<a href="https://kyzylorda-news.kz/">Kyzylorda-news.kz.</a> Қызылордада жоғалған 3 жастағы бала пойызға мініп кеткен.
Қызылорда станциясының көлік полицейлерімен жедел іздестіру іс-шарасы нәтижесінде табылған 3 жасар баланың «Алматы-Ақтөбе» бағытындағы жолаушылар пойызына адамдармен ілесіп мініп кеткендігі анықталды. 2017 жылы туған Ахмедияр Болаттың жоғалғандығы туралы Қызылорда станциясының Желілік полиция бөліміне анасы хабарлаған.
Оның айтуынша, Ахмедияр сол сәтте вокзал перронында әжесімен бірге жүріп, әжесі бір сәтте одан көз жазып қалған. Бала Жалағаш станциясында пойыздан түсірілді. Ол станциядағы желілік полиция бөлімшесінің қызметкерлерінің қарауында болып, кейін анасына тапсырылды.
<blockquote>
 «Төбемнен жәй түскендей болды. Темір жолдың қауіпті аумақ екені тағы бар. Ойымыз сан-саққа кетті. Полицейлердің жедел жұмыстарының арқасында балам аман-есен табылды. Алғысым шексіз. Біз үшін естен кетпес оқиға болды», – дейді Ахмедиярдың анасы.
 «Жоғалған баланы іздеу үшін Қызылорда станциясының желілік полиция бөлімінің жеке құрамы жұмылдырылды. Полиция қызметкерлері елеусіз қалатын нысандарды, адамдар көп жиналатын орындарды, вокзалға жақын ғимараттарды және пойыз вагондарын тексерді. Полицейлермен жүргізілген іздестіру жұмыстары барысында жоғалған бала вагон ішінен табылып, аман-есен үйіне оралды. Бүгінгі таңда баланың анасымен профилактикалық жұмыстар жүргізілуде, – дейді, Көліктегі полиция департаменті бастығының орынбасары А.Жұматаев.
</blockquote>

Қызылордада жоғалған бала пойыздан табылды

<a href="https://kyzylorda-news.kz/">Kyzylorda-news.kz.</a> Қызылордада қалалық Полиция басқармасының қызметкерлері бір айдың ішінде бірнеше пәтер ұрлығын жасаған, бұрын сотты болған 34 жастағы күдіктіні қолға түсірді.
Күдікті үй иелері болмаған уақытта аулаларына кіріп, үй ішіндегі бағалы заттар мен велосипедтерді қолды қылған. Тексеру барысында күдіктінің облыс орталығында жасалған басқа да алты қылмысқа қатысы бар екендігі анықталып, айғақ заттар тәркіленді. Қазіргі уақытта күдікті уақытша қамау изоляторына қамалды.
Барлық фактілер бойынша Қазақстан Республикасы Қылмыстық кодексінің 188-бабының 2-бөлігі (Ұрлық) бойынша сотқа дейінгі тергеп-тексеру амалдары жүргізілуде.

