«Конституция – біздің барша табыстарымыздың бастауы. Елдігіміздің киелі кітабына айналған қастерлі құжат – тұрақтылық пен татулықтың тұғыры».
Н.Ә. Назарбаев
Алғашқы қазақ хандығы құрылғанда ата-бабалар дәстүрімен қатар 1511 жылы 19-баптан тұратын негізгі заң қабылданған. Оны қазақ «Қасымханның қасқа жолы» деп атаған. Әлі де солай аталады. 1690 жылы Тәуке хан «Жеті жарғыны» қабылдады. Осы заңдарды қазақ даласындағы алғашқы Ата Заң десек қателеспейміз.
«Жеті жарғыны» жасауға данагөй билер белсене атсалысыпты. Аты аңызға айналған атақты Төле би қайтыс болар алдында үш жүздің игі жақсыларын жинап алып: «аттың құнын, ердің құнын, әйелдің құнын өз ақылымызша шешкен жөн» деп кеңес берген екен. «Малға салсаң бас­пайтын, ұрсаң шаппайтын жабы бар да, қусаң жететін, қашсаң құтқаратын желден жүйрік тұлпар бар, екі адамның басы қосылса өсек айтатын әйел бар да, бір елге ана, пана болатын әйел бар. Шешім айтқанда осылардың ара-жігін ашып, екшеп барып, құн кесулеріңді өтінем»,- деп аманаттапты артта қалып бара жатқан ел ағаларына.
Бүгінгі Коституциямыздың басқа Конституциялардан артықшылығы осы. Яғни, ең бірінші, мемлекет ретінде жеке адамға аса құрметпен қарайтындығында. «Оның ең қымбат қазынасы – адам және адамның өмірі, құқықтары мен бостандықтары» деп бірінші бапта жазылған. Үшінші бапта «Мемлекеттік биліктің бірден бір бастауы – халық» дейді.
Елдің көз алдында, 1991 жылы Қазақстан Республикасының мемлекеттік тәуелсіздігі туралы Заң қабылданды. Одан кейін, Қазақстан Республикасының жаңа Конституциясын Елбасымыз Н.Ә. Назарбаев ұсынып, оны Қазақстан халқы 1995 жылы 30 тамыздағы Республикалық референдумда бір ауыздан мақұлдады. Конститутция Президент лауазымына үлкен міндеттер мен зор жауапкершілік жүктеді. Ата Заңда атап көрсетілгендей, Қазақстан Республикасының Президенті – халықтар бірлігі мен ынтымақтастығы, азаматтар және адамдар құқығы мен бостандықтарының нақты кепілі.
Қазіргі Ата Заңымыздың басты ерекшелігі мына төрт ұстанымында жатыр дейді зиялы қауым. Ол төрт ұстаным: бірінші, қоғамдық келісім және саяси тұрақтылық, екінші, экономикалық даму, үшінші, қазақстандық патриотизм, төртінші, маңызды мәселерге референдум жасау және Парламентте дауыс беру арқылы шешу.
Конституция мемлекетіміздің тарихи дамуының негізгі ретінде ғана танылып қоймай, ол барлық заңдардың бастауы болып табылады.
Жаңа қабылдаңған Қазақстан Республикасының Ата Заңы біздің еліміздің дамуына жол ашып, жаңа тәуелсіз мемлекет буынының бекуіне себеп болды. Президент лауазымына үлкен міндеттер мен жауапкершілік жүктеді.
Біздің міндетіміз Қазақстан Тәуелсіздігінің тірегіне айналған Конституцияны қатаң ұстану. Басты талап – Ата Заңымыз, Конституцияны құрметтеп қорғау, оның маңыздылығын жоғалтпай сақтау республикамыздың әрбір азаматының міндеті мен парызы болуы тиіс. Ата Заңымыз жарқын болашаққа апаратын айқын жолымыз, арқа сүйер асқар тауымыз, ардағымыз, айбарымыз.
Б.ДАНИЛОВ
Қызылорда облысы төтенше жағдайлар департаменті бастығы
Азаматтық қорғау полковнигі
<img src="https://kyzylorda-news.kz/wp-content/uploads/2020/08/img_2604-26-08-20-10-22-scaled.jpg" alt="" />

Тәуелсіздіктің тірегі &#8211; Ата заң!

