<a href="https://kyzylorda-news.kz/">Kyzylorda-news.kz</a> Биыл Арал ауданында «Аралтұз» АҚ-ның «Ас тұзын өндіру» цехы іске қосылады. «Qazaq Qamel» ЖШС-нің «Түйе сүтінен құрғақ ұнтақ шығару зауыты» салынбақ. Сондай-ақ, Қармақшы ауданында жаз-қыс мезгілдерінде балалар демалысы үшін 150 орындық лагері және Қызылорда қаласындағы Ш.Есенов атындағы 150 орындық білім беру орталығы ашылады. Бұл Тәуелсіздіктің 30 жылдығына орай жоспарланған игі жұмыстардың бір парасы. Өңірлік коммуникациялар қызметің ақпарат алаңында өткен баспасөз конференциясында облыстық ішкі саясат басқармасының басшысы Мира Қазбекова толығырақ тоқталды.
Сонымен қатар, дала академигі Ыбырай Жақаевтың 130 жылдығы мен әнші Роза Бағланованың 100 жылдығына арналған мерекелік шаралар, Сыр сүлейі Кете Жүсіп Ешниязұлының 150 жылдығына арналған «Жырлансын Тәуелсіздік жырлары» атты республикалық жыршы-жыраулар байқауы, Жалаңтөс Баһадүрдің 445 жылдығына аясында Қазалы ауданында ескерткіш орнату да осы жылдың еншісіндегі ауқымды шаралар.
Семей ядролық сынақ алаңының жабылғанына 30 жыл толуына арналған «Тәуелсіздік жетістіктері және Халықаралық ядролық сынақтарға қарсы іс-қимыл» атты дөңгелек үстел, «Тәуелсіз Қазақстанның қалыптасуы мен дамуындағы Елбасы рөлі» атты облыстық ғылыми-практикалық конференциялар өткізуде жоспарлануда. 
Айта кету керек, «Жасампаздыққа толы жылдар» басты идеясы аясында Тәуелсіздіктің 30 жылдығын мерекелеу 12 тақырыптық бағытта іске асуда. Жыл басынан бері облыста 4347 іс-шара жүзеге асса, оның 3-і халықаралық, 11-республикалық деңгейде. Сондай-ақ, өңірімізде 11 әлеуметтік нысан ашылды.
<blockquote>
 «Атап айтқанда, «Бір терезе» қағидаты негізінде үкіметтік емес ұйымдарға қолдау көрсету азаматтық орталығы, Қызылорда қаласындағы теннис орталығы, Жалағаш кентінде салынған аудандық жабық бассейні, «Бизнеске арналған үкімет» орталығы мен Сырдария ауданы, А.Тоқмағамбетов ауылында орналасқан 3 тұрғын үй пайдалануға берілді. Бұдан бөлек, Жалағаш кентін көгілдір отынға қосу, Жосалы кентіне жүргізілетін газ құбырының және кварталішілік газ құбырлары құрылысын іске қосу, Арал ауданы Аққұлақ елді мекеніне, Қазалы ауданы Жанқожа, Майдакөл елді мекендерін су жүйесіне қосу жұмыстары жүргізілді. Осы жерде ерекше айтатынымыз, атқарылған жұмыстардың нәтижесінде, облыстағы барлық аудан орталықтары көгілдір отынға қол жеткізіп отыр», – деді Мира Жомартқызы.
</blockquote>
«Қайырымды істер марафоны» жобасы да ел тәуелсіздігін мерекелеу аясында қолға алынды. Жыл басынан бері облыстық волонтерлер фронт офисімен бірігіп, 22 156 адамды қамтыған 450 шара өтті. 6 548 адамға 91,7 млн теңгенің көмегі берілді. Волонтерлер фронт офисінің жетекшісі Болатбек Айтбенбетовтің айтуынша, жыл соңына дейін 1000 қайырымды іс жасау жоспарланып отыр.
Жалпыұлттық жоба бастау алғаннан бері білім беру саласы белсенді ат салысып келеді. Мектеп оқушыларынан құралған еріктілер тобы үйден оқитын, ерекше білім беруді қажет ететін оқушыларға көмек қолын созуда. 
Ел тәуелсіздігінің 30 жылдығы аясында өткізілетін шаралар жыл көлемінде лайықты жалғасын тауып, жоғары деңгейде ұйымдастырылатыны анық.

