<a href="https://kyzylorda-news.kz/">Kyzylorda-news.kz.</a> Бүгін Қазалы ауданаралық ауруханасының жұқпалы аурулар бөліміндегі соңғы науқас емделіп шығып, провизорлық стационар жабылды.
Аудандағы 100 орынға арналған бұл орталық осыдан 5 ай бұрын ашылды. Індет өршіген кезде ақ халатты абзал жандар күні-түні көз ілмей еңбек етіп, науқастардың өміріне араша болды.
<blockquote>
 Соңғы уақыттың ішінде стационарға коронавирус, пневмония дертімен науқастар түскен жоқ. Бүгін мұндағы соңғы науқастарды шығарып, провизорлық стационарды жаптық. Енді бұл жерлерге дезинфекция жұмыстары жүргізіліп, жұқпалы аурулар бөлімі халыққа қалыпты жағдайда қызмет көрсететін болады, – дейді Қазалы ауданаралық ауруханасының бас дәрігері Бақытгүл Әлішева.
</blockquote>
Дәрігерлер провизорлық стационарда ем алып, үйіне асыққан соңғы науқасты құрмет көрсетіп шығарып салды. Емделіп шыққан азаматтар алдыңғы шепте жүрген дәрігерлерге алғысын білдіріп, қолдау шараларын танытқан азаматтарға ризашылығын білдірді.
Бүгінде Қазалыдағы эпидемиологиялық ахуал тұрақталды. Бұл әрине аурудың беті қайтты деген сөз емес. Әлі де болса қауіпсіздік шараларын сақтап, медициналық маска тағуды ұмытпауымыз қажет. Өз кезегінде медицина қызметкерлері де гигиеналық шараларды сақтауға, жұқпалы ауру белгілері байқалған жағдайда дереу дәрігерге көрінуге шақырды.
Айта кетейік, бұған дейін аудандағы Қазалы теміржол ауруханасындағы провизорлық стационар да жабылып, қалыпты жағдайда жұмыс істеуді бастап кетті.
<img src="https://kyzylorda-news.kz/wp-content/uploads/2020/08/118176113_2829547737266155_403854125442133767_o.jpg" alt="" />

Қазалыда провизорлық стационар  жабылды

<a href="https://kyzylorda-news.kz/date/2020/08/18/">Kyzylorda-news.kz.</a> «Nur Otan» партиясы Қызылорда қалалық&nbsp; филиалының төрағасы, қала әкімі Нұрлыбек Нәлібаев партиялық ішкі іріктеу-праймеризді өткізудің басталуына орай қызылордалықтарға үндеу жолдады.
Құрметті Сыр халқы!
Бұған дейін белгілі болғандай&nbsp; ҚР Тұңғыш Президенті – Елбасы, «Nur Otan» партиясының Төрағасы Нұрсұлтан Әбішұлы Назарбаевтың тапсырмасына сай 17 тамыз бен 3 қазан аралығында «Nur Otan» партиясы өз тарихында алғаш рет праймериз яғни партия ішілік сайлау өткізуді қолға алған. Бүгінде тұңғыш рет жүзеге асырылатын саяси үдерістің ережесі нақтыланып, жалпыреспубликалық деңгейде праймериз өткізу жұмыстары басталды.
Партияны қайта жандандыруға, еліміздің партиялық-саяси дамуына бағытталған жаңа бастаманың негізгі мақсаты – Қазақстан Республикасы Парламенті Мәжілісіндегі және барлық деңгейдегі&nbsp; мәслихаттардағы тиімді депутаттық корпусты одан әрі қалыптастыру, партияның сайлауалды тізіміне кіретін депутаттардың сапалық құрамын мейлінше жақсарту, білім білігі жоғары мықты көшбасшыларды анықтау.
«Мықты лидерлер – Мықты партия» қағидатын негізге алған халықтық партияның бұл бастамасы шынайы және мықты көшбасшыларды анықтаумен қатар қоғам өміріне бей-жай қарамайтын, азаматтық ұстанымы айқын және белсенді, елдің көшін өрге сүйреп, өндіріп іс жасайтын жандарды алдыңғы шепке шығаруды көздейді.
Ел, халықтың сенім үдесінен шығып, қолдауына ие болған азаматтар бұған дейін партия қатарында болмаса да іріктеуге қатыса алады. Бұл жаңашыл бастаманың ерекше тұсы. Еліне еңбегін арнап, табанды тірлік етіп, туған жерді түлетуге талап қылған кез-келген сайлау құқығы бар қазақстандық &nbsp;өз өтінішін бере алады.
Партия ішілік іріктеуде дәстүрлі дауыс берумен қатар қазіргі трендке сай онлайн дауыс &nbsp;беруде қарастырылған. Бұл дауыс берудің ашық әрі әділ өтетінінің бір кепілі болмақ.
Өңірді өркендетіп, елімізді гүлдендіру жолында аянбай тер төгіп, мемлекетіміздің кемел келешегі үшін қызмет етемін деген белсенді де дарынды, креативті ойлай алатын озық ойлы азаматтарды алдағы праймеризге белсенді қатысуға шақырамын.