<a href="https://kyzylorda-news.kz/">Kyzylorda-news.kz</a>. Қызылорда қаласындағы Достық үйінде «Славяне қоғамдық-мәдени орталығы» қоғамдық бірлестігінің ұйымдастыруымен «Достық үшін» қорытынды шарасы өтті. Шараға облыстық Қазақстан халқы ассамблеясы хатшылығының меңгерушісі Жағыпар Тажмаханов, «Қоғамдық келісім» КММ директорының міндетін атқарушы Азамат Мукеев, облыстағы этномәдени бірлестіктің белсенділері, ардагерлер, жастар және БАҚ өкілдері қатысты.
Татулық пен бірлікті нығайту мақсатында өткізілген шараны бірлестіктің жетекшісі Галина Щербакова ашты.
<blockquote>
 «Бес ай көлемінде барлығымыз карантин режиміне көштік. Концерттер, кездесулер, қарым-қатынас, қойылымдар тоқтатылды. Бірақ бұл үйде, туған-туыспен, жақындардың ортасында жоспарланбаған демалысты өткізуге мүмкіндік берді. Осы уақыт аралығында біз бір-бірімізге жақын болдық және достықтың не екенін түсіндік. Бұл барлығымыз үшін оңай уақыт болған жоқ. &nbsp;Дегенмен де ынтымақтасып, қиындықтарды жеңіп шықтық»,- деді Галина Щербакова.
</blockquote>
Пандемия кезеңінде бірлестіктің мүшелері онлайн режимге көшіп, барлық шараларға, мереке, байқауларға қатысып, өз белсенділіктерін танытты.
Осы орайда облыстық Қазақстан халқы ассамблеясы хатшылығының меңгерушісі Жағыпар Тажмаханов бірлестікке достық пен татулықты берік ету жолында атқарған жұмысы үшін алғысын білдірді.
<blockquote>
 &nbsp;«Славяне» қоғамдық-мәдени орталығы» облыстың белсенді этномәдени бірлестігі болып табылатыны баршаға белгілі. Орталық 23 жылдан астам уақыт жұмыс істеп келеді және осы жылдар ішінде достықты, бірлік пен келісімді сақтауға және нығайтуға бағытталған ауқымды іс-шаралармен өзін көрсете білді.
 Осы сәтті пайдалана отырып, мен Финансова Галина Максимовнаны &nbsp;60 жас мерейтойымен құттықтағым келеді, оған мықты денсаулық және отбасылық амандық тілеймін, – дей келе «Славяне» орталығына карантин кезіндегі белсенді қоғамдық жұмысы үшін алғыс хат табыстады.
</blockquote>
Шара аясында Алматыдағы Ресей бас консулдығы тарапынан екі елдің арасындағы достық қарым-қатынастарын нығайтуға, ынтымақтастықты сақтау жолында белсенділік танытқан орталық мүшелеріне грамоталар мен сыйлықтар табысталды.
<img src="https://kyzylorda-news.kz/wp-content/uploads/2020/08/mw6a6389-scaled.jpg" alt="" />
<img src="https://kyzylorda-news.kz/wp-content/uploads/2020/08/mw6a6442-scaled.jpg" alt="" />
<img src="blob:https://kyzylorda-news.kz/8b2e4621-f3a4-4725-8e65-336319c32cc0" alt="" />