Қызылордада бірнеше пәтерді тонаған күдікті ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында ауа райына байланысты ескерту жарияланды.
Синоптиктердің хабарлауынша, 12 тамызда күндіз Қызылорда облысының кей жерлерінде шаңды дауыл күтіледі. Батыстан, солтүстік-батыстан жел соғады, күндіз күші кей жерлерде 15-20 м/с. Күндіз өте жоғары өрт қаупі сақталады.​ ​ ​ ​ ​
Дабылды ескертудің ықтималдылығы 95-100%.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Карантиндік шектеулердің әсері өңірдегі эпидемиологиялық ахуалдың жақсаруына, вирус динамикасының тұрақтануына алып келді.
Індет өршіген кезден бергі жағдаймен салыстырғанда вирус жұқтырғандар саны азайып, сауығып шыққандар қатары көбейді. Бүгінгі күні инфекциялық стационарда 51 адам ем алуда. Аудандардағы ауруханалар ішінен ашылған провизорлық стационарлар жабылуда. Мәселен, кеше Жаңақорған ауданының ауруханасынан соңғы науқас айығып шығып, үйіне оралды. Емдеу мекемелері жоспарлы қабылдауға қайта кірісуде.
Індетті өршітпеу мақсатында өңірде 6 компьютерлік томография жұмыс істеп тұр. Дегенмен, әлі де 2 аппаратқа қажеттілік бар. Дегенмен,рентген аппаратын алу бір ай ішінде 2 есеге өсті. Бұрын 22 аппарат болса, қазір 52 аппаратқа дейін жетіп отыр. Өкпені жасанды желдету аппараттары да қажеттілікке қарай алынған. Шілде айында аппарат саны 64 болса, жаңадан 53 ИВЛ аппараты алынды. Тұрақты қолдау шараларының нәтижесінде аймақта барлығы 431 оттегі концентраторы, 896 оттегі баллондары бар. Ал өңірде 10 ПТР аппараттары халыққа қызмет жасап, тәулігіне 1500 сынама анализдер алуға мүмкіндік берді.
Вирусты болдырмауда дәрі-дәрімектің қорын жасақтау маңызды. Облыста барлық медицина мекемелері дәрілік заттармен және қорғаныш құралдарымен қамтамасыз етілді. Бүгінгі күні қажеттілік есепке алынып, емдеу мекемелерінде 2 айға жетерлік қор қалыптасты. Ал, дәріханаларда 1 айға жетерлік қоры жасақталды.
Өңірде жедел-жәрдем шақыртулары да азайды. Маусым айындағы шақырту санымен салыстырғанда бүгінде науқастардың қоңыраулары екі есеге төмендеген. Бұрын 2120 шақыру түссе, қазір шақырту 1001-ді құрап отыр. Демек, жүктеме төмендеді. Шектеу шараларының оң әсерінен стационарға жеткізілген адамдар саны 8 есеге қысқарды. Маусымдық көрсеткіш 450 болса, шілдеде 57-ге төмендеді. Жеке азаматтардың қауіпсіздікті сақтап, оқшауланып, қажетті ем-шараларын алуына ақпараттық түсіндірме жұмыстарының оң әсері тиді. Өңірде 24 сағат call орталығы жұмыс жүргізіп, 161 мобильді топ құрылды. Біліктікті дәрігерлердің қатысуымен «Дәрігер сағаты» бағдарламасы ашылып, тікелей эфирде халыққа қажетті ақпарат ұсынылды. БАҚ пен әлеуметтік желіде 37887 материал, 220 брифинг өткен.
Соңғы апталық ахуалдың жақсаруына сәйкес медицина мамандары тұрғындардың карантиндік талаптарды сақтап, оқшаулану қағидасымен жүру қажеттігін сұрайды. Тек шектеулердің нәтижесінде ғана айыққандар саны көбейіп, вирус індетін түбегейлі жою мүмкіндігі болады.

Қызылордада карантиндік шектеулердің әсерінен  вирус динамикасы тұрақталып келеді

<a href="https://kyzylorda-news.kz/">Kyzylorda-news.kz.</a> Қызылорда облысында ҚР Парламенті Сенатына депутат сайлау аяқталды.
Сайлаушылардың таңдауымен Ақмарал Әлназарова ҚР Парламенті Сенаты депутаттығына өтті.
Ақмарал Шәріпбайықызы сайлаушылардың басым дауысына ие болған. Оған мәслихат депутаттары 102 дауыс берген.
Ал, Мұрат Сәрсенбаев 25, Айдын Қайруллаев 4 дауыс жинаған.
Айта кетейік, нақты қорытындыны Орталық Сайлау комиссиясы 10 күннің ішінде жариялайды.
Естеріңізде болса, бұған дейін Қызылорда қаласында ҚР Парламенті <a href="https://kyzylorda-news.kz/kogam/qyzylordada-senatqa-depwtattardy-sajlaw-bastaldy-foto-75490/">Сенатына депутат сайлау басталғанын</a> хабарлаған болатынбыз.
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.32.55.jpeg" alt="" />

