді

<a href="https://kyzylorda-news.kz/date/2020/12/23/">Kyzylorda-news.kz.</a> Бүгін облыс әкімі Гүлшара Әбдіқалықова ЕҚДБ-ның Қазақстандағы өкілдігі директорының орынбасары Бахтиер Файзиев және жетекші банкир Владимир Сидоренкомен кездесті.
Кездесуде ЕҚДБ-мен бірлесіп іске асырылатын жобалардың жұмыс барысы және болашаққа жоспарлар талқыланды.
<blockquote>
 “Әріптестерімнің атынан біздің облыс үшін маңызды жобаларды іске асыруда қолдау көрсеткендеріңіз үшін ризашылығымды білдіргім келеді. Осы жобаларды іске асыру нәтижесінде біз өңірдің әлеуметтік-экономикалық дамуында жақсы көрсеткіштерге қол жеткіздік. Бүгін сіздермен тұрғын үй-коммуналдық шаруашылық саласындағы жаңа бірлескен жобаларды іске асыруды – Қызылорда ЖЭО жаңғырту және кеңейту, Қызылорда қаласындағы биологиялық тазарту станциясын жаңғырту және автоматтандыру мәселелерін талқылағымыз келеді. «ЖЭО жаңғырту және кеңейту» жобасы бойынша техникалық-экономикалық негіздеме әзірленді, мемлекеттік сараптаманың қорытындысы алынды. Жоба екі кезеңнен тұрады: КОГТЭС (когенерациялық газ турбиналық электр станциясы) құрылысы және су жылыту қазандығының құрылысы. Біз жалпы сомасы 9 млрд теңгеге ЕҚДБ арқылы кредит беру жолымен КОГОЭС-ті жаңғыртуды жүзеге асыруды ұсынғымыз келеді. Негізгі қарызды «Жаңартылатын энергия көздерін қолдау жөніндегі қаржы-есеп айырысу орталығы» ЖШС есебінен өтеу механизмі бар, – деді облыс әкімі Гүлшара Әбдіқалқова.
</blockquote>
Бүгінгі күні Нарық Кеңесінің қорытындысын алу үшін тиісті құжаттарды дайындау бойынша жұмыстар жүргізілуде. Нарық Кеңесіне 2021 жылғы 1 ақпанға дейін осы инвестициялық бағдарламаны әзірлеу кезінде жүргізілген тәуелсіз техникалық және қаржылық аудиттердің нәтижелері бар инвестициялық бағдарламаны ұсыну қажет.
“Биологиялық тазарту станциясын жаңғырту және автоматтандыру” жобасы бойынша да мемлекеттік сараптаманың қорытындысы бар, жобаның құны – 2,8 млрд теңге. ЕҚДБ-мен бірлескен жоба үшін бұрын бөлінген қаражатты пайдалана отырып, жобаны іске асыруға Индустрия және инфрақұрылымдық даму министрлігінің келісімі алынды.
Айта кету керек, ЕҚҚДБ-мен бірлесіп жүзеге асырылып жатқан Қызылорда қаласында жылумен жабдықтау жүйесін салу және қайта жаңарту, сумен жабдықтау су жүйелерін салу және қайта жаңарту мен электрмен жабдықтау жүйелерін жаңғырту жобалары бойынша тиісті жұмыстар жүргізіліп, келісім-шарт бойынша несиелер төленіп жатыр.
Кездесу барысында ЕҚҚДБ Қазақстандағы өкілдігі директорының орынбасары Бахтиер Файзиев көтерілген мәселелерді қолдап, Қызылорда облысы инвестициялық тиімді өңір екенін атап өтті. Жетекші банкир Владимир Сидоренко да өз ұсыныстарын жеткізді.
Қырытындылай келе өңір басшысы Гүлшара Әбдіқалықова одан әрі ынтымақтастықты дамыту туралы ұсыныс айтып, Бахтиер Файзиевке жұмыс сапарымен Сыр өңіріне келгені үшін алғыс білдірді.

Гүлшара Әбдіқалықова ЕҚҚДБ Қазақстандағы өкілдігі директорының орынбасарымен кездесті