Праймериз мықты көшбасшыларды анықтайды

<a href="https://kyzylorda-news.kz/date/2020/08/18/">Kyzylorda-news.kz.</a> Күнделікті өмірде өрт қауіпсіздігі ережелерін сақтамау көбінесе мүліктің зақымдалуына ғана емес, қайғылы жағдайға да алып келеді. Көп жағдайда өрт балалардың отпен ойнауынан болады.
Қазіргі таңда балалардың барлығы каникулда болуына байланысты &nbsp;Қызылорда облысының Төтенше жағдайлар департаменті қарапайым тұрмыстағы өрт қауіпсіздік шараларын балаларға түсіндіруді &nbsp;және &nbsp;оларды қараусыз қалдырмауды сұрайды.
Қауіпсізідік шаралары:
оттықты балалардың қолы жетпейтін жерде ұстаңыз;
балаларға ойыншық ретінде оттықтарды бермеңіз;
балаларға газ немесе электр қондырғыларын пайдалануға рұқсат бермеңіз;
өрт болған жағдайда ешқайда тығылмай, далаға жүгіріп шығуды балаға түсіндіріңіз;
баланы қорқытпай, қауіпсіздік ережелерін айтып, әр түрлі оқиғаны ойын түрінде көрсетіп, орын алған оқиғадан қалай шығу керек екендігі жөнінде айтыңыз;
үйде бір парақ қағазға жедел қызмет нөмерін жазып қойыңыз және оны қандай жағдайда пайдалануға болатынын балаға түсіндіріңіз.
Ең бастысы төтенше жағдай орын алған сәтте өрт сөндіру қызметі «101» немесе құтқару қызметі «112» нөмірлері арқылы қоңырау шалыңыз.

Өрт қауіпсіздігі: Балаға нені түсіндіруіміз керек?

<a href="https://kyzylorda-news.kz/date/2020/08/18/">Kyzylorda-news-kz.</a> Қызылорда облысында ірі жобалар жүзеге асуда. Бүгінде екі жобаның құрылысы басталды. «Qazaq Camel» ЖШС-нің Түйе сүтінен жасалған құрғақ ұнтақ зауыты мен «Аралтұз» АҚ-ның қуаттылығы жылына 120 мың тонна тұз өндіретін үшінші испан цехы.
Мемлекеттік қолдау шарасы ретінде индустрияландыру аймағынан 1,5 га жер телімі беріліп, зауыт құрылысы 85%-ға аяқталды. Бұл туралы Өңірлік коммуникациялар қызметінің ақпарат алаңында өткен брифингте облыстық индустриялық-инновациялық даму басқармасы басшысының орынбасары Еламан Жолмырза мәлімдеді.
<blockquote>
 -Индустриялық жобаларға келетін болсақ, индустрияландыру бағдарламасының үшінші бесжылдығы аясында облыста құны 551,2 млрд.теңгені құрайтын импорт алмастыратын, бәсекеге қабілетті өнім шығаруға 23 жобамен жұмыс жүргізілуде (6,4 мың жұмыс орны). Осы жобалар аясында 37 млрд.теңге көлемінде инвестиция игерілетін болады. Биылғы жылы облыста аталған бағдарлама аясында жалпы құны 2,1 млрд.теңгені құрайтын 2 жобаның іске қосылуы жоспарлануда. Олар, Арал ауданындағы балық сүбесін өңдеу цехы, Қармақшы ауданындағы құс фабрикасы,-деді Еламан Қайыпұлы.
</blockquote>
<img src="https://kyzylorda-news.kz/wp-content/uploads/2020/08/117947394_1092185281176983_8254934214012337988_o.jpg" alt="" />
Сонымен қатар, жыл соңына дейін «Арал Сода» ЖШС-нің Кальциленген сода өндіру зауыты мен «ABK Prom Service» ЖШС-нің жоғары қысымды шыны пластикалық желілік және сорғы-компрессорлық құбыр зауыты құрылыстарын бастау жоспарлануда. Мемлекеттік қолдау шарасы ретінде индустриялық аймақтан 7 га жер телімі беріліп, бүгінгі күні құрылыс жұмыстарына дайындық жүргізілуде.

