Kyzylorda-news.kz. «Nur Otan» партиясы өңірдің әрбір тұрғынының табысын арттырып, әл-ауқатын жақсартуға мүмкіндік беретін экономиканы құруға ниетті. Осы мақсатта 2025 жылға қарай 1175 жаңа жұмыс орнының құрылуына негіз болатан 7 ірі инвестициялық жобаны іске асыруға үлес қосады. Алдағы бес жылда жаңа 28,2 мың жұмыс орындарын құрып, жұмыссыздық деңгейін 4,6%-ға төмендетуді жоспарлар отыр.
Бұл туралы «Қызылорда тазалығы» ЖШС жұмысшыларымен экспромт кездескен облыстық және қалалық мәслихат депутаттығына үміткерлер Наурызбай Байқадамов, Нұрболат Ибраев пен Айнұр Тобаева айтты.
Ашық аспан астында өткен кездесуде кандидаттар қала тазалығы жолында еңбек етіп жүрген жұмысшылармен жұмыс барысы, еңбек мәселелері туралы әңгіме өрбітіп, ұсыныс-тілектерін тыңдады.
Жұмысшылар тарапынан дала жұмыстарында жүрген жандардың мәртебесін арттыру, еңбек адамдарын баспанамен қамту, жалақы көлемін арттыру, еңбек демалысы кезінде арнайы сауықтыру орындарына жолдама беру мәселесі турасында үміткерлерге сауалдарын қойды. Өз кезегінде үміткер жыл бойы қала тазалығын қамтамасыз ететін қыжырлы жандарға ризашылықтарын білдіре отырып, қойылған сауалдарға тұшымды жауап берді. Әрі «Nur Otan» партиясының бес жылдық сайлауалды бағдарламасының басым бағыттарымен таныстырды.
<blockquote>
 “Қазіргі таңда партия елімізде тұрғын үй құрылысының секторын дамытуға басымдық беріп, халықты тұрғын үймен қамтамасыз етуге мүмкіндік жасайтын кешенді шараларды қолға алып отыр. Сол арқылы 2025 жылға дейін 4 140 пәтерлі 92 көпқабатты тұрғын үй, оның ішінде әлеуметтік осал топтарға, жас отбасыларға, бюджет саласының қызметкерлеріне 1 840 пәтердің құрылысын жүргізеді. Сонымен қатар, 5 870 жеке тұрғын үйлердің құрылысы салынбақ. Нәтижесінде партия алдағы уақытта 5 мыңға жуық отбасын баспанамен қамтуды көздеп отыр”, – деді Наурызбай Байқадамов.
</blockquote>
Кездесу барысында үміткерлер серіктестік ұжымына партияның үгіт парақтарын таратып, сайлау науқанында белсенді түрде «Nur Otan» партиясын қолдауға үндеді.
«Nur Otan» партиясы Қызылорда облысының сайлау қоры қаражаты есебінен төленді
<img src="https://kyzylorda-news.kz/wp-content/uploads/2020/12/img-20201229-wa0019.jpg" alt="" />

7 ірі инвестициялық жоба іске аспақ

<a href="https://kyzylorda-news.kz/">Kyzylorda-news.kz.</a>&nbsp;Қазақстанда келесі жылы “Әлем ханымы” байқауы өтуі мүмкін. Бұл туралы конкурстың Қазақстандағы ресми өкілі Арай Әлімхан мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 “Негізі, байқау өткізу құқығы жеңімпаз елге беріле бермейді. Бірақ биыл конкурс онлайн өткендіктен, келесі жылы сіздерде өткізуге керемет мүмкіндік бар деді. Егер мемлекет қолдап, демеушілер табылып жатса, Қазақстан келесі жылы күзде немесе қыста ұйымдастыруы мүмкін”, – деді Әлімхан астанада “Әлем ханымының” қатысуымен өткен баспасөз мәслихатында. &nbsp;
</blockquote>
Айтуынша, ұйымдастырушылар екі аптадай ойланып, Қазақстанда өткізуге рұқсат берген.
<blockquote>
 “Олар бұған дейін байқауды Қытайда, Болгарияда, Еуропада, Оңтүстік Африкада және тағы басқа мемлекеттерде өткізді. Қазақстанды ешқашан қарастырмапты. Егер мемлекет тарапынан қолдап жатса, онда өткізесіздер дегенге келтірді”, – деді ол.
</blockquote>
Айта кетейік, 29 желтоқсанда астанада “Әлем ханымы 2020” атанған Жұлдыз Әбдікәрімова тәжін киді. Байқау жеңімпазының тәжі мен лентасы Болгариядан жеткізілген.
1-24 желтоқсан аралығында өткен дауыс беру нәтижесі бойынша Жұлдыз Әбдікәрімова 81 902 дауыс жинап, жеңімпаз атанды. Ал 1-орынды Орталық Еуропа атынан қатысқан Виктория Люб (Victoria Liub) алды. Ол 58 349 дауыс жинаған. 2-орын австриялық Юлия Игнатченкоға бұйырды. Оны байқауда 55 789 адам қолдады. 3-орынды Сібір өкілі Янина Ремезова иеленді. Ол 54 705 дауыс жинады.