Қызылордада этномәдени бірлестіктің белсенділері бас қосты

<a href="https://kyzylorda-news.kz/">Kyzylorda-news.kz.</a> Бала тәрбиелеу кезінде перзентін таяқтап алатын ата-ана баршылық. ЮНИСЕФ дерегінше, Қазақстанда ересектердің 75 пайызы “балаға қол көтеруге болады” деп санайды. Маман ата-ананың перзентін ұруына “үлкендердің өз ішіндегі мәселе мен баланы жеткілікті білмеуі себеп” дейді. Бұл туралы <a href="https://www.azattyq.org/a/beating-children/30793815.html?fbclid=IwAR1GhOXWKkmoY51_eJGDQI4TmMlunQKiAhbGGi75JcH6p2pWi50Zw9XP3F0">Азаттық радиосы</a> жазды.
Шымкентте туып-өскен 22 жастағы Іңкәр (аты-жөні өтініші бойынша өзгертілді — ред.) — бес балалы үйдің тұңғышы. Қазір Алматыдағы жоғары оқу орындарының бірін бітіргелі жатыр. Іңкәр өзімен қатар сіңлісі екеуі шешесінен таяқ жеп өскенін айтады.
<blockquote>
 — Бар күшімен жұлқылап, дуалдан-дуалға итеріп жіберетін. Басымыздан емес, жұмсақ жерімізден, иығымыздан ұрды. Өзін-өзі ұстай алмай, қатты ашуланып тұрғаны көрініп тұратын. Ұрып жатқанда өзіммен-өзім іштей сөйлеп, анама сөз қайтарып тұрушы едім. Таяқ жеп жатқанда “папа ма, әйтеуір біреу келіп қалса ғой, телефон соғып қалса екен” деген үміт болатын үнемі, — дейді ол.
</blockquote>
Анасы ашуланса неге тоқпақтай жөнелетінін Іңкәр кішкентай кезінде ұқпаған. Өскен сайын шешесі ұруын сиреткен. Ал кейін туған үш балаға анасы мүлдем қол көтермейді. Қазір Іңкәр анасынан сол кезде не үшін таяқ жегенін біледі.
<blockquote>
 — Үлкен қыз болғалы “Неге бізді сол кезде ұрып, ұрысты екен?” деген сұрақтар келе берді. Сосын ақырындап барлық сұрағыма жауап таба бастадым. Марқұм әжем, яғни анамның енесі өте қатал кісі болған деп естідім. Кішкентайымда есімде, әжем немерелерін бөліп-жарып отыратын. Үлкен ұлының балаларын ғана жақсы көріп, махаббатпен қараушы еді. Келіндеріне күн бермеген деп айтады. Оның үстіне әкем сол кезде ішіп жүретін еді. Анам сол кезде бар ашуын тек бізден ала алған екен ғой деп ойладым. Себебі ұрып, ұрсып болған соң бізді құшақтап өзі де жылайтын, — дейді ол.
</blockquote>
Іңкәр шешесімен бұл туралы ашық сөйлеспеген. Бірақ анасының сол кезде “ұрғанына өкінетінін” кездейсоқ аңдап қалған.
<blockquote>
 — Бір күні сіңлілерім мен бауырымның бұзықтығы жайлы сөйлесіп отырғанда “сендер қазір мүлде таяқ жемейсіңдер ғой, біз кезінде қалай таяқ жедік, білесіңдер ме?” дегенде анам “мен сол кезде ұрғым келіп ұрды дейсіңдер ма?” деп қалды, — дейді ол.
</blockquote>
Іңкәр анасына ренжімейді. Сол кезде де, қазір де анасының махаббатын сезінетінін айтады. — Балабақшада, мектепте болсын ең әдемі киімдерді кигізіп, үйде ерекше тағамдар әзірлеп береді. Қанша ұрып-соқса да, қатарымыздың алды қылып жүретін, — дейді Іңкәр.
Іңкәр айтқан “анасының басқаға ашуын баласынан алуын” маман баланы ұрудың бір себебі санайды. “Бақытты отбасы” отбасылық кеңес орталығының жетекшісі, “Баланы жазасыз тәрбиеле” кітабының авторы Елжас Ертайұлының сөзінше, әке-шешенің балаларды ұруының, жазалауының басты себебі — ата-ананың әлсіздігі.
<blockquote>
 — Ата-ананың өзінің жан дүниесінде тыныштық болмағанда не өз проблемалары басынан асып, солардың шешімін таба алмай жүрген кезде көп жағдайда ашуын баласынан алып жатады. Өйткені ең әлсіз бала ғой. Ешқандай қарсылық көрсете алмайды. Ешқандай жауап бере алмайды. Отбасында күйеуі мен әйелдің, әйелі мен енесінің қарым-қатынасында проблема туса, мұның бәрі ішке жинала береді. Оның зардабын үйдегі балалар шегеді. Негативті ішіне жинап алған ата-ана жарылуға дайын тұрады. Бала қандай да бір әрекет жасаған кезде бірден баладан ашуын алып жатады, — дейді ол. 
 Ертайұлы екінші себеп ретінде ата-ананың білімсіздігін көрсетеді.
 — Бұл жерде ата-ананың оқымағандығы, сауатсыздығы емес, бала тәрбиесі бойынша білімінің жеткілікті болмауы туралы айтып отырмын. Әке-шешенің бала жанын түсінбеуі, өз баласын жеткілікті танымауы, оның ерекшелігі мен бейімін білмеген соң ол баладан не күту керегін білмеуі көп жағдайда жазалауға әкеліп жатады. Баласынан қолынан келмейтін істі күтеді. Бала оны орындай алмаған кезде ата-ана ашуға бейім тұрады, — дейді маман.
</blockquote>
Сарапшы сөзінше, кейбір әке-шеше бала тәрбиесінде көп мәселені тез шешуге тырысады. “Бұл — перзентіне қол көтерудің үшінші себебі” дейді ол.
<blockquote>
 — Балаға білмегенін айтып, отырып сөйлесуге ұзақ уақыт кетіруден гөрі айқайлай салу, ұра салуды өте оңай көреді. Бұл жерде ата-аналардың қателегі— [мәселені] шештім деп ойлауы. Ол тек уақытша шешім. Таяқ әсері не айқай әсері кеткенге дейін. Бала айтқанын істеп, тыңдауы мүмкін, бірақ кейін бала өз білгеніне салады, — дейді маман.
</blockquote>
Бес жылдан бері бала тәрбиесі бойынша тренингтер өткізіп, ата-аналарға кеңес беріп жүрген ол ата-аналарға ұрып-соғуды, жазалап тәрбиелеуден тыйылуды насихаттайды.
<blockquote>
 — Жазаның бәрін негатив әдіс деп айтсақ болады. Яғни баланы ұру, ұрысу, жазалау, кінәлау, салыстыру деген сияқты бала сезімін жаралайтын әрекеттің бәрін “жаза” деп қарастырамын. Қазір көптеген ата-ана жазамен бала тәрбиелеуді қалыпты деп есептейді. Тіпті мұны бір қажеттілік ретінде қарастырады. Бұл мұның біздің қоғам үшін қаншалықты өзекті мәселе екенін көрсетеді, — дейді ол. 2016 жылы бала құқығын қорғау жөніндегі ЮНИСЕФ ұйымы мен Қазақстанның адам құқығы жөніндегі уәкілі жүргізген сауалнама қорытындысы бойынша, қазақстандықтардың 75 пайызы баланы тәрбиелеуде күш қолдануды дұрыс деп санайды.
</blockquote>