Қызылордада екі жобаның құрылысы басталды

<a href="https://kyzylorda-news.kz/date/2020/08/18/">Kyzylorda-news.kz.</a> Әлеуметтік медициналық сақтандыру қоры карантиндік шараларға байланысты қазіргі шектеулерді ескере отырып, азаматтарға медициналық қызметтерді қашықтан қалай алу керектігін түсіндірді.
Тар бейінді мамандардың кеңестері, телемедицина арқылы консультациялар, сондай-ақ рентгендік суретті қайта оқу, электрокардиограммаларды декодтау енді қашықтықтан қабылдау кезінде де қол жетімді.
Бұрын қашықтықтан кеңес беру созылмалы аурулары бар науқастарды (учаскелік жалпы практика дәрігері, терапевт, педиатр) динамикалық бақылау кезінде қолданылған. Қашықтан медициналық қызмет көрсетудің ерекшеліктері 2020 жылғы 17 шілдеден бастап күшіне енген Халық денсаулығы және денсаулық сақтау жүйесі туралы Кодексте (129-бап) айқындалған.
Заманауи технологиялар мен әртүрлі байланыс арналарының арқасында медициналық ұйымдар пациенттерге қашықтан қызмет көрсету мүмкіндігіне ие. Алдағы уақытта қашықтан көрсетілетін қызметтер тізімі кеңейтілетін болады.
Дәрігердің онлайн-кеңесін қалай алуға болады?
1. Өз емханаңыздың Call-орталығы арқылы немесе басқа байланыс арналары, мобильді қосымшалар арқылы дәрігердің кеңесіне жазылу (бар болса).
2. Кеңес беру күні мен уақытын таңдаңыз. Сонымен қатар, тар маманның қабылдауына жазылу үшін алдымен учаскелік дәрігерден жолдама алу керек, яғни ең алдымен терапевтке/ЖПД-ға қабылдау үшін өтініш беру керек.
3. Таңдалған байланыс арнасы арқылы маманнан белгіленген уақытта қоңырау (аудио немесе видео) күтіңіз.
«Дәрігерден кеңес алу үшін емханаға барудың қажеті жоқ. Ол науқас қай жерде болмасын, қашықтықтан қол жетімді. Бұл жағдайда дәрігер дәрі-дәрмектерге рецепт жаза алады. Аурухана парақтарын, зертханалық зерттеулердің тексерулердің нәтижелерін көруге болады. Яғни, осы қызметтерді алу үшін емханаға келудің қажеті жоқ», – деп ӘМСҚ-да атап өтілді.
Қорда түсіндірілгендей, қашықтан медициналық қызметтер диагностика, емдеу, медициналық оңалту және аурулар мен жарақаттардың алдын-алу, сандық технологиялар көмегімен зерттеулер мен бағалау үшін ұсынылады.
Бұл ретте учаскелік дәрігердің қашықтан кеңес беруі МСАК медициналық ұйымдарына жан басына шаққандағы норматив төлемі шеңберінде ТМККК тізбесіне, ал нақты көрсетілген қызметтер үшін (ТМККК бойынша қызмет көрсетілетін созылмалы, әлеуметтік мәні бар және инфекциялық аурулардан басқа) МӘМС шеңберінде тар бейінді мамандардың консультациялары кіреді.
Сұрақтар туындаған жағдайда азаматтар Қорға Qoldau 24/7 мобильді қосымшасы арқылы жүгіне алады.
<img src="https://kyzylorda-news.kz/wp-content/uploads/2020/08/distanc-wslwgi-kaz.png" alt="" />

МӘСҚ: Медициналық қызметтерді қашықтан  қалай алуға болады?