«Аралтұз» АҚ-ның «Ас тұзын өндіру» цехы іске қосылады

<a href="https://kyzylorda-news.kz/">Kyzylorda-news.kz</a>.&nbsp; Елімізде міндетті әлеуметтік медициналық сақтандырудың (МӘМС) &nbsp;толықтай енгізілгеніне 1,5 жылдың шамасы болды, алайда бүгінгі таңға жүйенің толыққанды іске асырылуына кедергі болып отырған бірқатар факторлар жайында, және&nbsp; де оларды еңсеру жолдары туралы осы алқалы жиында егжей-тегжейлі тоқтала кететін боламыз.
«Денсаулық сақтау жүйесі халықтың денсаулығы мен өмір мүдделерін бірінші орынға қоюы тиіс» Мемлекет Басшысы Қасым-Жомарт Тоқаевтың 15 қаңтар 2021 ж. ҚР Парламентінің VII шақырылымының бірінші сессиясының ашылуында сөйлеген сөзінен аңғаратынымыз – деннің саулығы мен халықтың амандығы қазіргі пандемия жағдайында бұрынғыдан әлдеқайда зор маңызға ие болып отырғаны.
2 маусымдағы өңірлік штабтың хаттамалық шешімдегі тапсырмалардың орындалуы жайлы жергілікті атқарушы органдардан хат арқылы сұратылған. Алайда, келесі мекемелерден ақпараттар келмеді: Қызылорда қаласы, Қармақшы, Жаңақорған аудан әкімдіктері, облыстық білім және ішкі саясат басқармалары. Ал, қалған жергілікті атқарушы органдаран келген мекемелердің ақпарттары бір сыпыра бірдей мәліметтер болып отыр. Одан бөлек, құқық қорғау органдары өз қызметкерлерін «Тұлғаларды есепке алу» бағдарламасына тіркелім уақытымен жүргізілуде деген ақпарат келді.
Облыстағы «Қорыт Ата» мен «Болашақ» университеттері студенттер мен оқушыларды сессия сайын тіркелім жасалынып жатқандығын хабарлады.
МӘМС жүйесінің толыққанды жүзеге асуына кедергі келтіріп отырған бірінші үлкен мәселе – өңіріміздегі сақтандырылмаған азаматтардың үлес салмағының әлі де жоғары болуы. Республика бойынша 18 млн тұрғыңдардың 15 млн астамы, яғни 81% cақтандырылған. Ал Қызылорда облысы бойынша 800 мыңдай тұрғындардың тек 652 мыңдайы (81%) сақтандыру мәртебесіне ие болып, соңғы қатардағы орындарға жайғасты. Меже бойынша 2020 жылдың соңына өңір тұрғындарының 87% сақтандырылу қажет еді, алайда бұл орындалмай отыр.
2021 жылғы 1 шілдесіндегі ахуал бойынша облыс бойынша МӘМС жүйесінде сақтандырылмаған азаматтар 146 193 адамды құрап, а.ж. 1 маусымындағы жағдаймен салыстырғанда 4&nbsp;207 адамға (2,8%) артқан. Яғни осыншама адам медициналық көмекті толыққанды алу мүмкіндігінен айырылып отыр.&nbsp;
Оның ішінде Бірыңғай жиынтық төлем төлеушілер – 63 651 (43,5%), 43 298 адам (29,9%) – әр түрлі мекемеде жұмыс жасайтын жалдамалы жұмысшылар, 5 520 адам (3,7%) – жеке кәсіпкерлер, 3 049 адам (2%) – жеке тәжірибемен айналысатын адамдар және 3 037 (2%) – басқа санаттағы адамдар, 1 341 адам (0,9%)- өзі өзін қамтамасыз ететіндер, 26 324 – мәртебесі анықталмағандар.
Ағымдағы жылдың 1 маусымында сақтандырылмағандар саны 141 986 құраса, ал 1 шілдесіндегі мәлімет бойынша бұл санаттағы азаматтар 146 193-ға дейін көбейген, яғни бір ай ішінде сақтандырылған мәртебесі жоқтар тағы 4 207 тұрғынға артқан деген сөз. Сақтандырылмаған азаматтардың тізімін мәлімет және жұмыс жасауға пайдалану үшін ай сайын қалалық, аудандық әкімдіктері мен медициналық мекемелерге және облыстық кірістер департаментіне жолданғанымен, бұл азаматтар санының азаймай отырғаны атқарылған жұмыстардың мардымсыз, немесе тіпті жоқ екенін білдіреді. Алдағы уақытта халық арасында МӘМС пакетіндегі медкөмекті ала алмау аймағымызда пандемия салдарынан онсыз да қордаланып отырған әлеуметтік проблемаларды шиеленістіріп, резонанс тудыруы әбден ықтимал. Сол себепті, біз өз тарапымыздан а.