Қызылорда облысынан Сенатқа депутат болып кімнің сайланғаны белгілі болды

<a href="https://kyzylorda-news.kz/">Kyzylorda-news.kz.</a> Қызылорда қаласындағы ЗК-169/5 мекемесінің тыйым салынған аумағына тыйым салынған затты қоршаудан лақтырған күдікті ұсталды.
Мекеме қызметкерлері тексеру жұмыстарын жүргізу кезінде 20 грамдық щприцке тығыздалып, скотчпен оралған жасыл түсті өткір иісті кептірілген шөп тапты.
Қызылорда ҚПБ-ның жедел тергеу тобы шақыртылып, тыйым салынған зат тәркіленді. Сот-химиялық сараптамасының қорытындысымен оның 15,16 грамм кептірілген марихуана екені анықталған. Аталған факті бойынша сотқа дейінгі тергеп-тексеру амалдары жүргізілуде.
<blockquote>
 «Жазасын өтеп жүрген сотталғандардың туған-туыстары, таныстары тыйым салынған заттарды әр түрлі әрекеттермен өткізбекші болады. Олар әкімшілік, қылмыстық жауапкершілікке тартылатындықтарын біле тұра осындай қадамдарға барады. Жыл басынан бері ҚР Әкімшілік құқық бұзушылық туралы кодексінің 481-бабымен 2 азаматқа айыппұл салынып, 3 азаматқа ескерту берілсе, 5 азамат қылмыстық жауапкершілікке тартылды»,- дейді департамент бастығының міндетін атқарушы әділет полковнигі Мұрат Нәкенов.
</blockquote>

Қызылордада түрме ауласына есірткі лақтырған азамат ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында 10 және 13 жастағы екі бала Сырдария өзеніне суға батып кетті.
Қайғылы оқиға кеше кешкі сағат​ 19​:00 шамасында Сырдария ауданындағы Қараөзек стансасындағы дария бойында орын алған.
Облыс орталығында тұратын 2 бала белгіленбеген аумақта суға шомылған.
<blockquote>
 “Оқиға орнында облыстық төтенше жағдайлар департаментінің мамандары іздестіру шарасын бастап кетті. Әзірге олардың мәйіті табылған жоқ”, – делінген хабарламада.
</blockquote>

Қызылордада 2 бала суға батып кетті

<a href="https://kyzylorda-news.kz/">Kyzylorda-news.kz.</a> Бүгін Қызылорда қаласында ҚР Парламенті Сенатына депутат сайлау басталды.
Қызылорда облысынан ҚР Парламенті Сенаты депутаттығына барлығы 3 кандидат тіркелген.
Олар – Ақмарал Әлназарова, Айдын Қайруллаев және Мұрат Сәрсенбаев.
Ал, кандидаттарға облыс бойынша барлығы 138 мәслихат депутаттары дауыс беруі қажет.
Атап айтқанда, Қызылорда облысынан – 27, Арал, Жалағаш, Сырдария, Шиелі аудандарынан – 13, Қазалы, Жаңақорған аудандарынан – 15, Қармақшы ауданынан – 12, Қызылорда қаласынан – 17 мәслихат депутаты.
Бірақ, облыстық Сайлау комиссиясына дауыс беруге тіркелген депутаттардың саны – 131. Бұл сайлаушылардың 95 пайызын құрайды.
Дауыс беру пункітінде санитарлық-эпидемиологялық жағдай толық сақталған. Мәслихат депутаттары арақашықтықты сақтап, кезек бойынша дауыс беруде.
Айта кетейік, бұған дейін бүгін еліміздің барлық өңірінде <a href="https://kyzylorda-news.kz/kogam/buegin-qazaqstanda-senat-depwtattary-sajlanady-75484/">Сенат депутаттарын сайлау</a> өтетінін хабарлаған едік.
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.32.55.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.41.31.jpeg" alt="" />
<img src="https://kyzylorda-news.kz/wp-content/uploads/2020/08/13b71d0d-a232-44b0-b279-6d40c26f3c2d.jpg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.59.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.59-2.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.59-1.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.58-2.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.58-1.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.57.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.57-2.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.56.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.52-1.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-12-at-10.28.51-2.jpeg" alt="" />

Қызылордада Сенат депутатын сайлау басталды (ФОТО)