<a href="https://kyzylorda-news.kz/">Kyzylorda-news.kz.</a> Бірқатар өңірде ауыр жүк тасығыш көліктердің қозғалысына қойылған шектеулер алынды.
15 тамыздан бастап Ақмола, Ақтөбе, Шығыс Қазақстан, Батыс Қазақстан, Қарағанды (Қарағанды өңірі), Қостанай, Павлодар және Солтүстік Қазақстан облыстарында ауыр жүк тасығыш көліктердің қозғалысына қойылған уақытша шектеулер алынды.
Еске салайық, жазғы кезеңде мұндай көліктердің қозғалысына шектеулер 1 маусым мен 15 тамыз аралығында сағат 11:00-ден 21:00-ге дейін ауа температурасы 25 градустан жоғары болған кезде енгізілген болатын. Алматы, Атырау, Жамбыл, Қарағанды (Жезқазған өңірі), Қызылорда, Оңтүстік Қазақстан және Маңғыстау облыстарында ауыр жүк тасығыш көліктердің қозғалысына қойылған шектеулер 31 тамызға дейін сағат 10:00-ден 22:00-ге дейін ауа температурасы 25 градустан жоғары болған жағдайда күшін сақтайды.
Жеке білігіне 8 тоннадан аса жүктеме түсіретін жүк көліктерінің қозғалысына шектеулер жыл сайын енгізіледі. Бұл шектеулер халықаралық келісімдерге сәйкес жүктер мен жолаушыларды халықаралық тасымалдауды, төтенше жағдайлардың алдын алу және оны жою жөніндегі іс-шараларды жүзеге асыратын, тез бүлінетін тауарларды, жолаушыларды, жүктерді, бөлуге келмейтін көлемді әрі ауыр жүктерді Қазақстан Республикасының заңнамасымен белгіленген тәртіп бойынша тасымалдайтын көліктерге, сондай-ақ жолдарда қайта жаңарту жұмыстарын жүргізу үшін мердігер ұйымдарға берілген көліктерге қатысты емес.

Қызылордада ауыр жүк тасығыш көліктердің қозғалысына шектеу жалғасады

<a href="https://kyzylorda-news.kz/">Kyzylorda-news.kz.</a> Ұлыбританиядағы Портсмут университетінің мамандары бірреттік маскаларды қолданудан бас тартуға шақырды. Сарапшылар The Conversation басылымына берген сұхбатында маскалардың денсаулыққа және қоршаған ортаға өте зиян болуы мүмкін екені айтқан, деп хабарлайды <a href="https://kaz.tengrinews.kz/densaulyq/meditsinalyik-maskalardyin-kaup-ataldyi-311944/">Tengrinews.kz</a>.
Ғалымдардың айтуынша, елдер тіпті оқшаулану режимінен шығып, шектеулер алып тасталса да, адамдарға ай сайын миллиардтаған маска қажет болады.
Зерттеу авторларының сөзіне сенсек, бірреттік маскалардың көбі ондаған және жүздеген жылдар бойы қоршаған ортада сақталатын пластикалық материалдардан жасалған.
Ғалымдар жерге тасталған маскалар қоқыс жинаушылар арасында коронавирустық инфекцияның өршуіне әкелуі мүмкін екенін айтады, өйткені вирус онда жеті күнге дейін сақталады дейді.

Медициналық маска қандай жағдайда қауіпті?