ж. 2 маусымындағы өңірлік штабта – қала мен аудандарда&nbsp; «МӘМС жүйесіне тарту» жұмысшы тобын құрып, олардың қатарына міндетті түрде жергілікті әкімшіліктің лауазымды тұлғаларын басшы етіп тағайындап, сәйкесінше медицина саласының, жұмыспен қамтуды үйлестіру және әлеуметтік саланың қызметкерлерін, жергілікті учаскелік полиция қызметкерін, қоғам белсенділері мен халыққа сөзі өтетін сыйлы азаматтарды қосып, күшейтілген ақпараттық-түсіндірме жолымен сақтандыру мәртебесіне өткізуді қолға алуды ұсынған болатынбыз, алайда ол жұмыс атқарылмай отырғаны айдан анық дүние. Оған қоса, 2021 жылдың 1 наурызында өткізілген денсаулық сақтау саласының жылды қорытындылау алқасында Премьер-Министрдің орынбасары Е.Л.Тоғжанов өңірлердің денсаулық сақтау басқармаларының басшылары жергілікті атқарушы органдардың құрылымдық бөлімшелерімен бірлесіп, өзін-өзі жұмыспен қамтыған халықты МӘМС жүйесіне тарту бойынша түбегейлі шаралар қабылдау туралы тапсырма берді (хаттамалық шешімінің 5 тармағының 5.3 тармақшасы). Осыған сәйкес, жергілікті атқарушы органдармен бірлесіп, күшейтілген түрде халыққа жүйенің маңыздылығын толық жеткізуіміз керек деген ойдамын.
Қала мен аудандар қиығындағы сақтандырылмаған тұрғындардың әлеуметтік портретіне көз салсақ, олардың дені – БЖТ төлеушілер (43,5%), жалдамалы жұмыскерлер (29,9%) және аз бөлігі жеке кәсіпкерлер (3,7%) екеніне көз жеткіземіз.
Жергілікті атқарушы органдар мен салықтық департаменттердің заң аясындағы атқаратын жұмыстарының алгоритмі көрініс тапқан.
Міндетті әлеуметтік медициналық сақтандыру жүйесін табысты енгізу жергілікті және республикалық меморгандар мен ведомстволардың ортақ жауапкершілігіне негізделгендіктен, бұл тек денсаулық сақтау саласына ғана тиісті мәселе емес екендігін баса айтқымыз келеді. Яғни, елдің, жердің бас егесі болып саналатын жергілікті атқарушы органдар, оның ішінде бірінші кезекте әкімдіктер сеніп тапсырылған өз әкімшілік-аумақтық бірлікте тұратын халықты МӘМС аясына тартып, сақтандыру мәртебесіне өткізуге бел шеше кірісуі міндетті.
Алайда, жергілікті атқарушы органдар өздеріне заңмен берілген уәкілеттерді толық пайдаланбай отырғанға ұқсайды.&nbsp;&nbsp;
Мәселен, ҚР 2015 жылғы 16 қарашадағы №405 «Міндетті әлеуметтік медициналық сақтандыру туралы» Заңының (әрі қарай -Заң) 30-бабының 8-тармағына сәйкес, &nbsp;аударымдарды және&nbsp; жарналарды, сондай-ақ, есептелген өсімпұлды төлеудің толықтығын және уақтылығын бақылауды Қазақстан Республикасының заңнамасына сәйкес мемлекеттік кіріс органдары жүзеге асырады.
Алайда, жоғарыда атап көрсетілгендей, қазіргі таңда бірқатар мекемелер өз жұмысшыларына яғни 43 298 жұмысшыға (1 маусыммен салыстырғанда – 1&nbsp;934 адамға көбейген), 5 520 жеке кәсіпкерлер (1 маусыммен салыстырғанда – 20 кәсіпкерге көбейген) мен 2 049 жеке тәжірибемен айналысатын адамдардың (1 маусыммен салыстырғанда – 359 көбейген) жарналары уақытылы төленбей, олар сақтандыру мәртебесінен айырылып отыр.&nbsp;
