<a href="https://kyzylorda-news.kz/">Kyzylorda-news.kz.</a> Бүгін “Мұз айдыны” спорт кешенінде волейболдан ерлер арасында Қазақстан Республикасының 29-шы чемпионаты басталды.
Ел чемпионатының екінші айналымына Алматы, Шымкент қалалары мен Алматы, Ақтөбе, Батыс Қазақстан, Түркістан, Қостанай, Қарағанды және Қызылорда облыстарының командалары қатысуда.
Жоғарғы лига командалары арасындағы жарыстың бірінші айналымы қараша айында Орал қаласында өткізілген болатын. Қалған үш айналымы пандемияға байланысты қашан өтетіні белгісіз.
Ел чемпионаты жанкүйерлерсіз өтуде. Жарыс 27-желтоқсанға дейін жалғасады.
Бас төрешілік қызметті халықаралық дәрежедегі төреші Айдос Ахметов (Нұр-Сұлтан қ.) атқаруда.
<img src="https://kyzylorda-news.kz/wp-content/uploads/2020/12/131969951_2745152062412122_2738191506703230995_n.jpg" alt="" />
<img src="https://kyzylorda-news.kz/wp-content/uploads/2020/12/132231657_2745152229078772_3962205600408486848_n.jpg" alt="" />

Қызылордада волейболдан ел чемпионаты басталды

<a href="https://kyzylorda-news.kz/">Kyzylorda-news.kz.</a> “Қазақстанның тұрғын үй құрылыс жинақ банкінің” ресми атауы “Отбасы банк” болып өзгерді, деп хабарлады ұйымның баспасөз қызметі.
<blockquote>
 “2020 жылдың 20 желтоқсанында “Қазақстанның тұрғын үй құрылыс жинақ банкі” акционерлік қоғамы “Отбасы банк” тұрғын үй құрылыс жинақ банкі” акционерлік қоғамы болып қайта тіркелді”, – делінген ресми хабарламада.
</blockquote>
Осы күннен бастап банктің толық атауы –&nbsp;&nbsp;“Отбасы банк” тұрғын үй құрылыс жинақ банкі” акционерлік қоғамы, қысқа нұсқасы – “Отбасы банк” АҚ.
Қаржы ұйымының атауы мемлекет басшысы Қасым-Жомарт Тоқаевтың 2020 жылдың 11 мамырдағы тапсырмасына сәйкес ауысты.
Банктің жалғыз акционері мемлекеттік акциялар пакетіне 100% иелік ету және пайдалану құқығы бар “Бәйтерек” Ұлттық басқарушы холдингі” АҚ болып қала береді. Банктің заңды тұлға ретіндегі ресми атауы ғана өзгереді.
<blockquote>
 “Тұрғын үй құрылыс жинақ банкі” бүгіннен бастап “Отбасы банк” тұрғын үй құрылыс жинақ жүйесін жүзеге асыратын банк болып қала береді және мемлекеттік тұрғын үй бағдарламаларының операторы қызметін өзгертпейді”, – деп хабарлады банк.
</blockquote>
Сонымен қатар 2021 жылы “Отбасы банкі” тұрғын үйді есепке алуды, бөлуді орталықтандырып жүзеге асыратын толыққанды даму және қолдау институтына айналады деп жоспарланып отыр.&nbsp;
Қойылған міндеттерді іске асыру үшін қолданыстағы кезек жүйесін әкімдіктерден “Отбасы банкіне” беру және тұрғын үйге мұқтаж барлық азамат үшін “бір терезе” қағидаты бойынша жұмыс істейтін “тұрғын үймен қамтамасыз ету орталығын” құру жоспарлануда.
Бұл жағдайда азаматтар тұрғын үйге мұқтаж екенін растау, кезекке тұру, содан кейін несие алу үшін бірнеше инстанцияға жүгінбейді.