<a href="https://kyzylorda-news.kz/">Kyzylorda-news.kz.</a> ҚР Парламенті Сенатының депутаты Мұрат Бақтиярұлы мен Қармақшы ауданының әкімі Мұса Қалдарбеков «Жұмыспен қамту жол картасы» бағдарламасы аясында атқарылып жатқан бірқатар құрылыс нысандарын аралады.
Алдымен Төретам кентіндегі №22 35/10 кВ қосалқы стансасын кеңейту және қайта құрылымдау жұмысының барысын көрді.
<img src="https://kyzylorda-news.kz/wp-content/uploads/2020/08/a31b92d7-8fbb-43af-8f22-172b36326b28.jpg" alt="" />
Одан кейін «Жұмыспен қамту жол картасы» бағдарламасы арқылы Ақай ауылындағы №17 «Алақай» балабақшасы ғимаратында жүргізіліп жатқан құрылыс жұмыстарымен танысты. Сонымен бірге жұмыс сапары барысында Байқоңыр қаласының көпбейінді ауруханасын және құрылымдық бөлімі Төретам кенті ауруханасын аралады. Дәрігерге дейінгі қабылдау кабинеттерін, мүгедектерге арналған бөлмесімен, провизорлық стационар жұмысын және жабдықталуын арнайы аралап көрді.
<img src="https://kyzylorda-news.kz/wp-content/uploads/2020/08/20a3a7b4-9515-44f7-8966-f26dfe594a97.jpg" alt="" />
Сондай-ақ Байқоңыр қаласындағы №275 мектеп ғимаратына жүргізіліп жатқан ағымдағы құрылыс жұмыстарын көрді. Бүгінгі күні ғимараттың жылу жүйесі мен қабырғаларының әрлеп сырлау жұмыстары аяқталған. Есіктері мен терезелері жаңартылған.
<img src="https://kyzylorda-news.kz/wp-content/uploads/2020/08/397c1126-f93f-41a0-b736-a6604b8e634c.jpg" alt="" />
Мұрат Бақтиярұлы мектептердің жаңа оқу жылына дайындығын бақылап, кезекші сыныптарды енгізу, мектепте карантиндік талаптарды сақталуы және білім берудің онлайн форматына ауысу мәселесі туралы ой-пікір алмасты. Мемлекеттік білім беру стандарттары бойынша ұсынысын білдіріп, шешу жолдары талқыланды. «Педагог мәртебесін» сақтау қажеттілігін атап, білім беру сапасы мен саладағы қазіргі бәсекелестік деңгейінің артқанын жеткізді.
Сонымен бірге сапар аясында Төретам кентінде ашылу салтанатына дайын сауда үйі мен базарды аралап көрді.
<img src="https://kyzylorda-news.kz/wp-content/uploads/2020/08/2.jpg" alt="" />
Төретам кентінде биылғы жылы Абай, Жахаев, Нұртуған жырау, Құлқашев көшелеріне орташа жөндеу мен жарықтандыру жұмыстары, тренажерлық және стритболдық алаңының құрылысы, Жанқожа батыр көшесіндегі көпқабатты тұрғын үйлердің аумағын абаттандыру мен №80 орта мектепте ағымдағы жөндеу жұмыстары атқарылуда.
<img src="https://kyzylorda-news.kz/wp-content/uploads/2020/08/35bd984b-bcbb-45a9-86ae-4caff4b39f28.jpg" alt="" />
Жұмыс сапары барысында Сенатор Мұрат Бақтиярұлы Жосалы кентіндегі Қорқыт Ата көшесінде жаяу жүргіншілер жолын салу жұмыстарымен танысты. Бүгінгі күні құрылысы қарқынды жүргізіліп жатқан нысанда жергілікті тұрғындар тартылған және құрылысқа жергілікті өнімдер пайдалануда. Құрылыс барысында пайдаланылып отырған шикізат көздері құм, шебен, бручаткалар Сыр өңірінің тауарлары болып табылады. Бұл жұмыстар да өзіміздің өңірдің тауар өндірушілеріне қолдау екендігін халық қалаулысы Мұрат Бақтиярұлы айтып өтті.
<img src="https://kyzylorda-news.kz/wp-content/uploads/2020/08/1-2.jpg" alt="" />
Сонымен бірге Мұрат Бақтиярұлы Жосалы кентіндегі бірқатар әлеуметтік нысандарды №15 мамандандырылған балалар және жасөспірімдер спорт мектебі ғимаратының құрылыс жұмыстарымен және балалар кітапханасы ғимараты мен №6«Айсұлу» балабақшасының ағымдағы жөндеу жұмыстарымен танысты.
«Жұмыспен қамту жол картасы» бағдарламасы аясында Қармақшы ауданы бойынша 3 млрд 550 мың теңгенің көлемінде 40 жоба іске асырылуда. Осы жобалар аясында жалпы 804 жұмыс орны, оның ішінде жұмыспен қамту орталықтары арқылы тіркеуде тұрған 409 адам жұмыспен қамтылуда.
<img src="https://kyzylorda-news.kz/wp-content/uploads/2020/08/e7f8e713-2831-4a78-9163-f113422f67e8.jpg" alt="" />
Сапар қорытындысында Сенат депутаты Мұрат Бақтиярұлы орталықтағы жаңадан жұмысы жүргізіліп отырған мал бордақылау нысанында болып, кәсіпкерлермен кездесіп атқарылған жұмыстарға оң бағасын беріп, тілектестігін жеткізді.