<a href="https://kyzylorda-news.kz/">Kyzylorda-news.kz.</a> Биыл ел өңірлерінде 430 мыңнан астам жаңа жұмыс орны құрылуы тиіс. Бұл туралы Еңбек және халықты әлеуметтік қорғау министрі Біржан Нұрымбетов айтты.
<blockquote>
 «Жыл басында әр әкіммен жасалған меморандумдар бойынша биыл өңірлерде 431,5 мың жаңа жұмыс орны құрылуы тиіс. Бұл, «Еңбек» бағдарламасы мен «Жұмыспен қамту» жол картасын есептемегенде. Ресми ведомстволық статистика бойынша, жеті айда 300 мың 207 жұмыс орны құрылған, оның ішінде 149 мыңы – тұрақты жұмыс орны. Бұл жерде ерекше назар аударатыны – ол сол құрылған жұмыс орындарының ішінде тұрақты қызметтер», – деді министр онлайн режимде өткен Үкімет отырысында.
</blockquote>
Оның сөзіне қарағанда,Солтүстік Қазақстан, Маңғыстау, Қызылорда облыстарында тұрақты жұмыс орындарының үлесі 70 пайыздан артып отырса, Ақмола, Батыс Қазақстан және Қарағанды облыстарында керісінше, уақытша жұмыс орындарының үлесі басым болып отыр.
<a href="https://www.inform.kz/kz/prezident-tapsyrmasy-kay-onirde-turakty-zhumyspen-kamtu-karkyny-zhogary_a3684584">ҚазАқпарат</a>

Қызылордада тұрақты жұмыспен қамту қарқыны жоғары

<a href="https://kyzylorda-news.kz/">Kyzylorda-news.kz.</a> Ұлттық бірыңғай тестілеуден өтпей қалған түлектер жұмысшы мамандықтарына тегін оқи алады, деп хабарлайды <a href="https://24.kz/kz/zha-aly-tar/o-am/item/416807-bt-dan-tpej-al-an-t-lekter-zh-mysshy-mamandy-taryna-tegin-o-i-alady">«Хабар 24».</a>
<blockquote>
 «Оларға «Еңбек» бағдарламасымен кәсіптік-техникалық колледждерге жолдама беріледі», – деді Үкімет отырысында Еңбек және халықты әлеуметтік қорғау министрі Біржан Нұрымбетов.
</blockquote>
Жалпы биыл барлық мемлекеттік бағдарламалар бойынша 1 млн 220 мың адамды жұмыспен қамту жоспарланған. Қазіргі кезде олардың жартысынан көбі жұмыс тапты. Дегенмен, жұмыссыздар саны әлі де аз емес. Сондықтан өзін өзі жұмыспен қамтып, кәсіпкерлікті дамытуға көңіл бөлінуде.
Осы орайда 6 мыңға жуық жеңілдетілген несие мен 17200 қайтарымсыз грант берілген. 34 мыңнан астам адам кәсіпкерлік негіздерін оқып жатыр. Шағын несие беру бойынша Шығыс Қазақстан, Қостанай облыстары мен Шымкент қаласының көрсеткіші жаман емес. Мемлекет тарапынан берілетін граттың жартысы тұрмысы төмен отбасындағы жұмыссыздарға беріледі.

ҰБТ-дан өтпей қалған түлектер жұмысшы мамандықтарына тегін оқи алады

<a href="https://kyzylorda-news.kz/">Kyzylorda-news.kz.</a> Білім және ғылым министрлігі жаңа оқу жылында оқушылар қалай демалатынын айтты.
2020 жылдың 13 тамызындағы бұйрыққа сәйкес, мынадай мерзімдер анықталған:
2020-2021 оқу жылының басталуы – 1 қыркүйек 2020 жыл;
1-сынып оқушылары 33 апта оқитын болады, 2-11 (12) сыныптар – 34 апта.
Оқу жылының демалыс кестесі:
1-11 (12) сыныптар: күзгі каникул – 10 күн (5-14 қараша (қоса есептегенде) 2020 жыл ), қысқы – 11 күн (31 желтоқсан 2020 жыл – 10 қаңтар 2021 жыл), көктемгі демалыс – 12 күн (20-31 наурыз 2021 жыл);
1-сыныптарда: қосымша демалыс – 7 күн (8-14 ақпан 2021 жыл).
Бұған дейін білім министрі Асхат Аймағамбетов қашықтан оқуға қарамастан, оқушылардың демалысы өзгеріссіз қалатынын айтқан еді.
<blockquote>
 “Қашықтан оқуға қарамастан, балалар қатты шаршайды. Сондықтан каникул кестесі өзгертілмейді”, – деді министр.
</blockquote>
1 қыркүйектен бастап оқушылар қашықтан оқитын болады. Бастауыш сынып оқушылары үшін мектепте кезекші класс қарастырылған.

Жаңа оқу жылында оқушылар қалай демалады?