Заңның 31-бабында төлеушінің аударымдары мен жарналарын уақытылы аудармағаны үшін жауаптылығы қарастырылған, яғни аударымдар мен жарналардың уақытылы аударылмаған сомаларын мемлекеттік кіріс органдары өндіріп алады және төлеуші оларды ҚР Ұлттық Банкі белгілеген қайта қаржыландырудың 1,25 еселенген ресми мөлшерлемесі мөлшерінде мерзімі өткен әрбір күн үшін есепке жазылған өсімпұлмен бірге қордың шотына аударуға тиіс екені туралы көрсетілген.&nbsp;
Бұдан басқа, ҚР салық заңнамасында көзделген тәуекелдерді басқару жүйесіне сәйкес тәуекелдің жоғары немесе орташа деңгейі санатына жатқызылған төлеушінің аударымдар мен жарналар бойынша берешегі түзілген күннен бастап бес жұмыс күнінен кешіктірмей мемлекеттік кіріс органы төлеушіге берешек сомасы туралы хабарлама жіберуге тиіс.
Аударымдар мен жарналар бойынша берешек өтелмеген жағдайда мемлекеттік кіріс органы төлеушінің банктік шоттары мен кассасы бойынша шығыс операцияларын тоқтата тұруға, және берешек сомаларын мәжбүрлі тәртіппен өндіріп алуға құқылы.
Алайда, МӘМС жүйесінің 1 жылдан астам мерзімде іске асырылуына қарамастан, Заңның бұл талаптары орындалу деңгейі бізге беймәлім.
Одан басқа да жағдайлар да алдарыңыздағы слайдта көрініс тапқан.
Бұдан бөлек, Еңбек, әлеуметтік қорғау және көші-қон комитетінің Қызылорда облысы бойынша департаментінің&nbsp; мәліметі бойынша ҚР Еңбек және халықты әлеуметтік қорғау министрлігінің Еңбек, әлеуметтік қорғау және көші-қон комитетімен Ресей Федерациясының Зейнетақы қорынан Байқоңыр қаласында тұратын, РФ заңнамасы бойынша зейнетақы алатын ҚР азаматтарының нақты саны туралы мәлімет сұратылған. Осыған орай, мәлімет уақытында келген жағдайда МӘМС туралы заңның 26-бабының 1-тармағы 7-тармақшасындағы 15 жеңілдігі бар санаттардың қатарын Байқоңыр қаласында тұрақты тұратын, РФ зейнетақы қорынан зейнетақы төлемдерін алатын ҚР азаматтарымен толықтыруға мүмкіндік жасау Еңбек, әлеуметтік қорғау және көші-қон комитетінің Қызылорда облысы бойынша департаментімен қарастырылады деген ойдамыз.
Облысымызда әр бір медицина ұйымдарында «бестіктер» құрылып, яғни бес маман бекітіліп, осы мамандар МӘМС жайлы 100% біле отырып, өздері каскад әдісімен ары қарай мекеменің барлық қызметкерлерін тұрақты оқыту үстінде. «Құпия науқас» бағдарламасын өткізу 2020 жылдан бері Орталық аппарат және басқа өңірдегі филиалдардың қатысуымен тұрақты түрде өткізілуде, алайда слайдта көрініп тұрғандай медқызметкерлердің білу деңгейі көңіл көншітпейді. Медициналық қызметкерлердің біліктілік деңгейін әлі де болса көтеру қажеттілігі айдан анық дүние. Одан бөлек емханаға тіркелмеген халық саны облыс бойынша 1 шілдедегі мәлімет бойынша 6&nbsp;773 (1 маусымдағы мәлімет – 7&nbsp;066 тұрғын, тек 1 ай ішінде 293 тұрғын ғана емханаға тіркелген) тұрғындарды құрап отыр (ҚР-157 944).
Қор тарапынан 2020 жылдаың 2 тоқсанынан бастап «Qoldau-24/7»&nbsp; мобилді қосымшасы әзірленген-ді. Бұл қосымшаның маңыздылығы – МӘМС жүйесіне байланысты толық ақпарат алуға және де медицина мекемесінің қызметіне шағым қалдыруға&nbsp; болады. Мобилдік қосымшаны қолдану үшін, Google Play Market/АРР Store) арқылы «Qoldau 24/7» қосымшасын жүктеп, жүйеде тіркелу қажет.&nbsp; Қосымшаның ақпараттық материалдары мен видеороликтері де жасақталған.
Бақыт Исмаханбетов,
«Әлеуметтік медициналық сақтандыру қоры» КЕАҚ Қызылорда облысы бойынша филиал директоры