&#8220;Тұрғын үй құрылыс жинақ банкінің&#8221; атауы өзгерді

<a href="https://kyzylorda-news.kz/">Kyzylorda-news.kz.</a> Парламент сенаты зейнетақы жинағының бір бөлігін пайдалануға рұқсат етуді көздейтін заң жобасын тиісті түзетулермен мәжіліске кері қайтарды, деп хабарлайды&nbsp;<a href="https://sputnik.kz/">Sputnik Қазақстан</a>.
“Кейбір заңнамалық актілерге экономикалық өсуді қалпына келтіру мәселелері бойынша өзгерістер енгізу туралы” заң жобасын қарастыру кезінде сенаторлар бірқатар түзету енгізген.
<blockquote>
 “Заң жобасымен жұмыс істеу кезінде бірқатар норманы нақтылау қажеттігі, сондай-ақ, ішкі қарама-қайшылықты жою қажеттігі туындады”, – деді сенат депутаты Еділ Мамытбеков.
</blockquote>
Айта кетсек, сенат бұған дейін мәжіліс мақұлдаған заң жобасындағы басқа нормаларды қабылдады.
Оған сәйкес, келесі жылдан бастап қазақстандықтарға зейнетақы жинағының бір бөлігін мақсатты жұмсауға рұқсат етіледі.
<blockquote>
 “Бүгін қаралған заң жобасы ел экономикасының өсуін қалпына келтіруге және халықтың әл-ауқатын арттыруға арналған. Мемлекет басшсының тапсырмасымен азаматтарға зейнетақы жинағының бір бөлігін баспана алуға және емделуге жұмсау үшін қолдану құқығы беріледі”, – деді сенат төрағасы Мәулен Әшімбаев.
</blockquote>
Сонымен қатар, құжатта бірыңғай терезе қағидасы бойынша “бизнеске арналған үкімет” қызметін іске қосу көзделіп отыр.
Заң жобасына сәйкес, микроқаржы ұйымдарына және олардың басшылық лауазымдағы қызметкерлеріне қойылатын талаптар күшейтіледі. Бұл қарыз алушыларды қорғауға және қаржы нарығының тұрақтылығын қамтамасыз етуге арналған басымдылық.
<blockquote>
 “Осы заң жобасында білім гранттарына берілетін квоталар да қарастырылған. Бұл норма көпбалалы және толық емес, сондай-ақ мүмкіндігі шектеулі бала тәрбиелеп отырған отбасылардың балаларына жоғары білім алу мүмкіндігін кеңейтеді. Заң жобасын сенат комитетінде қарау кезінде өзгерістер енгізу туралы ұсыныстар түсті. Заң қабылданғаннан кейін ел игілігіне қызмет етеді деп сенеміз”, – деді спикер.
</blockquote>
Парламент сенаты заң жобасын тиісті түзетулермен мәжіліске жіберді. Мәжіліс мақұлдағаннан кейін, құжат президентке жолданады.

Сенат зейнетақы жинағын пайдалануға мүмкіндік беретін заң жобасын мәжіліске қайтарды