Қазақстанда &#8220;Әлем ханымы &#8211; 2021&#8221; байқауы өтуі мүмкін

<a href="https://kyzylorda-news.kz/">Kyzylorda-news.kz.</a>&nbsp;Шиелі ауданының әкімі Қамбарбек Мүбараков мүмкіндігі шектеулі балаларды Жаңа жыл мерекесімен құттықтады.
Аудан әкімі «Шын ниетпен» қайырымдылық акциясының аясында, аудан орталығында орналасқан №3 «Мейірім» облыстық балаларды оңалту орталығына барып, бүлдіршіндерді Жаңа жыл мерекесімен құттықтап, сый-сыяпаттар табыстады.
Балалармен бірге олардың тәрбиешілері, арнайы мамандар мен бала күтушілер де қуанып, мерекелік көңіл-күйге бөленді.
Аудан әкімі 50-ге жуық балаға әлеуметтік, психологиялық-педагогикалық, медициналық қызмет көрсетіп отырған орталықтың мамандарымен пікірлесіп, балалардың бүгінгі хал-жағдайын біліп, оларға ерекше мән беруді тапсырды.

Шиелі ауданының әкімі оңалту орталығындағы балаларды құттықтады

<a href="https://kyzylorda-news.kz/">Kyzylorda-news.kz.</a> «Атамекен» ұлттық кәсіпкерлер палатасының адами капиталды дамыту департаментінің директоры Азамат Бейсенбенов Қазақстандағы ЖОО-лардың рейтингі қалай жасалғанын айтып берді, деп хабарлайды <a href="https://www.inform.kz/kz/kazakstanda-zhoo-lardyn-reytingi-kalay-zhasalady_a3735497">ҚазАқпарат</a>.
<blockquote>
 «Рейтинг аясында 2 мың білім бағдарламасы зерттелді. Жоғары оқу орнын бітірген 68 мың түлектің жұмысқа орналасу көрсеткішін талдадық. Қазақстанның барлық өңірінен салалық сарапшыны тарттық. Осының нәтижесінде 108 ЖОО бойынша 6 мың сараптамалық қорытынды жасалды. Рейтинг негізі 17 критерий бойынша жүргізілді. Оның ішінде жұмысқа орналасқан түлектердің пайызы, олардың орташа жалақысы, жұмыс іздеу құжаттары мен бағдарламаның өзектілігі бағаланды», – деді Азамат Бейсенбенов Білім және ғылым министрлігінің онлайн отырысында.
</blockquote>
Рейтинг қорытындысы бойынша түлектердің жұмысқа орналасуы 71 пайызды құраған. Оның 58 пайызында тұрақты зейнетақы аударымдары бар.
<blockquote>
 «Түлектердің орташа жалақысы – 118 мың теңге. Карантин шараларын енгізу бағытында ақпараттық қауіпсіздік түлектерін жұмысқа орналастыру 24 пайызға өсті. Сондай-ақ кеден ісі және қоғамдық байланыс мамандығын бітірген түлектердің жұмысқа орналасу көрсеткіші 20 пайызға артқанын атап өткен жөн», – деді ол.
</blockquote>

Қазақстанда ЖОО-лардың рейтингі қалай жасалады?

<a href="https://kyzylorda-news.kz/">Kyzylorda-news.kz.</a> Сыр елінде 2021 жылы Қорқыт мұрасын насихаттау мақсатында республикалық қобызшылар конкурсын өткізу жоспарлануда. Аймақта биыл «Жыр мұра» жобасы аясында 15 қобыз үйірмесі ашылса, 23 жыр-терме үйірмесі жұмыс істейді. Бүгінде 300-ден аса балалар дәріс алуда.
<blockquote>
 “Биыл өңіріміздің жыршы-жыраулары ұлы ақын Абайдың 20 шығармасын Сыр мақамдарында орындады. Сонымен қатар, жыл көлемінде «Абай әлемі» атты облыстық өнер фестивалі мен халық театрларының онлайн байқауы, «Көзімнің қарасы» атты облыстық әншілер конкурсы, «Абай жұлдызы» атты музыка және поэзия кеші өткізілді. Бұған қоса, облыстан «Рухани қазына» республикалық фестиваліне 14 мәдениет ұйымы қатысып, 5 номинация бойынша үздік деп танылды”, – деді облыстық мәдениет, архивтер және құжаттама басқармасының басшысы Мира Абуова.
</blockquote>
Мұнан өзге, аймақта шығыстың ғұлама ойшылы Әбу Насыр әл-Фарабидің 1150 жылдығы, Алтын Орда мемлекетінің 750 жылдығы, ұлы ақын Абай Құнанбайұлының 175 жылдық мерейтойына орай 2 мыңнан аса мәдени іс-шара өткізілді. Пандемияға байланысты басым бөлігі әлеуметтік желілерден және ютуб каналынан көрсетілді.