Қызылорда облысында МӘМС жүйесінде сақтандырылмаған азаматтардың саны өсуде

<a href="https://kyzylorda-news.kz/">Kyzylorda-news.kz</a>&nbsp; Қоғамдық бірлестік биыл АҚШ-тың Халықаралық даму агенттігі (USAID) қаржыландыратын Орталық Азиядағы әлеуметтік инновациялар бағдарламасы аясында Еуразия қорының қолдауымен «Келешек мамандықтары: Жұмыссыздық проблемаларының шешімі» жобасын жүзеге асырып жатыр. Жоба аясында жастарға SMM маркетинг, графикалық дизайн, мобилография секілді қысқа мерзімді курстар ұйымдастырып, жұмыс табуына қолдау көрсету болатын.
Осыған дейін SMM маркетинг аясында жастарға оқыту курсын ұйымдастырған қоғамдық бірлестік шілде айында мобилография курсын қорытындылады.
Мобилография курсы аясында Қызылорда қаласының 10 жасы офлайн біліктілігін жетілдірді. Курс қатысушыларына қосымша құралдарсыз, ұялы телефон арқылы жарнамалық материалдар дайындау жолдары үйретілді.
<blockquote>
 «Курстың негізгі мақсаты – қатысушыларға видео контент жасауды үйрету. Себебі қазіргі таңда фотомен бірге осы видео контентке сұраныс өте жоғары болып тұр. Курсқа қатысушылардың арасында ұялы телефонды тек байланыс құралы ретінде пайдаланатындары да болды. Жаңа сала болғандықтан алғашында қатысушыларға курстағы материалдарды қабылдау сәл қиындық тудырды. Дегенмен практика жүзінде қолданылу барысын көргеннен кейін қызығушылықтары оянып, белсенді бола түсті. Оқу курсы барысында экспозия, композиция, стабилизация, ракурс, фон, жарықтың түсу ерекшелігі, сондай-ақ видео әзірлеуге арналған қосымшаларды қолдану тәсілдері үйретілді», – дейді курстың бизнес-тренері Ботагөз Бақбергенова.
</blockquote>
Курсқа қатысушыларға теориялық біліммен қатар оны практикада қолдану жолдары да үйретілген. Ол үшін қатысушылар түрлі саладағы кәсіпкерлік субъектілерінен практикадан өтіп, жасаған жұмыстарын курстың соңында арнайы қорғады. Қорытындысымен арнайы сертификаттарға ие болды.
<blockquote>
 «Жобаның ең негізгі жетістігі – қатысушылардың жұмыс тауып, кейбірінің жеке кәсібін ашуы. Екі қатысушы өз кәсібін ашты. Бірі ұялы телефондардың аксессуарларын, енді бірі автомобильге арналған жабдықтарды сатумен айналысуда. Әрине жарнама жасауда қосымша қаржы немесе маман тартпай, өздері жүргізіп жатыр. Екі қатысушымыз тұрақты жұмысқа орналасты. Бұл біз үшін өте жақсы көрсеткіш», – дейді «Бастамаларды қолдау» қоғамдық бірлестігінің төрайымы Мадина Төлепова.
</blockquote>
Қоғамдық бірлестік енді жастарды графикалық дизайнға үйрететін курсты ұйымдастыруда. Нәтижесі туралы алдағы уақыттарда айтатын боламыз.