<a href="https://kyzylorda-news.kz/">Kyzylorda-news.kz.</a>&nbsp; Арал аудандық соты заңсыз ойын ұйымдастыруға қатысты қылмыстық істің үкімін шығарды. Анықталған бұл заңсыз ойын орны 2019 жылдың маусым айынан бастап жұмыс істеп келген.
Арал ауданы Сексеуіл кентінің тұрғыны жалға алынған ғимаратта бір жыл көлемінде бірнеше онлайн казино бағдарламалары бойынша бәс тігіліп, ұтыстар беріліп, ойындар жүргізілген. Яғни, Қызылорда облысы бойынша сот сараптамалары институтының компьютерлер жадына жасалған сот-сараптамалық зерттеулері анықтағандай, Қазақстан Республикасы аумағында жоқ сайттар, интернет желісі арқылы онлайн казино бағдарламасына&nbsp; қосылуға мүмкіндік беретін сілтемелер, ойын орнында администратор, оператор болып жұмыс істеген тұлғалардың телефон жазбалары барлық заңсыз әрекеттерді дәлелдеді.
<blockquote>
 “Арал аудандық сотының үкімімен &nbsp;Қазақстан Республикасы Қылмыстық кодексінің 307 бабы 1 бөлігінде қарастырылған қылмыстық әрекеттері үшін (ойын мекемесiн заңсыз ашу немесе заңсыз ұйымдастыру, құмар ойындарын ұйымдастыру және өткізу)заңсыз ойын ұйымдастырған азаматтың 1 жылға бас бостандығы шектелді. Сонымен қатар пробациялық бақылау мен 100 сағаттық мәжбүрлі еңбекке тарту тағайындалды. Ойын орнынан алынған 5 компьютер құрылғыларымен, модем және кассада болған 42 мың теңге ақша мемлекет пайдасына тәркіленді”, – делінген Қызылорда облысы бойынша экономикалық тергеу департаменті таратқан хабарламада.
</blockquote>
Айта кетейік, &nbsp;жауапты департаменттің дерегінше жыл басынан бері аталған бағыттағы қылмыстық істер бойынша 9 жүйелік блок, 75 монитор, 63 процессор, 3 телевизор, 6 модем және 9 ұялы телефон айналымнан алынған.

Аралда заңсыз жұмыс істеген казино қожайыны сотталды

<a href="https://kyzylorda-news.kz/">Kyzylorda-news.kz.</a> Өнеркәсіп саласында бояумен айналысатын Axalta компаниясы 2020 жылы қандай түсті автомобильдердің сұранысқа ие болғанын айтты.
Оныншы рет қатарынан ақ түс бірінші орынға ие болды. Статистикаға сәйкес орташа есеппен әрбір үшінші автомобиль осы түсте шығарылады. Осылайша, ақ түс басқа реңктерден 38 проценке басым келеді. Тізімде екінші орынды қара түс иеленді, одан кейін сұр және күміс түстес көліктер тұр.
Қазан айында АҚШ-та жүргізілген сауалнамаға сәйкес америкалықтар басқа ұлттарға қарағанда өз көліктерінің түстеріне қатысты тәжірибелерді жиі жасайтын болып шықты. Олар үшін қызыл және көк түсті көліктер танымал болып саналады. Еуропада, Жапонияда және Оңтүстік Кореяда автокөлік жүргізушілері көгілдір реңктерді ұнатады. Өз кезегінде Үндістан қоңыр және қоңырқай көліктер жиі кездесетін жалғыз ел болып саналады.
<a href="https://24.kz/kz/zha-aly-tar/bylu-manyzdy/item/443770-2020-zhyly-andaj-t-sti-k-likter-s-ranysta-boldy">24 kz</a>

2020 жылы қандай түсті көліктер сұраныста болды?