<a href="https://kyzylorda-news.kz/">Kyzylorda-news.kz.</a> Қызылорда қаласының қоғамдық-саяси өміріне белсене араласып, әлеуметтік-экономикалық дамуына ерекше үлес қосқан бірқатар азаматтар марапат биігінен көрінді.
Қызылорда қаласының әкімі Нұрлыбек Нәлібаев елмен етене жүріп, мұқтаж жандарға көмек қолын созған дархан пейіл, кең жүректі жерлестерімізді «Жомарт жүрек» байқауының қалалық кезеңінің қорытындысы бойынша марапаттады.
Шаһар басшысы жомарт жандар қаламыздың көркеюіне, әлеуметтік-экономикалық дамуына ерекше үлес қосып қана қоймай, қашаннан қайырымдылық шаралардың басынан әрдайым табылып келе жатқандығын айтып, қайырымдылық істерге қолдау білдірген жандарға алғысын білдірді. Биыл үшінші мәрте өткізіліп отырған игілікті іс-шара Тұңғыш Президентіміз – Елбасы Нұрсұлтан Әбішұлы Назарбаевтың «Рухани жаңғыру» бағдарламалық мақаласы аясында ұйымдастырылған.
«Жомарт жүрек» сыйлығы 5 номинация бойынша табысталды. Байқаудың «Туған өлке» аталымы «Сәт-Сервис» ЖШС директоры Роза Имановаға бұйырды. Роза Сәдібекқызы туған жерімізді түлетуге айрықша үлес қосып, қаламыздағы 10 көпқабатты тұрғын үйге күрделі жөндеу жұмыстарын жүргізген. Сонымен бірге қайырымдылық шараларына белсене қатысып, демеушілік көрсетіп келеді.
<blockquote>
 «Біз көмекті мақтаныш не марапат үшін жасамадық. Ниетіміз кейінгі ұрпаққа үлгі көрсету», – дейді Роза Иманова.
</blockquote>
Ал байқау бойынша «Жыл тұлғасы» номинациясы жыл көлемінде қаламыздың әлеуметтік саласына тұрақты түрде қолдау көрсеткен Қанат Боранбаевқа табысталды. Қанат Жомартұлы карантин уақытында да қайырлы ісін жалғастырып, қалалық аурухана қызметкерлерін «Қызылорда қонақ үйіне» тегін орналастырып, қажетті тұрмыстық заттармен қамтамасыз етті.
«Жыл меценаты» аталымында індет уақытында тұрғындарға 15 мыңға жуық тегін бетперде таратқан «DALATEX» ЖШС директоры Ділмұхамед Абизов жеңімпаз деп танылса, «Жылдың үздік ұйымы» «Ел-Арай» қоғамдық қоры атанды. Қоғамдық қор жыл сайын 1000 отбасын азық-түлікпен, 2000 отбасын киім-кешекпен, 100 отбасын көмірмен қамтамасыз етіп келеді. «Делюкс» компаниясымен бірігіп, 10 мың дана маска, «Шұғыла» қоғамдық қорымен бірлесіп аймағымыздағы ауруханаларға 200 оттегі концентраторын алып берген.
Байқаудың «Ерен еріктілік» номинациясымен қоғам белсендісі Динара Эшатова марапатталды. Қоғамдық кеңес мүшесі, қоғам белсендісі, Динара Мамадиярқызы спорт саласындағы волонтер-үйлестіруші. Ол елімізде орын алған эпид-ахуалға байланысты өз кезегінде волонтерлармен бірлесе отырып, қала кәсіпкерлерімен ұсынылған 3000-нан аса бетперделерді таратты. Ерікті сонымен бірге әлеуметтік дүкендер мен дәріханаларда сатылымдағы тауарлардың шектік бағадан аспауын қадағалау мақсатында мониторингтік топ құрамында белсенділік танытып, ерекше көзге түсті.
<img src="https://kyzylorda-news.kz/wp-content/uploads/2020/08/02-2-scaled.jpg" alt="" />