Қызылордада 15 қобыз үйірмесі ашылды

Kyzylorda-news.kz. «Nur Otan» партиясы атынан Қызылорда облыстық мәслихат депутаттығына үміткер Самат Ақпамбетов үгіт-насихат жұмыстары бойынша «Бесарық» серіктестігінің ұжымымен кездесті.
Кездесуде үміткер «Өзгерістер жолы: Әр азаматқа лайықты өмір!» атты партияның бағдарламасымен таныстырды. Басқосуда білім, денсаулық, ауылшаруашылық, газдандыру мәселелері сөз болды. «Бесарық» серіктестігінің негізгі бағыты – ауыл шаруашылығы. Ғасырлар тоғысында құрылған шаруашылық бүгінде күріш егіп, мол өнім алып келеді. Кездесуде Сырдария ауданы бойынша ауылшаруашылығын дамытуға арналған партияның бағыттары да айтылды.
<blockquote>
 «Nur Otan» партиясы алдағы жылдары Шаған ауылында «күріш ақтайтын зауыт, Қалжан-ахун ауылында балық шаруашылығын құру жоспарлап отыр. Сондай-ақ, Тереңөзек кентінде күріш зауытының құрылысы, ауылдық округтер аумағында 3 мың га суармалы жерлердің көлемін кезең-кезеңмен кеңейтуге ықпал етеді, – деді үміткер Самат Ақпамбетов. Ауданды толық газдандыру мәселелері туралы сұраған Бейбіт Белгібаевқа, газбен қамтамасыз етілген елді мекендер үлесін арттыру мақсатында «Nur Otan» партиясы 3 елді мекенді Қалжан-ахун, С.Сейфуллин, А.Тоқмағанбетов газбен жабдықтауға ықпал етеді. Нәтижесінде аудан халқын газбен жабдықтау барысында 1850 отбасының тұрғын үйлеріне көгілдір отын кіргізіледі, – деді үміткер.
</blockquote>
Өз кезегінде «Бесарық» серіктестік төрағасы ЖШС Мақсат Биболатов, үміткерге алғысын білдіріп, сәттілік тіледі. Үміткер сайлаушыларға үгіт парақшаларын таратып, «Nur Otan» партиясына дауыс беруге шақырды.
“Nur Otan” партиясы Қызылорда облысының Сайлау қорының қаражатынан төленді

Сырдария ауданында ауылшаруашылығы дами түспек

<a href="https://kyzylorda-news.kz/">Kyzylorda-news.kz.</a> Биыл Қазалы ауданы Ғани Мұратбаев ауылында «Жұмыспен қамтудың Жол картасы» мемлекеттік бағдарламасының аясында көптеген жұмыстар атқарылды.
Атап айтар болсақ, аудан орталығы – Әйтеке би кентіне жақын орналасқан ауылға газ тартылды. Бүгінгі таңда ауыл тұрғындары көгілдір отынның игілігін көруде.
Одан бөлек, ауылдағы «Балдәурен» балабақшасына жөндеу жұмыстары жүргізіліп, 7 көшеге асфальт төселді. Ауылды аяқ сумен қамтамасыз етіп отырған «Ақарық» каналының арнасы тазаланды.
Бұл атқарылған жұмыстарға тұрғындардың айтар алғысы шексіз. Осы күнге дейін көмір жағып, күл шығарған ауыл тұрғындары табиғи газдың ауылдардың арасында алғашқы болып тартылғандығына дән риза.