<a href="https://kyzylorda-news.kz/">Kyzylorda-news.kz.</a> Келер жылдың 1 қаңтарынан бастап елімізде айлық есептік көрсеткіш (АЕК) 2917 теңге мөлшерінде белгіленді. Соған орай зейнетақы, жәрдемақы, өзге де әлеуметтік төлемдер, салықтар мен айыппұлдар мөлшері өзгереді, деп хабарлайды <a href="https://www.inform.kz/kz/2021-zhyldyn-1-kantarynan-zeynetaky-zhardemaky-aleumettik-tolemder-kalay-ozgeredi_a3732253?fbclid=IwAR3vpbl0uWVpCx9TKE26YrmkSdeYLIbk9lgWqvCMkydH5fejW_HkSA7EPb4">ҚазАқпарат</a>.
Атап айтқанда, 2021 жылдың 1 қаңтарынан:
– жалақының ең төменгі мөлшері – 42 500 теңге;
– мемлекеттік базалық зейнетақы төлемінің ең төменгі мөлшері – 18 524 теңге;
– зейнетақының ең төменгі мөлшері – 43 272 теңге болады.
Ал жәрдемақыларды және өзге де әлеуметтік төлемдерді есептеу, сондай-ақ Қазақстан Республикасының заңнамасына сәйкес айыппұл санкцияларын, салықтарды және басқа да төлемдерді қолдану үшін айлық есептік көрсеткіш – 2917 теңге мөлшерінде белгіленеді.
Базалық әлеуметтік төлемдердің мөлшерлерін есептеу үшін ең төмен күнкөріс деңгейінің шамасы – 34 302 теңге болып бекітіледі.
Жасына байланысты зейнетақы төлемдеріне және еңбек сіңірген жылдары үшін зейнетақы төлемдеріне жұмсалатын қаражат 1 қаңтардан бастап олардың мөлшерлерін 7 пайызға көтеру ескеріле отырып көзделеді.
Сондай-ақ 1 қаңтардан әлеуметтік медициналық сақтандыру қорына төлеуге жататын міндетті әлеуметтік медициналық сақтандыруға мемлекет жарналарының мөлшері мемлекет жарналарын есептеу объектісінен 1,6 пайыз деп белгіленеді.
Бұдан бөлек, әскери қызметшілерге (мерзімді қызметтегі әскери қызметшілерден басқа) және арнаулы мемлекеттік және құқық қорғау органдарының, мемлекеттік фельдъегерлік қызметтің қызметкерлеріне тұрғынжайды күтіп-ұстауға және коммуналдық қызметтерге ақы төлеуге ақшалай өтемақының айлық мөлшері 3 739 теңге сомасында болады.

1 қаңтардан бастап зейнетақы, жәрдемақы, әлеуметтік төлемдер қалай төленеді?

<a href="https://kyzylorda-news.kz/">Kyzylorda-news.kz.</a> Қазалы ауданында еріктілер жылын қорытындылауға арналған «Еркін елдің еріктілері» атты шара өтті. Басқосуға облыстық жастар ресурстық орталығының директоры Бауыржан Мастеков және ауданымыздағы белсенді жастар мен әр саланың үздіктері қатысты.
Басқосуды ашқан аудан әкімі Мұрат Ергешбаев биылғы жылдың қиыншылықтарына қарамастан аудан жастары тынымсыз еңбек етіп, ауқымды жұмыс атқарғанын тілге тиек етті.
<blockquote>
 “Елімізде 2020 жыл Мемлекет басшысы Қасым-Жомарт Кемелұлы Тоқаев Жарлығымен «Еріктілер жылы» деп жарияланды.Осыған орай «Еріктілер жылы» аясында аудан жастарының үйлестіруімен бірқатар жұмыстар жүзеге асырылды. Атап айтқанда, төтенше жағдай кезінде ерікті жастарымыздың ұйымдастыруымен аудан кәсіпкерлерінен 2 млн-нан астам теңге қаржы жиналып, оған 203 отбасыға азық-түлік үйлестіріліп берілді. Жастар ресурстық орталығы жанынан «Рақмет» дүкені іске қосылып, 100-ге жуық отбасы өздеріне қажетті тұрмыстық заттармен қамтамасыз етілді. Сондай-ақ, биылдың өзінде 70 жас «Жас құрылысшылар» жасағы бойынша жұмыспен қамтылды. Бұдан бөлек, Қазалы қаласы мен Құмжиек, Ғ.Мұратбаев ауылдық округтерінің ерікті жастары 3 отбасыға үй салып берсе, «Қарекет» қоры тұрғын үйге мұқтаж 5 отбасыға баспана сыйлады”, – деді Мұрат Нәлқожаұлы.
</blockquote>
Қорытынды жиынға қатысқан облыстық жастар ресурстық орталығының директоры Бауыржан Мастековте сөз сөйлеп, Қазалы ауданы жастарының белсенділігін атап өтті.
Басқосуда волонтерлар жылы аясында бірқатар белсенді жастар мен еріктілер облыс, аудан әкімдері және облыстық «Жастар ресурстық орталығы» директорының «Алғыс хаттарымен» марапатталды.
Ал, «Мейірімді жастар жасағы», «Автоволонтер» клубы, «Қазалы қайырымды жандар», «Алпамыс бөбекжай» балабақшасы, «Харекет» қайырымдылық қоры «Үздік жастар ұйымдары» номинациясына ие болды.
Қазалы ауданының құрметті азаматы, «РЗА» АҚ президенті Самұрат Имандосов,облыстық мәслихат депутаты, «Фирма Тілеп» ЖШС директорыТілепІбайдулла, аудандық төтенше жағдайлар бөлімінің бастығы Алтынбек Қалиев, облыстық «Сыр бойы» газетінің Арал, Қазалы аудандарындағы меншікті тілшісі Жұмабек Табынбаев, жеке кәсіпкер Әділет Қарымсаққа «Жастар жанашыры» номинациясы табысталып, «Ғани Мұратбаев» атындағы төсбелгімен марапатталды.
<img src="https://kyzylorda-news.kz/wp-content/uploads/2020/12/4-1.jpg" alt="" />
<img src="https://kyzylorda-news.kz/wp-content/uploads/2020/12/5-1.jpg" alt="" />