Қазақстанда “Бала құқығы туралы” заңның 10-баптың 2-тармағы бойынша, баланың жеке басына әлдекімнің тиiсуінен, тәнi мен жанын жәбiрлеуден, адамдық қадiр-қасиетiн қатыгездiкпен, дөрекiлiкпен қорлаудан, кемсiтуден мемлекет қорғайды.
Бірақ Азаттық сұрағына жауап берген ЮНИСЕФ өкілі Айсұлу Бекмұса “Қазақстан заңнамаларында ата-анаға баласын ұруға тыйым салатын нақты бап жоғын” айтты.
Елде ата-аналарға балаларына қол көтеруге заң жүзінде тыйым салу ұсынысы бірнеше жылдан бері айтылып келеді. Мысалы, 2016 жылы бала құқығы жөніндегі уәкіл болған, қазір мәжіліс депутаты Зағипа Балиева заңға “зорлық” түсінігін енгізіп, оған моральдық, “жұмсақ жерінен ұру” сияқты физикалық, психологиялық күш көрсету түрлерін жатқызуды ұсынған. Балиева 2018 жылы да осыған ұқсас бастама көтерді.
Бірақ заң әлі қабылданған жоқ.
Бұрынғы уәкіл Азаттыққа “заң жобасы әлі парламентте талқыланып жатқанын” айтты. Депутат “[баланы ұруды дұрыс санайтын] қоғам менталитетін өзгерту керек” дейді.
ЮНИСЕФ Қазақстанның баланы қорғау жөніндегі заңнамасын халықаралық стандарттарға толығымен әлі де сай келмейтіндігін айтады. Ұйым Азаттыққа берген жауабында “Қазақстан заңдары балаларды ұрып жазалаудан жеткілікті деңгейде қорғамайды” деп жазады.
<blockquote>
 “Әлемде жағдай өзгеріп жатыр. Қазір елу елде заң жүзінде балаға қол көтеруге тыйым салынды. Тағы елу ел мұндай заң қабылдау туралы міндеттеме алды. Баланы ұруға заң жүзінде тыйым салу арқылы мемлекет кішкентайларға зорлық көрсету дұрыс емесін ұқтырады. Дегенмен бұл бағытта жұмыс біртіндеп басталып жатыр. Қазақстан үкіметінің 2020 жылғы 30 наурыздағы № 156 жарлығына сай, бала құқығын қорғауды күшейту, тұрмыстық зорлық-зомбылыққа қарсы тұру мен жасөспірімдер арасындағы суицид мәселелерін шешу туралы 2020-2023 жылға арналған “Жол картасы” қабылданды. Мақсаты – отбасында, патронаттық отбасыларда, білім беру ұйымдары мен баланың құқығын қорғау қызметін жүзеге асыратын ұйымдарда балаға қол көтеруге тыйым салудың халықаралық тәжірибесін зерттеу болып отыр” дейді ұйым.
</blockquote>
Қазақстандағы бала құқығы жөніндегі уәкіл Аружан Саин Азаттыққа “Қазақстанда заңнамасында балаға зорлық көрсетудің ешбір түріне жол берілмейді. Әңгіме ол заңның қалай сақталатынында” деп қысқа қайырды.
Ұйым “балаға зорлық көрсету қоғамда “қалыпты құбылыс” саналғанымен, оның балаға зияны бар, бала өмір бойы зорлық салдарын тартып өтуі мүмкін” дейді. ЮНИСЕФ-тің жазуынша, баладан зорлық әсері анық көрініп тұрмағанымен, ұйқысы бұзылып, мазасы кетіп, әлеуметтік белсендігі бәсеңдеуі мүмкін. “Зерттеулер қорытындысына қарасақ, зорлық көрген балалардың денсаулығы нашарлайды. Олар қатерлі ісік, диабет, жүрек-қан тамыр ауруларына ұшырап, тыйым салынған заттарды тұтынуға әуес болып, депрессияға түсуі мүмкін” дейді ұйым.
Елжас Ертайұлы ата-аналар баласын ұрып жазалағанда “өзін ақтап алуға бейіл” дейді.
<blockquote>
 — “Енесі тепкен құлынның еті ауырмас”, “Ауырмайтын жерінен ұрдым” деп жатады. Бұл — күлкілі сылтау. Мысалы, күйеуі әйелін ұрған соң жұбайына барып “не болды сонша жылап, ауырмайтын жеріңнен ұрдым ғой” десе, бұл әйел кісінің жанына тыныштық сыйлай ала ма? Мәселе бала денесінің ауыруы емес, сезімнің жаралануы, — дейді ол.
</blockquote>
Психолог Сая Бақимова да баланы “жай не қатты ұру” деп бөлмейтінін айтады. Ол кішкентай баланы жазалаудың дұрыс емесін былай түсіндіреді:
<blockquote>
 — Бала физиология тұрғысынан жеті жасқа дейін іс-әрекетінің біраз бөлігін алдын-ала жоспарламайды. Бұл — кейбір ата-ананың “ол әдейі істейді, әдейі маған қырсығып тентектік жасады” дейтініне жауабым. Ата-анаға қасақана тентектік жасау үшін мидың белгілі бір даму деңгейі керек — бала шынымен не істеу керегін білуі керек, сосын мақсатты түрде оған қарама-қарсы нәрсені таңдауы керек, сіздің реакцияңызды алдын-ала болжай алуы керек. Қаншама операция! Бала миының ондайға әлі келмейді. Енді жауап беріп көрейік, бала әлі өз іс-әрекетін өзі басқара алмайтын болса, оны сол үшін жазалағанымыз дұрыс па? Қателік үшін ұрсақ, ересек адамды да ұрайық. Үлкендердің қателігінің зардабы баланың ісіне қарағанда анағұрлым ауқымды ғой?
</blockquote>
Бақимова кішкентайында құқай көру бала өміріне салдары қалай боларын “психология нақты ғылым болмағандықтан кесіп айту қате” дейді. Бірақ, оның сөзінше, ата-анаға деген екіұдай қатынас — “олар мені жақсы көреді, бірақ ұрады, мен де оларды жақсы көремін, бірақ қорқамын” деген — жұмыста, серігімен қарым-қатынаста білінуі мүмкін.
<blockquote>
 — Жалпы айтқанда, мұндай адам жақсы көргенін ашық білдіре алмайды, қарым-қатынаста бәрі тыныш, бірқалыпты болса, бірдеңе жетпей тұрғандай көрінеді. Бейсаналы түрде мінезі жайлы, мейірімді адамды емес, шыдамсыз, тез ашуға булығатын, агрессив адамды таңдауы мүмкін. Себебі оған өзінің мінезіне тек сондай адам ғана сай келетін сияқты болып көрінеді. Жалпы бала кездегі қорқыныштың ең жиі кездесетін белгісі — кіші дәретін ұстай алмауы, кекештену, салмақ жоғалту, — дейді ол.
</blockquote>
Психолог өзіне жүгінетін адамдардан балаға қол көтеру салдарын былай байқаған:
<blockquote>
 — Әкесі әлі күнге дейін ұратын жасөспірім бала кабинетке келгенде сөйлемей, алғашқы сессияларда тек жылайтын. Кейін бірте-бірте сезімін сөзге айналдыра алатын жағдайға жетті. Жасы 25-30 жас аралығындағы адамдар әлі де “сол кезде шашымнан тартты, неше түрлі сөз айтты, сыныптастарымның алдында ұятқа қалдырды, шкафқа итеріп жіберді” деп жылайды. Сондықтан қазір тек төрт жасар баланың “еркелігін” басып жатқан жоқсыз, оның болашақ өмірінің іргетасын қалап жатырмын деп елестету керек.
</blockquote>