Қызылордада &#8220;Жомарт жүрек&#8221; байқауының жеңімпаздары марапатталды

<a href="https://kyzylorda-news.kz/">Kyzylorda-news.kz.</a> Қазақстанда соңғы жеті ай ішінде тіркелген жұмыссыздар саны сегіз есеге артты. Бұл туралы үкімет отырысында ҚР еңбек және халықты әлеуметтік қорғау министрі Біржан Нұрымбетов мәлімдеді, деп хабарлайды Stan.kz.
Оның айтуынша, жылдың басында Қазақстанның барлық аймақтарында 431,5 мың жаңа жұмыс орындарын құру жоспарланған, бірақ іс жүзінде Солтүстік Қазақстан, Маңғыстау және Қызылорда облыстарында 149 мың тұрақты жұмыс орны құрылды. Ақмола, Батыс Қазақстан және Қарағанды ​​облыстарында уақытша жұмыс орындары бар.
<blockquote>
 “7 айда 330 мың жұмыссыз жұмыс тапты. Олардың 57% -ы тұрақты жұмыс орындары. Жұмыс табу үшін олар жұмыспен қамту орталықтарына келеді. Біз орташа есеппен 60 мың адам жұмыспен қамту органдарына жүгінгенін көреміз. Тіркелген жұмыссыздар саны сегіз есе өсті, жұмыспен қамтылған жұмыссыздар саны жыл басымен салыстырғанда 11 есе өсті”, – деді министр.
</blockquote>
Нұрымбетов сонымен бірге электронды еңбек биржасындағы бос жұмыс орындарының саны 8,5 есеге артқанын айтты.
ҚР Премьер-Министрі Асқар Мамин Қазақстандағы жұмыспен қамту мәселесін қорытындылай келе, қазір «Еңбек» мемлекеттік бағдарламасы, Жұмыспен қамтудың жол картасы және басқа да салалық бағдарламалармен 743 мың адам қамтылғанын атап өтті. Жыл соңына дейін 1,2 миллион адамға қолдау көрсетіледі.
Өңірлік тұрғыда жұмыспен қамтуды қолдау шараларын іске асырудың жақсы динамикасы Шымкент, Жамбыл, Солтүстік Қазақстан және Шығыс Қазақстан облыстарында байқалады.
Ең төменгі көрсеткіштер Батыс Қазақстан облысында. Атап айтқанда, микрокредит беруге – тек 28,6%, жастар практикасына – 37,7%, жобаларға бөлінген қаражатты игеруге – 58,9% және тұрақты жұмыс орындарын құруға – 25,8%.

Қазақстан және Қызылорда облысының жаңалықтары

Қазалыда провизорлық стационар жабылды

Праймериз мықты көшбасшыларды анықтайды

Өрт қауіпсіздігі: Балаға нені түсіндіруіміз керек?

Қызылордада екі жобаның құрылысы басталды

МӘСҚ: Медициналық қызметтерді қашықтан қалай алуға болады?

Қызылордада ауыр жүк тасығыш көліктердің қозғалысына шектеу жалғасады

Медициналық маска қандай жағдайда қауіпті?

Қызылордада тұрақты жұмыспен қамту қарқыны жоғары

ҰБТ-дан өтпей қалған түлектер жұмысшы мамандықтарына тегін оқи алады

Жаңа оқу жылында оқушылар қалай демалады?

Қызылордада “Жомарт жүрек” байқауының жеңімпаздары марапатталды

Қазақстанда жұмыссыздар саны 8 есе өсті

Қазақстан және Қызылорда облысының жаңалықтары

Қазалыда провизорлық стационар жабылды

Праймериз мықты көшбасшыларды анықтайды

Өрт қауіпсіздігі: Балаға нені түсіндіруіміз керек?

Қызылордада екі жобаның құрылысы басталды

МӘСҚ: Медициналық қызметтерді қашықтан қалай алуға болады?

Қызылордада ауыр жүк тасығыш көліктердің қозғалысына шектеу жалғасады

Медициналық маска қандай жағдайда қауіпті?

Қызылордада тұрақты жұмыспен қамту қарқыны жоғары

ҰБТ-дан өтпей қалған түлектер жұмысшы мамандықтарына тегін оқи алады

Жаңа оқу жылында оқушылар қалай демалады?

Қызылордада &#8220;Жомарт жүрек&#8221; байқауының жеңімпаздары марапатталды

Қазақстанда жұмыссыздар саны 8 есе өсті

Қызылордада “Жомарт жүрек” байқауының жеңімпаздары марапатталды