Қазалыда ерікті жастар марапатталды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте коронавирус ПТР-сынама арқылы 652 адамнан анықталды, деп хабарлайды coronavirus2020.kz сайты.
Өңірлер бойынша:
Шығыс Қазақстан облысында – 18279 (+68),
Нұр-Сұлтан қаласында -17613(+58),
Алматы қаласында – 17532(+72),
Атырау облысында – 12561(+49),
Қарағанды облысында – 11696(+30),
Батыс Қазақстан облысында – 8822(+40),
Павлодар облысында – 8321(+75),
Солтүстік Қазақстан облысында – 7966(+63),
Қостанай облысында – 6875(+65),
Ақмола облысында – 6631(+58),
Алматы облысында – 6516(+41),
Шымкент қаласында -5452(+0),
Жамбыл облысында – 4848(+8),
Ақтөбе облысында -3629(+6),
Түркістан облысында – 3580(+5),
Маңғыстау облысында – 3574(+13),
Қызылорда облысында -3341(+1).
Жалпы, пандемия басталғалы ел бойынша ауырғандар саны – 147236.

Қызылордада коронавирус тіркелді

<a href="https://kyzylorda-news.kz/">Kyzylorda-news.kz.</a> Облыста 8,5 мың шағын және орта бизнес субъектілері 12 мыңнан астам жалдамалы қызметкерлеріне МӘМС жүйесіне жарна төлеуден босатылды. Алайда сақтандыру мәртебесін алу үшін «Saqtandyry» ақпараттық жүйесіне жалдамалы қызметкерлердің деректерін енгізу керек. Қазіргі таңда бұл жұмыстар толықтай аяқталып қалды. Бұл туралы Өңірлік коммуникациялар қызметінің ақпараттық алаңында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.
<blockquote>
 “Сақтандырылмағандардың арасында Үкіметтің қаулысына сәйкес 2021 жылдың 1 қаңтарына дейін жарналар мен аударымдар төлеуден босатылған шағын және орта бизнес субъектілерінің қызметкерлері болуы мүмкін. Жарналардың болмауына қарамастан, мұндай қызметкерлерді сақтандыру үшін жұмыс берушілер msb.fms.kz веб-сайтына қызметкерлер туралы мәліметтерді енгізуі керек, яғни олардың мәртебесін сақтауы керек. Алдағы уақытта бұл қызметкерлер МӘМС жүйесіндегі барлық қызмет түрлерін еркін ала алады”, – деді Бақыт Торғайбайұлы.
</blockquote>
<img src="https://kyzylorda-news.kz/wp-content/uploads/2020/12/131987588_1194929190902591_7311264517094904068_o.jpg" alt="" />
Ағымдағы жылдың 11 айының қорытындысы бойынша ТМККК және МӘМС пакеттері шеңберінде көрсетілген медициналық қызметтер үшін 55 340 741,8 мың теңге, яғни жылдық көлемнің 82 пайызы төленді. Сонымен қатар, шығыстардың басым бөлігі стационарлық медициналық көмекке төленді. Биылғы жылы жоспарлы түрде өңірдің стационарларында 71 588 адам емделді.
Өңірде 2021 жылға арналған медициналық қызметтерді сатып алу бюджеті 65,6 млрд теңгеге бекітілді. Оның 42,8 млрд теңгесі тегін медицицналық көмектің кепілді көлемі аясында, 22,8 млрд теңгесі МӘМС пакетінде. Бүгінде, пациентке медициналық көмек көрсетуден бас тартылса немесе тиісті түрде көрсетілмесе, онда 1406 нөмірі, «Qoldau – 24\7» мобильді қосымшасы немесе «SaqtandyruBot» Telegram-бот бойынша жүгіну қажет. Қордың мамандары мен сарапшылары жедел жауап беріп, қажетті көмек көрсетеді.