Ғани Мұратбаев ауылының тұрғындары көгілдір отынның игілігін көруде

<a href="https://kyzylorda-news.kz/">Kyzylorda-news.kz.</a> Биыл жеке оңалту бағдарламасына сәйкес 1602 мүгедектігі бар адам Әлеуметтік қызметтер порталы арқылы қажетті құрал алды. Ерекше жандарға көрсетілетін қызмет пен қажетті құралды алуға республикалық және облыстық бюджеттен 1,4 млрд теңге бөлінген. Өткен жылмен салыстырғанда 1,5 есеге өсті. Бұл туралы Өңірлік коммуникациялар қызметінің ақпараттық алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева баяндады.
<blockquote>
 “Қазіргі таңда өңірімізде мүгедектерге арналған электрондық цифрлық қолтаңбамен қамтылуы – 77,5 пайызды құрады. Яғни, портал арқылы мүгедектігі бар тұлғалар өз қалауымен жеке іріктеуді талап етпейтін техникалық көмекші құралдардың 55 түрінің 24-ін ала алады. Порталдың ерекшелігі – мемлекеттік сатып алу процесі қолданылмай, электрондық цифрлық қолтаңба арқылы мемлекеттің кепілдендірілген сомасы шегінде қажетті құралын алады”, – деді Айгүл Болатқызы.
</blockquote>
Алдымыздағы жылдан бастап оңалту құралдарының барлық 55 техникалық түрі мен қызметтер яғни, санаторий-курорттық емдеу, протез-ортопедиялық көмек, жеке көмекшінің және ымдау тілі маманының әлеуметтік қызметі порталға толық көшіріледі.