<a href="https://kyzylorda-news.kz/">Kyzylorda-news.kz.</a> 1 желтоқсандағы жағдай бойынша атаулы әлеуметтік көмек 168,6 мың отбасыға, атап айтқанда 858,2 адамға 58,3 млрд теңге сомасында төленді.
Отбасының әрбір мүшесіне жан басына шаққандағы орташа табысы өңірлік ең төменгі күнкөріс деңгейінің 70%-інен төмен азаматтарға АӘК тағайындалады, деп хабарлады Еңбек және халықты әлеуметтік қорғау министрлігінің баспасөз қызметі.
Бұдан басқа, АӘК көрсетудің жаңа тетігін іске асыру шеңберінде еліміздің барлық өңірлерінде табысы аз отбасылардың мектеп жасына дейінгі балаларын кепілдік берілген әлеуметтік топтамамен қамтамасыз ету бойынша жұмыс жүргізілуде. Биылғы 11 айда әлеуметтік топтама алушылардың жалпы саны 158,1 мың отбасын немесе 431,3 мың адамды құрады.
1 жастан 6 жасқа дейінгі АӘК алушылар қатарынан 216,4 мың бала азық-түлік жиынтығы және тұрмыстық химия түрінде кепілдік берілген әлеуметтік топтама алды.
Естеріңізге сала кетейік, 130 мың қазақстандық отбасының 650 мыңнан астам адамына IV тоқсанда атаулы әлеуметтік көмек тағайындау мемлекеттік инстанцияға жүгінбей-ақ автоматты түрде ұзартылды. ҚР Еңбек және халықты әлеуметтік қорғау министрінің тиісті бұйрығы биылғы 25 қыркүйекте қабылданды.
АӘК алушыларға бұдан бұрын, II және III тоқсанда ТЖ режимі мен карантиндік шектеу шараларының қолданылуына байланысты көмек тағайындау ұзартылған болатын.
<a href="https://24.kz/kz/zha-aly-tar/o-am/item/444219-zhyl-basynan-beri-ansha-adam-atauly-leumettik-k-mek-aldy">Хабар 24</a>

Жыл басынан бері қанша адам атаулы әлеуметтік көмек алды?

<a href="https://kyzylorda-news.kz/">Kyzylorda-news.kz.</a> Синоптиктер Қазақстанда 24-26 желтоқсан күндері болатын ауа райы болжамын жариялады.
<blockquote>
 «Қазгидромет» РМК дерегінше, елдің солтүстік аудандарында ауа температурасының аздап көтерілуін әкелген циклонның орнына Кар теңіз жақтан суық антициклон жылжып келуде. Соның әсерінен 25 желтоқсаннан бастап солтүстік өңірлерде түнгі уақытта ауаның температурасы 30-38 градусқа дейін төмендейді.
</blockquote>

Қазақстанда 38 градусқа дейін аяз болады

<a href="https://kyzylorda-news.kz/">Kyzylorda-news.kz.</a> Коронавирус инфекциясының алдын алу мақсатында биылғы Жаңа жыл мерекесін атап өту жылдағыдан өзгеше болмақ.
<blockquote>
 “Қала әкімдігі тарапынан биылғы жаңа жыл мерекесіне арналған қаланы безендіруге бюджеттен арнайы қаржы қаралмағандығын жеткіземіз. Бұған қоса, мерекенің бас символы ретінде орталық алаңға орнатылатын Жаңа жылдық шырша жаңадан сатып алынбайды. 2018 жылы сатып алынған шырша қайта жасақталып, орнатылады. Қаланы мерекеге сай әрлеу жұмыстары бюджеттен арнайы қаржы қаралмағандықтан бұған дейін сатып алынған құралдармен безендірілетін болады”, – делінген Қызылорда қаласы әкімдігінің таратқан хабарламасында.
</blockquote>
Қаланың бас шыршасы орталық алаңда орнатылуда. Жаңа жылдық шырша ресми ашылмайды. От шашу болмайды. Мерекелік шаралар өткізілмейді. Әкімдік қызметкерлері үшін Жаңа жылдық салтанатты кеш ұйымдастырылмайтын болды.
Айта кетейік, Қызылорда облысының Бас санитарының 2020 жылғы 31 қазандағы №25 қаулысының 1.3 тармағында «отбасылық, салтанатты, естелік іс-шараларды (банкеттер, үйлену тойлары, мерейтойлар, еске алу), оның ішінде үйде және адамдар көп жиналатын өзге де іс-шараларды өткізуге» тыйым салынған. Яғни, банкет немесе басқа да ұжымдық жиналу шараларына рұқсат етілмейді.

Қызылорда: Жаңа жылда мерекелік отшашу болмайды

<a href="https://kyzylorda-news.kz/">Kyzylorda-news.kz.</a> Келесі жылдан бастап қазақстандықтар зейнетақы жинағының бір бөлігін мақсатты түрде жұмсай алады. Парламент тиісті заңды қабылдап, президентке жіберді, деп хабарлайды&nbsp;<a href="https://sputnik.kz/">Sputnik Қазақстан</a>.
Бұған дейін сенат экономикалық өсуді қалпына келтіру мәселелері туралы заң жобасына бірқатар түзету енгізіп, мәжіліске кері қайтарған болатын. Аталған құжат қазақстандықтарға зейнетақы жинағын пайдалануға мүмкіндік беруді көздейді.&nbsp;
Бүгін төменгі палата жалпы отырыста сенат енгізген түзетулерді қарады.&nbsp;
<blockquote>
 “Сенат енгізген түзетулер нақтылау сипатына ие және мәжіліс мақұлдаған заң жобасының тұжырымдамасы мен мазмұнын өзгертпейді. Сондықтан Экономикалық реформа және өңірлік даму комитеті заң жобасына сенат енгізген өзгерістер мен толықтыруларға келісім білдіруді ұсынады”, – деді депутат Сәкен Өтебаев.&nbsp;
</blockquote>
Мәжіліс бірауыздан қолдап дауыс берді. Заң президенттің қарауына жолданады.&nbsp;
Заңда, сондай-ақ, білім гранттарына берілетін квоталар да қарастырылған. Бұл норма көпбалалы және толық емес, сондай-ақ мүмкіндігі шектеулі бала тәрбиелеп отырған отбасылардың балаларына жоғары білім алу мүмкіндігін кеңейтеді.&nbsp;
Бұдан бөлек, құжатта бірыңғай терезе қағидасы бойынша “бизнеске арналған үкімет” қызметін іске қосу көзделіп отыр.
Микроқаржы ұйымдарына және олардың басшылық лауазымдағы қызметкерлеріне қойылатын талаптар да күшейтіледі. Бұл қарыз алушыларды қорғауға және қаржы нарығының тұрақтылығын қамтамасыз етуге мүмкіндік береді.