Баланы &#8220;таяқпен тәрбилеуге&#8221; не себеп? Зардабы қандай?

<a href="https://kyzylorda-news.kz/">Kyzylorda-news.kz.</a> Оқушылар арасында COVID-19 жұқтырғандар саны артқан жағдайда оқу орындары карантинге жабылады. Бұл туралы Қазақстанның денсаулық сақтау вице-министрі Ажар Ғиният мәлімдеді.
Жаңа оқу жылының басынан бастап Қазақстанда оқушылар мен студенттер қашықтан оқитын болады. Алайда бастауыш сыныптар мен шалғай ауылдардағы оқушылар мектепке бара алады.&nbsp; 
Егер оқушылар мен мұғалімдер арасында коронавируспен ауыратын науқастар анықталса, мектептер қайтадан карантинге жабылуы мүмкін.
<blockquote>
 “Мектептерде барлық санитарлық талаптар сақталады, балалардың жағдайы қадағаланады. Егер баланың дене қызуы болып немесе ауырып тұратын болса, ЖРВИ белгілері байқалса, онда мұндай балалар мектепте келуден босатылады. Біз ауру көрсеткішін және науқастардың медициналық ұйымдарға жүгінуін қадағалап отырмыз. Сырқаттанушылық өсуі кезінде бұл оқу ұйымдары карантинге жабылады”, – деді денсаулық сақтау вице-министрі.
</blockquote>
Ажар Ғиният мектептерді карантинге жабу туралы шешімді санитар дәрігерлердің қабылдайтынын айтты.
Бұған дейін денсаулық сақтау министрлігі коронавирус инфекциясынан 9 963 адамның емделіп жатқанын, оның ішінде 49 бала бар екенін айтты. Жағдайлардың 80%-інде балаларда коронавирус жеңіл өтеді. Алайда мультижүйелік қабыну синдромы немесе Кавасакиге ұқсас синдром түрінде кездесетін асқынулар да бар. Қазір республикада 16 балаға осындай диагноз қойылды.&nbsp;
Бастауыш сынып оқушылары үшін мектептерде кезекші сыныптар ашылады. Ол жерде оқушылар саны 15 адамнан аспайды. Сабақ “бір сынып – бір мұғалім” қағидаты бойынша жүргізіледі. Оқушылар медициналық маска тағып, арақашықтықты сақтайды.
<a href="https://sputniknews.kz/society/20200825/14796458/ministrlik-mektep-karantin.html">Sputniknews</a>