Қызылордада 1602 ерекше жандар қажетті құралдарын әлеуметтік портал арқылы алды

<a href="https://kyzylorda-news.kz/">Kyzylorda-news.kz.</a>&nbsp;Міне, 2020 жыл да аяқталып, Жаңа жылға қадам басқалы тұрмыз. Биылғы жыл тек қазақ еліне ғана емес, сондай-ақ бүкіл әлемге оңай тиген жоқ. Осындай қиын-қыстау кезеңде жүйелі жұмыс нәтижесін көрсеткен мекемелер жетерлік. Солардың қатарында халықтың жанынан табылып, олардың әлеуметтік жағдайына барынша қолдау білдірген – «Halyk Bank».
Карантин мен қатаң локдаундарға қарамастан «Halyk Bank» барлық санитарлық талаптарды орындай отырып өз жұмысын тоқтатқан емес.&nbsp; «Covid-19» коронавирустық инфекциясының жаһандық пандемиясында «Halyk Bank» жұмысы жаңа талаптарға сәйкес өзгерді. Әсіресе, онлайн қызметтердің халыққа қолжетімділігі артты.
Жыл аяқталар тұста, банктің жұмысы мен қазіргі таңдағы тиімді бағдарламалары туралы халыққа ақпарат беруді жөн көрдік. Осы орайда «Kyzylorda-news.kz» ақпараттық агенттігінің тілшісі «Halyk Bank» Қызылорда облыстық филиалының директоры Данкенов Алмат Ерғабылұлымен сұқбаттасқан болатынбыз.
<ul>
<li>Алмат Ерғабылұлы, «Halyk Bank» елімізде алғашқылардың бірі болып құрылған банк. Осы банктің еліміздің қаржы нарығында алатын орны қандай? Әңгімемізді осыдан бастасақ…</li>
<li>Айта кеткен жөн, «Halyk Bank» 97 жылдан бері өз клиенттерінің игілігі үшін табысты жұмыс істеп келе жатқан Қазақстан Республикасының ірі, әрі ең сенімді коммерциялық банкі болып есептеледі.</li>
</ul>
«Halyk Bank» 2019 жылдың 20 маусымында танымал “EMEA Finance” халықаралық аналитикалық журналының “Europe Banking Awards 2018” жыл сайынғы іріктеу нәтижелері бойынша “Қазақстандағы үздік Банк” атағына ие болды.
<ul>
<li>Пандемия кезінде несиесі бар халықтың қарызын өтеуі кейінге шегерілді. Сол уақытта «Halyk Bank» қанша адамға жеңілдік жасады? Кім ұтты, кім ұтылды?</li>
<li>«Halyk Bank» Қазақстанның жетекші қаржы институты болып табылады және елімізде төтенше жағдай режимінің енгізілуіне байланысты біздің отандастарымыз тап болған жағдайға жанашырлықпен қарады. «Halyk Bank» Қазақстан Республикасы Үкіметі мен ҚР Қаржы нарығын реттеу және дамыту агенттігінің шараларын қолдауды өзінің борышы деп санайды. Соған байланысты біздің Банк төтенше жағдай режимі кезеңінде кредит бойынша төлемді кейінге қалдыруға келіп түскен өтініштерді қабылдауды бастады. Біздің филиал бойынша 79 477 клиенттердің өтініші бойынша несие төлеу мерзімі кейінге қалдырылды. Бұл жерде кімнің ұтылғаны, ұтқаны жөнінде айтылмайды, себебі бұл қиын уақытта жұмыс орындардың уақытша жабылуына байланысты халық жалақысыз қалды. Мұндай қиын уақытта банк тұтынушылары үшін осындай көмек қажет болды деп ойлаймыз.</li>
<li>Банктің қазіргі таңдағы ахуалы жөнінде айтып өтсеңіз. Әлемді шарпыған індеттің банкке қандай да болмасын салқыны тиді ме?</li>
<li>«Halyk Bank» – елдің жетекші банкі. Өзінің барлық ресурстарын, соның ішінде төтенше жағдай мен карантин режимінде жұмыс істеу үшін бөлімшелер мен қашықтықтан қызмет көрсету қызметтерін жұмылдырды. Біз осы күрделі кезеңде банктік сервистер мен қызметтердің үздіксіз және нақты жұмыс істеуінің маңыздылығын түсіндік. Сондықтан «Halyk Bank» өз тұтынушылары үшін банктік қызметтер мен операциялардың қолжетімділігі мен жайлылығын басты басымдық ретінде қойды. Сол себепті, бізге бұл індет қандай да болсын салқындығын тигізбеді, керісінше барынша ыңғайлы қызметтерді дамытып, халыққа қолайлы жағдай туғызды.</li>
<li>Карантиннен кейін қандай өзгерістер бар? Онлайн қызмет туралы айтып өтсеңіз…</li>
<li>Карантиннен кейін банк сервисінде біршама өзгерістер болды. Онлайн қызметінің сапасы артты деп сенімді айта аламыз. Оған себеп, бүгінгі күнде Банктің «HomeBank» қосымшасында клиенттер үшін көптеген онлайн-сервистерді іске асырып, онда әркім өзіне онлайн режимінде ыңғайлы төлемдерді, аударымдарды және де тағы да басқа көптеген қызметтерді таба алады.</li>
<li>Онлайн қызметке халықтың сұранысы қаншалықты деңгейде?</li>
<li>Онлайн қызметтіндегі жаңа жобаларды Банк клиенттері белсенді пайдаланды. Алайда халықтың онлайн қызметке деген сұранысының ауқымды өсуі карантин уақытынан басталды. «Halyk Bank» өз кезегінде клиенттердің қажеттіліктерін назарға ала отырып және клиенттерімізге ыңғайлы сервистерді ұсына отырып, банк өзінің «HomeBank» қосымшасында онлайн-қызметтерді ұлғайту үшін үнемі жұмыс жасауда. Осыған орай қашықтықта жұмыс жасау айтарлықтай өсті.</li>
<li>Қазіргі таңда «Halyk Bank»-тің өзге екінші деңгейлі банктерден айырмашылығы неде? «Halyk» халыққа жақын ба?</li>
<li>«Halyk Bank» елдегі ең дамыған желіге, сондай-ақ халық тарапынан ең жоғары сенім факторына ие банк. Елдің зейнетақысы мен әлеуметтік қызметтердің басым бөлігі Halyk Bank арқылы орындалуда. Сондай-ақ, Halyk Bank басқармалары еліміздің әр аудан орталықтарында өз қызметтерін көрсетуде.</li>
</ul>
Әлбетте, «Halyk Bank» өз клиенттерін жоғары бағалайды. Бұл дегеніміз банктің халыққа жақын екендігін көрсетеді деген сенімдемін.
<ul>
<li>Ел арасында «Halyk Bank» карточкадағы қалған ақшаңды жоғалтады, өз қызметтеріне де комиссия ұстайды» деген секілді көңіл толмаушылық бар. Осы жөнінде не айтасыз…</li>
<li>Бұл тұжырым&nbsp; дұрыс емес.&nbsp; Әрбір түскен немесе аударылған ақшалардың қайда кеткенін шот көшірмесінен көруге болады. Шот көшірмесін банктің кез келген бөлімшелерінен не болмаса «HomeBank» қосымшасынан алуға болады. Иә, біз екінші деңгейлі Банк коммерциялық мекеме болғандықтан, банктің карталық қызметтерге ұстайтын комиссиялары болады. Алайда жаңадан ашылған карталарға бірінш жыл тегін қызмет көрсетіледі. Сондай-ақ, 2020 жылдың қараша айынан бастап жаңадан ашылған карталар бойынша өзгеде аударымдарды 300&nbsp;000 теңгеге дейін комиссиясыз қолма-қол&nbsp; алуға болады.&nbsp; Бұл карталарды банк бөлімшелерінен бірден алуға немесе «HomeBank»&nbsp; қосымшасы арқылы тұрғылықты мекен жайға дейін жеткізу қызметімен тапсырыс беруге болады. Банктің барлық комиссияларының тізімі ресми электрондық парақшаларда анық көрсетілген.</li>
<li>«Halyk Bank»-тен пәтерлер ұтыс ойыны ойнатылып жатыр. Ойыннан олжалы болғандар бар ма?</li>
<li>Мұндай ауқымды «Ай сайын пәтердің ұтыс ойыны» акциясы Қазақстанда алғаш рет өткізіліп отыр. Акцияға қатысу арқылы Алматы қаласы «Хан-Тәңірі» тұрғын-үй кешенінде 3 жаңа пәтердің бірін ұтып алу мүмкіндігі қарастырылған. Бұл акцияға қатысу үшін клиент 2020 жылдың 7 қыркүйектен 20 желтоқсанға дейінгі кезеңде келесі 2 талапты орындау қажет. Атап айтар болсақ, бірінші шарты несие алу немесе бөліп төлеуді рәсімдеу қажет. Екіншіден, «HomeBank» қосымшасы арқылы қызметтерге төлемдер жасау қажет. Алғашқы жеңімпаз – Алматы облысы, Қарасай ауданы, Ұлан ауылының мұғалімі болды. Ал екінші жеңімпаз – Шымкент қаласының мұғалімі болды. Үшінші пәтердің Қызылорда облысының «Halyk Bank» тұтынушыларына бұйырсын деген ниетпен, ұтыс ойынының үшінші кезеңінің жеңімпазы болуына тілектеспіз.</li>
<li>Банктің келер жылы халыққа жағымды жаңалығы қандай?</li>
<li>Банк келесі жылға жақсы жаңалықтармен халықты қуантады деген ойдамын. Барлығы клиенттер үшін әзірленуде. Жаңа қызметтер мен сервистер, тұтынушыларымыз әлемнің қай елінде жүрсе де 24 сағат бойы «HomeBank» қосымшасы арқылы банктің кез келген операцияларын іске асыра алуы осыған дәлел. Сонымен қатар, алдағы жылда көптеген ауқымды жобалар қарастырылып отыр.</li>
<li>Сұқбатыңызға рақмет!</li>
</ul>
Сұқбатты жүргізген Динара МАХАНОВА