«Бастамаларды қолдау» қоғамдық бірлестігі оқытқан жастар жұмыс тауып, кәсіптерін ашуда

<a href="https://kyzylorda-news.kz/">Kyzylorda-news.kz</a>&nbsp; Қазгидромет 22-24 шілдеге арналған ауа райы болжамын жариялады.
<blockquote>
 «Ауа райының құбылмалы сипаты оңтүстік және солтүстік облыстарды қоспағанда, елдің көп бөлігінде сақталады. Атмосфералық фронтальды бөліктердің өтуімен жаңбыр жауады, 23 шілдеде шығыста, 23-24 шілдеде батыста-найзағай, екпінді жел, бұршақ, дауыл, оңтүстікте шаңды дауыл күтіледі. Жауын-шашыннан басқа ауа температурасының күндіз солтүстікте және орталықта 30-38 градусқа дейін, оңтүстікте 37-44 градусқа көтеріледі. Елдің оңтүстік-шығысында 33-42 градус ыстық болады. Тек еліміздің батысында ғана 33-41 градус ыстықтан 25-33 градусқа төмендеуі байқалады», – делінген хабарламада.
</blockquote>

Алдағы күндері 44 градусқа дейін ыстық болады

<a href="https://kyzylorda-news.kz/">Kyzylorda-news.kz</a>&nbsp; Қазақстанның премьер-министрі Асқар Мамин Маңғыстау облысына барып, облыстағы құрғақшылықтан зардап шеккен фермерлік шаруашылықтарға көмек көрсетуді тапсырды.
Облыс әкімі Серікбай Тұрымов үкімет басшысына өңірдегі мал шаруашылығы саласында қалыптасқан ахуал және құрғақшылықтан зардап шеккен аудандарды жем-шөппен қамтамасыз ету жөнінде айтты. Сондай-ақ зардап шеккен Маңғыстау, Бейнеу, Қарақия аудандарын жем-шөппен қамтамасыз ету бойынша ақпарат берді, деп хабарлады премьер-министрдің&nbsp;<a href="https://primeminister.kz/kz/news/ukimet-basshysy-mangystau-oblysyndagy-kurgakshylyktan-zardap-shekken-fermerlik-sharuashylyktarga-komek-korsetudi-tapsyrdy-216851">сайты</a>.
Тұрымовтың айтуынша, Ақтөбе, Батыс Қазақстан және Қостанай секілді көршілес облыстардан шөп жеткізу және өткізу жұмыстары жолға қойылған.
“Азық-түлік келісімшарт корпорациясы” ҰК” АҚ-мен жасалған келісімшарт негізінде 1 200 тоннадан астам арпа әкелінген. Олар фермерлерге нарықтық бағадан төмен бағамен сатылды.&nbsp;
Сондай-ақ өңірде мал басын түгендеу бойынша арнайы комиссия жұмыс істеп жатыр. Фермерлік шаруашылықтарды жем-шөппен қамтамасыз ету жөніндегі мәселелерді жедел шешу және мониторинг жасау жөніндегі республикалық штаб та бар. Оның қорытындысы бойынша үкімет Маңғыстау облысында малдың аналық басына арналған азыққа жұмсалған шығындарды ішінара өтеуге 1,9 миллиард теңге бөлді.&nbsp;
Сапар барысында премьер-министрдің тапсырмасы бойынша фермерлік шаруашылықтарға қолжетімді бағамен көлемі 114,7 мың тонна дайындалған шөпті сатып алу және жеткізу үшін тұрақтандыру қорын қалыптастыруға, сондай-ақ “Азық-түлік келісімшарт корпорациясы” ҰК” АҚ арқылы көлемі 56,3 мың тонна жем-шөп (кебек) сатып алуға қосымша қажетті қаражат бөлінетін болды.