Парламент зейнетақы жинағын пайдалануға қатысты заңды қабылдады

<a href="https://kyzylorda-news.kz/">Kyzylorda-news.kz.</a>&nbsp; Полицейлерді марапаттау мақсатында Жергілікті полиция басқарма қызметінің саптық алаңында ҚР ІІМ министрі Ерлан Тұрғымбаевтың бұйрығына сәйкес Қызылорда қаласы полиция басқармасының &nbsp;патрульдік полиция батальонының 12 қызметкері “Ішкі істер органдарындағы мінсіз қызметі үшін” мемлекеттік награда – ІІІ дәрежелі медалімен марапатталды.
Айта кету керек, өткен жылдың қорытындысы бойынша қалалық ПБ-ның қызметкерлері кәсібилігімен және өз міндеттеріне жауапкершілікпен қарауымен ерекшеленді.
Патрульдік полиция батальонының 43 қызметкері алғыс хатпен &nbsp;марапатталды.
Басқарма басшылығы құрмет марапаттары мен медальдарын тапсыра отырып, қызметкерлерге мықты денсаулық, кәсіби өсу, жалпы нәтижеге қол жеткізуге күш-жігер тіледі.
<img src="https://kyzylorda-news.kz/wp-content/uploads/2020/12/img-20201222-wa0019.jpg" alt="" />

Ішкі істер министрінің бұйрығымен қызылордалық полицейлер  марапатталды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің «Самға» би тобы Лондонда өткен халықаралық шығармашылық фестивалінде 1-орын иеленді.&nbsp;
Қашықтан ұйымдастырылған шарада көптеген мемлекеттің шығармашалық топтарымен бақ сынасқан жас зияткерлер қазақ биін орындап, үздік деп танылды.
Сондай-ақ, ұлттық өнерді әлемге танытуда&nbsp; 11-сынып оқушысы Баян Сарибаева жеке орындауда ерекшеленді. Польшаның&nbsp; «DIGI-TALENTY. JESIEN-2020» халықаралық фестивалінде «Қыз қиялы» атты&nbsp; би қойылымымен бірінші дәрежелі диплом иегері атанды.&nbsp;&nbsp;&nbsp;
Айта кетейік,&nbsp;«Самға» би тобы Зияткерлік мектеп жанынан құрылған. Бүгінде ұжымның 50-ден астам белсенді&nbsp; мүшесі&nbsp; әртүрлі жанрдағы хореографияны меңгеріп, мәдени мұраны насихаттап келеді.
Ұжымның жетекшілері кәсіби хореографтар Жұлдызай Мауленова мен Ақмарал Алибекова оқушылардың жан-жақты және шығармашылық потенциалын дамытуда зор үлес қосып келеді.
Балалардың талантын ашуда және ұлттық өнерді&nbsp; жаңғыртудағы еңбектері үшін педагогтары да ұйымдастырушылардың Алғыс хаттарымен марапатталды.
<img src="https://kyzylorda-news.kz/wp-content/uploads/2020/12/whatsapp-image-2020-12-22-at-16.44.47-1.jpeg" alt="" />

Қызылорда: «Самғаның» бишілері Польша мен АҚШ-та топ жарды

<a href="https://kyzylorda-news.kz/">Kyzylorda-news.kz.</a>&nbsp; Жыл басынан бері Қызылорда облысы бойынша медициналық ұйымдарына 57,1 млрд теңге төленді.
<blockquote>
 “Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады”, – дейді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
57,1 млрд теңгенің 43,67 млрд теңгесі тегін медициналық көмектің кепілдік көлеміне берілген, 13,42 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 56 медициналық қызмет көрсетушілермен келісім – шарт жасалды, оның ішінде – 29 мемлекеттік медициналық ұйым, 27 – жеке меншік.
Барлығы 60,9 млрд теңгеге шарттар жасалды, оның ішінде 44,3 млрд теңге (72,7%) тегін медициналық көмектің кепілдік берілген көлемі шеңберінде, 16,6 млрд теңге (27,3%) МӘМС қаржысы құрайды.

Қазақстан және Қызылорда облысының жаңалықтары