Алмат Данкенов: «Halyk Bank» ғасырға жуық халық игілігіне жұмыс істеп келеді

<a href="https://kyzylorda-news.kz/">Kyzylorda-news.kz</a>. Алдағы уақытта елдегі төрт түлік пен жан-жануардың паспорты электронды форматқа көшірілуі мүмкін, деп хабарлайды <a href="https://24.kz/kz/zha-aly-tar/o-am/item/445573-eldegi-t-rt-t-likti-pasporty-elektrondy-format-a-k-shirilui-m-mkin">“Хабар 24”</a>.
Бұл осы саладағы қағазбастылық пен қызмет көрсету уақытын азайтады және бюджет қаржысын үнемдейді. Ветеринария саласын автоматтандыруға бағытталған заң жобасын бүгін Парламенттің жоғары палатасы екінші оқылымда қабылдады. Заң жобасында қаралып отырған мәселелер мемлекеттік ветеринариялы-санитариялық инспекторларға бақылау және қадағалау жүргізу кезінде техникалық құралдарын пайдалану құқығын іске асырады. Сондай-ақ Еуразиялық Экономикалық одақ шекарасында кеден органдары мен ветеринариялық инспекторлардың өзара іс-қимыл жасау тәртібін айқындайды.
<blockquote>
 “Бұл біріншіден мал иесіне жеңіл болады. Ол құжаттардың бәрін арқалап жүру керегі жоқ. Екіншіден, ауылшаруашылық саласында істеп жүрген, соның есебін жүргізіп жүрген мамандарға жеңіл болады. Және ветеринариялық мамандарға бүкіл ақпаратты қағаз жүзінде жүргізбей олар қазір электронды түрде соған кіргізіп қояды. Ол кез келген уақытта сол электронды жүйеге кіретін рұқсаты болған адам қай уақытта болса да кіріп қарауға болады. Ол қай уақытта қандай екпе жұмысын жүргізді. Қай уақытта вакцинасын жасады. Оның малының сырғасындағы өміріне дейін”, – дейді ҚР Парламенті Сенатының депутаты Мұхтар Жұмағазиев.
</blockquote>

Елдегі төрт түліктің паспорты электронды форматқа көшірілуі мүмкін

<a href="https://kyzylorda-news.kz/">Kyzylorda-news.kz</a>. Бүгін қала әкімі Нұрлыбек Нәлібаев Даун синдромы бар балаларды ата-аналарымен бірге қабылдап, жаңа жыл мерекесімен құттықтады.
Шаһар басшысы кездесу барысында Елбасы мен Президентіміздің қолдауының арқасында елімізде ерекше білім алуға қажеттілігі бар балаларға барынша жағдай жасалынып жатқандығын айтып, қаламыздағы инклюзивті білім алуға жағдай жасаған мектептердің үлесін арттыру мақсатында 2018 жылы Қызылорда қаласы бойынша жалпы білім беретін 54 мектептің 14-де инклюзивті білім беруге жағдай жасалса, бүгінгі күні 32 қала мектебінде арнайы мамандар жұмыс жасайтындығын жеткізді.
Сөз соңында қала әкімі балғындардың дендеріне саулық тілеп, балаларға жаңа жыл мерекесіне арналған сыйлықтарды табыстады.
<img src="https://kyzylorda-news.kz/wp-content/uploads/2020/12/fb_img_1609235019278.jpg" alt="" />
<img src="https://kyzylorda-news.kz/wp-content/uploads/2020/12/fb_img_1609235070745.jpg" alt="" />
<img src="https://kyzylorda-news.kz/wp-content/uploads/2020/12/fb_img_1609235073900.jpg" alt="" />
<img src="https://kyzylorda-news.kz/wp-content/uploads/2020/12/fb_img_1609235076373.jpg" alt="" />
<img src="https://kyzylorda-news.kz/wp-content/uploads/2020/12/fb_img_1609235079093.jpg" alt="" />