Министрлік мектептер қандай жағдайда карантинге жабылатынын айтты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 585 адам коронавирус індетінен жазылып шықты, деп хабарлайды coronavirus2020.kz.
_Аймақтар бойынша: 
_Нұр-Сұлтан қаласы – 80 
Алматы қаласы – 54 
Шымкент қаласы – 40 
Ақтөбе облысы – 10 
Атырау облысы – 25 
Шығыс Қазақстан облысы – 90 
Батыс Қазақстан облысы – 57 
Қарағанды облысы – 74 
Қостанай облысы – 21 
Қызылорда облысы – 37 
Павлодар облысы – 39 
Солтүстік Қазақстан облысы – 57 
Түркістан облысы – 1 
Қазақстан бойынша жазылғандар саны – 93990.

Қызылордада өткен тәулікте  37 адам COVID-19 індетінен жазылып шықты

<a href="https://kyzylorda-news.kz/">Kyzylorda-news.kz.</a> Қазгидромет 26 тамызға арналған ауа райы болжамын жариялады.
Қазақстан аумағының басым бөлігінде құбылмалы ауа райы сақталады, атмосфералық ауа ағындардың өтуіне байланысты жаңбырмен бірге найзағай күтіледі.
Күндіз Қызылорда облысының кей жерлерінде жел 15-20 м/с күшейеді. Төтенше өрт қаупі сақталады.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін «Nur Otan» партиясы Қызылорда облыстық филиалы төрағасының орынбасары Алтынбек Жарылқасынов үкіметтік емес ұйым мүшелерімен кездесіп, «Nur Otan» партиясының ішкіпартиялық іріктеуі аясында атқарылып жатқан жұмыстармен таныстырды.
Бүгінде Елбасы, партия Лидері Нұрсұлтан Назарбаевтың бастамасымен қолға алынған «Nur Otan»-ның партияішілік сайлауына қатысуға бүкіл ел бойынша үміткерлерді ұсыну мен тіркеу жүріп жатыр.
17 тамыз күні басталған бұл жұмыстар аясында облыс бойынша 399 үміткер ұсынылып, олардың 351 кандидат ретінде тіркелген. Әйел азаматтар мен жастардың белсенділігі өте жоғары. Мәселен, 399 үміткердің 133-і әйел азаматтар. Арасында көп балалы аналар да бар. 35 жасқа дейінгі жастардың үлесі 24 пайызды құрайды. Бастауыш партия ұйымдарынан 132 азамат ұсынылса, қалған 267 үміткер өз-өзін ұсынушылар.
Кездесу барысында филиал төрағасының орынбасары Алтынбек Жарылқасынов коронавирус пандемиясына орай праймериз жұмыстары барысыда қауіпсіздік шаралы қатаң ескеріліп отырғандығын айтты.
<blockquote>
 “Бәріміз үшін ең алдымен азаматтарымыздың денсаулығы мен амандығы маңызды. Қазіргі эпидемиологиялық ахуал белгілі бір шектеулер тудырып, праймериз өткізу үшін тиісті жағдай жасауды талап етуде. Осыған орай Партия Төрағасының тапсырмасы бойынша веб-портал мен мобильді қосымшадан тұратын «Праймериз» ақпараттық жүйесі әзірленді.Бұл жүйе партияішілік іріктеудің барлық кезеңін өткізуге мүмкіндік береді, оның ішінде тіркеуді, үгітті және дауыс беруді онлайн режимде өткізуге болады. Жүйе қолдануға жеңіл, сайлаушының «таңдау құпиясын», сондай-ақ сырттан араласудан қорғауды қамтамасыз етеді. Сондықтан іс-шаралардың басым бөлігін біз осы мүмкіндіктерді пайдалана отырып өткізуге тырысудамыз. Сонымен қатар бүгін партияның Орталық аппараты бас мемлекеттік санитарлық дәрігер Айжан Есмағамбетовамен бірлесіп Праймериз өткізу кезінде арнайы санитарлық-эпидемиологиялық талаптар енгізу туралы қаулы қабылдады.Мұнда партияішілік іріктеуге қатысушылар маскаларды, қолғаптарды, залалсыздандыру құралдарын пайдалануға, кемінде 2 метр ара-қашықтықты сақтауға, қол алысып амандаспауға және басқа да сақтық шараларын ұстану қажеттігі айтылған”, – деді А. Жарылқасынов.
</blockquote>
Басқосуда үкіметтік емес ұйым мүшелері праймериз ережелеріне қатысты өздерінің ұсыныс-пікірлерімен бөлісіп, көкейтесті сауалдарына жауап алды.
Жиын соңында Алтынбек Жарылқасынов азаматтық сектордың белсенді өкілдерін партия қатарына қосылып, ашық бәскеде бақ сынауға шақырды.
Праймериз ережелеріне қатысты primaries.kz және nurotan.kz сайттарынан толығырақ таныса аласыз.
<img src="https://kyzylorda-news.kz/wp-content/uploads/2020/08/whatsapp-image-2020-08-25-at-03.30.14.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-25-at-03.30.14-1.jpeg" alt="" />
<img src="https://kyzylorda-news.kz/wp-content/uploads/2020/08/whatsapp-image-2020-08-25-at-03.30.14-2.jpeg" alt="" />