Қызылордада жалдамалы 12 мың қызметкер жарна төлеуден босатылды

<a href="https://kyzylorda-news.kz/">Kyzylorda-news.kz.</a> Қазалы қаласында газдандыру жұмыстары басталды.
Құрылыс жұмыстарын бас мердігер «МБК Құрылыс» ЖШС жүргізіп жатыр. Қазалы қаласын газдандыру үшін жүргізілетін полиэтилен және болат газ құбырларының жалпы ұзындығы 58,9 шақырымды құрайды. Оның ішінде жоғары қысымды 0,4, орташа қысымды 9,6, төмен қысымды 48,7 шақырым.
Бір айта кетерлігі, қаланы газдандыру үшін тартылатын 58,9 шақырым құбырдың 46,4 шақырымы жердің үстімен жүргізіледі. Ал, қалған 12,4 шақырымы жердің астымен жүргізіледі.
<img src="https://kyzylorda-news.kz/wp-content/uploads/2020/12/8-1.jpg" alt="" />

Қазалыда газдандыру жұмыстары басталды

<a href="https://kyzylorda-news.kz/">Kyzylorda-news.kz.</a> Қазақстан Республикасының Мәдениет және спорт министрі Ақтоты Райымқұлова Сыр еліне жұмыс сапарымен келді.
Министр мен облыс әкімінің орынбасары Серік Ахмет алдымен Ә.Тәжібаев атындағы облыстық әмбебап ғылыми кітапханасындағы Әл-Фарабидің 1150 жылдығына арналған «Әл-Фараби әлемі», Абай Құнанбайұлының 175 жылдығына арналған «Кемеңгерліктің биік шыңы Абай», Тәуелсіздік күніне арналған «Ел тұғыры-Тәуелсіздік» тақырыбындағы кітап көрмелерімен танысты. Мұнан соң сырбойылық мәдениет және өнер саласы өкілдерімен кездесіп, ағымдағы жылы аймақтың мәдениет саласында атқарған жұмыстарын саралады.
<blockquote>
 “Сыр өңірін қашан да өнер ордасы деп танимыз. Сондықтан биыл Қызылорда облысы мәдениет саласында көптеген жұмыстар атқарып, үлкен жетістіктерге қол жеткізді. Белгілі ақын Мұхтар Ниязов Елордада өткен «Абай тағылымы – тәуелсіздіктің тірегі» атты республикалық ақындар айтысында бас жүлдені иеленіп, үшінші мәрте «Алтын домбыраны» жеңіп алды. Сүлейлердің ізбасары Күнсұлу Түрікпеннің «Дарын» мемлекеттік жастар сыйлығының иегері атанды. Мұның бәрі Қызылорда облысындағы мәдениет саласындағы майталмандардың ерен еңбегінің арқасы деп білемін. Баршаңызды «Тәуелсіздік күні» мерекесімен құттықтай отырып, алдағы жұмыстарыңызға да сәттілік тілеймін”, – деді Ақтоты Райымқұлова.
</blockquote>
Кездесуде сөз алған Н.Бекежанов атындағы қазақ академиялық музыкалық драма театрының көркемдік жетекшісі Әмір-Темір Хұсейін мемлекеттің мәдениет саласына жасап жатқан қолдауларына ризашылығын білдірді. Қасиетті өнердің қара шаңырағы – Н.Бекежанов атындағы қазақ академиялық музыкалық драма театры ғимаратының шатырына күрделі жөндеу жүргізіліп, облыстық филармонияның қосымша ғимаратының құрылысының басталуы Сыр өнерінің алға басуына айтарлықтай ықпал жасады дейді. 