Нұрлыбек Нәлібаев ерекше балаларды қабылдады

<a href="https://kyzylorda-news.kz/">Kyzylorda-news.kz.</a> Бүгін аймақ басшысы Гүлшара Әбдіқалықованың қатысуымен облыс орталығының сол жағалауындағы «Нұрлы жер» бағдарламасы аясында салынған 2 тұрғын үйдің кілтін табыстау және Шіркейлі каналы үстінен салынған көпірдің салтанатты ашылу рәсімі өтті.
Алдымен облыс әкімі Гүлшара Әбдіқалықова жаңа пәтер кілтін табыстап, тұрғындарға құттықтауын жеткізді.
<blockquote>
 “Баршаңызды келе жатқан Жаңа жыл мерекесімен шын жүректен құттықтаймын! Өздеріңіз білесіздер, әлемде орын алған пандемия тұрмыс-тіршілігімізге көптеген өзгерістер әкелді. Сындарлы сәтте аймағымызда құрылыс жұмыстары тоқтамай, қарқынды жүргізілді. Жыл басынан бері қаламызда 580 пәтерді құрайтын 15 тұрғын үй пайдалануға берілді. Бүгінгі пәтер иелерін қуаныштарымен шын жүректен құттықтаймын! Жаңа баспаналарыңыз татулық пен берекенің ордасы болып, қуаныш пен бақыт, құт пен ырыс салтанат құрсын!, – деді облыс әкімі.
</blockquote>
Шарада тұрғындар атынан № 140 мектептің мұғалімі Галина Омарова берілген мүмкіндік үшін аймақ басшысына алғысын жеткізіп, мемлекет және қоғам қайраткері Бекмырза Еламанов батасын берді.Жаңа 40 пәтерлі екі тұрғын үйдің құрылысы өткен жылы басталған. Жоба құны 961,4 млн. теңгені құрайды. Мердігер мекемелер – «Аман-Құрылыс» және «Сәт-Сервис» ЖШС.
Айта кетейік, биылғы жылы облыста барлық қаржыландыру көздерінен 1 946 пәтерді құрайтын 98 тұрғын үйдің құрылысы жүргізілуде. Қазіргі таңда Қызылорда қаласында 1 741 пәтерлік 38 көпқабатты тұрғын үйдің құрылысы жүргізіліп жатыр. Келер жылы Сырдария өзенінің сол жағалауында құрылысы жүргізіліп жатқан тағы 725 пәтерлік 15 көпқабатты тұрғын үйдің кілті табысталады деп жоспарлануда. 2021 жылы СПМК-70 тұрғын ауданы бойынша 13 көпқабатты тұрғын үйдің құрылысы аяқталып, пайдалануға берілмек. Одан кейін облыс әкімі Гүлшара Әбдіқалықова Шіркейлі каналының үстінен салынған көпірдің салтанатты ашылу рәсіміне қатысып, жаңа көпірдің ел игілігіне қызмет ететініне сенім білдірді.
<blockquote>
 “Бүгін, мереке қарсаңында Сырдария өзенінің сол жағалауын Шіркейлі арнасы арқылы халықаралық автодәлізбен қосатын автомобиль көпірі пайдалануға берілгелі отыр. Сәні мен салтанаты жарасқан Сол жағалаудағы бұл көпір облыс тұрғындарының алтын уақытын үнемдеп, барынша қуантатын маңызды нысан болатыны сөзсіз. Бүгінгі көпірді пайдалануға беру арқылы аймақтың әлеуметтік-экономикалық дамуын оң тенденция арттыратын боламыз”, – деді облыс әкімі Гүлшара Әбдіқалықова.
</blockquote>
Сондай-ақ, салтанатты шарада облыстың жол саласы бойынша ассоциациясының президенті, “Құрмет” орденінің иегері Өмірбек Шәменов ізгі ниетін жеткізді.
«Қызылорда қаласының Сырдария өзенінің сол жағалау бөлігінде «Шіркейлі» арнасы арқылы көпір салу» жобасының құны – 599 млн. теңге. Көпір ұзындығы – 81,8 метр, қозғалыс жолағының саны – 4 дана. Қозғалыс жолағының ені – 3,75 метр.
Көпір «Нұрлы Жол» мемлекеттік бағдарламасы аясында жүзеге асырылды. Құрылыс жұмыстарын бас мердігер «Сервис НС» жауапкершілігі шектеулі серіктестігі екі жыл ішінде аяқтап шықты. Сондай-ақ, құны 2,5 млрд. теңге, ұзындығы 5 километрді құрайтын сол жағалаудағы үлкен жол да мәресіне жеткен.
«Қызылорда қаласындағы Сырдария өзені арқылы салынған Ғ. Мұратбаев көшесіндегі автомобиль көпірінен республикалық маңызы бар М-32 «Самара-Шымкент» автомобиль жолына қосылатын жалпықалалық маңызы бар магистралды көше құрылысы» жобасының бас мердігері – «Қыран» ЖШС. Құрылыс ұзындығы – 4,934 км, қозғалыс жолағының саны – 4 дана. Тротуар ені – 3 метрді құрайды.
Сонымен қатар жиында ағымдағы жылы жүзеге асырылып бастаған «Қызылорда қаласы Сырдария өзенінің сол жағалауындағы бас көше жолының «Батыс Еуропа – Батыс Қытай» автотрассасымен жанасатын жерінде көлік айрығын салу» жобасы таныстырылды.
Жобаның құны 4 274,941 млн. теңгені құрайды. Бас мердігер “Bazis Construction” ЖШС. 2020 жылға республикалық бюджеттен 300 млн. теңге бөлінген. Құрылыс жұмыстары 2022 жылы аяқталады деп жоспарлануда. Жоба бойынша 2 дана эстакада қарастырылған. Бір эстакадада 12 тіреуден тұрады, әр тіреуде 10 темірбетонды свайдан орналасқан. Қозғалыс жолағының ені – 7 метр, тротуар ені – 1,5 метр болады деп күтілуде.
<img src="https://kyzylorda-news.kz/wp-content/uploads/2020/12/134447240_3006798102756572_232291701935116656_o.jpg" alt="" />
<img src="https://kyzylorda-news.kz/wp-content/uploads/2020/12/134222980_3006797812756601_7832717129937171093_o.jpg" alt="" />
<img src="https://kyzylorda-news.kz/wp-content/uploads/2020/12/134521595_3006798266089889_8630043170686190065_o.jpg" alt="" />