«Nur Otan»: Алтынбек Жарылқасынов өңірдегі  үкіметтік емес ұйым мүшелерімен кездесті

<a href="https://kyzylorda-news.kz/">Kyzylorda-news.kz.</a> Қазақстанның 8 облысында ауа райына байланысты ескерту жарияланды, деп хабарлайды Қазгидромет.
Синоптиктердің хабарлауынша, 26 тамыз күні таңертең және күндіз Қызылорда облысының кей жерлерінде найзағай күтіледі. Желдің екпіні 15-20 м/с күшейеді.
Сонымен қатар, Солтүстік Қазақстан, Қостанай, Ақмола, Қарағанды, Алматы, Жамбыл және Түркістан облыстарында да ауа райы күрт бұзылып, дауыл тұрады, найзағай ойнайды. Кей аймақтарда тұман түседі.

Қызылордада ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz</a>. 22 тамыздан бастап күрішке орақ салу жұмыстары басталды. Бұл туралы Өңірлік коммуникациялар қызметінің ақпарат алаңында өткен брифингте облыстық ауыл шаруашылығы басқармасының басшысы Сейілбек Нұрымбетов мәлімдеді.
<blockquote>
 “Биылғы жиын-терім науқаны мерзімінен кешікпей басталды. Бүгінде 165 гектар күрішке орақ салынып, оның 35 гектары бастырылды. Әзірге егіннен әр гектарынан шамамен 40,0 центнерден өнім алынуда. Сондай-ақ, егін жинау жұмыстары 15 қазанға дейін жалғасады. Басты міндет орылған дәнді қамбаға жинап, игілікке жарату”, – деді сала басшысы.
</blockquote>

Сейілбек Нұрымбетов: Егін жинау жұмыстары 15 қазанға дейін жалғасады

<a href="https://kyzylorda-news.kz/">Kyzylorda-news.kz</a>. Қызылорда облысында қоғамдық ұйымдардың саны жыл сайын артуда.
Осыдан 10 жыл бұрын олардың саны 150 ғана болса, қазір 1000-ға жуықтады. Яғни 443-і қоғамдық бірлестік, 294-і қор, 259-ы филиал. Бұл туралы Өңірлік коммуникациялар қызметінің ақпарат алаңында өткен брифингте Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің жетекшісі Анар Ізден мәлімдеді.
<blockquote>
 “Үкіметтік емес ұйымдардың жобаларына 2009 жылы облыстық, қалалық және аудандық бюджет есебінен 45 миллион бөлінсе, бүгінде бұл бірнеше есеге өскен.Аталаған көрсеткіш тиісінше үкіметтік емес ұйымдардың әлеуетінің артқанын көрсетеді. Бұл қаржыға үкіметтік емес ұйымдар арқылы денсаулық сақтау, білім беру, мәдениет, спорт пен кәсіпкерлік салаларын дамытуа бағытталған, жастар саясатын жетілдіруге арналған жүздеген жобалар жүзеге асуда», – деді Анар Ізден.
</blockquote>

Қызылордада қоғамдық ұйымдардың саны артып келеді

<a href="https://kyzylorda-news.kz/">Kyzylorda-news.kz.</a> Қызылорда облысында «Жолда қабылдау» акциясы өтеді.
Акция 26-27 тамыз күндері сағат 09:00-ден 19:00-ге дейін жалғасады. Құқық саласына қатысты сауалдарыңыз болса, облыстық Cаll орталығына қоңырау шалыңыз. Телефон нөмірі 8 (724) 2 29-77-44.
Акция төмендегі мекен жайларда өтеді.
Қызылорда қаласы:
1. Мамандандырылған халыққа қызмет көрсету орталығының жанында: Қызылорда қаласы, Жаңадария көшесі, №91 үй.
2. BEST ABTO автожөндеу орталығының жанында: Қызылорда қаласы, Сұлтан Бейбарыс көшесі, № 9а үй.
Арал ауданы:
1. Халыққа қызмет көрсету орталығының жанында: Арал қаласы, К.Ерімбетов көшесі, №67 үй.
Қазалы ауданы:
1. Халыққа қызмет көрсету орталығының жанында: Әйтеке би кенті, Жанқожа батыр көшесі, №126А үй.
Қармақшы ауданы:
1. Халыққа қызмет көрсету орталығының жанында: Жосалы кенті, Абай көшесі, №100 а үй.
Жалағаш ауданы:
1. Халыққа қызмет көрсету орталығының жанында: Жалағаш кенті, Желтоқсан көшесі, №1 үй.Сырдария ауданы:1. Халыққа қызмет көрсету орталығының жанында: Тереңөзек кенті, Амангелді көшесі, №76 үй.
Шиелі ауданы:
1. Халыққа қызмет көрсету орталығының жанында: Шиелі кенті, Кәрімбаев көшесі, №16А үй.
Жаңақорған ауданы:
1. Халыққа қызмет көрсету орталығының жанында: Жаңақорған кенті, Сығанақ көшесі, №2 үй.
Байқоңыр қаласы
1. Халыққа қызмет көрсету орталығының жанында: Байқоңыр қаласы, Максимов көшесі, №17А үй.