Келелі жиында өнер иелері министр Ақтоты Рахметоллақызына сауалдарын жолдап, өңір мәдениетін дамыту тұрғысындағы пікірлерімен бөлісті. Кездесу соңында Қазақстан Республикасы Мәдениет және спорт министрлігінің «Мәдениет саласының үздігі» төсбелгісімен 6, Құрмет грамотасымен 3, Алғыс хатымен 3 өнерпаз марапатталды. Сонымен қатар Сыр өнерінің дамуына қосқан үлесі үшін 10 мәдениет саласының қызметкері облыс әкімінің Алғыс хатына ие болды.
Министр жұмыс сапары барысында «Мұз айдыны» спорт кешенінің жұмысын да көрді. Кешенде шайбалы хоккей және мәнерлеп сырғанау бойынша оқу-жаттығу сабақтарына, жарыстар өткізуге және халық жаппай сырғанауға арналған жасанды мұз айдыны, оқу-жаттығу сабақтары мен волейбол залы және күрес түрлері мен көркем гимнастикадан оқу-жаттығу сабақтары мен жарыстар өткізуге арналған зал бар. Ақтоты Райымқұлова мұнда Сыр спортшыларымен пікірлесіп, спорт саласындағы атқарылған жұмыстармен танысты. Кездесуде Вилорий Пак, Илья Ильин, Хәкімжан Елеусінов соңғы уақытта спортқа деген тұрғындардың қызығушылығы артқанын айтып, салаға мемлекет тарапынан жасалып жатқан қолдауларға алғысын жеткізді.
Мәдениет және спорт министрі Ақтоты Райымқұлованың Қызылорда облысындағы жұмыс сапары облыс орталығындағы А.Тоқмағанбетов атындағы қалалық мәдениет үйінде қорытындыланды. Министр мәдениет үйі жанынан құрылған «Жастар театрының» жұмысымен танысты. А.Тоқмағамбетов атындағы мәдениет үйі жанынан шығармашыл жастарға қолдау көрсету мақсатында 2016 жылы «Жастар» театры құрылып, «Алғашқы махаббат» қойылымымен театр шымылдығын ашты. Театрға «Мәдениет қайраткері» төсбелгісінің иегері Оңталап Нұрмаханов жетекшілік етеді. Қазір мұнда 15 жас талант қызмет атқарады. Театр ұжымы А. Құнанбайұлының 175 жылдығына орай Қарағанды қаласында өткен республикалық онлайн театрлар байқауына О.Нұрмахановтың «Қалың елім, қазағым, қайран жұртым…» атты қойылымымен қатысып Бас жүлдені иеленді. Ақтоты Рахметоллақызы мәдениет үйі мен театр ұжымының жұмысына оң бағасын беріп, алдағы жұмыстарына сәттілік тіледі.
<img src="https://kyzylorda-news.kz/wp-content/uploads/2020/12/131927106_2987338784702504_3298397092889574018_n.jpg" alt="" />
<img src="https://kyzylorda-news.kz/wp-content/uploads/2020/12/132129572_2987338781369171_2043377481280435336_n.jpg" alt="" />
<img src="https://kyzylorda-news.kz/wp-content/uploads/2020/12/132186516_2987338708035845_6921772339582407696_n.jpg" alt="" />
<img src="https://kyzylorda-news.kz/wp-content/uploads/2020/12/131935318_2987338654702517_8537990094835438279_n.jpg" alt="" />