Қазақстан және Қызылорда облысының жаңалықтары

7 ірі инвестициялық жоба іске аспақ

Қазақстанда “Әлем ханымы – 2021” байқауы өтуі мүмкін

Шиелі ауданының әкімі оңалту орталығындағы балаларды құттықтады

Қазақстанда ЖОО-лардың рейтингі қалай жасалады?

Қызылордада 15 қобыз үйірмесі ашылды

Сырдария ауданында ауылшаруашылығы дами түспек

Ғани Мұратбаев ауылының тұрғындары көгілдір отынның игілігін көруде

Қызылордада 1602 ерекше жандар қажетті құралдарын әлеуметтік портал арқылы алды

Алмат Данкенов: «Halyk Bank» ғасырға жуық халық игілігіне жұмыс істеп келеді

Елдегі төрт түліктің паспорты электронды форматқа көшірілуі мүмкін

Нұрлыбек Нәлібаев ерекше балаларды қабылдады

Қызылорда: Сол жағалауда тұрғын үй мен жаңа көпір пайдалануға берілді

Қазақстан және Қызылорда облысының жаңалықтары

7 ірі инвестициялық жоба іске аспақ

Қазақстанда &#8220;Әлем ханымы &#8211; 2021&#8221; байқауы өтуі мүмкін

Шиелі ауданының әкімі оңалту орталығындағы балаларды құттықтады

Қазақстанда ЖОО-лардың рейтингі қалай жасалады?

Қызылордада 15 қобыз үйірмесі ашылды

Сырдария ауданында ауылшаруашылығы дами түспек

Ғани Мұратбаев ауылының тұрғындары көгілдір отынның игілігін көруде

Қызылордада 1602 ерекше жандар қажетті құралдарын әлеуметтік портал арқылы алды

Алмат Данкенов: «Halyk Bank» ғасырға жуық халық игілігіне жұмыс істеп келеді

Елдегі төрт түліктің паспорты электронды форматқа көшірілуі мүмкін

Нұрлыбек Нәлібаев ерекше балаларды қабылдады

Қызылорда: Сол жағалауда тұрғын үй мен жаңа көпір пайдалануға берілді

Қазақстанда “Әлем ханымы – 2021” байқауы өтуі мүмкін