Қызылордада &#8220;Жолда қабылдау&#8221; акциясы өтеді

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы коронавируспен ауырып шыққан адамдар вирусты қайта жұқтыруы мүмкін екенін жоққа шығармады. Бірақ, ДДҰ-ның ресми өкілі Маргарет Харристің айтуынша, қазіргі таңда инфекцияны қайта жұқтыру деректері бірлі-жарым ғана, деп хабарлайды <a href="https://m.sputniknews.kz/world/20200825/14794414/Koronavirus-DSU.html">Sputnik Қазақстан</a>.
<blockquote>
 “Коронавирусқа тапсырған тест алғашында теріс, кейін оң нәтиже көрсетті деген хабарламалар арасында болып тұратын. Бүгінге дейін адамдар вирусты шынымен қайта жұқтырды ма, жоқ әлде бұл тестілеумен байланысты проблема ма, ол жағы түсініксіз еді. Бірақ, мұндай жағдайлар өте аз кездескенін атап өткен жөн. Және бұл 23 миллионның арасынан біреу ғана. Осыған ұқсас жағдайлар қайталануы мүмкін, бірақ олар тұрақты түрде болмайды”, – деді Харрис Гонконгтегі қайта жұқтыру оқиғасына түсініктеме беріп.
</blockquote>
Айтуынша, бұл жағдай иммунитеттің қалай қалыптасып, қанша уақытқа созылатынын және оған вакцина қалай әсер ететінін түсіну үшін өте маңызды.ДДҰ COVID-19-ға қарсы вакциналар иммунитетті күшейтеді деген үмітте.
Вирус екінші рет жұғып жатыр
Әлем елдерінде коронавирусты қайта жұқтыру деректері тіркелуде.
24 тамызда Гонконгте 33 жастағы ер адамның індетке екінші рет шалдыққаны хабарланды. IT маманы коронавирустан сәуір айында емделіп шыққан. Алайда тамыздың басында оның коронавирусқа тапсырған тесті тағы оң нәтиже көрсетті. Ол жуырда Испаниядан оралған.
Сондай-ақ, бүгін, 25 тамызда Тува басшысы Шолбан Кара-оол вирусты қайта жұқтырғанын мәлімдеді. Оны тексерілу үшін Мәскеуге жіберген.
Белгия мен Нидерландыда да осындай екі жағдай анықталып отыр.

Қазақстан және Қызылорда облысының жаңалықтары

Тәуелсіздіктің тірегі – Ата заң!

Қызылордада этномәдени бірлестіктің белсенділері бас қосты

Баланы “таяқпен тәрбилеуге” не себеп? Зардабы қандай?

Министрлік мектептер қандай жағдайда карантинге жабылатынын айтты

Қызылордада өткен тәулікте 37 адам COVID-19 індетінен жазылып шықты

Сәрсенбіге арналған ауа райы болжамы

«Nur Otan»: Алтынбек Жарылқасынов өңірдегі үкіметтік емес ұйым мүшелерімен кездесті

Қызылордада ауа райына байланысты ескерту жарияланды

Сейілбек Нұрымбетов: Егін жинау жұмыстары 15 қазанға дейін жалғасады

Қызылордада қоғамдық ұйымдардың саны артып келеді

Қызылордада “Жолда қабылдау” акциясы өтеді

Коронавирусты қайта жұқтырып жатыр: ДДҰ түсініктеме берді

Қазақстан және Қызылорда облысының жаңалықтары

Тәуелсіздіктің тірегі &#8211; Ата заң!

Қызылордада этномәдени бірлестіктің белсенділері бас қосты

Баланы &#8220;таяқпен тәрбилеуге&#8221; не себеп? Зардабы қандай?

Министрлік мектептер қандай жағдайда карантинге жабылатынын айтты

Қызылордада өткен тәулікте 37 адам COVID-19 індетінен жазылып шықты

Сәрсенбіге арналған ауа райы болжамы

«Nur Otan»: Алтынбек Жарылқасынов өңірдегі үкіметтік емес ұйым мүшелерімен кездесті

Қызылордада ауа райына байланысты ескерту жарияланды

Сейілбек Нұрымбетов: Егін жинау жұмыстары 15 қазанға дейін жалғасады

Қызылордада қоғамдық ұйымдардың саны артып келеді

Қызылордада &#8220;Жолда қабылдау&#8221; акциясы өтеді

Коронавирусты қайта жұқтырып жатыр: ДДҰ түсініктеме берді

Тәуелсіздіктің тірегі – Ата заң!

Баланы “таяқпен тәрбилеуге” не себеп? Зардабы қандай?

Қызылордада “Жолда қабылдау” акциясы өтеді