Мұрат Бақтиярұлы жұмыс сапарымен Қармақшыда болды

<a href="https://kyzylorda-news.kz/">Kyzylorda-news.kz.</a> Бүгін елімізде ҚР Парламенті Сенаты депутаттарын сайлау өтеді. Осылайша республиканың 17 өңірінен Сенатқа бір-бір депутаттан сайланады.
Аумақтық сайлау комиссиялары ұсынған мәліметтерге сәйкес, сайлау бюллетендеріне 46 кандидат енгізілді. Атап айтқанда, Шығыс Қазақстан облысынан – 4 кандидаттан, ал 10 өңірден 3 кандидаттан: Ақмола, Атырау, Батыс Қазақстан, Қарағанды, Қостанай, Қызылорда және Павлодар облыстары, Нұр-Сұлтан, Алматы, Шымкент қалалары. Қалған өңірлерден – 2 кандидаттан тіркелді.
Республика бойынша таңдаушылар тізіміне 3 069 мәслихат депутаты енгізілген. Олардың басым бөлігі Алматы облысынан – 317 және Шығыс Қазақстан облысынан – 301, ал едәуір аз бөлігі Нұр-Сұлтан қаласынан – 21, Шымкент қаласынан – 26 және Алматы қаласынан – 32.
Орталық сайлау комиссиясы және аумақтық сайлау учаскелері тарапынан толыққанды жұмыс жүргізілді. Коронавирус індетіне байланысты сенаторларды сайлаушы мәслихат депутаттарының қауіпсіздігін қамтамасыз ету үшін барлық жағдай жасалды.
Бұл жолғы Сенат депутаттарын сайлауға шетелдік байқаушылар көп қатыспайды. Бұған әлемді жайлаған коронавирус індеті себеп болып отырғаны белгілі. Дегенмен, ҚР Орталық сайлау комиссиясының мәліметінше, Түркітілдес мемлекеттердің ынтымақтастық кеңесінен 5&nbsp;байқаушы&nbsp;аккредиттелген.
Мұнан бөлек, ҚР СІМ жанында аккредиттелген шетелдік бұқаралық ақпарат құралдарының&nbsp;143 өкілі&nbsp;сайлау туралы заңнамаға сәйкес сайлауды халықаралық байқаушылармен тең дәрежеде байқай алады.