Ақтоты Райымқұлова Сыр еліндегі атқарылып жатқан жұмыстармен танысты

<a href="https://kyzylorda-news.kz/">Kyzylorda-news.kz.</a> Атмосфералық фронттарға байланысты Қазақстан территориясының басым бөлігінде қар жауады, оңтүстік-батысында жауын-шашын (жаңбыр, қар) түседі, деп хабарлайды Қазгидромет.
Еліміздің қалған аймақтарына антициклон әсер ете бастайды, сондықтан жауын-шашын болмайды. Республиканың кей жерлерінде тұман түседі, бұрқасын соғады. Жел күшйіп, оңтүстік-батыста көктайғақ күтіледі.
Солтүстік Қазақстан, Павлодар облыстарының кей жерлерінде – тұман, көктайғақ. Жел екпіні 23-28 м/с дейін күшейеді. Кей жерлерде бұрқасын болады, Солтүстік Қазақстан облысының кей жерлерінде тұман түседі.
Ақмола облысының кей жерлерінде бұрқасын болып, жел екпіні 23-28 м/с жетеді.
Түркістан облысының кей жерлерінде тұман түсіп, боран соғады. Жел жылдамдығы 15-20 м/с дейін күшейеді.
Маңғыстау облысының кей жерлерінде тұман түседі, көктайғақ болады.
Қарағанды, Шығыс Қазақстан облыстарының кей жерлерінде тұман түседі. Жел қарқыны – 15-20 м/с. Шығыс Қазақастан облысында бұрқасын көтеріледі.
Алматы, Жамбыл, Атырау, Батыс Қазақстан облыстарының кей жерлерінде тұман түседі.

Қазақстан және Қызылорда облысының жаңалықтары

Қызылордада волейболдан ел чемпионаты басталды

“Тұрғын үй құрылыс жинақ банкінің” атауы өзгерді

Сенат зейнетақы жинағын пайдалануға мүмкіндік беретін заң жобасын мәжіліске қайтарды

Аралда заңсыз жұмыс істеген казино қожайыны сотталды

2020 жылы қандай түсті көліктер сұраныста болды?

1 қаңтардан бастап зейнетақы, жәрдемақы, әлеуметтік төлемдер қалай төленеді?

Қазалыда ерікті жастар марапатталды

Қызылордада коронавирус тіркелді

Қызылордада жалдамалы 12 мың қызметкер жарна төлеуден босатылды

Қазалыда газдандыру жұмыстары басталды

Ақтоты Райымқұлова Сыр еліндегі атқарылып жатқан жұмыстармен танысты

Дүйсенбіге арналған ауа райы болжамы

Қазақстан және Қызылорда облысының жаңалықтары

Қызылордада волейболдан ел чемпионаты басталды

&#8220;Тұрғын үй құрылыс жинақ банкінің&#8221; атауы өзгерді

Сенат зейнетақы жинағын пайдалануға мүмкіндік беретін заң жобасын мәжіліске қайтарды

Аралда заңсыз жұмыс істеген казино қожайыны сотталды

2020 жылы қандай түсті көліктер сұраныста болды?

1 қаңтардан бастап зейнетақы, жәрдемақы, әлеуметтік төлемдер қалай төленеді?

Қазалыда ерікті жастар марапатталды

Қызылордада коронавирус тіркелді

Қызылордада жалдамалы 12 мың қызметкер жарна төлеуден босатылды

Қазалыда газдандыру жұмыстары басталды

Ақтоты Райымқұлова Сыр еліндегі атқарылып жатқан жұмыстармен танысты

Дүйсенбіге арналған ауа райы болжамы

“Тұрғын үй құрылыс жинақ банкінің” атауы өзгерді