Құрғақшылықтан зардап шеккен шаруашылықтарға көмек беріледі

<a href="https://kyzylorda-news.kz/">Kyzylorda-news.kz</a> Қызылордалық полицейлер «Құқық&nbsp; тәртібі» жедел профилактикалық іс-шарасының 1 күнінде 10 қылмыс ашты.&nbsp; Облыс&nbsp; орталығында бұрын жасалған 3 қылмыстың беті ашылды. Профилактикалық есепте тұрған 372 тұлға тексерілді.
Облыс бойынша барлығы 259 әкімшілік құқық бұзушылық анықталды. 15 ұсақ бұзақылық анықталып, 12 тұрғын түнгі тыныштықты бұзған.
<blockquote>
 «Жол қауіпсіздігіне келер болсақ, жылдамдықты асырған 60 жүргізуші,&nbsp; көлікті мас күйде басқарған 4 жүргізуші, 21 жаяу жүргінші жол қозғалыс ережесін бұзған, барлығы заңға сәйкес жауапкершілікке тартылды», – делінген полиция департаментінің хабарламасында.
</blockquote>

Қызылордада 1 күнде 10 қылмыстың беті ашылды

<a href="https://kyzylorda-news.kz/">Kyzylorda-news.kz</a> Бұған дейін біз Қазалы қаласындағы 10 көше қайта жаңғыртылудан өткізіліп жатқанын айтқан болатынбыз. Кешеден бастап көшелерді асфальттау жұмыстары басталды. Мердігер мекеме З.Бұлақбаев көшесіне 800 метр асфальт төсеп, Бекетай би көшесінің жартысына қара шебень төгіп қойған.
<img src="https://syrboyi.kz/wp-content/uploads/2021/07/dsc_2050-1024x683.jpg" alt="" />
Аудан әкімі Мұхтар Оразбаев Қазалы қаласына арнайы барып, атқарылып жатқан жұмыстармен танысты. Мұхтар Әуесұлы мердігер мекеме мен тиісті сала басшыларына асфальттың сапасына қатты мән беруді тапсырды. Айта кетейік, бюджеттен бөлінген қаржыға Қазалы қаласындағы С.Толыбеков, З.Бұлақбаев, Аманкелді батыр, Бекетай би, Қ.Рысқұлбеков, Ы.Алтынсарин, А.Қыстауов, Б.Момышұлы, Г.Шляпин, С.Мұқанов көшелері қайта жаңғыртылудан өткізілуде.

Қазалы қаласындағы көшелерді асфальттау басталды

<a href="https://kyzylorda-news.kz/">Kyzylorda-news.kz</a> Президент қатысуымен өткен жиында премьер-министр орынбасары Ералы Тоғжанов 1 қазаннан бастап дәрігерлерге “ковидтік” үстемеақы төленбейтінін айтқан болатын.
<blockquote>
 “Тамыз-қыркүйек айларында 50% төленеді. Бұл жүйенің орнына 1 қазаннан бастап медицина қызметкерлерін қолдаудың өзге шаралары енгізіледі. Олар елдегі эпидемиологиялық жағдайға тәуелді болмайды” – деп жазады&nbsp;<a href="https://24.kz/ru/news/social/item/487493-s-1-oktyabrya-otmenyat-kovidnye-nadbavki-vracham">“Хабар 24”</a>&nbsp;телеарнасы премьер-министр орынбасарына сілтеме жасап.
</blockquote>
Тоғжановтың айтуынша, дәрігерлерге қаржылық қолдау өткен жылдың наурыз айынан бері көрсетіліп жатыр. Қазігі уақытқа дейін 229 миллиард теңге төленді.
Сұраныс жоғары бағыттағы медицина қызметкерлерінің жалақысы 9 санат бойынша көтеріледі. Әзірге әлі есептеліп жатыр. Бұл мақсатқа шамамен 14 миллиард теңге қажет болады.
Маусым айында президент Қасым-Жомарт Тоқаев “ковидтік” үстемеақыға бюджеттен тағы 71,5 миллирд теңге бөлінетінін мәлімдеген болатын. Бұдан бөлек, денсаулық сақтау министрлігі медицина қызметкерлеріне психоэмоционалдық төлем жасайды.