Бүгін Қазақстанда Сенат депутаттары сайланады

<a href="https://kyzylorda-news.kz/">Kyzylorda-news.kz.</a> Бүгін Қазақстан территориясының басым бөлігінде ауа райы құбылып тұрады, деп хабарлайды Қазгидромет.
Республиканың кей аймақтарында найзағай ойнап жаңбыр жауса, солтүстікте нөсерлетеді. Дауыл тұрып, бұршақ жаууы да ықтимал. Республиканың кей жерлерінде жел күшейіп, оңтүстікте және оңтүстік-батыста шаңды дауыл тұрады. Солтүстік-батыста тұман түседі.
Ақмола, Солтүстік Қазақстан, Қарағанды, Павлодар, Шығыс Қазақстан облыстарының кей жерлерінде дауыл тұрып, жел секундына 15-25 метр жылдамдықпен ұйтқып, бұршақ жаууы ықтимал.
Алматы, күндіз Жамбыл, Ақтөбе облыстарының кей жерлерінде жел секундына 15-20 метр жылдамдықпен соғады.
Күндіз Қызылорда, Маңғыстау облыстарының кей жерлерінде желдың жылдамдығы секундына 15-20 метр болады.
Қостанай облысының кей жерлерінде желдің жылдамдығы секундына 18 метрге жетеді. Түнде және таңертең тұман түседі.
Қызылорда, Түркістан облыстарының басым бөлігінде, Жамбыл, Алматы, Қарағанды, Атырау, Ақтөбе облыстарының кей жерлерінде өрт қаупі сақталады.

Бүгін барлық аймақта ауа райы құбылмалы болады

<a href="https://kyzylorda-news.kz/">Kyzylorda-news.kz</a> ақпараттық агенттігінің 12 тамызға арналған жұлдыз-жорамалы.
Тоқты
Бүгін қызықты идеяларыңызбен басшылықтың көзіне түсесіз. Жаңа жобаларды қолға алып, абыройыңызды арттыра түсесіз.
Торпақ
Өзіңіздің жоспарларыңызды жүзеге асырып, белсенділік танытатын уақыт. Болашағы зор жұмысқа орналасуға немесе жаңа кәсіп бастауға қолайлы күн.
Егіздер
Асығыстық сізге жат қылық болғанымен, бүгін тым асығыссыз. Дегенмен барлығын уақыттың еншісіне қалдырғаныңыз жөн.&nbsp;
Шаян
Бүгін біраз уақыттан бері жиналған жұмыстарды тез арада бітіруге тура келеді. Жұмысты тиянақты атқарып, басшылыққа өзіңіздің қабілетіңізді көрсете аласыз.
Арыстан
Бүгінгі кездесулерден жаңа таныстар тауып, олардың сізге пайдасы тиетін болады. Ең бастысы көп сөйлеп, ешкімнің мазасын алмаңыз.&nbsp;
Бикеш
Сізді жаңа өмір күтіп тұр. Қызметте өсесіз, жеке кәсіпте табысыңыз артады, сондай-ақ шығармашылығыңыз шыңдала түседі.
Таразы
Бүгінгі күн ем қабылдауға қолайлы. Жұмысқа қатысты мәселелерді түске дейінгі уақытта шешіп алыңыз. Алға ұмтылуға бейім жандар қызметте өседі.
Сарышаян
Бүгін сіз үшін қаржылық жағдайыңыз маңыздырақ. Біраз шығындаласыз. Бірақ бұл шығындар сіздің жан рахатыңыз үшін жұмсалады.
Мерген
Жұлдыздар материалдық жағдайыңызды жақсартуға, өмір сүру салтыңызды жоғары деңгейге жеткізуге күш-қуат береді. Өзіңізге сенімділігіңіз артады.
Тауешкі
Ұстаздар, шығармашылық бағыттағы жандар, саудагерлер және делдалдар үшін өте сәтті күн болмақ. Олар бүгін табысты болады. Бүгінгі басты қағида – ұстамды болу.
Суқұйғыш
Ойлау қабілеті терең жандар орын алған оқиғалардың соңы қалай аяқталатынын жақсы біледі. Сондай-ақ барлық жұмыста белсенділік танытып, оң шешім табуға атсалысады.
Балықтар
Күніңіз сәтті өтеді. Оған себеп, күш-қуатыңыздың мол болуы, өз ісіңізден ләззат ала білуіңіз. Бүгін сіз келешегі зор, қызықты жұмыс табасыз.

Қазақстан және Қызылорда облысының жаңалықтары