COVID-19: 1 қазаннан бастап дәрігерлерге үстемеақы төленбейді

<a href="https://kyzylorda-news.kz/">Kyzylorda-news.kz</a>&nbsp; Әлемде үнді штамынан да қауіпті болатын жаңа штамм пайда болуы мүмкін. Дүниежүзілік денсаулық сақтау ұйымының бас директоры Тедрос Адханом Гебрейесус Халықаралық олимпиада комитетінің 138-ші сессиясында осылай деп <a href="https://sputnik.kz/world/20210721/17646907/DDS-COVID-shtam.html">ескертті.</a>
Гебрейесустың айтуынша, инфекцияның бүкіл әлемге таралуы жаңа штаммның пайда болуына әкеп соғады.
<blockquote>
 “Коронавирустың таралу аумағы кеңейген сайын, қазіргі “дельтадан” да қауіпті штаммның пайда болу мүмкіндігі артады. Вирустың жаңа түрлері көбейген кезде, олардың біреуі вакцинаға бағынбай, біз тағы ең басына оралуымыз мүмкін”, – деді ДДСҰ басшысы.
</blockquote>
Гебрейесус COVID-19-ға қарсы күресте Дүниежүзілік денсаулық сақтау ұйымының басты міндетін атады. Ол әр елде халықтың 70 пайызының вакцина салдыруы.
Гебрейесустың пікірінше, пандемияны бақылауға алуға болады. Алайда індетті толығымен жою үшін 11 миллиард доза профилактикалық препарат қажет.

ДДСҰ басшысы COVID-тың жаңа қауіпті штамы пайда болуы мүмкін екенін айтты

<a href="https://kyzylorda-news.kz/">Kyzylorda-news.kz</a> Қазақстанда өткен тәулікте 2529 адам коронавирус індетінен емделіп шықты. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 499
Алматы қаласы – 503
Шымкент қаласы – 277
Ақмола облысы – 126
Алматы облысы – 38
Атырау облысы – 37
Шығыс Қазақстан облысы – 71
Жамбыл облысы – 15
Батыс Қазақстан облысы – 96
Қарағанды облысы – 506
Қостанай облысы – 23
Қызылорда облысы – 26
Маңғыстау облысы – 156
Павлодар облысы – 66
Солтүстік Қазақстан облысы – 53
Түркістан облысы – 37
Қазақстан бойынша жазылғандар саны – 436523.

Қызылордада 26 науқас емделіп шықты

<a href="https://kyzylorda-news.kz/">Kyzylorda-news.kz</a> Қазақстанда өткен тәулікте 5179 адамда коронавирус індеті ПТР арқылы расталып ауырғаны белгілі болды. Бұл туралы&nbsp;<a href="http://www.coronavirus2020.kz/">www.coronavirus2020.kz</a>&nbsp;сайты хабарлайды.
Аймақтар бойынша:
Нұр-Сұлтан қаласы – 1277
Алматы қаласы – 710
Шымкент қаласы – 412
Ақмола облысы – 177
Ақтөбе облысы – 142
Алматы облысы – 160
Атырау облысы – 348
Шығыс Қазақстан облысы – 93
Жамбыл облысы – 105
Батыс Қазақстан облысы – 272
Қарағанды облысы – 703
Қостанай облысы – 141
Қызылорда облысы – 108
Маңғыстау облысы – 146
Павлодар облысы – 185
Солтүстік Қазақстан облысы – 97
Түркістан облысы – 103
Жалпы ел бойынша ауырғандар саны 504290.

COVID-19: 108 қызылордалық вирус жұқтырды

<a href="https://kyzylorda-news.kz/">Kyzylorda-news.kz</a> Сәрсенбіде елімізде күн ыстық болады, кей жерлерде жел күшейіп, жаңбыр жаууы ықтимал, деп хабарлайды Қазгидромет.
21 шілдеде көшпелі циклонның атмосфералық ағындарына байланысты Қазақстанның басым бөлігінде құбылмалы ауа райы болады. Өткінші жаңбыр жауады, найзағайжарқылдайды, кей жерлерде бұршақ жауады, тек еліміздің солтүстігінде күн райы ашық болады. Еліміздің оңтүстігі мен оңтүстік-батысында шаңды дауыл соғады, солтүстікте түнде және таңертең тұман түсуі мүмкін.
Қызылорда облысының басым бөлігінде төтенше өрт қаупі сақталады.

Қазақстан және Қызылорда облысының жаңалықтары